ꠔꠃꠞꠣꠔ ৪: ꠡꠥꠝꠣꠞꠤ 12:8 - Siloṭi Asmani Kitab (Nagri lipi)

⁸ ꠀꠝꠤ ꠔꠣꠞ ꠟꠉꠦ ꠍꠣꠝꠘꠣ-ꠍꠣꠝꠘꠤ ꠅꠁꠀ ꠈꠥꠟꠣ-ꠈꠥꠟꠤ ꠛꠣꠔꠌꠤꠔ ꠇꠞꠤ, ꠇꠥꠘꠥꠔꠣ ꠛꠣꠔꠥꠘꠤ ꠞꠣꠈꠤ ꠘꠣ। ꠀꠝꠤ ꠝꠣꠛꠥꠖꠦ ꠎꠦ ꠍꠥꠞꠔꠦ ꠔꠣꠞꠦ ꠖꠤꠖꠣꠞ ꠖꠦꠁ, ꠢꠦ ꠀꠝꠣꠞꠦ ꠅꠟꠣ ꠖꠦꠈꠦ। ꠄꠞꠛꠣꠖꠦꠅ ꠔꠥꠝꠞꠣ ꠀꠝꠣꠞ ꠉꠥꠟꠣꠝ ꠝꠥꠍꠣꠞ ꠛꠤꠞꠥꠖ꠆ꠖꠦ ꠝꠣꠔꠤꠔꠦ ꠃꠛꠣꠁꠟꠣꠄ ꠘꠣ ꠘꠤ?”

ছিলটি আছমানি কিতাব (বাংলা লিপি)

⁸ আমি তার লগে ছামনা-ছামনি অইয়া খুলা-খুলি বাতচিত করি, কুনুতা বাতুনি রাখি না। আমি মাবুদে যে ছুরতে তারে দিদার দেই, হে আমারে অলা দেখে। এরবাদেও তুমরা আমার গুলাম মুছার বিরুদ্ধে মাতিতে ডরাইলায় না নি?”

Siloṭi Asmani Kitab (Latin lipi)

⁸ Ami tar loge samna-samni oia kula-kuli batchit ḳori, kunuta batuni raki na. Ami Mabude ze surote tare didar dei, he amare ola deḳe. Erbade-o tumra amar gulam Musar birudde matite ḍorailae na ni?”

ꠔꠃꠞꠣꠔ ৪: ꠡꠥꠝꠣꠞꠤ 12:8 Iomraidhean Croise

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 32:30

ꠅꠃ ꠁꠀꠇꠥꠛꠦ ꠁ ꠎꠣꠉꠣꠞ ꠘꠣꠝ ꠞꠣꠈꠟꠣ ꠙꠘꠥꠄꠟ [ꠝꠣꠘꠤ, ꠀꠟ꠆ꠟꠣꠞ ꠍꠥꠞꠔ]। ꠔꠣꠁꠘ ꠇꠁꠟꠣ, “ꠀꠝꠤ ꠀꠟ꠆ꠟꠣ ꠙꠣꠇꠞꠦ ꠝꠥꠈꠣꠝꠥꠈꠤ ꠖꠦꠈꠤꠀꠅ ꠎꠤꠘ꠆ꠖꠣ ꠞꠁꠍꠤ।”

ꠎꠛꠥꠞ ꠡꠞꠤꠚ 17:15

ꠅꠁꠟꠦ ꠀꠝꠤ ꠎꠣꠘꠥ ꠘꠤ-ꠅꠙꠞꠣꠗꠤ ꠞꠁ ꠔꠥꠝꠣꠞ ꠖꠞꠛꠣꠞꠅ, ꠢꠎꠣꠉ ꠅꠁꠀ ꠡ꠆ꠛꠣꠖ ꠝꠤꠐꠣꠁꠀ ꠞꠁꠝꠥ ꠔꠥꠝꠣꠞ ꠖꠤꠖꠣꠞꠅ॥

