ꠔꠃꠞꠣꠔ ৪: ꠡꠥꠝꠣꠞꠤ 16:12 - Siloṭi Asmani Kitab (Nagri lipi)

¹² ꠄꠞꠣꠞ ꠛꠣꠖꠦ ꠝꠥꠍꠣꠄ ꠈꠛꠞ ꠖꠤꠟꠣ, ꠁꠟꠤꠀꠛꠞ ꠖꠥꠁ ꠙꠥꠀ ꠖꠣꠕꠘ ꠀꠞ ꠀꠛꠤꠞꠣꠝ ꠀꠁꠔꠣ ꠇꠞꠤ, ꠅꠁꠟꠦ ꠔꠣꠞꠣ ꠎꠣꠘꠣꠁꠟ, “ꠀꠝꠞꠣ ꠅꠔ ꠑꠦꠇꠣꠔ ꠘꠣꠄ।

ছিলটি আছমানি কিতাব (বাংলা লিপি)

¹² এরার বাদে মুছায় খবর দিলা, ইলিয়াবর দুই পুয়া দাথন আর আবিরাম আইতা করি, অইলে তারা জানাইলো, “আমরা অতো ঠেকাত নায়।

Siloṭi Asmani Kitab (Latin lipi)

¹² Erar bade Musae ḳobor dila, Iliabor dui fua Daton ar Abiram aita ḳori, oile tara zanailo, “Amra oto ṭeḳat nae.

ꠔꠃꠞꠣꠔ ৪: ꠡꠥꠝꠣꠞꠤ 16:12 Iomraidhean Croise

ꠔꠃꠞꠣꠔ ৪: ꠡꠥꠝꠣꠞꠤ 16:1

ꠟꠦꠛꠤ ꠈꠣꠘ꠆ꠖꠣꠘꠞ ꠇꠥꠞꠣꠢꠦ ꠝꠥꠍꠣ ꠘꠛꠤꠞ ꠛꠤꠞꠥꠖ꠆ꠖꠦ ꠖꠥꠡꠝꠘꠤ ꠟꠣꠉꠣꠁꠟ। ꠅꠃ ꠇꠥꠞꠣꠢ ꠅꠁꠟ ꠇꠣꠢꠣꠔꠤ ꠉꠥꠡ꠆ꠐꠤꠞ ꠁꠎꠢꠣꠞꠞ ꠙꠥꠀ। ꠔꠣꠞ ꠟꠉꠦ ꠞꠥꠛꠦꠘ ꠈꠣꠘ꠆ꠖꠣꠘꠞ ꠁꠟꠤꠀꠛꠞ ꠙꠥꠀ ꠖꠣꠕꠘ ꠀꠞ ꠀꠛꠤꠞꠣꠝ, ꠀꠞ ꠚꠟꠦꠔꠞ ꠙꠥꠀ ꠅꠃꠘꠦꠅ ꠝꠥꠍꠣ ꠘꠛꠤꠞ ꠛꠤꠞꠥꠗꠤꠔꠣ ꠇꠞꠟ। ꠄꠞꠣꠞ ꠖꠟꠅ ꠛꠘꠤ ꠁꠍꠞꠣꠁꠟꠞ ꠀꠞꠅ ꠀꠠꠣꠁ-ꠡ ꠎꠘ ꠘꠣꠝꠇꠞꠣ ꠝꠥꠞꠛ꠆ꠛꠤ ꠘꠦꠔꠣꠅ ꠡꠞꠤꠇ ꠅꠁꠟꠣ।

ꠔꠃꠞꠣꠔ ৪: ꠡꠥꠝꠣꠞꠤ 16:11

ꠢꠣꠞꠥꠘ ꠀꠞ ꠇꠥꠘ ꠝꠣꠘꠥꠡ ꠎꠦꠘ, ꠔꠥꠝꠞꠣ ꠔꠣꠞ ꠛꠤꠞꠥꠖ꠆ꠖꠦ ꠛꠇꠣ-ꠎꠇꠣ ꠇꠞꠞꠣꠄ? ꠔꠥꠝꠤ ꠀꠞ ꠔꠥꠝꠣꠞ ꠖꠟꠞ ꠝꠣꠘꠡꠦ ꠔ ꠝꠣꠛꠥꠖꠞ ꠛꠤꠞꠥꠖ꠆ꠖꠦꠃ ꠖꠟ ꠛꠣꠘ꠆ꠖꠤꠍ।”

ꠔꠃꠞꠣꠔ ৪: ꠡꠥꠝꠣꠞꠤ 16:13

ꠔꠥꠝꠤ ꠅꠃ ꠝꠞꠥꠜꠥꠝꠤꠔ ꠀꠘꠤꠀ ꠝꠣꠞꠔꠣꠄ ꠇꠞꠤ, ꠖꠥꠗ ꠀꠞ ꠝꠃꠞ ꠜꠣꠘ꠆ꠒꠣꠞ ꠀꠟꠣ ꠢꠃ ꠝꠤꠡꠞ ꠖꠦꠡ ꠕꠣꠇꠤ ꠀꠝꠞꠣꠞꠦ ꠛꠣꠞ ꠇꠞꠤ ꠀꠘꠍ, ꠢꠤ ꠖꠦꠡꠅ ꠔ ꠇꠥꠘ꠆ꠔꠣꠞꠃ ꠅꠜꠣꠛ ꠀꠍꠤꠟ ꠘꠣ। ꠄꠞ ꠛꠣꠖꠦꠅ ꠀꠝꠞꠣꠞ ꠃꠙꠞꠦ ꠛꠦꠐꠣꠉꠤꠞꠤ ꠖꠦꠈꠣꠘꠤꠔ ꠟꠣꠉꠍ।

Injil 26: Ehuda 1:8

ꠄꠞꠛꠣꠖꠦꠅ ꠅꠃ ꠜꠘ꠆ꠒ ꠃꠡ꠆ꠔꠣꠖ ꠅꠇꠟ, ꠎꠦꠔꠣꠄ ꠛꠣꠎꠦ ꠈꠥꠀꠛ ꠖꠦꠈꠤ ꠖꠦꠈꠤ ꠔꠣꠟꠤꠝ ꠖꠦꠁꠘ, ꠔꠣꠞꠣ ꠈꠛꠤꠍꠤ ꠇꠣꠝ ꠇꠞꠂꠘ, ꠇꠥꠘꠥꠎꠣꠔ ꠡꠣꠡꠘ ꠝꠣꠘꠂꠘ ꠘꠣ, ꠀꠞ ꠛꠣꠔꠥꠘꠤ ꠡꠞ꠆ꠖꠣꠞ ꠅꠇꠟꠞ ꠛꠖꠘꠣꠝ ꠉꠣꠁꠘ।