ꠔꠃꠞꠣꠔ ৪: ꠡꠥꠝꠣꠞꠤ 12:6 - Siloṭi Asmani Kitab (Nagri lipi)

⁶ ꠝꠣꠛꠥꠖꠦ ꠇꠁꠟꠣ, “ꠔꠥꠝꠞꠣ ꠀꠝꠣꠞ ꠇꠕꠣ ꠢꠥꠘꠅ। ꠔꠥꠝꠞꠣꠞ ꠝꠣꠎꠦ ꠇꠥꠘꠥ ꠙꠤꠞ-ꠖꠞꠛꠦꠡ ꠕꠣꠇꠟꠦ, ꠀꠝꠤ ꠝꠣꠛꠥꠖꠦ ꠖꠞꠡꠘꠞ ꠝꠣꠎꠖꠤ ꠀꠝꠣꠞ ꠘꠤꠎꠞꠦ ꠔꠣꠞ ꠉꠦꠍꠦ ꠎꠣꠁꠞ ꠇꠞꠤ ꠀꠞ ꠈꠥꠀꠛꠦ ꠔꠣꠞ ꠟꠉꠦ ꠛꠣꠔꠌꠤꠔ ꠇꠞꠤ।

ছিলটি আছমানি কিতাব (বাংলা লিপি)

⁶ মাবুদে কইলা, “তুমরা আমার কথা হুনো। তুমরার মাজে কুনু পীর-দরবেশ থাকলে, আমি মাবুদে দরশনর মাজদি আমার নিজরে তার গেছে জাইর করি আর খোয়াবে তার লগে বাতচিত করি।

Siloṭi Asmani Kitab (Latin lipi)

⁶ Mabude ḳoila, “Tumra amar ḳota huno. Tumrar maze kunu pir-dorbesh taḳle, ami Mabude doroshonor mazdi amar nizore tar gese zair ḳori ar kuabe tar loge batchit ḳori.

ꠔꠃꠞꠣꠔ ৪: ꠡꠥꠝꠣꠞꠤ 12:6 Iomraidhean Croise

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 15:1

ꠅꠔꠣ ꠊꠐꠘꠣ ꠅꠇꠟꠞ ꠛꠣꠖꠦ ꠅꠢꠤꠞ ꠝꠣꠎꠦ ꠝꠣꠛꠥꠖꠞ ꠇꠣꠟꠣꠝ ꠀꠛ꠆ꠞꠣꠝꠞ ꠉꠦꠍꠦ ꠘꠣꠎꠤꠟ ꠅꠁꠟ। ꠔꠣꠁꠘ ꠇꠁꠟꠣ, “ꠅ ꠀꠛ꠆ꠞꠣꠝ, ꠒꠞꠣꠁꠅ ꠘꠣ, ꠀꠝꠤꠃ ꠔꠥꠝꠣꠞ ꠢꠦꠚꠣꠎꠔꠇꠣꠞꠤ, ꠔꠥꠝꠣꠞ ꠛꠃꠔ ꠛꠠ ꠙꠥꠞꠥꠡ꠆ꠇꠣꠞ।”

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 20:7

ꠅꠈꠘ ꠔꠥꠝꠤ ꠔꠣꠘ ꠛꠤꠛꠤꠞꠦ ꠔꠣꠘ ꠉꠦꠍꠦ ꠚꠤꠞꠔ ꠖꠤꠟꠣꠅ। ꠔꠣꠁꠘ ꠄꠇꠎꠘ ꠘꠛꠤ। ꠔꠣꠁꠘ ꠔꠥꠝꠣꠞ ꠟꠣꠉꠤ ꠖꠥꠀ ꠇꠞꠛꠣ, ꠔꠦꠃ ꠔꠥꠝꠣꠞ ꠎꠣꠘ ꠛꠣꠌꠛ। ꠀꠞ ꠎꠥꠖꠤ ꠔꠣꠁꠞꠦ ꠚꠤꠞꠔ ꠘꠣ ꠖꠦꠅ, ꠔꠦ ꠎꠣꠘꠤꠟꠤꠅ, ꠔꠥꠝꠤ ꠀꠞ ꠔꠥꠝꠣꠞ ꠢꠇꠟꠃ ꠘꠤꠌꠄ ꠝꠞꠛꠣꠄ।”

