ꠔꠃꠞꠣꠔ ৪: ꠡꠥꠝꠣꠞꠤ 10:4 - Siloṭi Asmani Kitab (Nagri lipi)

⁴ ꠅꠁꠟꠦ ꠄꠇꠐꠣ ꠌꠥꠋꠉꠣ ꠛꠣꠎꠣꠘꠤ ꠅꠁꠟꠦ ꠈꠣꠟꠤ ꠛꠘꠤ ꠁꠍꠞꠣꠁꠟꠞ ꠘꠣꠘꠣꠘ ꠈꠣꠘ꠆ꠖꠣꠘꠞ ꠡꠞ꠆ꠖꠣꠞ ꠅꠇꠟ ꠔꠥꠝꠣꠞ ꠍꠣꠝꠘꠦ ꠀꠁꠀ ꠖꠟꠣ ꠅꠁꠛꠣ।

ছিলটি আছমানি কিতাব (বাংলা লিপি)

⁴ অইলে একটা চুংগা বাজানি অইলে খালি বনি ইছরাইলর নানান খান্দানর সর্দার অকল তুমার ছামনে আইয়া দলা অইবা।

Siloṭi Asmani Kitab (Latin lipi)

⁴ Oile eḳṭa sunga bazani oile ḳali Boni Israilor nanan ḳandanor shordar oḳol tumar samne aia dola oiba.

ꠔꠃꠞꠣꠔ ৪: ꠡꠥꠝꠣꠞꠤ 10:4 Iomraidhean Croise

ꠔꠃꠞꠣꠔ ২: ꠢꠤꠎꠞꠔ 18:21

ꠀꠞ ꠔꠥꠝꠤ ꠄꠞꠣꠞ ꠝꠣꠎ ꠕꠣꠇꠤ ꠛꠣꠍꠤꠀ ꠅꠃꠟꠣ ꠎꠁꠉ꠆ꠉ ꠝꠣꠘꠥꠡ ꠛꠣꠞ ꠇꠞꠅ, ꠎꠦꠞꠣ ꠀꠟ꠆ꠟꠣꠞꠦ ꠒꠞꠣꠁꠘ, ꠢꠇ ꠙꠕꠦ ꠌꠟꠂꠘ, ꠀꠞ ꠊꠥꠡ ꠈꠣꠅꠀꠞꠦ ꠊꠤꠘ ꠇꠞꠂꠘ। ꠄꠞꠣꠞꠦ ꠔꠥꠝꠤ ꠝꠣꠘꠡꠞ ꠛꠤꠌꠣꠞ-ꠀꠌꠣꠞꠞ ꠖꠣꠄꠁꠔ꠆ꠔ ꠖꠦꠅ। ꠄꠞꠣ ꠇꠥꠘꠥ ꠎꠘꠞꠦ ꠀꠎꠣꠞ ꠎꠘꠞ ꠃꠙꠞꠦ, ꠇꠦꠃꠞꠞꠦ ꠡ ꠎꠘ, ꠇꠦꠃꠞꠞꠦ ꠙꠁꠘ꠆ꠌꠣꠡ ꠎꠘ, ꠀꠞ ꠇꠦꠃꠞꠞꠦ ꠖꠡ ꠎꠘꠞ ꠃꠙꠞꠦ ꠛꠤꠌꠣꠞ-ꠀꠌꠣꠞꠞ ꠜꠣꠞ ꠖꠦꠅ।

ꠔꠃꠞꠣꠔ ৪: ꠡꠥꠝꠣꠞꠤ 7:2

ꠅꠃ ꠖꠤꠘ ꠛꠘꠤ ꠁꠍꠞꠣꠁꠟꠞ ꠛꠣꠞꠅ ꠈꠣꠘ꠆ꠖꠣꠘꠞ ꠡꠞ꠆ꠖꠣꠞ ꠅꠇꠟ ꠘꠣꠘꠣꠘ ꠎꠣꠔꠞ ꠃꠙꠢꠣꠞ ꠟꠁꠀ ꠀꠁꠟꠣ। ꠄꠞꠣ ꠅꠁꠟꠣ ꠎꠣꠞꠎꠤꠞ ꠉꠥꠡ꠆ꠐꠤꠞ ꠙꠞꠗꠣꠘ ꠝꠣꠘꠥꠡ, ꠔꠣꠞꠣꠞ ꠖꠣꠄꠁꠔ꠆ꠔ ꠀꠍꠤꠟ ꠉꠘꠤꠀ ꠀꠟꠉ ꠇꠞꠣ ꠢꠇꠟ ꠝꠣꠘꠡꠞ ꠖꠦꠈꠣ-ꠢꠥꠘꠣ ꠇꠞꠣ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 1:15

ꠔꠦꠃ ꠀꠝꠤ ꠔꠥꠝꠞꠣꠞ ꠙꠞꠔꠦꠇ ꠈꠣꠘ꠆ꠖꠣꠘ ꠕꠣꠇꠤ ꠀꠈꠟꠖꠣꠞ, ꠛꠥꠖ꠆ꠖꠤꠝꠣꠘ ꠀꠞ ꠎꠣꠘꠞꠣ-ꠢꠥꠘꠞꠣ ꠎꠘꠞꠦ ꠘꠤꠀ ꠔꠥꠝꠞꠣꠞ ꠀꠎꠣꠞ ꠎꠘꠞ ꠃꠙꠞꠦ, ꠡ ꠎꠘꠞ ꠃꠙꠞꠦ, ꠙꠁꠘ꠆ꠌꠣꠡ ꠎꠘꠞ ꠃꠙꠞꠦ, ꠖꠡ ꠎꠘꠞ ꠃꠙꠞꠦ ꠡꠞ꠆ꠖꠣꠞ ꠛꠣꠘꠣꠁ ꠖꠤꠍꠟꠣꠝ, ꠀꠞ ꠅꠚꠤꠡꠣꠞ ꠛꠅꠀꠁꠟ ꠇꠞꠍꠟꠣꠝ।