ꠔꠃꠞꠣꠔ ৪: ꠡꠥꠝꠣꠞꠤ 10:12 - Siloṭi Asmani Kitab (Nagri lipi)

¹² ꠅꠃ ꠡꠝꠄ ꠛꠘꠤ ꠁꠍꠞꠣꠁꠟꠦ ꠍꠤꠘꠣꠁ ꠝꠞꠥꠜꠥꠝꠤ ꠕꠣꠇꠤ ꠞꠅꠀꠘꠣ ꠖꠤꠟꠣ। ꠢꠃ ꠝꠦꠊꠞ ꠈꠥꠐꠤ ꠚꠣꠞꠣꠘ ꠝꠞꠥꠜꠥꠝꠤꠔ ꠀꠁꠀ ꠕꠤꠞ ꠘꠣ ꠅꠀ ꠙꠞ꠆ꠎꠘ꠆ꠔ ꠔꠣꠞꠣ ꠌꠟꠣꠔꠃ ꠞꠁꠟꠣ।

ছিলটি আছমানি কিতাব (বাংলা লিপি)

¹² অউ সময় বনি ইছরাইলে সিনাই মরুভুমি থাকি রওয়ানা দিলা। হউ মেঘর খুটি ফারান মরুভুমিত আইয়া থির না অওয়া পর্যন্ত তারা চলাতউ রইলা।

Siloṭi Asmani Kitab (Latin lipi)

¹² Ou shomoy Boni Israile Sinai morubumi taki roana dila. Hou megor kuṭi Faran morubumit aia tir na oa forzonto tara solat-u roila.

ꠔꠃꠞꠣꠔ ৪: ꠡꠥꠝꠣꠞꠤ 10:12 Iomraidhean Croise

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 14:6

ꠛꠣꠖꠦ ꠝꠞꠥꠜꠥꠝꠤꠞ ꠇꠣꠍꠣꠞ ꠄꠟ-ꠚꠣꠞꠘ ꠙꠞ꠆ꠎꠘ꠆ꠔ ꠍꠦꠁꠞ ꠙꠣꠠꠞ ꠢꠥꠞꠤꠅ ꠅꠇꠟꠞꠦꠅ ꠀꠞꠣꠁꠟꠣ।

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 21:21

ꠢꠦ ꠚꠣꠞꠣꠘ ꠝꠞꠥꠜꠥꠝꠤꠔ ꠕꠣꠇꠔ। ꠔꠣꠞ ꠝꠣʼꠄ ꠝꠤꠡꠞꠞ ꠄꠇ ꠙꠥꠠꠤꠞꠦ ꠀꠘꠤꠀ ꠔꠣꠞꠦ ꠛꠤꠀ ꠇꠞꠣꠁꠟꠣ।

ꠔꠃꠞꠣꠔ ২: ꠢꠤꠎꠞꠔ 13:20

ꠛꠣꠖꠦ ꠔꠣꠞꠣ ꠡꠥꠇ꠆ꠇꠔ ꠉꠣꠅ ꠕꠣꠇꠤ ꠞꠅꠀꠘꠣ ꠅꠁꠀ ꠝꠞꠥꠜꠥꠝꠤꠞ ꠇꠤꠘꠣꠞꠅ ꠄꠕꠝ ꠘꠣꠝꠞ ꠎꠣꠉꠣꠔ ꠀꠁꠀ ꠔꠣꠝ꠆ꠛꠥ ꠉꠣꠠꠤꠟꠣ।

