ꠔꠃꠞꠣꠔ ৪: ꠡꠥꠝꠣꠞꠤ 16:5 - Siloṭi Asmani Kitab (Nagri lipi)

⁵ ꠛꠣꠖꠦ ꠔꠣꠁꠘ ꠇꠥꠞꠣꠢ ꠀꠞ ꠔꠣꠞ ꠖꠟꠞ ꠝꠣꠘꠡꠞꠦ ꠇꠁꠟꠣ, “ꠇꠣꠁꠟ ꠛꠤꠀꠘꠦꠃ ꠝꠣꠛꠥꠖꠦ ꠖꠦꠈꠣꠁꠛꠣ, ꠇꠦ ꠔꠣꠘ ꠛꠘ꠆ꠖꠣ, ꠀꠞ ꠇꠦ ꠙꠣꠇ-ꠙꠛꠤꠔ꠆ꠞ। ꠔꠣꠁꠘ ꠎꠣꠞꠦ ꠙꠍꠘ꠆ꠖ ꠇꠞꠂꠘ, ꠈꠣꠟꠤ ꠔꠣꠞꠣꠞꠦꠃ ꠔꠣꠘ ꠇꠣꠍꠣꠔ ꠀꠁꠔꠦ ꠖꠤꠛꠣ।

ছিলটি আছমানি কিতাব (বাংলা লিপি)

⁵ বাদে তাইন কুরাহ আর তার দলর মানষরে কইলা, “কাইল বিয়ানেউ মাবুদে দেখাইবা, কে তান বন্দা, আর কে পাক-পবিত্র। তাইন যারে পছন্দ করইন, খালি তারারেউ তান কাছাত আইতে দিবা।

Siloṭi Asmani Kitab (Latin lipi)

⁵ Bade tain Kurah ar tar dolor manshore ḳoila, “Ḳail biane-u Mabude deḳaiba, ḳe tan bonda, ar ḳe fak-fobitro. Tain zare fosond ḳoroin, ḳali tarare-u tan ḳasat aite diba.

ꠔꠃꠞꠣꠔ ৪: ꠡꠥꠝꠣꠞꠤ 16:5 Iomraidhean Croise

ꠔꠃꠞꠣꠔ ২: ꠢꠤꠎꠞꠔ 28:1

ꠝꠣꠛꠥꠖꠦ ꠝꠥꠍꠣꠞꠦ ꠇꠁꠟꠣ, “ꠅ ꠝꠥꠍꠣ, ꠛꠘꠤ ꠁꠍꠞꠣꠁꠟꠞ ꠝꠣꠎꠦ ꠁꠝꠣꠝꠔꠤ ꠇꠞꠣꠞ ꠟꠣꠉꠤ ꠔꠥꠝꠣꠞ ꠜꠣꠁ ꠢꠣꠞꠥꠘ, ꠔꠣꠞ ꠙꠥꠀ ꠘꠣꠖꠣꠛ, ꠀꠛꠤꠢꠥ, ꠀꠟꠤ-ꠀꠎꠞ ꠀꠞ ꠁꠍꠣꠝꠣꠞꠞꠦ ꠔꠥꠝꠣꠞ ꠍꠣꠝꠘꠦ ꠀꠘꠣꠅ।

ꠔꠃꠞꠣꠔ ২: ꠢꠤꠎꠞꠔ 28:41

ꠔꠥꠝꠤ ꠔꠥꠝꠣꠞ ꠜꠣꠁ ꠢꠣꠞꠥꠘ ꠀꠞ ꠔꠣꠞ ꠙꠥꠀꠂꠘ꠆ꠔꠞꠦ ꠁ ꠇꠣꠙꠠ ꠚꠤꠘ꠆ꠖꠣꠁꠅ। ꠔꠣꠞꠣꠞ ꠝꠣꠕꠣꠔ ꠙꠛꠤꠔ꠆ꠞ ꠔꠦꠟ ꠓꠣꠟꠤꠀ ꠈꠦꠟꠣꠚꠔꠤ ꠡꠝꠎꠣꠁꠀ ꠁꠝꠣꠝꠔꠤ ꠇꠣꠝꠅ ꠟꠣꠉꠣꠁꠅ। ꠔꠥꠝꠤ ꠔꠣꠞꠣꠞꠦ ꠙꠣꠇ-ꠙꠛꠤꠔ꠆ꠞ ꠇꠞꠤꠅ, ꠎꠣꠔꠦ ꠔꠣꠞꠣ ꠀꠝꠣꠞ ꠁꠝꠣꠝ ꠅꠁꠔꠣ ꠙꠣꠞꠂꠘ।

