ꠔꠃꠞꠣꠔ ৪: ꠡꠥꠝꠣꠞꠤ 18:2 - Siloṭi Asmani Kitab (Nagri lipi)

² ꠔꠦ ꠔꠥꠝꠣꠞ ꠛꠣꠚ-ꠖꠣꠖꠣꠞ ꠈꠣꠘ꠆ꠖꠣꠘ ꠕꠣꠇꠤ ꠀꠞꠅ ꠟꠦꠛꠤ ꠅꠇꠟꠞꠦ ꠔꠥꠝꠤ ꠀꠘꠅ। ꠔꠣꠞꠣ ꠀꠁꠀ ꠔꠥꠝꠣꠞꠦ ꠀꠞ ꠔꠥꠝꠣꠞ ꠙꠥꠀꠂꠘꠞꠦ ꠡꠣꠢꠣꠖꠔ ꠔꠣꠝ꠆ꠛꠥꠞ ꠍꠣꠝꠘꠞ ꠄꠛꠣꠖꠔꠤ ꠇꠣꠝꠅ ꠡꠣꠁꠎ꠆ꠎ ꠇꠞꠛꠣ। ꠔꠣꠞꠣ ꠔꠥꠝꠣꠞ ꠎꠤꠝ꠆ꠝꠣꠄ ꠞꠁꠀ ꠡꠣꠢꠣꠖꠔ ꠔꠣꠝ꠆ꠛꠥꠞ ꠢꠇꠟ ꠇꠣꠝ-ꠇꠣꠎ ꠇꠞꠛꠣ।

ছিলটি আছমানি কিতাব (বাংলা লিপি)

² তে তুমার বাফ-দাদার খান্দান থাকি আরো লেবি অকলরে তুমি আনো। তারা আইয়া তুমারে আর তুমার পুয়াইনরে শাহাদত তাম্বুর ছামনর এবাদতি কামো সাইয্য করবা। তারা তুমার জিম্মায় রইয়া শাহাদত তাম্বুর হকল কাম-কাজ করবা।

Siloṭi Asmani Kitab (Latin lipi)

² Te tumar baf-dadar ḳandan taki aro Lebi oḳolre tumi ano. Tara aia tumare ar tumar fuainre shahadot tambur samnor ebadoti kamo shaijjo ḳorba. Tara tumar zimmae roia shahadot tambur hoḳol ḳam-ḳaz ḳorba.

ꠔꠃꠞꠣꠔ ৪: ꠡꠥꠝꠣꠞꠤ 18:2 Iomraidhean Croise

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 29:34

ꠛꠣꠖꠦ ꠢꠤꠞꠛꠣꠞ ꠔꠣꠘ ꠊꠞꠅ ꠄꠇ ꠙꠥꠀ ꠅꠁꠟ। ꠔꠣꠁꠘ ꠇꠁꠟꠣ, “ꠅꠈꠘ ꠀꠝꠣꠞ ꠎꠣꠝꠣꠁꠄ ꠀꠝꠣꠞ ꠟꠉꠦ ꠀꠡꠤꠇ ꠅꠁꠛꠣ, ꠔꠣꠘ ꠔꠤꠘꠐꠣ ꠙꠥꠀ ꠀꠝꠣꠞ ꠙꠦꠐ ꠕꠘꠦ ꠙꠄꠖꠣ ꠅꠁꠟ।” ꠅꠃ ꠄꠞ ꠘꠣꠝ ꠞꠣꠈꠟꠣ ꠟꠦꠛꠤ [ꠝꠣꠘꠤ, ꠀꠡꠤꠇ]।

ꠔꠃꠞꠣꠔ ৪: ꠡꠥꠝꠣꠞꠤ 1:53

ꠛꠘꠤ ꠁꠍꠞꠣꠁꠟꠞ ꠃꠙꠞꠦ ꠎꠣꠔꠦ ꠝꠣꠛꠥꠖꠞ ꠉꠎꠛ ꠘꠣ ꠟꠣꠝꠦ, ꠄꠞꠟꠣꠉꠤ ꠟꠦꠛꠤ ꠈꠣꠘ꠆ꠖꠣꠘꠞ ꠝꠣꠘꠡꠦ ꠀꠝꠣꠞ ꠡꠣꠢꠣꠖꠔ ꠔꠣꠝ꠆ꠛꠥꠞ ꠙꠣꠞꠣꠖꠣꠞꠤ ꠇꠞꠣꠞ ꠟꠣꠉꠤ ꠀꠝꠣꠞ ꠊꠞꠞ ꠌꠣꠁꠞꠅ ꠉꠣꠟꠣꠛꠣꠄ ꠔꠣꠞꠣꠞ ꠔꠣꠝ꠆ꠛꠥ ꠐꠣꠋꠉꠣꠁꠀ ꠞꠁꠛꠣ।”

