ꠔꠃꠞꠣꠔ ৪: ꠡꠥꠝꠣꠞꠤ 15:3 - Siloṭi Asmani Kitab (Nagri lipi)

³ ꠉꠤꠀ ꠀꠝꠣꠞꠦ ꠈꠥꠡ ꠞꠣꠈꠣꠞ ꠘꠤꠅꠔꠦ ꠀꠉꠥꠘꠤꠔ ꠖꠦꠅꠀ ꠊꠦꠞꠣꠘ ꠀꠟꠣ ꠎꠦꠇꠥꠘꠥ ꠇꠥꠞꠛꠣꠘꠤ ꠢꠤꠡꠣꠛꠦ ꠔꠥꠝꠞꠣꠞ ꠙꠣꠟ ꠕꠣꠇꠤ ꠎꠦꠛꠟꠣ ꠉꠣꠁ-ꠉꠞꠥ ꠛꠣ ꠝꠦꠠꠣ-ꠍꠣꠉꠟ ꠀꠘꠤꠀ ꠀꠝꠣꠞ ꠘꠣꠝꠦ ꠖꠤꠛꠣꠞ ꠘꠤꠅꠔ ꠇꠞꠛꠣꠄ, ꠀꠞ ꠎꠣꠟꠣꠁꠟ ꠇꠥꠞꠛꠣꠘꠤ, ꠇꠥꠘꠥ ꠝꠣꠘ꠆ꠘꠔ ꠙꠥꠞꠘꠞ ꠇꠥꠞꠛꠣꠘꠤ, ꠢꠇꠟ ꠘꠝꠥꠘꠣꠞ ꠘꠚꠟ ꠇꠥꠞꠛꠣꠘꠤ, ꠛꠣ ꠎꠦꠇꠥꠘꠥ ꠁꠖꠞ ꠇꠥꠞꠛꠣꠘꠤ ꠖꠤꠟꠦ,

ছিলটি আছমানি কিতাব (বাংলা লিপি)

³ গিয়া আমারে খুশ রাখার নিয়তে আগুনিত দেওয়া ঘেরান আলা যেকুনু কুরবানি হিসাবে তুমরার পাল থাকি যেবলা গাই-গরু বা মেড়া-ছাগল আনিয়া আমার নামে দিবার নিয়ত করবায়, আর জালাইল কুরবানি, কুনু মান্নত পুরনর কুরবানি, হকল নমুনার নফল কুরবানি, বা যেকুনু ইদর কুরবানি দিলে,

Siloṭi Asmani Kitab (Latin lipi)

³ gia amare kush raḳar niote agunit deoa geran ala zekunu kurbani hishabe tumrar fal taki zebla gai-goru ba meṛa-sagol ania amar name dibar niot ḳorbae, ar zalail kurbani, kunu mannot furonor kurbani, hoḳol nomunar nofol kurbani, ba zekunu idor kurbani dile,

ꠔꠃꠞꠣꠔ ৪: ꠡꠥꠝꠣꠞꠤ 15:3 Iomraidhean Croise

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 8:21

ꠝꠣꠛꠥꠖ ꠁ ꠇꠥꠞꠛꠣꠘꠤꠞ ꠗꠥꠝꠣꠞ ꠊꠦꠞꠣꠘꠦ ꠈꠥꠡꠤ ꠅꠁꠟꠣ, ꠀꠞ ꠔꠣꠁꠘ ꠇꠁꠟꠣ, “ꠝꠣꠘꠡꠞ ꠟꠣꠉꠤ ꠀꠝꠤ ꠀꠞ ꠇꠥꠘꠥ ꠡꠝꠄꠅ ꠝꠣꠐꠤꠞꠦ ꠟꠣꠘ꠆ꠘꠔ ꠖꠤꠔꠣꠝ ꠘꠣꠄ, ꠎꠥꠖꠤꠅ ꠢꠥꠞꠥꠛꠣꠟꠣ ꠕꠣꠇꠤꠃ ꠝꠣꠘꠡꠞ ꠝꠘꠞ ꠈꠤꠀꠟ ꠈꠣꠞꠣꠙꠤꠞ ꠛꠣꠄ ꠕꠣꠇꠦ। ꠁꠚꠤꠞꠣ ꠎꠦꠟꠣ ꠢꠇꠟ ꠎꠣꠘꠖꠣꠞꠞꠦ ꠝꠣꠞꠍꠤ, ꠁꠟꠣꠈꠣꠘ ꠀꠞ ꠇꠥꠘꠥ ꠖꠤꠘꠃ ꠝꠣꠞꠔꠣꠝ ꠘꠣꠄ।