ꠔꠃꠞꠣꠔ ২: ꠢꠤꠎꠞꠔ 28:43

ꠢꠣꠞꠥꠘ ꠀꠞ ꠔꠣꠞ ꠙꠥꠀꠂꠘ ꠎꠦꠛꠟꠣ ꠝꠤꠟꠘ-ꠔꠣꠝ꠆ꠛꠥꠔ ꠢꠣꠝꠣꠁꠛꠣ, ꠛꠣ ꠇꠥꠞꠛꠣꠘꠤ ꠈꠣꠘꠣꠞ ꠉꠦꠍꠦ ꠙꠣꠇ ꠎꠣꠉꠣꠔ ꠢꠣꠝꠣꠁꠀ ꠁꠝꠣꠝꠔꠤꠞ ꠇꠣꠝꠅ ꠟꠣꠉꠛꠣ, ꠅꠃ ꠡꠝꠄ ꠔꠣꠞꠣ ꠅꠃ ꠎꠣꠋꠉꠤꠀ ꠚꠤꠘꠛꠣ। ꠔꠦꠃ ꠔꠣꠞꠣ ꠘꠤ-ꠅꠙꠞꠣꠗꠤ ꠞꠁꠛꠣ, ꠝꠞꠔꠣ ꠘꠣꠄ। ꠢꠣꠞꠥꠘ ꠀꠞ ꠔꠣꠞ ꠅꠀꠞꠤꠡꠞ ꠍꠤꠟꠍꠤꠟꠣꠞ ꠟꠣꠉꠤ ꠁ ꠀꠁꠘ ꠢꠞ-ꠢꠣꠝꠦꠡꠣ ꠌꠣꠟꠥ ꠞꠁꠛ।”

ꠔꠃꠞꠣꠔ ৩: ꠟꠦꠛꠤꠀꠘ 10:3

ꠔꠦꠃ ꠝꠥꠍꠣꠄ ꠢꠣꠞꠥꠘꠞꠦ ꠇꠁꠟꠣ, “ꠝꠣꠛꠥꠖꠦ ꠔ ꠀꠉꠦꠃ ꠎꠣꠘꠣꠁ ꠖꠤꠍꠟꠣ, ꠀꠝꠣꠞ ꠍꠣꠝꠘꠦ ꠎꠦꠞꠣ ꠀꠎꠤꠞ ꠅꠄ, ꠔꠣꠞꠣ ꠀꠝꠣꠞꠦ ꠙꠣꠇ-ꠙꠛꠤꠔ꠆ꠞ ꠇꠁꠀ ꠝꠣꠘꠛ, ꠢꠇꠟ ꠝꠣꠘꠡꠞ ꠍꠣꠝꠘꠦ ꠀꠝꠣꠞ ꠉꠃꠞꠛ-ꠝꠢꠤꠝꠣ ꠎꠣꠁꠞ ꠇꠞꠛ।” ꠁꠈꠣꠘ ꠢꠥꠘꠤꠀ ꠢꠣꠞꠥꠘ ꠌꠥꠙꠌꠣꠙ ꠞꠁꠟꠣ।

ꠔꠃꠞꠣꠔ ৩: ꠟꠦꠛꠤꠀꠘ 8:2

“ꠔꠥꠝꠤ ꠢꠣꠞꠥꠘ ꠀꠞ ꠔꠣꠞ ꠙꠥꠀꠂꠘ꠆ꠔꠞꠦ ꠟꠁꠀ ꠀꠝꠣꠞ ꠉꠦꠍꠦ ꠀꠎꠤꠞ ꠅꠅ। ꠄꠞ ꠟꠉꠦ ꠔꠣꠞꠣꠞ ꠁꠝꠣꠝꠔꠤꠞ ꠟꠦꠛꠣꠍ, ꠈꠦꠟꠣꠚꠔꠤ ꠡꠝꠎꠤꠛꠣꠞ ꠔꠦꠟ, ꠉꠥꠘꠣꠞ ꠇꠚꠞꠣꠞ ꠇꠥꠞꠛꠣꠘꠤꠞ ꠛꠤꠍꠣꠟ, ꠖꠥꠉꠥ ꠝꠦꠠꠣꠞ ꠙꠣꠑꠣ ꠀꠞ ꠈꠣꠝꠤꠞ ꠍꠣꠠꠣ ꠞꠥꠐꠤꠞ ꠐꠥꠇꠞꠤꠅ ꠀꠘꠤꠅ।

