ꠔꠃꠞꠣꠔ ৪: ꠡꠥꠝꠣꠞꠤ 14:2 - Siloṭi Asmani Kitab (Nagri lipi)

² ꠢꠎꠞꠔ ꠝꠥꠍꠣ ꠀꠞ ꠢꠣꠞꠥꠘꠞ ꠛꠤꠞꠥꠖ꠆ꠖꠦ ꠛꠃꠔ ꠇꠕꠣꠛꠣꠞ꠆ꠔꠣ ꠝꠣꠔꠤꠟ। ꠔꠣꠞꠣ ꠢꠇꠟꠦ ꠝꠤꠟꠤꠀ ꠝꠥꠍꠣ ꠀꠞ ꠢꠣꠞꠥꠘꠞꠦ ꠇꠁꠟ, “ꠢꠣꠄꠞꠦ ꠢꠣꠄ! ꠀꠝꠞꠣ ꠇꠦꠘꠦ ꠢꠃ ꠝꠤꠡꠞ ꠖꠦꠡꠅ ꠛꠣ ꠝꠞꠥꠜꠥꠝꠤꠔ ꠝꠞꠟꠣꠝ ꠘꠣ? ꠢꠘꠅ ꠝꠞꠣꠃ ꠔ ꠜꠣꠟꠣ ꠀꠍꠤꠟ।

ছিলটি আছমানি কিতাব (বাংলা লিপি)

² হজরত মুছা আর হারুনর বিরুদ্ধে বউত কথাবার্তা মাতিলো। তারা হকলে মিলিয়া মুছা আর হারুনরে কইলো, “হায়রে হায়! আমরা কেনে হউ মিসর দেশো বা মরুভুমিত মরলাম না? হনো মরাউ তো ভালা আছিল।

Siloṭi Asmani Kitab (Latin lipi)

² Hozrot Musa ar Harunor birudde bout ḳota-barta matilo. Tara hoḳole milia Musa ar Harunre ḳoilo, “Haere hae! Amra ḳene hou Mishor desho ba morubumit morlam na? Hono mora-u to bala asil.

ꠔꠃꠞꠣꠔ ৪: ꠡꠥꠝꠣꠞꠤ 14:2 Iomraidhean Croise

ꠔꠃꠞꠣꠔ ২: ꠢꠤꠎꠞꠔ 14:11

ꠔꠣꠞꠣ ꠝꠥꠍꠣꠞꠦ ꠇꠁꠟꠣ, “ꠝꠤꠡꠞꠅ ꠇꠄꠛꠞ ꠖꠤꠛꠣꠞ ꠎꠣꠉꠣ ꠘꠣꠁ ꠖꠦꠈꠤꠀ, ꠀꠝꠞꠣꠞꠦ ꠝꠣꠞꠔꠣꠄ ꠇꠞꠤ ꠅꠃ ꠝꠞꠥꠜꠥꠝꠤꠔ ꠟꠁꠀ ꠀꠁꠍ ꠘꠤ? ꠔꠥꠝꠤ ꠁꠔꠣ ꠇꠤꠔꠣ ꠇꠞꠟꠣꠄ? ꠇꠦꠘꠦ ꠀꠝꠞꠣꠞꠦ ꠝꠤꠡꠞ ꠕꠣꠇꠤ ꠛꠣꠞ ꠇꠞꠟꠣꠄ?

ꠔꠃꠞꠣꠔ ২: ꠢꠤꠎꠞꠔ 15:24

ꠀꠞ ꠝꠣꠘꠡꠦ ꠝꠥꠍꠣꠞ ꠛꠤꠞꠥꠖ꠆ꠖꠦ ꠇꠣꠘꠣ-ꠇꠣꠘꠤ ꠇꠞꠤ ꠇꠁꠟꠣ, “ꠀꠝꠞꠣ ꠅꠈꠘ ꠙꠣꠘꠤ ꠈꠣꠁꠔꠣꠝ ꠇꠤꠟꠣ?”

