ꠔꠃꠞꠣꠔ ৪: ꠡꠥꠝꠣꠞꠤ 12:2 - Siloṭi Asmani Kitab (Nagri lipi)

² ꠔꠣꠞꠣ ꠇꠁꠟꠣ, “ꠝꠣꠛꠥꠖꠦ ꠈꠣꠟꠤ ꠝꠥꠍꠣꠞ ꠝꠣꠞꠚꠔꠦ ꠝꠣꠔꠂꠘ ꠘꠤ? ꠀꠝꠞꠣꠞ ꠃꠍꠤꠟ꠆ꠟꠣꠄꠅ ꠝꠣꠔꠂꠘ ꠘꠣ ꠘꠤ?” ꠁꠈꠣꠘ ꠝꠣꠛꠥꠖꠦ ꠢꠥꠘꠟꠣ।

ছিলটি আছমানি কিতাব (বাংলা লিপি)

² তারা কইলা, “মাবুদে খালি মুছার মারফতে মাতইন নি? আমরার উছিলায়ও মাতইন না নি?” ইখান মাবুদে হুনলা।

Siloṭi Asmani Kitab (Latin lipi)

² Tara ḳoila, “Mabude ḳali Musar marfote matoin ni? Amrar usillae-o matoin na ni?” Ikan Mabude hunla.

ꠔꠃꠞꠣꠔ ৪: ꠡꠥꠝꠣꠞꠤ 12:2 Iomraidhean Croise

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 29:33

ꠛꠣꠖꠦ ꠢꠤꠞꠛꠣꠞ ꠔꠣꠘ ꠊꠞꠅ ꠄꠇ ꠙꠥꠀ ꠅꠁꠟ। ꠔꠣꠁꠘ ꠙꠥꠀꠞ ꠘꠣꠝ ꠞꠣꠈꠟꠣ ꠡꠤꠝꠤꠅꠘ [ꠝꠣꠘꠤ, ꠢꠥꠘꠂꠘ], ꠔꠣꠁꠘ ꠇꠁꠟꠣ, “ꠀꠝꠣꠞꠦ ꠄꠟꠣꠝꠤ ꠇꠞꠣꠞ ꠇꠕꠣ ꠝꠣꠛꠥꠖꠦ ꠢꠥꠘꠍꠂꠘ, ꠄꠞꠟꠣꠉꠤ ꠔꠣꠁꠘ ꠀꠝꠣꠞꠦ ꠅꠃ ꠙꠥꠀ ꠖꠤꠍꠂꠘ।”

ꠔꠃꠞꠣꠔ ২: ꠢꠤꠎꠞꠔ 4:14

ꠅꠃ ꠝꠥꠍꠣꠞ ꠃꠙꠞꠦ ꠝꠣꠛꠥꠖꠞ ꠉꠥꠍꠣ ꠃꠑꠟ। ꠔꠣꠁꠘ ꠇꠁꠟꠣ, “ꠔꠥꠝꠣꠞ ꠜꠣꠁ ꠢꠣꠞꠥꠘ ꠛꠤꠘ ꠟꠦꠛꠤ ꠀꠍꠦ ꠘꠣ ꠘꠤ? ꠀꠝꠤ ꠎꠣꠘꠤ, ꠢꠦ ꠜꠣꠟꠣ ꠛꠇ꠆ꠔꠤꠔꠣ ꠖꠤꠔ ꠙꠣꠞꠦ। ꠢꠦ ꠅꠈꠘ ꠔꠥꠝꠣꠞ ꠟꠉꠦ ꠖꠦꠈꠣ ꠇꠞꠣꠔ ꠀꠞ, ꠔꠥꠝꠣꠞꠦ ꠖꠦꠈꠤꠀ ꠢꠦ ꠈꠥꠛ ꠈꠥꠡꠤ ꠅꠁꠛ।

ꠔꠃꠞꠣꠔ ২: ꠢꠤꠎꠞꠔ 4:30

ꠝꠣꠛꠥꠖꠦ ꠝꠥꠍꠣꠞꠦ ꠎꠔꠔꠣ ꠇꠁꠍꠟꠣ, ꠢꠣꠞꠥꠘꠦ ꠁꠔꠣ ꠢꠇꠟꠔꠣ ꠔꠣꠞꠣꠞꠦ ꠎꠣꠘꠣꠁꠟꠣ, ꠀꠞ ꠢꠃ ꠇꠦꠞꠣꠝꠔꠤ ꠅꠇꠟꠅ ꠝꠣꠘꠡꠞ ꠍꠣꠝꠘꠦ ꠖꠦꠈꠣꠁꠟꠣ।