ꠔꠃꠞꠣꠔ ২: ꠢꠤꠎꠞꠔ 29:18

ꠢꠦꠡꠦ ꠁ ꠀꠡ꠆ꠔꠣꠉꠥ ꠇꠥꠞꠛꠣꠘꠤ ꠈꠣꠘꠣꠞ ꠃꠙꠞꠦ ꠘꠤꠀ ꠎꠣꠟꠣꠁꠟꠤꠅ। ꠁꠔꠣ ꠅꠁꠟ ꠝꠣꠛꠥꠖꠞ ꠘꠣꠝꠦ ꠎꠣꠟꠣꠁꠟ ꠇꠥꠞꠛꠣꠘꠤ, ꠝꠣꠛꠥꠖꠞ ꠘꠤꠅꠔꠦ ꠀꠉꠥꠘꠤꠔ ꠖꠦꠅꠀ ꠊꠦꠞꠣꠘ ꠀꠟꠣ ꠍꠖꠉꠣ।

ꠔꠃꠞꠣꠔ ২: ꠢꠤꠎꠞꠔ 29:25

ꠀꠞ ꠅꠔꠣ ꠔꠣꠞꠣꠞ ꠀꠔ ꠕꠣꠇꠤ ꠘꠤꠀ, ꠝꠣꠛꠥꠖꠞ ꠍꠣꠝꠘꠦ ꠇꠥꠞꠛꠣꠘꠤ ꠈꠣꠘꠣꠞ ꠃꠙꠞꠦ, ꠢꠃ ꠎꠣꠟꠣꠁꠟ ꠇꠥꠞꠛꠣꠘꠤꠞ ꠃꠙꠞꠦ ꠎꠣꠟꠣꠁꠟꠤꠛꠣꠄ। ꠁꠐꠣ ꠅꠁꠟ ꠝꠣꠛꠥꠖꠞ ꠘꠣꠝꠦ ꠀꠉꠥꠘꠤꠔ ꠖꠦꠅꠀ ꠍꠖꠉꠣ। ꠁꠔꠣꠞ ꠗꠥꠝꠣꠞ ꠊꠦꠞꠣꠘꠦ ꠝꠣꠛꠥꠖ ꠈꠥꠡꠤ ꠅꠁꠘ।”

ꠔꠃꠞꠣꠔ ২: ꠢꠤꠎꠞꠔ 29:41

ꠢꠣꠁꠘ꠆ꠎꠣ ꠛꠣꠟꠣ ꠎꠦ ꠝꠦꠠꠣ ꠇꠥꠞꠛꠣꠘꠤ ꠖꠤꠛꠣꠄ, ꠄꠞꠟꠉꠦꠅ ꠛꠤꠀꠘꠇꠥꠞ ꠟꠣꠈꠣꠘ ꠗꠣꠘ-ꠉꠝꠞ ꠍꠖꠉꠣ ꠀꠞ ꠡꠞꠛꠔ-ꠙꠣꠘꠤꠞ ꠍꠖꠉꠣꠞ ꠢꠇꠟꠔꠣ ꠖꠤꠔꠦ ꠅꠁꠛ। ꠁꠔꠣ ꠅꠁꠟ ꠝꠣꠛꠥꠖꠞ ꠘꠤꠅꠔꠦ ꠀꠉꠥꠘꠤꠔ ꠖꠦꠅꠀ ꠊꠦꠞꠣꠘ ꠀꠟꠣ ꠇꠥꠞꠛꠣꠘꠤ।

