ꠔꠃꠞꠣꠔ ৪: ꠡꠥꠝꠣꠞꠤ 18:1 - Siloṭi Asmani Kitab (Nagri lipi)

¹ ꠝꠣꠛꠥꠖꠦ ꠢꠣꠞꠥꠘ ꠘꠛꠤꠞꠦ ꠇꠁꠟꠣ, “ꠙꠛꠤꠔ꠆ꠞ ꠄꠛꠣꠖꠔ ꠈꠣꠘꠣꠞ ꠛꠦꠙꠣꠞꠦ ꠎꠔ ꠘꠣꠚꠞꠝꠣꠘꠤ ꠇꠞꠣ ꠅꠁꠛ, ꠄꠞ ꠖꠣꠄ-ꠖꠣꠄꠁꠔ꠆ꠔ ꠛꠞ꠆ꠔꠤꠛ ꠔꠥꠝꠣꠞ ꠃꠙꠞꠦ, ꠔꠥꠝꠣꠞ ꠙꠥꠀꠂꠘ ꠀꠞ ꠔꠥꠝꠣꠞ ꠉꠥꠡ꠆ꠐꠤꠞ ꠢꠇꠟꠞ ꠃꠙꠞꠦꠅ। ꠀꠞ ꠁꠝꠣꠝꠔꠤ ꠇꠣꠝꠞ ꠛꠣꠟꠣ ꠎꠔ ꠟꠣꠈꠣꠘ ꠘꠣꠚꠞꠝꠣꠘꠤ ꠇꠞꠣ ꠅꠁꠛ, ꠁꠔꠣꠞ ꠖꠣꠄꠁ ꠅꠁꠛꠣꠄ ꠈꠣꠟꠤ ꠔꠥꠝꠤ ꠀꠞ ꠔꠥꠝꠣꠞ ꠙꠥꠀꠂꠘ।

ছিলটি আছমানি কিতাব (বাংলা লিপি)

¹ মাবুদে হারুন নবীরে কইলা, “পবিত্র এবাদত খানার বেয়াপারে যত নাফরমানি করা অইবো, এর দায়-দায়িত্ব বর্তিবো তুমার উপরে, তুমার পুয়াইন আর তুমার গুষ্টির হকলর উপরেও। আর ইমামতি কামর বালা যত লাখান নাফরমানি করা অইবো, ইতার দায়ী অইবায় খালি তুমি আর তুমার পুয়াইন।

Siloṭi Asmani Kitab (Latin lipi)

¹ Mabude Harun nobire ḳoila, “Fobitro ebadot ḳanar befare zoto naformani kora oibo, er day-dayitto bortibo tumar ufre, tumar fuain ar tumar gusṭir hoḳlor ufre-o. Ar imamoti kamor bala zoto laḳan naformani kora oibo, itar dayi oibae ḳali tumi ar tumar fuain.

ꠔꠃꠞꠣꠔ ৪: ꠡꠥꠝꠣꠞꠤ 18:1 Iomraidhean Croise

ꠔꠃꠞꠣꠔ ২: ꠢꠤꠎꠞꠔ 28:38

ꠁꠐꠣ ꠢꠣꠞꠥꠘꠞ ꠇꠙꠣꠟꠞ ꠃꠙꠞꠦ ꠞꠁꠛ। ꠎꠔ ꠙꠣꠇ-ꠙꠛꠤꠔ꠆ꠞ ꠝꠣꠟ ꠛꠘꠤ ꠁꠍꠞꠣꠁꠟꠦ ꠖꠣꠘ-ꠈꠄꠞꠣꠔ ꠟꠁꠀ ꠀꠁꠛꠣ, ꠁꠔꠣꠞ ꠢꠇꠟ ꠘꠝꠥꠘꠣꠞ ꠖꠥꠡ-ꠔꠤꠞꠥꠐꠤꠞ ꠜꠣꠞ ꠢꠣꠞꠥꠘꠦ ꠛꠁꠛ। ꠝꠣꠛꠥꠖꠦ ꠎꠣꠔꠦ ꠔꠣꠞꠣꠞꠦ ꠇꠛꠥꠟ ꠇꠞꠂꠘ, ꠄꠞꠟꠣꠉꠤ ꠢꠣꠞꠥꠘꠦ ꠇꠙꠣꠟꠞ ꠃꠙꠞꠦ ꠁ ꠡꠥꠘꠣꠞ ꠙꠣꠔꠈꠣꠘ ꠢꠣꠝꠦꠡꠣ ꠟꠣꠉꠣꠁꠀ ꠞꠣꠈꠛ।