ꠔꠃꠞꠣꠔ ২: ꠢꠤꠎꠞꠔ 5:1

ꠝꠥꠍꠣ ꠀꠞ ꠢꠣꠞꠥꠘꠦ ꠉꠤꠀ ꠚꠦꠞꠣꠃꠘꠞꠦ ꠇꠁꠟꠣ, “ꠝꠣꠛꠥꠖ, ꠎꠦꠁꠘ ꠛꠘꠤ ꠁꠍꠞꠣꠁꠟꠞ ꠀꠟ꠆ꠟꠣ, ꠔꠣꠁꠘ ꠘꠤꠎꠦ ꠇꠁꠍꠂꠘ, ꠀꠝꠣꠞ ꠛꠘ꠆ꠖꠣ ꠅꠇꠟꠞꠦ ꠔꠥꠝꠤ ꠍꠣꠠꠤ ꠖꠦꠅ, ꠀꠝꠣꠞ ꠘꠣꠝꠦ ꠢꠎ ꠇꠞꠣꠞ ꠟꠣꠉꠤ, ꠔꠣꠞꠣ ꠝꠞꠥꠜꠥꠝꠤꠔ ꠢꠤꠎꠞꠔ ꠇꠞꠔꠦ ꠅꠁꠛ, ꠔꠥꠝꠤ ꠔꠣꠞꠣꠞꠦ ꠍꠣꠠꠅ।”

ꠔꠃꠞꠣꠔ ২: ꠢꠤꠎꠞꠔ 7:10

ꠛꠣꠖꠦ ꠝꠥꠍꠣ ꠀꠞ ꠢꠣꠞꠥꠘ ꠚꠦꠞꠣꠃꠘꠞ ꠉꠦꠍꠦ ꠉꠦꠟꠣ, ꠉꠤꠀ ꠝꠣꠛꠥꠖꠞ ꠢꠥꠇꠥꠝ ꠝꠣꠚꠤꠇ ꠇꠣꠝ ꠇꠞꠟꠣ। ꠢꠣꠞꠥꠘꠦ ꠚꠦꠞꠣꠃꠘ ꠀꠞ ꠔꠣꠞ ꠃꠎꠤꠞ-ꠘꠣꠎꠤꠞꠞ ꠍꠣꠝꠘꠦ ꠢꠃ ꠟꠣꠑꠤ ꠚꠣꠟꠣꠘꠤꠞ ꠟꠉꠦ ꠟꠉꠦꠃ ꠁꠐꠣ ꠢꠣꠚ ꠅꠁꠉꠦꠟ।

ꠔꠃꠞꠣꠔ ৪: ꠡꠥꠝꠣꠞꠤ 11:1

ꠛꠘꠤ ꠁꠍꠞꠣꠁꠟꠦ ꠘꠤꠎꠞ ꠖꠥꠈ-ꠇꠡ꠆ꠐꠞ ꠟꠣꠉꠤ ꠛꠦꠎꠣꠞ ꠅꠁꠀ ꠛꠇꠣ-ꠎꠇꠣ ꠇꠞꠟꠣ। ꠄꠞꠟꠣꠉꠤ ꠝꠣꠛꠥꠖꠦ ꠔꠣꠞꠣꠞ ꠁꠔꠣ ꠢꠥꠘꠤꠀ ꠉꠥꠍꠣ ꠅꠁꠉꠦꠟꠣ। ꠔꠣꠁꠘ ꠉꠎꠛꠤ ꠀꠉꠥꠁꠘ ꠙꠣꠑꠣꠁꠟꠣ ꠀꠞ ꠅꠃ ꠀꠉꠥꠁꠘ ꠔꠣꠞꠣꠞ ꠝꠣꠎꠦ ꠎꠟꠤꠟ, ꠄꠔꠦ ꠇꠦꠝ꠆ꠙꠞ ꠇꠤꠘꠣꠞꠣꠞ ꠇꠤꠍꠥ ꠅꠋꠡ ꠀꠉꠥꠁꠘꠦ ꠎꠟꠤꠉꠦꠟ।

