ꠔꠃꠞꠣꠔ ৪: ꠡꠥꠝꠣꠞꠤ 18:8 - Siloṭi Asmani Kitab (Nagri lipi)

⁸ ꠄꠞꠛꠣꠖꠦ ꠝꠣꠛꠥꠖꠦ ꠢꠣꠞꠥꠘꠞꠦ ꠇꠁꠟꠣ, “ꠀꠝꠣꠞ ꠘꠣꠝꠦ ꠎꠔ ꠟꠣꠈꠣꠘ ꠇꠥꠞꠛꠣꠘꠤ ꠖꠦꠅꠀ ꠅꠄ, ꠁꠔꠣꠞ ꠢꠇꠟ ꠎꠤꠝ꠆ꠝꠣꠖꠣꠞꠤ ꠀꠝꠤ ꠘꠤꠎꠦꠃ ꠔꠥꠝꠣꠞ ꠀꠔꠅ ꠡꠝꠎꠣꠁꠍꠤ। ꠔꠦ ꠀꠝꠣꠞ ꠘꠣꠝꠦ ꠛꠘꠤ ꠁꠍꠞꠣꠁꠟꠞ ꠇꠥꠞꠛꠣꠘꠤ ꠇꠞꠣ ꠢꠇꠟ ꠙꠣꠇ-ꠙꠛꠤꠔ꠆ꠞ ꠎꠤꠘꠤꠡ, ꠀꠝꠤ ꠔꠥꠝꠣꠞꠦ ꠀꠞ ꠔꠥꠝꠣꠞ ꠅꠀꠞꠤꠡꠞ ꠙꠣꠅꠘꠣ ꠛꠦꠔꠘ ꠢꠤꠡꠣꠛꠦ ꠌꠤꠞꠇꠣꠟꠞ ꠟꠣꠉꠤ ꠖꠤꠟꠣꠁꠟꠣꠝ।

ছিলটি আছমানি কিতাব (বাংলা লিপি)

⁸ এরবাদে মাবুদে হারুনরে কইলা, “আমার নামে যত লাখান কুরবানি দেওয়া অয়, ইতার হকল জিম্মাদারি আমি নিজেউ তুমার আতো সমজাইছি। তে আমার নামে বনি ইছরাইলর কুরবানি করা হকল পাক-পবিত্র জিনিস, আমি তুমারে আর তুমার ওয়ারিশর পাওনা বেতন হিসাবে চিরকালর লাগি দিলাইলাম।

Siloṭi Asmani Kitab (Latin lipi)

⁸ Erbade Mabude Harunre ḳoila, “Amar name zoto laḳan kurbani deoa oy, itar hoḳol zimmadari ami nize-u tumar ato shomzaisi. Te amar name Boni Israilor kurbani kora hoḳol fak-fobitro zinish, ami tumare ar tumar oarishor faona beton hishabe siroḳalor lagi dilailam.

ꠔꠃꠞꠣꠔ ৪: ꠡꠥꠝꠣꠞꠤ 18:8 Iomraidhean Croise

ꠔꠃꠞꠣꠔ ২: ꠢꠤꠎꠞꠔ 28:43

ꠢꠣꠞꠥꠘ ꠀꠞ ꠔꠣꠞ ꠙꠥꠀꠂꠘ ꠎꠦꠛꠟꠣ ꠝꠤꠟꠘ-ꠔꠣꠝ꠆ꠛꠥꠔ ꠢꠣꠝꠣꠁꠛꠣ, ꠛꠣ ꠇꠥꠞꠛꠣꠘꠤ ꠈꠣꠘꠣꠞ ꠉꠦꠍꠦ ꠙꠣꠇ ꠎꠣꠉꠣꠔ ꠢꠣꠝꠣꠁꠀ ꠁꠝꠣꠝꠔꠤꠞ ꠇꠣꠝꠅ ꠟꠣꠉꠛꠣ, ꠅꠃ ꠡꠝꠄ ꠔꠣꠞꠣ ꠅꠃ ꠎꠣꠋꠉꠤꠀ ꠚꠤꠘꠛꠣ। ꠔꠦꠃ ꠔꠣꠞꠣ ꠘꠤ-ꠅꠙꠞꠣꠗꠤ ꠞꠁꠛꠣ, ꠝꠞꠔꠣ ꠘꠣꠄ। ꠢꠣꠞꠥꠘ ꠀꠞ ꠔꠣꠞ ꠅꠀꠞꠤꠡꠞ ꠍꠤꠟꠍꠤꠟꠣꠞ ꠟꠣꠉꠤ ꠁ ꠀꠁꠘ ꠢꠞ-ꠢꠣꠝꠦꠡꠣ ꠌꠣꠟꠥ ꠞꠁꠛ।”

