ꠔꠃꠞꠣꠔ ৪: ꠡꠥꠝꠣꠞꠤ 16:16 - Siloṭi Asmani Kitab (Nagri lipi)

¹⁶ ꠛꠣꠖꠦ ꠝꠥꠍꠣꠄ ꠇꠥꠞꠣꠢꠞꠦ ꠇꠁꠟꠣ, “ꠇꠣꠁꠟ ꠔꠥꠝꠤ ꠀꠞ ꠔꠥꠝꠣꠞ ꠖꠟꠞ ꠢꠇꠟ ꠀꠁꠀ ꠝꠣꠛꠥꠖꠞ ꠍꠣꠝꠘꠦ ꠀꠎꠤꠞ ꠅꠁꠛꠣꠄ। ꠔꠥꠝꠞꠣꠞ ꠟꠉꠦ ꠢꠣꠞꠥꠘꠅ ꠀꠎꠤꠞ ꠅꠁꠛꠣ।

ছিলটি আছমানি কিতাব (বাংলা লিপি)

¹⁶ বাদে মুছায় কুরাহরে কইলা, “কাইল তুমি আর তুমার দলর হকল আইয়া মাবুদর ছামনে আজির অইবায়। তুমরার লগে হারুনও আজির অইবা।

Siloṭi Asmani Kitab (Latin lipi)

¹⁶ Bade Musae Kurahre ḳoila, “Ḳail tumi ar tumar dolor hoḳol aia Mabudor samne azir oibae. Tumrar loge Harun-o azir oiba.

ꠔꠃꠞꠣꠔ ৪: ꠡꠥꠝꠣꠞꠤ 16:16 Iomraidhean Croise

ꠔꠃꠞꠣꠔ ২: ꠢꠤꠎꠞꠔ 16:9

ꠄꠞꠛꠣꠖꠦ ꠝꠥꠍꠣꠄ ꠢꠣꠞꠥꠘꠞꠦ ꠇꠁꠟꠣ, “ꠔꠥꠝꠤ ꠢꠇ꠆ꠇꠟ ꠛꠘꠤ ꠁꠍꠞꠣꠁꠟꠞꠦ ꠎꠣꠘꠣꠁ ꠖꠦꠅ, ꠔꠥꠝꠞꠣ ꠝꠣꠛꠥꠖꠞ ꠛꠤꠞꠥꠖ꠆ꠖꠦ ꠎꠦꠔꠣ ꠝꠣꠔꠤꠍ, ꠁꠔꠣ ꠔꠣꠁꠘ ꠢꠥꠘꠍꠂꠘ। ꠅꠈꠘ ꠔꠥꠝꠞꠣ ꠀꠁꠀ ꠝꠣꠛꠥꠖꠞ ꠍꠣꠝꠘꠦ ꠀꠎꠤꠞ ꠅꠅ।”

ꠔꠃꠞꠣꠔ ৪: ꠡꠥꠝꠣꠞꠤ 12:4

ꠝꠥꠍꠣꠞ ꠛꠤꠞꠥꠖ꠆ꠖꠦ ꠢꠣꠞꠥꠘ ꠀꠞ ꠝꠞꠤꠅꠝꠞ ꠝꠣꠔ-ꠇꠕꠣ ꠢꠥꠘꠤꠀꠃ ꠝꠣꠛꠥꠖꠦ ꠝꠥꠍꠣ, ꠢꠣꠞꠥꠘ ꠀꠞ ꠝꠞꠤꠅꠝꠞꠦ ꠇꠁꠟꠣ, “ꠔꠥꠝꠞꠣ ꠔꠤꠘꠅꠎꠘ ꠛꠣꠞ ꠅꠁꠀ ꠝꠤꠟꠘ-ꠔꠣꠝ꠆ꠛꠥꠞ ꠉꠦꠍꠦ ꠀꠅ।” ꠔꠦꠃ ꠄꠞꠣ ꠔꠤꠘꠅꠎꠘ ꠅꠘꠅ ꠀꠁꠟꠣ।

