ꠔꠃꠞꠣꠔ ৪: ꠡꠥꠝꠣꠞꠤ 18:3 - Siloṭi Asmani Kitab (Nagri lipi)

³ ꠅꠁꠟꠦ ꠇꠥꠞꠛꠣꠘꠤ ꠈꠣꠘꠣ ꠛꠣ ꠀꠟ꠆ꠟꠣꠞ ꠊꠞꠞ ꠇꠥꠘꠥ ꠙꠛꠤꠔ꠆ꠞ ꠎꠤꠘꠤꠡꠞ ꠗꠣꠞꠅ ꠎꠣꠅꠀ ꠔꠣꠞꠣꠞ ꠟꠣꠉꠤ ꠘꠤꠡꠦꠗ। ꠘꠤꠡꠦꠗ ꠘꠣ ꠝꠣꠘꠟꠦ ꠔꠣꠞꠣ ꠀꠞ ꠔꠥꠝꠞꠣ ꠢꠇꠟꠃ ꠝꠞꠛꠣꠄ।

ছিলটি আছমানি কিতাব (বাংলা লিপি)

³ অইলে কুরবানি খানা বা আল্লার ঘরর কুনু পবিত্র জিনিসর ধারো যাওয়া তারার লাগি নিষেধ। নিষেধ না মানলে তারা আর তুমরা হকলউ মরবায়।

Siloṭi Asmani Kitab (Latin lipi)

³ Oile kurbani kana ba Allar goror kunu fobitro zinishor daro zaoa tarar lagi nished. Nished na manle tara ar tumra hoḳol-u morbae.

ꠔꠃꠞꠣꠔ ৪: ꠡꠥꠝꠣꠞꠤ 18:3 Iomraidhean Croise

ꠔꠃꠞꠣꠔ ৪: ꠡꠥꠝꠣꠞꠤ 1:51

ꠀꠝꠣꠞ ꠊꠞꠞꠦ ꠄꠇ ꠎꠣꠉꠣ ꠕꠣꠇꠤ ꠀꠞꠇ ꠎꠣꠉꠣꠔ ꠘꠤꠔꠦ ꠅꠁꠟꠦ, ꠟꠦꠛꠤ ꠈꠣꠘ꠆ꠖꠣꠘꠞ ꠝꠣꠘꠡꠦ ꠁꠈꠣꠘ ꠈꠥꠟꠛꠣ, ꠛꠣꠖꠦ ꠀꠞꠇ ꠎꠣꠉꠣꠔ ꠉꠤꠀ ꠄꠇ ꠄꠇ ꠇꠞꠤ ꠎꠥꠠꠣ ꠟꠣꠉꠣꠁꠀ ꠢꠤꠞꠛꠣꠞ ꠛꠣꠘꠣꠁꠛꠣ। ꠈꠣꠟꠤ ꠟꠦꠛꠤ ꠈꠣꠘ꠆ꠖꠣꠘ ꠍꠣꠠꠣ ꠅꠁꠘ꠆ꠘ ꠇꠦꠃ ꠁꠔꠣꠞ ꠇꠣꠘ꠆ꠖꠣꠔ ꠉꠦꠟꠦ ꠔꠣꠞꠦ ꠎꠣꠘꠦ ꠝꠣꠞꠣ ꠅꠁꠛ।

ꠔꠃꠞꠣꠔ ৪: ꠡꠥꠝꠣꠞꠤ 1:53

ꠛꠘꠤ ꠁꠍꠞꠣꠁꠟꠞ ꠃꠙꠞꠦ ꠎꠣꠔꠦ ꠝꠣꠛꠥꠖꠞ ꠉꠎꠛ ꠘꠣ ꠟꠣꠝꠦ, ꠄꠞꠟꠣꠉꠤ ꠟꠦꠛꠤ ꠈꠣꠘ꠆ꠖꠣꠘꠞ ꠝꠣꠘꠡꠦ ꠀꠝꠣꠞ ꠡꠣꠢꠣꠖꠔ ꠔꠣꠝ꠆ꠛꠥꠞ ꠙꠣꠞꠣꠖꠣꠞꠤ ꠇꠞꠣꠞ ꠟꠣꠉꠤ ꠀꠝꠣꠞ ꠊꠞꠞ ꠌꠣꠁꠞꠅ ꠉꠣꠟꠣꠛꠣꠄ ꠔꠣꠞꠣꠞ ꠔꠣꠝ꠆ꠛꠥ ꠐꠣꠋꠉꠣꠁꠀ ꠞꠁꠛꠣ।”