ꠔꠃꠞꠣꠔ ২: ꠢꠤꠎꠞꠔ 29:21

ꠛꠣꠖꠦ ꠈꠦꠟꠣꠚꠔꠤꠞ ꠔꠦꠟ ꠀꠞ ꠇꠥꠞꠛꠣꠘꠤ ꠈꠣꠘꠣ ꠕꠣꠇꠤ ꠕꠥꠠꠣ ꠟꠃ ꠟꠁꠀ, ꠢꠣꠞꠥꠘ ꠀꠞ ꠔꠣꠞ ꠙꠥꠀꠂꠘ꠆ꠔꠞ ꠉꠔꠞꠅ ꠀꠞ ꠟꠦꠛꠣꠍꠞ ꠃꠙꠞꠦ ꠍꠤꠐꠣꠁ ꠖꠤꠅ। ꠔꠦꠃ ꠟꠦꠛꠣꠍ ꠡꠥꠖ꠆ꠖꠣ ꠢꠣꠞꠥꠘ ꠀꠞ ꠔꠣꠞ ꠙꠥꠀꠂꠘ ꠙꠣꠇ-ꠍꠣꠚ ꠅꠁꠛꠣ।

ꠔꠃꠞꠣꠔ ২: ꠢꠤꠎꠞꠔ 29:28

ꠅꠃ ꠟꠣꠈꠣꠘ ꠛꠘꠤ ꠁꠍꠞꠣꠁꠟꠞ ꠖꠦꠅꠀ ꠅꠃ ꠇꠥꠞꠛꠣꠘꠤꠞ ꠐꠥꠇꠞꠣꠁꠘ ꠢꠞ-ꠢꠣꠝꠦꠡꠣ ꠢꠣꠞꠥꠘ ꠀꠞ ꠔꠣꠞ ꠙꠥꠀꠂꠘ꠆ꠔꠦ ꠙꠣꠁꠛꠣ। ꠁꠔꠣ ꠅꠁꠛ ꠝꠣꠛꠥꠖꠞ ꠘꠣꠝꠦ ꠛꠘꠤ ꠁꠍꠞꠣꠁꠟꠞ ꠖꠦꠅꠀ ꠍꠣꠟꠣꠝꠔꠤ ꠇꠥꠞꠛꠣꠘꠤꠞ ꠄꠇꠐꠣ ꠅꠋꠡ।

ꠔꠃꠞꠣꠔ ২: ꠢꠤꠎꠞꠔ 29:29

“ꠢꠣꠞꠥꠘꠞ ꠛꠦꠛꠢꠣꠞ ꠇꠞꠣ ꠙꠛꠤꠔ꠆ꠞ ꠟꠦꠛꠣꠍ ꠅꠇꠟ ꠔꠣꠞ ꠅꠀꠞꠤꠡ ꠅꠇꠟꠦ ꠙꠣꠁꠛꠣ। ꠅꠃ ꠟꠦꠛꠣꠍ ꠚꠤꠘ꠆ꠖꠤꠀ ꠔꠣꠞꠣ ꠈꠦꠟꠣꠚꠔꠤ ꠙꠣꠁꠛꠣ ꠀꠞ ꠁꠝꠣꠝꠔꠤꠞ ꠇꠣꠝꠅ ꠛꠅꠀꠁꠟ ꠅꠁꠛꠣ।

ꠔꠃꠞꠣꠔ ২: ꠢꠤꠎꠞꠔ 40:13

ꠘꠣꠅꠀꠘꠤꠞ ꠛꠣꠖꠦ ꠢꠣꠞꠥꠘꠞꠦ ꠙꠣꠇ-ꠙꠛꠤꠔ꠆ꠞ ꠟꠦꠛꠣꠍ ꠅꠇꠟ ꠚꠤꠘ꠆ꠖꠣꠁꠅ, ꠀꠞ ꠀꠝꠣꠞ ꠁꠝꠣꠝ ꠅꠀꠞ ꠟꠣꠉꠤ ꠔꠣꠞꠦ ꠙꠛꠤꠔ꠆ꠞ ꠔꠦꠟ ꠟꠣꠉꠣꠁꠀ ꠈꠦꠟꠣꠚꠔꠤ ꠖꠤꠀ ꠙꠛꠤꠔ꠆ꠞ ꠇꠞꠤꠅ।

