ꠔꠃꠞꠣꠔ ৪: ꠡꠥꠝꠣꠞꠤ 18:10 - Siloṭi Asmani Kitab (Nagri lipi)

¹⁰ ꠁꠔꠣ ꠘꠤꠀ ꠢꠣꠞꠤ ꠈꠣꠍ ꠙꠣꠇ-ꠙꠛꠤꠔ꠆ꠞ ꠎꠤꠘꠤꠡ ꠛꠥꠎꠤꠀ ꠁꠎ꠆ꠎꠔ ꠇꠞꠤꠀ ꠔꠥꠝꠞꠣ ꠈꠣꠁꠅ। ꠔꠥꠝꠞꠣꠞ ꠢꠇꠟ ꠛꠦꠐꠣꠁꠘ꠆ꠔꠦ ꠁꠔꠣ ꠈꠣꠁꠔꠣꠄ ꠙꠣꠞꠛꠣꠄ। ꠁ ꠈꠣꠘꠤ ꠔꠥꠝꠞꠣꠞ ꠟꠣꠉꠤ ꠙꠛꠤꠔ꠆ꠞ।

ছিলটি আছমানি কিতাব (বাংলা লিপি)

¹⁰ ইতা নিয়া হারি খাছ পাক-পবিত্র জিনিস বুজিয়া ইজ্জত করিয়া তুমরা খাইও। তুমরার হকল বেটাইন্তে ইতা খাইতায় পারবায়। ই খানি তুমরার লাগি পবিত্র।

Siloṭi Asmani Kitab (Latin lipi)

¹⁰ Ita nia hari kas fak-fobitro zinish buzia ijjot ḳoria tumra ḳaio. Tumrar hoḳol beṭainte ita ḳaitae farbae. I kani tumrar lagi fobitro.

ꠔꠃꠞꠣꠔ ৪: ꠡꠥꠝꠣꠞꠤ 18:10 Iomraidhean Croise

ꠔꠃꠞꠣꠔ ৩: ꠟꠦꠛꠤꠀꠘ 10:13

ꠔꠥꠝꠞꠣ ꠙꠛꠤꠔ꠆ꠞ ꠇꠣꠛꠣ ꠊꠞꠞ ꠡꠤꠝꠣꠘꠣꠞ ꠜꠤꠔꠞꠦ ꠅꠔꠣ ꠈꠣꠁꠅ। ꠝꠣꠛꠥꠖꠞ ꠘꠣꠝꠦ ꠀꠉꠥꠘꠤꠔ ꠖꠦꠅꠀ ꠇꠥꠞꠛꠣꠘꠤꠞ ꠅꠃ ꠅꠋꠡ ꠔ ꠔꠥꠝꠣꠞ ꠀꠞ ꠔꠥꠝꠣꠞ ꠙꠥꠀꠂꠘ꠆ꠔꠞ ꠙꠣꠅꠘꠣ। ꠝꠣꠛꠥꠖꠦ ꠀꠝꠣꠞꠦ ꠅꠟꠣ ꠢꠥꠇꠥꠝ ꠖꠤꠍꠂꠘ।

ꠔꠃꠞꠣꠔ ৩: ꠟꠦꠛꠤꠀꠘ 10:17

“ꠉꠥꠘꠣꠞ ꠇꠚꠞꠣꠞ ꠇꠥꠞꠛꠣꠘꠤꠞ ꠉꠥꠡ꠆ꠔ ꠔꠥꠝꠞꠣ ꠇꠣꠛꠣ ꠊꠞꠞ ꠡꠤꠝꠣꠘꠣꠔ ꠈꠣꠁꠟꠣꠄ ꠘꠣ ꠇꠦꠘꠦ? ꠁꠔꠣ ꠔ ꠈꠣꠍ ꠙꠛꠤꠔ꠆ꠞ ꠎꠤꠘꠤꠡ। ꠝꠣꠛꠥꠖꠞ ꠍꠣꠝꠘꠦ ꠛꠘꠤ ꠁꠍꠞꠣꠁꠟꠞ ꠉꠥꠘꠣꠞ ꠇꠚꠞꠣ ꠀꠖꠣꠄ ꠇꠞꠤꠀ, ꠔꠣꠞꠣꠞ ꠖꠥꠡ-ꠇꠍꠥꠞꠤ ꠝꠣꠚꠤꠞ ꠟꠣꠉꠤ ꠁꠔꠣ ꠔ ꠔꠥꠝꠞꠣꠞꠦ ꠖꠦꠅꠀ ꠅꠁꠍꠤꠟ।

