ꠔꠃꠞꠣꠔ ৪: ꠡꠥꠝꠣꠞꠤ 16:11 - Siloṭi Asmani Kitab (Nagri lipi)

¹¹ ꠢꠣꠞꠥꠘ ꠀꠞ ꠇꠥꠘ ꠝꠣꠘꠥꠡ ꠎꠦꠘ, ꠔꠥꠝꠞꠣ ꠔꠣꠞ ꠛꠤꠞꠥꠖ꠆ꠖꠦ ꠛꠇꠣ-ꠎꠇꠣ ꠇꠞꠞꠣꠄ? ꠔꠥꠝꠤ ꠀꠞ ꠔꠥꠝꠣꠞ ꠖꠟꠞ ꠝꠣꠘꠡꠦ ꠔ ꠝꠣꠛꠥꠖꠞ ꠛꠤꠞꠥꠖ꠆ꠖꠦꠃ ꠖꠟ ꠛꠣꠘ꠆ꠖꠤꠍ।”

ছিলটি আছমানি কিতাব (বাংলা লিপি)

¹¹ হারুন আর কুন মানুষ যেন, তুমরা তার বিরুদ্ধে বকা-জকা কররায়? তুমি আর তুমার দলর মানষে তো মাবুদর বিরুদ্ধেউ দল বান্দিছো।”

Siloṭi Asmani Kitab (Latin lipi)

¹¹ Harun ar kun manush zen, tumra tar birudde boḳa-zoḳa ḳorrae? Tumi ar tumar dolor manshe to Mabudor birudde-u dol bandiso.”

ꠔꠃꠞꠣꠔ ৪: ꠡꠥꠝꠣꠞꠤ 16:11 Iomraidhean Croise

ꠔꠃꠞꠣꠔ ২: ꠢꠤꠎꠞꠔ 17:2

ꠄꠞꠟꠣꠉꠤ ꠝꠣꠘꠡꠦ ꠝꠥꠍꠣꠞ ꠟꠉꠦ ꠇꠣꠁꠎ꠆ꠎꠣ ꠇꠞꠤ ꠇꠁꠟꠣ, “ꠀꠝꠞꠣꠞꠦ ꠈꠣꠅꠀꠞ ꠙꠣꠘꠤ ꠖꠦꠃꠇ꠆ꠇꠣ।” ꠝꠥꠍꠣꠄ ꠔꠣꠞꠣꠞꠦ ꠇꠁꠟꠣ, “ꠔꠥꠝꠞꠣ ꠇꠦꠘꠦ ꠀꠝꠣꠞ ꠟꠉꠦ ꠇꠣꠁꠎ꠆ꠎꠣ ꠇꠞꠞꠣꠄ? ꠇꠦꠘꠦ ꠝꠣꠛꠥꠖꠞꠦ ꠙꠞꠤꠇ꠆ꠇꠣ ꠇꠞꠞꠣꠄ?”

ꠔꠃꠞꠣꠔ ৪: ꠡꠥꠝꠣꠞꠤ 11:1

ꠛꠘꠤ ꠁꠍꠞꠣꠁꠟꠦ ꠘꠤꠎꠞ ꠖꠥꠈ-ꠇꠡ꠆ꠐꠞ ꠟꠣꠉꠤ ꠛꠦꠎꠣꠞ ꠅꠁꠀ ꠛꠇꠣ-ꠎꠇꠣ ꠇꠞꠟꠣ। ꠄꠞꠟꠣꠉꠤ ꠝꠣꠛꠥꠖꠦ ꠔꠣꠞꠣꠞ ꠁꠔꠣ ꠢꠥꠘꠤꠀ ꠉꠥꠍꠣ ꠅꠁꠉꠦꠟꠣ। ꠔꠣꠁꠘ ꠉꠎꠛꠤ ꠀꠉꠥꠁꠘ ꠙꠣꠑꠣꠁꠟꠣ ꠀꠞ ꠅꠃ ꠀꠉꠥꠁꠘ ꠔꠣꠞꠣꠞ ꠝꠣꠎꠦ ꠎꠟꠤꠟ, ꠄꠔꠦ ꠇꠦꠝ꠆ꠙꠞ ꠇꠤꠘꠣꠞꠣꠞ ꠇꠤꠍꠥ ꠅꠋꠡ ꠀꠉꠥꠁꠘꠦ ꠎꠟꠤꠉꠦꠟ।

