ꠔꠃꠞꠣꠔ ৪: ꠡꠥꠝꠣꠞꠤ 14:9 - Siloṭi Asmani Kitab (Nagri lipi)

⁹ ꠢꠥꠘꠅ, ꠔꠥꠝꠞꠣ ꠝꠣꠛꠥꠖꠞ ꠝꠞ꠆ꠎꠤꠞ ꠃꠟꠐꠣ ꠇꠣꠝ ꠇꠞꠤꠅ ꠘꠣ। ꠔꠥꠝꠞꠣ ꠢꠤ ꠖꠦꠡꠞ ꠝꠣꠘꠡꠞꠦ ꠒꠞꠣꠁꠅ ꠘꠣ, ꠔꠣꠞꠣꠞꠦ ꠉꠤꠟꠤꠀ ꠈꠣꠁꠔꠦꠅ ꠀꠝꠞꠣꠞ ꠖꠦꠞꠤ ꠅꠁꠔ ꠘꠣꠄ। ꠔꠥꠝꠞꠣ ꠁꠔꠣꠞꠦ ꠒꠞꠣꠁꠅ ꠘꠣ, ꠔꠣꠞꠣꠞ ꠝꠣꠕꠣꠞ ꠃꠙꠞꠞ ꠍꠣꠄꠀ ꠘꠣꠁ, ꠀꠝꠞꠣꠞ ꠟꠉꠦ ꠔ ꠝꠣꠛꠥꠖ ꠀꠍꠂꠘ।”

ছিলটি আছমানি কিতাব (বাংলা লিপি)

⁹ হুনো, তুমরা মাবুদর মর্জির উল্টা কাম করিও না। তুমরা হি দেশর মানষরে ডরাইও না, তারারে গিলিয়া খাইতেও আমরার দেরি অইতো নায়। তুমরা ইতারে ডরাইও না, তারার মাথার উপরর ছায়া নাই, আমরার লগে তো মাবুদ আছইন।”

Siloṭi Asmani Kitab (Latin lipi)

⁹ Huno, tumra Mabudor morzir ulṭa ḳam ḳorio na. Tumra hi deshor manshore ḍoraio na, tarare gilia ḳaite-o amrar deri oito nae. Tumra itare ḍoraio na, tarar matar ufror saya nai, amrar loge to Mabud asoin.”

ꠔꠃꠞꠣꠔ ৪: ꠡꠥꠝꠣꠞꠤ 14:9 Iomraidhean Croise

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 48:21

ꠢꠦꠡꠦ ꠢꠎꠞꠔ ꠁꠍꠞꠣꠁꠟꠦ ꠁꠃꠍꠥꠚꠞꠦ ꠇꠁꠟꠣ, “ꠖꠦꠈꠅ, ꠀꠝꠣꠞ ꠝꠞꠘꠞ ꠅꠇ꠆ꠔ ꠀꠁꠌ꠆ꠌꠦ। ꠀꠟ꠆ꠟꠣ ꠔꠥꠝꠞꠣꠞ ꠟꠉꠦ ꠞꠁꠛꠣ, ꠀꠞ ꠔꠥꠝꠞꠣꠞꠦ ꠢꠤꠞꠛꠣꠞ ꠔꠥꠝꠞꠣꠞ ꠛꠣꠚ-ꠖꠣꠖꠣꠞ ꠖꠦꠡꠅ ꠘꠤꠌ꠆ꠌꠄ ꠚꠤꠞꠣꠁꠀ ꠘꠤꠛꠣ।