ꠔꠃꠞꠣꠔ ২: ꠢꠤꠎꠞꠔ 19:19

ꠡꠤꠋꠉꠣꠞ ꠀꠅꠀꠎ ꠀꠞꠅ ꠎꠥꠞꠦ ꠎꠥꠞꠦ ꠛꠣꠎꠤꠟ। ꠅꠃ ꠡꠝꠄ ꠝꠥꠍꠣꠄ ꠀꠟ꠆ꠟꠣꠞ ꠟꠉꠦ ꠝꠣꠔꠤꠟꠣ, ꠀꠞ ꠀꠟ꠆ꠟꠣꠄꠅ ꠘꠤꠎꠞ ꠀꠅꠀꠎꠖꠤ ꠝꠥꠍꠣꠞ ꠝꠣꠔꠞ ꠎꠥꠀꠙ ꠖꠤꠟꠣ।

ꠔꠃꠞꠣꠔ ২: ꠢꠤꠎꠞꠔ 20:4

“ꠙꠥꠎꠣ ꠇꠞꠣꠞ ꠈꠤꠀꠟꠦ ꠔꠥꠝꠞꠣ ꠇꠥꠘꠥ ꠝꠥꠞ꠆ꠔꠤ ꠛꠣꠘꠣꠁꠅ ꠘꠣ, ꠀꠍꠝꠣꠘ, ꠎꠝꠤꠘ ꠛꠣ ꠙꠣꠘꠤꠞ ꠔꠟꠦ ꠎꠔꠔꠣ ꠀꠍꠦ, ꠁꠔꠣ ꠇꠥꠘꠥꠔꠣꠞ ꠍꠥꠞꠔꠦ ꠝꠥꠞ꠆ꠔꠤ ꠛꠣꠘꠣꠁꠅ ꠘꠣ।

ꠔꠃꠞꠣꠔ ২: ꠢꠤꠎꠞꠔ 33:11

ꠇꠥꠘꠥ ꠝꠣꠘꠡꠦ ꠔꠣꠞ ꠖꠥꠡ꠆ꠔꠞ ꠟꠉꠦ ꠝꠥꠈꠣꠝꠥꠈꠤ ꠛꠁꠀ ꠎꠦꠟꠣ ꠛꠣꠔꠌꠤꠔ ꠇꠞꠦ, ꠝꠣꠛꠥꠖꠦꠅ ꠝꠥꠍꠣꠞ ꠟꠉꠦ ꠅꠃꠟꠣ ꠝꠥꠈꠣꠝꠥꠈꠤ ꠛꠣꠔꠌꠤꠔ ꠇꠞꠔꠣ। ꠛꠣꠖꠦ ꠝꠥꠍꠣ ꠇꠦꠝ꠆ꠙꠅ ꠚꠤꠞꠤꠀ ꠀꠁꠔꠣ, ꠅꠁꠟꠦ ꠔꠣꠘ ꠈꠣꠖꠤꠝ ꠘꠥꠘꠞ ꠙꠥꠀ ꠁꠃꠍꠣ ꠘꠣꠝꠞ ꠁ ꠎꠥꠀꠘ, ꠈꠣꠘꠦꠇꠣ ꠡꠞꠤꠚ ꠕꠣꠇꠤ ꠛꠣꠞ ꠅꠁꠔꠣ ꠘꠣ।

ꠔꠃꠞꠣꠔ ২: ꠢꠤꠎꠞꠔ 33:19

ꠝꠣꠛꠥꠖꠦ ꠇꠁꠟꠣ, “ꠀꠝꠤ ꠎꠣꠞꠦ ꠈꠥꠡꠤ ꠖꠄꠀ ꠇꠞꠝꠥ, ꠀꠞ ꠎꠣꠞꠦ ꠈꠥꠡꠤ ꠞꠢꠝ ꠇꠞꠝꠥ। ꠢꠥꠘꠅ, ꠔꠥꠝꠣꠞ ꠍꠣꠝꠘꠦꠖꠤ ꠀꠝꠤ ꠀꠝꠣꠞ ꠢꠇ꠆ꠇꠟ ꠘꠦꠇ ꠍꠥꠞꠔ ꠎꠣꠁꠞ ꠇꠞꠝꠥ। ‘ꠝꠣꠛꠥꠖ, ꠎꠦꠁꠘ ꠀꠍꠂꠘ’ ꠔꠥꠝꠣꠞ ꠍꠣꠝꠘꠦ ꠀꠝꠤ ꠀꠝꠣꠞ ꠅꠃ ꠘꠣꠝ ꠄꠟꠣꠘ ꠇꠞꠝꠥ।

