ꠔꠃꠞꠣꠔ ৪: ꠡꠥꠝꠣꠞꠤ 16:1 - Siloṭi Asmani Kitab (Nagri lipi)

^1-2 ꠟꠦꠛꠤ ꠈꠣꠘ꠆ꠖꠣꠘꠞ ꠇꠥꠞꠣꠢꠦ ꠝꠥꠍꠣ ꠘꠛꠤꠞ ꠛꠤꠞꠥꠖ꠆ꠖꠦ ꠖꠥꠡꠝꠘꠤ ꠟꠣꠉꠣꠁꠟ। ꠅꠃ ꠇꠥꠞꠣꠢ ꠅꠁꠟ ꠇꠣꠢꠣꠔꠤ ꠉꠥꠡ꠆ꠐꠤꠞ ꠁꠎꠢꠣꠞꠞ ꠙꠥꠀ। ꠔꠣꠞ ꠟꠉꠦ ꠞꠥꠛꠦꠘ ꠈꠣꠘ꠆ꠖꠣꠘꠞ ꠁꠟꠤꠀꠛꠞ ꠙꠥꠀ ꠖꠣꠕꠘ ꠀꠞ ꠀꠛꠤꠞꠣꠝ, ꠀꠞ ꠚꠟꠦꠔꠞ ꠙꠥꠀ ꠅꠃꠘꠦꠅ ꠝꠥꠍꠣ ꠘꠛꠤꠞ ꠛꠤꠞꠥꠗꠤꠔꠣ ꠇꠞꠟ। ꠄꠞꠣꠞ ꠖꠟꠅ ꠛꠘꠤ ꠁꠍꠞꠣꠁꠟꠞ ꠀꠞꠅ ꠀꠠꠣꠁ-ꠡ ꠎꠘ ꠘꠣꠝꠇꠞꠣ ꠝꠥꠞꠛ꠆ꠛꠤ ꠘꠦꠔꠣꠅ ꠡꠞꠤꠇ ꠅꠁꠟꠣ।

ছিলটি আছমানি কিতাব (বাংলা লিপি)

^1-2 লেবি খান্দানর কুরাহে মুছা নবীর বিরুদ্ধে দুশমনি লাগাইলো। অউ কুরাহ অইলো কাহাতী গুষ্টির ইজহারর পুয়া। তার লগে রুবেন খান্দানর ইলিয়াবর পুয়া দাথন আর আবিরাম, আর ফলেতর পুয়া অউনেও মুছা নবীর বিরুধিতা করলো। এরার দলো বনি ইছরাইলর আরো আড়াইশো জন নামকরা মুরব্বি নেতাও শরিক অইলা।

Siloṭi Asmani Kitab (Latin lipi)

^1-2 Lebi kandanor Kurahe Musa nobir birudde dushmoni lagailo. Ou Kurah oilo Kahati gusṭir Izharor fua. Tar loge Ruben ḳandanor Iliabor fua Daton ar Abiram, ar Foletor fua Oune-o Musa nobir birudita ḳorlo. Erar dolo Boni Israilor aro aṛai-sho zon namḳora murobbi neta-o shorik oila.

ꠔꠃꠞꠣꠔ ৪: ꠡꠥꠝꠣꠞꠤ 16:1 Iomraidhean Croise

ꠔꠃꠞꠣꠔ ২: ꠢꠤꠎꠞꠔ 6:16

ꠈꠣꠘ꠆ꠖꠣꠘ ꠔꠣꠟꠤꠇꠣ ꠢꠤꠡꠣꠛꠦ ꠢꠎꠞꠔ ꠟꠦꠛꠤꠞ ꠙꠥꠀꠂꠘ ꠅꠁꠟꠣ ꠎꠣꠞꠍꠥꠘ, ꠇꠣꠢꠣꠔ ꠀꠞ ꠝꠣꠞꠣꠞꠤ। ꠟꠦꠛꠤ ꠄꠇ-ꠡ ꠡꠣꠠꠔꠤꠡ ꠛꠞꠍ ꠛꠣꠌꠤꠍꠟꠣ।

ꠔꠃꠞꠣꠔ ২: ꠢꠤꠎꠞꠔ 6:18

ꠇꠣꠢꠣꠔꠞ ꠙꠥꠀꠂꠘ ꠅꠁꠟꠣ ꠁꠝꠞꠣꠘ, ꠁꠎꠢꠣꠞ, ꠢꠦꠛꠞꠘ ꠀꠞ ꠃꠎ꠆ꠎꠟ। ꠇꠣꠢꠣꠔ ꠄꠇ-ꠡ ꠔꠦꠔ꠆ꠞꠤꠡ ꠛꠞꠍ ꠛꠣꠌꠤꠍꠟꠣ।

ꠔꠃꠞꠣꠔ ২: ꠢꠤꠎꠞꠔ 6:21

ꠁꠎꠢꠣꠞꠞ ꠙꠥꠀꠂꠘ ꠅꠁꠟꠣ ꠇꠥꠞꠣꠢ, ꠘꠦꠚꠉ, ꠎꠤꠈꠞꠤ।

ꠔꠃꠞꠣꠔ ৪: ꠡꠥꠝꠣꠞꠤ 15:41

ꠀꠝꠤ ꠔꠥꠝꠞꠣꠞ ꠝꠣꠛꠥꠖ ꠀꠟ꠆ꠟꠣ। ꠔꠥꠝꠞꠣꠞ ꠝꠣꠛꠥꠖ ꠅꠀꠞ ꠈꠤꠀꠟꠦ, ꠀꠝꠤ ꠔꠥꠝꠞꠣꠞꠦ ꠝꠤꠡꠞ ꠕꠣꠇꠤ ꠛꠣꠞ ꠇꠞꠤ ꠀꠘꠍꠤ। ꠀꠝꠤꠃ ꠀꠟ꠆ꠟꠣ, ꠔꠥꠝꠞꠣꠞ ꠝꠣꠛꠥꠖ।”

