ꠔꠃꠞꠣꠔ ৪: ꠡꠥꠝꠣꠞꠤ 14:8 - Siloṭi Asmani Kitab (Nagri lipi)

⁸ ꠝꠣꠛꠥꠖ ꠎꠥꠖꠤ ꠀꠝꠞꠣꠞ ꠃꠙꠞꠦ ꠈꠥꠡ ꠀꠞ ꠞꠣꠎꠤ ꠕꠣꠇꠂꠘ, ꠔꠦ ꠀꠝꠞꠣꠞꠦ ꠢꠃ ꠖꠦꠡꠅ ꠘꠤꠀ ꠙꠣꠞ ꠇꠞꠛꠣ, ꠔꠣꠁꠘ ꠖꠥꠗ ꠀꠞ ꠝꠃꠞ ꠜꠣꠘ꠆ꠒꠣꠞ ꠀꠟꠣ ꠅꠃ ꠖꠦꠡꠈꠣꠘ ꠀꠝꠞꠣꠞꠦ ꠖꠣꠘ ꠇꠞꠛꠣ।

ছিলটি আছমানি কিতাব (বাংলা লিপি)

⁸ মাবুদ যুদি আমরার উপরে খুশ আর রাজি থাকইন, তে আমরারে হউ দেশো নিয়া পার করবা, তাইন দুধ আর মউর ভান্ডার আলা অউ দেশখান আমরারে দান করবা।

Siloṭi Asmani Kitab (Latin lipi)

⁸ Mabud zudi amrar ufre kush ar razi taḳoin, te amrare hou desho nia far ḳorba, tain dud ar mour banḍar-ala ou deshḳan amrare dan ḳorba.

ꠔꠃꠞꠣꠔ ৪: ꠡꠥꠝꠣꠞꠤ 14:8 Iomraidhean Croise

ꠎꠛꠥꠞ ꠡꠞꠤꠚ 22:8

“ꠢꠦ ꠎꠦꠛꠟꠣ ꠝꠣꠛꠥꠖꠞ ꠃꠙꠞꠦ ꠇꠞꠦ ꠜꠞꠡꠣ, ꠔꠦ ꠅꠈꠘ ꠖꠦꠈꠤ ꠔꠣꠁꠘ ꠔꠣꠞꠦ ꠛꠣꠌꠣꠃꠇ꠆ꠇꠣ, ꠔꠣꠁꠘ ꠎꠦꠛꠟꠣ ꠔꠣꠞ ꠃꠙꠞꠦ ꠈꠥꠡꠤ ꠀꠞ ꠞꠣꠎꠤ, ꠅꠈꠘ ꠔꠣꠞꠦ ꠞꠇ꠆ꠇꠣ ꠇꠞꠂꠘ ꠘꠤ ꠖꠦꠈꠤ।”

ꠔꠃꠞꠣꠔ ২: ꠢꠤꠎꠞꠔ 3:8

ꠖꠦꠈꠤꠀ ꠝꠤꠡꠞꠤ ꠅꠇꠟꠞ ꠀꠔ ꠕꠣꠇꠤ ꠔꠣꠞꠣꠞꠦ ꠛꠣꠌꠣꠁꠔꠣꠝ ꠇꠞꠤ ꠀꠝꠤ ꠘꠤꠎꠦ ꠟꠣꠝꠤꠀ ꠀꠁꠍꠤ। ꠔꠦ ꠀꠝꠤ ꠔꠣꠞꠣꠞꠦ ꠝꠤꠡꠞ ꠕꠣꠇꠤ ꠢꠞꠣꠁꠀ ꠘꠤꠝꠥꠉꠤ। ꠘꠤꠀ ꠞꠡꠣꠁꠟ ꠎꠝꠤꠞ ꠛꠃꠔ ꠛꠠ ꠡꠥꠘ꠆ꠖꠞ ꠄꠇ ꠖꠦꠡ ꠖꠤꠝꠥ। ꠁꠈꠣꠘ ꠖꠥꠗ ꠀꠞ ꠝꠃꠞ ꠜꠣꠘ꠆ꠒꠣꠞ ꠀꠟꠣ ꠖꠦꠡ। ꠅꠃ ꠖꠦꠡ ꠅꠁꠟ ꠅꠈꠘꠇꠥꠞ ꠇꠦꠘꠣꠘꠤ, ꠢꠤꠐ꠆ꠐꠤ, ꠀꠝꠥꠞꠤ, ꠚꠣꠞꠤꠎꠤ, ꠢꠤꠛ꠆ꠛꠤ ꠀꠞ ꠎꠤꠛꠥꠎꠤ ꠅꠇꠟꠞ ꠖꠦꠡ।