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 28:12

ꠢꠥꠔꠤꠀ ꠢꠣꠞꠟꠦ ꠈꠥꠀꠛꠦ ꠖꠦꠈꠟꠣ, ꠖꠥꠘꠤꠀꠁꠞ ꠃꠙꠞꠦ ꠄꠇꠈꠣꠘ ꠝꠁ ꠃꠛꠣꠁ ꠞꠁꠍꠦ, ꠁ ꠝꠁꠞ ꠝꠣꠕꠣ ꠀꠍꠝꠣꠘꠅ ꠟꠣꠉꠣꠁꠟ। ꠔꠣꠁꠘ ꠖꠦꠈꠟꠣ ꠀꠟ꠆ꠟꠣꠞ ꠚꠤꠞꠤꠡ꠆ꠔꠣ ꠅꠇꠟꠦ ꠅꠉꠥꠛꠣꠄ ꠃꠑꠣ-ꠘꠣꠝꠣ ꠇꠞꠞꠣ,

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 28:16

ꠛꠣꠖꠦ ꠁꠀꠇꠥꠛꠦ ꠊꠥꠝ ꠕꠣꠇꠤ ꠃꠑꠤꠀ ꠇꠁꠟꠣ, “ꠔꠣꠁꠟꠦ ꠢꠣꠍꠣꠃ ꠝꠣꠛꠥꠖ ꠁꠘꠅ ꠀꠍꠂꠘ, ꠀꠝꠤ ꠔ ꠎꠣꠘꠔꠣꠝ ꠘꠣ।”

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 37:5

ꠁꠃꠍꠥꠚꠦ ꠄꠇ ꠈꠥꠀꠛ ꠖꠦꠈꠤꠀ ꠔꠣꠘ ꠜꠣꠁꠀꠁꠘ꠆ꠔꠞꠦ ꠢꠥꠘꠣꠁꠟꠣ, ꠔꠦꠃ ꠔꠣꠞꠣ ꠀꠞꠅ ꠛꠦꠡꠤ ꠊꠤꠘ꠆ꠘꠣꠁꠟꠣ।

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 37:9

ꠁꠃꠍꠥꠚꠦ ꠢꠤꠞꠛꠣꠞ ꠄꠇ ꠈꠥꠀꠛ ꠖꠦꠈꠤꠀ ꠔꠣꠘ ꠜꠣꠁꠀꠁꠘ꠆ꠔꠞꠦ ꠢꠥꠘꠣꠁꠟꠣ। ꠔꠣꠁꠘ ꠇꠁꠟꠣ, “ꠢꠥꠘꠅ, ꠀꠝꠤ ꠢꠤꠞꠛꠣꠞ ꠈꠥꠀꠛꠦ ꠖꠦꠈꠍꠤ, ꠌꠣꠘ-ꠡꠥꠞꠥꠎ ꠀꠞ ꠄꠉꠣꠞꠅꠐꠣ ꠔꠦꠞꠣꠄ ꠀꠝꠣꠞꠦ ꠍꠁꠎꠖꠣ ꠇꠞꠦꠞ।”

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 46:2

ꠛꠣꠖꠦ ꠞꠣꠁꠔꠞ ꠛꠣꠟꠣ ꠀꠟ꠆ꠟꠣꠄ ꠁꠍꠞꠣꠁꠟꠞꠦ ꠖꠤꠖꠣꠞ ꠖꠤꠀ ꠇꠁꠟꠣ, “ꠅ ꠁꠀꠇꠥꠛ, ꠁꠀꠇꠥꠛ!” ꠔꠣꠁꠘ ꠎꠥꠀꠙ ꠖꠤꠟꠣ, “ꠅꠃꠘꠥ ꠀꠝꠤ।”

ꠔꠃꠞꠣꠔ ২: ꠢꠤꠎꠞꠔ 7:1

ꠅꠃ ꠝꠣꠛꠥꠖꠦ ꠝꠥꠍꠣꠞꠦ ꠇꠁꠟꠣ “ꠢꠥꠘꠅ, ꠀꠝꠤ ꠚꠦꠞꠣꠃꠘꠞ ꠉꠦꠍꠦ ꠔꠥꠝꠣꠞꠦ ꠀꠟ꠆ꠟꠣꠞ ꠟꠣꠈꠣꠘ ꠛꠣꠘꠣꠁꠝꠥ। ꠀꠞ ꠔꠥꠝꠣꠞ ꠜꠣꠁ ꠢꠣꠞꠥꠘꠞꠦ ꠛꠣꠘꠣꠁꠝꠥ ꠔꠥꠝꠣꠞ ꠘꠛꠤ।