ꠔꠃꠞꠣꠔ ২: ꠢꠤꠎꠞꠔ 17:3

ꠝꠣꠘꠡꠦ ꠙꠣꠘꠤꠞ ꠙꠤꠀꠍꠦ ꠇꠣꠢꠤꠟ ꠅꠁꠀ ꠝꠥꠍꠣꠞ ꠛꠤꠞꠥꠖ꠆ꠖꠦ ꠉꠣꠟꠤ-ꠉꠣꠟꠣꠎ ꠇꠞꠤ ꠇꠁꠟꠣ, “ꠔꠥꠝꠤ ꠀꠝꠞꠣꠞꠦ ꠝꠣꠞꠔꠣꠄ ꠇꠞꠤ ꠝꠤꠡꠞ ꠖꠦꠡ ꠕꠣꠇꠤ ꠀꠘꠍ ꠘꠤ? ꠀꠝꠞꠣꠞꠦ, ꠀꠝꠞꠣꠞ ꠢꠥꠞꠥꠔ꠆ꠔꠣꠁꠘ꠆ꠔꠞꠦ, ꠀꠝꠞꠣꠞ ꠙꠡꠥꠞ ꠙꠣꠟꠞꠦ ꠀꠘꠣ-ꠙꠣꠘꠤꠄ ꠝꠣꠞꠔꠣꠄ ꠇꠞꠤ ꠅꠘꠅ ꠀꠘꠍ ꠘꠤ?”

ꠀꠍꠝꠣꠘꠤ ꠇꠤꠔꠣꠛ: ꠁꠃꠘꠥꠍ 4:3

ꠅ ꠝꠣꠛꠥꠖ, ꠀꠝꠤ ꠅꠈꠘ ꠀꠞꠎ ꠇꠞꠞꠣꠝ, ꠔꠥꠝꠤ ꠀꠝꠣꠞ ꠎꠣꠘꠈꠣꠘ ꠘꠦꠅꠉꠤ, ꠀꠝꠣꠞ ꠔ ꠛꠣꠌꠣ ꠕꠣꠇꠤ ꠝꠞꠣꠃ ꠜꠣꠟꠣ।”

ꠀꠍꠝꠣꠘꠤ ꠇꠤꠔꠣꠛ: ꠁꠃꠘꠥꠍ 4:8

ꠛꠣꠖꠦ ꠎꠦꠛꠟꠣ ꠡꠥꠞꠥꠎ ꠃꠑꠟ, ꠅꠃ ꠡꠝꠄ ꠀꠟ꠆ꠟꠣꠄ ꠙꠥꠛꠣꠟꠤ ꠉꠞꠝ ꠢꠣꠅꠀ ꠎꠥꠉꠣꠁꠟꠣ। ꠞꠂꠖꠦ ꠁꠃꠘꠥꠍꠞ ꠝꠣꠕꠣꠔ ꠈꠥꠛ ꠉꠞꠝ ꠟꠣꠉꠟ, ꠔꠣꠁꠘ ꠛꠦꠃꠡ ꠅꠁꠎꠤꠛꠣꠞ ꠖꠡꠣ। ꠔꠦꠃ ꠁꠃꠘꠥꠍꠦ ꠝꠞꠘ ꠝꠣꠋꠉꠤꠟꠣ, ꠇꠁꠟꠣ, “ꠀꠝꠣꠞ ꠔ ꠛꠣꠌꠣ ꠕꠣꠇꠤ ꠝꠞꠘꠃ ꠜꠣꠟꠣ।”