ꠔꠃꠞꠣꠔ ৩: ꠟꠦꠛꠤꠀꠘ 14:13

ꠛꠣꠖꠦ ꠙꠛꠤꠔ꠆ꠞ ꠇꠣꠛꠣ ꠊꠞꠞ ꠡꠤꠝꠣꠘꠣꠞ ꠎꠦ ꠎꠣꠉꠣꠔ ꠉꠥꠘꠣꠞ ꠇꠚꠞꠣꠞ ꠇꠥꠞꠛꠣꠘꠤ ꠀꠞ ꠎꠣꠟꠣꠁꠟ ꠇꠥꠞꠛꠣꠘꠤꠞ ꠙꠡꠥ ꠎꠛ ꠇꠞꠣ ꠅꠄ, ꠢꠃ ꠎꠣꠉꠣꠔ ꠅꠃ ꠙꠡꠥꠞꠦꠅ ꠎꠛ ꠇꠞꠛꠣ। ꠉꠥꠘꠣꠞ ꠇꠚꠞꠣꠞ ꠇꠥꠞꠛꠣꠘꠤꠞ ꠟꠣꠈꠣꠘ ꠖꠥꠡ-ꠇꠍꠥꠞꠤꠞ ꠇꠚꠞꠣꠞ ꠇꠥꠞꠛꠣꠘꠤꠞ ꠉꠥꠡ꠆ꠔꠅ ꠁꠝꠣꠝ ꠍꠣꠛꠦ ꠙꠣꠁꠛꠣ, ꠁꠔꠣ ꠔ ꠈꠣꠍ ꠙꠛꠤꠔ꠆ꠞ ꠉꠥꠡ꠆ꠔ।

ꠔꠃꠞꠣꠔ ৩: ꠟꠦꠛꠤꠀꠘ 21:22

ꠅꠁꠟꠦ ꠅꠃ ꠇꠥꠞꠛꠣꠘꠤꠞ ꠈꠣꠘꠤ ꠈꠣꠅꠀ ꠔꠣꠞ ꠟꠣꠉꠤ ꠎꠣꠁꠎ, ꠁꠔꠣ ꠙꠛꠤꠔ꠆ꠞ ꠛꠣ ꠈꠣꠍ-ꠙꠛꠤꠔ꠆ꠞ ꠅꠁꠟꠦꠅ ꠎꠣꠁꠎ ꠀꠍꠦ।

ꠔꠃꠞꠣꠔ ৩: ꠟꠦꠛꠤꠀꠘ 6:16

ꠍꠖꠉꠣꠞ ꠝꠣꠟꠞ ꠛꠣꠖ-ꠛꠣꠇꠤ ꠅꠋꠡ ꠁꠝꠣꠝ ꠢꠣꠞꠥꠘ ꠀꠞ ꠔꠣꠞ ꠙꠥꠀꠂꠘ꠆ꠔꠦ ꠈꠣꠁꠛꠣ। ꠔꠣꠞꠣ ꠁꠔꠣꠞ ꠝꠣꠎꠦ ꠇꠥꠘꠥ ꠈꠣꠝꠤꠞ ꠘꠣ ꠝꠤꠡꠣꠁꠀ ꠞꠥꠐꠤ ꠛꠣꠘꠣꠁꠛꠣ, ꠛꠣꠘꠣꠁꠀ ꠝꠤꠟꠘ-ꠔꠣꠝ꠆ꠛꠥꠞ ꠃꠑꠣꠘꠅ ꠇꠥꠘꠥ ꠙꠣꠇ ꠎꠣꠉꠣꠔ ꠛꠁꠀ ꠈꠣꠁꠛꠣ।

