ꠔꠃꠞꠣꠔ ৪: ꠡꠥꠝꠣꠞꠤ 14:5 - Siloṭi Asmani Kitab (Nagri lipi)

⁵ ꠁ ꠢꠣꠟꠔ ꠖꠦꠈꠤꠀ ꠝꠥꠍꠣ ꠀꠞ ꠢꠣꠞꠥꠘ ꠀꠡ꠆ꠔꠣ ꠛꠘꠤ ꠁꠍꠞꠣꠁꠟ ꠡꠝꠣꠎꠞ ꠍꠣꠝꠘꠦ ꠝꠣꠐꠤꠔ ꠍꠁꠎꠖꠣꠔ ꠙꠠꠟꠣ।

ছিলটি আছমানি কিতাব (বাংলা লিপি)

⁵ ই হালত দেখিয়া মুছা আর হারুন আস্তা বনি ইছরাইল সমাজর ছামনে মাটিত সইজদাত পড়লা।

Siloṭi Asmani Kitab (Latin lipi)

⁵ I halot dekia Musa ar Harun asta Boni Israil shomazor samne maṭit soizdat foṛla.

ꠔꠃꠞꠣꠔ ৪: ꠡꠥꠝꠣꠞꠤ 14:5 Iomraidhean Croise

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 17:3

ꠔꠦꠃ ꠀꠛ꠆ꠞꠣꠝ ꠍꠁꠎꠖꠣꠔ ꠙꠠꠟꠣ, ꠀꠞ ꠀꠟ꠆ꠟꠣꠄ ꠔꠣꠘ ꠟꠉꠦ ꠛꠣꠔꠌꠤꠔ ꠇꠞꠤ ꠇꠁꠟꠣ,

ꠔꠃꠞꠣꠔ ৩: ꠟꠦꠛꠤꠀꠘ 9:24

ꠝꠣꠛꠥꠖꠞ ꠉꠦꠍ ꠕꠣꠇꠤ ꠇꠥꠖꠞꠔꠤ ꠀꠉꠥꠁꠘ ꠀꠁꠀ, ꠇꠥꠞꠛꠣꠘꠤ ꠈꠣꠘꠣꠞ ꠃꠙꠞꠞ ꠎꠣꠟꠣꠁꠟ ꠇꠥꠞꠛꠣꠘꠤꠞ ꠙꠡꠥ ꠀꠞ ꠢꠇ꠆ꠇꠟ ꠌꠞ꠆ꠛꠤꠞꠦ ꠎꠣꠟꠣꠁꠀ ꠍꠣꠟꠤ ꠇꠞꠤꠟꠤꠟ। ꠁꠔꠣ ꠖꠦꠈꠤꠀ ꠢꠇꠟ ꠝꠣꠘꠥꠡ ꠈꠥꠡꠤꠄ ꠍꠥꠛꠢꠣꠘ ꠀꠟ꠆ꠟꠣ ꠇꠁꠀ ꠌꠤꠇ ꠖꠤꠀ ꠍꠁꠎꠖꠣꠔ ꠙꠠꠟꠣ।

ꠔꠃꠞꠣꠔ ৪: ꠡꠥꠝꠣꠞꠤ 14:6

ꠀꠞ ꠎꠦ ꠉꠥꠁꠀ ꠖꠟꠦ ꠅꠃ ꠖꠦꠡꠞ ꠢꠣꠟ-ꠢꠇꠤꠇꠔ ꠖꠦꠈꠤꠀ ꠀꠁꠍꠟꠣ, ꠔꠣꠞꠣꠞ ꠝꠣꠎ ꠕꠣꠇꠤ ꠘꠥꠘꠞ ꠙꠥꠀ ꠁꠃꠍꠣ ꠀꠞ ꠎꠤꠚꠥꠘ꠆ꠘꠤꠞ ꠙꠥꠀ ꠇꠣꠟꠥꠔꠦ ꠝꠘꠞ ꠖꠥꠈꠦ ꠘꠤꠎꠞ ꠉꠔꠞꠞ ꠇꠣꠙꠠ-ꠌꠥꠙꠠ ꠍꠤꠠꠤꠟ꠆ꠟꠣ,