ꠔꠃꠞꠣꠔ ৪: ꠡꠥꠝꠣꠞꠤ 11:1

ꠛꠘꠤ ꠁꠍꠞꠣꠁꠟꠦ ꠘꠤꠎꠞ ꠖꠥꠈ-ꠇꠡ꠆ꠐꠞ ꠟꠣꠉꠤ ꠛꠦꠎꠣꠞ ꠅꠁꠀ ꠛꠇꠣ-ꠎꠇꠣ ꠇꠞꠟꠣ। ꠄꠞꠟꠣꠉꠤ ꠝꠣꠛꠥꠖꠦ ꠔꠣꠞꠣꠞ ꠁꠔꠣ ꠢꠥꠘꠤꠀ ꠉꠥꠍꠣ ꠅꠁꠉꠦꠟꠣ। ꠔꠣꠁꠘ ꠉꠎꠛꠤ ꠀꠉꠥꠁꠘ ꠙꠣꠑꠣꠁꠟꠣ ꠀꠞ ꠅꠃ ꠀꠉꠥꠁꠘ ꠔꠣꠞꠣꠞ ꠝꠣꠎꠦ ꠎꠟꠤꠟ, ꠄꠔꠦ ꠇꠦꠝ꠆ꠙꠞ ꠇꠤꠘꠣꠞꠣꠞ ꠇꠤꠍꠥ ꠅꠋꠡ ꠀꠉꠥꠁꠘꠦ ꠎꠟꠤꠉꠦꠟ।

ꠔꠃꠞꠣꠔ ৪: ꠡꠥꠝꠣꠞꠤ 11:15

ꠔꠥꠝꠤ ꠎꠥꠖꠤ ꠀꠝꠣꠞꠦ ꠁ ꠝꠥꠡꠇꠤꠟꠅ ꠚꠣꠟꠣꠅ, ꠔꠦ ꠔꠥꠝꠣꠞ ꠖꠥꠀꠁ ꠖꠤꠀ ꠇꠁꠀꠞ, ꠅꠈꠘꠃ ꠀꠝꠣꠞꠦ ꠎꠣꠘꠦ ꠝꠣꠞꠤꠟꠣꠅ। ꠀꠞ ꠇꠁꠞꠣꠝ, ꠀꠝꠤ ꠎꠥꠖꠤ ꠔꠥꠝꠣꠞ ꠞꠢꠝꠔꠞ ꠔꠟꠦ ꠕꠣꠇꠤ, ꠔꠦ ꠘꠤꠎꠞ ꠌꠃꠈꠦ ꠘꠤꠎꠞ ꠛꠦꠢꠣꠟ꠆ꠟꠔꠤ ꠖꠡꠣ ꠀꠝꠣꠞꠦ ꠖꠦꠈꠣꠁꠅ ꠘꠣ।”

ꠔꠃꠞꠣꠔ ৪: ꠡꠥꠝꠣꠞꠤ 11:5

ꠝꠤꠡꠞꠅ ꠕꠣꠇꠔꠦ ꠔ ꠛꠤꠘꠣ ꠙꠄꠡꠣꠄ ꠝꠣꠉꠘꠣ ꠝꠣꠍ ꠈꠣꠁꠔꠣꠝ, ꠢꠘꠅ ꠔꠞꠝꠥꠎ, ꠙꠤꠀꠎ-ꠞꠡꠥꠘ, ꠇꠤꠞꠣ, ꠢꠣꠉ-ꠔꠞꠇꠣꠞꠤ ꠢꠇ꠆ꠇꠟꠔꠣ ꠈꠣꠁꠔꠣꠝ, ꠁꠔꠣ ꠅꠈꠘꠅ ꠝꠘꠅ ꠙꠠꠦꠞ।