ꠔꠃꠞꠣꠔ ৩: ꠟꠦꠛꠤꠀꠘ 10:17

“ꠉꠥꠘꠣꠞ ꠇꠚꠞꠣꠞ ꠇꠥꠞꠛꠣꠘꠤꠞ ꠉꠥꠡ꠆ꠔ ꠔꠥꠝꠞꠣ ꠇꠣꠛꠣ ꠊꠞꠞ ꠡꠤꠝꠣꠘꠣꠔ ꠈꠣꠁꠟꠣꠄ ꠘꠣ ꠇꠦꠘꠦ? ꠁꠔꠣ ꠔ ꠈꠣꠍ ꠙꠛꠤꠔ꠆ꠞ ꠎꠤꠘꠤꠡ। ꠝꠣꠛꠥꠖꠞ ꠍꠣꠝꠘꠦ ꠛꠘꠤ ꠁꠍꠞꠣꠁꠟꠞ ꠉꠥꠘꠣꠞ ꠇꠚꠞꠣ ꠀꠖꠣꠄ ꠇꠞꠤꠀ, ꠔꠣꠞꠣꠞ ꠖꠥꠡ-ꠇꠍꠥꠞꠤ ꠝꠣꠚꠤꠞ ꠟꠣꠉꠤ ꠁꠔꠣ ꠔ ꠔꠥꠝꠞꠣꠞꠦ ꠖꠦꠅꠀ ꠅꠁꠍꠤꠟ।

ꠔꠃꠞꠣꠔ ৩: ꠟꠦꠛꠤꠀꠘ 22:16

ꠔꠣꠞꠣ ꠛꠣꠁꠞꠣ ꠝꠣꠘꠡꠞꠦ ꠁꠔꠣ ꠈꠣꠁꠔꠦ ꠖꠤꠀ ꠝꠣꠘꠡꠞꠦ ꠖꠥꠡꠤ ꠛꠣꠘꠣꠁꠀ ꠈꠦꠔꠤ-ꠙꠥꠞꠘꠞ ꠖꠣꠠꠅ ꠎꠣꠘꠥ ꠘꠣ ꠚꠣꠟꠣꠁꠘ। ꠝꠘꠅ ꠞꠣꠈꠤꠅ, ꠀꠝꠤ ꠝꠣꠛꠥꠖꠦꠁ ꠔꠣꠞꠣꠞꠦ ꠙꠛꠤꠔ꠆ꠞ ꠇꠞꠤ।”

ꠔꠃꠞꠣꠔ ৩: ꠟꠦꠛꠤꠀꠘ 22:9

“ꠁꠝꠣꠝ ꠅꠇꠟꠞ ꠛꠦꠙꠣꠞꠦ ꠀꠝꠤ ꠎꠦꠔꠣ ꠀꠁꠘ-ꠇꠣꠘꠥꠘ ꠖꠤꠍꠤ, ꠁꠔꠣ ꠔꠣꠞꠣ ꠝꠣꠘꠤꠀ ꠌꠟꠃꠇ। ꠀꠞꠘꠣꠄ ꠖꠥꠡꠤ ꠛꠘꠛꠣꠄ ꠀꠞ ꠘꠣꠙꠣꠇꠤꠞ ꠖꠞꠥꠘ ꠔꠣꠞꠣꠞ ꠝꠞꠘ ꠅꠁꠛ। ꠝꠘꠅ ꠞꠣꠈꠤꠅ, ꠀꠝꠤ ꠝꠣꠛꠥꠖꠦꠃ ꠔꠣꠞꠣꠞꠦ ꠙꠛꠤꠔ꠆ꠞ ꠇꠞꠤ।