ꠔꠃꠞꠣꠔ ৪: ꠡꠥꠝꠣꠞꠤ 16:3

ꠅꠁꠀ ꠔꠣꠞꠣ ꠖꠟ ꠛꠣꠘ꠆ꠖꠤꠀ ꠝꠥꠍꠣ ꠀꠞ ꠢꠣꠞꠥꠘꠞꠦ ꠇꠁꠟꠣ, “ꠔꠥꠝꠞꠣ ꠔ ꠈꠥꠛ ꠛꠦꠡꠤ ꠛꠣꠠꠣꠛꠣꠠꠤ ꠇꠞꠞꠣꠄ। ꠀꠡ꠆ꠔꠣ ꠛꠘꠤ ꠁꠍꠞꠣꠁꠟꠞ ꠙꠞꠔꠦꠇ ꠝꠣꠘꠥꠡꠃ ꠎꠦꠛꠟꠣ ꠙꠣꠇ-ꠙꠛꠤꠔ꠆ꠞ, ꠝꠣꠛꠥꠖꠅ ꠔꠣꠞꠣꠞ ꠟꠉꠦ ꠀꠍꠂꠘ। ꠔꠦ ꠔꠥꠝꠞꠣ ꠝꠣꠛꠥꠖꠞ ꠛꠘ꠆ꠖꠣ ꠅꠇꠟꠞ ꠃꠙꠞꠦ ꠃꠡ꠆ꠔꠣꠖꠤ ꠇꠞꠞꠣꠄ ꠇꠦꠘꠦ?”

ꠔꠃꠞꠣꠔ ৪: ꠡꠥꠝꠣꠞꠤ 16:6

ꠅ ꠇꠥꠞꠣꠢ, ꠢꠥꠘꠅ, ꠔꠥꠝꠤ ꠀꠞ ꠔꠥꠝꠣꠞ ꠟꠉꠞ ꠢꠇꠟꠦ ꠄꠇ ꠇꠣꠝ ꠇꠞꠅ, ꠍꠣꠝꠘꠞ ꠇꠣꠁꠟ ꠔꠥꠝꠞꠣ ꠢꠇꠟꠦ ꠄꠇꠐꠣ ꠇꠞꠤ ꠀꠉꠞ ꠖꠣꠘꠤ ꠟꠁꠀ ꠝꠣꠛꠥꠖꠞ ꠍꠣꠝꠘꠦ ꠀꠉꠞ-ꠈꠥꠡꠛꠄ ꠎꠣꠟꠣꠅ। ꠔꠣꠁꠘ ꠎꠣꠞꠦ ꠙꠍꠘ꠆ꠖ ꠇꠞꠛꠣ, ꠛꠥꠎꠤꠟꠤꠅ ꠢꠦ-ꠃ ꠔꠣꠘ ꠙꠣꠇ-ꠙꠛꠤꠔ꠆ꠞ ꠛꠘ꠆ꠖꠣ। ꠔꠥꠝꠞꠣ ꠟꠦꠛꠤ ꠈꠣꠘ꠆ꠖꠣꠘꠞ ꠝꠣꠘꠥꠡ ꠔ ꠛꠦꠡꠤ ꠛꠣꠠꠤꠉꠦꠍꠦ।”

ꠔꠃꠞꠣꠔ ৪: ꠡꠥꠝꠣꠞꠤ 17:5

ꠔꠦꠃ ꠀꠝꠣꠞ ꠙꠍꠘ꠆ꠖ ꠇꠞꠣ ꠛꠘ꠆ꠖꠣꠞ ꠟꠣꠑꠤꠞ ꠝꠣꠎꠦ ꠉꠣꠍꠞ ꠈꠦꠋ ꠚꠥꠐꠤꠛ। ꠅꠃ ꠟꠣꠈꠣꠘ ꠔꠥꠝꠞꠣꠞ ꠛꠤꠞꠥꠖ꠆ꠖꠦ ꠛꠘꠤ ꠁꠍꠞꠣꠁꠟꠞ ꠛꠦꠞ-ꠛꠦꠞꠤ ꠇꠞꠣ ꠀꠝꠤ ꠛꠘ꠆ꠖ ꠇꠞꠝꠥ।”

