ꠔꠃꠞꠣꠔ ৪: ꠡꠥꠝꠣꠞꠤ 11:1 - Siloṭi Asmani Kitab (Nagri lipi)

¹ ꠛꠘꠤ ꠁꠍꠞꠣꠁꠟꠦ ꠘꠤꠎꠞ ꠖꠥꠈ-ꠇꠡ꠆ꠐꠞ ꠟꠣꠉꠤ ꠛꠦꠎꠣꠞ ꠅꠁꠀ ꠛꠇꠣ-ꠎꠇꠣ ꠇꠞꠟꠣ। ꠄꠞꠟꠣꠉꠤ ꠝꠣꠛꠥꠖꠦ ꠔꠣꠞꠣꠞ ꠁꠔꠣ ꠢꠥꠘꠤꠀ ꠉꠥꠍꠣ ꠅꠁꠉꠦꠟꠣ। ꠔꠣꠁꠘ ꠉꠎꠛꠤ ꠀꠉꠥꠁꠘ ꠙꠣꠑꠣꠁꠟꠣ ꠀꠞ ꠅꠃ ꠀꠉꠥꠁꠘ ꠔꠣꠞꠣꠞ ꠝꠣꠎꠦ ꠎꠟꠤꠟ, ꠄꠔꠦ ꠇꠦꠝ꠆ꠙꠞ ꠇꠤꠘꠣꠞꠣꠞ ꠇꠤꠍꠥ ꠅꠋꠡ ꠀꠉꠥꠁꠘꠦ ꠎꠟꠤꠉꠦꠟ।

ছিলটি আছমানি কিতাব (বাংলা লিপি)

¹ বনি ইছরাইলে নিজর দুখ-কষ্টর লাগি বেজার অইয়া বকা-জকা করলা। এরলাগি মাবুদে তারার ইতা হুনিয়া গুছা অইগেলা। তাইন গজবি আগুইন পাঠাইলা আর অউ আগুইন তারার মাজে জলিলো, এতে কেম্পর কিনারার কিছু অংশ আগুইনে জলিগেল।

Siloṭi Asmani Kitab (Latin lipi)

¹ Boni Israile nizor duk-koshṭor lagi bezar oia boḳa-zoḳa ḳorla. Erlagi Mabude tarar ita hunia gusa oigela. Tain gozobi aguin faṭaila ar ou aguin tarar maze zolilo, ete kempor kinarar kisu ongsho aguine zoligelo.

ꠔꠃꠞꠣꠔ ৪: ꠡꠥꠝꠣꠞꠤ 11:1 Iomraidhean Croise

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 38:10

ꠝꠣꠛꠥꠖꠦ ꠔꠣꠞ ꠁ ꠇꠣꠝꠦ ꠘꠣꠞꠣꠎ ꠅꠁꠟꠣ, ꠔꠣꠁꠘ ꠄꠁꠞꠞꠦꠅ ꠝꠣꠞꠤꠟꠣꠁꠟꠣ।

ꠔꠃꠞꠣꠔ ২: ꠢꠤꠎꠞꠔ 16:7

ꠛꠤꠀꠘ ꠅꠁꠟꠦꠃ ꠔꠥꠝꠞꠣ ꠝꠣꠛꠥꠖꠞ ꠇꠥꠖꠞꠔꠤ ꠘꠥꠞ ꠖꠦꠈꠛꠣꠄ, ꠔꠣꠁꠘ ꠔ ꠢꠥꠘꠍꠂꠘ, ꠔꠥꠝꠞꠣ ꠇꠤꠔꠣ ꠇꠣꠘꠣ-ꠇꠣꠘꠤ ꠇꠞꠍ। ꠔꠦ ꠀꠝꠞꠣ ꠀꠞ ꠇꠤꠔꠣ ꠎꠦꠘ, ꠔꠥꠝꠞꠣ ꠀꠝꠞꠣꠞ ꠛꠤꠞꠥꠖ꠆ꠖꠦ ꠅꠔꠔꠣ ꠝꠣꠔꠤꠞꠣꠄ?”

