ꠔꠃꠞꠣꠔ ৪: ꠡꠥꠝꠣꠞꠤ 18:12 - Siloṭi Asmani Kitab (Nagri lipi)

¹² “ꠛꠘꠤ ꠁꠍꠞꠣꠁꠟꠦ ꠔꠣꠞꠣꠞ ꠈꠦꠔꠞ ꠢꠇꠟ ꠕꠣꠇꠤ ꠜꠣꠟꠣ ꠎꠦ ꠔꠦꠟ, ꠘꠄꠀ ꠀꠋꠉꠥꠞꠞ ꠡꠞꠛꠔ ꠀꠞ ꠚꠡꠟꠞ ꠎꠦ ꠅꠋꠡ ꠝꠣꠛꠥꠖꠞ ꠘꠣꠝꠦ ꠍꠖꠉꠣ ꠖꠤꠛꠣ, ꠁꠔꠣ ꠢꠇ꠆ꠇꠟꠔꠣ ꠀꠝꠤ ꠔꠥꠝꠣꠞꠦ ꠖꠤꠟꠣꠁꠟꠣꠝ।

ছিলটি আছমানি কিতাব (বাংলা লিপি)

¹² “বনি ইছরাইলে তারার খেতর হকল থাকি ভালা যে তেল, নয়া আংগুরর শরবত আর ফসলর যে অংশ মাবুদর নামে ছদগা দিবা, ইতা হক্কলতা আমি তুমারে দিলাইলাম।

Siloṭi Asmani Kitab (Latin lipi)

¹² “Boni Israile tarar ḳetor hoḳol taki bala ze tel, noya anguror shorbot ar fosholor ze ongsho Mabudor name sodga diba, ita hokkolta ami tumare dilailam.

ꠔꠃꠞꠣꠔ ৪: ꠡꠥꠝꠣꠞꠤ 18:12 Iomraidhean Croise

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 27:28

ꠀꠟ꠆ꠟꠣꠄ ꠀꠍꠝꠣꠘꠞ ꠈꠥꠀ ꠕꠘꠦ ꠀꠞ ꠞꠡꠣꠁꠟ ꠎꠝꠤꠘ ꠕꠘꠦ ꠔꠥꠝꠣꠞꠦ ꠖꠦꠃꠇ꠆ꠇꠣ; ꠛꠃꠔ ꠚꠡꠟ ꠀꠞ ꠀꠋꠉꠥꠞꠞ ꠡꠞꠛꠔ ꠔꠥꠝꠣꠞꠦ ꠖꠦꠃꠇ꠆ꠇꠣ।

ꠔꠃꠞꠣꠔ ২: ꠢꠤꠎꠞꠔ 22:29

“ꠔꠥꠝꠞꠣꠞ ꠈꠦꠔꠞ ꠚꠡꠟ ꠛꠣ ꠀꠋꠉꠥꠞꠞ ꠡꠞꠛꠔꠞ ꠎꠦ ꠛꠣꠐ ꠀꠝꠣꠞꠦ ꠖꠤꠛꠣꠞ ꠇꠕꠣ, ꠀꠝꠣꠞ ꠁ ꠛꠣꠐ ꠖꠤꠔꠦ ꠖꠦꠞꠤ ꠇꠞꠤꠅ ꠘꠣ। ꠔꠥꠝꠞꠣ ꠢꠇꠟꠞ ꠛꠠ ꠙꠥꠀꠂꠘ ꠀꠝꠣꠞꠦ ꠖꠤꠟꠣꠁꠛꠣꠄ।

ꠔꠃꠞꠣꠔ ২: ꠢꠤꠎꠞꠔ 23:19

ꠔꠥꠝꠞꠣꠞ ꠈꠦꠔꠞ ꠢꠇꠟ ꠕꠣꠇꠤ ꠜꠣꠟꠣ ꠚꠡꠟ, ꠔꠥꠝꠞꠣꠞ ꠝꠣꠛꠥꠖ ꠀꠟ꠆ꠟꠣꠞ ꠊꠞꠅ ꠀꠘꠤꠅ। “ꠀꠞ ꠢꠥꠘꠅ, ꠇꠥꠘꠥ ꠍꠣꠉꠟꠞ ꠛꠣꠁꠌ꠆ꠌꠣꠞ ꠉꠥꠡ꠆ꠔ ꠔꠣꠞ ꠝꠣʼꠞ ꠖꠥꠗ ꠖꠤꠀ ꠞꠣꠘ꠆ꠖꠤꠅ ꠘꠣ।

ꠔꠃꠞꠣꠔ ২: ꠢꠤꠎꠞꠔ 34:26

“ꠔꠥꠝꠞꠣꠞ ꠈꠦꠔꠞ ꠖꠣꠅꠀ ꠙꠄꠟꠣ ꠚꠡꠟꠞ ꠢꠇꠟ ꠕꠣꠇꠤ ꠜꠣꠟꠣ ꠅꠋꠡ ꠀꠟ꠆ꠟꠣ ꠝꠣꠛꠥꠖꠞ ꠊꠞꠅ ꠟꠁꠀ ꠀꠁꠅ। “ꠀꠞ ꠢꠥꠘꠅ, ꠍꠣꠉꠟꠞ ꠛꠣꠁꠌ꠆ꠌꠣꠞ ꠉꠥꠡ꠆ꠔ ꠔꠣꠞ ꠝꠣʼꠞ ꠖꠥꠗꠖꠤ ꠞꠣꠘ꠆ꠖꠤꠅ ꠘꠣ।”