ꠔꠃꠞꠣꠔ ৩: ꠟꠦꠛꠤꠀꠘ 10:13

ꠔꠥꠝꠞꠣ ꠙꠛꠤꠔ꠆ꠞ ꠇꠣꠛꠣ ꠊꠞꠞ ꠡꠤꠝꠣꠘꠣꠞ ꠜꠤꠔꠞꠦ ꠅꠔꠣ ꠈꠣꠁꠅ। ꠝꠣꠛꠥꠖꠞ ꠘꠣꠝꠦ ꠀꠉꠥꠘꠤꠔ ꠖꠦꠅꠀ ꠇꠥꠞꠛꠣꠘꠤꠞ ꠅꠃ ꠅꠋꠡ ꠔ ꠔꠥꠝꠣꠞ ꠀꠞ ꠔꠥꠝꠣꠞ ꠙꠥꠀꠂꠘ꠆ꠔꠞ ꠙꠣꠅꠘꠣ। ꠝꠣꠛꠥꠖꠦ ꠀꠝꠣꠞꠦ ꠅꠟꠣ ꠢꠥꠇꠥꠝ ꠖꠤꠍꠂꠘ।

ꠔꠃꠞꠣꠔ ৩: ꠟꠦꠛꠤꠀꠘ 27:2

“ꠔꠥꠝꠤ ꠔꠣꠝꠣꠝ ꠛꠘꠤ ꠁꠍꠞꠣꠁꠟꠞꠦ ꠎꠣꠘꠣꠁ ꠖꠦꠅ, ꠇꠦꠃ ꠎꠥꠖꠤ ꠇꠥꠘꠥ ꠝꠣꠘꠡꠞꠦ ꠀꠟ꠆ꠟꠣꠞ ꠘꠣꠝꠦ ꠖꠦꠅꠀꠞ ꠝꠣꠘ꠆ꠘꠔ ꠇꠞꠦ, ꠔꠦ ꠅꠃ ꠎꠘꠞ ꠛꠖꠟꠣ ꠅꠟꠣꠈꠣꠘ ꠢꠣꠖꠤꠀ ꠖꠤꠔꠦ ꠅꠁꠛ:

ꠔꠃꠞꠣꠔ ৩: ꠟꠦꠛꠤꠀꠘ 7:16

“ꠅꠃ ꠍꠣꠟꠣꠝꠔꠤ ꠇꠥꠞꠛꠣꠘꠤ ꠎꠥꠖꠤ ꠇꠥꠘꠥ ꠝꠣꠘ꠆ꠘꠔ ꠀꠖꠣꠄ ꠇꠞꠣꠞ ꠘꠤꠅꠔꠦ ꠖꠦꠅ, ꠛꠣ ꠄꠝꠘꠦ ꠈꠥꠡꠤ ꠅꠁꠀ ꠇꠥꠞꠛꠣꠘꠤ ꠖꠦꠅ, ꠔꠦ ꠁꠔꠣꠞ ꠉꠥꠡ꠆ꠔ ꠅꠃ ꠖꠤꠘꠃ ꠈꠣꠁꠅ, ꠀꠞ ꠇꠤꠍꠥ ꠛꠣꠇꠤ ꠞꠁꠟꠦ ꠛꠣꠖꠞ ꠖꠤꠘꠅ ꠈꠣꠁꠔꠣꠄ ꠙꠣꠞꠛꠣꠄ।

ꠔꠃꠞꠣꠔ ৪: ꠡꠥꠝꠣꠞꠤ 28:27

ꠅꠃ ꠖꠤꠘ ꠔꠥꠝꠞꠣ ꠖꠥꠉꠥ ꠛꠤꠍꠣꠟ, ꠄꠉꠥ ꠝꠦꠠꠣ ꠀꠞ ꠄꠇ ꠛꠍꠞ ꠛꠄꠅꠡꠤ ꠡꠣꠔꠉꠥ ꠝꠦꠠꠣ-ꠛꠣꠁꠌ꠆ꠌꠣ ꠖꠤꠀ ꠎꠣꠟꠣꠁꠟ ꠇꠥꠞꠛꠣꠘꠤ ꠀꠖꠣꠄ ꠇꠞꠤꠅ, ꠅꠃ ꠇꠥꠞꠛꠣꠘꠤꠞ ꠗꠥꠝꠣꠞ ꠊꠦꠞꠣꠘꠦ ꠀꠝꠤ ꠝꠣꠛꠥꠖ ꠈꠥꠡꠤ ꠅꠁ।