ꠔꠃꠞꠣꠔ ৪: ꠡꠥꠝꠣꠞꠤ 1:1

ꠛꠘꠤ ꠁꠍꠞꠣꠁꠟ ꠎꠣꠔꠤ ꠝꠤꠡꠞ ꠖꠦꠡ ꠕꠣꠇꠤ ꠛꠣꠞ ꠅꠁꠀ ꠀꠅꠀꠞ ꠖꠥꠁ ꠘꠝ꠆ꠛꠞ ꠛꠍꠞꠞ ꠡꠝꠄ, ꠖꠥꠁ ꠘꠝ꠆ꠛꠞ ꠌꠣꠘ꠆ꠖꠞ ꠙꠄꠟꠣ ꠖꠤꠘ, ꠝꠣꠛꠥꠖꠦ ꠍꠤꠘꠣꠁ ꠝꠞꠥꠜꠥꠝꠤꠔ ꠝꠤꠟꠘ-ꠔꠣꠝ꠆ꠛꠥꠞ ꠜꠤꠔꠞꠦ ꠢꠎꠞꠔ ꠝꠥꠍꠣꠞ ꠟꠉꠦ ꠛꠣꠔꠌꠤꠔ ꠇꠞꠟꠣ। ꠔꠣꠁꠘ ꠝꠥꠍꠣꠞꠦ ꠇꠁꠟꠣ,

ꠔꠃꠞꠣꠔ ৪: ꠡꠥꠝꠣꠞꠤ 10:33

ꠅꠃ ꠟꠣꠈꠣꠘ ꠛꠘꠤ ꠁꠍꠞꠣꠁꠟꠦ ꠝꠣꠛꠥꠖꠞ ꠙꠣꠠ ꠕꠣꠇꠤ ꠞꠅꠀꠘꠣ ꠅꠁꠀ ꠔꠤꠘ ꠖꠤꠘꠞ ꠙꠕ ꠀꠉꠥꠀꠁ ꠉꠦꠟꠣ। ꠀꠞ ꠎꠤꠞꠣꠁꠛꠣꠞ ꠟꠣꠉꠤ ꠄꠇꠈꠣꠘ ꠎꠣꠉꠣ ꠔꠥꠇꠣꠁꠀ ꠛꠣꠞ ꠇꠞꠣꠞ ꠈꠤꠀꠟꠦ, ꠝꠣꠛꠥꠖꠞ ꠢꠃ ꠙꠛꠤꠔ꠆ꠞ ꠡꠣꠢꠣꠖꠔ ꠡꠘ꠆ꠖꠥꠇ ꠔꠤꠘ ꠖꠤꠘ ꠗꠞꠤ ꠔꠣꠞꠣꠞ ꠀꠉꠦ ꠀꠉꠦ ꠉꠦꠟ।

ꠔꠃꠞꠣꠔ ৪: ꠡꠥꠝꠣꠞꠤ 12:16

ꠛꠣꠖꠦ ꠛꠘꠤ ꠁꠍꠞꠣꠁꠟ ꠅꠇꠟ ꠢꠣꠎꠤꠞꠥꠔ ꠍꠣꠠꠤꠀ ꠚꠣꠞꠣꠘ ꠝꠞꠥꠜꠥꠝꠤꠔ ꠉꠤꠀ ꠇꠦꠝ꠆ꠙ ꠉꠣꠠꠤꠟꠣ।

ꠔꠃꠞꠣꠔ ৪: ꠡꠥꠝꠣꠞꠤ 13:26

ꠅꠃ ꠉꠥꠁꠀ ꠅꠇꠟ ꠚꠣꠞꠣꠘ ꠝꠞꠥꠜꠥꠝꠤꠞ ꠇꠣꠖꠦꠡ ꠘꠣꠝꠞ ꠎꠣꠉꠣꠔ ꠚꠤꠞꠤꠀ ꠀꠁꠟꠣ, ꠅꠘꠅ ꠝꠥꠍꠣ ꠘꠛꠤ, ꠁꠝꠣꠝ ꠢꠣꠞꠥꠘ ꠀꠞ ꠛꠘꠤ ꠁꠍꠞꠣꠁꠟ ꠅꠇꠟ ꠀꠍꠟꠣ। ꠄꠞꠣ ꠀꠁꠀ ꠢꠇꠟꠞꠦ ꠢꠘꠞ ꠈꠛꠞ-ꠀꠘ꠆ꠔꠞ ꠎꠣꠘꠣꠁꠟꠣ ꠀꠞ ꠢꠃ ꠖꠦꠡꠞ ꠚꠟ-ꠝꠥꠟ ꠖꠦꠈꠣꠁꠟꠣ।