ꠔꠃꠞꠣꠔ ৪: ꠡꠥꠝꠣꠞꠤ 27:3

“ꠀꠝꠞꠣꠞ ꠛꠣꠛꠣ ꠔ ꠝꠞꠥꠜꠥꠝꠤꠔ ꠝꠣꠞꠣ ꠉꠦꠍꠂꠘ। ꠀꠞ ꠇꠥꠞꠣꠢꠞ ꠖꠟꠞ ꠎꠦꠔꠣ ꠝꠣꠘꠡꠦ ꠝꠣꠛꠥꠖꠞ ꠛꠤꠞꠥꠖ꠆ꠖꠦ ꠘꠣꠚꠞꠝꠣꠘꠤ ꠇꠞꠍꠟꠣ, ꠔꠣꠁꠘ ꠔ ꠁꠔꠣꠞ ꠟꠉꠦ ꠀꠍꠟꠣ ꠘꠣ। ꠔꠣꠁꠘ ꠈꠣꠟꠤ ꠔꠣꠘ ꠘꠤꠎꠞ ꠉꠥꠘꠣꠞ ꠖꠣꠄ ꠝꠣꠞꠣ ꠉꠦꠍꠂꠘ। ꠀꠞ ꠀꠝꠞꠣꠞ ꠇꠥꠘꠥ ꠜꠣꠁ ꠎꠘꠝꠤꠍꠂꠘ ꠘꠣ,

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 11:6

ꠔꠣꠁꠘ ꠞꠥꠛꠦꠘ ꠈꠣꠘ꠆ꠖꠣꠘꠞ ꠁꠟꠤꠀꠛꠞ ꠙꠥꠀ ꠖꠣꠕꠘ ꠀꠞ ꠀꠛꠤꠞꠣꠝꠞꠦ ꠎꠦ ꠡꠣꠎꠣ ꠖꠤꠍꠂꠘ ꠝꠣꠘꠤ, ꠖꠥꠘꠤꠀꠞ ꠝꠣꠐꠤ ꠚꠣꠐꠤꠀ ꠀ ꠇꠞꠤꠀ ꠀꠡ꠆ꠔꠣ ꠛꠘꠤ ꠁꠍꠞꠣꠁꠟꠞ ꠝꠣꠎꠈꠣꠘ ꠕꠣꠇꠤ ꠔꠣꠞꠣꠞꠦ ꠉꠤꠟꠤꠟꠤꠟ, ꠔꠣꠞꠣꠞ ꠛꠃ-ꠛꠣꠁꠌ꠆ꠌꠣꠁꠘ ꠡꠥꠖ꠆ꠖꠣ ꠀꠡ꠆ꠔꠣ ꠙꠞꠤꠛꠣꠞ, ꠔꠣꠞꠣꠞ ꠊꠞ-ꠖꠥꠀꠞ, ꠀꠞ ꠢꠦꠝꠣꠘ-ꠎꠣꠘꠥꠀꠞ ꠡꠢ ꠢꠇꠟ ꠝꠣꠟ-ꠍꠣꠝꠣꠘꠣ ꠝꠣꠐꠤꠞ ꠔꠟꠦ ꠢꠣꠝꠣꠁꠉꠦꠟ, ꠁꠔꠣꠅ ꠄꠞꠣ ꠖꠦꠈꠍꠦ ꠘꠣ।

Injil 26: Ehuda 1:11

ꠁꠔꠣ ꠔ ꠟꠣꠘ꠆ꠘꠔꠤ! ꠁꠉꠥꠁꠘ ꠛꠣꠛꠣ ꠀꠖꠝꠞ ꠟꠣꠘ꠆ꠘꠔꠤ ꠙꠥꠔ ꠇꠣꠛꠤꠟꠞ ꠟꠣꠈꠣꠘ ꠛꠘꠍꠂꠘ। ꠖꠥꠘꠤꠀꠛꠤ ꠟꠣꠜꠞ ꠀꠡꠣꠄ ꠔꠣꠞꠣ ꠢꠃ ꠜꠘ꠆ꠒ ꠘꠛꠤ ꠛꠣꠟꠣꠝꠞ ꠈꠣꠁꠡꠞ ꠀꠔꠅ ꠘꠤꠎꠞꠦ ꠡꠙꠤ ꠖꠤꠍꠦ। ꠀꠞ ꠝꠥꠍꠣ ꠘꠛꠤꠞ ꠛꠣꠄ ꠛꠤꠉꠠꠤ ꠎꠣꠅꠞꠣ ꠢꠃ ꠘꠦꠔꠣ ꠇꠥꠞꠣꠢꠞ ꠟꠣꠈꠣꠘ ꠔꠣꠞꠣꠞ ꠛꠤꠘꠣꠡ ꠀꠍꠦ।