ꠔꠃꠞꠣꠔ ৪: ꠡꠥꠝꠣꠞꠤ 29:8

ꠀꠝꠤ ꠝꠣꠛꠥꠖꠞꠦ ꠈꠥꠡꠤ ꠇꠞꠣꠞ ꠘꠤꠅꠔꠦ ꠊꠦꠞꠣꠘ ꠀꠟꠣ ꠎꠣꠟꠣꠁꠟ ꠇꠥꠞꠛꠣꠘꠤ ꠢꠤꠡꠣꠛꠦ ꠘꠤꠈꠥꠔ ꠄꠉꠥ ꠛꠤꠍꠣꠟ, ꠄꠉꠥ ꠝꠦꠠꠣ, ꠀꠞ ꠡꠣꠔꠉꠥ ꠄꠇ ꠛꠍꠞ ꠛꠄꠅꠡꠤ ꠝꠦꠠꠣ-ꠛꠣꠁꠌ꠆ꠌꠣꠞꠦ ꠇꠥꠞꠛꠣꠘꠤ ꠖꠤꠅ।

ꠔꠃꠞꠣꠔ ৪: ꠡꠥꠝꠣꠞꠤ 6:15

ꠅꠔꠣꠞ ꠟꠉꠞ ꠗꠣꠘ-ꠉꠝꠞ ꠍꠖꠉꠣ ꠀꠞ ꠡꠞꠛꠔ-ꠙꠣꠘꠤꠞ ꠍꠖꠉꠣ ꠀꠘꠛ, ꠄꠞꠟꠉꠦ ꠘꠤꠞꠦꠇ ꠉꠥꠠꠤꠖꠤ ꠛꠣꠘꠣꠁꠟ ꠔꠦꠟꠖꠤ ꠜꠣꠎꠣ ꠄꠇ ꠐꠥꠇꠞꠤ ꠙꠤꠑꠣ ꠀꠞ ꠔꠦꠟ ꠝꠣꠈꠣꠁꠟ ꠌꠣꠙꠣꠐꠤ ꠛꠣꠘꠣꠁꠅ। ꠁꠔꠣ ꠇꠥꠘ꠆ꠔꠣꠔꠃ ꠈꠣꠝꠤꠞ ꠝꠤꠡꠣꠁꠅ ꠘꠣ।

ꠁꠘ꠆ꠎꠤꠟ ১: ꠝꠕꠤ 3:17

ꠅꠃ ꠡꠝꠄ ꠀꠍꠝꠣꠘ ꠕꠘꠦ ꠉꠣꠁꠛꠤ ꠀꠅꠀꠎ ꠅꠁꠟ, “ꠄꠁꠘꠃ ꠀꠝꠣꠞ ꠈꠣꠍ ꠝꠣꠄꠀꠞ ꠎꠘ ꠁꠛꠘꠥꠟ꠆ꠟꠣ, ꠄꠘ ꠃꠙꠞꠦ ꠀꠝꠤ ꠈꠥꠛ ꠈꠥꠡꠤ।”

Injil 8: 2-Korintia 2:15

ꠎꠦꠞꠣ ꠘꠣꠎꠣꠔ ꠢꠣꠍꠤꠟ ꠇꠞꠞꠣ ꠀꠞ ꠎꠦꠞꠣ ꠛꠤꠘꠣꠡ ꠅꠁꠞꠣ, ꠅꠃ ꠖꠥꠁꠅ ꠖꠟꠞ ꠟꠣꠉꠤ ꠀꠝꠞꠣ ꠅꠁꠟꠣꠝ ꠀꠟ-ꠝꠍꠤꠞ ꠄꠇ ꠊꠦꠞꠣꠘ, ꠅꠃ ꠊꠦꠞꠣꠘꠞꠦ ꠀꠟ-ꠝꠍꠤꠄ ꠀꠟ꠆ꠟꠣꠞ ꠖꠞꠛꠣꠞꠅ ꠇꠥꠞꠛꠣꠘꠤꠞ ꠟꠣꠈꠣꠘ ꠡꠙꠤꠀ ꠖꠤꠞꠣ।