ꠔꠃꠞꠣꠔ ৪: ꠡꠥꠝꠣꠞꠤ 13:3

ꠝꠣꠛꠥꠖꠞ ꠢꠥꠇꠥꠝ ꠙꠣꠁꠀ ꠝꠥꠍꠣꠄ ꠅꠟꠣꠃ ꠇꠞꠟꠣ। ꠔꠣꠁꠘ ꠚꠣꠞꠣꠘ ꠝꠞꠥꠜꠥꠝꠤ ꠕꠣꠇꠤ ꠎꠦꠞꠣꠞꠦ ꠙꠣꠑꠣꠁꠟꠣ, ꠄꠞꠣ ꠢꠇꠟꠃ ꠛꠘꠤ ꠁꠍꠞꠣꠁꠟꠞ ꠡꠞ꠆ꠖꠣꠞ।

ꠔꠃꠞꠣꠔ ৪: ꠡꠥꠝꠣꠞꠤ 2:34

ꠝꠣꠛꠥꠖꠦ ꠝꠥꠍꠣꠞꠦ ꠎꠦꠟꠣ ꠢꠥꠇꠥꠝ ꠖꠤꠍꠟꠣ, ꠛꠘꠤ ꠁꠍꠞꠣꠁꠟꠦ ꠢꠇꠟ ꠇꠣꠝ-ꠇꠣꠎ ꠇꠞꠔꠣ ꠅꠃ ꠢꠥꠇꠥꠝ ꠝꠣꠚꠤꠇ। ꠔꠣꠞꠣ ꠎꠣꠞꠎꠤꠞ ꠖꠟꠞ ꠎꠣꠉꠣꠔ ꠔꠣꠝ꠆ꠛꠥ ꠐꠣꠘꠣꠁꠔꠣ, ꠀꠞ ꠍꠚꠞꠅ ꠞꠅꠀꠘꠣ ꠅꠁꠔꠣ ꠘꠤꠎꠞ ꠉꠥꠡ꠆ꠐꠤ ꠀꠞ ꠙꠞꠤꠛꠣꠞ ꠝꠣꠚꠤꠇ ꠀꠙꠘ ꠚꠃꠎꠤ ꠖꠟꠞ ꠙꠔꠣꠇꠣꠞ ꠗꠣꠞꠅ ꠞꠁꠀ।

ꠔꠃꠞꠣꠔ ৪: ꠡꠥꠝꠣꠞꠤ 9:1

ꠛꠘꠤ ꠁꠍꠞꠣꠁꠟ ꠎꠣꠔꠤ ꠝꠤꠡꠞ ꠖꠦꠡ ꠕꠣꠇꠤ ꠛꠣꠞꠘꠤꠞ ꠖꠥꠍꠞꠣ ꠛꠍꠞꠞ ꠙꠄꠟꠣ ꠌꠣꠘ꠆ꠖꠅ, ꠍꠤꠘꠣꠁ ꠝꠞꠥꠜꠥꠝꠤꠔ ꠝꠣꠛꠥꠖꠦ ꠝꠥꠍꠣ ꠘꠛꠤꠞꠦ ꠛꠣꠔꠣꠁꠟꠣ,

ꠔꠃꠞꠣꠔ ৪: ꠡꠥꠝꠣꠞꠤ 9:17

ꠀꠞ ꠙꠛꠤꠔ꠆ꠞ ꠔꠣꠝ꠆ꠛꠥꠞ ꠃꠙꠞꠦ ꠕꠣꠇꠤ ꠝꠦꠊꠞ ꠈꠥꠐꠤ ꠎꠦꠛꠟꠣ ꠢꠞꠔ, ꠅꠃ ꠡꠝꠄ ꠛꠘꠤ ꠁꠍꠞꠣꠁꠟ ꠅꠇꠟ ꠍꠚꠞꠅ ꠛꠣꠞ ꠅꠁꠔꠣ, ꠛꠣꠖꠦ ꠎꠦꠘꠅ ꠉꠤꠀ ꠅꠃ ꠈꠥꠐꠤ ꠕꠤꠞ ꠅꠁꠔ, ꠔꠣꠞꠣ ꠅꠈꠣꠘꠅꠃ ꠔꠣꠝ꠆ꠛꠥ ꠅꠇꠟ ꠉꠣꠠꠤꠔꠣ।