ꠔꠃꠞꠣꠔ ৪: ꠡꠥꠝꠣꠞꠤ 24:4

ꠎꠦ ꠎꠘꠦ ꠀꠟ꠆ꠟꠣꠞ ꠇꠣꠟꠣꠝ ꠢꠥꠘꠞꠣ, ꠡꠞ꠆ꠛ-ꠡꠇ꠆ꠔꠤꠝꠣꠘꠞ ꠖꠤꠖꠣꠞ ꠙꠣꠁꠞꠣ, ꠎꠦꠁꠘ ꠍꠁꠎꠖꠣꠔ ꠙꠠꠤꠀ ꠛꠣꠔꠥꠘꠤ ꠈꠛꠞ ꠖꠦꠈꠂꠘ, ꠄꠁꠘ ꠅꠈꠣꠘ ꠇꠁꠞꠣ।

ꠁꠘ꠆ꠎꠤꠟ ১: ꠝꠕꠤ 1:20

ꠔꠣꠁꠘ ꠎꠦꠛꠟꠣ ꠅꠟꠣꠈꠣꠘ ꠌꠤꠘ꠆ꠔꠣ ꠇꠞꠞꠣ, ꠅꠃ ꠡꠝꠄ ꠝꠣꠛꠥꠖꠞ ꠄꠇ ꠚꠤꠞꠤꠡ꠆ꠔꠣꠄ ꠈꠥꠀꠛꠞ ꠝꠣꠎꠦ ꠔꠣꠘꠞꠦ ꠖꠞꠡꠘ ꠖꠤꠀ ꠇꠁꠟꠣ, “ꠅ ꠁꠃꠍꠥꠚ ꠛꠤꠘ ꠖꠣꠃꠖ, ꠔꠥꠝꠤ ꠝꠞꠤꠅꠝꠞꠦ ꠡꠣꠖꠤ ꠇꠞꠔꠦ ꠒꠞꠣꠁꠅ ꠘꠣ। ꠔꠣꠘ ꠙꠦꠐꠅ ꠎꠦ ꠢꠥꠞꠥꠔ꠆ꠔꠣ ꠀꠁꠍꠦ, ꠁꠔꠣ ꠔ ꠙꠣꠇ ꠞꠥꠢꠥꠞ ꠇꠥꠖꠞꠔꠤ ꠛꠟꠦꠃ ꠅꠁꠍꠦ। ꠔꠣꠘ ꠊꠞꠅ ꠄꠇ ꠙꠥꠀꠄ ꠎꠘꠝ ꠟꠁꠛꠣ।

ꠁꠘ꠆ꠎꠤꠟ ১: ꠝꠕꠤ 2:19

ꠛꠣꠖꠦ ꠞꠣꠎꠣ ꠢꠦꠞꠥꠖ ꠝꠞꠤꠀ ꠢꠣꠞꠟꠦ ꠝꠣꠛꠥꠖꠞ ꠄꠇ ꠚꠤꠞꠤꠡ꠆ꠔꠣ ꠀꠁꠀ, ꠝꠤꠡꠞ ꠖꠦꠡꠅ ꠁꠃꠍꠥꠚꠞꠦ ꠈꠥꠀꠛꠞ ꠝꠣꠎꠦ ꠇꠁꠟꠣ,