ꠔꠃꠞꠣꠔ ৪: ꠡꠥꠝꠣꠞꠤ 17:8

ꠛꠣꠖꠞ ꠖꠤꠘ ꠝꠥꠍꠣ ꠉꠤꠀ ꠡꠣꠢꠣꠖꠔ ꠔꠣꠝ꠆ꠛꠥꠞ ꠜꠤꠔꠞꠦ ꠢꠣꠝꠣꠁꠀ ꠖꠦꠈꠂꠘ, ꠟꠦꠛꠤ ꠈꠣꠘ꠆ꠖꠣꠘ ꠕꠣꠇꠤ ꠢꠣꠞꠥꠘꠞ ꠘꠣꠝꠦ ꠎꠦ ꠟꠣꠑꠤ ꠞꠣꠈꠣ ꠅꠁꠍꠦ, ꠁ ꠟꠣꠑꠤꠔ ꠈꠣꠟꠤ ꠈꠦꠋ ꠘꠣꠄ, ꠇꠥꠠꠤ ꠖꠤꠀ ꠚꠥꠟ ꠚꠥꠐꠤꠀ ꠛꠣꠖꠣꠝꠅ ꠗꠞꠤꠟꠤꠍꠦ।

Injil 4: Hannan 15:16

“ꠀꠝꠣꠞꠦ ꠔ ꠔꠥꠝꠞꠣ ꠙꠍꠘ꠆ꠖ ꠇꠞꠍ ꠘꠣ, ꠛꠞꠋ ꠀꠝꠤꠃ ꠔꠥꠝꠞꠣꠞꠦ ꠙꠍꠘ꠆ꠖ ꠇꠞꠍꠤ ꠀꠞ ꠇꠣꠝꠅ ꠟꠣꠉꠣꠁꠍꠤ, ꠎꠣꠔꠦ ꠔꠥꠝꠞꠣꠞ ꠎꠤꠘ꠆ꠖꠦꠉꠤ ꠚꠟꠀꠟꠣ ꠅꠄ ꠀꠞ ꠅꠃ ꠚꠟ ꠐꠤꠇꠤꠀ ꠞꠄ। ꠔꠦꠃ ꠀꠝꠣꠞ ꠘꠣꠝꠦ ꠉꠣꠁꠛꠤ ꠛꠣꠚꠞ ꠉꠦꠍꠦ ꠎꠦꠔꠣ ꠌꠣꠁꠛꠣꠄ, ꠔꠣꠁꠘ ꠔꠥꠝꠞꠣꠞꠦ ꠖꠤꠛꠣ।

Injil 5: Sahabi Nama 1:2

ꠎꠦ ꠍꠣꠢꠣꠛꠤ ꠅꠇꠟꠞꠦ ꠔꠣꠁꠘ ꠛꠣꠍꠤꠀ ꠟꠁꠍꠟꠣ, ꠔꠣꠘꠞꠦ ꠔꠥꠟꠤꠀ ꠘꠦꠅꠀꠞ ꠀꠉꠦ ꠙꠣꠇ ꠞꠥꠢꠥ ꠖꠤꠀ ꠄꠞꠣꠞ ꠉꠦꠍꠦ ꠅꠍꠤꠅꠔ ꠇꠞꠣꠁ ꠉꠦꠍꠂꠘ।