ꠎꠛꠥꠞ ꠡꠞꠤꠚ 121:5

ꠝꠣꠛꠥꠖꠃ ꠔꠥꠝꠣꠞ ꠢꠦꠚꠣꠎꠔꠇꠣꠞꠤ, ꠔꠥꠝꠣꠞ ꠀꠡꠞꠄ ꠍꠣꠄꠀ, ꠔꠥꠝꠣꠞ ꠒꠣꠁꠘ ꠀꠔꠅ ꠗꠞꠤꠀ ꠔꠣꠁꠘ ꠀꠍꠂꠘ ꠈꠣꠠꠣ।

ꠎꠛꠥꠞ ꠡꠞꠤꠚ 14:4

ꠅꠃ ꠛꠎ꠆ꠎꠣꠔ ꠅꠇꠟꠞ ꠝꠣꠎꠦ ꠇꠥꠘꠥ ꠀꠈꠟ ꠘꠣꠁ ꠘꠤ? ꠝꠣꠘꠡꠦ ꠎꠦꠟꠣ ꠈꠣꠘꠣ-ꠈꠣꠁꠖ꠆ꠖ ꠈꠣꠁꠘ, ꠔꠣꠞꠣ ꠅꠟꠣ ꠀꠝꠣꠞ ꠛꠘ꠆ꠖꠣꠞꠦ ꠈꠣꠁꠟꠣꠄ, ꠀꠟ꠆ꠟꠣ ꠝꠣꠛꠥꠖꠞ ꠘꠣꠝꠅ ꠀꠄ ꠘꠣ ꠔꠣꠞꠣꠞ ꠝꠥꠈꠦꠖꠤ।

ꠔꠃꠞꠣꠔ ২: ꠢꠤꠎꠞꠔ 14:13

ꠝꠥꠍꠣꠄ ꠔꠣꠞꠣꠞꠦ ꠇꠁꠟꠣ, “ꠔꠥꠝꠞꠣ ꠒꠞꠣꠁꠅ ꠘꠣ। ꠢꠇꠟꠦ ꠘꠤꠞꠣꠁ ꠅꠁꠀ ꠖꠦꠈꠅ, ꠝꠣꠛꠥꠖꠦ ꠀꠁꠎ ꠇꠤꠟꠣ ꠛꠣꠌꠣꠁꠘ। ꠅꠃ ꠎꠦꠔꠣ ꠝꠤꠡꠞꠤꠘ꠆ꠔꠞꠦ ꠅꠈꠘ ꠖꠦꠈꠞꠣꠄ, ꠁꠔꠣꠞꠦ ꠀꠞ ꠇꠥꠘꠥꠖꠤꠘꠃ ꠖꠦꠈꠔꠣꠄ ꠘꠣꠄ।

ꠔꠃꠞꠣꠔ ২: ꠢꠤꠎꠞꠔ 33:16

ꠔꠥꠝꠤ ꠘꠣ ꠉꠦꠟꠦ ꠝꠣꠘꠡꠦ ꠇꠤꠟꠣ ꠛꠥꠎꠛꠣ, ꠀꠝꠣꠞ ꠃꠙꠞꠦ ꠀꠞ ꠔꠥꠝꠣꠞ ꠁ ꠛꠘ꠆ꠖꠣ ꠅꠇꠟꠞ ꠃꠙꠞꠦ ꠔꠥꠝꠣꠞ ꠞꠢꠝꠔ ꠀꠍꠦ? ꠀꠝꠞꠣꠃ ꠎꠦꠘ ꠖꠥꠘꠤꠀꠞ ꠢꠇꠟ ꠎꠣꠔꠤ ꠕꠣꠇꠤ ꠀꠟꠣꠖꠣ, ꠁꠈꠣꠘ ꠇꠤꠟꠣ ꠛꠥꠎꠛꠣ?”

ꠔꠃꠞꠣꠔ ৪: ꠡꠥꠝꠣꠞꠤ 13:30

ꠅꠃ ꠡꠝꠄ ꠝꠥꠍꠣꠞ ꠍꠣꠝꠘꠦ ꠎꠦꠔꠣ ꠝꠣꠘꠥꠡ ꠖꠟꠣ ꠀꠍꠟꠣ, ꠇꠣꠟꠥꠔꠦ ꠄꠞꠣꠞ ꠡꠥꠞꠉꠥꠟ ꠕꠣꠝꠣꠁꠀ ꠇꠁꠟꠣ, “ꠀꠝꠞꠣꠞ ꠟꠣꠉꠤ ꠎꠞꠥꠞ ꠅꠁꠟ ꠢꠘꠅ ꠉꠤꠀ ꠅꠃ ꠖꠦꠡ ꠖꠈꠟ ꠇꠞꠣ, ꠀꠞ ꠁꠔꠣ ꠀꠝꠞꠣ ꠙꠣꠞꠝꠥꠅ।”