ꠔꠃꠞꠣꠔ ৪: ꠡꠥꠝꠣꠞꠤ 16:40

ꠝꠣꠛꠥꠖꠦ ꠝꠥꠍꠣ ꠘꠛꠤꠞ ꠝꠣꠎꠖꠤ ꠎꠦꠟꠣ ꠢꠥꠇꠥꠝ ꠖꠤꠍꠟꠣ, ꠄꠁꠘ ꠅꠃ ꠟꠣꠈꠣꠘ ꠇꠞꠟꠣ। ꠁꠇꠐꠣ ꠇꠞꠣ ꠅꠁꠟ ꠎꠣꠔꠦ ꠛꠘꠤ ꠁꠍꠞꠣꠁꠟꠞ ꠝꠘꠅ ꠕꠣꠇꠦ ꠎꠦꠘ, ꠈꠣꠟꠤ ꠢꠣꠞꠥꠘꠞ ꠛꠋꠡ ꠍꠣꠠꠣ ꠖꠥꠍꠞꠣ ꠇꠥꠘꠥ ꠎꠘ, ꠀꠉꠞ-ꠈꠥꠡꠛꠄ ꠎꠣꠟꠣꠘꠤꠞ ꠟꠣꠉꠤ ꠝꠣꠛꠥꠖꠞ ꠍꠣꠝꠘꠦ ꠎꠣꠁꠔ ꠙꠣꠞꠔ ꠘꠣꠄ। ꠎꠥꠖꠤ ꠎꠣꠄ, ꠔꠦ ꠔꠣꠞ ꠖꠡꠣ ꠅꠃ ꠇꠥꠞꠣꠢ ꠀꠞ ꠔꠣꠞ ꠖꠟꠞ ꠟꠣꠈꠣꠘ ꠅꠁꠛ।

ꠔꠃꠞꠣꠔ ৪: ꠡꠥꠝꠣꠞꠤ 17:7

ꠝꠥꠍꠣꠄ ꠅꠃ ꠟꠣꠑꠤꠉꠥꠁꠘ ꠘꠤꠀ ꠡꠣꠢꠣꠖꠔ ꠔꠣꠝ꠆ꠛꠥꠞ ꠜꠤꠔꠞꠦ ꠝꠣꠛꠥꠖꠞ ꠍꠣꠝꠘꠦ ꠕꠁꠟꠣ।

ꠔꠃꠞꠣꠔ ৪: ꠡꠥꠝꠣꠞꠤ 18:4

ꠔꠣꠞꠣ ꠔꠥꠝꠣꠞ ꠇꠣꠝꠅ ꠡꠞꠤꠇ ꠅꠁꠀ ꠝꠤꠟꠘ-ꠔꠣꠝ꠆ꠛꠥꠞ ꠈꠣꠖꠤꠝꠖꠣꠞꠤ ꠇꠞꠛꠣ, ꠢꠇꠟ ꠎꠣꠔ ꠇꠣꠝꠞ ꠖꠣꠄ-ꠖꠣꠄꠁꠔ꠆ꠔ ꠘꠤꠛꠣ। ꠔꠣ-ꠅ ꠈꠣꠟꠤ ꠟꠦꠛꠤ ꠅꠇꠟ ꠍꠣꠠꠣ ꠖꠥꠍꠞꠣ ꠇꠦꠃ ꠔꠥꠝꠞꠣꠞ ꠉꠦꠍꠦ ꠎꠣꠅꠀ ꠘꠤꠡꠦꠗ।