ꠔꠃꠞꠣꠔ ২: ꠢꠤꠎꠞꠔ 33:23

ꠛꠣꠖꠦ ꠀꠝꠣꠞ ꠀꠔ ꠢꠞꠣꠁꠟꠦ, ꠔꠥꠝꠤ ꠀꠝꠣꠞ ꠈꠞ ꠉꠣꠟꠣ ꠖꠦꠈꠔꠣꠄ ꠙꠣꠞꠛꠣꠄ, ꠅꠁꠟꠦ ꠇꠦꠃ ꠀꠝꠣꠞ ꠝꠥꠈꠞ ꠖꠤꠖꠣꠞ ꠙꠣꠁꠔ ꠘꠣꠄ।”

ꠔꠃꠞꠣꠔ ২: ꠢꠤꠎꠞꠔ 34:30

ꠅꠃ ꠡꠝꠄ ꠢꠣꠞꠥꠘ ꠀꠞ ꠢꠇꠟ ꠛꠘꠤ ꠁꠍꠞꠣꠁꠟꠦ ꠝꠥꠍꠣꠞ ꠘꠥꠞꠣꠘꠤ ꠍꠥꠞꠔ ꠖꠦꠈꠟꠣ, ꠖꠦꠈꠤꠀ ꠔꠣꠞꠣ ꠇꠣꠍꠣꠔ ꠀꠁꠔꠦ ꠒꠞꠣꠁꠉꠦꠟꠣ।

ꠔꠃꠞꠣꠔ ৪: ꠡꠥꠝꠣꠞꠤ 14:14

ꠅꠈꠘ ꠝꠤꠡꠞꠤ ꠅꠇꠟꠦ ꠁ ꠖꠦꠡꠞ ꠝꠣꠘꠡꠞꠦꠅ ꠁꠔꠣ ꠎꠣꠘꠣꠁ ꠖꠤꠛꠣ। ꠔꠦ ꠅ ꠝꠣꠛꠥꠖ, ꠁꠘꠞ ꠝꠣꠘꠡꠦ ꠔ ꠄꠝꠘꠦꠃ ꠎꠣꠘꠤꠟꠤꠍꠂꠘ ꠎꠦꠘ, ꠛꠘꠤ ꠁꠍꠞꠣꠁꠟꠞ ꠟꠉꠦ ꠟꠉꠦ ꠔꠥꠝꠤ ꠀꠍ, ꠔꠥꠝꠣꠞꠦ ꠈꠥꠛ ꠗꠣꠞꠅ ꠕꠣꠇꠤ ꠖꠦꠈꠣ ꠎꠣꠄ। ꠔꠣꠞꠣ ꠢꠥꠘꠍꠂꠘ, ꠔꠥꠝꠣꠞ ꠘꠥꠞꠞ ꠝꠦꠊꠞ ꠍꠣꠄꠀ ꠄꠞꠣꠞ ꠃꠙꠞꠦ ꠀꠍꠦ, ꠔꠥꠝꠤ ꠖꠤꠘꠞ ꠛꠣꠟꠣ ꠝꠦꠊꠞ ꠈꠥꠐꠤ ꠀꠞ ꠞꠣꠁꠔ ꠅꠁꠟꠦ ꠀꠉꠥꠁꠘꠞ ꠈꠥꠐꠤꠞ ꠍꠥꠞꠔꠦ ꠄꠞꠣꠞ ꠀꠉꠦ ꠀꠉꠦ ꠞꠅ।