ꠔꠃꠞꠣꠔ ৪: ꠡꠥꠝꠣꠞꠤ 17:6

ꠔꠦꠃ ꠝꠥꠍꠣꠄ ꠁꠔꠣ ꠢꠇꠟꠔꠣ ꠛꠘꠤ ꠁꠍꠞꠣꠁꠟꠞꠦ ꠎꠣꠘꠣꠁꠟꠣ। ꠀꠞ ꠔꠣꠞꠣꠞ ꠛꠣꠚ-ꠖꠣꠖꠣꠞ ꠈꠣꠘ꠆ꠖꠣꠘ ꠝꠣꠚꠤꠇ ꠙꠞꠔꠦꠇ ꠡꠞ꠆ꠖꠣꠞꠦ ꠎꠣꠞꠎꠤꠞ ꠈꠣꠘ꠆ꠖꠣꠘꠞ ꠔꠞꠚ ꠕꠣꠇꠤ ꠄꠉꠥ ꠇꠞꠤ, ꠝꠥꠐ ꠛꠣꠞꠅ ꠈꠣꠘ꠆ꠖꠣꠘꠞ ꠛꠣꠞꠅꠐꠣ ꠟꠣꠑꠤ ꠀꠘꠤꠀ ꠖꠤꠟꠣ। ꠅꠃ ꠟꠣꠑꠤꠘ꠆ꠔꠞ ꠄꠉꠥ ꠟꠣꠑꠤ ꠀꠍꠤꠟ ꠢꠣꠞꠥꠘ ꠘꠛꠤꠞ।

ꠔꠃꠞꠣꠔ ৪: ꠡꠥꠝꠣꠞꠤ 20:2

ꠢꠤꠘꠅ ꠈꠣꠁꠛꠣꠞ ꠇꠥꠘꠥ ꠙꠣꠘꠤ ꠘꠣ ꠙꠣꠅꠀꠄ ꠛꠘꠤ ꠁꠍꠞꠣꠁꠟꠦ ꠝꠥꠍꠣ ꠀꠞ ꠢꠣꠞꠥꠘꠞ ꠛꠤꠞꠥꠖ꠆ꠖꠦ ꠖꠟ ꠛꠣꠘ꠆ꠖꠤꠀ ꠄꠞꠣꠞ ꠙꠤꠍꠦ ꠟꠣꠉꠟꠣ।

ꠔꠃꠞꠣꠔ ৪: ꠡꠥꠝꠣꠞꠤ 24:8

ꠀꠟ꠆ꠟꠣꠄ ꠝꠤꠡꠞ ꠕꠣꠇꠤ ꠔꠣꠞꠣꠞꠦ ꠛꠣꠞ ꠇꠞꠤ ꠀꠘꠍꠂꠘ, ꠔꠣꠁꠘ ꠅꠁꠟꠣ ꠔꠣꠞꠣꠞ ꠙꠇ꠆ꠇꠦ ꠛꠟꠀꠟꠣ ꠎꠋꠟꠤ ꠛꠄꠞꠣ, ꠔꠣꠞꠣꠞ ꠟꠉꠦ ꠎꠔ ꠎꠣꠔꠤꠄ ꠟꠣꠉꠛꠣ, ꠁꠔꠣꠞꠦ ꠔꠣꠞꠣ ꠉꠤꠟꠤꠀ ꠈꠣꠁꠟꠤꠛꠣ, ꠔꠣꠞꠣꠞ ꠀꠒ꠆ꠒꠤ-ꠉꠥꠒ꠆ꠒꠤꠞꠦ ꠉꠥꠠꠣ ꠉꠥꠠꠣ ꠇꠞꠛꠣ, ꠔꠤꠞ-ꠗꠘꠥꠇꠖꠤ ꠔꠣꠞꠣꠞꠦ ꠉꠣꠕꠤꠛꠣ।

