ꠔꠃꠞꠣꠔ ৪: ꠡꠥꠝꠣꠞꠤ 17:10 - Siloṭi Asmani Kitab (Nagri lipi)

¹⁰ ꠛꠣꠖꠦ ꠝꠣꠛꠥꠖꠦ ꠝꠥꠍꠣꠞꠦ ꠇꠁꠟꠣ, “ꠛꠤꠞꠥꠗꠤ ꠘꠣꠚꠞꠝꠣꠘ ꠅꠇꠟꠞ ꠝꠘꠅ ꠞꠅꠀꠞ ꠟꠣꠉꠤ ꠘꠤꠡꠣꠘꠣ ꠢꠤꠡꠣꠛꠦ ꠔꠥꠝꠤ ꠢꠣꠞꠥꠘꠞ ꠟꠣꠑꠤꠐꠣ ꠢꠤꠞꠛꠣꠞ ꠡꠣꠢꠣꠖꠔ ꠡꠘ꠆ꠖꠥꠇꠞ ꠍꠣꠝꠘꠦ ꠕꠅ। ꠔꠦꠃ ꠀꠝꠣꠞ ꠛꠤꠞꠥꠖ꠆ꠖꠦ ꠔꠣꠞꠣꠞ ꠛꠇꠛꠇ ꠇꠞꠣ ꠈꠣꠘ ꠔꠥꠝꠤ ꠛꠘ꠆ꠖ ꠇꠞꠔꠣꠄ ꠙꠣꠞꠛꠣꠄ, ꠔꠣꠞꠣꠅ ꠀꠞ ꠝꠞꠔꠣ ꠘꠣꠄ।”

ছিলটি আছমানি কিতাব (বাংলা লিপি)

¹⁰ বাদে মাবুদে মুছারে কইলা, “বিরুধি নাফরমান অকলর মনো রওয়ার লাগি নিশানা হিসাবে তুমি হারুনর লাঠিটা হিরবার শাহাদত সন্দুকর ছামনে থও। তেউ আমার বিরুদ্ধে তারার বকবক করা খান তুমি বন্দ করতায় পারবায়, তারাও আর মরতা নায়।”

Siloṭi Asmani Kitab (Latin lipi)

¹⁰ Bade Mabude Musare ḳoila, “Birudi naforman oḳlor mono roar lagi nishana hishabe tumi Harunor laṭiṭa hirbar shahadot shondukor samne to. Teu amar birudde tarar bokbok kora ḳan tumi bond ḳortae farbae, tara-o ar morta nae.”

ꠔꠃꠞꠣꠔ ৪: ꠡꠥꠝꠣꠞꠤ 17:10 Iomraidhean Croise

ꠔꠃꠞꠣꠔ ২: ꠢꠤꠎꠞꠔ 16:32

ꠛꠣꠖꠦ ꠝꠥꠍꠣꠄ ꠔꠣꠞꠣꠞꠦ ꠇꠁꠟꠣ, “ꠝꠣꠛꠥꠖꠦ ꠅꠃ ꠢꠥꠇꠥꠝ ꠖꠤꠍꠂꠘ, ꠔꠥꠝꠞꠣ ꠄꠇ ꠙꠦꠐꠥ ꠙꠞꠤꠝꠣꠘ ꠝꠣꠘ꠆ꠘꠣ ꠔꠥꠟꠤꠀ ꠔꠥꠝꠞꠣꠞ ꠛꠣꠖꠞ ꠛꠋꠡꠗꠞ ꠅꠇꠟꠞ ꠟꠣꠉꠤ ꠎꠝꠣ ꠇꠞꠤ ꠕꠅ, ꠔꠦꠃ ꠔꠣꠞꠣꠅ ꠖꠦꠈꠛꠣ, ꠝꠤꠡꠞ ꠖꠦꠡ ꠕꠣꠇꠤ ꠔꠥꠝꠞꠣꠞꠦ ꠛꠣꠞ ꠇꠞꠤ ꠘꠦꠅꠀꠞ ꠇꠣꠟꠅ ꠝꠞꠥꠜꠥꠝꠤꠞ ꠝꠣꠎꠦ ꠔꠣꠁꠘ ꠇꠤꠔꠣ ꠈꠣꠅꠀꠁꠍꠂꠘ।”

ꠔꠃꠞꠣꠔ ২: ꠢꠤꠎꠞꠔ 16:34

ꠝꠣꠛꠥꠖꠦ ꠝꠥꠍꠣꠞꠦ ꠎꠦꠟꠣ ꠢꠥꠇꠥꠝ ꠇꠞꠍꠟꠣ, ꠅꠃ ꠟꠣꠈꠣꠘ ꠢꠣꠞꠥꠘꠦ ꠅꠃ ꠝꠣꠘ꠆ꠘꠣ ꠛꠂꠀꠝꠅ ꠜꠞꠟꠣ। ꠛꠣꠖꠦ ꠔꠣꠁꠘ ꠙꠛꠤꠔ꠆ꠞ ꠡꠘ꠆ꠖꠥꠇꠞ ꠜꠤꠔꠞꠦ ꠡꠣꠢꠣꠖꠔ ꠙꠣꠔ꠆ꠔꠞꠞ ꠍꠣꠝꠘꠦ ꠕꠁꠟꠣ।

