ꠔꠃꠞꠣꠔ ৪: ꠡꠥꠝꠣꠞꠤ 12:3 - Siloṭi Asmani Kitab (Nagri lipi)

³ ꠀꠍꠟꠦ ꠝꠥꠍꠣ ꠘꠛꠤ ꠔ ꠀꠍꠟꠣ ꠄꠇꠎꠘ ꠉꠞꠤꠝꠣ ꠍꠣꠠꠣ ꠝꠣꠘꠥꠡ। ꠎꠉꠔꠞ ꠝꠣꠎꠦ ꠁꠟꠣ ꠉꠞꠤꠝꠣ ꠍꠣꠠꠣ ꠀꠞ ꠇꠥꠘꠥ ꠝꠣꠘꠥꠡ ꠀꠍꠤꠟ ꠘꠣ।

ছিলটি আছমানি কিতাব (বাংলা লিপি)

³ আসলে মুছা নবী তো আছলা একজন গরিমা ছাড়া মানুষ। জগতর মাজে ইলা গরিমা ছাড়া আর কুনু মানুষ আছিল না।

Siloṭi Asmani Kitab (Latin lipi)

³ Ashole Musa nobi to asla eḳzon gorima saṛa manush. Zogotor maze ila gorima saṛa ar kunu manush asil na.

ꠔꠃꠞꠣꠔ ৪: ꠡꠥꠝꠣꠞꠤ 12:3 Iomraidhean Croise

ꠔꠃꠞꠣꠔ ৪: ꠡꠥꠝꠣꠞꠤ 12:4

ꠝꠥꠍꠣꠞ ꠛꠤꠞꠥꠖ꠆ꠖꠦ ꠢꠣꠞꠥꠘ ꠀꠞ ꠝꠞꠤꠅꠝꠞ ꠝꠣꠔ-ꠇꠕꠣ ꠢꠥꠘꠤꠀꠃ ꠝꠣꠛꠥꠖꠦ ꠝꠥꠍꠣ, ꠢꠣꠞꠥꠘ ꠀꠞ ꠝꠞꠤꠅꠝꠞꠦ ꠇꠁꠟꠣ, “ꠔꠥꠝꠞꠣ ꠔꠤꠘꠅꠎꠘ ꠛꠣꠞ ꠅꠁꠀ ꠝꠤꠟꠘ-ꠔꠣꠝ꠆ꠛꠥꠞ ꠉꠦꠍꠦ ꠀꠅ।” ꠔꠦꠃ ꠄꠞꠣ ꠔꠤꠘꠅꠎꠘ ꠅꠘꠅ ꠀꠁꠟꠣ।

ꠁꠘ꠆ꠎꠤꠟ ১: ꠝꠕꠤ 11:29

ꠀꠝꠣꠞ ꠎꠥꠀꠟ ꠔꠥꠝꠞꠣꠞ ꠇꠣꠘ꠆ꠖꠅ ꠔꠥꠟꠅ ꠀꠞ ꠀꠝꠣꠞ ꠉꠦꠍ ꠕꠣꠇꠤ ꠔꠣꠟꠤꠝ ꠟꠅ, ꠔꠦꠃ ꠔꠥꠝꠞꠣꠞ ꠀꠞꠣꠝ ꠅꠁꠛ। ꠀꠝꠣꠞ ꠎꠥꠀꠟ ꠛꠁꠀ ꠘꠦꠅꠀ ꠡꠥꠎꠣ, ꠀꠝꠣꠞ ꠖꠦꠅꠀ ꠜꠣꠞ ꠈꠥꠛ ꠙꠣꠔꠟꠣ। ꠀꠝꠣꠞ ꠝꠤꠎꠣꠎ ꠈꠥꠛ ꠘꠞꠝ ꠀꠞ ꠑꠣꠘ꠆ꠒꠣ।”

ꠁꠘ꠆ꠎꠤꠟ ১: ꠝꠕꠤ 21:5

ꠔꠣꠁꠘ ꠇꠁꠍꠟꠣ, “ꠍꠤꠅꠘ-ꠇꠁꠘꠣ ꠎꠦꠞꠥꠎꠣꠟꠦꠝꠞꠦ ꠔꠥꠝꠞꠣ ꠇꠁꠅ, ꠔꠥꠝꠣꠞ ꠛꠣꠖꠡꠣ ꠔꠥꠝꠣꠞ ꠉꠦꠍꠦ ꠀꠁꠞꠣ। ꠔꠣꠁꠘ ꠈꠥꠛ ꠘꠞꠝ ꠝꠤꠎꠣꠎꠤ। ꠔꠣꠁꠘ ꠉꠣꠗꠣ ꠌꠠꠤꠀ, ꠉꠣꠗꠤꠞ ꠛꠣꠁꠌ꠆ꠌꠣ ꠌꠠꠤꠀ ꠀꠁꠞꠣ।”