ꠔꠃꠞꠣꠔ ৩: ꠟꠦꠛꠤꠀꠘ 6:18

ꠈꠣꠟꠤ ꠁꠝꠣꠝ ꠢꠣꠞꠥꠘꠞ ꠛꠋꠡꠞ ꠢꠇꠟ ꠛꠦꠐꠣ ꠝꠣꠘꠡꠦ ꠁꠔꠣ ꠈꠣꠁꠔꠣ ꠙꠣꠞꠛꠣ, ꠝꠣꠛꠥꠖꠞ ꠘꠣꠝꠞ ꠎꠣꠟꠣꠁꠟ ꠇꠥꠞꠛꠣꠘꠤꠞ ꠅꠃ ꠅꠋꠡ ꠔ ꠅꠀꠞꠤꠡꠞ ꠙꠞ ꠅꠀꠞꠤꠡ ꠗꠞꠤ ꠔꠣꠞꠣꠃ ꠙꠣꠁꠛꠣ। ꠈꠥꠛ ꠈꠤꠀꠟ ꠞꠣꠈꠤꠅ, ꠎꠦꠍꠣꠔꠣꠄ ꠁꠔꠣꠞ ꠟꠉꠦ ꠟꠣꠉꠛ, ꠅꠔꠣꠅ ꠙꠣꠇ-ꠙꠛꠤꠔ꠆ꠞ ꠛꠘꠤꠎꠤꠛ, ꠝꠣꠘꠤ ꠁꠝꠣꠝ ꠅꠇꠟꠞ ꠛꠣꠁꠞꠣ ꠝꠣꠘꠡꠞ ꠟꠣꠉꠤ ꠢꠣꠞꠣꠝ।”

ꠔꠃꠞꠣꠔ ৩: ꠟꠦꠛꠤꠀꠘ 6:26

ꠎꠦ ꠁꠝꠣꠝꠦ ꠅꠃ ꠇꠥꠞꠛꠣꠘꠤ ꠀꠖꠣꠄ ꠇꠞꠛꠣ, ꠄꠁꠘ ꠅꠃ ꠉꠥꠡ꠆ꠔ ꠈꠣꠁꠛꠣ। ꠝꠤꠟꠘ-ꠔꠣꠝ꠆ꠛꠥꠞ ꠃꠑꠣꠘꠅ ꠙꠛꠤꠔ꠆ꠞ ꠎꠣꠉꠣꠔ ꠅꠃ ꠉꠥꠡ꠆ꠔ ꠈꠣꠁꠔꠦ ꠅꠁꠛ।

ꠔꠃꠞꠣꠔ ৩: ꠟꠦꠛꠤꠀꠘ 6:29

ꠁꠝꠣꠝ ꠛꠋꠡꠞ ꠎꠦꠇꠥꠘꠥ ꠛꠦꠐꠣꠁꠘ꠆ꠔꠦ ꠅꠃ ꠇꠥꠞꠛꠣꠘꠤꠞ ꠉꠥꠡ꠆ꠔ ꠈꠣꠁꠔꠣ ꠙꠣꠞꠛꠣ, ꠁꠔꠣ ꠔ ꠈꠣꠍ ꠙꠛꠤꠔ꠆ꠞ ꠉꠥꠡ꠆ꠔ।