Injil 8: 2-Korintia 2:16

ꠎꠦꠞꠣ ꠛꠤꠘꠣꠡ ꠅꠁꠎꠣꠞ, ꠔꠣꠞꠣꠞ ꠉꠦꠍꠦ ꠀꠝꠞꠣꠞ ꠊꠦꠞꠣꠘ ꠅꠁꠟ ꠝꠞꠣꠞ ꠉꠘ꠆ꠖ, ꠎꠣꠞ ꠚꠟ ꠅꠁꠟ ꠘꠤꠌ꠆ꠌꠤꠔ ꠝꠞꠘ। ꠀꠞ ꠎꠦꠞꠣ ꠘꠣꠎꠣꠔ ꠢꠣꠍꠤꠟ ꠇꠞꠞꠣ, ꠔꠣꠞꠣꠞ ꠉꠦꠍꠦ ꠀꠝꠞꠣ ꠅꠁꠟꠣꠝ ꠎꠤꠘ꠆ꠖꠦꠉꠤꠞ ꠊꠦꠞꠣꠘ, ꠄꠞ ꠚꠟ ꠅꠁꠟ ꠀꠈꠦꠞꠣꠔꠞ ꠎꠤꠘ꠆ꠖꠦꠉꠤ। ꠁ ꠅꠔ ꠛꠠ ꠘꠦꠇ ꠇꠣꠝ ꠇꠞꠣꠞ ꠟꠣꠈ ꠇꠥꠘ ꠎꠘ?

Injil 10: Ifisia 5:2

ꠀꠟ-ꠝꠍꠤꠄ ꠎꠦꠟꠣ ꠀꠝꠞꠣꠞꠦ ꠝꠢꠛ꠆ꠛꠔ ꠇꠞꠍꠂꠘ, ꠔꠥꠝꠞꠣꠅ ꠅꠟꠣ ꠝꠣꠄꠀ-ꠝꠢꠛ꠆ꠛꠔꠞ ꠙꠕꠦ ꠌꠟꠅ। ꠔꠣꠁꠘ ꠀꠝꠞꠣꠞꠦ ꠛꠣꠌꠣꠁꠔꠣ ꠇꠞꠤ ꠘꠤꠎꠞ ꠎꠣꠘꠞꠦ ꠈꠥꠡꠛꠄꠖꠣꠞ ꠇꠥꠞꠛꠣꠘꠤ ꠢꠤꠡꠣꠛꠦ ꠀꠟ꠆ꠟꠣꠞ ꠘꠣꠝꠦ ꠛꠤꠟꠣꠁ ꠖꠤꠍꠂꠘ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 12:11

ꠔꠣꠁꠘ ꠘꠤꠎꠞ ꠛꠣꠄꠔꠥꠟ꠆ꠟꠣ ꠡꠞꠤꠚ ꠢꠤꠡꠣꠛꠦ ꠎꠦ ꠎꠣꠉꠣꠞꠦ ꠙꠍꠘ꠆ꠖ ꠇꠞꠛꠣ, ꠢꠃ ꠎꠣꠉꠣꠔ ꠔꠥꠝꠞꠣ ꠀꠝꠣꠞ ꠛꠣꠔꠣꠁꠟ ꠢꠇꠟꠔꠣ ꠟꠁꠀ ꠀꠎꠤꠞ ꠅꠁꠅ। ꠔꠥꠝꠞꠣꠞ ꠎꠣꠟꠣꠁꠟ ꠇꠥꠞꠛꠣꠘꠤ, ꠢꠇꠟ ꠎꠣꠔꠞ ꠇꠥꠞꠛꠣꠘꠤꠞ ꠙꠡꠥ, ꠢꠇꠟ ꠞꠥꠎꠤ-ꠞꠥꠎꠉꠣꠞꠞ ꠖꠡ ꠛꠣꠐꠞ ꠄꠇ ꠛꠣꠐ, ꠟꠤꠟ꠆ꠟꠣ-ꠍꠖꠉꠣ, ꠖꠣꠘ-ꠈꠄꠞꠣꠔ ꠀꠞ ꠢꠇꠟ ꠘꠝꠥꠘꠣꠞ ꠝꠣꠘ꠆ꠘꠔꠞ ꠇꠥꠞꠛꠣꠘꠤ ꠟꠁꠀ ꠅꠘꠅ ꠀꠁꠅ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 12:17