Injil 5: Sahabi Nama 1:24

ꠛꠣꠖꠦ ꠔꠣꠞꠣ ꠖꠥꠀ ꠇꠞꠟꠣ, “ꠅ ꠝꠣꠛꠥꠖ, ꠔꠥꠝꠤ ꠢꠇꠟꠞ ꠖꠤꠟꠞ ꠈꠛꠞ ꠎꠣꠘ, ꠁꠢꠥꠖꠣꠄ ꠔ ꠔꠣꠞ ꠘꠤꠎꠞ ꠎꠣꠉꠣꠔ ꠎꠣꠅꠀꠞ ꠟꠣꠉꠤ ꠈꠦꠎꠝꠔ ꠀꠞ ꠍꠣꠢꠣꠛꠤ ꠙꠖꠞ ꠇꠣꠝ ꠛꠣꠖ ꠖꠤꠟꠣꠁꠍꠦ, ꠁꠢꠥꠖꠣꠞ ꠛꠖꠟꠣ ꠁ ꠖꠥꠁꠎꠘꠞ ꠝꠣꠎꠦ ꠔꠥꠝꠤ ꠇꠣꠞꠦ ꠙꠍꠘ꠆ꠖ ꠇꠞꠅ ꠀꠝꠞꠣꠞꠦ ꠌꠤꠘꠣꠁꠀ ꠖꠦꠅ।”

Injil 5: Sahabi Nama 13:2

ꠄꠞꠣ ꠎꠦꠛꠟꠣ ꠞꠥꠎꠣ ꠞꠣꠈꠤꠀ ꠝꠣꠛꠥꠖꠞ ꠄꠛꠣꠖꠔ ꠇꠞꠣꠔ ꠀꠍꠟꠣ, ꠅꠃ ꠡꠝꠄ ꠙꠣꠇ ꠞꠥꠢꠦ ꠄꠞꠣꠞꠦ ꠇꠁꠟꠣ, “ꠛꠣꠞ꠆ꠘꠣꠛꠣꠍ ꠀꠞ ꠡꠃꠟꠞꠦ ꠀꠝꠤ ꠎꠦ ꠇꠣꠝꠞ ꠟꠣꠉꠤ ꠙꠍꠘ꠆ꠖ ꠇꠞꠍꠤ, ꠅꠃ ꠇꠣꠝꠞ ꠟꠣꠉꠤ ꠔꠣꠞꠣꠞꠦ ꠀꠟꠉ ꠇꠞꠤ ꠖꠦꠅ।”

Injil 5: Sahabi Nama 15:7

ꠛꠃꠔ ꠛꠣꠔꠌꠤꠔꠞ ꠛꠣꠖꠦ ꠢꠎꠞꠔ ꠙꠤꠔꠞꠦ ꠃꠛꠣꠁꠀ ꠇꠁꠟꠣ, “ꠜꠣꠁꠀꠁꠘ ꠅꠇꠟ, ꠀꠙꠘꠣꠞꠣ ꠔ ꠎꠣꠘꠂꠘ, ꠛꠃꠔ ꠖꠤꠘ ꠀꠉꠦ ꠀꠙꠘꠣꠁꠘ꠆ꠔꠞ ꠝꠣꠎ ꠕꠣꠇꠤꠃ ꠀꠟ꠆ꠟꠣꠄ ꠀꠝꠣꠞꠦ ꠙꠍꠘ꠆ꠖ ꠇꠞꠤ ꠘꠤꠍꠂꠘ, ꠎꠣꠔꠦ ꠅ-ꠁꠢꠥꠖꠤ ꠅꠇꠟꠦꠅ ꠀꠝꠣꠞ ꠝꠥꠈ ꠕꠣꠇꠤ ꠈꠥꠡ-ꠈꠛꠞꠤ ꠢꠥꠘꠤꠀ ꠁꠝꠣꠘ ꠀꠘꠂꠘ।

Injil 5: Sahabi Nama 22:14

ꠅꠃ ꠔꠣꠁꠘ ꠇꠁꠟꠣ, ‘ꠀꠝꠞꠣꠞ ꠛꠣꠚ-ꠖꠣꠖꠣ ꠅꠇꠟꠞ ꠀꠟ꠆ꠟꠣꠄ ꠔꠥꠝꠣꠞꠦ ꠙꠍꠘ꠆ꠖ ꠇꠞꠍꠂꠘ, ꠔꠥꠝꠤ ꠎꠣꠘꠥ ꠔꠣꠘ ꠝꠞ꠆ꠎꠤ ꠎꠣꠘꠔꠣꠄ ꠙꠣꠞ, ꠀꠞ ꠢꠃ ꠝꠣꠍꠥꠝ ꠛꠘ꠆ꠖꠣ ꠢꠎꠞꠔ ꠁꠍꠣꠞꠦꠅ ꠖꠦꠈꠔꠣꠄ ꠙꠣꠞ, ꠀꠞ ꠔꠣꠘ ꠎꠛꠣꠘꠞ ꠛꠥꠟꠤꠅ ꠢꠥꠘꠔꠣꠄ ꠙꠣꠞ।