ꠔꠃꠞꠣꠔ ৪: ꠡꠥꠝꠣꠞꠤ 16:40

ꠝꠣꠛꠥꠖꠦ ꠝꠥꠍꠣ ꠘꠛꠤꠞ ꠝꠣꠎꠖꠤ ꠎꠦꠟꠣ ꠢꠥꠇꠥꠝ ꠖꠤꠍꠟꠣ, ꠄꠁꠘ ꠅꠃ ꠟꠣꠈꠣꠘ ꠇꠞꠟꠣ। ꠁꠇꠐꠣ ꠇꠞꠣ ꠅꠁꠟ ꠎꠣꠔꠦ ꠛꠘꠤ ꠁꠍꠞꠣꠁꠟꠞ ꠝꠘꠅ ꠕꠣꠇꠦ ꠎꠦꠘ, ꠈꠣꠟꠤ ꠢꠣꠞꠥꠘꠞ ꠛꠋꠡ ꠍꠣꠠꠣ ꠖꠥꠍꠞꠣ ꠇꠥꠘꠥ ꠎꠘ, ꠀꠉꠞ-ꠈꠥꠡꠛꠄ ꠎꠣꠟꠣꠘꠤꠞ ꠟꠣꠉꠤ ꠝꠣꠛꠥꠖꠞ ꠍꠣꠝꠘꠦ ꠎꠣꠁꠔ ꠙꠣꠞꠔ ꠘꠣꠄ। ꠎꠥꠖꠤ ꠎꠣꠄ, ꠔꠦ ꠔꠣꠞ ꠖꠡꠣ ꠅꠃ ꠇꠥꠞꠣꠢ ꠀꠞ ꠔꠣꠞ ꠖꠟꠞ ꠟꠣꠈꠣꠘ ꠅꠁꠛ।

ꠔꠃꠞꠣꠔ ৪: ꠡꠥꠝꠣꠞꠤ 18:4

ꠔꠣꠞꠣ ꠔꠥꠝꠣꠞ ꠇꠣꠝꠅ ꠡꠞꠤꠇ ꠅꠁꠀ ꠝꠤꠟꠘ-ꠔꠣꠝ꠆ꠛꠥꠞ ꠈꠣꠖꠤꠝꠖꠣꠞꠤ ꠇꠞꠛꠣ, ꠢꠇꠟ ꠎꠣꠔ ꠇꠣꠝꠞ ꠖꠣꠄ-ꠖꠣꠄꠁꠔ꠆ꠔ ꠘꠤꠛꠣ। ꠔꠣ-ꠅ ꠈꠣꠟꠤ ꠟꠦꠛꠤ ꠅꠇꠟ ꠍꠣꠠꠣ ꠖꠥꠍꠞꠣ ꠇꠦꠃ ꠔꠥꠝꠞꠣꠞ ꠉꠦꠍꠦ ꠎꠣꠅꠀ ꠘꠤꠡꠦꠗ।

