ꠔꠃꠞꠣꠔ ৪: ꠡꠥꠝꠣꠞꠤ 11:12 - Siloṭi Asmani Kitab (Nagri lipi)

¹² ꠀꠝꠤ ꠇꠥꠘꠥ ꠔꠣꠞꠣꠞꠦ ꠙꠦꠐꠅ ꠟꠁꠍꠤ ꠘꠤ, ꠛꠣ ꠔꠣꠞꠣ ꠀꠝꠣꠞ ꠙꠦꠐ ꠕꠣꠇꠤ ꠎꠘꠝꠤꠍꠦ ꠘꠤ? ꠔꠥꠝꠤ ꠔꠣꠞꠣꠞ ꠛꠣꠚ-ꠖꠣꠖꠣꠁꠘ꠆ꠔꠞ ꠉꠦꠍꠦ ꠎꠦ ꠖꠦꠡ ꠖꠤꠛꠣꠞ ꠅꠀꠖꠣ ꠇꠞꠍꠤꠟꠣꠄ, ꠔꠣꠞꠣꠞꠦ ꠢꠘꠅ ꠘꠤꠛꠣꠞ ꠟꠣꠉꠤ ꠀꠝꠣꠞꠦ ꠇꠦꠘꠦ ꠔꠣꠞꠣꠞ ꠙꠣꠟꠇ-ꠛꠣꠚꠞ ꠟꠣꠈꠣꠘ ꠛꠣꠘꠣꠁꠍ, ꠀꠞ ꠔꠣꠞꠣꠞꠦ ꠇꠥꠟꠅ ꠇꠞꠤ ꠘꠤꠛꠣꠞ ꠇꠕꠣ ꠇꠦꠘꠦ ꠇꠁꠞꠣꠄ?

ছিলটি আছমানি কিতাব (বাংলা লিপি)

¹² আমি কুনু তারারে পেটো লইছি নি, বা তারা আমার পেট থাকি জনমিছে নি? তুমি তারার বাফ-দাদাইন্তর গেছে যে দেশ দিবার ওয়াদা করছিলায়, তারারে হনো নিবার লাগি আমারে কেনে তারার পালক-বাফর লাখান বানাইছো, আর তারারে কুলো করি নিবার কথা কেনে কইরায়?

Siloṭi Asmani Kitab (Latin lipi)

¹² Ami kunu tarare feṭo loisi ni, ba tara amar feṭ taki zonmise ni? Tumi tarar baf-dadaintor gese ze desh dibar oada ḳorsilae, tarare hono nibar lagi amare ḳene tarar falok-bafor laḳan banaiso, ar tarare kulo ḳori nibar ḳota ḳene ḳoirae?

ꠔꠃꠞꠣꠔ ৪: ꠡꠥꠝꠣꠞꠤ 11:12 Iomraidhean Croise

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 13:15

ꠎꠦ ꠎꠣꠉꠣ ꠅꠇꠟ ꠔꠥꠝꠤ ꠖꠦꠈꠞꠣꠄ, ꠁꠔꠣ ꠀꠝꠤ ꠔꠥꠝꠣꠞꠦ ꠀꠞ ꠔꠥꠝꠣꠞ ꠅꠀꠞꠤꠡ ꠅꠇꠟꠞꠦ ꠢꠣꠝꠦꠡꠣꠇꠥꠞ ꠟꠣꠉꠤ ꠖꠤꠟꠣꠁꠝꠥ।

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 24:7

ꠎꠦ ꠀꠍꠝꠣꠘꠤ ꠀꠟ꠆ꠟꠣ ꠝꠣꠛꠥꠖꠦ ꠀꠝꠣꠞꠦ, ꠀꠝꠣꠞ ꠛꠣꠚꠞ ꠛꠣꠠꠤ ꠀꠞ ꠎꠘꠝ ꠝꠣꠐꠤ ꠕꠘꠦ ꠛꠣꠞ ꠇꠞꠤꠀ ꠀꠘꠍꠂꠘ, ꠔꠣꠁꠘ ꠀꠝꠣꠞ ꠟꠉꠦ ꠛꠣꠔ-ꠍꠅꠀꠟ ꠇꠞꠤ ꠇꠍꠝ ꠇꠞꠤꠀ ꠇꠁꠍꠂꠘ, ꠁ ꠖꠦꠡꠈꠣꠘ ꠔꠣꠁꠘ ꠀꠝꠣꠞ ꠅꠀꠞꠤꠡ ꠅꠇꠟꠞꠦ ꠖꠤꠛꠣ। ꠔꠣꠁꠘ ꠔꠥꠝꠣꠞ ꠀꠉꠦꠃ ꠔꠣꠘ ꠚꠤꠞꠤꠡ꠆ꠔꠣꠞꠦ ꠢꠘꠅ ꠙꠣꠑꠣꠁꠛꠣ, ꠎꠣꠔꠦ ꠀꠝꠣꠞ ꠙꠥꠀꠞ ꠟꠣꠉꠤ ꠔꠥꠝꠤ ꠢꠘ ꠕꠘꠦ ꠄꠉꠥ ꠇꠁꠘꠣ ꠀꠘꠔꠣꠄ ꠙꠣꠞ।

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 26:3

ꠅꠃ ꠖꠦꠡꠅ ꠔꠥꠝꠤ ꠝꠥꠍꠣꠚꠤꠞ ꠅꠁꠀ ꠞꠅ। ꠀꠝꠤ ꠔꠥꠝꠣꠞ ꠟꠉꠦ ꠞꠁꠀ, ꠔꠥꠝꠣꠞꠦ ꠛꠞꠇꠔ ꠘꠣꠎꠤꠟ ꠇꠞꠝꠥ। ꠁ ꠖꠦꠡ ꠅꠇꠟ ꠀꠝꠤ ꠔꠥꠝꠣꠞꠦ ꠀꠞ ꠔꠥꠝꠣꠞ ꠅꠀꠞꠤꠡ ꠅꠇꠟꠞꠦ ꠖꠤꠝꠥ। ꠀꠞ ꠔꠥꠝꠣꠞ ꠛꠣꠚ ꠁꠛ꠆ꠞꠣꠢꠤꠝꠞ ꠉꠦꠍꠦ ꠀꠝꠤ ꠎꠦ ꠇꠍꠝ ꠇꠞꠍꠟꠣꠝ, ꠅꠇꠐꠣ ꠙꠥꠞꠣ ꠇꠞꠝꠥ।

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 50:24

ꠛꠣꠖꠦ ꠁꠃꠍꠥꠚꠦ ꠔꠣꠘ ꠜꠣꠁꠀꠁꠘ꠆ꠔꠞꠦ ꠇꠁꠟꠣ, “ꠀꠝꠣꠞ ꠔ ꠝꠃꠔꠞ ꠅꠇ꠆ꠔ ꠀꠁꠌ꠆ꠌꠦ, ꠘꠤꠌꠄ ꠀꠟ꠆ꠟꠣꠄ ꠔꠥꠝꠞꠣꠞ ꠛꠣꠄ ꠘꠎꠞ ꠞꠣꠈꠛꠣ। ꠔꠣꠁꠘ ꠁꠛ꠆ꠞꠣꠢꠤꠝ, ꠁꠍꠢꠣꠇ ꠀꠞ ꠁꠀꠇꠥꠛꠞ ꠉꠦꠍꠦ ꠎꠦ ꠖꠦꠡ ꠖꠤꠔꠣ ꠇꠞꠤ ꠇꠍꠝ ꠇꠞꠍꠂꠘ, ꠔꠥꠝꠞꠣꠞꠦ ꠅꠘ ꠕꠣꠇꠤ ꠢꠃ ꠖꠦꠡꠅ ꠟꠁꠀ ꠎꠣꠁꠛꠣ।”

ꠔꠃꠞꠣꠔ ২: ꠢꠤꠎꠞꠔ 13:11

“ꠝꠣꠛꠥꠖꠦ ꠔꠥꠝꠞꠣꠞ ꠉꠦꠍꠦ ꠀꠞ ꠔꠥꠝꠞꠣꠞ ꠛꠣꠚ-ꠖꠣꠖꠣꠁꠘ꠆ꠔꠞ ꠉꠦꠍꠦ ꠎꠦꠟꠣ ꠅꠀꠖꠣ ꠇꠞꠍꠂꠘ, ꠅꠃ ꠅꠀꠖꠣ ꠝꠣꠚꠤꠇ ꠔꠣꠁꠘ ꠔꠥꠝꠞꠣꠞꠦ ꠇꠦꠘꠣꠘꠤ ꠅꠇꠟꠞ ꠖꠦꠡ ꠖꠣꠘ ꠇꠞꠍꠂꠘ। ꠔꠦ ꠝꠣꠛꠥꠖꠦ ꠢꠘꠅ ꠘꠤꠀ ꠢꠣꠞꠟꠦ,

ꠔꠃꠞꠣꠔ ২: ꠢꠤꠎꠞꠔ 13:5

ꠝꠣꠛꠥꠖꠦ ꠔꠥꠝꠞꠣꠞ ꠛꠣꠚ-ꠖꠣꠖꠣꠞ ꠉꠦꠍꠦ ꠅꠀꠖꠣ ꠇꠞꠍꠂꠘ, ꠇꠦꠘꠣꠘꠤ, ꠢꠤꠐ꠆ꠐꠤ, ꠀꠝꠥꠞꠤ, ꠢꠤꠛ꠆ꠛꠤ ꠀꠞ ꠎꠤꠛꠥꠎꠤ ꠅꠇꠟꠞ ꠖꠦꠡꠅ ꠔꠥꠝꠞꠣꠞꠦ ꠘꠤꠛꠣꠉꠤ। ꠁ ꠖꠦꠡ ꠖꠥꠗ ꠀꠞ ꠝꠃꠞ ꠜꠣꠘ꠆ꠒꠣꠞ ꠀꠟꠣ ꠖꠦꠡ। ꠔꠦ ꠢꠘꠅ ꠉꠤꠀ ꠢꠣꠞꠟꠦꠅ ꠔꠥꠝꠞꠣ ꠙꠞꠔꠦꠇ ꠛꠍꠞ ꠀꠛꠤꠛ ꠌꠣꠘ꠆ꠖꠞ ꠅꠃ ꠁꠖ ꠀꠖꠣꠄ ꠇꠞꠤꠅ।

ꠔꠃꠞꠣꠔ ২: ꠢꠤꠎꠞꠔ 33:1

ꠝꠣꠛꠥꠖꠦ ꠝꠥꠍꠣꠞꠦ ꠇꠁꠟꠣ, “ꠎꠣꠅ, ꠔꠥꠝꠤ ꠅꠃ ꠎꠦꠞꠣꠞꠦ ꠝꠤꠡꠞ ꠕꠣꠇꠤ ꠀꠘꠍ, ꠄꠞꠣꠞꠦ ꠟꠁꠀ ꠅꠈꠘꠃ ꠁ ꠎꠣꠉꠣ ꠍꠣꠠꠤꠀ ꠎꠣꠅꠉꠤ। ꠀꠝꠣꠞ ꠅꠀꠖꠣ ꠇꠞꠣ ꠢꠃ ꠖꠦꠡꠅ ꠎꠣꠅ। ꠀꠝꠤ ꠁꠛ꠆ꠞꠣꠢꠤꠝ, ꠁꠍꠢꠣꠇ ꠀꠞ ꠁꠀꠇꠥꠛꠞ ꠉꠦꠍꠦ ꠅꠀꠖꠣ ꠇꠞꠍꠟꠣꠝ, ꠔꠣꠞꠣꠞ ꠅꠀꠞꠤꠡ ꠅꠇꠟꠞꠦ ꠅꠃ ꠖꠦꠡ ꠅꠇꠟ ꠖꠤꠝꠥ, ꠔꠦ ꠔꠥꠝꠤ ꠔꠣꠞꠣꠞꠦ ꠟꠁꠀ ꠢꠘꠅ ꠎꠣꠅꠉꠤ।

ꠔꠃꠞꠣꠔ ২: ꠢꠤꠎꠞꠔ 6:8

ꠀꠝꠤ ꠁꠛ꠆ꠞꠣꠢꠤꠝ, ꠁꠍꠢꠣꠇ, ꠁꠀꠇꠥꠛꠞ ꠟꠉꠦ ꠎꠦ ꠖꠦꠡꠞ ꠇꠕꠣ ꠅꠀꠖꠣ ꠇꠞꠍꠤ, ꠢꠃ ꠖꠦꠡꠅ ꠔꠥꠝꠞꠣꠞꠦ ꠟꠁꠀ ꠎꠣꠁꠝꠥ, ꠔꠥꠝꠞꠣ ꠢꠃ ꠖꠦꠡꠞ ꠝꠣꠟꠤꠇ ꠅꠁꠛꠣꠄ। ꠀꠝꠤꠃ ꠝꠣꠛꠥꠖ।”

Injil 4: Hannan 10:11

“ꠀꠝꠤꠃ ꠀꠍꠟ ꠞꠣꠈꠣꠟ। ꠀꠍꠟ ꠞꠣꠈꠣꠟꠦ ꠔꠣꠞ ꠝꠦꠠꠣꠞ ꠟꠣꠉꠤ ꠘꠤꠎꠞ ꠎꠣꠘ ꠛꠤꠟꠣꠁ ꠖꠦꠄ।

Injil 7: 1-Korintia 4:15

ꠝꠘꠅ ꠞꠣꠈꠤꠅ, ꠀꠟ-ꠝꠍꠤꠞ ꠛꠦꠙꠣꠞꠦ ꠔꠣꠟꠤꠝ ꠖꠦꠅꠀꠞ ꠟꠣꠉꠤ ꠔꠥꠝꠞꠣꠞ ꠀꠎꠣꠞ ꠀꠎꠣꠞ ꠃꠡ꠆ꠔꠣꠖ ꠕꠣꠇꠔꠣ ꠙꠣꠞꠂꠘ, ꠅꠁꠟꠦ ꠔꠥꠝꠞꠣꠞ ꠛꠣꠚ ꠔ ꠅꠔ ꠎꠘ ꠘꠣꠄ। ꠈꠥꠡ-ꠈꠛꠞꠤ ꠔꠛꠟꠤꠉꠞ ꠝꠣꠎꠖꠤ ꠁꠍꠣꠄꠁ ꠎꠤꠘ꠆ꠖꠦꠉꠤꠔ ꠄꠇꠝꠣꠔ꠆ꠞ ꠀꠝꠤꠃ ꠅꠁꠟꠣꠝ ꠔꠥꠝꠞꠣꠞ ꠛꠣꠚ।

Injil 9: Galatia 4:19

ꠅ ꠀꠝꠣꠞ ꠙꠤꠀꠞꠣ ꠀꠅꠟꠣꠖ ꠅꠇꠟ, ꠔꠥꠝꠞꠣ ꠎꠔꠖꠤꠘ ꠀꠟ-ꠝꠍꠤꠞ ꠟꠣꠈꠣꠘ ꠘꠣ ꠛꠘꠍ, ꠅꠔꠖꠤꠘ ꠀꠝꠤ ꠢꠤꠞꠛꠣꠞ ꠔꠥꠝꠞꠣꠞ ꠟꠣꠉꠤ ꠢꠥꠞꠥꠔ꠆ꠔꠣ ꠙꠄꠖꠣꠞ ꠛꠤꠡꠞ ꠟꠣꠈꠣꠘ ꠍꠐꠚꠐ ꠇꠞꠞꠣꠝ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 1:31

ꠀꠞ ꠅꠃ ꠝꠞꠥꠜꠥꠝꠤꠞ ꠝꠣꠎꠦꠅ ꠔ ꠔꠥꠝꠞꠣ ꠖꠦꠈꠍ, ꠅꠘꠅ ꠀꠁꠀ ꠙꠃꠍꠣꠞ ꠀꠉ ꠙꠞ꠆ꠎꠘ꠆ꠔ, ꠛꠣꠚꠦ ꠎꠦꠟꠣꠈꠣꠘ ꠀꠙꠘ ꠙꠥꠔꠞꠦ ꠇꠥꠟꠅ ꠇꠞꠤ ꠛꠁꠀ ꠘꠦꠁꠘ, ꠅꠃꠟꠣꠈꠣꠘ ꠀꠟ꠆ꠟꠣ ꠝꠣꠛꠥꠖꠦ ꠔꠥꠝꠞꠣꠞꠦꠅ ꠀꠡ꠆ꠔꠣ ꠙꠕ ꠛꠁꠀ ꠀꠘꠍꠂꠘ।

ইঞ্জিল ১৩: ১-থিষল: 2:7

ꠀꠝꠞꠣ ꠁꠌ꠆ꠍꠣ ꠇꠞꠟꠦ ꠔ ꠀꠟ-ꠝꠍꠤꠞ ꠍꠣꠢꠣꠛꠤ ꠢꠤꠡꠣꠛꠦ ꠔꠥꠝꠞꠣꠞ ꠃꠙꠞꠦ ꠖꠣꠛꠤ ꠈꠣꠐꠣꠁꠔꠣꠝ ꠙꠣꠞꠟꠣꠝ ꠅꠘꠦ। ꠅꠁꠟꠦ ꠄꠞ ꠛꠖꠟꠣ, ꠝꠣʼꠄ ꠎꠦꠟꠣ ꠘꠤꠎꠞ ꠢꠥꠞꠥꠔ꠆ꠔꠣꠁꠘꠞꠦ ꠎꠄ-ꠎꠔꠘ ꠇꠞꠂꠘ, ꠔꠥꠝꠞꠣꠞ ꠟꠉꠦ ꠕꠣꠇꠣꠞ ꠡꠝꠄ ꠀꠝꠞꠣꠅ ꠅꠟꠣ ꠘꠞꠝ ꠛꠦꠛꠢꠣꠞ ꠇꠞꠍꠤ।