ꠔꠃꠞꠣꠔ ২: ꠢꠤꠎꠞꠔ 40:15

ꠔꠣꠞꠣꠞ ꠛꠣꠚꠞꠦ ꠎꠦꠟꠣ ꠙꠛꠤꠔ꠆ꠞ ꠔꠦꠟꠖꠤ ꠁꠝꠣꠝꠔꠤ ꠇꠣꠝꠞ ꠈꠦꠟꠣꠚꠔꠤ ꠖꠤꠍ, ꠔꠣꠞꠣꠞꠦꠅ ꠅꠃꠟꠣ ꠈꠦꠟꠣꠚꠔꠤ ꠖꠤꠅ, ꠎꠣꠔꠦ ꠔꠣꠞꠣꠅ ꠀꠝꠣꠞ ꠁꠝꠣꠝꠔꠤ ꠇꠣꠝ ꠇꠞꠔꠣ ꠙꠣꠞꠂꠘ। ꠁ ꠈꠦꠟꠣꠚꠔꠤꠞ ꠝꠣꠎꠖꠤ ꠁꠝꠣꠝꠔꠤꠞ ꠎꠦ ꠘꠤꠅꠝ ꠌꠣꠟꠥ ꠅꠁꠛ, ꠁꠔꠣ ꠅꠀꠞꠤꠡꠞ ꠙꠞ ꠅꠀꠞꠤꠡ ꠗꠞꠤ ꠌꠣꠟꠥ ꠞꠁꠛ।”

ꠔꠃꠞꠣꠔ ৩: ꠟꠦꠛꠤꠀꠘ 21:10

“ꠀꠞ ꠁꠝꠣꠝ ꠙꠞꠤꠛꠣꠞꠞ ꠜꠣꠁꠀꠁꠘ꠆ꠔꠞ ꠝꠣꠎꠦ ꠢꠇꠟ ꠛꠠ ꠎꠦꠁꠘ, ꠄꠁꠘꠃ ꠔ ꠙꠞꠗꠣꠘ ꠁꠝꠣꠝ, ꠄꠘ ꠝꠣꠕꠣꠔ ꠈꠦꠟꠣꠚꠔꠤ ꠡꠝꠎꠤꠛꠣꠞ ꠔꠦꠟ ꠓꠣꠟꠣ ꠅꠁꠍꠦ, ꠈꠦꠟꠣꠚꠔꠤ ꠡꠝꠎꠤꠀ ꠔꠣꠁꠘ ꠙꠞꠗꠣꠘ ꠁꠝꠣꠝꠞ ꠙꠛꠤꠔ꠆ꠞ ꠟꠦꠛꠣꠍ ꠚꠤꠘ꠆ꠖꠤꠛꠣꠞ ꠖꠣꠄꠁꠔ꠆ꠔ ꠙꠣꠁꠍꠂꠘ। ꠄꠞꠟꠣꠉꠤ ꠇꠥꠘꠥ ꠝꠥꠞ꠆ꠖꠣꠞ ꠟꠣꠉꠤꠀ ꠇꠣꠘ꠆ꠖꠘ-ꠀꠢꠣꠎꠣꠞꠤꠞ ꠘꠤꠅꠔꠦ ꠔꠣꠘ ꠝꠣꠕꠣꠞ ꠙꠣꠃꠉꠠꠤ ꠈꠥꠟꠤꠀ ꠌꠥꠟ ꠀꠃꠟꠣ-ꠎꠣꠃꠟꠣ ꠇꠞꠣ, ꠛꠣ ꠔꠣꠘ ꠚꠤꠘ꠆ꠘꠞ ꠟꠦꠛꠣꠍ ꠍꠤꠠꠣꠅ ꠎꠣꠁꠎ ꠘꠣꠄ।

ꠔꠃꠞꠣꠔ ৩: ꠟꠦꠛꠤꠀꠘ 23:20

ꠁꠝꠣꠝ ꠍꠣꠛꠦ ꠖꠥꠟꠘꠣ ꠇꠥꠞꠛꠣꠘꠤ ꠢꠤꠡꠣꠛꠦ ꠝꠣꠛꠥꠖꠞ ꠍꠣꠝꠘꠦ ꠅꠃ ꠖꠥꠁꠅ ꠝꠦꠠꠣ-ꠛꠣꠁꠌ꠆ꠌꠣ ꠀꠞ ꠈꠦꠔꠞ ꠙꠄꠟꠣ ꠚꠡꠟꠖꠤ ꠛꠣꠘꠣꠁꠟ ꠞꠥꠐꠤ ꠘꠤꠀ ꠖꠥꠟꠣꠁꠛꠣ। ꠁꠔꠣ ꠔ ꠝꠣꠛꠥꠖꠞ ꠘꠣꠝꠞ ꠇꠥꠞꠛꠣꠘꠤꠞ ꠙꠣꠇ-ꠙꠛꠤꠔ꠆ꠞ ꠍꠣꠝꠣꠘꠣ, ꠁꠔꠣ ꠁꠝꠣꠝ ꠍꠣꠛꠞ ꠙꠣꠅꠘꠣ।