ꠁꠘ꠆ꠎꠤꠟ ১: ꠝꠕꠤ 23:31

ꠅꠃ ꠝꠣꠔꠦ ꠔꠥꠝꠞꠣ ꠙꠞꠝꠣꠘ ꠖꠤꠞꠣꠄ, ꠘꠛꠤ ꠅꠇꠟꠞꠦ ꠎꠦꠔꠣꠄ ꠎꠣꠘꠦ ꠝꠣꠞꠍꠟꠣ, ꠅꠔꠣꠞ ꠛꠋꠡꠗꠞꠃ ꠔꠥꠝꠞꠣ।

ꠁꠘ꠆ꠎꠤꠟ ১: ꠝꠕꠤ 23:34

ꠄꠞꠟꠣꠉꠤ ꠀꠝꠤ ꠔꠥꠝꠞꠣꠞ ꠉꠦꠍꠦ ꠘꠛꠤ-ꠞꠍꠥꠟ, ꠀꠞ ꠀꠟꠤꠝ-ꠃꠟꠣꠝꠣ ꠙꠣꠑꠣꠁꠀꠞ। ꠄꠞꠣꠞ ꠝꠣꠎꠞ ꠇꠄꠎꠘꠞꠦ ꠔꠥꠝꠞꠣ ꠎꠣꠘꠦ ꠝꠣꠞꠤꠟꠤꠛꠣꠄ, ꠇꠄꠎꠘꠞꠦ ꠖꠥꠈ-ꠇꠡ꠆ꠐꠞ ꠍꠟꠤꠛꠅ ꠟꠐꠇꠣꠁꠀ ꠝꠣꠞꠛꠣꠄ। ꠀꠞ ꠇꠄꠎꠘꠞꠦ ꠔꠥꠝꠞꠣꠞ ꠝꠍꠤꠖꠅ ꠢꠣꠞꠣꠁꠀ ꠌꠣꠛꠥꠇ ꠝꠣꠞꠤꠀ, ꠄꠇ ꠉꠣꠃ ꠕꠣꠇꠤ ꠀꠞꠇ ꠉꠣꠃꠔ ꠈꠦꠖꠣꠁꠀ ꠘꠤꠛꠣꠄ।

ꠁꠘ꠆ꠎꠤꠟ ১: ꠝꠕꠤ 23:37

“ꠎꠦꠞꠥꠎꠣꠟꠦꠝ! ꠢꠣꠄꠞꠦ ꠎꠦꠞꠥꠎꠣꠟꠦꠝ ꠐꠣꠃꠘ! ꠔꠥꠝꠤ ꠘꠛꠤ ꠅꠇꠟꠞꠦ ꠎꠣꠘꠦ ꠝꠣꠞꠅ, ꠔꠥꠝꠣꠞ ꠉꠦꠍꠦ ꠎꠣꠞꠣꠞꠦ ꠙꠣꠑꠣꠁꠟ ꠅꠄ, ꠔꠥꠝꠤ ꠔꠣꠞꠣꠞꠦ ꠙꠣꠔ꠆ꠔꠞ ꠝꠣꠞꠅ। ꠝꠥꠞꠉꠤꠄ ꠎꠦꠟꠣ ꠔꠣꠁꠞ ꠛꠣꠁꠌ꠆ꠌꠣꠞꠦ ꠒꠣꠈꠘꠣꠞ ꠔꠟꠦ ꠀꠡꠞꠄ ꠖꠦꠄ, ꠀꠝꠤꠅ ꠅꠃꠟꠣ ꠔꠥꠝꠣꠞ ꠝꠣꠘꠡꠞꠦ ꠀꠡꠞꠄ ꠖꠤꠔꠣꠝ ꠌꠣꠁꠍꠤ, ꠅꠁꠟꠦ ꠔꠣꠞꠣ ꠢꠥꠘꠟꠣ ꠘꠣ।

ꠁꠘ꠆ꠎꠤꠟ ১: ꠝꠕꠤ 27:19

ꠙꠤꠟꠣꠔ ꠎꠦꠛꠟꠣ ꠢꠣꠇꠤꠝꠞ ꠀꠡꠘꠅ ꠛꠅꠀꠔ, ꠅꠃ ꠡꠝꠄ ꠔꠣꠘ ꠛꠤꠛꠤꠄ ꠈꠛꠞ ꠙꠣꠑꠣꠁꠀ ꠎꠣꠘꠣꠁꠟꠣ, “ꠅꠃ ꠘꠤꠅꠙꠞꠣꠗ ꠝꠣꠘꠡꠞꠦ ꠔꠥꠝꠤ ꠇꠥꠘ꠆ꠔꠣ ꠇꠞꠤꠅ ꠘꠣ, ꠔꠣꠘ ꠛꠦꠙꠣꠞꠦ ꠀꠝꠤ ꠀꠁꠎ ꠄꠇꠐꠣ ꠈꠥꠀꠛ ꠖꠦꠈꠤꠀ ꠛꠠ ꠖꠥꠈ ꠟꠣꠉꠍꠦ।”