ꠔꠃꠞꠣꠔ ৪: ꠡꠥꠝꠣꠞꠤ 14:34

ꠇꠦꠘꠣꠘ ꠖꠦꠡꠞ ꠢꠣꠟ-ꠢꠇꠤꠇꠔ ꠖꠦꠈꠤꠀ ꠀꠁꠔꠦ ꠎꠦ ꠌꠣꠟ꠆ꠟꠤꠡ ꠖꠤꠘ ꠟꠣꠉꠍꠤꠟ, ꠄꠞ ꠄꠇ ꠖꠤꠘꠞ ꠛꠖꠟꠣ ꠄꠇ ꠛꠍꠞ, ꠅꠃꠟꠣ ꠝꠥꠐ ꠌꠣꠟ꠆ꠟꠤꠡ ꠛꠍꠞ ꠔꠥꠝꠞꠣꠞ ꠘꠣꠚꠞꠝꠣꠘꠤꠞ ꠟꠣꠉꠤ ꠇꠡ꠆ꠐ ꠇꠞꠛꠣꠄ। ꠔꠦꠃ ꠛꠥꠎꠛꠣꠄ, ꠀꠝꠤ ꠎꠦꠛꠟꠣ ꠇꠦꠃꠞꠞ ꠛꠤꠞꠥꠗꠤꠔꠣ ꠇꠞꠤ ꠄꠞ ꠖꠡꠣ ꠇꠤꠟꠣ ꠅꠄ।

ꠔꠃꠞꠣꠔ ৪: ꠡꠥꠝꠣꠞꠤ 16:10

ꠔꠣꠁꠘ ꠔ ꠔꠥꠝꠣꠞꠦ ꠀꠞ ꠅꠁꠘ꠆ꠘꠣꠁꠘ꠆ꠘ ꠟꠦꠛꠤ ꠅꠇꠟꠞꠦ ꠘꠤꠎꠞ ꠗꠣꠞꠅ ꠀꠁꠛꠣꠞ ꠡꠥꠎꠥꠉ ꠖꠤꠍꠂꠘ, ꠅꠁꠟꠦ ꠔꠥꠝꠞꠣ ꠖꠦꠈꠤꠀꠞ ꠁꠝꠣꠝꠔꠤꠞ ꠙꠖꠞꠦꠅ ꠖꠈꠟ ꠇꠞꠔꠣꠄ ꠌꠣꠁꠞꠣꠄ।

ꠔꠃꠞꠣꠔ ৪: ꠡꠥꠝꠣꠞꠤ 17:13

ꠎꠦꠇꠥꠘꠥ ꠝꠣꠘꠥꠡ ꠝꠣꠛꠥꠖꠞ ꠊꠞꠞ ꠗꠣꠞꠅ ꠉꠦꠟꠦꠃ ꠝꠞꠤꠎꠣꠞ, ꠔꠦ ꠀꠝꠞꠣ ꠢꠇꠟꠃ ꠝꠞꠤꠎꠤꠝꠥ ꠘꠤ?”

ꠔꠃꠞꠣꠔ ৪: ꠡꠥꠝꠣꠞꠤ 17:3

ꠟꠦꠛꠤ ꠈꠣꠘ꠆ꠖꠣꠘꠞ ꠟꠣꠑꠤꠔ ꠟꠦꠈꠤꠅ ꠁꠝꠣꠝ ꠢꠣꠞꠥꠘꠞ ꠘꠣꠝ, ꠅꠟꠣ ꠛꠣꠚ-ꠖꠣꠖꠣꠞ ꠈꠣꠘ꠆ꠖꠣꠘ ꠝꠣꠚꠤꠇ ꠙꠞꠔꠦꠇ ꠈꠣꠘ꠆ꠖꠣꠘꠞ ꠡꠞ꠆ꠖꠣꠞꠞ ꠟꠣꠉꠤ ꠄꠇꠅꠐꠣ ꠟꠣꠑꠤ ꠕꠣꠇꠛ।

