ꠔꠃꠞꠣꠔ ৪: ꠡꠥꠝꠣꠞꠤ 11:8 - Siloṭi Asmani Kitab (Nagri lipi)

⁸ ꠝꠣꠘꠡꠦ ꠌꠣꠁꠞꠅꠛꠣꠄ ꠕꠣꠇꠤ ꠝꠣꠘ꠆ꠘꠣ ꠔꠥꠇꠣꠁꠀ ꠀꠘꠤꠀ ꠊꠣꠁꠟ-ꠍꠤꠀꠖꠤ ꠇꠥꠐꠤꠀ ꠛꠣ ꠢꠤꠟ-ꠙꠣꠐꠣꠖꠤ ꠍꠦꠌꠤꠀ ꠉꠥꠠꠣ ꠇꠞꠔꠣ। ꠛꠣꠖꠦ ꠁꠔꠣ ꠙꠣꠔꠤꠟꠅ ꠃꠘꠣ ꠖꠤꠀ ꠛꠣ ꠙꠤꠑꠣ ꠛꠣꠘꠣꠁꠀ ꠈꠣꠁꠔꠣ। ꠁꠔꠣ ꠈꠣꠁꠔꠦ ꠔꠦꠟꠖꠤ ꠛꠣꠘꠣꠁꠟ ꠙꠤꠑꠣꠞ ꠟꠣꠈꠣꠘ ꠝꠎꠣ।

ছিলটি আছমানি কিতাব (বাংলা লিপি)

⁸ মানষে চাইরোবায় থাকি মান্না তুকাইয়া আনিয়া ঘাইল-ছিয়াদি কুটিয়া বা হিল-পাটাদি ছেচিয়া গুড়া করতা। বাদে ইতা পাতিলো উনা দিয়া বা পিঠা বানাইয়া খাইতা। ইতা খাইতে তেলদি বানাইল পিঠার লাখান মজা।

Siloṭi Asmani Kitab (Latin lipi)

⁸ Manshe sairobae taki manna tukaia ania gail-siadi kuṭia ba hil-faṭadi sesia guṛa ḳorta. Bade ita fatilo una dia ba fiṭa banaia ḳaita. Ita ḳaite teldi banail fiṭar laḳan moza.

ꠔꠃꠞꠣꠔ ৪: ꠡꠥꠝꠣꠞꠤ 11:8 Iomraidhean Croise

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 25:29

ꠄꠇꠖꠤꠘ ꠁꠀꠇꠥꠛꠦ ꠒꠣꠁꠟ ꠞꠣꠘ꠆ꠖꠤꠍꠂꠘ, ꠅꠃ ꠡꠝꠄ ꠔꠣꠘ ꠛꠠ ꠜꠣꠁ ꠁꠡ ꠝꠞꠥꠜꠥꠝꠤ ꠕꠣꠇꠤ ꠙꠦꠐꠞ ꠜꠥꠇꠦ ꠈꠥꠛ ꠇꠣꠔꠞ ꠅꠁꠀ ꠀꠁꠟꠣ, ꠀꠁꠀ ꠢꠥꠞꠥ ꠜꠣꠁ ꠁꠀꠇꠥꠛꠞꠦ ꠇꠁꠟꠣ,

ꠔꠃꠞꠣꠔ ২: ꠢꠤꠎꠞꠔ 16:23

ꠝꠥꠍꠣꠄ ꠔꠣꠞꠣꠞꠦ ꠇꠁꠟꠣ, “ꠁꠔꠣ ꠑꠤꠇ ꠀꠍꠦ, ꠝꠣꠛꠥꠖꠦꠃ ꠅꠃꠟꠣ ꠢꠥꠇꠥꠝ ꠖꠤꠍꠂꠘ; ꠇꠣꠁꠟ ꠔ ꠢꠣꠙ꠆ꠔꠣꠞ ꠡꠦꠡ ꠖꠤꠘ, ꠎꠥꠝ꠆ꠝꠣꠛꠣꠞ; ꠝꠣꠛꠥꠖꠞ ꠙꠣꠇ-ꠙꠛꠤꠔ꠆ꠞ ꠖꠤꠘ। ꠔꠦ ꠔꠥꠝꠞꠣꠞ ꠎꠦꠔꠣ ꠞꠣꠘ꠆ꠖꠣꠞ ꠖꠞꠇꠣꠞ ꠀꠍꠦ ꠁꠔꠣ ꠀꠁꠎ ꠞꠣꠘ꠆ꠖꠤꠟꠣꠅ, ꠀꠞ ꠛꠤꠞꠣꠘ ꠇꠞꠣꠞ ꠎꠞꠥꠞ ꠅꠁꠟꠦ ꠛꠤꠞꠣꠘ ꠇꠞꠅ, ꠛꠣꠇꠤ ꠢꠇꠟꠔꠣ ꠛꠣꠖꠞ ꠖꠤꠘ ꠛꠤꠀꠘꠇꠥꠞ ꠟꠣꠉꠤ ꠕꠁ ꠖꠦꠅ।”