ꠔꠃꠞꠣꠔ ৪: ꠡꠥꠝꠣꠞꠤ 14:1

ꠁꠈꠣꠘ ꠢꠥꠘꠤꠀ ꠢꠇꠟ ꠛꠘꠤ ꠁꠍꠞꠣꠁꠟꠦ ꠌꠤꠟ꠆ꠟꠣ-ꠌꠤꠟ꠆ꠟꠤ ꠟꠣꠉꠣꠁꠟ। ꠔꠣꠞꠣ ꠢꠣꠞꠣ ꠞꠣꠁꠔ ꠇꠣꠘ꠆ꠖꠣ-ꠇꠣꠐꠤ ꠇꠞꠟ।

ꠔꠃꠞꠣꠔ ৪: ꠡꠥꠝꠣꠞꠤ 14:22

ꠁꠔꠣ ꠄꠇꠎꠘꠦꠅ ꠀꠝꠣꠞ ꠅꠀꠖꠣ ꠇꠞꠣ ꠢꠤ ꠖꠦꠡ ꠖꠦꠈꠣꠞ ꠡꠥꠎꠥꠉ ꠅꠁꠔ ꠘꠣꠄ, ꠎꠦ ꠖꠦꠡ ꠖꠤꠔꠣꠝ ꠇꠞꠤ ꠀꠝꠤ ꠔꠣꠞꠣꠞ ꠛꠣꠚ-ꠖꠣꠖꠣꠞ ꠉꠦꠍꠦ ꠅꠀꠖꠣ ꠇꠞꠍꠟꠣꠝ। ꠇꠣꠞꠘ ꠁꠔꠣꠄ ꠀꠝꠣꠞ ꠘꠥꠞꠞ ꠔꠎꠟ꠆ꠟꠤ ꠖꠦꠈꠍꠂꠘ, ꠔꠣꠞꠣ ꠝꠤꠡꠞꠅ ꠕꠣꠇꠔꠦ ꠀꠞ ꠅꠃ ꠝꠞꠥꠜꠥꠝꠤꠔ ꠀꠁꠀꠅ ꠀꠝꠣꠞ ꠇꠥꠖꠞꠔꠤ ꠟꠤꠟꠣ-ꠈꠦꠟꠣ ꠖꠦꠈꠣꠞ ꠛꠣꠖꠦꠅ ꠁꠔꠣꠄ ꠀꠝꠣꠞꠦ ꠝꠣꠘꠍꠂꠘ ꠘꠣ, ꠛꠞꠋ ꠖꠡ-ꠖꠡꠛꠣꠞ ꠔꠣꠞꠣ ꠀꠝꠣꠞꠦ ꠙꠞꠤꠇ꠆ꠇꠣ ꠇꠞꠍꠂꠘ। ꠔꠦ ꠔꠣꠞꠣ ꠎꠔꠎꠘꠦ ꠀꠝꠣꠞꠦ ꠄꠟꠣꠝꠤ ꠇꠞꠍꠦ, ꠁꠔꠣ ꠄꠇꠎꠘꠦꠅ ꠢꠤ ꠖꠦꠡ ꠖꠦꠈꠣꠞ ꠇꠙꠣꠟ ꠅꠁꠔ ꠘꠣꠄ।

ꠔꠃꠞꠣꠔ ৪: ꠡꠥꠝꠣꠞꠤ 16:13

ꠔꠥꠝꠤ ꠅꠃ ꠝꠞꠥꠜꠥꠝꠤꠔ ꠀꠘꠤꠀ ꠝꠣꠞꠔꠣꠄ ꠇꠞꠤ, ꠖꠥꠗ ꠀꠞ ꠝꠃꠞ ꠜꠣꠘ꠆ꠒꠣꠞ ꠀꠟꠣ ꠢꠃ ꠝꠤꠡꠞ ꠖꠦꠡ ꠕꠣꠇꠤ ꠀꠝꠞꠣꠞꠦ ꠛꠣꠞ ꠇꠞꠤ ꠀꠘꠍ, ꠢꠤ ꠖꠦꠡꠅ ꠔ ꠇꠥꠘ꠆ꠔꠣꠞꠃ ꠅꠜꠣꠛ ꠀꠍꠤꠟ ꠘꠣ। ꠄꠞ ꠛꠣꠖꠦꠅ ꠀꠝꠞꠣꠞ ꠃꠙꠞꠦ ꠛꠦꠐꠣꠉꠤꠞꠤ ꠖꠦꠈꠣꠘꠤꠔ ꠟꠣꠉꠍ।