ꠁꠘ꠆ꠎꠤꠟ ১: ꠝꠕꠤ 1:23

ꠝꠣꠛꠥꠖꠦ ꠛꠣꠔꠣꠁꠍꠟꠣ, “ꠢꠥꠘꠅ, ꠄꠇꠎꠘ ꠀꠛꠤꠀꠔꠤ ꠡꠔꠤ ꠘꠣꠞꠤꠞ ꠙꠦꠐꠅ ꠢꠥꠞꠥꠔ꠆ꠔꠣ ꠀꠁꠛ, ꠔꠣꠁꠘ ꠄꠇ ꠙꠥꠀꠞ ꠎꠘꠝ ꠖꠤꠛꠣ, ꠁ ꠙꠥꠀꠞꠦ ꠒꠣꠇꠣ ꠅꠁꠛ ꠁꠝ꠆ꠝꠣꠘꠥꠄꠟ।” ꠁ ꠘꠣꠝꠞ ꠝꠣꠘꠤ ꠅꠁꠟ, ꠀꠟ꠆ꠟꠣ ꠀꠝꠞꠣꠞ ꠟꠉꠦ ꠀꠍꠂꠘ।

Injil 6: Ruman 8:31

ꠅꠈꠘ ꠁꠔꠣ ꠛꠦꠙꠣꠞꠦ ꠀꠝꠞꠣ ꠇꠤꠔꠣ ꠇꠁꠔꠣꠝ? ꠡ꠆ꠛꠄꠅꠋ ꠀꠟ꠆ꠟꠣ ꠙꠣꠇ ꠎꠦꠛꠟꠣ ꠀꠝꠞꠣꠞ ꠙꠇ꠆ꠇꠦ, ꠔꠦ ꠀꠝꠞꠣꠞ ꠛꠤꠙꠇ꠆ꠇꠦ ꠇꠦꠉꠥ ꠟꠣꠉꠔ?

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 1:21

ꠢꠥꠘꠅ, ꠔꠥꠝꠞꠣꠞ ꠝꠣꠛꠥꠖ ꠀꠟ꠆ꠟꠣꠞ ꠖꠣꠘ ꠇꠞꠣ ꠅꠃ ꠀꠡ꠆ꠔꠣ ꠖꠦꠡꠃ ꠔꠥꠝꠞꠣꠞ ꠍꠣꠝꠘꠦ ꠙꠠꠤ ꠞꠁꠍꠦ। ꠅꠈꠘ ꠎꠣꠅ, ꠉꠤꠀ ꠔꠥꠝꠞꠣꠞ ꠛꠣꠚ-ꠖꠣꠖꠣꠞ ꠝꠣꠛꠥꠖ ꠀꠟ꠆ꠟꠣꠞ ꠅꠀꠖꠣ ꠇꠞꠣ ꠅꠃ ꠖꠦꠡꠞꠦ ꠖꠈꠟ ꠇꠞꠅ। ꠇꠦꠃ ꠒꠞꠣꠁꠅ ꠘꠣ, ꠘꠤꠞꠣꠡ ꠅꠁꠅ ꠘꠣ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 1:26

“ꠅꠁꠟꠦ ꠔꠥꠝꠞꠣ ꠅꠃ ꠖꠦꠡꠅ ꠎꠣꠁꠔꠦ ꠞꠣꠎꠤ ꠅꠁꠟꠣꠄ ꠘꠣ। ꠔꠥꠝꠞꠣ ꠘꠤꠎꠞ ꠝꠣꠛꠥꠖ ꠀꠟ꠆ꠟꠣꠞ ꠢꠥꠇꠥꠝꠞ ꠛꠤꠞꠥꠗꠤꠔꠣ ꠇꠞꠟꠣꠄ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 1:29

“ꠁꠔꠣ ꠢꠥꠘꠤꠀ ꠀꠝꠤ ꠔꠥꠝꠞꠣꠞꠦ ꠇꠁꠍꠟꠣꠝ, ꠔꠥꠝꠞꠣ ꠝꠘ ꠊꠣꠛꠠꠣꠁꠅ ꠘꠣ, ꠁꠔꠣꠞꠦ ꠒꠞꠣꠁꠅ ꠘꠣ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 31:6