ꠔꠃꠞꠣꠔ ৩: ꠟꠦꠛꠤꠀꠘ 6:16

ꠍꠖꠉꠣꠞ ꠝꠣꠟꠞ ꠛꠣꠖ-ꠛꠣꠇꠤ ꠅꠋꠡ ꠁꠝꠣꠝ ꠢꠣꠞꠥꠘ ꠀꠞ ꠔꠣꠞ ꠙꠥꠀꠂꠘ꠆ꠔꠦ ꠈꠣꠁꠛꠣ। ꠔꠣꠞꠣ ꠁꠔꠣꠞ ꠝꠣꠎꠦ ꠇꠥꠘꠥ ꠈꠣꠝꠤꠞ ꠘꠣ ꠝꠤꠡꠣꠁꠀ ꠞꠥꠐꠤ ꠛꠣꠘꠣꠁꠛꠣ, ꠛꠣꠘꠣꠁꠀ ꠝꠤꠟꠘ-ꠔꠣꠝ꠆ꠛꠥꠞ ꠃꠑꠣꠘꠅ ꠇꠥꠘꠥ ꠙꠣꠇ ꠎꠣꠉꠣꠔ ꠛꠁꠀ ꠈꠣꠁꠛꠣ।

ꠔꠃꠞꠣꠔ ৩: ꠟꠦꠛꠤꠀꠘ 6:18

ꠈꠣꠟꠤ ꠁꠝꠣꠝ ꠢꠣꠞꠥꠘꠞ ꠛꠋꠡꠞ ꠢꠇꠟ ꠛꠦꠐꠣ ꠝꠣꠘꠡꠦ ꠁꠔꠣ ꠈꠣꠁꠔꠣ ꠙꠣꠞꠛꠣ, ꠝꠣꠛꠥꠖꠞ ꠘꠣꠝꠞ ꠎꠣꠟꠣꠁꠟ ꠇꠥꠞꠛꠣꠘꠤꠞ ꠅꠃ ꠅꠋꠡ ꠔ ꠅꠀꠞꠤꠡꠞ ꠙꠞ ꠅꠀꠞꠤꠡ ꠗꠞꠤ ꠔꠣꠞꠣꠃ ꠙꠣꠁꠛꠣ। ꠈꠥꠛ ꠈꠤꠀꠟ ꠞꠣꠈꠤꠅ, ꠎꠦꠍꠣꠔꠣꠄ ꠁꠔꠣꠞ ꠟꠉꠦ ꠟꠣꠉꠛ, ꠅꠔꠣꠅ ꠙꠣꠇ-ꠙꠛꠤꠔ꠆ꠞ ꠛꠘꠤꠎꠤꠛ, ꠝꠣꠘꠤ ꠁꠝꠣꠝ ꠅꠇꠟꠞ ꠛꠣꠁꠞꠣ ꠝꠣꠘꠡꠞ ꠟꠣꠉꠤ ꠢꠣꠞꠣꠝ।”

ꠔꠃꠞꠣꠔ ৩: ꠟꠦꠛꠤꠀꠘ 6:20

“ꠢꠣꠞꠥꠘꠦ ꠎꠦꠖꠤꠘ ꠁꠝꠣꠝꠔꠤꠞ ꠈꠦꠟꠣꠚꠔꠤ ꠡꠝꠎꠤꠀ ꠇꠣꠝꠅ ꠛꠅꠀꠁꠟ ꠅꠁꠛꠣ, ꠅꠃ ꠖꠤꠘ ꠢꠣꠞꠥꠘ ꠀꠞ ꠔꠣꠞ ꠙꠥꠀꠂꠘ꠆ꠔꠦ ꠗꠣꠘ-ꠉꠝꠞ ꠍꠖꠉꠣꠞ ꠘꠤꠅꠝ ꠝꠣꠚꠤꠇ ꠖꠥꠁ ꠡꠦꠞ ꠝꠄꠖꠣ ꠝꠣꠛꠥꠖꠞ ꠖꠞꠛꠣꠞꠅ ꠀꠘꠛꠣ। ꠁꠔꠣꠞ ꠅꠞ꠆ꠗꠦꠇ ꠛꠤꠀꠘꠦ ꠀꠞ ꠅꠞ꠆ꠗꠦꠇ ꠢꠣꠁꠘ꠆ꠎꠣ ꠛꠣꠟꠣ ꠖꠤꠛꠣ।