ꠔꠃꠞꠣꠔ ৪: ꠡꠥꠝꠣꠞꠤ 16:41

ꠅꠁꠟꠦ ꠛꠣꠖꠞ ꠖꠤꠘꠃ ꠛꠘꠤ ꠁꠍꠞꠣꠁꠟꠞ ꠝꠣꠘꠡꠦ ꠢꠎꠞꠔ ꠝꠥꠍꠣ ꠀꠞ ꠢꠣꠞꠥꠘꠞ ꠛꠤꠞꠥꠖ꠆ꠖꠦ ꠛꠦꠞ-ꠛꠦꠞꠤ ꠟꠣꠉꠣꠁꠟ, ꠔꠣꠞꠣ ꠇꠁꠟ, “ꠝꠣꠛꠥꠖꠞ ꠛꠘ꠆ꠖꠣ ꠅꠇꠟꠞꠦ ꠔꠥꠝꠞꠣꠃ ꠝꠣꠞꠍ।”

ꠔꠃꠞꠣꠔ ৪: ꠡꠥꠝꠣꠞꠤ 17:6

ꠔꠦꠃ ꠝꠥꠍꠣꠄ ꠁꠔꠣ ꠢꠇꠟꠔꠣ ꠛꠘꠤ ꠁꠍꠞꠣꠁꠟꠞꠦ ꠎꠣꠘꠣꠁꠟꠣ। ꠀꠞ ꠔꠣꠞꠣꠞ ꠛꠣꠚ-ꠖꠣꠖꠣꠞ ꠈꠣꠘ꠆ꠖꠣꠘ ꠝꠣꠚꠤꠇ ꠙꠞꠔꠦꠇ ꠡꠞ꠆ꠖꠣꠞꠦ ꠎꠣꠞꠎꠤꠞ ꠈꠣꠘ꠆ꠖꠣꠘꠞ ꠔꠞꠚ ꠕꠣꠇꠤ ꠄꠉꠥ ꠇꠞꠤ, ꠝꠥꠐ ꠛꠣꠞꠅ ꠈꠣꠘ꠆ꠖꠣꠘꠞ ꠛꠣꠞꠅꠐꠣ ꠟꠣꠑꠤ ꠀꠘꠤꠀ ꠖꠤꠟꠣ। ꠅꠃ ꠟꠣꠑꠤꠘ꠆ꠔꠞ ꠄꠉꠥ ꠟꠣꠑꠤ ꠀꠍꠤꠟ ꠢꠣꠞꠥꠘ ꠘꠛꠤꠞ।

ꠔꠃꠞꠣꠔ ৪: ꠡꠥꠝꠣꠞꠤ 20:2

ꠢꠤꠘꠅ ꠈꠣꠁꠛꠣꠞ ꠇꠥꠘꠥ ꠙꠣꠘꠤ ꠘꠣ ꠙꠣꠅꠀꠄ ꠛꠘꠤ ꠁꠍꠞꠣꠁꠟꠦ ꠝꠥꠍꠣ ꠀꠞ ꠢꠣꠞꠥꠘꠞ ꠛꠤꠞꠥꠖ꠆ꠖꠦ ꠖꠟ ꠛꠣꠘ꠆ꠖꠤꠀ ꠄꠞꠣꠞ ꠙꠤꠍꠦ ꠟꠣꠉꠟꠣ।

ꠔꠃꠞꠣꠔ ৪: ꠡꠥꠝꠣꠞꠤ 20:3

ꠔꠣꠞꠣ ꠝꠥꠍꠣꠞ ꠟꠉꠦ ꠇꠣꠁꠎ꠆ꠎꠣ ꠇꠞꠤꠀ ꠇꠁꠟꠣ, “ꠀꠝꠞꠣꠞ ꠟꠉꠞ ꠜꠣꠁꠀꠁꠘ ꠎꠦꠛꠟꠣ ꠝꠣꠛꠥꠖꠞ ꠍꠣꠝꠘꠦ ꠝꠞꠍꠟꠣ, ꠢꠃ ꠡꠝꠄ ꠀꠝꠞꠣꠅ ꠝꠞꠤꠉꠦꠟꠦ ꠜꠣꠟꠣ ꠀꠍꠤꠟ।