ꠔꠃꠞꠣꠔ ৪: ꠡꠥꠝꠣꠞꠤ 16:15

ꠁꠔꠣ ꠢꠥꠘꠤꠀ ꠝꠥꠍꠣ ꠈꠥꠛ ꠉꠞꠝ ꠅꠁꠀ ꠝꠣꠛꠥꠖꠞꠦ ꠇꠁꠟꠣ, “ꠝꠣꠛꠥꠖ, ꠔꠥꠝꠤ ꠄꠞꠣꠞ ꠇꠥꠞꠛꠣꠘꠤ ꠇꠛꠥꠟ ꠇꠞꠤꠅ ꠘꠣ। ꠀꠝꠤ ꠔ ꠔꠣꠞꠣꠞ ꠇꠥꠘꠥ ꠈꠦꠔꠤ ꠇꠞꠍꠤ ꠘꠣ, ꠔꠣꠞꠣꠞ ꠄꠉꠥ ꠉꠣꠗꠣꠅ ꠀꠝꠤ ꠘꠤꠍꠤ ꠘꠣ।”

ꠔꠃꠞꠣꠔ ৪: ꠡꠥꠝꠣꠞꠤ 16:17

ꠙꠞꠔꠦꠇꠦ ꠀꠁꠀ ꠎꠣꠞꠎꠤꠞ ꠀꠉꠞ ꠖꠣꠘꠤꠔ ꠀꠉꠞ-ꠈꠥꠡꠛꠄ ꠜꠞꠤꠀ ꠝꠣꠛꠥꠖꠞ ꠘꠣꠝꠦ ꠎꠣꠟꠣꠁꠛꠣꠄ। ꠔꠥꠝꠞꠣꠞ ꠀꠠꠣꠁ-ꠡ ꠎꠘꠞ ꠢꠇ꠆ꠇꠟꠦ ꠅꠟꠣ ꠎꠣꠞꠎꠤꠞ ꠀꠉꠞ ꠖꠣꠘꠤ ꠎꠣꠟꠣꠁꠅ। ꠄꠞꠟꠉꠦ ꠔꠥꠝꠤ ꠀꠞ ꠢꠣꠞꠥꠘꠦꠅ ꠀꠉꠞ-ꠈꠥꠡꠛꠄ ꠎꠣꠟꠣꠁꠅ।”

ꠁꠘ꠆ꠎꠤꠟ ১৬: ২-ꠔꠤꠝꠕꠤ 2:14

ꠅ ꠔꠤꠝꠕꠤ, ꠔꠥꠝꠤ ꠝꠥꠝꠤꠘ ꠅꠇꠟꠞꠦ ꠀꠝꠣꠞ ꠅꠃ ꠔꠣꠟꠤꠝꠈꠣꠘ ꠝꠘꠅ ꠇꠞꠣꠁ ꠖꠦꠅ। ꠀꠟ꠆ꠟꠣꠞ ꠍꠣꠝꠘꠦ ꠔꠣꠞꠣꠞꠦ ꠢꠥꠡꠤꠀꠞ ꠇꠞꠅ, ꠎꠣꠔꠦ ꠀꠎꠦ-ꠛꠣꠎꠦ ꠝꠣꠔ ꠟꠁꠀ ꠔꠞ꠆ꠇꠣ-ꠔꠞ꠆ꠇꠤ ꠘꠣ ꠇꠞꠂꠘ, ꠁꠔꠣ ꠝꠣꠔꠞ ꠔ ꠇꠥꠘꠥ ꠖꠣꠝ ꠘꠣꠁ, ꠁꠔꠣ ꠎꠦꠞꠣ ꠢꠥꠘꠦ, ꠔꠣꠞꠣꠞ ꠡꠞ꠆ꠛꠘꠣꠡ ꠅꠄ।