ꠔꠃꠞꠣꠔ ৪: ꠡꠥꠝꠣꠞꠤ 9:5

ꠄꠞꠖꠣꠄ ꠔꠣꠞꠣ ꠙꠄꠟꠣ ꠌꠣꠘ꠆ꠖꠞ ꠌꠃꠖ꠆ꠖ ꠔꠣꠞꠤꠈ ꠢꠣꠁꠘ꠆ꠎꠣ ꠛꠣꠟꠣ ꠍꠤꠘꠣꠁ ꠝꠞꠥꠜꠥꠝꠤꠔ ꠅꠃ ꠁꠖ ꠀꠖꠣꠄ ꠇꠞꠟꠣ। ꠝꠣꠛꠥꠖꠦ ꠝꠥꠍꠣꠞꠦ ꠎꠦꠟꠣꠈꠣꠘ ꠢꠥꠇꠥꠝ ꠖꠤꠍꠟꠣ, ꠔꠣꠞꠣ ꠑꠤꠇ ꠅꠟꠣꠈꠣꠘ ꠢꠇꠟꠔꠣ ꠇꠞꠟꠣ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 1:1

ꠝꠥꠍꠣ ꠘꠛꠤꠄ ꠎꠞ꠆ꠖꠣꠘ ꠉꠣꠋꠉꠞ ꠙꠥꠛ ꠙꠣꠞꠞ ꠀꠞꠣꠛꠣ ꠘꠣꠝꠞ ꠝꠞꠥꠜꠥꠝꠤꠔ ꠛꠘꠤ ꠁꠍꠞꠣꠁꠟ ꠎꠣꠔꠤꠞꠦ ꠅꠃ ꠛꠄꠀꠘ ꠇꠞꠍꠟꠣ, ꠔꠣꠁꠘ ꠡꠥꠚ ꠉꠣꠃꠞ ꠍꠣꠝꠘꠦ ꠃꠛꠣꠁꠀ ꠔꠣꠞꠣꠞ ꠟꠉꠦ ꠝꠣꠔꠤꠟꠣ। ꠄꠞ ꠄꠇꠛꠣꠄ ꠀꠍꠤꠟ ꠚꠣꠞꠣꠘ, ꠀꠞ ꠅꠁꠘ꠆ꠘꠛꠣꠄ ꠀꠍꠤꠟ ꠔꠥꠚꠟ, ꠟꠣꠛꠘ, ꠢꠣꠎꠤꠞꠥꠔ ꠀꠞ ꠖꠤꠎꠣꠢꠣꠛ, ꠅꠃ ꠌꠣꠁꠞ ꠉꠣꠃ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 1:19

“ꠛꠣꠖꠦ ꠀꠝꠞꠣ ꠝꠣꠛꠥꠖ ꠀꠟ꠆ꠟꠣꠞ ꠢꠥꠇꠥꠝ ꠙꠣꠁꠀ, ꠔꠥꠞ ꠙꠣꠠ ꠍꠣꠠꠤꠀ ꠀꠝꠥꠞꠤ ꠅꠇꠟꠞ ꠙꠣꠠꠤꠀ ꠄꠟꠣꠇꠣ ꠝꠥꠈꠣ ꠞꠅꠀꠘꠣ ꠅꠁꠟꠣꠝ। ꠔꠥꠝꠞꠣ ꠔ ꠖꠦꠈꠍ, ꠇꠔ ꠛꠠ ꠀꠞ ꠇꠔ ꠝꠣꠞꠣꠔ꠆ꠔꠇ ꠝꠞꠥꠜꠥꠝꠤ ꠙꠣꠞ ꠅꠁꠀ ꠀꠝꠞꠣ ꠇꠣꠖꠦꠡ-ꠛꠞꠘꠦꠀ ꠀꠁꠀ ꠀꠎꠤꠟꠣꠝ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 1:7