ꠔꠃꠞꠣꠔ ৪: ꠡꠥꠝꠣꠞꠤ 16:12

ꠄꠞꠣꠞ ꠛꠣꠖꠦ ꠝꠥꠍꠣꠄ ꠈꠛꠞ ꠖꠤꠟꠣ, ꠁꠟꠤꠀꠛꠞ ꠖꠥꠁ ꠙꠥꠀ ꠖꠣꠕꠘ ꠀꠞ ꠀꠛꠤꠞꠣꠝ ꠀꠁꠔꠣ ꠇꠞꠤ, ꠅꠁꠟꠦ ꠔꠣꠞꠣ ꠎꠣꠘꠣꠁꠟ, “ꠀꠝꠞꠣ ꠅꠔ ꠑꠦꠇꠣꠔ ꠘꠣꠄ।

ꠔꠃꠞꠣꠔ ৪: ꠡꠥꠝꠣꠞꠤ 16:3

ꠅꠁꠀ ꠔꠣꠞꠣ ꠖꠟ ꠛꠣꠘ꠆ꠖꠤꠀ ꠝꠥꠍꠣ ꠀꠞ ꠢꠣꠞꠥꠘꠞꠦ ꠇꠁꠟꠣ, “ꠔꠥꠝꠞꠣ ꠔ ꠈꠥꠛ ꠛꠦꠡꠤ ꠛꠣꠠꠣꠛꠣꠠꠤ ꠇꠞꠞꠣꠄ। ꠀꠡ꠆ꠔꠣ ꠛꠘꠤ ꠁꠍꠞꠣꠁꠟꠞ ꠙꠞꠔꠦꠇ ꠝꠣꠘꠥꠡꠃ ꠎꠦꠛꠟꠣ ꠙꠣꠇ-ꠙꠛꠤꠔ꠆ꠞ, ꠝꠣꠛꠥꠖꠅ ꠔꠣꠞꠣꠞ ꠟꠉꠦ ꠀꠍꠂꠘ। ꠔꠦ ꠔꠥꠝꠞꠣ ꠝꠣꠛꠥꠖꠞ ꠛꠘ꠆ꠖꠣ ꠅꠇꠟꠞ ꠃꠙꠞꠦ ꠃꠡ꠆ꠔꠣꠖꠤ ꠇꠞꠞꠣꠄ ꠇꠦꠘꠦ?”

Injil 3: Luk 10:16

“ꠔꠥꠝꠞꠣ ꠝꠘꠅ ꠞꠣꠈꠤꠅ, ꠎꠦꠞꠣ ꠔꠥꠝꠞꠣꠞ ꠇꠕꠣ ꠝꠣꠘꠦ, ꠔꠣꠞꠣ ꠀꠍꠟꠦ ꠀꠝꠣꠞ ꠇꠕꠣꠃ ꠝꠣꠘꠦ। ꠀꠞ ꠎꠦꠞꠣ ꠔꠥꠝꠞꠣꠞꠦ ꠝꠣꠘꠦ ꠘꠣ, ꠔꠣꠞꠣ ꠀꠝꠣꠞꠦꠅ ꠝꠣꠘꠦ ꠘꠣ। ꠎꠦꠞꠣ ꠀꠝꠣꠞꠦ ꠝꠣꠘꠦ ꠘꠣ, ꠔꠣꠞꠣ ꠀꠍꠟꠦ ꠢꠃ ꠀꠟ꠆ꠟꠣꠞꠦꠅ ꠝꠣꠘꠦ ꠘꠣ, ꠎꠦꠁꠘ ꠀꠝꠣꠞꠦ ꠛꠦꠎꠤꠍꠂꠘ।”

Injil 4: Hannan 13:20

ꠀꠝꠤ ꠔꠥꠝꠞꠣꠞꠦ ꠢꠣꠍꠣꠃ ꠇꠁꠞꠣꠝ, ꠀꠝꠤ ꠎꠣꠞꠦ ꠙꠣꠑꠣꠁ, ꠔꠣꠞꠦ ꠎꠦ ꠎꠘꠦ ꠇꠛꠥꠟ ꠇꠞꠦ, ꠢꠦ ꠀꠍꠟꠦ ꠀꠝꠣꠞꠦꠃ ꠇꠛꠥꠟ ꠇꠞꠦ। ꠀꠞ ꠎꠦ ꠎꠘꠦ ꠀꠝꠣꠞꠦ ꠇꠛꠥꠟ ꠇꠞꠦ, ꠢꠦ ꠔꠣꠘꠞꠦꠃ ꠇꠛꠥꠟ ꠇꠞꠦ, ꠎꠦꠁꠘ ꠀꠝꠣꠞꠦ ꠙꠣꠑꠣꠁꠍꠂꠘ।”