ꠔꠥꠝꠞꠣꠞ ꠛꠥꠇꠥꠔ ꠛꠟ ꠞꠣꠈꠅ ꠀꠞ ꠡꠣꠅꠡ ꠇꠞꠅ। ꠒꠞꠣꠁꠅ ꠘꠣ, ꠔꠣꠞꠣꠞꠦ ꠖꠦꠈꠤꠀ ꠊꠣꠛꠠꠣꠁꠅ ꠘꠣ। ꠝꠘꠅ ꠞꠣꠈꠤꠅ, ꠔꠥꠝꠞꠣꠞ ꠝꠣꠛꠥꠖ ꠀꠟ꠆ꠟꠣ ꠔꠥꠝꠞꠣꠞ ꠟꠉꠦ ꠟꠉꠦ ꠎꠣꠁꠞꠣ, ꠔꠣꠁꠘ ꠇꠥꠘꠥꠝꠘ꠆ꠔꠦꠃ ꠔꠥꠝꠞꠣꠞꠦ ꠍꠣꠠꠔꠣ ꠘꠣꠄ, ꠇꠥꠘꠥ ꠢꠣꠟꠔꠦꠃ ꠔꠥꠝꠞꠣꠞꠦ ꠚꠣꠟꠣꠁꠔꠣ ꠘꠣꠄ।”

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 31:8

ꠡ꠆ꠛꠄꠅꠋ ꠝꠣꠛꠥꠖ ꠔꠥꠝꠣꠞ ꠀꠉꠦ ꠀꠉꠦ ꠞꠁꠛꠣ, ꠔꠥꠝꠣꠞꠦ ꠡꠣꠁꠎ꠆ꠎ ꠇꠞꠛꠣ, ꠔꠣꠁꠘ ꠔꠥꠝꠣꠞꠦꠅ ꠍꠣꠠꠔꠣ ꠘꠣꠄ ꠀꠞ ꠔꠥꠝꠣꠞꠦ ꠚꠣꠟꠣꠁꠔꠣꠅ ꠘꠣꠄ, ꠔꠦ ꠔꠥꠝꠤ ꠒꠞꠣꠁꠅ ꠘꠣ, ꠡꠣꠅꠡ ꠀꠞꠣꠁꠅ ꠘꠣ।”

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 32:42

ꠔꠤꠞ-ꠗꠘꠥꠇꠦ ꠟꠃ ꠈꠣꠁꠀ ꠇꠞꠛ ꠝꠣꠔꠟꠣꠝꠤ, ꠀꠝꠣꠞ ꠔꠟꠥꠀꠞꠦꠅ ꠔ ꠟꠃ ꠈꠣꠁꠛ ꠎꠣꠘꠤ। ꠝꠥꠞ꠆ꠖꠣ ꠀꠞ ꠛꠘ꠆ꠖꠤ ꠅꠇꠟꠞ ꠟꠃ ꠢꠦ ꠈꠣꠁꠛ, ꠖꠥꠡꠝꠘꠞ ꠉꠥꠡ꠆ꠔ ꠈꠣꠁꠀ ꠙꠦꠐ ꠚꠥꠟꠣꠁꠛ। ꠟꠣꠝ꠆ꠛꠣ-ꠌꠥꠟꠤ ꠍꠤꠙꠣꠁꠞ ꠇꠟ꠆ꠟꠣ ꠈꠣꠁꠛꠞꠦ ꠝꠥꠈꠦ, ꠔꠣꠞꠣꠞ ꠇꠟ꠆ꠟꠣ ꠌꠤꠛꠣꠁ ꠈꠣꠁꠛ ꠀꠝꠣꠞ ꠗꠘꠥꠇꠦ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 7:18

ꠅꠁꠟꠦ ꠔꠥꠝꠞꠣ ꠁꠔꠣꠞꠦ ꠒꠞꠣꠁꠅ ꠘꠣ। ꠚꠦꠞꠣꠃꠘ ꠀꠞ ꠀꠡ꠆ꠔꠣ ꠝꠤꠡꠞ ꠖꠦꠡꠞ ꠃꠙꠞꠦ ꠔꠥꠝꠞꠣꠞ ꠝꠣꠛꠥꠖ ꠀꠟ꠆ꠟꠣꠄ ꠇꠤꠔꠣ ꠇꠞꠍꠂꠘ, ꠁꠔꠣ ꠔꠥꠝꠞꠣ ꠚꠣꠃꠞꠤꠅ ꠘꠣ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 7:21