ꠔꠃꠞꠣꠔ ২: ꠢꠤꠎꠞꠔ 16:31

ꠛꠘꠤ ꠁꠍꠞꠣꠁꠟꠦ ꠁ ꠈꠣꠘꠤꠞ ꠘꠣꠝ ꠕꠁꠟ, ꠝꠣꠘ꠆ꠘꠣ; ꠁꠔꠣ ꠖꠦꠈꠔꠦ ꠗꠟꠣ ꠒꠥꠟꠣ ꠛꠤꠌꠤꠞ ꠟꠣꠈꠣꠘ, ꠀꠞ ꠈꠣꠁꠔꠦ ꠝꠃ ꠝꠣꠈꠣꠁꠟ ꠙꠤꠑꠣꠞ ꠟꠣꠈꠣꠘ ꠝꠎꠣ।

ꠔꠃꠞꠣꠔ ৪: ꠡꠥꠝꠣꠞꠤ 11:7

ꠅꠃ ꠝꠣꠘ꠆ꠘꠣ ꠖꠦꠈꠔꠦ ꠓꠥꠟꠣ ꠛꠣꠈꠞꠞ ꠟꠣꠈꠣꠘ, ꠄꠞ ꠞꠋ ꠅꠁꠟ ꠇꠤꠍꠝꠤꠍꠞ ꠟꠣꠈꠣꠘ।

ꠔꠃꠞꠣꠔ ৪: ꠡꠥꠝꠣꠞꠤ 11:9

ꠞꠣꠁꠔꠞ ꠛꠣꠟꠣ ꠛꠘꠤ ꠁꠍꠞꠣꠁꠟꠞ ꠇꠦꠝ꠆ꠙꠞ ꠀꠡꠦ-ꠙꠣꠡꠦ ꠈꠥꠀ ꠙꠠꠔ, ꠅꠃ ꠈꠥꠀꠞ ꠟꠉꠦ ꠅꠁꠀ ꠛꠦꠢꠦꠡ꠆ꠔꠤ ꠈꠣꠘꠤ ꠝꠣꠘ꠆ꠘꠣꠅ ꠙꠠꠔ।

Injil 4: Hannan 6:27

ꠅꠈꠘ ꠢꠥꠘꠅ, ꠖꠥꠘꠤꠀꠛꠤ ꠎꠦ ꠈꠣꠘꠤ ꠘꠡ꠆ꠐ ꠅꠁꠎꠣꠄ, ꠔꠣꠞ ꠈꠞꠦ ꠊꠥꠞꠤꠀ ꠟꠣꠜ ꠇꠤꠔꠣ? ꠎꠦ ꠈꠣꠘꠤ ꠇꠥꠘꠥꠖꠤꠘ ꠘꠡ꠆ꠐ ꠅꠄ ꠘꠣ, ꠛꠞꠋ ꠀꠈꠦꠞꠤ ꠎꠤꠘ꠆ꠖꠦꠉꠤ ꠖꠣꠘ ꠇꠞꠦ, ꠔꠣꠞ ꠈꠞꠦ ꠅꠁꠀ ꠊꠥꠞꠅ। ꠁ ꠈꠣꠘꠤ ꠔ ꠀꠝꠤ ꠛꠤꠘ-ꠀꠖꠝꠦ ꠔꠥꠝꠞꠣꠞꠦ ꠖꠤꠝꠥ। ꠅꠃ ꠄꠈꠔꠤꠀꠞ ꠈꠣꠟꠤ ꠀꠝꠣꠞ ꠀꠍꠦ, ꠀꠝꠣꠞ ꠉꠣꠁꠛꠤ ꠛꠣꠚ ꠀꠟ꠆ꠟꠣꠄꠃ ꠁꠔꠣꠞ ꠙꠞꠝꠣꠘ ꠖꠦꠈꠣꠁꠍꠂꠘ।”

Injil 4: Hannan 6:31

ꠀꠝꠞꠣꠞ ꠛꠣꠚ-ꠖꠣꠖꠣꠄ ꠔ ꠝꠞꠥꠜꠥꠝꠤꠔ ꠝꠣꠘ꠆ꠘꠣ ꠈꠣꠁꠍꠟꠣ। ꠙꠣꠇ ꠇꠤꠔꠣꠛꠅ ꠟꠦꠈꠣ ꠀꠍꠦ, ꠀꠟ꠆ꠟꠣꠄ ꠔꠣꠞꠣꠞꠦ ꠛꠦꠢꠦꠡ꠆ꠔꠤ ꠈꠣꠘꠤ ꠈꠣꠅꠀꠁꠟꠣ।”