ꠔꠃꠞꠣꠔ ৪: ꠡꠥꠝꠣꠞꠤ 11:5 - Siloṭi Asmani Kitab (Nagri lipi)

⁵ ꠝꠤꠡꠞꠅ ꠕꠣꠇꠔꠦ ꠔ ꠛꠤꠘꠣ ꠙꠄꠡꠣꠄ ꠝꠣꠉꠘꠣ ꠝꠣꠍ ꠈꠣꠁꠔꠣꠝ, ꠢꠘꠅ ꠔꠞꠝꠥꠎ, ꠙꠤꠀꠎ-ꠞꠡꠥꠘ, ꠇꠤꠞꠣ, ꠢꠣꠉ-ꠔꠞꠇꠣꠞꠤ ꠢꠇ꠆ꠇꠟꠔꠣ ꠈꠣꠁꠔꠣꠝ, ꠁꠔꠣ ꠅꠈꠘꠅ ꠝꠘꠅ ꠙꠠꠦꠞ।

ছিলটি আছমানি কিতাব (বাংলা লিপি)

⁵ মিসরো থাকতে তো বিনা পয়সায় মাগনা মাছ খাইতাম, হনো তরমুজ, পিয়াজ-রসুন, কিরা, হাগ-তরকারি হক্কলতা খাইতাম, ইতা অখনও মনো পড়ের।

Siloṭi Asmani Kitab (Latin lipi)

⁵ Mishoro taḳte to bina foyshae magna mas ḳaitam, hono tormuz, fiaz-roshun, kira, hag-torḳari hokkolta ḳaitam, ita oḳono mono foṛer.

ꠔꠃꠞꠣꠔ ৪: ꠡꠥꠝꠣꠞꠤ 11:5 Iomraidhean Croise

ꠎꠛꠥꠞ ꠡꠞꠤꠚ 17:14

ꠔꠥꠝꠣꠞ ꠀꠔꠦ ꠛꠣꠌꠣꠅ ꠝꠣꠛꠥꠖ ꠅꠔꠣ ꠝꠣꠘꠥꠡ ꠕꠣꠇꠤ, ꠖꠥꠘꠤꠀꠈꠥꠞꠞ ꠇꠛꠎꠣ ꠕꠣꠇꠤ ꠎꠣꠘ ꠛꠣꠌꠣꠅ ꠔꠥꠝꠤ। ꠔꠣꠞꠣꠞ ꠝꠘꠞ ꠀꠡꠣ ꠈꠣꠟꠤ ꠅꠃ ꠎꠉꠔꠞ ꠃꠙꠞꠦ, ꠔꠣꠞꠣꠞ ꠙꠦꠐ ꠜꠞꠣꠅ ꠔꠥꠝꠣꠞ ꠟꠣꠘ꠆ꠘꠔꠤ ꠉꠎꠛꠦ। ꠅꠔꠣ ꠈꠣꠁꠀ ꠔꠣꠞꠣꠞ ꠀꠅꠟꠣꠖꠦ ꠙꠦꠐ ꠜꠞꠤꠟꠣꠃꠇ, ꠅꠔꠣꠞ ꠢꠥꠞꠥꠔ꠆ꠔꠣꠞ ꠟꠣꠉꠤ ꠛꠣꠇꠤ ꠅꠋꠡ ꠛꠦꠡ ꠇꠞꠤ ꠕꠁꠀ ꠎꠣꠃꠇ।

ꠔꠃꠞꠣꠔ ২: ꠢꠤꠎꠞꠔ 16:3

ꠄꠞꠣ ꠖꠥꠁꠅꠎꠘꠞ ꠛꠤꠞꠥꠖ꠆ꠖꠦ ꠛꠘꠤ ꠁꠍꠞꠣꠁꠟꠦ ꠇꠁꠟꠣ, “ꠢꠣꠄꠞꠦ ꠢꠣꠄ, ꠁꠔꠣꠞ ꠇꠕꠣꠄ ꠀꠝꠞꠣ ꠇꠦꠘꠦ ꠀꠁꠟꠣꠝ, ꠝꠣꠛꠥꠖꠦ ꠇꠦꠘꠦ ꠘꠤꠎꠞ ꠀꠔꠦ ꠀꠝꠞꠣꠞꠦ ꠝꠤꠡꠞ ꠖꠦꠡꠅ ꠝꠣꠞꠟꠣ ꠘꠣ? ꠢꠤ ꠡꠝꠄ ꠀꠝꠞꠣ ꠉꠥꠡ꠆ꠔꠞ ꠒꠦꠉꠞ ꠇꠣꠘ꠆ꠖꠣꠔ ꠛꠁꠔꠣꠝ, ꠙꠦꠐ ꠜꠞꠤꠀ ꠉꠥꠡ꠆ꠔ-ꠞꠥꠐꠤ ꠈꠣꠁꠔꠣꠝ, ꠅꠁꠟꠦ ꠁꠔꠣꠄ ꠀꠝꠞꠣꠞꠦ ꠃꠙꠣꠡꠦ ꠀꠞ ꠙꠦꠐꠞ ꠜꠥꠇꠦ ꠝꠣꠞꠔꠣ ꠇꠞꠤ ꠅꠘꠅ ꠀꠘꠍꠂꠘ।”

ꠔꠃꠞꠣꠔ ৪: ꠡꠥꠝꠣꠞꠤ 14:2

ꠢꠎꠞꠔ ꠝꠥꠍꠣ ꠀꠞ ꠢꠣꠞꠥꠘꠞ ꠛꠤꠞꠥꠖ꠆ꠖꠦ ꠛꠃꠔ ꠇꠕꠣꠛꠣꠞ꠆ꠔꠣ ꠝꠣꠔꠤꠟ। ꠔꠣꠞꠣ ꠢꠇꠟꠦ ꠝꠤꠟꠤꠀ ꠝꠥꠍꠣ ꠀꠞ ꠢꠣꠞꠥꠘꠞꠦ ꠇꠁꠟ, “ꠢꠣꠄꠞꠦ ꠢꠣꠄ! ꠀꠝꠞꠣ ꠇꠦꠘꠦ ꠢꠃ ꠝꠤꠡꠞ ꠖꠦꠡꠅ ꠛꠣ ꠝꠞꠥꠜꠥꠝꠤꠔ ꠝꠞꠟꠣꠝ ꠘꠣ? ꠢꠘꠅ ꠝꠞꠣꠃ ꠔ ꠜꠣꠟꠣ ꠀꠍꠤꠟ।

Injil 11: Filifia 3:19

ꠔꠣꠞꠣꠞ ꠇꠙꠣꠟꠅ ꠀꠍꠦ ꠛꠤꠘꠣꠡ। ꠔꠣꠞꠣꠞ ꠙꠦꠐꠃ ꠔꠣꠞꠣꠞ ꠀꠟ꠆ꠟꠣ। ꠘꠣꠚꠞꠝꠣꠘꠤ ꠇꠣꠝ ꠟꠁꠀ ꠔꠣꠞꠣ ꠛꠠꠣꠁ ꠇꠞꠦ, ꠈꠣꠟꠤ ꠖꠥꠘꠤꠀꠞ ꠗꠣꠘ꠆ꠖꠣꠄ ꠙꠣꠉꠟ।