Injil 10: Ifisia 2:13

ꠄꠇ ꠇꠕꠣꠄ, ꠔꠥꠝꠞꠣ ꠀꠟ꠆ꠟꠣ ꠕꠣꠇꠤ ꠖꠥꠞꠁ ꠀꠍꠟꠣꠄ। ꠅꠁꠟꠦ ꠅꠈꠘ ꠁꠍꠣ ꠀꠟ-ꠝꠍꠤꠞ ꠃꠝ꠆ꠝꠔ ꠅꠀꠄ, ꠔꠣꠘ ꠇꠥꠞꠛꠣꠘꠤꠞ ꠟꠃꠞ ꠃꠍꠤꠟ꠆ꠟꠣꠄ ꠔꠥꠝꠞꠣꠞꠦ ꠀꠟ꠆ꠟꠣꠞ ꠗꠣꠞꠅ ꠀꠘꠣ ꠅꠁꠍꠦ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 2:19

ꠔꠦꠛꠃ ꠀꠟ꠆ꠟꠣꠞ ꠛꠣꠘꠣꠁꠟ ꠝꠎꠛꠥꠔ ꠜꠤꠔ ꠃꠛꠣ ꠞꠁꠍꠦ, ꠄꠞ ꠃꠙꠞꠦ ꠡꠤꠟ-ꠌꠣꠙ꠆ꠙꠠꠞ ꠟꠣꠈꠣꠘ ꠅꠃ ꠇꠕꠣ ꠟꠦꠈꠣ ꠀꠍꠦ, “ꠝꠣꠟꠤꠇꠦ ꠎꠣꠘꠂꠘ, ꠇꠦ ꠇꠦ ꠔꠣꠘ,” ꠀꠞ “ꠎꠦ ꠎꠘꠦ ꠀꠟ-ꠝꠍꠤꠞꠦ ꠝꠣꠟꠤꠇ ꠇꠁꠀ ꠡ꠆ꠛꠤꠇꠣꠞ ꠇꠞꠦ, ꠢꠦ ꠢꠇꠟ ꠎꠣꠔꠞ ꠉꠥꠘꠣ ꠕꠣꠇꠤ ꠢꠞꠣꠁꠟ ꠞꠃꠇ।”

Injil 19: Ibrani 12:14

ꠢꠇꠟ ꠝꠣꠘꠡꠞ ꠟꠉꠦ ꠡꠣꠘ꠆ꠔꠤꠄ ꠛꠡꠔ ꠇꠞꠣ ꠀꠞ ꠙꠣꠇ-ꠙꠣꠇꠤꠎꠣ ꠅꠁꠀ ꠌꠟꠣꠞ ꠟꠣꠉꠤ ꠈꠤꠀꠟꠤ ꠅꠅ, ꠁꠟꠣ ꠘꠣ ꠌꠟꠟꠦ ꠇꠦꠃ ꠝꠣꠟꠤꠇꠞ ꠖꠞꠡꠘ ꠙꠣꠁꠔꠣꠄ ꠘꠣꠄ।

Injil 27: Zaira Kalam 1:6

ꠔꠣꠁꠘ ꠀꠝꠞꠣꠞꠦ ꠟꠁꠀ ꠄꠇ ꠛꠣꠖꠡꠣꠁ ꠔꠤꠀꠞ ꠇꠞꠤꠀ, ꠔꠣꠘ ꠉꠣꠁꠛꠤ ꠛꠣꠚ ꠀꠟ꠆ꠟꠣꠞ ꠄꠛꠣꠖꠔꠤꠞ ꠟꠣꠉꠤ ꠁꠝꠣꠝ ꠛꠣꠘꠣꠁꠍꠂꠘ। ꠔꠣꠘ ꠝꠢꠤꠝꠣ ꠀꠞ ꠇꠥꠖꠞꠔꠤ ꠛꠟ ꠢꠞ-ꠢꠣꠝꠦꠡꠣ ꠛꠅꠀꠁꠟ ꠞꠃꠇ। ꠀꠝꠤꠘ।