ꠔꠃꠞꠣꠔ ৪: ꠡꠥꠝꠣꠞꠤ 16:22

ꠅꠁꠟꠦ ꠝꠥꠍꠣ ꠀꠞ ꠢꠣꠞꠥꠘ ꠍꠁꠎꠖꠣꠔ ꠙꠠꠤꠀ ꠇꠁꠟꠣ, “ꠅ ꠀꠟ꠆ꠟꠣ, ꠔꠥꠝꠤ ꠔ ꠢꠇꠟ ꠝꠣꠘꠡꠞ ꠜꠤꠔꠞꠦ ꠎꠣꠘ ꠖꠦꠅ। ꠅꠈꠘ ꠈꠣꠟꠤ ꠄꠇꠎꠘꠞ ꠘꠣꠚꠞꠝꠣꠘꠤꠞ ꠖꠣꠄ ꠀꠡ꠆ꠔꠣ ꠛꠘꠤ ꠁꠍꠞꠣꠁꠟꠞ ꠃꠙꠞꠦ ꠔꠥꠝꠤ ꠉꠎꠛ ꠓꠣꠟꠤꠔꠣꠄ ꠘꠤ?”

ꠔꠃꠞꠣꠔ ৪: ꠡꠥꠝꠣꠞꠤ 16:4

ꠁꠈꠣꠘ ꠢꠥꠘꠤꠀ ꠝꠥꠍꠣ ꠘꠛꠤ ꠃꠚꠁꠔ ꠅꠁꠀ ꠝꠣꠐꠤꠔ ꠙꠠꠟꠣ।

ꠔꠃꠞꠣꠔ ৪: ꠡꠥꠝꠣꠞꠤ 16:45

“ꠁꠔꠣ ꠝꠣꠘꠡꠞ ꠉꠦꠍ ꠕꠣꠇꠤ ꠔꠥꠝꠞꠣ ꠢꠞꠤ ꠎꠣꠅ, ꠀꠝꠤ ꠁꠔꠣꠞꠦ ꠌꠈꠥꠞ ꠙꠟꠇꠞ ꠟꠉꠦ ꠡꠦꠡ ꠇꠞꠤꠟꠤꠀꠞ।” ꠁꠈꠣꠘ ꠢꠥꠘꠤꠀꠃ ꠔꠣꠞꠣ ꠖꠥꠁꠅ ꠎꠘ ꠍꠁꠎꠖꠣꠔ ꠙꠠꠟꠣ।

ꠔꠃꠞꠣꠔ ৪: ꠡꠥꠝꠣꠞꠤ 17:10

ꠛꠣꠖꠦ ꠝꠣꠛꠥꠖꠦ ꠝꠥꠍꠣꠞꠦ ꠇꠁꠟꠣ, “ꠛꠤꠞꠥꠗꠤ ꠘꠣꠚꠞꠝꠣꠘ ꠅꠇꠟꠞ ꠝꠘꠅ ꠞꠅꠀꠞ ꠟꠣꠉꠤ ꠘꠤꠡꠣꠘꠣ ꠢꠤꠡꠣꠛꠦ ꠔꠥꠝꠤ ꠢꠣꠞꠥꠘꠞ ꠟꠣꠑꠤꠐꠣ ꠢꠤꠞꠛꠣꠞ ꠡꠣꠢꠣꠖꠔ ꠡꠘ꠆ꠖꠥꠇꠞ ꠍꠣꠝꠘꠦ ꠕꠅ। ꠔꠦꠃ ꠀꠝꠣꠞ ꠛꠤꠞꠥꠖ꠆ꠖꠦ ꠔꠣꠞꠣꠞ ꠛꠇꠛꠇ ꠇꠞꠣ ꠈꠣꠘ ꠔꠥꠝꠤ ꠛꠘ꠆ꠖ ꠇꠞꠔꠣꠄ ꠙꠣꠞꠛꠣꠄ, ꠔꠣꠞꠣꠅ ꠀꠞ ꠝꠞꠔꠣ ꠘꠣꠄ।”

ꠔꠃꠞꠣꠔ ৪: ꠡꠥꠝꠣꠞꠤ 20:6

ꠁꠔꠣ ꠢꠥꠘꠤꠀ ꠝꠥꠍꠣ ꠀꠞ ꠢꠣꠞꠥꠘ ꠝꠣꠘꠡꠞ ꠉꠦꠍ ꠕꠣꠇꠤ ꠢꠞꠤꠀ ꠝꠤꠟꠘ-ꠔꠣꠝ꠆ꠛꠥꠞ ꠖꠥꠀꠞꠞ ꠉꠦꠍꠦ ꠉꠤꠀ ꠍꠁꠎꠖꠣꠔ ꠙꠠꠟꠣ। ꠔꠦꠃ ꠝꠣꠛꠥꠖꠞ ꠘꠥꠞꠞ ꠔꠎꠟ꠆ꠟꠤ ꠔꠣꠞꠣꠞ ꠍꠣꠝꠘꠦ ꠎꠣꠁꠞ ꠅꠁꠟ।

