ꠔꠃꠞꠣꠔ ৪: ꠡꠥꠝꠣꠞꠤ 10:10 - Siloṭi Asmani Kitab (Nagri lipi)

¹⁰ ꠔꠥꠝꠞꠣꠞ ꠈꠥꠡꠤ-ꠛꠣꠡꠤꠞ ꠅꠘꠥꠡ꠆ꠐꠣꠘꠅ, ꠔꠥꠝꠞꠣꠞ ꠢꠇꠟ ꠁꠖꠅ, ꠌꠣꠘ꠆ꠖꠞ ꠙꠄꠟꠣ ꠖꠤꠘ ꠎꠦꠛꠟꠣ ꠎꠣꠟꠣꠁꠟ ꠇꠥꠞꠛꠣꠘꠤ ꠛꠣ ꠍꠣꠟꠣꠝꠔꠤ ꠇꠥꠞꠛꠣꠘꠤ ꠖꠤꠛꠣꠄ, ꠅꠃ ꠡꠝꠄꠅ ꠌꠥꠋꠉꠣ ꠛꠣꠎꠣꠁꠅ। ꠅꠃ ꠀꠅꠀꠎ ꠢꠥꠘꠟꠦ ꠔꠥꠝꠞꠣꠞ ꠀꠟ꠆ꠟꠣꠄ ꠔꠥꠝꠞꠣꠞ ꠛꠣꠄ ꠌꠃꠈ ꠚꠤꠞꠣꠁꠛꠣ। ꠝꠘꠅ ꠞꠣꠈꠤꠅ, ꠀꠝꠤ ꠀꠟ꠆ꠟꠣꠃ ꠔꠥꠝꠞꠣꠞ ꠝꠣꠛꠥꠖ।”

ছিলটি আছমানি কিতাব (বাংলা লিপি)

¹⁰ তুমরার খুশি-বাসির অনুষ্টানো, তুমরার হকল ইদো, চান্দর পয়লা দিন যেবলা জালাইল কুরবানি বা ছালামতি কুরবানি দিবায়, অউ সময়ও চুংগা বাজাইও। অউ আওয়াজ হুনলে তুমরার আল্লায় তুমরার বায় চউখ ফিরাইবা। মনো রাখিও, আমি আল্লাউ তুমরার মাবুদ।”

Siloṭi Asmani Kitab (Latin lipi)

¹⁰ Tumrar kushi-bashir onusṭano, tumrar hoḳol ido, sandor foyla din zebla zalail kurbani ba salamoti kurbani dibae, ou shomoy-o sunga bazaio. Ou aoaz hunle tumrar Allae tumrar bae souk firaiba. Mono rakio, ami Alla-u tumrar Mabud.”

ꠔꠃꠞꠣꠔ ৪: ꠡꠥꠝꠣꠞꠤ 10:10 Iomraidhean Croise

ꠎꠛꠥꠞ ꠡꠞꠤꠚ 150:3

ꠡꠤꠋꠉꠣ ꠛꠣꠎꠣꠁꠀ ꠔꠣꠘ ꠔꠣꠞꠤꠚ ꠇꠞꠅ, ꠛꠣꠡꠤ-ꠛꠦꠢꠣꠟꠣꠞ ꠡꠥꠞꠦ ꠔꠣꠘ ꠔꠣꠞꠤꠚ ꠇꠞꠅ,

ꠔꠃꠞꠣꠔ ২: ꠢꠤꠎꠞꠔ 28:29

“ꠙꠣꠇ ꠎꠣꠉꠣꠔ ꠢꠣꠝꠣꠁꠛꠣꠞ ꠛꠣꠟꠣ ꠢꠣꠞꠥꠘꠦ ꠀꠝꠣꠞ ꠞꠣꠄ-ꠚꠄꠍꠣꠟꠣ ꠢꠥꠘꠣꠞ ꠟꠣꠉꠤ, ꠛꠥꠇꠥꠞ ꠃꠙꠞꠞ ꠕꠟꠤꠞ ꠃꠙꠞꠦ ꠟꠦꠈꠣ ꠁꠍꠞꠣꠁꠟꠞ ꠛꠣꠞꠅ ꠙꠥꠀꠞ ꠘꠣꠝ ꠟꠣꠉꠣꠁꠔꠦ ꠅꠁꠛ, ꠁ ꠕꠟꠤꠐꠣꠄ ꠔꠣꠞꠣꠞꠦ ꠢꠞ-ꠢꠣꠝꠦꠡꠣ ꠝꠣꠛꠥꠖꠞ ꠍꠣꠝꠘꠦ ꠞꠣꠈꠛ।