ꠔꠃꠞꠣꠔ ৪: ꠡꠥꠝꠣꠞꠤ 11:29

ꠝꠥꠍꠣꠄ ꠄꠘꠞꠦ ꠇꠁꠟꠣ, “ꠀꠝꠣꠞ ꠝꠣꠘ-ꠡꠝ꠆ꠝꠣꠘꠃ ꠔꠥꠝꠣꠞ ꠉꠦꠍꠦ ꠛꠠ ꠅꠁꠉꠦꠟ ꠘꠤ? ꠀꠝꠤ ꠌꠣꠁꠞꠣꠝ, ꠝꠣꠛꠥꠖꠞ ꠢꠇꠟ ꠛꠘ꠆ꠖꠣꠄꠃ ꠍꠥꠚꠤ-ꠖꠞꠛꠦꠡꠤ ꠙꠣꠃꠇ꠆ꠇꠣ, ꠀꠞ ꠝꠣꠛꠥꠖꠦ ꠀꠙꠘ ꠞꠥꠢꠥ ꠔꠣꠞꠣꠞꠦ ꠖꠣꠘ ꠇꠞꠃꠇ꠆ꠇꠣ।”

ꠔꠃꠞꠣꠔ ৪: ꠡꠥꠝꠣꠞꠤ 12:3

ꠀꠍꠟꠦ ꠝꠥꠍꠣ ꠘꠛꠤ ꠔ ꠀꠍꠟꠣ ꠄꠇꠎꠘ ꠉꠞꠤꠝꠣ ꠍꠣꠠꠣ ꠝꠣꠘꠥꠡ। ꠎꠉꠔꠞ ꠝꠣꠎꠦ ꠁꠟꠣ ꠉꠞꠤꠝꠣ ꠍꠣꠠꠣ ꠀꠞ ꠇꠥꠘꠥ ꠝꠣꠘꠥꠡ ꠀꠍꠤꠟ ꠘꠣ।

ꠔꠃꠞꠣꠔ ৪: ꠡꠥꠝꠣꠞꠤ 16:3

ꠅꠁꠀ ꠔꠣꠞꠣ ꠖꠟ ꠛꠣꠘ꠆ꠖꠤꠀ ꠝꠥꠍꠣ ꠀꠞ ꠢꠣꠞꠥꠘꠞꠦ ꠇꠁꠟꠣ, “ꠔꠥꠝꠞꠣ ꠔ ꠈꠥꠛ ꠛꠦꠡꠤ ꠛꠣꠠꠣꠛꠣꠠꠤ ꠇꠞꠞꠣꠄ। ꠀꠡ꠆ꠔꠣ ꠛꠘꠤ ꠁꠍꠞꠣꠁꠟꠞ ꠙꠞꠔꠦꠇ ꠝꠣꠘꠥꠡꠃ ꠎꠦꠛꠟꠣ ꠙꠣꠇ-ꠙꠛꠤꠔ꠆ꠞ, ꠝꠣꠛꠥꠖꠅ ꠔꠣꠞꠣꠞ ꠟꠉꠦ ꠀꠍꠂꠘ। ꠔꠦ ꠔꠥꠝꠞꠣ ꠝꠣꠛꠥꠖꠞ ꠛꠘ꠆ꠖꠣ ꠅꠇꠟꠞ ꠃꠙꠞꠦ ꠃꠡ꠆ꠔꠣꠖꠤ ꠇꠞꠞꠣꠄ ꠇꠦꠘꠦ?”