ꠔꠃꠞꠣꠔ ৪: ꠡꠥꠝꠣꠞꠤ 13:27

ꠔꠣꠞꠣ ꠝꠥꠍꠣꠞꠦ ꠇꠁꠟꠣ, “ꠀꠙꠘꠦ ꠀꠝꠞꠣꠞꠦ ꠎꠦ ꠖꠦꠡꠅ ꠙꠣꠑꠣꠁꠍꠟꠣ, ꠀꠝꠞꠣ ꠢꠘꠅ ꠉꠤꠀ ꠖꠦꠈꠟꠣꠝ, ꠢꠤ ꠖꠦꠡꠈꠣꠘ ꠢꠣꠍꠣꠃ ꠖꠥꠗ ꠀꠞ ꠝꠃꠞ ꠜꠣꠘ꠆ꠒꠣꠞ ꠀꠟꠣ ꠖꠦꠡ। ꠅꠃ ꠖꠦꠈꠃꠇ꠆ꠇꠣ, ꠢꠃ ꠖꠦꠡꠞ ꠚꠟ।

ꠔꠃꠞꠣꠔ ৪: ꠡꠥꠝꠣꠞꠤ 16:14

ꠀꠞ ꠔꠥꠝꠤ ꠔ ꠀꠝꠞꠣꠞꠦ ꠢꠃ ꠟꠣꠈꠣꠘ ꠇꠥꠘꠥ ꠖꠥꠗ ꠀꠞ ꠝꠃꠞ ꠜꠣꠘ꠆ꠒꠣꠞ ꠀꠟꠣ ꠖꠦꠡꠅ-ꠅ ꠘꠤꠍ ꠘꠣ, ꠇꠥꠘꠥ ꠎꠝꠤ-ꠎꠝꠣ ꠛꠣ ꠀꠋꠉꠥꠞ ꠛꠣꠉꠣꠘꠞ ꠝꠣꠟꠤꠇꠣꠘꠣꠅ ꠖꠤꠍ ꠘꠣ। ꠔꠥꠝꠤ ꠁꠔꠣ ꠝꠣꠘꠡꠞꠦ ꠀꠘ꠆ꠖꠣ ꠛꠣꠘꠣꠁꠀ ꠞꠣꠈꠔꠣꠄ ꠌꠣꠅ ꠘꠤ? ꠘꠣ, ꠀꠝꠞꠣ ꠎꠣꠁꠔꠣꠝ ꠘꠣꠄ।”

Injil 6: Ruman 8:31

ꠅꠈꠘ ꠁꠔꠣ ꠛꠦꠙꠣꠞꠦ ꠀꠝꠞꠣ ꠇꠤꠔꠣ ꠇꠁꠔꠣꠝ? ꠡ꠆ꠛꠄꠅꠋ ꠀꠟ꠆ꠟꠣ ꠙꠣꠇ ꠎꠦꠛꠟꠣ ꠀꠝꠞꠣꠞ ꠙꠇ꠆ꠇꠦ, ꠔꠦ ꠀꠝꠞꠣꠞ ꠛꠤꠙꠇ꠆ꠇꠦ ꠇꠦꠉꠥ ꠟꠣꠉꠔ?

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 10:15

ꠔꠣ-ꠅ ꠔꠥꠝꠞꠣꠞ ꠝꠄ-ꠝꠥꠞꠛ꠆ꠛꠤꠞ ꠛꠣꠄ ꠔꠣꠘ ꠐꠣꠘ ꠕꠣꠇꠣꠄ, ꠔꠣꠁꠘ ꠄꠞꠣꠞꠦ ꠝꠢꠛ꠆ꠛꠔ ꠇꠞꠔꠣ। ꠔꠣꠞꠣꠞ ꠛꠣꠖꠦ ꠔꠣꠞꠣꠞ ꠀꠅꠟꠣꠖ ꠅꠇꠟꠞꠦ ꠝꠣꠘꠤ, ꠅꠈꠘꠇꠥꠞ ꠎꠝꠣꠘꠣꠞ ꠖꠥꠘꠤꠀꠞ ꠢꠇꠟ ꠎꠣꠔꠤꠞ ꠝꠣꠎ ꠕꠣꠇꠤ ꠈꠣꠟꠤ ꠔꠥꠝꠞꠣꠞꠦ ꠙꠍꠘ꠆ꠖ ꠇꠞꠍꠂꠘ।