ꠔꠃꠞꠣꠔ ৪: ꠡꠥꠝꠣꠞꠤ 18:7

ꠅꠁꠟꠦ ꠁꠝꠣꠝ ꠢꠤꠡꠣꠛꠦ ꠈꠣꠟꠤ ꠔꠥꠝꠤ ꠀꠞ ꠔꠥꠝꠣꠞ ꠙꠥꠀꠂꠘ꠆ꠔꠦ ꠇꠥꠞꠛꠣꠘꠤ ꠈꠣꠘꠣ ꠀꠞ ꠙꠞ꠆ꠖꠣꠞ ꠜꠤꠔꠞꠞ ꠢꠦꠞꠦꠝ ꠡꠞꠤꠚꠅ ꠈꠦꠎꠝꠔ ꠇꠣꠝ ꠇꠞꠛꠣꠄ। ꠁꠝꠣꠝꠔꠤꠞ ꠙꠖ ꠈꠣꠘ ꠀꠝꠤ ꠃꠙꠢꠣꠞ ꠢꠤꠡꠣꠛꠦ ꠔꠥꠝꠞꠣꠞꠦ ꠖꠤꠟꠣꠝ। ꠈꠣꠟꠤ ꠟꠦꠛꠤ ꠅꠇꠟ ꠍꠣꠠꠣ ꠖꠥꠍꠞꠣ ꠇꠦꠃ ꠎꠥꠖꠤ ꠝꠤꠟꠘ-ꠔꠣꠝ꠆ꠛꠥꠞ ꠡꠤꠝꠣꠘꠣꠔ ꠀꠄ, ꠔꠦ ꠔꠣꠞꠦ ꠎꠣꠘꠦ ꠝꠣꠞꠤꠟꠤꠔꠦ ꠅꠁꠛ।”

ꠔꠃꠞꠣꠔ ৪: ꠡꠥꠝꠣꠞꠤ 3:25

ꠝꠤꠟꠘ-ꠔꠣꠝ꠆ꠛꠥꠞ ꠛꠦꠙꠣꠞꠦ ꠎꠣꠞꠍꠥꠘꠤ ꠅꠇꠟꠞ ꠃꠙꠞꠦ, ꠎꠦꠔꠣ ꠇꠣꠙꠠꠣꠁꠘ ꠖꠤꠀ ꠀꠟ꠆ꠟꠣꠞ ꠊꠞ ꠛꠣꠘꠣꠘꠤ ꠅꠁꠍꠦ ꠈꠣꠟꠤ ꠅꠔꠣ ꠇꠣꠙꠠ ꠅꠇꠟ, ꠛꠣꠞꠣ ꠛꠣꠎꠥꠞ ꠉꠤꠟꠣꠚ ꠀꠞ ꠍꠣꠘꠤ ꠅꠇꠟ ꠀꠞ ꠅꠃ ꠊꠞꠞ ꠜꠤꠔꠞꠦ ꠢꠣꠝꠣꠁꠛꠣꠞ ꠙꠞ꠆ꠖꠣ ꠖꠦꠈꠣ-ꠢꠥꠘꠣ ꠇꠞꠣꠞ ꠖꠣꠄꠁꠔ꠆ꠔ ꠀꠍꠤꠟ।

ꠔꠃꠞꠣꠔ ৪: ꠡꠥꠝꠣꠞꠤ 3:31

ꠅꠃ ꠇꠣꠢꠣꠔꠤ ꠉꠥꠡ꠆ꠐꠤꠞ ꠖꠣꠄꠁꠔ꠆ꠔ ꠀꠍꠤꠟ ꠡꠣꠢꠣꠖꠔ ꠡꠘ꠆ꠖꠥꠇ, ꠐꠦꠛꠥꠟ, ꠌꠦꠞꠣꠉ ꠖꠣꠘꠤ, ꠇꠥꠞꠛꠣꠘꠤ ꠈꠣꠘꠣ, ꠀꠉꠞ-ꠈꠥꠡꠛꠄ ꠎꠣꠟꠣꠘꠤꠞ ꠐꠦꠛꠥꠟ, ꠙꠛꠤꠔ꠆ꠞ ꠄꠛꠣꠖꠔ ꠈꠣꠘꠣꠞ ꠄꠛꠣꠖꠔꠤꠞ ꠢꠇꠟ ꠎꠤꠘꠤꠡ ꠀꠞ ꠢꠦꠞꠦꠝ ꠡꠞꠤꠚꠞ ꠙꠞ꠆ꠖꠣꠞ ꠖꠦꠈꠣ-ꠢꠥꠘꠣ ꠇꠞꠣ, ꠟꠉꠦ ꠛꠣꠖ-ꠛꠣꠇꠤ ꠇꠣꠝ ꠇꠞꠣ।