ꠔꠃꠞꠣꠔ ৪: ꠡꠥꠝꠣꠞꠤ 20:4

ꠝꠣꠛꠥꠖꠞ ꠛꠘ꠆ꠖꠣ ꠅꠇꠟꠞꠦ ꠔꠥꠝꠤ ꠇꠦꠘꠦ ꠅꠃ ꠝꠞꠥꠜꠥꠝꠤꠔ ꠀꠘꠟꠣꠄ, ꠅꠈꠘ ꠙꠡꠥꠞ ꠙꠣꠟ ꠡꠥꠖ꠆ꠖꠣ ꠀꠝꠞꠣ ꠢꠇ꠆ꠇꠟꠦ ꠅꠘꠅ ꠎꠣꠘ ꠈꠥꠀꠁꠔꠣꠝ ꠘꠤ?

ꠔꠃꠞꠣꠔ ৪: ꠡꠥꠝꠣꠞꠤ 21:5

ꠝꠥꠍꠣ ꠘꠛꠤ ꠀꠞ ꠀꠟ꠆ꠟꠣ ꠙꠣꠇꠞ ꠛꠤꠞꠥꠖ꠆ꠖꠦ ꠝꠣꠔꠣ-ꠝꠣꠔꠤ ꠟꠣꠉꠣꠁꠟꠣ, ꠔꠣꠞꠣ ꠇꠁꠟꠣ, “ꠀꠝꠞꠣꠞꠦ ꠝꠤꠡꠞ ꠖꠦꠡ ꠕꠣꠇꠤ ꠇꠦꠘꠦ ꠛꠣꠞ ꠇꠞꠤ ꠀꠘꠟꠣꠄ, ꠅꠃ ꠝꠞꠥꠜꠥꠝꠤꠔ ꠀꠘꠤꠀ ꠝꠣꠞꠣꠞ ꠟꠣꠉꠤ ꠘꠤ? ꠁꠘꠅ ꠔ ꠈꠣꠘꠤꠅ ꠘꠣꠁ, ꠙꠣꠘꠤꠅ ꠘꠣꠁ। ꠀꠞ ꠅꠟꠣ ꠛꠣꠎꠦ ꠈꠣꠘꠤ ꠀꠝꠞꠣ ꠖꠥꠁ ꠌꠃꠈꠦ ꠖꠦꠈꠔꠣꠝ ꠙꠣꠞꠤ ꠘꠣ।”

Injil 7: 1-Korintia 10:10

ꠔꠣꠞꠣꠞ ꠝꠣꠎꠞ ꠛꠃꠔꠦ ꠘꠣ-ꠈꠥꠡ ꠅꠁꠀ ꠛꠇꠣ-ꠎꠇꠣ ꠇꠞꠣꠄ, ꠀꠟ꠆ꠟꠣꠞ ꠉꠎꠛꠞ ꠚꠤꠞꠤꠡ꠆ꠔꠣꠄ ꠔꠣꠞꠣꠞꠦ ꠛꠤꠘꠣꠡ ꠇꠞꠍꠂꠘ। ꠄꠞꠟꠣꠉꠤ ꠔꠥꠝꠞꠣ ꠁꠟꠣ ꠇꠞꠤꠅ ꠘꠣ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 1:27

ꠔꠥꠝꠞꠣ ꠎꠣꠞꠎꠤꠞ ꠔꠣꠝ꠆ꠛꠥꠔ ꠢꠣꠝꠣꠁꠀ ꠛꠇꠣ-ꠎꠇꠣ ꠡꠥꠞꠥ ꠇꠞꠟꠣꠄ, ꠀꠞ ꠇꠁꠟꠣꠄ, ꠝꠣꠛꠥꠖꠦ ꠀꠝꠞꠣꠞ ꠟꠉꠦ ꠖꠥꠡꠝꠘꠤ ꠇꠞꠂꠘ, ꠄꠞꠟꠣꠉꠤꠃ ꠀꠝꠞꠣꠞꠦ ꠛꠤꠘꠣꠡ ꠇꠞꠣꠞ ꠘꠤꠅꠔꠦ, ꠀꠝꠥꠞꠤ ꠅꠇꠟꠞ ꠀꠔꠅ ꠚꠣꠟꠣꠁꠀ ꠝꠣꠞꠣꠞ ꠈꠤꠀꠟꠦ, ꠝꠤꠡꠞ ꠖꠦꠡ ꠕꠣꠇꠤ ꠔꠣꠁꠘ ꠀꠝꠞꠣꠞꠦ ꠛꠣꠞ ꠇꠞꠤ ꠀꠘꠍꠂꠘ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 9:23