“ꠔꠥꠝꠞꠣꠞ ꠢꠇꠟ ꠎꠣꠔꠞ ꠚꠄ-ꠚꠡꠟꠞ, ꠀꠋꠉꠥꠞꠞ ꠡꠞꠛꠔꠞ ꠀꠞ ꠔꠦꠟꠞ ꠖꠡ ꠛꠣꠐꠞ ꠄꠇ ꠛꠣꠐ, ꠔꠥꠝꠞꠣꠞ ꠉꠞꠥ-ꠍꠣꠉꠟꠞ ꠙꠄꠟꠣ ꠛꠣꠁꠌ꠆ꠌꠣ, ꠔꠥꠝꠞꠣꠞ ꠝꠣꠘ꠆ꠘꠔꠞ ꠢꠇꠟꠔꠣ, ꠔꠥꠝꠞꠣꠞ ꠟꠤꠟ꠆ꠟꠣ-ꠍꠖꠉꠣ, ꠖꠣꠘ-ꠈꠄꠞꠣꠔ, ꠁꠔꠣ ꠇꠥꠘ꠆ꠔꠣꠃ ꠔꠥꠝꠞꠣꠞ ꠛꠡꠔꠤ ꠄꠟꠣꠇꠣꠞ ꠇꠥꠘꠥ ꠉꠣꠃꠔ ꠛꠣ ꠐꠣꠃꠘꠅ ꠈꠣꠁꠅ ꠘꠣ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 12:6

ꠔꠥꠝꠞꠣ ꠎꠣꠞꠎꠤꠞ ꠎꠣꠟꠣꠁꠟ ꠇꠥꠞꠛꠣꠘꠤ, ꠢꠇꠟ ꠎꠣꠔꠞ ꠙꠡꠥ ꠇꠥꠞꠛꠣꠘꠤ, ꠢꠇꠟ ꠞꠥꠎꠤ-ꠞꠥꠎꠉꠣꠞꠞ ꠖꠡ ꠛꠣꠐꠞ ꠄꠇ ꠛꠣꠐ, ꠟꠤꠟ꠆ꠟꠣ-ꠍꠖꠉꠣ, ꠝꠣꠘ꠆ꠘꠔꠞ ꠇꠥꠞꠛꠣꠘꠤ, ꠖꠣꠘ-ꠈꠄꠞꠣꠔ ꠀꠞ ꠔꠥꠝꠞꠣꠞ ꠙꠡꠥꠞ ꠙꠄꠟꠣ ꠛꠣꠁꠌ꠆ꠌꠣꠞꠦ ꠅꠃ ꠎꠣꠉꠣꠔ ꠀꠘꠤꠅ।

Injil 11: Filifia 4:18

ꠀꠝꠣꠞ ꠢꠇꠟ ꠙꠣꠅꠘꠣꠃ ꠀꠝꠤ ꠙꠣꠁꠟꠤꠍꠤ। ꠀꠍꠟꠦ ꠀꠝꠣꠞ ꠎꠔꠈꠣꠘ ꠎꠞꠥꠞ, ꠄꠞ ꠌꠣꠁꠔꠦꠅ ꠛꠦꠡꠤ ꠀꠍꠦ। ꠃꠍꠣꠁꠖ ꠜꠣꠁꠞ ꠀꠔ ꠕꠣꠇꠤ ꠔꠥꠝꠞꠣꠞ ꠃꠙꠢꠣꠞ ꠙꠣꠁꠀ ꠅꠈꠘ ꠀꠝꠣꠞ ꠛꠃꠔ ꠅꠁꠍꠦ। ꠅꠃ ꠃꠙꠢꠣꠞ ꠔ ꠀꠟ꠆ꠟꠣꠁ ꠈꠥꠡꠛꠄ ꠀꠟꠣ, ꠀꠟ꠆ꠟꠣꠞ ꠖꠞꠛꠣꠞꠅ ꠇꠛꠥꠟ ꠅꠀꠞ ꠎꠥꠇꠣ ꠇꠥꠞꠛꠣꠘꠤ। ꠀꠟ꠆ꠟꠣ ꠙꠣꠇ ꠁꠔꠣꠄ ꠈꠥꠡꠤ ꠅꠁꠘ।