ꠔꠃꠞꠣꠔ ৪: ꠡꠥꠝꠣꠞꠤ 7:89

ꠄꠞꠛꠣꠖꠦ ꠝꠥꠍꠣ ꠘꠛꠤꠄ ꠎꠦꠛꠟꠣꠃ ꠝꠣꠛꠥꠖꠞ ꠟꠉꠦ ꠛꠣꠔꠌꠤꠔ ꠇꠞꠣꠞ ꠟꠣꠉꠤ ꠝꠤꠟꠘ-ꠔꠣꠝ꠆ꠛꠥꠔ ꠢꠣꠝꠣꠁꠔꠣ, ꠅꠃ ꠡꠝꠄ ꠡꠣꠢꠣꠖꠔ ꠡꠘ꠆ꠖꠥꠇꠞ ꠓꠣꠇꠘꠣꠞ ꠃꠙꠞꠦ ꠎꠦ ꠖꠥꠁꠅ ꠇꠣꠞꠥꠛꠤ ꠞꠂꠘ, ꠄꠞꠣꠞ ꠝꠣꠎꠈꠣꠘ ꠕꠣꠇꠤ ꠔꠣꠘ ꠛꠥꠟꠤ ꠢꠥꠘꠔꠣ। ꠝꠣꠛꠥꠖꠦ ꠅꠃ ꠘꠝꠥꠘꠣꠄ ꠝꠥꠍꠣ ꠘꠛꠤꠞ ꠟꠉꠦ ꠛꠣꠔꠌꠤꠔ ꠇꠞꠔꠣ।

ꠁꠘ꠆ꠎꠤꠟ ১: ꠝꠕꠤ 13:35

ꠁꠔꠣ ꠢꠇ꠆ꠇꠟꠔꠣ ꠅꠁꠟ, ꠎꠣꠔꠦ ꠘꠛꠤꠞ ꠝꠣꠎꠖꠤ ꠎꠦꠔꠣ ꠛꠣꠔꠣꠁꠟ ꠅꠁꠍꠤꠟ, ꠅꠔꠣ ꠅꠈꠘ ꠙꠥꠞꠣ ꠅꠄ, ꠔꠣꠟꠤꠝꠦ ꠜꠞꠣ ꠇꠤꠌ꠆ꠍꠣ ꠢꠥꠘꠣꠁ ꠢꠥꠘꠣꠁ ꠀꠝꠤ ꠝꠣꠔꠤꠝꠥ, ꠖꠥꠘꠤꠀꠞ ꠙꠄꠟꠣ ꠕꠣꠇꠤ ꠎꠔꠔꠣ ꠛꠣꠔꠥꠘꠤ ꠀꠍꠤꠟ, ꠅꠔꠣ ꠅꠈꠘ ꠈꠥꠟꠝꠥ।

Injil 3: Luk 10:16

“ꠔꠥꠝꠞꠣ ꠝꠘꠅ ꠞꠣꠈꠤꠅ, ꠎꠦꠞꠣ ꠔꠥꠝꠞꠣꠞ ꠇꠕꠣ ꠝꠣꠘꠦ, ꠔꠣꠞꠣ ꠀꠍꠟꠦ ꠀꠝꠣꠞ ꠇꠕꠣꠃ ꠝꠣꠘꠦ। ꠀꠞ ꠎꠦꠞꠣ ꠔꠥꠝꠞꠣꠞꠦ ꠝꠣꠘꠦ ꠘꠣ, ꠔꠣꠞꠣ ꠀꠝꠣꠞꠦꠅ ꠝꠣꠘꠦ ꠘꠣ। ꠎꠦꠞꠣ ꠀꠝꠣꠞꠦ ꠝꠣꠘꠦ ꠘꠣ, ꠔꠣꠞꠣ ꠀꠍꠟꠦ ꠢꠃ ꠀꠟ꠆ꠟꠣꠞꠦꠅ ꠝꠣꠘꠦ ꠘꠣ, ꠎꠦꠁꠘ ꠀꠝꠣꠞꠦ ꠛꠦꠎꠤꠍꠂꠘ।”

