ꠔꠃꠞꠣꠔ ৪: ꠡꠥꠝꠣꠞꠤ 1:16 - Siloṭi Asmani Kitab (Nagri lipi)

¹⁶ ꠛꠘꠤ ꠁꠍꠞꠣꠁꠟꠞ ꠝꠣꠎ ꠕꠣꠇꠤ ꠅꠃ ꠛꠣꠞꠅ ꠎꠘꠞꠦ ꠙꠍꠘ꠆ꠖ ꠇꠞꠤ ꠘꠦꠅꠀ ꠅꠁꠟ। ꠄꠞꠣ ꠅꠁꠟꠣ ꠔꠣꠞꠣꠞ ꠛꠣꠚ-ꠖꠣꠖꠣꠁꠘ꠆ꠔꠞ ꠙꠞꠤꠛꠣꠞꠞ ꠙꠞꠗꠣꠘ, ꠛꠘꠤ ꠁꠍꠞꠣꠁꠟꠞ ꠚꠃꠎꠤ ꠖꠟꠞ ꠡꠞ꠆ꠖꠣꠞ।

ছিলটি আছমানি কিতাব (বাংলা লিপি)

¹⁶ বনি ইছরাইলর মাজ থাকি অউ বারো জনরে পছন্দ করি নেওয়া অইলো। এরা অইলা তারার বাফ-দাদাইন্তর পরিবারর পরধান, বনি ইছরাইলর ফৌজি দলর সর্দার।

Siloṭi Asmani Kitab (Latin lipi)

¹⁶ Boni Israilor maz taki ou baro zonre fosond ḳori neoa oilo. Era oila tarar baf-dadaintor foribaror fordan, Boni Israilor fouzi dolor shordar.

ꠔꠃꠞꠣꠔ ৪: ꠡꠥꠝꠣꠞꠤ 1:16 Iomraidhean Croise

ꠔꠃꠞꠣꠔ ২: ꠢꠤꠎꠞꠔ 18:21

ꠀꠞ ꠔꠥꠝꠤ ꠄꠞꠣꠞ ꠝꠣꠎ ꠕꠣꠇꠤ ꠛꠣꠍꠤꠀ ꠅꠃꠟꠣ ꠎꠁꠉ꠆ꠉ ꠝꠣꠘꠥꠡ ꠛꠣꠞ ꠇꠞꠅ, ꠎꠦꠞꠣ ꠀꠟ꠆ꠟꠣꠞꠦ ꠒꠞꠣꠁꠘ, ꠢꠇ ꠙꠕꠦ ꠌꠟꠂꠘ, ꠀꠞ ꠊꠥꠡ ꠈꠣꠅꠀꠞꠦ ꠊꠤꠘ ꠇꠞꠂꠘ। ꠄꠞꠣꠞꠦ ꠔꠥꠝꠤ ꠝꠣꠘꠡꠞ ꠛꠤꠌꠣꠞ-ꠀꠌꠣꠞꠞ ꠖꠣꠄꠁꠔ꠆ꠔ ꠖꠦꠅ। ꠄꠞꠣ ꠇꠥꠘꠥ ꠎꠘꠞꠦ ꠀꠎꠣꠞ ꠎꠘꠞ ꠃꠙꠞꠦ, ꠇꠦꠃꠞꠞꠦ ꠡ ꠎꠘ, ꠇꠦꠃꠞꠞꠦ ꠙꠁꠘ꠆ꠌꠣꠡ ꠎꠘ, ꠀꠞ ꠇꠦꠃꠞꠞꠦ ꠖꠡ ꠎꠘꠞ ꠃꠙꠞꠦ ꠛꠤꠌꠣꠞ-ꠀꠌꠣꠞꠞ ꠜꠣꠞ ꠖꠦꠅ।

ꠔꠃꠞꠣꠔ ২: ꠢꠤꠎꠞꠔ 18:25

ꠝꠥꠍꠣꠄ ꠔꠣꠝꠣꠝ ꠛꠘꠤ ꠁꠍꠞꠣꠁꠟ ꠕꠣꠇꠤ ꠛꠣꠍꠤꠀ ꠃꠙꠎꠥꠇ꠆ꠔ ꠝꠣꠘꠥꠡ ꠔꠥꠇꠣꠁꠀ, ꠔꠣꠞꠣ ꠇꠦꠃꠞꠞꠦ ꠀꠎꠣꠞ ꠎꠘ, ꠇꠦꠃꠞꠞꠦ ꠡ ꠎꠘ, ꠇꠦꠃꠞꠞꠦ ꠙꠁꠘ꠆ꠌꠣꠡ ꠀꠞ ꠇꠦꠃꠞꠞꠦ ꠖꠡ ꠎꠘꠞ ꠃꠙꠞꠦ ꠘꠦꠔꠣ ꠛꠣꠘꠣꠁꠟꠣ।

ꠔꠃꠞꠣꠔ ৪: ꠡꠥꠝꠣꠞꠤ 1:15

ꠘꠙ꠆ꠔꠣꠟꠤ ꠈꠣꠘ꠆ꠖꠣꠘꠞ ꠁꠘꠣꠘꠞ ꠙꠥꠀ ꠀꠢꠤꠞ।”

ꠔꠃꠞꠣꠔ ৪: ꠡꠥꠝꠣꠞꠤ 1:17

ꠝꠣꠛꠥꠖꠦ ꠎꠦꠞꠣꠞ ꠘꠣꠝ ꠇꠁꠍꠟꠣ, ꠝꠥꠍꠣ ꠀꠞ ꠢꠣꠞꠥꠘꠦ ꠅꠃ ꠡꠞ꠆ꠖꠣꠞ ꠅꠇꠟꠞꠦ ꠈꠛꠞꠖꠤ ꠀꠘꠣꠁꠟꠣ,

ꠔꠃꠞꠣꠔ ৪: ꠡꠥꠝꠣꠞꠤ 1:4

ꠙꠞꠔꠦꠇ ꠈꠣꠘ꠆ꠖꠣꠘꠞ ꠄꠇꠎꠘꠦ ꠔꠥꠝꠞꠣꠞꠦ ꠡꠣꠁꠎ꠆ꠎ ꠇꠞꠛꠣ, ꠄꠞꠣ ꠅꠁꠛꠣ ꠘꠤꠎꠞ ꠉꠥꠡ꠆ꠐꠤꠞ ꠙꠞꠗꠣꠘ ꠝꠥꠞꠛ꠆ꠛꠤ।

ꠔꠃꠞꠣꠔ ৪: ꠡꠥꠝꠣꠞꠤ 10:4

ꠅꠁꠟꠦ ꠄꠇꠐꠣ ꠌꠥꠋꠉꠣ ꠛꠣꠎꠣꠘꠤ ꠅꠁꠟꠦ ꠈꠣꠟꠤ ꠛꠘꠤ ꠁꠍꠞꠣꠁꠟꠞ ꠘꠣꠘꠣꠘ ꠈꠣꠘ꠆ꠖꠣꠘꠞ ꠡꠞ꠆ꠖꠣꠞ ꠅꠇꠟ ꠔꠥꠝꠣꠞ ꠍꠣꠝꠘꠦ ꠀꠁꠀ ꠖꠟꠣ ꠅꠁꠛꠣ।

ꠔꠃꠞꠣꠔ ৪: ꠡꠥꠝꠣꠞꠤ 11:17

ꠀꠝꠤ ꠢꠘꠅ ꠟꠣꠝꠤꠀ ꠀꠁꠀ ꠔꠥꠝꠣꠞ ꠟꠉꠦ ꠛꠣꠔꠌꠤꠔ ꠇꠞꠝꠥ। ꠔꠥꠝꠣꠞ ꠝꠣꠎꠦ ꠀꠟ꠆ꠟꠣꠞ ꠎꠦ ꠞꠥꠢꠥ ꠀꠍꠂꠘ, ꠅꠃ ꠞꠥꠢꠥ ꠀꠝꠤ ꠔꠣꠞꠣꠞ ꠃꠙꠞꠦꠅ ꠖꠣꠘ ꠇꠞꠝꠥ। ꠝꠣꠘꠡꠞ ꠎꠤꠝ꠆ꠝꠣꠖꠣꠞꠤ ꠛꠁꠀ ꠘꠤꠔꠦ ꠔꠣꠞꠣꠅ ꠔꠥꠝꠣꠞꠦ ꠡꠣꠁꠎ꠆ꠎ ꠇꠞꠛꠣ। ꠔꠦꠃ ꠔꠥꠝꠣꠞ ꠄꠇꠟꠣ ꠛꠅꠀ ꠟꠣꠉꠔ ꠘꠣꠄ।

ꠔꠃꠞꠣꠔ ৪: ꠡꠥꠝꠣꠞꠤ 26:9

ꠁꠟꠤꠀꠛꠞ ꠙꠥꠀꠂꠘ ꠅꠁꠟꠣ ꠘꠝꠥꠄꠟ, ꠖꠣꠕꠘ ꠀꠞ ꠀꠛꠤꠞꠣꠝ। ꠖꠣꠕꠘ ꠀꠞ ꠀꠛꠤꠞꠣꠝ ꠛꠘꠤ ꠁꠍꠞꠣꠁꠟꠞ ꠖꠥꠁꠎꠘ ꠘꠦꠔꠣ ꠀꠍꠟꠣ, ꠔꠣꠞꠣ ꠝꠥꠍꠣ ꠀꠞ ꠢꠣꠞꠥꠘꠞ ꠛꠤꠙꠇ꠆ꠇꠦ ꠟꠣꠉꠟꠣ। ꠀꠞ ꠇꠥꠞꠣꠢꠞ ꠖꠟ ꠎꠦꠛꠟꠣ ꠝꠣꠛꠥꠖꠞ ꠛꠤꠞꠥꠖ꠆ꠖꠦ ꠀꠍꠤꠟ, ꠅꠃ ꠡꠝꠄ ꠄꠞꠣꠅ ꠇꠥꠞꠣꠢꠞ ꠖꠟꠅ ꠀꠍꠟꠣ।

ꠔꠃꠞꠣꠔ ৪: ꠡꠥꠝꠣꠞꠤ 30:1

ꠛꠣꠖꠦ ꠝꠥꠍꠣ ꠘꠛꠤꠄ ꠛꠘꠤ ꠁꠍꠞꠣꠁꠟꠞ ꠢꠇꠟ ꠈꠣꠘ꠆ꠖꠣꠘꠞ ꠝꠥꠞꠛ꠆ꠛꠤꠞꠦ ꠇꠁꠟꠣ, “ꠝꠣꠛꠥꠖꠦ ꠢꠥꠇꠥꠝ ꠖꠤꠍꠂꠘ,

ꠔꠃꠞꠣꠔ ৪: ꠡꠥꠝꠣꠞꠤ 7:2

ꠅꠃ ꠖꠤꠘ ꠛꠘꠤ ꠁꠍꠞꠣꠁꠟꠞ ꠛꠣꠞꠅ ꠈꠣꠘ꠆ꠖꠣꠘꠞ ꠡꠞ꠆ꠖꠣꠞ ꠅꠇꠟ ꠘꠣꠘꠣꠘ ꠎꠣꠔꠞ ꠃꠙꠢꠣꠞ ꠟꠁꠀ ꠀꠁꠟꠣ। ꠄꠞꠣ ꠅꠁꠟꠣ ꠎꠣꠞꠎꠤꠞ ꠉꠥꠡ꠆ꠐꠤꠞ ꠙꠞꠗꠣꠘ ꠝꠣꠘꠥꠡ, ꠔꠣꠞꠣꠞ ꠖꠣꠄꠁꠔ꠆ꠔ ꠀꠍꠤꠟ ꠉꠘꠤꠀ ꠀꠟꠉ ꠇꠞꠣ ꠢꠇꠟ ꠝꠣꠘꠡꠞ ꠖꠦꠈꠣ-ꠢꠥꠘꠣ ꠇꠞꠣ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 1:15

ꠔꠦꠃ ꠀꠝꠤ ꠔꠥꠝꠞꠣꠞ ꠙꠞꠔꠦꠇ ꠈꠣꠘ꠆ꠖꠣꠘ ꠕꠣꠇꠤ ꠀꠈꠟꠖꠣꠞ, ꠛꠥꠖ꠆ꠖꠤꠝꠣꠘ ꠀꠞ ꠎꠣꠘꠞꠣ-ꠢꠥꠘꠞꠣ ꠎꠘꠞꠦ ꠘꠤꠀ ꠔꠥꠝꠞꠣꠞ ꠀꠎꠣꠞ ꠎꠘꠞ ꠃꠙꠞꠦ, ꠡ ꠎꠘꠞ ꠃꠙꠞꠦ, ꠙꠁꠘ꠆ꠌꠣꠡ ꠎꠘꠞ ꠃꠙꠞꠦ, ꠖꠡ ꠎꠘꠞ ꠃꠙꠞꠦ ꠡꠞ꠆ꠖꠣꠞ ꠛꠣꠘꠣꠁ ꠖꠤꠍꠟꠣꠝ, ꠀꠞ ꠅꠚꠤꠡꠣꠞ ꠛꠅꠀꠁꠟ ꠇꠞꠍꠟꠣꠝ।