Injil 3: Luk 1:11

ꠀꠈꠔꠣꠃ ꠀꠉꠞ-ꠈꠥꠡꠛꠄ ꠎꠣꠟꠣꠘꠤꠞ ꠐꠦꠛꠥꠟꠞ ꠒꠣꠁꠘꠦꠖꠤ ꠀꠟ꠆ꠟꠣꠞ ꠄꠇꠎꠘ ꠚꠤꠞꠤꠡ꠆ꠔꠣꠄ ꠔꠣꠘꠞꠦ ꠖꠞꠡꠘ ꠖꠤꠟꠣ।

Injil 3: Luk 1:22

ꠛꠣꠖꠦ ꠎꠣꠇꠣꠞꠤꠀ ꠛꠣꠞ ꠅꠁꠀ ꠀꠁꠟꠣ, ꠅꠁꠟꠦ ꠔꠣꠁꠘ ꠇꠥꠘ꠆ꠔꠣꠃ ꠝꠣꠔꠔꠣ ꠙꠣꠞꠟꠣ ꠘꠣ। ꠔꠣꠁꠘ ꠛꠥꠛꠣ ꠅꠁꠉꠦꠟꠣ ꠀꠞ ꠁꠡꠣꠞꠣ-ꠀꠡꠣꠞꠣꠄ ꠛꠥꠎꠣꠁꠟꠣ। ꠁ ꠢꠣꠟꠔ ꠖꠦꠈꠤꠀ ꠝꠣꠘꠡꠦ ꠛꠥꠎꠤꠟꠤꠟꠣ, ꠙꠣꠇ ꠎꠣꠉꠣꠞ ꠜꠤꠔꠞꠦ ꠔꠣꠁꠘ ꠇꠥꠘꠥ ꠖꠞꠡꠘ ꠙꠣꠁꠍꠂꠘ।

Injil 3: Luk 20:6

ꠀꠞ ꠎꠥꠖꠤ ꠇꠁ ꠝꠣꠘꠡꠞ ꠉꠦꠍ ꠕꠣꠇꠤ, ꠔꠦ ꠝꠣꠘꠡꠦ ꠀꠝꠞꠣꠞꠦ ꠙꠣꠔ꠆ꠔꠞꠖꠤ ꠝꠣꠞꠛꠣ। ꠄꠢꠤꠀꠞꠦ ꠔ ꠔꠣꠞꠣ ꠀꠟ꠆ꠟꠣꠞ ꠘꠛꠤ ꠇꠁꠀ ꠝꠣꠘꠂꠘ।”

Injil 5: Sahabi Nama 10:11

ꠅꠃ ꠢꠣꠟꠔꠅ ꠔꠣꠁꠘ ꠖꠦꠈꠟꠣ, ꠀꠍꠝꠣꠘ ꠈꠥꠟꠤꠉꠦꠍꠦ ꠀꠞ ꠈꠥꠛ ꠛꠠ ꠌꠣꠖ꠆ꠖꠞꠞ ꠟꠣꠈꠣꠘ ꠄꠇ ꠌꠤꠎꠞ ꠌꠣꠁꠞ ꠇꠥꠘꠣꠔ ꠗꠞꠤꠀ ꠖꠥꠘꠤꠀꠔ ꠟꠣꠝꠣꠁ ꠖꠦꠅꠀ ꠅꠞ;

Injil 5: Sahabi Nama 10:17

ꠙꠤꠔꠞꠦ ꠎꠦ ꠛꠣꠔꠥꠘꠤ ꠖꠞꠡꠘ ꠖꠦꠈꠟꠣ, ꠄꠞ ꠝꠣꠘꠤ ꠇꠤꠔꠣ ꠅꠁꠔ ꠙꠣꠞꠦ ꠔꠣꠁꠘ ꠗꠤꠀꠘ ꠇꠞꠞꠣ, ꠅꠃ ꠡꠝꠄ ꠇꠞꠘꠤꠟꠥꠍꠞ ꠙꠣꠑꠣꠁꠟ ꠢꠤ ꠝꠣꠘꠥꠡ ꠅꠇꠟ ꠍꠣꠁꠝꠘꠞ ꠛꠣꠠꠤ ꠔꠥꠇꠣꠁꠀ ꠙꠣꠁꠀ, ꠛꠣꠠꠤꠞ ꠖꠥꠀꠞꠞ ꠍꠣꠝꠘꠦ ꠀꠁꠀ ꠃꠛꠣꠁꠟꠣ।