Injil 4: Hannan 1:18

ꠀꠟ꠆ꠟꠣꠞꠦ ꠔ ꠇꠦꠃ ꠇꠥꠘꠥꠖꠤꠘ ꠖꠦꠈꠍꠦ ꠘꠣ। ꠔꠣꠘ ꠟꠉꠦ ꠞꠅꠞꠣ ꠢꠃ ꠄꠇꠝꠣꠔ꠆ꠞ ꠙꠥꠔ, ꠝꠣꠘꠤ ꠔꠣꠘ ꠈꠣꠍ ꠝꠣꠄꠀꠞ ꠎꠘ, ꠎꠦꠁꠘ ꠡ꠆ꠛꠄꠅꠋ ꠝꠃꠟꠣ, ꠔꠣꠁꠘꠃ ꠀꠟ꠆ꠟꠣꠞꠦ ꠎꠣꠁꠞ ꠇꠞꠍꠂꠘ।

Injil 4: Hannan 15:15

ꠀꠝꠤ ꠔꠥꠝꠞꠣꠞꠦ ꠀꠞ ꠉꠥꠟꠣꠝ ꠇꠁꠞꠣꠝ ꠘꠣ, ꠇꠣꠞꠘ ꠝꠥꠘꠤꠛꠦ ꠇꠤꠔꠣ ꠇꠞꠂꠘ ꠉꠥꠟꠣꠝꠦ ꠔ ꠁꠔꠣ ꠎꠣꠘꠦ ꠘꠣ, ꠛꠞꠋ ꠀꠝꠤ ꠔꠥꠝꠞꠣꠞꠦ ꠖꠥꠡ꠆ꠔ ꠇꠁꠍꠤ, ꠇꠣꠞꠘ ꠉꠣꠁꠛꠤ ꠛꠣꠚꠞ ꠉꠦꠍ ꠕꠣꠇꠤ ꠀꠝꠤ ꠎꠔꠔꠣ ꠢꠥꠘꠍꠤ, ꠢꠇꠟꠔꠣꠃ ꠔꠥꠝꠞꠣꠞꠦ ꠎꠣꠘꠣꠁꠍꠤ।

Injil 4: Hannan 15:24

ꠢꠥꠘꠅ, ꠎꠦꠔꠣ ꠇꠦꠞꠣꠝꠔꠤ ꠇꠦꠃ ꠇꠥꠘꠥꠖꠤꠘ ꠖꠦꠈꠣꠁꠍꠦ ꠘꠣ, ꠅꠔꠣ ꠇꠦꠞꠣꠝꠔꠤ ꠎꠥꠖꠤ ꠀꠝꠤ ꠘꠣ ꠖꠦꠈꠣꠁꠔꠣꠝ, ꠔꠦ ꠔꠣꠞꠣ ꠉꠥꠘꠣꠉꠣꠞ ꠅꠁꠟ ꠘꠣ ꠅꠘꠦ। ꠅꠁꠟꠦ ꠔꠣꠞꠣ ꠔ ꠀꠝꠣꠞꠦ ꠀꠞ ꠀꠝꠣꠞ ꠉꠣꠁꠛꠤ ꠛꠣꠚꠞꠦ ꠖꠦꠈꠍꠦ, ꠖꠦꠈꠤꠀꠅ ꠊꠤꠘ꠆ꠘꠣꠁꠍꠦ।

Injil 7: 1-Korintia 13:12

ꠅꠈꠘ ꠔ ꠀꠝꠞꠣ ꠏꠣꠙꠡꠣ ꠀꠄꠘꠣꠞ ꠝꠣꠎꠦ ꠢꠇꠟꠔꠣ ꠙꠞꠤꠡ꠆ꠇꠣꠞ ꠖꠦꠈꠞꠣꠝ ꠘꠣ, ꠛꠣꠖꠦ ꠢꠃ ꠡꠥꠟ꠆ꠟꠀꠘꠣ ꠅꠀꠞ ꠡꠝꠄ ꠀꠁꠟꠦ ꠀꠝꠞꠣ ꠢꠇꠟꠔꠣ ꠍꠣꠝꠘꠣ-ꠍꠣꠝꠘꠤ ꠖꠦꠈꠝꠥ। ꠅꠈꠘ ꠀꠝꠤ ꠢꠇ꠆ꠇꠟꠔꠣ ꠙꠥꠞꠣꠙꠥꠞ ꠎꠣꠘꠤ ꠘꠣ, ꠢꠃ ꠡꠝꠄ ꠀꠁꠟꠦ ꠀꠝꠤ ꠢꠇꠟꠔꠣ ꠙꠥꠞꠣꠙꠥꠞ ꠎꠣꠘꠝꠥ, ꠀꠟ꠆ꠟꠣꠄ ꠀꠝꠣꠞꠦ ꠎꠦꠟꠣ ꠙꠥꠞꠣꠙꠥꠞ ꠌꠤꠘꠂꠘ, ꠅꠟꠣ ꠀꠝꠤꠅ ꠢꠇꠟꠔꠣ ꠎꠣꠘꠝꠥ।