ꠔꠦ ꠔꠥꠝꠞꠣ ꠁꠔꠣꠞꠦ ꠒꠞꠣꠁꠅ ꠘꠣ, ꠎꠣꠘ ꠔ, ꠔꠥꠝꠞꠣꠞ ꠝꠣꠛꠥꠖ ꠀꠟ꠆ꠟꠣ ꠎꠦꠁꠘ ꠔꠥꠝꠞꠣꠞ ꠟꠉꠦ ꠛꠡꠔ ꠇꠞꠂꠘ, ꠄꠁꠘ ꠛꠠ ꠜꠄꠅꠋꠇꠞ ꠀꠞ ꠝꠢꠣꠘ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 9:7

“ꠀꠞ ꠢꠃ ꠝꠞꠥꠜꠥꠝꠤꠞ ꠝꠣꠎꠦ ꠔꠥꠝꠞꠣ ꠇꠤꠟꠣ ꠘꠤꠎꠞ ꠝꠣꠛꠥꠖ ꠀꠟ꠆ꠟꠣꠞ ꠉꠥꠍꠣ ꠔꠥꠟꠣꠁꠍꠟꠣꠄ, ꠁꠈꠣꠘ ꠝꠘꠅ ꠞꠣꠈꠤꠅ, ꠇꠥꠘꠥꠖꠤꠘ ꠚꠣꠃꠞꠤꠅ ꠘꠣ। ꠝꠤꠡꠞ ꠖꠦꠡ ꠍꠣꠠꠤꠀ ꠀꠅꠀꠞ ꠖꠤꠘ ꠕꠣꠇꠤ ꠅꠈꠣꠘꠅ ꠀꠅꠀ ꠙꠞ꠆ꠎꠘ꠆ꠔ, ꠢꠣꠝꠦꠡꠣ ꠔꠥꠝꠞꠣꠞ ꠝꠘꠞ ꠜꠤꠔꠞꠦ ꠝꠣꠛꠥꠖꠞ ꠛꠤꠞꠥꠗꠤꠔꠣ ꠀꠍꠦ।

Injil 11: Filifia 1:27

ꠀꠍꠟ ꠛꠦꠙꠣꠞ ꠅꠁꠟ, ꠔꠥꠝꠞꠣ ꠎꠣꠞꠎꠤꠞ ꠎꠤꠘ꠆ꠖꠦꠉꠤꠞꠦ ꠅꠃ ꠘꠝꠥꠘꠣꠄ ꠇꠣꠐꠣꠅ, ꠎꠦ ꠎꠤꠘ꠆ꠖꠦꠉꠤ ꠀꠟ-ꠝꠍꠤꠞ ꠈꠥꠡ-ꠈꠛꠞꠤꠞ ꠟꠣꠈ। ꠔꠦꠃ ꠀꠝꠤ ꠘꠤꠎꠦ ꠀꠁꠀ ꠖꠦꠈꠤ ꠛꠣ ꠖꠥꠞꠁ ꠕꠣꠇꠤ ꠢꠥꠘꠤ, ꠀꠝꠤ ꠛꠥꠎꠝꠥ, ꠔꠥꠝꠞꠣ ꠖꠤꠟꠦ-ꠎꠣꠘꠦ ꠝꠤꠟꠤꠀ ꠝꠎꠛꠥꠔ ꠀꠍ। ꠀꠞ ꠈꠥꠡ-ꠈꠛꠞꠤꠞ ꠝꠣꠎꠖꠤ ꠎꠦ ꠁꠝꠣꠘ ꠙꠄꠖꠣ ꠅꠄ, ꠅꠃ ꠁꠝꠣꠘꠞ ꠟꠣꠉꠤ ꠢꠇꠟꠦ ꠝꠤꠟꠤꠀ ꠄꠇ ꠖꠤꠟꠦ ꠝꠦꠘꠔ ꠇꠞꠞꠣꠄ।