Injil 5: Sahabi Nama 5:4

ꠛꠦꠌꠣꠞ ꠀꠉꠦ ꠎꠝꠤꠘꠈꠣꠘ ꠇꠤꠔꠣ ꠔꠥꠝꠣꠞ ꠀꠍꠤꠟ ꠘꠣ ꠘꠤ? ꠀꠞ ꠛꠦꠌꠣꠞ ꠛꠣꠖꠦꠅ ꠔ ꠁ ꠐꠦꠇꠣ ꠔꠥꠝꠣꠞ ꠄꠈꠔꠤꠀꠞꠅ ꠀꠍꠤꠟ, ꠔꠦ ꠇꠦꠘꠦ ꠔꠥꠝꠣꠞ ꠜꠤꠔꠞꠦ ꠁꠔꠣ ꠢꠣꠝꠣꠁꠟ? ꠔꠥꠝꠤ ꠔ ꠝꠣꠘꠡꠞ ꠉꠦꠍꠦ ꠝꠤꠍꠣ ꠝꠣꠔꠍ ꠘꠣ, ꠀꠟ꠆ꠟꠣꠞ ꠉꠦꠍꠦꠃ ꠝꠤꠍꠣ ꠝꠣꠔꠟꠣꠄ।”

Injil 6: Ruman 13:2

ꠄꠞꠟꠣꠉꠤ ꠎꠦ ꠝꠣꠘꠡꠦ ꠖꠦꠡꠞ ꠞꠣꠎꠣꠞ ꠖꠥꠡꠝꠘꠤ ꠇꠞꠦ, ꠢꠦ ꠀꠍꠟꠦ ꠀꠟ꠆ꠟꠣꠁ ꠢꠥꠇꠥꠝꠞ ꠖꠥꠡꠝꠘꠤ ꠇꠞꠦ। ꠁꠟꠣ ꠇꠣꠝ ꠎꠦꠔꠣꠄ ꠇꠞꠂꠘ, ꠔꠣꠞꠣ ꠔ ꠘꠤꠎꠞ ꠃꠙꠞꠦ ꠉꠎꠛ ꠒꠣꠇꠤꠀ ꠀꠘꠂꠘ।

Injil 7: 1-Korintia 10:10

ꠔꠣꠞꠣꠞ ꠝꠣꠎꠞ ꠛꠃꠔꠦ ꠘꠣ-ꠈꠥꠡ ꠅꠁꠀ ꠛꠇꠣ-ꠎꠇꠣ ꠇꠞꠣꠄ, ꠀꠟ꠆ꠟꠣꠞ ꠉꠎꠛꠞ ꠚꠤꠞꠤꠡ꠆ꠔꠣꠄ ꠔꠣꠞꠣꠞꠦ ꠛꠤꠘꠣꠡ ꠇꠞꠍꠂꠘ। ꠄꠞꠟꠣꠉꠤ ꠔꠥꠝꠞꠣ ꠁꠟꠣ ꠇꠞꠤꠅ ꠘꠣ।

Injil 7: 1-Korintia 3:5

ꠀꠙꠟ꠆ꠟꠍ ꠇꠦ? ꠀꠞ ꠙꠣꠃꠟꠥꠍꠃ ꠛꠣ ꠇꠦ? ꠀꠝꠞꠣ ꠔ ꠡꠣꠝꠣꠁꠘ꠆ꠘ ꠈꠦꠎꠝꠔꠇꠣꠞꠤ, ꠀꠝꠞꠣꠞ ꠝꠣꠎꠖꠤ ꠔꠥꠝꠞꠣ ꠁꠝꠣꠘꠞ ꠙꠕꠦ ꠀꠁꠍ। ꠀꠟ꠆ꠟꠣꠄꠃ ꠀꠝꠞꠣꠞꠦ ꠎꠣꠞꠎꠤꠞ ꠁ ꠖꠣꠄꠁꠔ꠆ꠔ ꠖꠤꠍꠂꠘ।

Injil 26: Ehuda 1:16

ꠁꠔꠣꠄ ꠔ ꠢꠣꠝꠦꠡꠣꠃ ꠘꠣ-ꠍꠛꠞꠤ ꠇꠞꠂꠘ, ꠘꠤꠎꠞ ꠇꠙꠣꠟꠞꠦ ꠖꠥꠡꠂꠘ ꠀꠞ ꠔꠣꠞꠣꠞ ꠛꠖ ꠈꠣꠁꠡꠞ ꠛꠡꠦ ꠌꠟꠂꠘ। ꠔꠣꠞꠣꠞ ꠢꠇꠟ ꠝꠣꠔꠅ ꠘꠤꠎꠞ ꠛꠠꠣꠁ-ꠛꠦꠐꠣꠉꠤꠞꠤ ꠖꠦꠈꠣꠁꠘ, ꠡ꠆ꠛꠣꠞꠕ ꠢꠣꠍꠤꠟꠞ ꠟꠣꠉꠤ ꠝꠣꠘꠡꠞ ꠜꠎꠘꠣ ꠇꠞꠂꠘ।