ꠔꠃꠞꠣꠔ ৩: ꠟꠦꠛꠤꠀꠘ 6:26

ꠎꠦ ꠁꠝꠣꠝꠦ ꠅꠃ ꠇꠥꠞꠛꠣꠘꠤ ꠀꠖꠣꠄ ꠇꠞꠛꠣ, ꠄꠁꠘ ꠅꠃ ꠉꠥꠡ꠆ꠔ ꠈꠣꠁꠛꠣ। ꠝꠤꠟꠘ-ꠔꠣꠝ꠆ꠛꠥꠞ ꠃꠑꠣꠘꠅ ꠙꠛꠤꠔ꠆ꠞ ꠎꠣꠉꠣꠔ ꠅꠃ ꠉꠥꠡ꠆ꠔ ꠈꠣꠁꠔꠦ ꠅꠁꠛ।

ꠔꠃꠞꠣꠔ ৩: ꠟꠦꠛꠤꠀꠘ 7:14

ꠝꠣꠛꠥꠖꠞ ꠘꠣꠝꠦ ꠖꠦꠅꠀꠞ ꠟꠣꠉꠤ ꠢꠦ ꠅꠃ ꠙꠞꠔꠦꠇ ꠎꠤꠘꠤꠡ ꠕꠣꠇꠤ ꠄꠇꠐꠣ ꠄꠇꠐꠣ ꠇꠞꠤ ꠀꠘꠛ। ꠎꠦ ꠁꠝꠣꠝꠦ ꠍꠣꠟꠣꠝꠔꠤ ꠇꠥꠞꠛꠣꠘꠤꠞ ꠙꠡꠥꠞ ꠟꠃ ꠍꠤꠐꠣꠁꠛꠣ, ꠄꠁꠘ ꠁꠔꠣ ꠙꠣꠁꠛꠣ।

ꠔꠃꠞꠣꠔ ৩: ꠟꠦꠛꠤꠀꠘ 7:28

ꠛꠣꠖꠦ ꠝꠣꠛꠥꠖꠦ ꠝꠥꠍꠣꠞꠦ ꠇꠁꠟꠣ,

ꠔꠃꠞꠣꠔ ৩: ꠟꠦꠛꠤꠀꠘ 7:6

ꠇꠥꠞꠛꠣꠘꠤꠞ ꠉꠥꠡ꠆ꠔ ꠁꠝꠣꠝ ꠙꠞꠤꠛꠣꠞꠞ ꠎꠦꠇꠥꠘꠥ ꠛꠦꠐꠣ ꠝꠣꠘꠡꠦ ꠈꠣꠁꠔꠣ ꠙꠣꠞꠛꠣ। ꠁꠔꠣ ꠔ ꠈꠣꠍ ꠙꠛꠤꠔ꠆ꠞ ꠎꠤꠘꠤꠡ, ꠄꠞꠟꠣꠉꠤ ꠔꠣꠞꠣ ꠎꠦꠇꠥꠘꠥ ꠙꠣꠇ ꠎꠣꠉꠣꠔ ꠛꠁꠀ ꠈꠣꠁꠔꠦ ꠅꠁꠛ।

ꠔꠃꠞꠣꠔ ৩: ꠟꠦꠛꠤꠀꠘ 8:30

ꠛꠣꠖꠦ ꠝꠥꠍꠣꠄ ꠈꠦꠟꠣꠚꠔꠤ ꠡꠝꠎꠤꠛꠣꠞ ꠕꠥꠠꠣ ꠙꠛꠤꠔ꠆ꠞ ꠔꠦꠟ ꠘꠤꠟꠣ, ꠀꠞ ꠇꠥꠞꠛꠣꠘꠤ ꠈꠣꠘꠣ ꠕꠣꠇꠤ ꠕꠥꠠꠣ ꠟꠃ ꠀꠘꠤꠀ ꠢꠣꠞꠥꠘ ꠀꠞ ꠔꠣꠘ ꠙꠥꠀꠂꠘ꠆ꠔꠞ ꠃꠙꠞꠦ ꠀꠞ ꠔꠣꠞꠣꠞ ꠟꠦꠛꠣꠍꠞ ꠃꠙꠞꠦ ꠍꠤꠐꠣꠁ ꠖꠤꠟꠣ। ꠅꠃ ꠘꠝꠥꠘꠣꠄ ꠢꠣꠞꠥꠘ ꠀꠞ ꠔꠣꠘ ꠙꠥꠀꠂꠘ꠆ꠔꠞꠦ, ꠀꠞ ꠔꠣꠞꠣꠞ ꠟꠦꠛꠣꠍꠞꠦꠅ ꠙꠣꠇ-ꠙꠛꠤꠔ꠆ꠞ ꠇꠞꠣ ꠅꠁꠟ।

