ꠔꠃꠞꠣꠔ ৪: ꠡꠥꠝꠣꠞꠤ 13:2 - Siloṭi Asmani Kitab (Nagri lipi)

² “ꠛꠘꠤ ꠁꠍꠞꠣꠁꠟꠞꠦ ꠀꠝꠤ ꠎꠦ ꠇꠦꠘꠣꠘ ꠖꠦꠡ ꠖꠤꠔꠣꠝ ꠌꠣꠁꠞꠣꠝ, ꠅꠃ ꠖꠦꠡꠞ ꠢꠣꠟ-ꠢꠇꠤꠇꠔ ꠖꠦꠈꠤꠀ ꠀꠅꠀꠞ ꠟꠣꠉꠤ ꠔꠥꠝꠤ ꠛꠣꠞꠅ ꠈꠣꠘ꠆ꠖꠣꠘ ꠕꠣꠇꠤ ꠛꠣꠞꠅ ꠎꠘ ꠡꠞ꠆ꠖꠣꠞ ꠙꠣꠑꠣꠅ।”

ছিলটি আছমানি কিতাব (বাংলা লিপি)

² “বনি ইছরাইলরে আমি যে কেনান দেশ দিতাম চাইরাম, অউ দেশর হাল-হকিকত দেখিয়া আওয়ার লাগি তুমি বারো খান্দান থাকি বারো জন সর্দার পাঠাও।”

Siloṭi Asmani Kitab (Latin lipi)

² “Boni Israilre ami ze Kenan desh ditam sairam, ou deshor hal-hokikot dekia aoar lagi tumi baro ḳandan taki baro zon shordar faṭao.”

ꠔꠃꠞꠣꠔ ৪: ꠡꠥꠝꠣꠞꠤ 13:2 Iomraidhean Croise

ꠔꠃꠞꠣꠔ ২: ꠢꠤꠎꠞꠔ 18:25

ꠝꠥꠍꠣꠄ ꠔꠣꠝꠣꠝ ꠛꠘꠤ ꠁꠍꠞꠣꠁꠟ ꠕꠣꠇꠤ ꠛꠣꠍꠤꠀ ꠃꠙꠎꠥꠇ꠆ꠔ ꠝꠣꠘꠥꠡ ꠔꠥꠇꠣꠁꠀ, ꠔꠣꠞꠣ ꠇꠦꠃꠞꠞꠦ ꠀꠎꠣꠞ ꠎꠘ, ꠇꠦꠃꠞꠞꠦ ꠡ ꠎꠘ, ꠇꠦꠃꠞꠞꠦ ꠙꠁꠘ꠆ꠌꠣꠡ ꠀꠞ ꠇꠦꠃꠞꠞꠦ ꠖꠡ ꠎꠘꠞ ꠃꠙꠞꠦ ꠘꠦꠔꠣ ꠛꠣꠘꠣꠁꠟꠣ।

ꠔꠃꠞꠣꠔ ৪: ꠡꠥꠝꠣꠞꠤ 1:4

ꠙꠞꠔꠦꠇ ꠈꠣꠘ꠆ꠖꠣꠘꠞ ꠄꠇꠎꠘꠦ ꠔꠥꠝꠞꠣꠞꠦ ꠡꠣꠁꠎ꠆ꠎ ꠇꠞꠛꠣ, ꠄꠞꠣ ꠅꠁꠛꠣ ꠘꠤꠎꠞ ꠉꠥꠡ꠆ꠐꠤꠞ ꠙꠞꠗꠣꠘ ꠝꠥꠞꠛ꠆ꠛꠤ।

ꠔꠃꠞꠣꠔ ৪: ꠡꠥꠝꠣꠞꠤ 11:16

ꠔꠦꠃ ꠝꠣꠛꠥꠖꠦ ꠝꠥꠍꠣꠞꠦ ꠇꠁꠟꠣ, “ꠛꠘꠤ ꠁꠍꠞꠣꠁꠟꠞ ꠝꠣꠎꠦ ꠔꠥꠝꠤ ꠎꠣꠞꠣꠞꠦ ꠝꠥꠞꠛ꠆ꠛꠤ ꠘꠦꠔꠣ ꠀꠞ ꠁꠎ꠆ꠎꠔꠤ ꠢꠤꠡꠣꠛꠦ ꠌꠤꠘꠅ, ꠄꠞꠣꠞ ꠝꠣꠎ ꠕꠣꠇꠤ ꠡꠔ꠆ꠔꠁꠞ ꠎꠘ ꠝꠥꠞꠛ꠆ꠛꠤ ꠘꠦꠔꠣꠞꠦ ꠟꠁꠀ ꠀꠝꠣꠞ ꠉꠦꠍꠦ ꠀꠅ। ꠔꠥꠝꠤ ꠔꠣꠞꠣꠞꠦ ꠇꠅ, ꠔꠣꠞꠣ ꠝꠤꠟꠘ-ꠔꠣꠝ꠆ꠛꠥꠞ ꠉꠦꠍꠦ ꠀꠁꠀ ꠔꠥꠝꠣꠞ ꠟꠉꠦ ꠃꠛꠣꠁꠔꠣ।

ꠔꠃꠞꠣꠔ ৪: ꠡꠥꠝꠣꠞꠤ 13:16

ꠇꠦꠘꠣꠘ ꠖꠦꠡꠞ ꠢꠣꠟ-ꠢꠇꠤꠇꠔ ꠎꠣꠘꠤꠀ ꠀꠁꠛꠣꠞ ꠟꠣꠉꠤ ꠉꠥꠁꠀ ꠢꠤꠡꠣꠛꠦ ꠝꠥꠍꠣ ꠘꠛꠤꠄ ꠄꠞꠣꠞꠦ ꠙꠣꠑꠣꠁꠟꠣ। ꠔꠣꠁꠘ ꠘꠥꠘꠞ ꠙꠥꠀ ꠢꠥꠍꠤꠀꠞꠦ ꠁꠃꠍꠣ ꠇꠁꠀ ꠒꠣꠇꠤꠔꠣ।