ꠔꠃꠞꠣꠔ ৪: ꠡꠥꠝꠣꠞꠤ 3:5

ꠛꠣꠖꠦ ꠝꠣꠛꠥꠖꠦ ꠝꠥꠍꠣ ꠘꠛꠤꠞꠦ ꠇꠁꠟꠣ,

ꠔꠃꠞꠣꠔ ৪: ꠡꠥꠝꠣꠞꠤ 4:15

ꠢꠣꠞꠥꠘ ꠀꠞ ꠔꠣꠞ ꠙꠥꠀꠂꠘ꠆ꠔꠦ ꠎꠦꠛꠟꠣ ꠅꠃ ꠙꠣꠇ-ꠙꠛꠤꠔ꠆ꠞ ꠎꠤꠘꠤꠡ ꠅꠇꠟ ꠀꠞ ꠄꠛꠣꠖꠔ ꠈꠣꠘꠣꠞ ꠝꠣꠟ-ꠍꠣꠝꠣꠘꠣ ꠢꠇꠟꠔꠣ ꠉꠥꠞꠤꠟꠤꠛꠣ, ꠔꠣꠞꠣ ꠔꠣꠝ꠆ꠛꠥ ꠔꠥꠟꠤꠀ ꠍꠚꠞꠅ ꠛꠣꠞꠘꠤꠞ ꠟꠣꠉꠤ ꠎꠦꠛꠟꠣ ꠔꠤꠀꠞ ꠅꠁꠎꠤꠛꠣ, ꠅꠃ ꠡꠝꠄ ꠅꠔꠣ ꠛꠁꠀ ꠘꠤꠛꠣꠞ ꠟꠣꠉꠤ ꠇꠣꠢꠣꠔꠤ ꠅꠇꠟ ꠀꠁꠛꠣ। ꠅꠁꠟꠦ ꠔꠣꠞꠣ ꠇꠥꠘꠥ ꠙꠣꠇ-ꠙꠛꠤꠔ꠆ꠞ ꠌꠤꠎꠞꠦ ꠀꠔꠖꠤ ꠍꠁꠔꠣ ꠙꠣꠞꠔꠣ ꠘꠣꠄ, ꠍꠁꠟꠦꠃ ꠝꠞꠛꠣ। ꠝꠤꠟꠘ-ꠔꠣꠝ꠆ꠛꠥꠞ ꠅꠃ ꠢꠇ꠆ꠇꠟ ꠎꠤꠘꠤꠡ ꠔꠣꠞꠣ ꠛꠁꠀ ꠘꠤꠛꠣ।

ꠔꠃꠞꠣꠔ ৪: ꠡꠥꠝꠣꠞꠤ 8:19

ꠅꠃ ꠟꠦꠛꠤ ꠅꠇꠟꠞꠦ ꠀꠝꠤ ꠢꠣꠞꠥꠘ ꠀꠞ ꠔꠣꠞ ꠙꠥꠀꠂꠘ꠆ꠔꠞꠦ ꠡꠝꠎꠣꠁꠍꠤ, ꠎꠣꠔꠦ ꠔꠣꠞꠣ ꠛꠘꠤ ꠁꠍꠞꠣꠁꠟꠞ ꠅꠁꠀ ꠝꠤꠟꠘ-ꠔꠣꠝ꠆ꠛꠥꠞ ꠈꠦꠎꠝꠔ ꠇꠞꠂꠘ, ꠔꠣꠞꠣꠞ ꠉꠥꠘꠣꠞ ꠇꠚꠞꠣꠞ ꠃꠍꠤꠟ꠆ꠟꠣ ꠇꠞꠂꠘ। ꠄꠞꠟꠣꠉꠤ ꠛꠘꠤ ꠁꠍꠞꠣꠁꠟꠞ ꠇꠦꠃ ꠀꠝꠣꠞ ꠊꠞꠞ ꠇꠣꠘ꠆ꠖꠣꠔ ꠀꠁꠟꠦꠅ ꠔꠣꠞ ꠃꠙꠞꠦ ꠇꠥꠘꠥ ꠉꠎꠛ ꠟꠣꠝꠔ ꠘꠣꠄ।”

ꠔꠃꠞꠣꠔ ৪: ꠡꠥꠝꠣꠞꠤ 8:22

ꠄꠞꠛꠣꠖꠦ ꠟꠦꠛꠤ ꠅꠇꠟꠅ ꠢꠣꠞꠥꠘ ꠀꠞ ꠔꠣꠘ ꠙꠥꠀꠂꠘ꠆ꠔꠞ ꠎꠤꠝ꠆ꠝꠣꠄ ꠝꠤꠟꠘ-ꠔꠣꠝ꠆ꠛꠥꠞ ꠈꠣꠖꠤꠝꠖꠣꠞꠤꠔ ꠉꠦꠟꠣ। ꠉꠦꠟꠦ ꠝꠣꠛꠥꠖꠦ ꠝꠥꠍꠣꠞꠦ ꠟꠦꠛꠤ ꠅꠇꠟꠞ ꠛꠦꠙꠣꠞꠦ ꠎꠦꠟꠣ ꠢꠥꠇꠥꠝ ꠖꠤꠍꠟꠣ, ꠑꠤꠇ ꠅꠃꠟꠣ ꠇꠞꠣ ꠅꠁꠟ।

Injil 19: Ibrani 9:6

ꠁ ꠢꠇ꠆ꠇꠟꠔꠣ ꠎꠥꠁꠔ ꠇꠞꠣꠞ ꠛꠣꠖꠦ ꠁꠝꠣꠝ ꠅꠇꠟꠦ ꠁꠝꠣꠝꠔꠤ ꠇꠣꠝꠞ ꠟꠣꠉꠤ ꠢꠣꠝꠦꠡꠣ ꠙꠄꠟꠣ ꠇꠥꠑꠣꠞ ꠜꠤꠔꠞꠦ ꠢꠣꠝꠣꠁꠔꠣ।