Injil 6: Ruman 12:10

ꠄꠇꠦ-ꠅꠁꠘ꠆ꠘꠞꠦ ꠀꠙꠘ ꠜꠣꠁꠞ ꠟꠣꠈꠣꠘ ꠖꠤꠟꠦ-ꠎꠣꠘꠦ ꠝꠣꠄꠀ ꠇꠞꠅ, ꠘꠤꠎ ꠕꠣꠇꠤ ꠅꠁꠘ꠆ꠘꠞꠦ ꠛꠦꠡꠤ ꠖꠣꠝ ꠖꠦꠅ।

Injil 6: Ruman 12:3

ꠔꠣꠟꠤꠝ ꠖꠤꠛꠣꠞ ꠟꠣꠉꠤ ꠀꠟ꠆ꠟꠣꠄ ꠀꠝꠣꠞꠦ ꠎꠦ ꠈꠣꠍ ꠘꠤꠀꠝꠔ ꠖꠤꠍꠂꠘ, ꠅꠃ ꠘꠤꠀꠝꠔꠞ ꠛꠟꠦ ꠀꠝꠤ ꠔꠥꠝꠞꠣ ꠙꠞꠔꠦꠇ ꠎꠘꠞꠦ ꠇꠁꠞꠣꠝ, ꠘꠤꠎꠞꠦ ꠎꠔꠈꠣꠘ ꠛꠠ ꠝꠘꠅ ꠇꠞꠣ ꠃꠌꠤꠔ, ꠄꠞ ꠌꠣꠁꠔꠦ ꠛꠦꠡꠤ ꠝꠘꠅ ꠇꠞꠤꠅ ꠘꠣ। ꠀꠟ꠆ꠟꠣꠄ ꠎꠣꠞꠦ ꠎꠔꠈꠣꠘ ꠁꠝꠣꠘꠤ ꠛꠟ ꠖꠤꠍꠂꠘ, ꠢꠦ ꠎꠣꠘꠥ ꠘꠤꠎꠞꠦ ꠄꠞ ꠕꠣꠇꠤ ꠛꠦꠡꠤ ꠇꠥꠘ꠆ꠔꠣ ꠝꠘꠅ ꠘꠣ ꠇꠞꠦ।

Injil 11: Filifia 2:14

ꠔꠥꠝꠞꠣ ꠇꠥꠘꠥꠎꠣꠔ ꠔꠞ꠆ꠇꠣ-ꠔꠞ꠆ꠇꠤ ꠛꠣ ꠇꠣꠁꠎ꠆ꠎꠣ-ꠚꠍꠣꠖ ꠘꠣ ꠇꠞꠤꠀ ꠢꠇꠟ ꠇꠣꠝ ꠇꠞꠅ।

Injil 11: Filifia 2:3

ꠘꠤꠎꠞ ꠟꠣꠜꠞ ꠀꠡꠣ ꠛꠣ ꠛꠦꠐꠣꠉꠤꠞꠤ ꠖꠦꠈꠣꠘꠤꠞ ꠟꠣꠉꠤ ꠇꠥꠘ꠆ꠔꠣ ꠇꠞꠤꠅ ꠘꠣ, ꠛꠞꠋ ꠘꠔ ꠅꠁꠀ ꠘꠤꠎꠞ ꠌꠣꠁꠔꠦ ꠅꠁꠘ꠆ꠘꠞꠦ ꠛꠦꠡꠤ ꠖꠣꠝ ꠖꠦꠅ।

ꠁꠘ꠆ꠎꠤꠟ ২১: ১-ꠙꠤꠔꠞ 5:5

ꠅꠃ ꠟꠣꠈꠣꠘ ꠎꠥꠀꠘ ꠅꠇꠟꠦꠅ ꠔꠥꠝꠞꠣꠞ ꠝꠥꠞꠛ꠆ꠛꠤꠞꠦ ꠝꠣꠘꠤꠀ ꠌꠟꠅ। ꠉꠥꠟꠣꠝꠤꠞ ꠛꠦꠡꠦ ꠢꠇꠟꠦꠃ ꠄꠇꠦ-ꠅꠁꠘ꠆ꠘꠞ ꠈꠦꠎꠝꠔ ꠇꠞꠅ, ꠎꠦꠟꠣ ꠀꠟ꠆ꠟꠣꠞ ꠇꠣꠟꠣꠝꠅ ꠀꠍꠦ, ꠀꠟ꠆ꠟꠣꠄ ꠅꠢꠋꠇꠣꠞꠤꠞ ꠛꠤꠞꠥꠖ꠆ꠖꠦ ꠕꠣꠇꠂꠘ, ꠘꠞꠝ ꠖꠤꠟꠞ ꠝꠣꠘꠡꠞꠦ ꠞꠢꠝ ꠇꠞꠂꠘ।