ꠔꠃꠞꠣꠔ ৪: ꠡꠥꠝꠣꠞꠤ 13:3

ꠝꠣꠛꠥꠖꠞ ꠢꠥꠇꠥꠝ ꠙꠣꠁꠀ ꠝꠥꠍꠣꠄ ꠅꠟꠣꠃ ꠇꠞꠟꠣ। ꠔꠣꠁꠘ ꠚꠣꠞꠣꠘ ꠝꠞꠥꠜꠥꠝꠤ ꠕꠣꠇꠤ ꠎꠦꠞꠣꠞꠦ ꠙꠣꠑꠣꠁꠟꠣ, ꠄꠞꠣ ꠢꠇꠟꠃ ꠛꠘꠤ ꠁꠍꠞꠣꠁꠟꠞ ꠡꠞ꠆ꠖꠣꠞ।

ꠔꠃꠞꠣꠔ ৪: ꠡꠥꠝꠣꠞꠤ 32:8

ꠢꠥꠘꠅ, ꠀꠉꠦ ꠎꠦꠛꠟꠣ ꠅꠃ ꠖꠦꠡ ꠖꠦꠈꠣꠞ ꠟꠣꠉꠤ ꠔꠥꠝꠞꠣꠞ ꠛꠣꠚ-ꠖꠣꠖꠣꠁꠘꠞꠦ ꠀꠝꠤ ꠇꠣꠖꠦꠡ-ꠛꠞꠘꠦꠀ ꠕꠣꠇꠤ ꠙꠣꠑꠣꠁꠍꠟꠣꠝ, ꠢꠃ ꠡꠝꠄ ꠔꠣꠞꠣꠅ ꠅꠟꠣ ꠇꠞꠍꠟꠣ।

ꠔꠃꠞꠣꠔ ৪: ꠡꠥꠝꠣꠞꠤ 34:18

ꠎꠝꠤ-ꠎꠝꠣ ꠛꠣꠐꠤꠛꠣꠞ ꠇꠣꠟꠅ ꠡꠣꠁꠎ꠆ꠎ ꠇꠞꠣꠞ ꠟꠣꠉꠤ ꠙꠞꠔꠦꠇ ꠈꠣꠘ꠆ꠖꠣꠘꠅ ꠕꠣꠇꠤ ꠄꠇꠎꠘ ꠇꠞꠤ ꠡꠞ꠆ꠖꠣꠞ ꠘꠤꠛꠣꠄ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 1:15

ꠔꠦꠃ ꠀꠝꠤ ꠔꠥꠝꠞꠣꠞ ꠙꠞꠔꠦꠇ ꠈꠣꠘ꠆ꠖꠣꠘ ꠕꠣꠇꠤ ꠀꠈꠟꠖꠣꠞ, ꠛꠥꠖ꠆ꠖꠤꠝꠣꠘ ꠀꠞ ꠎꠣꠘꠞꠣ-ꠢꠥꠘꠞꠣ ꠎꠘꠞꠦ ꠘꠤꠀ ꠔꠥꠝꠞꠣꠞ ꠀꠎꠣꠞ ꠎꠘꠞ ꠃꠙꠞꠦ, ꠡ ꠎꠘꠞ ꠃꠙꠞꠦ, ꠙꠁꠘ꠆ꠌꠣꠡ ꠎꠘꠞ ꠃꠙꠞꠦ, ꠖꠡ ꠎꠘꠞ ꠃꠙꠞꠦ ꠡꠞ꠆ꠖꠣꠞ ꠛꠣꠘꠣꠁ ꠖꠤꠍꠟꠣꠝ, ꠀꠞ ꠅꠚꠤꠡꠣꠞ ꠛꠅꠀꠁꠟ ꠇꠞꠍꠟꠣꠝ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 9:23

ꠄꠞꠛꠣꠖꠦ ꠇꠣꠖꠦꠡ-ꠛꠞꠘꠦꠀ ꠕꠣꠇꠤ ꠞꠅꠀꠘꠣ ꠅꠀꠞ ꠇꠣꠟꠅ ꠝꠣꠛꠥꠖꠦ ꠎꠦꠛꠟꠣ ꠇꠁꠟꠣ, ꠀꠝꠤ ꠔꠥꠝꠞꠣꠞꠦ ꠀꠞꠣꠝꠞ ꠎꠦ ꠖꠦꠡ ꠖꠣꠘ ꠇꠞꠍꠤ, ꠔꠥꠝꠞꠣ ꠉꠤꠀ ꠅꠈꠣꠘ ꠖꠈꠟ ꠇꠞꠅ, ꠢꠃ ꠡꠝꠄꠅ ꠔꠥꠝꠞꠣ ꠘꠤꠎꠞ ꠝꠣꠛꠥꠖ ꠀꠟ꠆ꠟꠣꠞ ꠢꠥꠇꠥꠝꠞ ꠛꠤꠞꠥꠗꠤꠔꠣ ꠇꠞꠟꠣꠄ, ꠔꠣꠘꠞꠦ ꠝꠣꠘꠟꠣꠄ ꠘꠣ, ꠔꠣꠘ ꠇꠕꠣꠞꠦꠅ ꠄꠇꠤꠘ ꠇꠞꠟꠣꠄ ꠘꠣ।