ꠔꠃꠞꠣꠔ ৪: ꠡꠥꠝꠣꠞꠤ 14:5

ꠁ ꠢꠣꠟꠔ ꠖꠦꠈꠤꠀ ꠝꠥꠍꠣ ꠀꠞ ꠢꠣꠞꠥꠘ ꠀꠡ꠆ꠔꠣ ꠛꠘꠤ ꠁꠍꠞꠣꠁꠟ ꠡꠝꠣꠎꠞ ꠍꠣꠝꠘꠦ ꠝꠣꠐꠤꠔ ꠍꠁꠎꠖꠣꠔ ꠙꠠꠟꠣ।

ꠔꠃꠞꠣꠔ ৪: ꠡꠥꠝꠣꠞꠤ 16:21

“ꠁꠔꠣ ꠝꠣꠘꠡꠞ ꠉꠦꠍ ꠕꠣꠇꠤ ꠔꠥꠝꠞꠣ ꠢꠞꠤ ꠎꠣꠅ, ꠀꠝꠤ ꠁꠔꠣꠞꠦ ꠌꠈꠥꠞ ꠙꠟꠇꠞ ꠟꠉꠦ ꠡꠦꠡ ꠇꠞꠤꠟꠤꠀꠞ।”

ꠔꠃꠞꠣꠔ ৪: ꠡꠥꠝꠣꠞꠤ 16:38

ꠘꠣꠚꠞꠝꠣꠘꠤꠞ ꠟꠣꠉꠤ ꠎꠦꠉꠥꠁꠘ ꠝꠞꠤꠉꠦꠍꠂꠘ, ꠅꠃ ꠀꠉꠞ ꠖꠣꠘꠤ ꠔ ꠔꠣꠞꠣꠞ ꠀꠍꠤꠟ। ꠅꠁꠟꠦ ꠝꠣꠛꠥꠖꠞ ꠍꠣꠝꠘꠦ ꠁꠔꠣ ꠀꠎꠤꠞ ꠇꠞꠣ ꠅꠁꠍꠤꠟ, ꠄꠞꠟꠣꠉꠤ ꠁ ꠢꠇꠟꠐꠤ ꠙꠣꠇ-ꠙꠛꠤꠔ꠆ꠞ ꠅꠁꠉꠦꠍꠦ। ꠔꠦ ꠔꠥꠝꠤ ꠁꠔꠣ ꠜꠣꠋꠉꠣꠁꠀ ꠙꠣꠔ ꠛꠣꠘꠣꠁꠀ ꠙꠛꠤꠔ꠆ꠞ ꠇꠥꠞꠛꠣꠘꠤ ꠈꠣꠘꠣꠞꠦ ꠉꠥꠞꠤꠀ ꠕꠁꠅ। ꠁꠔꠣ ꠘꠤꠡꠣꠘꠣ ꠢꠤꠡꠣꠛꠦ ꠛꠘꠤ ꠁꠍꠞꠣꠁꠟꠞ ꠉꠦꠍꠦ ꠞꠁꠛ।”

ꠔꠃꠞꠣꠔ ৪: ꠡꠥꠝꠣꠞꠤ 16:40

ꠝꠣꠛꠥꠖꠦ ꠝꠥꠍꠣ ꠘꠛꠤꠞ ꠝꠣꠎꠖꠤ ꠎꠦꠟꠣ ꠢꠥꠇꠥꠝ ꠖꠤꠍꠟꠣ, ꠄꠁꠘ ꠅꠃ ꠟꠣꠈꠣꠘ ꠇꠞꠟꠣ। ꠁꠇꠐꠣ ꠇꠞꠣ ꠅꠁꠟ ꠎꠣꠔꠦ ꠛꠘꠤ ꠁꠍꠞꠣꠁꠟꠞ ꠝꠘꠅ ꠕꠣꠇꠦ ꠎꠦꠘ, ꠈꠣꠟꠤ ꠢꠣꠞꠥꠘꠞ ꠛꠋꠡ ꠍꠣꠠꠣ ꠖꠥꠍꠞꠣ ꠇꠥꠘꠥ ꠎꠘ, ꠀꠉꠞ-ꠈꠥꠡꠛꠄ ꠎꠣꠟꠣꠘꠤꠞ ꠟꠣꠉꠤ ꠝꠣꠛꠥꠖꠞ ꠍꠣꠝꠘꠦ ꠎꠣꠁꠔ ꠙꠣꠞꠔ ꠘꠣꠄ। ꠎꠥꠖꠤ ꠎꠣꠄ, ꠔꠦ ꠔꠣꠞ ꠖꠡꠣ ꠅꠃ ꠇꠥꠞꠣꠢ ꠀꠞ ꠔꠣꠞ ꠖꠟꠞ ꠟꠣꠈꠣꠘ ꠅꠁꠛ।