ꠔꠃꠞꠣꠔ ৩: ꠟꠦꠛꠤꠀꠘ 2:12

ꠔꠣ-ꠅ ꠈꠦꠔꠞ ꠙꠄꠟꠣ ꠚꠄ-ꠚꠡꠟꠞ ꠍꠖꠉꠣꠞ ꠟꠉꠦ ꠔꠥꠝꠞꠣ ꠝꠃ ꠛꠣ ꠈꠣꠝꠤꠞ ꠝꠣꠛꠥꠖꠞ ꠘꠣꠝꠦ ꠖꠤꠔꠣꠄ ꠙꠣꠞꠛꠣꠄ, ꠅꠁꠟꠦ ꠗꠥꠝꠣꠞ ꠊꠦꠞꠣꠘ ꠀꠟꠣ ꠍꠖꠉꠣꠞ ꠘꠤꠅꠔꠦ ꠈꠣꠝꠤꠞ ꠛꠣ ꠝꠃ ꠇꠥꠞꠛꠣꠘꠤ ꠈꠣꠘꠣꠔ ꠎꠣꠟꠣꠁꠟ ꠎꠣꠁꠔ ꠘꠣꠄ।

ꠔꠃꠞꠣꠔ ৩: ꠟꠦꠛꠤꠀꠘ 2:14

“ꠔꠥꠝꠞꠣꠞ ꠈꠦꠔꠞ ꠙꠄꠟꠣ ꠖꠣꠅꠀ ꠗꠣꠘ-ꠉꠝꠞ ꠇꠥꠘꠥ ꠚꠡꠟ ꠎꠥꠖꠤ ꠝꠣꠛꠥꠖꠞ ꠘꠣꠝꠦ ꠟꠤꠟ꠆ꠟꠣ-ꠍꠖꠉꠣ ꠢꠤꠡꠣꠛꠦ ꠟꠁꠀ ꠀꠅ, ꠔꠦ ꠁꠔꠣ ꠝꠣꠠꠣ ꠖꠦꠅꠀ ꠇꠣꠌꠣ ꠘꠄꠀ ꠗꠣꠘ-ꠉꠝ ꠛꠣ ꠀꠡ꠆ꠔꠣ ꠍꠠꠣꠞꠦ ꠀꠉꠥꠁꠘꠖꠤ ꠢꠦꠖꠤꠀ ꠀꠘꠛꠣꠄ।

ꠔꠃꠞꠣꠔ ৩: ꠟꠦꠛꠤꠀꠘ 23:17

ꠔꠥꠝꠞꠣ ꠘꠤꠎꠞ ꠛꠣꠠꠤ ꠕꠣꠇꠤ ꠝꠣꠛꠥꠖꠞ ꠘꠣꠝꠦ ꠖꠥꠟꠘꠣ ꠇꠥꠞꠛꠣꠘꠤ ꠖꠤꠛꠣꠞ ꠘꠤꠅꠔꠦ ꠈꠦꠔꠞ ꠙꠄꠟꠣ ꠚꠡꠟ ꠕꠣꠇꠤ ꠇꠤꠍꠥ ꠚꠡꠟ ꠀꠘꠤꠅ। ꠔꠥꠝꠞꠣ ꠌꠣꠁꠞ ꠡꠦꠞ ꠝꠄꠖꠣꠖꠤ ꠛꠣꠘꠣꠁꠟ ꠈꠣꠝꠤꠞ ꠙꠥꠞꠣꠁꠟ ꠖꠥꠈꠣꠘ ꠘꠣꠘ ꠞꠥꠐꠤ ꠀꠘꠤꠅ।

ꠔꠃꠞꠣꠔ ৩: ꠟꠦꠛꠤꠀꠘ 23:20

ꠁꠝꠣꠝ ꠍꠣꠛꠦ ꠖꠥꠟꠘꠣ ꠇꠥꠞꠛꠣꠘꠤ ꠢꠤꠡꠣꠛꠦ ꠝꠣꠛꠥꠖꠞ ꠍꠣꠝꠘꠦ ꠅꠃ ꠖꠥꠁꠅ ꠝꠦꠠꠣ-ꠛꠣꠁꠌ꠆ꠌꠣ ꠀꠞ ꠈꠦꠔꠞ ꠙꠄꠟꠣ ꠚꠡꠟꠖꠤ ꠛꠣꠘꠣꠁꠟ ꠞꠥꠐꠤ ꠘꠤꠀ ꠖꠥꠟꠣꠁꠛꠣ। ꠁꠔꠣ ꠔ ꠝꠣꠛꠥꠖꠞ ꠘꠣꠝꠞ ꠇꠥꠞꠛꠣꠘꠤꠞ ꠙꠣꠇ-ꠙꠛꠤꠔ꠆ꠞ ꠍꠣꠝꠣꠘꠣ, ꠁꠔꠣ ꠁꠝꠣꠝ ꠍꠣꠛꠞ ꠙꠣꠅꠘꠣ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 18:3