ꠁꠘ꠆ꠎꠤꠟ ১: ꠝꠕꠤ 26:39

ꠅꠈꠣꠘ ꠇꠁꠀ ꠕꠥꠠꠣ ꠢꠞꠤꠀ ꠉꠤꠀ ꠔꠣꠁꠘ ꠝꠣꠐꠤꠔ ꠍꠁꠎꠖꠣꠔ ꠙꠠꠤꠀ ꠇꠁꠟꠣ, “ꠅ ꠀꠝꠣꠞ ꠛꠦꠢꠦꠡ꠆ꠔꠤ ꠀꠛ꠆ꠛꠣ, ꠀꠝꠣꠞ ꠃꠙꠞꠦ ꠅꠃ ꠎꠦ ꠎꠥꠟꠥꠝ-ꠝꠍꠤꠛꠔ ꠀꠁꠅꠞ, ꠖꠥꠍꠞꠣ ꠇꠥꠘꠥ ꠃꠙꠣꠄ ꠕꠣꠇꠟꠦ ꠁꠈꠣꠘꠔꠣ ꠢꠞꠣꠁꠟꠣꠅ। ꠅꠁꠟꠦ ꠁꠔꠣ ꠀꠝꠣꠞ ꠁꠌ꠆ꠍꠣꠄ ꠘꠣꠄ, ꠔꠥꠝꠣꠞ ꠝꠞ꠆ꠎꠤ ꠝꠣꠚꠤꠇꠃ ꠅꠃꠇ।”

Injil 27: Zaira Kalam 4:10

ꠅꠃ ꠡꠝꠄ ꠎꠦꠁꠘ ꠔꠈ꠆ꠔꠅ ꠛꠅꠀꠔ ꠀꠍꠂꠘ, ꠎꠦꠁꠘ ꠌꠤꠞꠇꠣꠟꠤꠘ ꠎꠤꠘ꠆ꠖꠣ, ꠄꠘ ꠍꠣꠝꠘꠦ ꠢꠃ ꠌꠛ꠆ꠛꠤꠡꠎꠘ ꠝꠥꠞꠛ꠆ꠛꠤ ꠘꠦꠔꠣ ꠘꠔ ꠅꠁꠀ ꠍꠁꠎꠖꠣ ꠇꠞꠂꠘ। ꠁ ꠘꠦꠔꠣ ꠅꠇꠟꠦ ꠎꠣꠞꠎꠤꠞ ꠝꠣꠕꠣꠞ ꠔꠣꠎ ꠡꠤꠋꠢꠣꠡꠘꠞ ꠍꠣꠝꠘꠦ ꠈꠥꠟꠤꠀ ꠕꠁꠀ ꠇꠂꠘ,

Injil 27: Zaira Kalam 5:14

ꠔꠦꠃ ꠢꠃ ꠌꠣꠁꠞꠅ ꠎꠣꠘꠖꠣꠞꠦ ꠇꠁꠟꠣ, “ꠀꠝꠤꠘ।” ꠀꠞ ꠢꠃ ꠝꠥꠞꠛ꠆ꠛꠤ ꠘꠦꠔꠣ ꠅꠇꠟ ꠘꠔ ꠅꠁꠀ ꠍꠁꠎꠖꠣ ꠇꠞꠟꠣ।

Injil 27: Zaira Kalam 7:11

ꠄꠞꠛꠣꠖꠦ ꠔꠣꠝꠣꠝ ꠚꠤꠞꠤꠡ꠆ꠔꠣ ꠅꠇꠟ, ꠢꠃ ꠔꠈ꠆ꠔꠞ, ꠢꠃ ꠝꠥꠞꠛ꠆ꠛꠤ ꠘꠦꠔꠣ ꠅꠇꠟꠞ ꠀꠞ ꠌꠣꠁꠞꠅ ꠎꠣꠘꠖꠣꠞꠞ ꠌꠣꠁꠞꠅ ꠇꠣꠘ꠆ꠖꠣꠛꠣꠄ ꠃꠛꠣꠁꠟꠣ। ꠔꠣꠞꠣ ꠔꠈ꠆ꠔꠞ ꠍꠣꠝꠘꠦ ꠍꠁꠎꠖꠣꠔ ꠙꠠꠤꠀ ꠇꠁꠟꠣ,