ꠔꠃꠞꠣꠔ ৪: ꠡꠥꠝꠣꠞꠤ 17:11

ꠝꠣꠛꠥꠖꠦ ꠝꠥꠍꠣꠞꠦ ꠎꠦꠟꠣ ꠢꠥꠇꠥꠝ ꠖꠤꠟꠣ, ꠝꠥꠍꠣꠄ ꠑꠤꠇ ꠅꠟꠣ ꠇꠞꠟꠣ।

ꠔꠃꠞꠣꠔ ৪: ꠡꠥꠝꠣꠞꠤ 17:4

ꠝꠤꠟꠘ-ꠔꠣꠝ꠆ꠛꠥꠞ ꠜꠤꠔꠞꠦ ꠙꠛꠤꠔ꠆ꠞ ꠡꠣꠢꠣꠖꠔ ꠡꠘ꠆ꠖꠥꠇꠞ ꠍꠣꠝꠘꠦ ꠎꠦ ꠎꠣꠉꠣꠔ ꠔꠥꠝꠞꠣꠞ ꠟꠉꠦ ꠀꠝꠣꠞ ꠖꠦꠈꠣ ꠅꠄ, ꠅꠃ ꠟꠣꠑꠤꠉꠥꠁꠘ ꠢꠘꠅ ꠕꠁꠅ।

ꠔꠃꠞꠣꠔ ৪: ꠡꠥꠝꠣꠞꠤ 17:9

ꠔꠦꠃ ꠝꠥꠍꠣꠄ ꠝꠣꠛꠥꠖꠞ ꠍꠣꠝꠘꠦ ꠕꠣꠇꠤ ꠟꠣꠑꠤ ꠉꠥꠁꠘ ꠛꠣꠞ ꠇꠞꠤ ꠀꠘꠤꠀ ꠛꠘꠤ ꠁꠍꠞꠣꠁꠟꠞ ꠍꠣꠝꠘꠦ ꠕꠁꠟꠣ। ꠡꠞ꠆ꠖꠣꠞ ꠅꠇꠟꠦ ꠟꠣꠑꠤ ꠉꠥꠁꠘ ꠖꠦꠈꠟꠣ, ꠖꠦꠈꠤꠀ ꠎꠣꠞꠎꠤꠞ ꠟꠣꠑꠤ ꠌꠤꠘꠤꠀ ꠘꠤꠟꠣ।

ꠔꠃꠞꠣꠔ ৪: ꠡꠥꠝꠣꠞꠤ 20:9

ꠝꠣꠛꠥꠖꠞ ꠢꠥꠇꠥꠝ ꠝꠔ ꠔꠣꠘ ꠍꠣꠝꠘꠦ ꠕꠣꠇꠤ ꠝꠥꠍꠣꠄ ꠟꠣꠑꠤꠐꠣ ꠟꠁꠟꠣ।

ꠔꠃꠞꠣꠔ ৪: ꠡꠥꠝꠣꠞꠤ 4:18

“ꠔꠥꠝꠞꠣ ꠈꠤꠀꠟ ꠞꠣꠈꠤꠅ, ꠟꠦꠛꠤ ꠈꠣꠘ꠆ꠖꠣꠘꠞ ꠝꠣꠎꠦ ꠇꠣꠢꠣꠔꠤ ꠛꠋꠡ ꠕꠣꠇꠤ ꠇꠦꠃ ꠇꠦꠃ ꠎꠣꠔꠦ ꠢꠞ-ꠢꠣꠝꠦꠡꠣ ꠕꠣꠇꠂꠘ।

Injil 7: 1-Korintia 10:10

ꠔꠣꠞꠣꠞ ꠝꠣꠎꠞ ꠛꠃꠔꠦ ꠘꠣ-ꠈꠥꠡ ꠅꠁꠀ ꠛꠇꠣ-ꠎꠇꠣ ꠇꠞꠣꠄ, ꠀꠟ꠆ꠟꠣꠞ ꠉꠎꠛꠞ ꠚꠤꠞꠤꠡ꠆ꠔꠣꠄ ꠔꠣꠞꠣꠞꠦ ꠛꠤꠘꠣꠡ ꠇꠞꠍꠂꠘ। ꠄꠞꠟꠣꠉꠤ ꠔꠥꠝꠞꠣ ꠁꠟꠣ ꠇꠞꠤꠅ ꠘꠣ।