ꠔꠃꠞꠣꠔ ২: ꠢꠤꠎꠞꠔ 16:9

ꠄꠞꠛꠣꠖꠦ ꠝꠥꠍꠣꠄ ꠢꠣꠞꠥꠘꠞꠦ ꠇꠁꠟꠣ, “ꠔꠥꠝꠤ ꠢꠇ꠆ꠇꠟ ꠛꠘꠤ ꠁꠍꠞꠣꠁꠟꠞꠦ ꠎꠣꠘꠣꠁ ꠖꠦꠅ, ꠔꠥꠝꠞꠣ ꠝꠣꠛꠥꠖꠞ ꠛꠤꠞꠥꠖ꠆ꠖꠦ ꠎꠦꠔꠣ ꠝꠣꠔꠤꠍ, ꠁꠔꠣ ꠔꠣꠁꠘ ꠢꠥꠘꠍꠂꠘ। ꠅꠈꠘ ꠔꠥꠝꠞꠣ ꠀꠁꠀ ꠝꠣꠛꠥꠖꠞ ꠍꠣꠝꠘꠦ ꠀꠎꠤꠞ ꠅꠅ।”

ꠔꠃꠞꠣꠔ ৩: ꠟꠦꠛꠤꠀꠘ 10:2

ꠅꠔꠣꠞ ꠟꠣꠉꠤ ꠝꠣꠛꠥꠖꠞ ꠉꠦꠍ ꠕꠣꠇꠤ ꠀꠉꠥꠁꠘ ꠟꠣꠝꠤꠀ ꠀꠁꠀ ꠔꠣꠞꠣꠞꠦ ꠎꠣꠟꠣꠁꠟꠤꠟ, ꠔꠣꠞꠣ ꠝꠣꠛꠥꠖꠞ ꠍꠣꠝꠘꠦ ꠝꠞꠤꠉꠦꠟꠣ।

ꠔꠃꠞꠣꠔ ৪: ꠡꠥꠝꠣꠞꠤ 10:33

ꠅꠃ ꠟꠣꠈꠣꠘ ꠛꠘꠤ ꠁꠍꠞꠣꠁꠟꠦ ꠝꠣꠛꠥꠖꠞ ꠙꠣꠠ ꠕꠣꠇꠤ ꠞꠅꠀꠘꠣ ꠅꠁꠀ ꠔꠤꠘ ꠖꠤꠘꠞ ꠙꠕ ꠀꠉꠥꠀꠁ ꠉꠦꠟꠣ। ꠀꠞ ꠎꠤꠞꠣꠁꠛꠣꠞ ꠟꠣꠉꠤ ꠄꠇꠈꠣꠘ ꠎꠣꠉꠣ ꠔꠥꠇꠣꠁꠀ ꠛꠣꠞ ꠇꠞꠣꠞ ꠈꠤꠀꠟꠦ, ꠝꠣꠛꠥꠖꠞ ꠢꠃ ꠙꠛꠤꠔ꠆ꠞ ꠡꠣꠢꠣꠖꠔ ꠡꠘ꠆ꠖꠥꠇ ꠔꠤꠘ ꠖꠤꠘ ꠗꠞꠤ ꠔꠣꠞꠣꠞ ꠀꠉꠦ ꠀꠉꠦ ꠉꠦꠟ।

ꠔꠃꠞꠣꠔ ৪: ꠡꠥꠝꠣꠞꠤ 11:18

ꠀꠞ ꠔꠥꠝꠤ ꠅꠔꠣ ꠝꠣꠘꠡꠞꠦ ꠎꠣꠘꠣꠁ ꠖꠦꠅ, ꠔꠣꠞꠣ ꠙꠣꠇ-ꠙꠛꠤꠔ꠆ꠞ ꠅꠁꠀ ꠇꠣꠁꠟꠇꠥꠞ ꠟꠣꠉꠤ ꠎꠥꠁꠔ ꠞꠁꠔꠣ, ꠇꠣꠁꠟꠃ ꠔꠣꠞꠣ ꠈꠣꠘꠤꠞ ꠉꠥꠡ꠆ꠔ ꠙꠣꠁꠛꠣ। ꠔꠣꠞꠣ ꠔ ꠉꠥꠡ꠆ꠔꠞ ꠟꠣꠉꠤ ꠝꠣꠛꠥꠖꠞ ꠖꠞꠛꠣꠞꠅ ꠇꠣꠘ꠆ꠖꠣ-ꠇꠣꠐꠤ ꠇꠞꠤꠀ ꠇꠁꠍꠤꠟ, ꠝꠤꠡꠞꠅ ꠕꠣꠇꠔꠦꠃ ꠔꠣꠞꠣ ꠀꠞꠣꠝꠦ ꠀꠍꠤꠟ। ꠔꠦ ꠇꠣꠁꠟ ꠝꠣꠛꠥꠖꠦ ꠔꠣꠞꠣꠞꠦ ꠉꠥꠡ꠆ꠔ ꠖꠤꠛꠣ ꠀꠞ ꠔꠣꠞꠣ ꠈꠣꠁꠛꠣ।