ꠔꠃꠞꠣꠔ ৪: ꠡꠥꠝꠣꠞꠤ 3:36

ꠄꠞꠣꠞ ꠖꠣꠄꠁꠔ꠆ꠔ ꠀꠍꠤꠟ ꠀꠟ꠆ꠟꠣꠞ ꠊꠞꠞ ꠚ꠆ꠞꠦꠁꠝ, ꠚ꠆ꠞꠦꠁꠝꠞ ꠛꠣꠔ꠆ꠔꠤ, ꠈꠥꠐꠤ, ꠌꠥꠘ꠆ꠉꠤ ꠀꠞ ꠄꠞ ꠢꠇꠟ ꠌꠤꠎ,

ꠔꠃꠞꠣꠔ ৪: ꠡꠥꠝꠣꠞꠤ 31:30

ꠀꠞ ꠛꠘꠤ ꠁꠍꠞꠣꠁꠟꠞ ꠛꠣꠐꠅ ꠎꠦꠔꠣ ꠝꠣꠘꠥꠡ, ꠉꠞꠥ-ꠍꠣꠉꠟ ꠙꠣꠁꠛꠣ, ꠁꠔꠣꠞ ꠙꠞꠔꠦꠇ ꠙꠁꠘ꠆ꠌꠣꠡꠐꠣ ꠕꠣꠇꠤ ꠄꠇꠐꠣꠞꠦ ꠀꠟꠉ ꠇꠞꠤ ꠕꠁꠅ। ꠕꠁꠀ ꠀꠟ꠆ꠟꠣꠞ ꠛꠡꠔ ꠈꠣꠘꠣ, ꠛꠣꠄꠔꠥꠟ꠆ꠟꠣ ꠔꠣꠝ꠆ꠛꠥꠞ ꠈꠣꠖꠤꠝ ꠟꠦꠛꠤ ꠅꠇꠟꠞ ꠀꠔꠅ ꠁꠔꠣ ꠡꠝꠎꠣꠁꠅ।”

ꠔꠃꠞꠣꠔ ৪: ꠡꠥꠝꠣꠞꠤ 4:15

ꠢꠣꠞꠥꠘ ꠀꠞ ꠔꠣꠞ ꠙꠥꠀꠂꠘ꠆ꠔꠦ ꠎꠦꠛꠟꠣ ꠅꠃ ꠙꠣꠇ-ꠙꠛꠤꠔ꠆ꠞ ꠎꠤꠘꠤꠡ ꠅꠇꠟ ꠀꠞ ꠄꠛꠣꠖꠔ ꠈꠣꠘꠣꠞ ꠝꠣꠟ-ꠍꠣꠝꠣꠘꠣ ꠢꠇꠟꠔꠣ ꠉꠥꠞꠤꠟꠤꠛꠣ, ꠔꠣꠞꠣ ꠔꠣꠝ꠆ꠛꠥ ꠔꠥꠟꠤꠀ ꠍꠚꠞꠅ ꠛꠣꠞꠘꠤꠞ ꠟꠣꠉꠤ ꠎꠦꠛꠟꠣ ꠔꠤꠀꠞ ꠅꠁꠎꠤꠛꠣ, ꠅꠃ ꠡꠝꠄ ꠅꠔꠣ ꠛꠁꠀ ꠘꠤꠛꠣꠞ ꠟꠣꠉꠤ ꠇꠣꠢꠣꠔꠤ ꠅꠇꠟ ꠀꠁꠛꠣ। ꠅꠁꠟꠦ ꠔꠣꠞꠣ ꠇꠥꠘꠥ ꠙꠣꠇ-ꠙꠛꠤꠔ꠆ꠞ ꠌꠤꠎꠞꠦ ꠀꠔꠖꠤ ꠍꠁꠔꠣ ꠙꠣꠞꠔꠣ ꠘꠣꠄ, ꠍꠁꠟꠦꠃ ꠝꠞꠛꠣ। ꠝꠤꠟꠘ-ꠔꠣꠝ꠆ꠛꠥꠞ ꠅꠃ ꠢꠇ꠆ꠇꠟ ꠎꠤꠘꠤꠡ ꠔꠣꠞꠣ ꠛꠁꠀ ꠘꠤꠛꠣ।