ꠔꠃꠞꠣꠔ ২: ꠢꠤꠎꠞꠔ 30:16

ꠔꠥꠝꠤ ꠛꠘꠤ ꠁꠍꠞꠣꠁꠟꠞ ꠉꠦꠍ ꠕꠣꠇꠤ ꠎꠣꠘꠞ ꠛꠖꠟꠣ ꠅꠃ ꠞꠥꠙꠣ ꠘꠤꠀ, ꠀꠝꠣꠞ ꠊꠞꠞ ꠇꠣꠝꠅ ꠟꠣꠉꠣꠁꠅ। ꠔꠥꠝꠞꠣꠞ ꠎꠣꠘꠞ ꠛꠖꠟꠣ ꠁ ꠞꠥꠙꠣꠄ, ꠛꠘꠤ ꠁꠍꠞꠣꠁꠟ ꠅꠇꠟꠞꠦ ꠝꠣꠛꠥꠖꠞ ꠖꠞꠛꠣꠞꠅ ꠁꠀꠖ ꠇꠞꠣꠁ ꠖꠤꠛ।”

ꠔꠃꠞꠣꠔ ৩: ꠟꠦꠛꠤꠀꠘ 23:24

“ꠔꠥꠝꠤ ꠛꠘꠤ ꠁꠍꠞꠣꠁꠟꠞꠦ ꠎꠣꠘꠣꠁ ꠖꠦꠅ, ꠛꠍꠞꠞ ꠡꠣꠔ ꠘꠝ꠆ꠛꠞ ꠌꠣꠘ꠆ꠖꠞ ꠙꠄꠟꠣ ꠖꠤꠘꠞꠦ ꠔꠥꠝꠞꠣ ꠙꠥꠞꠣꠙꠥꠞ ꠎꠤꠞꠣꠘꠤꠞ ꠖꠤꠘ ꠢꠤꠡꠣꠛꠦ ꠝꠣꠘꠤꠅ। ꠅꠃ ꠖꠤꠘ ꠔꠥꠝꠞꠣ ꠡꠤꠋꠉꠣ ꠛꠣꠎꠣꠁꠅ ꠀꠞ ꠢꠇꠟꠦ ꠝꠤꠟꠤꠀ ꠁꠖꠞ ꠙꠛꠤꠔ꠆ꠞ ꠝꠤꠟꠘ-ꠝꠣꠢꠚꠤꠟ ꠇꠞꠤꠅ।

ꠔꠃꠞꠣꠔ ৪: ꠡꠥꠝꠣꠞꠤ 10:9

“ꠘꠤꠎꠞ ꠖꠦꠡꠅ ꠉꠤꠀ ꠢꠣꠞꠟꠦ ꠔꠥꠝꠞꠣ ꠎꠦꠛꠟꠣ ꠇꠥꠘꠥ ꠎꠥꠟꠥꠝꠛꠣꠎ ꠖꠥꠡꠝꠘꠞ ꠟꠉꠦ ꠟꠣꠠꠣꠁꠔ ꠛꠣꠞ ꠅꠁꠛꠣꠄ, ꠅꠃ ꠡꠝꠄ ꠖꠥꠁꠅ ꠌꠥꠋꠉꠣ ꠛꠣꠎꠣꠁꠀ ꠡꠋꠇꠦꠔ ꠖꠤꠛꠣꠄ। ꠔꠦꠃ ꠔꠥꠝꠞꠣꠞ ꠝꠣꠛꠥꠖ ꠀꠟ꠆ꠟꠣꠄ ꠔꠥꠝꠞꠣꠞ ꠛꠣꠄ ꠈꠤꠀꠟ ꠇꠞꠤꠀ ꠖꠥꠡꠝꠘꠞ ꠀꠔ ꠕꠣꠇꠤ ꠔꠥꠝꠞꠣꠞꠦ ꠛꠣꠌꠣꠁꠛꠣ।