Injil 10: Ifisia 5:6

ꠢꠥꠡꠤꠀꠞ ꠞꠁꠅ, ꠝꠤꠍꠣ ꠝꠣꠔ ꠝꠣꠔꠤꠀ ꠇꠦꠃ ꠎꠣꠘꠥ ꠔꠥꠝꠞꠣꠞꠦ ꠛꠦ-ꠙꠕꠦ ꠘꠣ ꠘꠦꠄ, ꠀꠟ꠆ꠟꠣꠞ ꠘꠣꠚꠞꠝꠣꠘ ꠛꠘꠤꠀ ꠎꠦꠞꠣ ꠁꠔꠣ ꠛꠖ ꠇꠣꠝ ꠇꠞꠦ, ꠔꠣꠞꠣꠞ ꠃꠙꠞꠦ ꠀꠟ꠆ꠟꠣꠞ ꠉꠎꠛ ꠟꠣꠝꠦ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 9:24

ꠀꠍꠟꠦ ꠀꠝꠤ ꠎꠦꠖꠤꠘ ꠕꠣꠇꠤ ꠔꠥꠝꠞꠣꠞꠦ ꠌꠤꠘꠤ, ꠢꠃ ꠖꠤꠘ ꠕꠣꠇꠤꠃ ꠖꠦꠈꠤꠀꠞ, ꠔꠥꠝꠞꠣ ꠢꠣꠝꠦꠡꠣ ꠝꠣꠛꠥꠖꠞ ꠢꠥꠇꠥꠝꠞ ꠃꠟꠐꠣ ꠌꠟꠞꠣꠄ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 9:7

“ꠀꠞ ꠢꠃ ꠝꠞꠥꠜꠥꠝꠤꠞ ꠝꠣꠎꠦ ꠔꠥꠝꠞꠣ ꠇꠤꠟꠣ ꠘꠤꠎꠞ ꠝꠣꠛꠥꠖ ꠀꠟ꠆ꠟꠣꠞ ꠉꠥꠍꠣ ꠔꠥꠟꠣꠁꠍꠟꠣꠄ, ꠁꠈꠣꠘ ꠝꠘꠅ ꠞꠣꠈꠤꠅ, ꠇꠥꠘꠥꠖꠤꠘ ꠚꠣꠃꠞꠤꠅ ꠘꠣ। ꠝꠤꠡꠞ ꠖꠦꠡ ꠍꠣꠠꠤꠀ ꠀꠅꠀꠞ ꠖꠤꠘ ꠕꠣꠇꠤ ꠅꠈꠣꠘꠅ ꠀꠅꠀ ꠙꠞ꠆ꠎꠘ꠆ꠔ, ꠢꠣꠝꠦꠡꠣ ꠔꠥꠝꠞꠣꠞ ꠝꠘꠞ ꠜꠤꠔꠞꠦ ꠝꠣꠛꠥꠖꠞ ꠛꠤꠞꠥꠗꠤꠔꠣ ꠀꠍꠦ।

Injil 19: Ibrani 9:4

ꠁ ꠇꠥꠑꠣꠞ ꠝꠣꠎꠦ ꠀꠍꠤꠟ, ꠡꠥꠘꠣꠖꠤ ꠛꠣꠘꠣꠁꠟ ꠀꠉꠞ-ꠈꠥꠡꠛꠄ ꠎꠣꠟꠣꠘꠤ ꠐꠦꠛꠥꠟ, ꠡꠥꠘꠣꠖꠤ ꠟꠦꠙꠣ ꠡꠣꠢꠣꠖꠔ ꠡꠘ꠆ꠖꠥꠇ, ꠡꠘ꠆ꠖꠥꠇꠞ ꠜꠤꠔꠞꠦ ꠀꠍꠤꠟ ꠡꠥꠘꠣꠞ ꠛꠂꠀꠝꠅ ꠜꠞꠣ ꠇꠥꠖꠞꠔꠤ ꠈꠣꠘꠤ ꠝꠣꠘ꠆ꠘꠣ, ꠁꠝꠣꠝ ꠢꠣꠞꠥꠘꠞ ꠟꠣꠑꠤ, ꠅꠃ ꠟꠣꠑꠤꠔ ꠇꠥꠖꠞꠔꠤ ꠚꠥꠟ ꠚꠥꠐꠤꠍꠤꠟ। ꠀꠞꠅ ꠀꠍꠤꠟ ꠀꠟ꠆ꠟꠣꠞ ꠟꠉꠦ ꠝꠤꠟꠘꠞ ꠃꠍꠤꠟ꠆ꠟꠣ ꠟꠦꠈꠣ ꠢꠃ ꠖꠥꠁꠅ ꠡꠣꠢꠣꠖꠔ ꠙꠣꠔ꠆ꠔꠞ।