ꠔꠃꠞꠣꠔ ৪: ꠡꠥꠝꠣꠞꠤ 17:7

ꠝꠥꠍꠣꠄ ꠅꠃ ꠟꠣꠑꠤꠉꠥꠁꠘ ꠘꠤꠀ ꠡꠣꠢꠣꠖꠔ ꠔꠣꠝ꠆ꠛꠥꠞ ꠜꠤꠔꠞꠦ ꠝꠣꠛꠥꠖꠞ ꠍꠣꠝꠘꠦ ꠕꠁꠟꠣ।

ꠔꠃꠞꠣꠔ ৪: ꠡꠥꠝꠣꠞꠤ 18:11

ꠀꠞ ꠛꠘꠤ ꠁꠍꠞꠣꠁꠟꠞ ꠖꠦꠅꠀ ꠢꠇꠟ ꠖꠥꠟꠘꠣ ꠇꠥꠞꠛꠣꠘꠤꠞ ꠎꠤꠘꠤꠡꠅ ꠔꠥꠝꠞꠣꠞ ꠅꠁꠛ। ꠁꠔꠣ ꠀꠝꠤ ꠔꠥꠝꠣꠞꠦ ꠀꠞ ꠔꠥꠝꠣꠞ ꠅꠀꠞꠤꠡ ꠅꠇꠟꠞꠦ ꠌꠤꠞꠇꠣꠟꠤꠘ ꠙꠣꠅꠘꠣ ꠢꠤꠡꠣꠛꠦ ꠖꠤꠞꠣꠝ। ꠔꠥꠝꠣꠞ ꠙꠞꠤꠛꠣꠞꠞ ꠎꠦꠞꠣ ꠙꠣꠇ-ꠙꠣꠇꠤꠎꠣ ꠢꠣꠟꠔꠦ ꠞꠁꠛꠣ, ꠔꠣꠞꠣ ꠁꠔꠣ ꠈꠣꠁꠔꠣ ꠙꠣꠞꠛꠣ।

ꠔꠃꠞꠣꠔ ৪: ꠡꠥꠝꠣꠞꠤ 3:6

“ꠔꠥꠝꠤ ꠟꠦꠛꠤ ꠈꠣꠘ꠆ꠖꠣꠘꠞ ꠝꠣꠘꠡꠞꠦ ꠀꠘꠤꠀ ꠁꠝꠣꠝ ꠢꠣꠞꠥꠘꠞ ꠀꠔꠅ ꠡꠝꠎꠣꠅ, ꠔꠣꠞꠣ ꠁꠝꠣꠝꠔꠤ ꠇꠣꠝꠅ ꠔꠣꠘꠞꠦ ꠡꠣꠁꠎ꠆ꠎ ꠇꠞꠛꠣ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 10:8

ꠅꠃ ꠡꠝꠄ ꠕꠣꠇꠤ ꠝꠣꠛꠥꠖꠦ ꠟꠦꠛꠤ ꠈꠣꠘ꠆ꠖꠣꠘꠞꠦ ꠙꠍꠘ꠆ꠖ ꠇꠞꠟꠣ ꠡꠣꠢꠣꠖꠔ ꠡꠘ꠆ꠖꠥꠇ ꠛꠁꠀ ꠘꠤꠛꠣꠞ ꠟꠣꠉꠤ, ꠝꠣꠛꠥꠖꠞ ꠄꠛꠣꠖꠔ-ꠛꠘ꠆ꠖꠦꠉꠤ ꠇꠞꠣꠞ ꠘꠤꠅꠔꠦ ꠔꠣꠘ ꠍꠣꠝꠘꠦ ꠀꠎꠤꠞꠣ ꠖꠤꠛꠣꠞ ꠟꠣꠉꠤ, ꠀꠞ ꠔꠣꠘ ꠘꠣꠝꠦ ꠝꠣꠘꠡꠞꠦ ꠖꠥꠀ ꠖꠤꠛꠣꠞ ꠟꠣꠉꠤ। ꠅꠃ ꠁꠝꠣꠝꠔꠤ ꠇꠣꠝ ꠔꠣꠞꠣ ꠅꠈꠘꠅ ꠇꠞꠞꠣ।