ꠔꠦ ꠅꠈꠘ ꠔꠥꠝꠞꠣ ꠢꠇꠟꠦ ꠔꠣꠝ꠆ꠛꠥ ꠔꠥꠟꠤꠀ ꠀꠝꠥꠞꠤ ꠅꠇꠟꠞ ꠙꠣꠠꠤꠀ ꠄꠟꠣꠇꠣ ꠀꠞ ꠅꠃ ꠄꠟꠣꠇꠣꠞ ꠇꠣꠘ꠆ꠖꠣ-ꠇꠣꠍꠣꠞ ꠢꠇꠟ ꠎꠣꠉꠣꠔ ꠎꠣꠅꠀꠞ ꠟꠣꠉꠤ ꠞꠅꠀꠘꠣ ꠅꠅ। ꠁ ꠎꠣꠉꠣ ꠢꠇꠟꠔꠣ ꠅꠁꠟ ꠉꠤꠀ: ꠀꠞꠣꠛꠣ ꠝꠞꠥꠜꠥꠝꠤ ꠀꠞ ꠅꠃ ꠝꠞꠥꠜꠥꠝꠤꠞ ꠇꠣꠘ꠆ꠖꠣ-ꠇꠣꠍꠣꠞ ꠃꠌꠣ ꠙꠣꠠꠤꠀ ꠎꠣꠉꠣ ꠀꠞ ꠘꠤꠌꠣ ꠙꠣꠠꠤꠀ ꠎꠣꠉꠣ, ꠘꠦꠉꠦꠜ ꠝꠞꠥꠜꠥꠝꠤ ꠀꠞ ꠖꠞꠤꠀꠞ ꠇꠤꠘꠣꠞꠣ, ꠝꠣꠘꠤ ꠇꠦꠘꠣꠘ ꠖꠦꠡ ꠕꠣꠇꠤ ꠀꠞꠝ꠆ꠛ ꠇꠞꠤꠀ ꠟꠦꠛꠣꠘꠘ ꠖꠦꠡ ꠅꠁꠀ ꠚꠥꠞꠣꠔ ꠉꠣꠋ ꠙꠞ꠆ꠎꠘ꠆ꠔ ꠁꠔꠣ ꠢꠇꠟ ꠎꠣꠉꠣ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 33:2

ꠔꠡꠞꠤꠚ ꠀꠘꠟꠣ ꠝꠣꠛꠥꠖ ꠀꠟ꠆ꠟꠣꠄ ꠔꠥꠞ ꠙꠣꠠ ꠕꠣꠇꠤ, ꠀꠝꠞꠣ ꠢꠇꠟꠦ ꠖꠦꠈꠣ ꠙꠣꠁꠟꠣꠝ ꠘꠥꠞꠦ ꠄꠟꠣꠢꠤ। ꠍꠦꠁꠞ ꠀꠞ ꠚꠣꠞꠣꠘ ꠙꠣꠠ ꠕꠣꠇꠤ ꠖꠦꠈꠣꠁꠘ ꠘꠥꠞꠞ ꠔꠦꠎ, ꠟꠣꠈꠅ ꠟꠣꠈꠅ ꠚꠤꠞꠤꠡ꠆ꠔꠣ ꠇꠤꠛꠣ ꠀꠞꠅ ꠛꠦꠡ। ꠖꠤꠖꠣꠞ ꠖꠤꠟꠣ ꠝꠣꠛꠥꠖꠦ ꠄꠞꠣꠞ ꠝꠣꠎ ꠕꠘꠦ, ꠒꠣꠁꠘ ꠀꠔꠅ ꠜꠞꠣ ꠀꠍꠤꠟ ꠘꠥꠞꠞ ꠀꠉꠥꠁꠘꠦ।