Injil 10: Ifisia 4:11

ꠔꠣꠁꠘ ꠝꠣꠘꠡꠞꠦ ꠅꠃ ꠖꠣꠘ ꠖꠤꠍꠂꠘ, ꠇꠄꠎꠘꠞꠦ ꠍꠣꠢꠣꠛꠤ, ꠇꠄꠎꠘꠞꠦ ꠘꠛꠤ, ꠇꠄꠎꠘꠞꠦ ꠈꠥꠡ-ꠈꠛꠞꠤꠞ ꠔꠛꠟꠤꠉ, ꠇꠄꠎꠘꠞꠦ ꠎꠝꠣꠔꠞ ꠁꠝꠣꠝ ꠀꠞ ꠃꠡ꠆ꠔꠣꠖ ꠢꠤꠡꠣꠛꠦ ꠛꠅꠀꠁꠟ ꠇꠞꠍꠂꠘ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 18:15

ꠔꠥꠝꠞꠣꠞ ꠝꠣꠛꠥꠖ ꠀꠟ꠆ꠟꠣꠄ ꠔꠥꠝꠞꠣꠞ ꠡꠝꠣꠎ ꠕꠣꠇꠤ, ꠔꠥꠝꠞꠣꠞ ꠜꠣꠁꠀꠁꠘ꠆ꠔꠞ ꠝꠣꠎ ꠕꠣꠇꠤ, ꠀꠝꠣꠞ ꠟꠣꠈꠣꠘ ꠄꠇꠎꠘ ꠘꠛꠤ ꠙꠣꠑꠣꠁꠛꠣ, ꠔꠥꠝꠞꠣ ꠢꠇꠟ ꠄꠘ ꠢꠥꠇꠥꠝꠦ ꠌꠟꠔꠦ ꠅꠁꠛ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 18:18

ꠀꠝꠤ ꠔꠣꠞꠣꠞ ꠟꠣꠉꠤ ꠔꠣꠞꠣꠞ ꠘꠤꠎꠞ ꠜꠣꠁꠀꠁꠘ ꠕꠣꠇꠤ ꠔꠥꠝꠣꠞ ꠟꠣꠈꠣꠘ ꠄꠇꠎꠘ ꠘꠛꠤ ꠙꠣꠑꠣꠁꠝꠥ, ꠄꠘ ꠝꠥꠈꠅ ꠀꠝꠣꠞ ꠇꠣꠟꠣꠝ ꠡꠞꠤꠚ ꠖꠤꠝꠥ, ꠀꠞ ꠀꠝꠤ ꠄꠘꠞꠦ ꠎꠦꠔꠣ ꠎꠦꠔꠣ ꠢꠤꠇꠣꠁ ꠖꠤꠝꠥ, ꠄꠁꠘ ꠔꠥꠝꠞꠣꠞꠦ ꠅꠔꠣ ꠎꠣꠘꠣꠁꠛꠣ।

Injil 19: Ibrani 1:1

ꠀꠟ꠆ꠟꠣ ꠙꠣꠇꠦ ꠀꠉꠞ ꠎꠝꠣꠘꠣꠔ ꠘꠣꠘꠣꠘ ꠘꠝꠥꠘꠣꠄ ꠘꠛꠤ ꠅꠇꠟꠞ ꠝꠣꠎꠖꠤꠀ ꠀꠝꠞꠣꠞ ꠝꠄ-ꠝꠥꠞꠛ꠆ꠛꠤ ꠅꠇꠟꠞ ꠉꠦꠍꠦ ꠐꠥꠇꠞꠣ ꠐꠥꠇꠞꠣ ꠇꠞꠤ ꠅꠢꠤ ꠛꠦꠎꠤꠍꠂꠘ,

Injil 27: Zaira Kalam 11:3

ꠀꠞ ꠀꠝꠤ ꠀꠝꠣꠞ ꠖꠥꠁꠎꠘ ꠡꠣꠇ꠆ꠇꠤꠞꠦ ꠅꠟꠣ ꠈꠦꠝꠔꠣ ꠖꠤꠝꠥ, ꠁ ꠈꠦꠝꠔꠣ ꠙꠣꠁꠀ ꠄꠞꠣ ꠇꠣꠔꠞ ꠅꠁꠀ ꠍꠟꠣꠞ ꠌꠐ ꠚꠤꠘ꠆ꠖꠤꠀ, ꠄꠇ ꠀꠎꠣꠞ ꠖꠥꠁ-ꠡ ꠡꠣꠁꠐ ꠖꠤꠘ ꠘꠛꠤꠞ ꠟꠣꠈꠣꠘ ꠅꠢꠤ ꠛꠣꠔꠣꠁꠛꠣ।”