ꠔꠃꠞꠣꠔ ৪: ꠡꠥꠝꠣꠞꠤ 12:2

ꠔꠣꠞꠣ ꠇꠁꠟꠣ, “ꠝꠣꠛꠥꠖꠦ ꠈꠣꠟꠤ ꠝꠥꠍꠣꠞ ꠝꠣꠞꠚꠔꠦ ꠝꠣꠔꠂꠘ ꠘꠤ? ꠀꠝꠞꠣꠞ ꠃꠍꠤꠟ꠆ꠟꠣꠄꠅ ꠝꠣꠔꠂꠘ ꠘꠣ ꠘꠤ?” ꠁꠈꠣꠘ ꠝꠣꠛꠥꠖꠦ ꠢꠥꠘꠟꠣ।

ꠔꠃꠞꠣꠔ ৪: ꠡꠥꠝꠣꠞꠤ 14:2

ꠢꠎꠞꠔ ꠝꠥꠍꠣ ꠀꠞ ꠢꠣꠞꠥꠘꠞ ꠛꠤꠞꠥꠖ꠆ꠖꠦ ꠛꠃꠔ ꠇꠕꠣꠛꠣꠞ꠆ꠔꠣ ꠝꠣꠔꠤꠟ। ꠔꠣꠞꠣ ꠢꠇꠟꠦ ꠝꠤꠟꠤꠀ ꠝꠥꠍꠣ ꠀꠞ ꠢꠣꠞꠥꠘꠞꠦ ꠇꠁꠟ, “ꠢꠣꠄꠞꠦ ꠢꠣꠄ! ꠀꠝꠞꠣ ꠇꠦꠘꠦ ꠢꠃ ꠝꠤꠡꠞ ꠖꠦꠡꠅ ꠛꠣ ꠝꠞꠥꠜꠥꠝꠤꠔ ꠝꠞꠟꠣꠝ ꠘꠣ? ꠢꠘꠅ ꠝꠞꠣꠃ ꠔ ꠜꠣꠟꠣ ꠀꠍꠤꠟ।

ꠔꠃꠞꠣꠔ ৪: ꠡꠥꠝꠣꠞꠤ 14:22

ꠁꠔꠣ ꠄꠇꠎꠘꠦꠅ ꠀꠝꠣꠞ ꠅꠀꠖꠣ ꠇꠞꠣ ꠢꠤ ꠖꠦꠡ ꠖꠦꠈꠣꠞ ꠡꠥꠎꠥꠉ ꠅꠁꠔ ꠘꠣꠄ, ꠎꠦ ꠖꠦꠡ ꠖꠤꠔꠣꠝ ꠇꠞꠤ ꠀꠝꠤ ꠔꠣꠞꠣꠞ ꠛꠣꠚ-ꠖꠣꠖꠣꠞ ꠉꠦꠍꠦ ꠅꠀꠖꠣ ꠇꠞꠍꠟꠣꠝ। ꠇꠣꠞꠘ ꠁꠔꠣꠄ ꠀꠝꠣꠞ ꠘꠥꠞꠞ ꠔꠎꠟ꠆ꠟꠤ ꠖꠦꠈꠍꠂꠘ, ꠔꠣꠞꠣ ꠝꠤꠡꠞꠅ ꠕꠣꠇꠔꠦ ꠀꠞ ꠅꠃ ꠝꠞꠥꠜꠥꠝꠤꠔ ꠀꠁꠀꠅ ꠀꠝꠣꠞ ꠇꠥꠖꠞꠔꠤ ꠟꠤꠟꠣ-ꠈꠦꠟꠣ ꠖꠦꠈꠣꠞ ꠛꠣꠖꠦꠅ ꠁꠔꠣꠄ ꠀꠝꠣꠞꠦ ꠝꠣꠘꠍꠂꠘ ꠘꠣ, ꠛꠞꠋ ꠖꠡ-ꠖꠡꠛꠣꠞ ꠔꠣꠞꠣ ꠀꠝꠣꠞꠦ ꠙꠞꠤꠇ꠆ꠇꠣ ꠇꠞꠍꠂꠘ। ꠔꠦ ꠔꠣꠞꠣ ꠎꠔꠎꠘꠦ ꠀꠝꠣꠞꠦ ꠄꠟꠣꠝꠤ ꠇꠞꠍꠦ, ꠁꠔꠣ ꠄꠇꠎꠘꠦꠅ ꠢꠤ ꠖꠦꠡ ꠖꠦꠈꠣꠞ ꠇꠙꠣꠟ ꠅꠁꠔ ꠘꠣꠄ।