Injil 8: 2-Korintia 3:18

ꠀꠄꠘꠣꠞ ꠍꠣꠝꠘꠦ ꠎꠦꠟꠣ ꠙꠞ꠆ꠖꠣ ꠍꠣꠠꠣ ꠝꠥꠈ ꠡꠞꠣꠡꠞꠤ ꠖꠦꠈꠣ ꠎꠣꠄ, ꠅꠃꠟꠣ ꠀꠝꠞꠣ ꠢꠇꠟꠃ ꠀꠟ-ꠝꠍꠤꠞ ꠘꠥꠞꠣꠘꠤ ꠝꠢꠤꠝꠣ ꠖꠦꠈꠤ ꠖꠦꠈꠤ ꠀꠞꠅ ꠛꠦꠡꠤ ꠝꠢꠤꠝꠣ-ꠀꠟꠣ ꠛꠘꠤꠀ ꠔꠣꠘ ꠟꠣꠈꠣꠘ ꠝꠢꠤꠝꠣ-ꠀꠟꠣ ꠅꠁꠞꠣꠝ। ꠀꠝꠞꠣꠞ ꠝꠣꠟꠤꠇ ꠁꠍꠣ, ꠝꠣꠘꠤ ꠙꠣꠇ ꠞꠥꠢꠥꠞ ꠇꠥꠖꠞꠔꠤ ꠛꠟꠦꠃ ꠁꠟꠣ ꠅꠞ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 18:15

ꠔꠥꠝꠞꠣꠞ ꠝꠣꠛꠥꠖ ꠀꠟ꠆ꠟꠣꠄ ꠔꠥꠝꠞꠣꠞ ꠡꠝꠣꠎ ꠕꠣꠇꠤ, ꠔꠥꠝꠞꠣꠞ ꠜꠣꠁꠀꠁꠘ꠆ꠔꠞ ꠝꠣꠎ ꠕꠣꠇꠤ, ꠀꠝꠣꠞ ꠟꠣꠈꠣꠘ ꠄꠇꠎꠘ ꠘꠛꠤ ꠙꠣꠑꠣꠁꠛꠣ, ꠔꠥꠝꠞꠣ ꠢꠇꠟ ꠄꠘ ꠢꠥꠇꠥꠝꠦ ꠌꠟꠔꠦ ꠅꠁꠛ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 34:10

ꠢꠎꠞꠔ ꠝꠥꠍꠣꠞ ꠟꠣꠈꠣꠘ ꠁꠟꠣ ꠇꠥꠘꠥ ꠘꠛꠤ ꠅꠈꠘ ꠙꠞ꠆ꠎꠘ꠆ꠔ ꠛꠘꠤ ꠁꠍꠞꠣꠁꠟꠞ ꠝꠣꠎꠦ ꠎꠘꠝ ꠟꠁꠍꠂꠘ ꠘꠣ, ꠎꠣꠘ ꠟꠉꠦ ꠝꠣꠛꠥꠖꠦ ꠍꠣꠝꠘꠣ-ꠍꠣꠝꠘꠤ ꠅꠁꠀ ꠛꠣꠔꠌꠤꠔ ꠇꠞꠔꠣ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 4:15