Injil 19: Ibrani 13:17

ꠔꠥꠝꠞꠣꠞ ꠝꠥꠞꠛ꠆ꠛꠤ ꠅꠇꠟꠞ ꠢꠥꠇꠥꠝ ꠝꠣꠘꠤꠀ ꠔꠣꠞꠣꠞ ꠉꠦꠍꠦ ꠝꠣꠕꠣ ꠘꠥꠀꠁꠀ ꠞꠁꠅ, ꠀꠟ꠆ꠟꠣꠞ ꠖꠞꠛꠣꠞꠅ ꠢꠤꠡꠣꠛ ꠖꠦꠅꠀ ꠟꠣꠉꠛ ꠇꠞꠤ ꠔꠣꠞꠣ ꠢꠣꠝꠦꠡꠣ ꠔꠥꠝꠞꠣꠞ ꠎꠣꠘꠞ ꠙꠣꠞꠣꠖꠣꠞ ꠅꠁꠀ ꠇꠣꠝ ꠇꠞꠞꠣ। ꠅꠈꠘ ꠔꠣꠞꠣ ꠎꠣꠔꠦ ꠈꠥꠡꠤ ꠝꠘꠦ ꠁꠔꠣ ꠇꠞꠂꠘ, ꠄꠞꠟꠣꠉꠤ ꠔꠥꠝꠞꠣ ꠛꠣꠁꠖ꠆ꠖ ꠞꠁꠅ। ꠔꠣꠞꠣ ꠎꠥꠖꠤ ꠝꠘꠅ ꠖꠥꠈ ꠙꠣꠁꠀ ꠔꠥꠝꠞꠣꠞ ꠟꠣꠉꠤ ꠇꠣꠝ ꠇꠞꠂꠘ, ꠔꠦ ꠔꠥꠝꠞꠣꠞ ꠜꠣꠟꠣꠁ ꠅꠁꠔ ꠘꠣꠄ।

Injil 19: Ibrani 4:15

ꠇꠣꠞꠘ ꠀꠝꠞꠣꠞ ꠙꠞꠗꠣꠘ ꠁꠝꠣꠝ ꠁ ꠟꠣꠈꠣꠘ ꠘꠣꠄ ꠎꠦꠘ, ꠀꠝꠞꠣꠞ ꠇꠥꠘꠥ ꠇꠝꠎꠥꠞꠤꠞ ꠖꠥꠈꠦ ꠔꠣꠁꠘ ꠖꠥꠈꠤ ꠅꠁꠔꠣ ꠘꠣꠄ, ꠔꠣꠁꠘꠅ ꠀꠝꠞꠣꠞ ꠟꠣꠈꠣꠘ ꠢꠇ꠆ꠇꠟ ꠎꠣꠔꠞ ꠉꠥꠘꠣꠞ ꠙꠞꠤꠇ꠆ꠇꠣꠔ ꠙꠠꠍꠂꠘ, ꠅꠁꠟꠦ ꠇꠥꠘꠥꠎꠣꠔ ꠉꠥꠘꠣ ꠇꠞꠍꠂꠘ ꠘꠣ।

ꠁꠘ꠆ꠎꠤꠟ ২১: ১-ꠙꠤꠔꠞ 2:24

ꠔꠣꠁꠘ ꠘꠤꠎꠞ ꠡꠞꠤꠟ ꠖꠤꠀ ꠀꠝꠞꠣꠞ ꠉꠥꠘꠣꠞ ꠛꠥꠏꠣ ꠛꠁꠍꠂꠘ ꠉꠣꠍꠞ ꠐꠥꠇꠞꠣꠞ ꠍꠟꠤꠛꠅ, ꠎꠣꠔꠦ ꠉꠥꠘꠣꠞ ꠛꠣꠛꠔꠦ ꠀꠝꠞꠣ ꠝꠞꠤꠀ ꠢꠣꠞꠤ, ꠙꠣꠇ-ꠙꠞꠦꠎꠉꠣꠞꠤꠄ ꠎꠤꠘ꠆ꠖꠣ ꠞꠁ। ꠔꠣꠘ ꠡꠞꠤꠟꠞ ꠇꠣꠐꠣ-ꠌꠤꠞꠣꠄ ꠔꠥꠝꠞꠣꠞ ꠡꠤꠚꠣ ꠅꠁꠍꠦ।