ꠔꠃꠞꠣꠔ ৪: ꠡꠥꠝꠣꠞꠤ 18:9

ꠈꠣꠍ ꠙꠛꠤꠔ꠆ꠞ ꠇꠥꠞꠛꠣꠘꠤꠞ ꠎꠦ ꠅꠋꠡ ꠀꠉꠥꠁꠘꠅ ꠎꠣꠟꠣꠘꠤ ꠟꠣꠉꠔ ꠘꠣꠄ, ꠅꠃ ꠛꠣꠐꠅ ꠔꠥꠝꠞꠣ ꠘꠤꠅꠉꠤ। ꠔꠦ ꠗꠣꠘ-ꠉꠝꠞ ꠍꠖꠉꠣ, ꠉꠥꠘꠣꠞ ꠇꠚꠞꠣꠞ ꠇꠥꠞꠛꠣꠘꠤ, ꠀꠞ ꠖꠥꠡ-ꠇꠍꠥꠞꠤꠞ ꠇꠚꠞꠣꠞ ꠇꠥꠞꠛꠣꠘꠤꠞ ꠟꠣꠉꠤ ꠛꠘꠤ ꠁꠍꠞꠣꠁꠟꠦ ꠀꠝꠣꠞ ꠉꠦꠍꠦ ꠎꠔꠔꠣ ꠟꠁꠀ ꠀꠁꠛꠣ, ꠁꠔꠣ ꠔꠥꠝꠤ ꠀꠞ ꠔꠥꠝꠣꠞ ꠅꠀꠞꠤꠡ ꠅꠇꠟꠞ ꠙꠣꠅꠘꠣ ꠢꠇ।

ꠔꠃꠞꠣꠔ ৪: ꠡꠥꠝꠣꠞꠤ 5:9

ꠛꠘꠤ ꠁꠍꠞꠣꠁꠟꠦ ꠙꠣꠇ-ꠙꠛꠤꠔ꠆ꠞ ꠎꠔ ꠎꠤꠘꠤꠡ ꠁꠝꠣꠝꠞ ꠉꠦꠍꠦ ꠟꠁꠀ ꠀꠁꠛꠣ, ꠁꠔꠣ ꠢꠇ꠆ꠇꠟꠔꠣꠃ ꠁꠝꠣꠝꠦ ꠙꠣꠁꠛꠣ।

Injil 7: 1-Korintia 9:13

ꠔꠥꠝꠞꠣ ꠎꠣꠘ ꠘꠣ ꠘꠤ, ꠙꠛꠤꠔ꠆ꠞ ꠛꠣꠄꠔꠥꠟ-ꠝꠥꠇꠣꠖ꠆ꠖꠍꠅ ꠎꠦꠞꠣ ꠇꠣꠝ ꠇꠞꠂꠘ, ꠔꠣꠞꠣ ꠅꠈꠣꠘ ꠕꠣꠇꠤꠃ ꠈꠣꠘꠣ-ꠙꠤꠘꠣ ꠙꠣꠁꠘ, ꠀꠞ ꠇꠥꠞꠛꠣꠘꠤ ꠈꠣꠘꠣꠔ ꠎꠦꠞꠣ ꠇꠣꠝ ꠇꠞꠂꠘ, ꠔꠣꠞꠣ ꠅꠃ ꠇꠥꠞꠛꠣꠘꠤꠞ ꠝꠣꠟ ꠕꠣꠇꠤ ꠛꠣꠐ ꠙꠣꠁꠘ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 12:11