“ꠝꠣꠛꠥꠖꠦ ꠎꠦꠛꠟꠣ ꠘꠥꠞꠞ ꠀꠉꠥꠘꠤꠞ ꠝꠣꠎ ꠕꠣꠇꠤ ꠔꠥꠞ ꠙꠣꠠꠅ ꠔꠥꠝꠞꠣꠞ ꠟꠉꠦ ꠛꠣꠔꠌꠤꠔ ꠇꠞꠍꠟꠣ, ꠢꠃ ꠖꠤꠘ ꠔ ꠔꠥꠝꠞꠣ ꠔꠣꠘ ꠇꠥꠘꠥ ꠍꠥꠞꠔ-ꠀꠇꠣꠞ ꠖꠦꠈꠍ ꠘꠣ। ꠄꠞꠟꠣꠉꠤ ꠔꠥꠝꠞꠣ ꠘꠤꠎꠞ ꠛꠦꠙꠣꠞꠦ ꠈꠥꠛ ꠢꠥꠡꠤꠀꠞ ꠞꠁꠅ

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 5:8

“ꠙꠥꠎꠣ ꠇꠞꠣꠞ ꠈꠤꠀꠟꠦ ꠔꠥꠝꠞꠣ ꠇꠥꠘꠥ ꠝꠥꠞ꠆ꠔꠤ ꠛꠣꠘꠣꠁꠅ ꠘꠣ, ꠀꠍꠝꠣꠘ, ꠎꠝꠤꠘ ꠛꠣ ꠙꠣꠘꠤꠞ ꠔꠟꠦ ꠎꠔꠔꠣ ꠀꠍꠦ, ꠁꠔꠣ ꠇꠥꠘꠥꠔꠣꠞ ꠍꠥꠞꠔꠦ ꠝꠥꠞ꠆ꠔꠤ ꠛꠣꠘꠣꠁꠅ ꠘꠣ।

Injil 12: Kolosia 1:15

ꠅꠃ ꠝꠣꠄꠀꠞ ꠎꠘꠃ ꠅꠁꠟꠣ, ꠛꠣꠔꠥꠘꠤ ꠀꠟ꠆ꠟꠣꠞ ꠎꠣꠁꠞꠤ ꠍꠥꠞꠔ; ꠢꠇ꠆ꠇꠟꠔꠣ ꠙꠄꠖꠣ ꠇꠞꠣꠞ ꠀꠉꠦ ꠔꠣꠁꠘ ꠀꠍꠟꠣ, ꠀꠞ ꠙꠄꠖꠣ ꠅꠀ ꠢꠇ꠆ꠇꠟꠔꠣꠞ ꠝꠣꠎꠦ ꠔꠣꠁꠘꠃ ꠙꠞꠗꠣꠘ।

ইঞ্জিল ১৩: ১-থিষল: 4:8

ꠄꠞꠟꠣꠉꠤ ꠎꠦꠉꠤꠄ ꠁ ꠔꠣꠟꠤꠝ ꠝꠣꠘꠦ ꠘꠣ, ꠢꠦ ꠈꠣꠟꠤ ꠖꠥꠘꠤꠀꠞ ꠝꠣꠘꠡꠞꠦ ꠝꠣꠘꠦ ꠘꠣ ꠁꠈꠣꠘ ꠘꠣꠄ, ꠢꠦ ꠀꠍꠟꠦ ꠢꠃ ꠀꠟ꠆ꠟꠣꠞꠦꠃ ꠝꠣꠘꠦꠞ ꠘꠣ, ꠎꠦꠁꠘ ꠔꠥꠝꠞꠣꠞꠦ ꠙꠣꠇ ꠞꠥꠢꠥ ꠖꠣꠘ ꠇꠞꠍꠂꠘ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 6:16

ꠈꠣꠟꠤ ꠀꠟ꠆ꠟꠣ ꠙꠣꠇꠞꠦꠃ ꠝꠃꠔꠦ ꠇꠛꠎꠣ ꠇꠞꠔ ꠙꠣꠞꠦ ꠘꠣ। ꠔꠣꠁꠘ ꠅꠟꠣ ꠄꠇ ꠘꠥꠞꠞ ꠚꠞꠅ ꠛꠡꠔ ꠇꠞꠂꠘ, ꠢꠤꠘꠅ ꠇꠥꠘꠥ ꠀꠖꠝ ꠎꠣꠔ ꠎꠣꠁꠔ ꠙꠣꠞꠦ ꠘꠣ। ꠇꠥꠘꠥ ꠀꠖꠝꠦ ꠇꠥꠘꠥꠖꠤꠘ ꠔꠣꠘꠞꠦ ꠖꠦꠈꠍꠦꠅ ꠘꠣ, ꠖꠦꠈꠣꠞ ꠔꠣꠇ꠆ꠇꠔꠅ ꠘꠣꠁ। ꠁꠎ꠆ꠎꠔ ꠀꠞ ꠈꠦꠝꠔꠣ ꠌꠤꠞꠇꠣꠟ ꠈꠣꠟꠤ ꠔꠣꠘꠃ। ꠀꠝꠤꠘ।