ꠔꠃꠞꠣꠔ ৪: ꠡꠥꠝꠣꠞꠤ 14:27

“ꠅꠃ ꠘꠣꠚꠞꠝꠣꠘ ꠎꠣꠔꠤꠄ ꠀꠝꠣꠞ ꠛꠤꠞꠥꠖ꠆ꠖꠦ ꠀꠞ ꠇꠔꠖꠤꠘ ꠛꠦꠞ-ꠛꠦꠞꠤ ꠇꠞꠔ? ꠔꠣꠞꠣ ꠀꠝꠣꠞ ꠛꠤꠞꠥꠖ꠆ꠖꠦ ꠎꠦꠔꠣ ꠝꠣꠔ ꠝꠣꠔꠦꠞ, ꠁꠔꠣ ꠔ ꠀꠝꠤ ꠢꠥꠘꠍꠤ।

ꠔꠃꠞꠣꠔ ৪: ꠡꠥꠝꠣꠞꠤ 14:28

ꠅꠈꠘ ꠔꠥꠝꠞꠣ ꠉꠤꠀ ꠛꠘꠤ ꠁꠍꠞꠣꠁꠟꠞꠦ ꠇꠅ, ꠀꠝꠤ ꠝꠣꠛꠥꠖꠦ ꠘꠤꠎꠞ ꠎꠤꠘ꠆ꠖꠦꠉꠤꠞ ꠇꠍꠝ ꠈꠣꠁꠀ ꠇꠁꠞꠣꠝ, ꠀꠝꠤ ꠔꠥꠝꠞꠣꠞ ꠝꠥꠈꠞ ꠎꠦꠔꠣ ꠝꠣꠔ-ꠇꠕꠣ ꠢꠥꠘꠍꠤ, ꠀꠝꠤꠅ ꠔꠥꠝꠞꠣꠞ ꠟꠉꠦ ꠑꠤꠇ ꠅꠟꠣꠃ ꠇꠞꠝꠥ।

ꠔꠃꠞꠣꠔ ৪: ꠡꠥꠝꠣꠞꠤ 16:11

ꠢꠣꠞꠥꠘ ꠀꠞ ꠇꠥꠘ ꠝꠣꠘꠥꠡ ꠎꠦꠘ, ꠔꠥꠝꠞꠣ ꠔꠣꠞ ꠛꠤꠞꠥꠖ꠆ꠖꠦ ꠛꠇꠣ-ꠎꠇꠣ ꠇꠞꠞꠣꠄ? ꠔꠥꠝꠤ ꠀꠞ ꠔꠥꠝꠣꠞ ꠖꠟꠞ ꠝꠣꠘꠡꠦ ꠔ ꠝꠣꠛꠥꠖꠞ ꠛꠤꠞꠥꠖ꠆ꠖꠦꠃ ꠖꠟ ꠛꠣꠘ꠆ꠖꠤꠍ।”

ꠔꠃꠞꠣꠔ ৪: ꠡꠥꠝꠣꠞꠤ 16:35

ꠀꠞ ꠢꠃ ꠎꠦ ꠀꠠꠣꠁ-ꠡ ꠎꠘꠦ ꠀꠉꠞ-ꠈꠥꠡꠛꠄ ꠎꠣꠟꠣꠁꠀ ꠇꠥꠞꠛꠣꠘꠤ ꠇꠞꠍꠤꠟ, ꠝꠣꠛꠥꠖꠞ ꠉꠦꠍ ꠕꠣꠇꠤ ꠉꠣꠁꠛꠤ ꠀꠉꠥꠁꠘ ꠀꠁꠀ ꠁꠔꠣꠞꠦ ꠎꠣꠟꠣꠁꠀ ꠍꠣꠟꠤ ꠇꠞꠤꠟ꠆ꠟ।