ꠔꠃꠞꠣꠔ ৪: ꠡꠥꠝꠣꠞꠤ 28:11

“ꠙꠞꠔꠦꠇ ꠌꠣꠘ꠆ꠖꠞ ꠙꠄꠟꠣ ꠖꠤꠘ ꠝꠣꠛꠥꠖꠞ ꠘꠣꠝꠦ ꠎꠣꠟꠣꠁꠟ ꠇꠥꠞꠛꠣꠘꠤꠞ ꠟꠣꠉꠤ ꠖꠥꠉꠥ ꠛꠤꠍꠣꠟ, ꠄꠉꠥ ꠝꠦꠠꠣ ꠀꠞ ꠄꠇ ꠛꠍꠞ ꠛꠄꠅꠡꠤ ꠡꠣꠔꠉꠥ ꠝꠦꠠꠣ-ꠛꠣꠁꠌ꠆ꠌꠣ ꠇꠥꠞꠛꠣꠘꠤ ꠖꠤꠛꠣꠄ, ꠁ ꠢꠇꠟ ꠙꠡꠥ ꠙꠥꠞꠣ ꠘꠤꠈꠥꠔ ꠅꠁꠔ।

ꠔꠃꠞꠣꠔ ৪: ꠡꠥꠝꠣꠞꠤ 29:1

ꠝꠣꠛꠥꠖꠦ ꠀꠞꠅ ꠇꠁꠞꠣ, “ꠙꠞꠔꠦꠇ ꠛꠍꠞꠞ ꠡꠣꠔ ꠘꠝ꠆ꠛꠞ ꠌꠣꠘ꠆ꠖꠞ ꠙꠄꠟꠣ ꠖꠤꠘ ꠅꠁꠟ, ꠔꠥꠝꠞꠣꠞ ꠡꠤꠋꠉꠣ ꠛꠣꠎꠣꠘꠤꠞ ꠁꠖꠞ ꠖꠤꠘ। ꠅꠃ ꠖꠤꠘ ꠔꠥꠝꠞꠣ ꠙꠛꠤꠔ꠆ꠞ ꠝꠤꠟꠘ-ꠝꠣꠢꠚꠤꠟ ꠇꠞꠤꠅ। ꠁ ꠖꠤꠘ ꠖꠥꠘꠤꠀꠛꠤ ꠘꠤꠅꠔꠦ ꠇꠥꠘꠥ ꠇꠣꠝ-ꠇꠣꠎ ꠇꠞꠣ ꠘꠣꠎꠣꠁꠎ।

ꠁꠘ꠆ꠎꠤꠟ ১: ꠝꠕꠤ 11:28

“ꠜꠣꠞ-ꠛꠥꠏꠣ ꠛꠁꠔꠦ ꠛꠁꠔꠦ ꠔꠥꠝꠞꠣ ꠎꠦꠞꠣ ꠢꠦꠞꠣꠘ ꠅꠁꠉꠦꠍ, ꠔꠥꠝꠞꠣ ꠢꠇꠟ ꠀꠝꠣꠞ ꠉꠦꠍꠦ ꠀꠅ, ꠀꠝꠤ ꠔꠥꠝꠞꠣꠞꠦ ꠀꠞꠣꠝ ꠖꠤꠝꠥ।

Injil 5: Sahabi Nama 10:4

ꠇꠞꠘꠤꠟꠥꠍꠦ ꠒꠞꠣꠁꠀ ꠢꠤ ꠚꠤꠞꠤꠡ꠆ꠔꠣꠞ ꠛꠣꠄ ꠌꠣꠁꠀ ꠇꠁꠟꠣ, “ꠝꠣꠟꠤꠇ, ꠇꠃꠇ꠆ꠇꠣ, ꠢꠥꠘꠞꠣꠝ।” ꠚꠤꠞꠤꠡ꠆ꠔꠣꠄ ꠔꠣꠘꠞꠦ ꠇꠁꠟꠣ, “ꠔꠥꠝꠣꠞ ꠝꠥꠘꠣꠎꠣꠔ ꠀꠞ ꠉꠞꠤꠛ ꠅꠇꠟꠞꠦ ꠖꠣꠘꠞ ꠇꠕꠣ ꠛꠦꠢꠦꠡ꠆ꠔꠅ ꠙꠃꠍꠤꠍꠦ ꠀꠞ ꠀꠟ꠆ꠟꠣꠄ ꠁꠔꠣ ꠇꠛꠥꠟ ꠇꠞꠍꠂꠘ।