ꠔꠣꠁꠘ ꠘꠤꠎꠞ ꠛꠣꠄꠔꠥꠟ꠆ꠟꠣ ꠡꠞꠤꠚ ꠢꠤꠡꠣꠛꠦ ꠎꠦ ꠎꠣꠉꠣꠞꠦ ꠙꠍꠘ꠆ꠖ ꠇꠞꠛꠣ, ꠢꠃ ꠎꠣꠉꠣꠔ ꠔꠥꠝꠞꠣ ꠀꠝꠣꠞ ꠛꠣꠔꠣꠁꠟ ꠢꠇꠟꠔꠣ ꠟꠁꠀ ꠀꠎꠤꠞ ꠅꠁꠅ। ꠔꠥꠝꠞꠣꠞ ꠎꠣꠟꠣꠁꠟ ꠇꠥꠞꠛꠣꠘꠤ, ꠢꠇꠟ ꠎꠣꠔꠞ ꠇꠥꠞꠛꠣꠘꠤꠞ ꠙꠡꠥ, ꠢꠇꠟ ꠞꠥꠎꠤ-ꠞꠥꠎꠉꠣꠞꠞ ꠖꠡ ꠛꠣꠐꠞ ꠄꠇ ꠛꠣꠐ, ꠟꠤꠟ꠆ꠟꠣ-ꠍꠖꠉꠣ, ꠖꠣꠘ-ꠈꠄꠞꠣꠔ ꠀꠞ ꠢꠇꠟ ꠘꠝꠥꠘꠣꠞ ꠝꠣꠘ꠆ꠘꠔꠞ ꠇꠥꠞꠛꠣꠘꠤ ꠟꠁꠀ ꠅꠘꠅ ꠀꠁꠅ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 12:6

ꠔꠥꠝꠞꠣ ꠎꠣꠞꠎꠤꠞ ꠎꠣꠟꠣꠁꠟ ꠇꠥꠞꠛꠣꠘꠤ, ꠢꠇꠟ ꠎꠣꠔꠞ ꠙꠡꠥ ꠇꠥꠞꠛꠣꠘꠤ, ꠢꠇꠟ ꠞꠥꠎꠤ-ꠞꠥꠎꠉꠣꠞꠞ ꠖꠡ ꠛꠣꠐꠞ ꠄꠇ ꠛꠣꠐ, ꠟꠤꠟ꠆ꠟꠣ-ꠍꠖꠉꠣ, ꠝꠣꠘ꠆ꠘꠔꠞ ꠇꠥꠞꠛꠣꠘꠤ, ꠖꠣꠘ-ꠈꠄꠞꠣꠔ ꠀꠞ ꠔꠥꠝꠞꠣꠞ ꠙꠡꠥꠞ ꠙꠄꠟꠣ ꠛꠣꠁꠌ꠆ꠌꠣꠞꠦ ꠅꠃ ꠎꠣꠉꠣꠔ ꠀꠘꠤꠅ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 18:1

“ꠟꠦꠛꠤ ꠈꠣꠘ꠆ꠖꠣꠘꠞ ꠁꠝꠣꠝ ꠅꠇꠟꠦ ꠀꠞ ꠀꠡ꠆ꠔꠣ ꠟꠦꠛꠤ ꠈꠣꠘ꠆ꠖꠣꠘꠞ ꠝꠣꠘꠡꠦ, ꠛꠘꠤ ꠁꠍꠞꠣꠁꠟꠞ ꠀꠞꠅ ꠈꠣꠘ꠆ꠖꠣꠘꠞ ꠟꠣꠈꠣꠘ ꠇꠥꠘꠥ ꠎꠝꠤ-ꠝꠤꠞꠣꠡ ꠛꠣ ꠗꠘ-ꠍꠣꠝꠣꠘꠣ ꠙꠣꠁꠔꠣ ꠘꠣꠄ। ꠝꠣꠛꠥꠖꠞ ꠘꠣꠝꠦ ꠖꠦꠅꠀ ꠢꠇꠟ ꠎꠣꠔꠞ ꠇꠥꠞꠛꠣꠘꠤꠞ ꠉꠥꠡ꠆ꠔ ꠀꠞ ꠢꠇꠟ ꠟꠤꠟ꠆ꠟꠣ-ꠍꠖꠉꠣꠞ ꠛꠣꠐꠅ ꠔꠣꠞꠣ ꠈꠣꠁꠛꠣ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 26:13

ꠛꠣꠖꠦ ꠔꠥꠝꠞꠣ ꠙꠞꠔꠦꠇꠦ ꠔꠥꠝꠞꠣꠞ ꠝꠣꠛꠥꠖ ꠀꠟ꠆ꠟꠣꠞꠦ ꠇꠁꠅ, ꠝꠣꠛꠥꠖ, ꠀꠝꠤ ꠔꠥꠝꠣꠞ ꠢꠥꠇꠥꠝ ꠝꠣꠚꠤꠇ ꠀꠝꠣꠞ ꠞꠥꠎꠤꠞ ꠙꠛꠤꠔ꠆ꠞ ꠛꠣꠐꠞꠦ, ꠀꠝꠣꠞ ꠊꠞ ꠕꠣꠇꠤ ꠘꠤꠀ ꠟꠦꠛꠤ ꠈꠣꠘ꠆ꠖꠣꠘꠞꠦ, ꠝꠥꠍꠣꠚꠤꠞ ꠅꠇꠟꠞꠦ, ꠄꠔꠤꠝ ꠀꠞ ꠠꠣꠠꠤ ꠛꠦꠐꠤꠘ꠆ꠔꠞꠦ ꠛꠤꠟꠣꠁ ꠖꠤꠍꠤ। ꠀꠝꠤ ꠔꠥꠝꠣꠞ ꠇꠥꠘꠥ ꠢꠥꠇꠥꠝꠞ ꠈꠦꠟꠣꠚ ꠇꠞꠍꠤ ꠘꠣ, ꠛꠣ ꠚꠣꠃꠞꠤꠍꠤ ꠘꠣ।