ꠔꠃꠞꠣꠔ ৪: ꠡꠥꠝꠣꠞꠤ 17:5

ꠔꠦꠃ ꠀꠝꠣꠞ ꠙꠍꠘ꠆ꠖ ꠇꠞꠣ ꠛꠘ꠆ꠖꠣꠞ ꠟꠣꠑꠤꠞ ꠝꠣꠎꠦ ꠉꠣꠍꠞ ꠈꠦꠋ ꠚꠥꠐꠤꠛ। ꠅꠃ ꠟꠣꠈꠣꠘ ꠔꠥꠝꠞꠣꠞ ꠛꠤꠞꠥꠖ꠆ꠖꠦ ꠛꠘꠤ ꠁꠍꠞꠣꠁꠟꠞ ꠛꠦꠞ-ꠛꠦꠞꠤ ꠇꠞꠣ ꠀꠝꠤ ꠛꠘ꠆ꠖ ꠇꠞꠝꠥ।”

ꠔꠃꠞꠣꠔ ৪: ꠡꠥꠝꠣꠞꠤ 21:5

ꠝꠥꠍꠣ ꠘꠛꠤ ꠀꠞ ꠀꠟ꠆ꠟꠣ ꠙꠣꠇꠞ ꠛꠤꠞꠥꠖ꠆ꠖꠦ ꠝꠣꠔꠣ-ꠝꠣꠔꠤ ꠟꠣꠉꠣꠁꠟꠣ, ꠔꠣꠞꠣ ꠇꠁꠟꠣ, “ꠀꠝꠞꠣꠞꠦ ꠝꠤꠡꠞ ꠖꠦꠡ ꠕꠣꠇꠤ ꠇꠦꠘꠦ ꠛꠣꠞ ꠇꠞꠤ ꠀꠘꠟꠣꠄ, ꠅꠃ ꠝꠞꠥꠜꠥꠝꠤꠔ ꠀꠘꠤꠀ ꠝꠣꠞꠣꠞ ꠟꠣꠉꠤ ꠘꠤ? ꠁꠘꠅ ꠔ ꠈꠣꠘꠤꠅ ꠘꠣꠁ, ꠙꠣꠘꠤꠅ ꠘꠣꠁ। ꠀꠞ ꠅꠟꠣ ꠛꠣꠎꠦ ꠈꠣꠘꠤ ꠀꠝꠞꠣ ꠖꠥꠁ ꠌꠃꠈꠦ ꠖꠦꠈꠔꠣꠝ ꠙꠣꠞꠤ ꠘꠣ।”

Injil 7: 1-Korintia 10:10

ꠔꠣꠞꠣꠞ ꠝꠣꠎꠞ ꠛꠃꠔꠦ ꠘꠣ-ꠈꠥꠡ ꠅꠁꠀ ꠛꠇꠣ-ꠎꠇꠣ ꠇꠞꠣꠄ, ꠀꠟ꠆ꠟꠣꠞ ꠉꠎꠛꠞ ꠚꠤꠞꠤꠡ꠆ꠔꠣꠄ ꠔꠣꠞꠣꠞꠦ ꠛꠤꠘꠣꠡ ꠇꠞꠍꠂꠘ। ꠄꠞꠟꠣꠉꠤ ꠔꠥꠝꠞꠣ ꠁꠟꠣ ꠇꠞꠤꠅ ꠘꠣ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 25:18

ꠀꠐꠤꠔꠦ ꠀꠐꠤꠔꠦ ꠔꠥꠝꠞꠣꠞ ꠇꠦꠃ ꠇꠦꠃ ꠎꠦꠛꠟꠣ ꠢꠦꠞꠣꠘ ꠅꠁꠀ ꠙꠤꠍꠦ ꠙꠠꠤ ꠉꠦꠍꠤꠟ, ꠅꠃ ꠡꠝꠄ ꠀꠝꠣꠟꠦꠇꠤ ꠅꠇꠟꠦ ꠀꠁꠀ ꠢꠣꠝꠟꠣ ꠇꠞꠍꠤꠟ, ꠔꠣꠞꠣ ꠔ ꠀꠟ꠆ꠟꠣꠞꠦꠅ ꠒꠞꠣꠁꠍꠦ ꠘꠣ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 32:22

