ꠔꠃꠞꠣꠔ ৪: ꠡꠥꠝꠣꠞꠤ 1:1 - Siloṭi Asmani Kitab (Nagri lipi)

¹ ꠛꠘꠤ ꠁꠍꠞꠣꠁꠟ ꠎꠣꠔꠤ ꠝꠤꠡꠞ ꠖꠦꠡ ꠕꠣꠇꠤ ꠛꠣꠞ ꠅꠁꠀ ꠀꠅꠀꠞ ꠖꠥꠁ ꠘꠝ꠆ꠛꠞ ꠛꠍꠞꠞ ꠡꠝꠄ, ꠖꠥꠁ ꠘꠝ꠆ꠛꠞ ꠌꠣꠘ꠆ꠖꠞ ꠙꠄꠟꠣ ꠖꠤꠘ, ꠝꠣꠛꠥꠖꠦ ꠍꠤꠘꠣꠁ ꠝꠞꠥꠜꠥꠝꠤꠔ ꠝꠤꠟꠘ-ꠔꠣꠝ꠆ꠛꠥꠞ ꠜꠤꠔꠞꠦ ꠢꠎꠞꠔ ꠝꠥꠍꠣꠞ ꠟꠉꠦ ꠛꠣꠔꠌꠤꠔ ꠇꠞꠟꠣ। ꠔꠣꠁꠘ ꠝꠥꠍꠣꠞꠦ ꠇꠁꠟꠣ,

ছিলটি আছমানি কিতাব (বাংলা লিপি)

¹ বনি ইছরাইল জাতি মিসর দেশ থাকি বার অইয়া আওয়ার দুই নম্বর বছরর সময়, দুই নম্বর চান্দর পয়লা দিন, মাবুদে সিনাই মরুভুমিত মিলন-তাম্বুর ভিতরে হজরত মুছার লগে বাতচিত করলা। তাইন মুছারে কইলা,

Siloṭi Asmani Kitab (Latin lipi)

¹ Boni Israil zati Mishor desh taki bar oia aoar dui nombor bosoror shomoy, dui nombor sandor foyla din, Mabude Sinai morubumit Milon-tambur bitre Hozrot Musar loge batchit ḳorla. Tain Musare ḳoila,

ꠔꠃꠞꠣꠔ ৪: ꠡꠥꠝꠣꠞꠤ 1:1 Iomraidhean Croise

ꠔꠃꠞꠣꠔ ২: ꠢꠤꠎꠞꠔ 19:1

ꠝꠤꠡꠞ ꠖꠦꠡ ꠕꠣꠇꠤ ꠛꠘꠤ ꠁꠍꠞꠣꠁꠟ ꠅꠇꠟ ꠛꠣꠞꠘꠤꠞ ꠛꠣꠖꠦ, ꠔꠤꠘ ꠘꠝ꠆ꠛꠞ ꠌꠣꠘ꠆ꠖꠞ ꠙꠄꠟꠣ ꠖꠤꠘꠃ ꠔꠣꠞꠣ ꠞꠚꠤꠖꠤꠝ ꠅꠁꠀ ꠍꠤꠘꠣꠁ ꠝꠞꠥꠜꠥꠝꠤꠔ ꠙꠃꠍꠤꠟꠣ। ꠅꠘꠅ ꠀꠁꠀ ꠔꠣꠞꠣ ꠝꠞꠥꠜꠥꠝꠤꠞ ꠔꠥꠞ ꠙꠣꠠꠞ ꠍꠣꠝꠘꠦ ꠔꠣꠝ꠆ꠛꠥ ꠉꠣꠠꠤꠟꠣ।

ꠔꠃꠞꠣꠔ ২: ꠢꠤꠎꠞꠔ 25:22

ꠁ ꠡꠣꠢꠣꠖꠔ ꠡꠘ꠆ꠖꠥꠇꠞ ꠓꠣꠇꠘꠣꠞ ꠃꠙꠞꠦ ꠖꠥꠁꠅ ꠇꠣꠞꠥꠛꠤꠞ ꠝꠣꠎꠈꠣꠘꠅ, ꠀꠝꠤ ꠔꠥꠝꠣꠞꠦ ꠖꠤꠖꠣꠞ ꠖꠤꠝꠥ। ꠅꠃ ꠖꠤꠖꠣꠞꠞ ꠡꠝꠄ ꠛꠘꠤ ꠁꠍꠞꠣꠁꠟꠞ ꠟꠣꠉꠤ ꠀꠝꠣꠞ ꠢꠇꠟ ꠀꠁꠘ-ꠇꠣꠘꠥꠘ ꠎꠣꠘꠣꠁꠝꠥ।

ꠔꠃꠞꠣꠔ ২: ꠢꠤꠎꠞꠔ 40:17

ꠖꠥꠍꠞꠣ ꠛꠍꠞꠞ ꠙꠄꠟꠣ ꠌꠣꠘ꠆ꠖꠞ ꠙꠄꠟꠣ ꠔꠣꠞꠤꠈꠅ ꠀꠟ꠆ꠟꠣꠞ ꠊꠞ ꠈꠣꠠꠣ ꠇꠞꠣ ꠅꠁꠟ।

ꠔꠃꠞꠣꠔ ২: ꠢꠤꠎꠞꠔ 40:2

“ꠔꠥꠝꠤ ꠛꠍꠞꠞ ꠙꠄꠟꠣ ꠌꠣꠘ꠆ꠖꠞ ꠙꠄꠟꠣ ꠔꠣꠞꠤꠈꠅ ꠝꠤꠟꠘ-ꠔꠣꠝ꠆ꠛꠥ ꠡꠢ ꠀꠝꠣꠞ ꠊꠞꠞꠦ ꠈꠣꠠꠣ ꠇꠞꠤꠅ।

ꠔꠃꠞꠣꠔ ৩: ꠟꠦꠛꠤꠀꠘ 1:1

ꠅꠃ ꠙꠛꠤꠔ꠆ꠞ ꠇꠣꠛꠣ ꠊꠞ ꠝꠣꠘꠤ ꠝꠤꠟꠘ-ꠔꠣꠝ꠆ꠛꠥ ꠛꠣꠘꠣꠘꠤꠞ ꠛꠣꠖꠦ, ꠝꠣꠛꠥꠖꠦ ꠝꠥꠍꠣ ꠘꠛꠤꠞꠦ ꠅꠘꠅ ꠀꠘꠣꠁꠀ ꠇꠁꠟꠣ,

ꠔꠃꠞꠣꠔ ৩: ꠟꠦꠛꠤꠀꠘ 27:34

ꠝꠣꠛꠥꠖꠦ ꠔꠥꠞ ꠙꠣꠠꠞ ꠃꠙꠞꠦ ꠝꠥꠍꠣ ꠘꠛꠤꠞ ꠉꠦꠍꠦ, ꠛꠘꠤ ꠁꠍꠞꠣꠁꠟꠞ ꠟꠣꠉꠤ ꠅꠃ ꠢꠥꠇꠥꠝ-ꠀꠢꠇꠣꠝ ꠅꠇꠟ ꠖꠣꠘ ꠇꠞꠍꠤꠟꠣ॥

ꠔꠃꠞꠣꠔ ৪: ꠡꠥꠝꠣꠞꠤ 1:18

ꠀꠞ ꠅꠃ ꠛꠍꠞꠞ ꠖꠥꠍꠞꠣ ꠌꠣꠘ꠆ꠖꠞ ꠙꠄꠟꠣ ꠖꠤꠘ ꠢꠇꠟ ