ꠔꠃꠞꠣꠔ ৪: ꠡꠥꠝꠣꠞꠤ 1:51 - Siloṭi Asmani Kitab (Nagri lipi)

⁵¹ ꠀꠝꠣꠞ ꠊꠞꠞꠦ ꠄꠇ ꠎꠣꠉꠣ ꠕꠣꠇꠤ ꠀꠞꠇ ꠎꠣꠉꠣꠔ ꠘꠤꠔꠦ ꠅꠁꠟꠦ, ꠟꠦꠛꠤ ꠈꠣꠘ꠆ꠖꠣꠘꠞ ꠝꠣꠘꠡꠦ ꠁꠈꠣꠘ ꠈꠥꠟꠛꠣ, ꠛꠣꠖꠦ ꠀꠞꠇ ꠎꠣꠉꠣꠔ ꠉꠤꠀ ꠄꠇ ꠄꠇ ꠇꠞꠤ ꠎꠥꠠꠣ ꠟꠣꠉꠣꠁꠀ ꠢꠤꠞꠛꠣꠞ ꠛꠣꠘꠣꠁꠛꠣ। ꠈꠣꠟꠤ ꠟꠦꠛꠤ ꠈꠣꠘ꠆ꠖꠣꠘ ꠍꠣꠠꠣ ꠅꠁꠘ꠆ꠘ ꠇꠦꠃ ꠁꠔꠣꠞ ꠇꠣꠘ꠆ꠖꠣꠔ ꠉꠦꠟꠦ ꠔꠣꠞꠦ ꠎꠣꠘꠦ ꠝꠣꠞꠣ ꠅꠁꠛ।

ছিলটি আছমানি কিতাব (বাংলা লিপি)

⁵¹ আমার ঘররে এক জাগা থাকি আরক জাগাত নিতে অইলে, লেবি খান্দানর মানষে ইখান খুলবা, বাদে আরক জাগাত গিয়া এক এক করি জুড়া লাগাইয়া হিরবার বানাইবা। খালি লেবি খান্দান ছাড়া অইন্য কেউ ইতার কান্দাত গেলে তারে জানে মারা অইবো।

Siloṭi Asmani Kitab (Latin lipi)

⁵¹ Amar gorre eḳ zaga taki aroḳ zagat nite oile, Lebi kandanor manshe ikan kulba, bade aroḳ zagat gia eḳ ek kori zuṛa lagaia hirbar banaiba. Ḳali Lebi kandan saṛa oinno ḳeu itar ḳandat gele tare zane mara oibo.

ꠔꠃꠞꠣꠔ ৪: ꠡꠥꠝꠣꠞꠤ 1:51 Iomraidhean Croise

ꠔꠃꠞꠣꠔ ৪: ꠡꠥꠝꠣꠞꠤ 10:11

ꠛꠘꠤ ꠁꠍꠞꠣꠁꠟ ꠎꠣꠔꠤ ꠝꠤꠡꠞ ꠕꠣꠇꠤ ꠛꠣꠞꠘꠤꠞ ꠖꠥꠍꠞꠣ ꠛꠍꠞꠞ ꠖꠥꠍꠞꠣ ꠌꠣꠘ꠆ꠖꠞ ꠛꠤꠡ ꠔꠣꠞꠤꠈ ꠡꠣꠢꠣꠖꠔ ꠔꠣꠝ꠆ꠛꠥ ꠝꠣꠘꠤ ꠀꠟ꠆ꠟꠣꠞ ꠊꠞꠞ ꠃꠙꠞꠦ ꠕꠣꠇꠤ ꠇꠥꠖꠞꠔꠤ ꠝꠦꠊꠞ ꠈꠥꠐꠤ ꠢꠞꠤꠉꠦꠟ।

ꠔꠃꠞꠣꠔ ৪: ꠡꠥꠝꠣꠞꠤ 16:40

ꠝꠣꠛꠥꠖꠦ ꠝꠥꠍꠣ ꠘꠛꠤꠞ ꠝꠣꠎꠖꠤ ꠎꠦꠟꠣ ꠢꠥꠇꠥꠝ ꠖꠤꠍꠟꠣ, ꠄꠁꠘ ꠅꠃ ꠟꠣꠈꠣꠘ ꠇꠞꠟꠣ। ꠁꠇꠐꠣ ꠇꠞꠣ ꠅꠁꠟ ꠎꠣꠔꠦ ꠛꠘꠤ ꠁꠍꠞꠣꠁꠟꠞ ꠝꠘꠅ ꠕꠣꠇꠦ ꠎꠦꠘ, ꠈꠣꠟꠤ ꠢꠣꠞꠥꠘꠞ ꠛꠋꠡ ꠍꠣꠠꠣ ꠖꠥꠍꠞꠣ ꠇꠥꠘꠥ ꠎꠘ, ꠀꠉꠞ-ꠈꠥꠡꠛꠄ ꠎꠣꠟꠣꠘꠤꠞ ꠟꠣꠉꠤ ꠝꠣꠛꠥꠖꠞ ꠍꠣꠝꠘꠦ ꠎꠣꠁꠔ ꠙꠣꠞꠔ ꠘꠣꠄ। ꠎꠥꠖꠤ ꠎꠣꠄ, ꠔꠦ ꠔꠣꠞ ꠖꠡꠣ ꠅꠃ ꠇꠥꠞꠣꠢ ꠀꠞ ꠔꠣꠞ ꠖꠟꠞ ꠟꠣꠈꠣꠘ ꠅꠁꠛ।

ꠔꠃꠞꠣꠔ ৪: ꠡꠥꠝꠣꠞꠤ 17:13

ꠎꠦꠇꠥꠘꠥ ꠝꠣꠘꠥꠡ ꠝꠣꠛꠥꠖꠞ ꠊꠞꠞ ꠗꠣꠞꠅ ꠉꠦꠟꠦꠃ ꠝꠞꠤꠎꠣꠞ, ꠔꠦ ꠀꠝꠞꠣ ꠢꠇꠟꠃ ꠝꠞꠤꠎꠤꠝꠥ ꠘꠤ?”

ꠔꠃꠞꠣꠔ ৪: ꠡꠥꠝꠣꠞꠤ 17:5

ꠔꠦꠃ ꠀꠝꠣꠞ ꠙꠍꠘ꠆ꠖ ꠇꠞꠣ ꠛꠘ꠆ꠖꠣꠞ ꠟꠣꠑꠤꠞ ꠝꠣꠎꠦ ꠉꠣꠍꠞ ꠈꠦꠋ ꠚꠥꠐꠤꠛ। ꠅꠃ ꠟꠣꠈꠣꠘ ꠔꠥꠝꠞꠣꠞ ꠛꠤꠞꠥꠖ꠆ꠖꠦ ꠛꠘꠤ ꠁꠍꠞꠣꠁꠟꠞ ꠛꠦꠞ-ꠛꠦꠞꠤ ꠇꠞꠣ ꠀꠝꠤ ꠛꠘ꠆ꠖ ꠇꠞꠝꠥ।”

ꠔꠃꠞꠣꠔ ৪: ꠡꠥꠝꠣꠞꠤ 18:22

ꠀꠞ ꠀꠁꠎ ꠕꠣꠇꠤ ꠛꠘꠤ ꠁꠍꠞꠣꠁꠟꠞ ꠖꠥꠍꠞꠣ ꠇꠥꠘꠥ ꠉꠥꠡ꠆ꠐꠤꠞ ꠝꠣꠘꠥꠡ ꠝꠤꠟꠘ-ꠔꠣꠝ꠆ꠛꠥꠞ ꠗꠣꠞꠅ ꠎꠣꠅꠀ ꠘꠤꠡꠦꠗ। ꠉꠦꠟꠦ ꠔꠣꠞꠣꠞ ꠘꠣꠚꠞꠝꠣꠘꠤꠞ ꠖꠣꠄ ꠔꠣꠞꠣ ꠝꠞꠛꠣ।

ꠔꠃꠞꠣꠔ ৪: ꠡꠥꠝꠣꠞꠤ 18:3

ꠅꠁꠟꠦ ꠇꠥꠞꠛꠣꠘꠤ ꠈꠣꠘꠣ ꠛꠣ ꠀꠟ꠆ꠟꠣꠞ ꠊꠞꠞ ꠇꠥꠘꠥ ꠙꠛꠤꠔ꠆ꠞ ꠎꠤꠘꠤꠡꠞ ꠗꠣꠞꠅ ꠎꠣꠅꠀ ꠔꠣꠞꠣꠞ ꠟꠣꠉꠤ ꠘꠤꠡꠦꠗ। ꠘꠤꠡꠦꠗ ꠘꠣ ꠝꠣꠘꠟꠦ ꠔꠣꠞꠣ ꠀꠞ ꠔꠥꠝꠞꠣ ꠢꠇꠟꠃ ꠝꠞꠛꠣꠄ।

ꠔꠃꠞꠣꠔ ৪: ꠡꠥꠝꠣꠞꠤ 18:4

ꠔꠣꠞꠣ ꠔꠥꠝꠣꠞ ꠇꠣꠝꠅ ꠡꠞꠤꠇ ꠅꠁꠀ ꠝꠤꠟꠘ-ꠔꠣꠝ꠆ꠛꠥꠞ ꠈꠣꠖꠤꠝꠖꠣꠞꠤ ꠇꠞꠛꠣ, ꠢꠇꠟ ꠎꠣꠔ ꠇꠣꠝꠞ ꠖꠣꠄ-ꠖꠣꠄꠁꠔ꠆ꠔ ꠘꠤꠛꠣ। ꠔꠣ-ꠅ ꠈꠣꠟꠤ ꠟꠦꠛꠤ ꠅꠇꠟ ꠍꠣꠠꠣ ꠖꠥꠍꠞꠣ ꠇꠦꠃ ꠔꠥꠝꠞꠣꠞ ꠉꠦꠍꠦ ꠎꠣꠅꠀ ꠘꠤꠡꠦꠗ।

ꠔꠃꠞꠣꠔ ৪: ꠡꠥꠝꠣꠞꠤ 18:7

ꠅꠁꠟꠦ ꠁꠝꠣꠝ ꠢꠤꠡꠣꠛꠦ ꠈꠣꠟꠤ ꠔꠥꠝꠤ ꠀꠞ ꠔꠥꠝꠣꠞ ꠙꠥꠀꠂꠘ꠆ꠔꠦ ꠇꠥꠞꠛꠣꠘꠤ ꠈꠣꠘꠣ ꠀꠞ ꠙꠞ꠆ꠖꠣꠞ ꠜꠤꠔꠞꠞ ꠢꠦꠞꠦꠝ ꠡꠞꠤꠚꠅ ꠈꠦꠎꠝꠔ ꠇꠣꠝ ꠇꠞꠛꠣꠄ। ꠁꠝꠣꠝꠔꠤꠞ ꠙꠖ ꠈꠣꠘ ꠀꠝꠤ ꠃꠙꠢꠣꠞ ꠢꠤꠡꠣꠛꠦ ꠔꠥꠝꠞꠣꠞꠦ ꠖꠤꠟꠣꠝ। ꠈꠣꠟꠤ ꠟꠦꠛꠤ ꠅꠇꠟ ꠍꠣꠠꠣ ꠖꠥꠍꠞꠣ ꠇꠦꠃ ꠎꠥꠖꠤ ꠝꠤꠟꠘ-ꠔꠣꠝ꠆ꠛꠥꠞ ꠡꠤꠝꠣꠘꠣꠔ ꠀꠄ, ꠔꠦ ꠔꠣꠞꠦ ꠎꠣꠘꠦ ꠝꠣꠞꠤꠟꠤꠔꠦ ꠅꠁꠛ।”

ꠔꠃꠞꠣꠔ ৪: ꠡꠥꠝꠣꠞꠤ 3:10

ꠁꠝꠣꠝꠔꠤ ꠇꠣꠝꠞ ꠟꠣꠉꠤ ꠔꠥꠝꠤ ꠢꠣꠞꠥꠘ ꠀꠞ ꠔꠣꠞ ꠛꠋꠡꠞꠦ ꠛꠣꠍꠤꠀ ꠘꠦꠅ। ꠔꠣꠞꠣ ꠍꠣꠠꠣ ꠖꠥꠍꠞꠣ ꠇꠦꠃ ꠁꠝꠣꠝꠔꠤ ꠇꠞꠣꠔ ꠉꠦꠟꠦ ꠅꠉꠥꠞꠦ ꠎꠣꠘꠦ ꠝꠣꠞꠣ ꠅꠁꠛ।”

ꠔꠃꠞꠣꠔ ৪: ꠡꠥꠝꠣꠞꠤ 3:38

ꠝꠤꠟꠘ-ꠔꠣꠝ꠆ꠛꠥꠞ ꠍꠣꠝꠘꠦꠖꠤ ꠝꠣꠘꠤ ꠀꠟ꠆ꠟꠣꠞ ꠊꠞꠞ ꠙꠥꠛꠦꠖꠤ ꠢꠎꠞꠔ ꠝꠥꠍꠣ, ꠢꠣꠞꠥꠘ ꠀꠞ ꠔꠣꠘ ꠙꠥꠀꠂꠘ꠆ꠔꠞ ꠔꠣꠝ꠆ꠛꠥ ꠅꠇꠟ ꠐꠣꠋꠉꠣꠘꠤ ꠅꠁꠔ। ꠄꠞꠣꠞ ꠖꠣꠄꠁꠔ꠆ꠔ ꠀꠍꠤꠟ ꠛꠘꠤ ꠁꠍꠞꠣꠁꠟꠞ ꠔꠞꠚ ꠕꠣꠇꠤ ꠙꠛꠤꠔ꠆ꠞ ꠄꠛꠣꠖꠔ ꠈꠣꠘꠣꠔ ꠢꠇꠟ ꠄꠛꠣꠖꠔꠤ ꠇꠣꠝ ꠀꠖꠣꠄ ꠇꠞꠣ। ꠄꠞꠣ ꠍꠣꠠꠣ ꠀꠞ ꠇꠦꠃ ꠄꠛꠣꠖꠔ ꠈꠣꠘꠣꠞ ꠇꠣꠘ꠆ꠖꠣꠔ ꠉꠦꠟꠦ ꠔꠣꠞꠦ ꠝꠣꠞꠤꠟꠣꠅꠀ ꠅꠁꠔ।