ꠀꠝꠣꠞ ꠉꠥꠍꠣꠞ ꠀꠉꠥꠁꠘ ꠅꠈꠘ ꠖꠣꠃ ꠖꠣꠃ ꠇꠞꠤ ꠎꠟꠦꠞ, ꠝꠣꠐꠤꠞ ꠔꠟꠞ ꠙꠣꠔꠣꠟꠞꠦꠅ ꠎꠣꠟꠣꠁꠀ ꠍꠣꠞꠈꠣꠞ ꠇꠞꠦꠞ। ꠢꠣꠞꠣ ꠎꠉꠔ ꠀꠞ ꠚꠄ-ꠚꠡꠟ ꠎꠣꠟꠣꠁ ꠇꠞꠛ ꠍꠣꠟꠤ, ꠙꠣꠠꠞ ꠔꠟꠣꠔ ꠀꠉꠥꠁꠘ ꠎꠟꠛ, ꠎꠟꠛ ꠗꠥꠁꠟ ꠛꠣꠟꠤ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 9:22

“ꠔꠥꠝꠞꠣ ꠔ ꠔꠣꠛꠦꠞꠣꠔ, ꠝꠣꠍꠣꠔ ꠀꠞ ꠇꠤꠛꠞꠥꠔ-ꠢꠥꠔꠣꠛꠣ ꠘꠣꠝꠞ ꠎꠣꠉꠣꠔ ꠝꠣꠛꠥꠖꠞ ꠉꠥꠍꠣ ꠔꠥꠟꠣꠁꠍꠟꠣꠄ।

Injil 19: Ibrani 12:29

ꠇꠣꠞꠘ ꠀꠝꠞꠣꠞ ꠀꠟ꠆ꠟꠣ ꠔ ꠛꠤꠘꠣꠡ ꠇꠞꠞꠣ ꠀꠉꠥꠘꠤꠞ ꠟꠣꠈꠣꠘ।

Injil 20: Iakub 5:4

ꠢꠥꠘꠅ, ꠔꠥꠝꠞꠣꠞ ꠗꠣꠘ ꠖꠣꠅꠞꠣ ꠇꠣꠝꠟꠣꠞ ꠎꠦ ꠛꠦꠔꠘ ꠀꠐꠇꠣꠁꠍ, ꠅꠃ ꠛꠦꠔꠘꠦ ꠅꠈꠘ ꠌꠤꠟ꠆ꠟꠣꠁꠀ ꠀꠢꠣꠎꠣꠞꠤ ꠇꠞꠦꠞ। ꠁ ꠇꠣꠝꠟꠣꠁꠘ꠆ꠔꠞ ꠀꠢꠣꠎꠣꠞꠤ ꠀꠟ꠆ꠟꠣ ꠞꠣꠛ꠆ꠛꠥꠟ ꠀꠟꠣꠝꠤꠘꠞ ꠇꠣꠘꠅ ꠉꠤꠀ ꠀꠎꠤꠍꠦ।

Injil 26: Ehuda 1:16

ꠁꠔꠣꠄ ꠔ ꠢꠣꠝꠦꠡꠣꠃ ꠘꠣ-ꠍꠛꠞꠤ ꠇꠞꠂꠘ, ꠘꠤꠎꠞ ꠇꠙꠣꠟꠞꠦ ꠖꠥꠡꠂꠘ ꠀꠞ ꠔꠣꠞꠣꠞ ꠛꠖ ꠈꠣꠁꠡꠞ ꠛꠡꠦ ꠌꠟꠂꠘ। ꠔꠣꠞꠣꠞ ꠢꠇꠟ ꠝꠣꠔꠅ ꠘꠤꠎꠞ ꠛꠠꠣꠁ-ꠛꠦꠐꠣꠉꠤꠞꠤ ꠖꠦꠈꠣꠁꠘ, ꠡ꠆ꠛꠣꠞꠕ ꠢꠣꠍꠤꠟꠞ ꠟꠣꠉꠤ ꠝꠣꠘꠡꠞ ꠜꠎꠘꠣ ꠇꠞꠂꠘ।