“ꠝꠣꠘꠡꠦ ꠎꠔ ꠉꠞꠥ-ꠍꠣꠉꠟ ꠇꠥꠞꠛꠣꠘꠤ ꠖꠤꠛꠣ, ꠁꠔꠣꠞ ꠇꠣꠘ꠆ꠖꠞ ꠉꠥꠡ꠆ꠔ, ꠖꠥꠁꠅ ꠉꠣꠟ ꠀꠞ ꠙꠦꠐꠞ ꠜꠤꠔꠞꠞ ꠢꠇ꠆ꠇꠟꠔꠣ ꠁꠝꠣꠝ ꠍꠣꠛꠞꠦ ꠖꠤꠛꠣꠄ, ꠁꠔꠣ ꠔꠣꠘ ꠙꠣꠅꠘꠣ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 18:4

ꠔꠥꠝꠞꠣꠞ ꠈꠦꠔꠞ ꠙꠄꠟꠣ ꠚꠡꠟ, ꠛꠣꠉꠣꠘꠞ ꠀꠋꠉꠥꠞ ꠕꠣꠇꠤ ꠛꠣꠘꠣꠁꠟ ꠙꠄꠟꠣ ꠡꠞꠛꠔ ꠀꠞ ꠎꠄꠔꠥꠘ ꠕꠣꠇꠤ ꠛꠣꠘꠣꠁꠟ ꠔꠦꠟꠞ ꠙꠄꠟꠣ ꠅꠋꠡ, ꠍꠣꠉꠟ-ꠝꠦꠠꠣꠞ ꠙꠄꠟꠣ ꠛꠣꠞ ꠇꠣꠐꠣ ꠞꠥꠝꠣ ꠁꠝꠣꠝ ꠍꠣꠛꠞꠦ ꠖꠤꠛꠣꠄ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 26:2

ꠅꠃ ꠡꠝꠄ ꠔꠥꠝꠞꠣꠞ ꠝꠣꠛꠥꠖ ꠀꠟ꠆ꠟꠣꠞ ꠖꠦꠅꠀ ꠎꠝꠤꠘꠞ ꠢꠇꠟ ꠎꠣꠔꠞ ꠚꠡꠟ ꠕꠣꠇꠤ, ꠙꠄꠟꠣ ꠙꠣꠅꠀ ꠚꠡꠟꠞ ꠄꠇꠐꠣ ꠅꠋꠡ ꠄꠇ ꠐꠥꠇꠞꠤꠔ ꠜꠞꠤꠀ ꠀꠟꠉꠣꠁꠀ ꠕꠁꠅ। ꠀꠞ ꠔꠥꠝꠞꠣꠞ ꠝꠣꠛꠥꠖ ꠀꠟ꠆ꠟꠣꠄ ꠘꠤꠎꠞ ꠛꠣꠄꠔꠥꠟ꠆ꠟꠣ ꠡꠞꠤꠚ ꠢꠤꠡꠣꠛꠦ ꠎꠦ ꠎꠣꠉꠣꠞꠦ ꠙꠍꠘ꠆ꠖ ꠇꠞꠛꠣ, ꠅꠃ ꠚꠡꠟ ꠟꠁꠀ ꠢꠘꠅ ꠎꠣꠁꠅ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 32:14

ꠈꠣꠛꠣꠁꠟꠣ ꠔꠣꠞꠣꠞꠦ ꠔꠣꠁꠘ ꠉꠞꠥꠞ ꠖꠥꠗꠞ ꠖꠁ, ꠍꠣꠉꠟ-ꠝꠦꠠꠣꠞ ꠖꠥꠗꠅ ꠈꠣꠁꠟꠣ ꠎꠣꠘꠤꠅ ꠘꠤꠌ꠆ꠌꠄ। ꠝꠥꠐꠣ-ꠔꠣꠎꠣ ꠝꠦꠠꠣꠞ ꠉꠥꠡ꠆ꠔ ꠈꠣꠁꠟꠣ ꠝꠎꠣ ꠇꠞꠤ, ꠛꠣꠡꠘ ꠖꠦꠡꠞ ꠉꠞꠥ-ꠈꠡꠤ ꠈꠣꠁꠟꠣ ꠞꠥꠐꠤꠖꠤ। ꠔꠣꠎꠣ-ꠙꠥꠡ꠆ꠐ ꠉꠝꠞ ꠞꠥꠐꠤ ꠀꠋꠉꠥꠞꠞ ꠡꠞꠛꠔ, ꠒꠦꠝꠖꠤ ꠃꠑꠣ ꠀꠋꠉꠥꠞ ꠅꠁꠟ ꠀꠟ꠆ꠟꠣꠞ ꠘꠤꠀꠝꠔ।