Injil 19: Ibrani 1:9

ꠔꠥꠝꠤ ꠘꠣꠚꠞꠝꠣꠘꠤꠞꠦ ꠊꠤꠘ꠆ꠘꠣꠅ ꠀꠞ ꠖꠤꠘꠖꠣꠞꠤꠞꠦ ꠜꠣꠟꠣ ꠙꠣꠅ, ꠄꠞꠟꠣꠉꠤ ꠀꠟ꠆ꠟꠣꠄꠅ, ꠔꠥꠝꠣꠞ ꠀꠟ꠆ꠟꠣꠄ ꠔꠥꠝꠣꠞꠦ ꠈꠦꠟꠣꠚꠔꠤ ꠖꠤꠍꠂꠘ, ꠔꠥꠝꠣꠞꠦ ꠁꠎ꠆ꠎꠔꠤ ꠉꠖꠤ ꠖꠣꠘ ꠇꠞꠍꠂꠘ, ꠔꠥꠝꠣꠞ ꠜꠣꠁ-ꠛꠤꠞꠣꠖꠞ ꠕꠣꠇꠤꠅ ꠔꠥꠝꠣꠞꠦ ꠛꠃꠔ ꠛꠦꠡꠤ ꠈꠥꠡꠤ ꠖꠤꠍꠂꠘ।

Injil 23: 1-Hannan 2:20

ꠅꠁꠟꠦ ꠔꠥꠝꠞꠣ ꠔ ꠢꠃ ꠙꠛꠤꠔ꠆ꠞ ꠎꠘꠞ ꠉꠦꠍ ꠕꠣꠇꠤ ꠈꠦꠟꠣꠚꠔꠤ ꠙꠣꠁꠍ ꠀꠞ ꠢꠇꠟꠦꠃ ꠢꠇ ꠀꠈꠟ ꠙꠣꠁꠍ।

Injil 23: 1-Hannan 2:27

ꠀꠍꠟꠦ ꠀꠟ-ꠝꠍꠤ ꠕꠣꠇꠤ ꠔꠥꠝꠞꠣ ꠎꠦ ꠈꠦꠟꠣꠚꠔꠤ ꠙꠣꠁꠍ, ꠅꠃ ꠈꠦꠟꠣꠚꠔꠤ ꠔ ꠔꠥꠝꠞꠣꠞ ꠖꠤꠟꠅ ꠛꠡꠔ ꠇꠞꠦ। ꠄꠞꠟꠣꠉꠤ ꠖꠥꠍꠞꠣ ꠇꠦꠃꠞꠞ ꠉꠦꠍ ꠕꠣꠇꠤ ꠔꠣꠟꠤꠝ ꠘꠤꠛꠣꠞ ꠇꠥꠘꠥ ꠎꠞꠥꠞ ꠘꠣꠄ, ꠅꠃ ꠈꠦꠟꠣꠚꠔꠤꠞ ꠞꠥꠢꠦ ꠔꠥꠝꠞꠣꠞꠦ ꠖꠞꠇꠣꠞꠤ ꠢꠇꠟꠔꠣ ꠢꠤꠇꠣꠁꠛꠣ। ꠔꠣꠁꠘ ꠔ ꠢꠇ, ꠔꠣꠘ ꠝꠣꠎꠦ ꠘꠣ-ꠢꠇ ꠇꠥꠘ꠆ꠔꠣ ꠘꠣꠁ। ꠅꠈꠘ ꠀꠟ-ꠝꠍꠤꠞ ꠝꠣꠎꠦ ꠛꠡꠔ ꠇꠞꠣꠞ ꠟꠣꠉꠤ ꠔꠣꠁꠘ ꠎꠦꠟꠣ ꠔꠣꠟꠤꠝ ꠖꠤꠍꠂꠘ, ꠔꠥꠝꠞꠣ ꠑꠤꠇ ꠅꠃꠟꠣ ꠞꠅ।