ꠄꠞꠛꠣꠖꠦ ꠇꠣꠖꠦꠡ-ꠛꠞꠘꠦꠀ ꠕꠣꠇꠤ ꠞꠅꠀꠘꠣ ꠅꠀꠞ ꠇꠣꠟꠅ ꠝꠣꠛꠥꠖꠦ ꠎꠦꠛꠟꠣ ꠇꠁꠟꠣ, ꠀꠝꠤ ꠔꠥꠝꠞꠣꠞꠦ ꠀꠞꠣꠝꠞ ꠎꠦ ꠖꠦꠡ ꠖꠣꠘ ꠇꠞꠍꠤ, ꠔꠥꠝꠞꠣ ꠉꠤꠀ ꠅꠈꠣꠘ ꠖꠈꠟ ꠇꠞꠅ, ꠢꠃ ꠡꠝꠄꠅ ꠔꠥꠝꠞꠣ ꠘꠤꠎꠞ ꠝꠣꠛꠥꠖ ꠀꠟ꠆ꠟꠣꠞ ꠢꠥꠇꠥꠝꠞ ꠛꠤꠞꠥꠗꠤꠔꠣ ꠇꠞꠟꠣꠄ, ꠔꠣꠘꠞꠦ ꠝꠣꠘꠟꠣꠄ ꠘꠣ, ꠔꠣꠘ ꠇꠕꠣꠞꠦꠅ ꠄꠇꠤꠘ ꠇꠞꠟꠣꠄ ꠘꠣ।

Injil 19: Ibrani 3:16

ꠀꠁꠌ꠆ꠍꠣ ꠇꠅ ꠌꠣꠁꠘ, ꠀꠟ꠆ꠟꠣꠞ ꠘꠤꠎꠞ ꠎꠛꠣꠘꠞ ꠛꠥꠟꠤ ꠢꠥꠘꠣꠞ ꠛꠣꠖꠦꠅ ꠇꠦꠉꠤꠄ ꠔꠣꠘ ꠛꠤꠞꠥꠗꠤꠔꠣ ꠇꠞꠍꠤꠟ? ꠄꠞꠣꠃ ꠘꠣꠄ ꠘꠤ, ꠎꠦꠞꠣꠞꠦ ꠝꠥꠍꠣ ꠘꠛꠤꠄ ꠝꠤꠡꠞ ꠕꠣꠇꠤ ꠛꠣꠞ ꠇꠞꠤ ꠀꠘꠍꠤꠟꠣ?

Injil 26: Ehuda 1:16

ꠁꠔꠣꠄ ꠔ ꠢꠣꠝꠦꠡꠣꠃ ꠘꠣ-ꠍꠛꠞꠤ ꠇꠞꠂꠘ, ꠘꠤꠎꠞ ꠇꠙꠣꠟꠞꠦ ꠖꠥꠡꠂꠘ ꠀꠞ ꠔꠣꠞꠣꠞ ꠛꠖ ꠈꠣꠁꠡꠞ ꠛꠡꠦ ꠌꠟꠂꠘ। ꠔꠣꠞꠣꠞ ꠢꠇꠟ ꠝꠣꠔꠅ ꠘꠤꠎꠞ ꠛꠠꠣꠁ-ꠛꠦꠐꠣꠉꠤꠞꠤ ꠖꠦꠈꠣꠁꠘ, ꠡ꠆ꠛꠣꠞꠕ ꠢꠣꠍꠤꠟꠞ ꠟꠣꠉꠤ ꠝꠣꠘꠡꠞ ꠜꠎꠘꠣ ꠇꠞꠂꠘ।