ꠔꠃꠞꠣꠔ ৩: ꠟꠦꠛꠤꠀꠘ 7:6

ꠇꠥꠞꠛꠣꠘꠤꠞ ꠉꠥꠡ꠆ꠔ ꠁꠝꠣꠝ ꠙꠞꠤꠛꠣꠞꠞ ꠎꠦꠇꠥꠘꠥ ꠛꠦꠐꠣ ꠝꠣꠘꠡꠦ ꠈꠣꠁꠔꠣ ꠙꠣꠞꠛꠣ। ꠁꠔꠣ ꠔ ꠈꠣꠍ ꠙꠛꠤꠔ꠆ꠞ ꠎꠤꠘꠤꠡ, ꠄꠞꠟꠣꠉꠤ ꠔꠣꠞꠣ ꠎꠦꠇꠥꠘꠥ ꠙꠣꠇ ꠎꠣꠉꠣꠔ ꠛꠁꠀ ꠈꠣꠁꠔꠦ ꠅꠁꠛ।

ꠔꠃꠞꠣꠔ ৪: ꠡꠥꠝꠣꠞꠤ 18:11

ꠀꠞ ꠛꠘꠤ ꠁꠍꠞꠣꠁꠟꠞ ꠖꠦꠅꠀ ꠢꠇꠟ ꠖꠥꠟꠘꠣ ꠇꠥꠞꠛꠣꠘꠤꠞ ꠎꠤꠘꠤꠡꠅ ꠔꠥꠝꠞꠣꠞ ꠅꠁꠛ। ꠁꠔꠣ ꠀꠝꠤ ꠔꠥꠝꠣꠞꠦ ꠀꠞ ꠔꠥꠝꠣꠞ ꠅꠀꠞꠤꠡ ꠅꠇꠟꠞꠦ ꠌꠤꠞꠇꠣꠟꠤꠘ ꠙꠣꠅꠘꠣ ꠢꠤꠡꠣꠛꠦ ꠖꠤꠞꠣꠝ। ꠔꠥꠝꠣꠞ ꠙꠞꠤꠛꠣꠞꠞ ꠎꠦꠞꠣ ꠙꠣꠇ-ꠙꠣꠇꠤꠎꠣ ꠢꠣꠟꠔꠦ ꠞꠁꠛꠣ, ꠔꠣꠞꠣ ꠁꠔꠣ ꠈꠣꠁꠔꠣ ꠙꠣꠞꠛꠣ।

ꠔꠃꠞꠣꠔ ৪: ꠡꠥꠝꠣꠞꠤ 18:9

ꠈꠣꠍ ꠙꠛꠤꠔ꠆ꠞ ꠇꠥꠞꠛꠣꠘꠤꠞ ꠎꠦ ꠅꠋꠡ ꠀꠉꠥꠁꠘꠅ ꠎꠣꠟꠣꠘꠤ ꠟꠣꠉꠔ ꠘꠣꠄ, ꠅꠃ ꠛꠣꠐꠅ ꠔꠥꠝꠞꠣ ꠘꠤꠅꠉꠤ। ꠔꠦ ꠗꠣꠘ-ꠉꠝꠞ ꠍꠖꠉꠣ, ꠉꠥꠘꠣꠞ ꠇꠚꠞꠣꠞ ꠇꠥꠞꠛꠣꠘꠤ, ꠀꠞ ꠖꠥꠡ-ꠇꠍꠥꠞꠤꠞ ꠇꠚꠞꠣꠞ ꠇꠥꠞꠛꠣꠘꠤꠞ ꠟꠣꠉꠤ ꠛꠘꠤ ꠁꠍꠞꠣꠁꠟꠦ ꠀꠝꠣꠞ ꠉꠦꠍꠦ ꠎꠔꠔꠣ ꠟꠁꠀ ꠀꠁꠛꠣ, ꠁꠔꠣ ꠔꠥꠝꠤ ꠀꠞ ꠔꠥꠝꠣꠞ ꠅꠀꠞꠤꠡ ꠅꠇꠟꠞ ꠙꠣꠅꠘꠣ ꠢꠇ।