ꠁꠘ꠆ꠎꠤꠟ ১: ꠝꠕꠤ 5:5

ꠔꠣꠞꠣꠃ ꠇꠙꠣꠟꠤ ꠎꠣꠞꠣꠞ ꠌꠣꠟ-ꠌꠟꠘ ꠘꠞꠝ, ꠁ ꠖꠥꠘꠤꠀ ꠔ ꠔꠣꠞꠣꠞꠃ ꠅꠁꠛ।

Injil 8: 2-Korintia 10:1

ꠅ ꠝꠥꠝꠤꠘ ꠜꠣꠁꠀꠁꠘ, ꠀꠟ-ꠝꠍꠤꠞ ꠘꠞꠝ ꠀꠞ ꠖꠄꠀꠟꠥ ꠜꠣꠛꠞ ꠇꠕꠣ ꠁꠀꠖ ꠇꠞꠤꠀ, ꠀꠝꠤ ꠙꠣꠃꠟꠥꠍꠦ ꠔꠥꠝꠞꠣꠞꠦ ꠝꠤꠘꠔ ꠇꠞꠤꠀꠞ, ꠝꠣꠘꠡꠦ ꠇꠂꠘ, ꠀꠝꠤ ꠎꠦꠛꠟꠣ ꠔꠥꠝꠞꠣꠞ ꠟꠉꠦ ꠞꠁ, ꠅꠃ ꠡꠝꠄ ꠀꠝꠤ ꠛꠥꠟꠦ ꠒꠞꠣꠁ ꠒꠞꠣꠁ ꠕꠣꠇꠤ, ꠀꠞ ꠢꠞꠤꠀ ꠉꠤꠀ ꠢꠣꠞꠟꠦ ꠡꠣꠅꠡꠤ ꠅꠁꠎꠣꠁ।

Injil 8: 2-Korintia 11:5

ꠅꠁꠟꠦ ꠀꠝꠤ ꠝꠘꠅ ꠇꠞꠤ ꠘꠣ, ꠢꠃ ꠘꠣꠝ-ꠒꠣꠇꠤ ꠍꠣꠢꠣꠛꠤ ꠖꠟ ꠕꠣꠇꠤ ꠀꠝꠤ ꠇꠥꠘꠥꠝꠘ꠆ꠔꠦꠃ ꠢꠥꠞꠥ।

Injil 8: 2-Korintia 12:11

ꠀꠝꠤ ꠙꠣꠉꠟ ꠅꠁꠍꠤ ꠑꠤꠇꠃ, ꠅꠁꠟꠦ ꠔꠥꠝꠞꠣꠃ ꠀꠝꠣꠞꠦ ꠙꠣꠉꠟ ꠅꠁꠔꠦ ꠛꠣꠁꠖ꠆ꠖ ꠇꠞꠍ। ꠔꠥꠝꠞꠣꠞ ꠃꠌꠤꠔ ꠀꠍꠤꠟ ꠀꠝꠣꠞ ꠔꠣꠞꠤꠚ ꠇꠞꠣ। ꠀꠝꠤ ꠎꠥꠖꠤꠅ ꠈꠥꠛ ꠡꠣꠗꠣꠞꠘ ꠝꠣꠘꠥꠡ, ꠔꠦꠛꠃ ꠔꠥꠝꠞꠣꠞ ꠢꠃ ꠘꠣꠝ-ꠒꠣꠇꠤ ꠍꠣꠢꠣꠛꠤ ꠖꠟ ꠕꠣꠇꠤ ꠇꠥꠘꠥꠝꠘ꠆ꠔꠦꠃ ꠢꠥꠞꠥ ꠘꠣꠄ।

ইঞ্জিল ১৩: ১-থিষল: 2:7

ꠀꠝꠞꠣ ꠁꠌ꠆ꠍꠣ ꠇꠞꠟꠦ ꠔ ꠀꠟ-ꠝꠍꠤꠞ ꠍꠣꠢꠣꠛꠤ ꠢꠤꠡꠣꠛꠦ ꠔꠥꠝꠞꠣꠞ ꠃꠙꠞꠦ ꠖꠣꠛꠤ ꠈꠣꠐꠣꠁꠔꠣꠝ ꠙꠣꠞꠟꠣꠝ ꠅꠘꠦ। ꠅꠁꠟꠦ ꠄꠞ ꠛꠖꠟꠣ, ꠝꠣʼꠄ ꠎꠦꠟꠣ ꠘꠤꠎꠞ ꠢꠥꠞꠥꠔ꠆ꠔꠣꠁꠘꠞꠦ ꠎꠄ-ꠎꠔꠘ ꠇꠞꠂꠘ, ꠔꠥꠝꠞꠣꠞ ꠟꠉꠦ ꠕꠣꠇꠣꠞ ꠡꠝꠄ ꠀꠝꠞꠣꠅ ꠅꠟꠣ ꠘꠞꠝ ꠛꠦꠛꠢꠣꠞ ꠇꠞꠍꠤ।

Injil 20: Iakub 3:13

ꠔꠥꠝꠞꠣꠞ ꠝꠣꠎꠦ ꠀꠈꠟ-ꠢꠦꠇꠝꠔ ꠀꠟꠣ ꠇꠦꠃ ꠀꠍꠦ ꠘꠤ? ꠕꠣꠇꠟꠦ ꠢꠦ ꠜꠣꠟꠣ ꠀꠝꠟ-ꠈꠣꠁꠍꠟꠔꠦ ꠘꠞꠝ ꠅꠁꠀ ꠅꠔꠣ ꠖꠦꠈꠣꠃꠇ।

ꠁꠘ꠆ꠎꠤꠟ ২১: ১-ꠙꠤꠔꠞ 3:4

ꠛꠞꠋ ꠎꠦ ꠡꠥꠘ꠆ꠖꠞ ꠇꠥꠘꠥꠖꠤꠘ ꠘꠡ꠆ꠐ ꠅꠁꠔ ꠘꠣꠄ, ꠢꠃ ꠘꠝꠥꠘꠣꠄ ꠌꠟꠣ-ꠚꠤꠞꠣ ꠀꠞ ꠡꠣꠘ꠆ꠔꠤꠞ ꠈꠣꠁꠍꠟꠔ ꠖꠤꠀ ꠘꠤꠎꠞ ꠖꠤꠟꠞꠦ ꠢꠣꠎꠣꠅ। ꠀꠟ꠆ꠟꠣꠞ ꠘꠎꠞꠅ ꠅꠔꠣꠃ ꠔ ꠝꠢꠣ ꠖꠣꠝꠤ।