Injil 7: 1-Korintia 15:52

ꠇꠤꠀꠝꠔꠞ ꠇꠣꠟꠅ ꠄꠇ ꠝꠥꠢꠥꠞ꠆ꠔꠞ ꠝꠣꠎꠦ, ꠌꠈꠥꠞ ꠙꠟꠇꠦ, ꠡꠤꠋꠉꠣꠔ ꠚꠥ ꠖꠦꠅꠀꠞ ꠟꠉꠦ ꠟꠉꠦꠃ ꠀꠝꠞꠣ ꠛꠖꠟꠤꠎꠤꠝꠥ। ꠅꠃ ꠡꠤꠋꠉꠣ ꠛꠣꠎꠤꠀ ꠢꠣꠞꠟꠦ, ꠢꠇꠟ ꠝꠥꠞ꠆ꠖꠣ ꠅꠟꠣ ꠍꠥꠞꠔꠦ ꠎꠤꠘ꠆ꠖꠣ ꠅꠁꠛꠣ, ꠎꠦꠔꠣ ꠇꠥꠘꠥꠖꠤꠘ ꠛꠤꠘꠣꠡ ꠅꠁꠔ ꠘꠣꠄ, ꠀꠞ ꠀꠝꠞꠣꠅ ꠢꠃ ꠍꠥꠞꠔꠦ ꠛꠖꠟꠤꠎꠤꠝꠥ।

ইঞ্জিল ১৩: ১-থিষল: 4:16

ꠇꠣꠞꠘ ꠀꠟ꠆ꠟꠣꠁ ꠡꠤꠋꠉꠣꠞ ꠀꠅꠀꠎꠞ ꠟꠉꠦ ꠟꠉꠦ, ꠙꠞꠗꠣꠘ ꠚꠤꠞꠤꠡ꠆ꠔꠣꠞ ꠒꠣꠇꠞ ꠟꠉꠦ, ꠝꠣꠟꠤꠇ ꠁꠍꠣꠄ ꠎꠥꠞꠦ ꠢꠣꠃꠇꠖꠤ ꠢꠥꠇꠥꠝ ꠖꠤꠛꠣ, ꠔꠣꠁꠘ ꠘꠤꠎꠦꠃ ꠛꠦꠢꠦꠡ꠆ꠔ ꠕꠣꠇꠤ ꠟꠣꠝꠤꠀ ꠀꠁꠛꠣ। ꠀꠞ ꠀꠟ-ꠝꠍꠤꠞ ꠃꠝ꠆ꠝꠔ ꠛꠘꠤꠀ ꠎꠦꠞꠣꠞ ꠝꠃꠔ ꠅꠁꠉꠦꠍꠦ, ꠔꠣꠞꠣꠃ ꠙꠄꠟꠣ ꠎꠤꠘ꠆ꠖꠣ ꠅꠁꠀ ꠃꠑꠛꠣ।

ইঞ্জিল ১৩: ১-থিষল: 4:18

ꠄꠞꠟꠣꠉꠤ ꠔꠥꠝꠞꠣ ꠅꠔꠣ ꠎꠣꠘꠣꠁꠀ ꠄꠇ ꠎꠘꠦ ꠀꠞꠇ ꠎꠘꠞꠦ ꠃꠔꠡꠣꠢ ꠖꠦꠅ।

Injil 27: Zaira Kalam 22:17

ꠙꠣꠇ ꠞꠥꠢꠦ ꠀꠞ ꠇꠁꠘꠣꠄ ꠇꠁꠞꠣ, “ꠀꠅ।” ꠀꠞ ꠎꠦ ꠎꠘꠦ ꠅꠃ ꠇꠕꠣ ꠢꠥꠘꠦꠞ, ꠢꠦ-ꠅ ꠇꠃꠇ, “ꠀꠅ।” ꠙꠣꠘꠤꠞ ꠙꠤꠀꠍꠦ ꠎꠣꠞꠦ ꠗꠞꠍꠦ, ꠢꠦ ꠀꠃꠇ। ꠎꠦ ꠎꠘꠦ ꠙꠣꠘꠤ ꠈꠣꠁꠔ ꠌꠣꠄ, ꠢꠦ ꠛꠤꠘꠣ ꠙꠄꠡꠣꠄ ꠎꠤꠘ꠆ꠖꠦꠉꠤ-ꠙꠣꠘꠤ ꠈꠣꠃꠇ।