Injil 19: Ibrani 1:1

ꠀꠟ꠆ꠟꠣ ꠙꠣꠇꠦ ꠀꠉꠞ ꠎꠝꠣꠘꠣꠔ ꠘꠣꠘꠣꠘ ꠘꠝꠥꠘꠣꠄ ꠘꠛꠤ ꠅꠇꠟꠞ ꠝꠣꠎꠖꠤꠀ ꠀꠝꠞꠣꠞ ꠝꠄ-ꠝꠥꠞꠛ꠆ꠛꠤ ꠅꠇꠟꠞ ꠉꠦꠍꠦ ꠐꠥꠇꠞꠣ ꠐꠥꠇꠞꠣ ꠇꠞꠤ ꠅꠢꠤ ꠛꠦꠎꠤꠍꠂꠘ,

Injil 19: Ibrani 1:3

ꠄꠁꠘꠃ ꠅꠁꠟꠣ ꠀꠟ꠆ꠟꠣꠞ ꠡꠣꠘ-ꠔꠎꠟ꠆ꠟꠤꠞ ꠘꠥꠞ, ꠔꠣꠘ ꠝꠣꠎꠖꠤꠀꠃ ꠀꠟ꠆ꠟꠣ ꠙꠣꠇꠦ ꠘꠤꠎꠞꠦ ꠎꠣꠁꠞ ꠇꠞꠍꠂꠘ। ꠅꠃ ꠝꠣꠄꠀꠞ ꠙꠥꠔ ꠇꠟꠤꠝꠣꠔꠥꠟ꠆ꠟꠣꠞ ꠢꠥꠇꠥꠝꠞ ꠛꠟꠦ, ꠔꠣꠝꠣꠝ ꠎꠉꠔꠞ ꠢꠇ꠆ꠇꠟꠔꠣ ꠌꠟꠦ। ꠔꠣꠁꠘ ꠖꠥꠘꠤꠀꠞ ꠝꠣꠘꠡꠞ ꠉꠥꠘꠣꠞꠦ ꠗꠁꠀ ꠍꠣꠚ ꠇꠞꠤꠀ, ꠀꠞꠡꠦ-ꠀꠎꠤꠝꠅ ꠀꠟ꠆ꠟꠣꠞ ꠒꠣꠁꠘꠞ ꠔꠈ꠆ꠔꠅ ꠔꠡꠞꠤꠚ ꠞꠣꠈꠍꠂꠘ।

Injil 26: Ehuda 1:8

ꠄꠞꠛꠣꠖꠦꠅ ꠅꠃ ꠜꠘ꠆ꠒ ꠃꠡ꠆ꠔꠣꠖ ꠅꠇꠟ, ꠎꠦꠔꠣꠄ ꠛꠣꠎꠦ ꠈꠥꠀꠛ ꠖꠦꠈꠤ ꠖꠦꠈꠤ ꠔꠣꠟꠤꠝ ꠖꠦꠁꠘ, ꠔꠣꠞꠣ ꠈꠛꠤꠍꠤ ꠇꠣꠝ ꠇꠞꠂꠘ, ꠇꠥꠘꠥꠎꠣꠔ ꠡꠣꠡꠘ ꠝꠣꠘꠂꠘ ꠘꠣ, ꠀꠞ ꠛꠣꠔꠥꠘꠤ ꠡꠞ꠆ꠖꠣꠞ ꠅꠇꠟꠞ ꠛꠖꠘꠣꠝ ꠉꠣꠁꠘ।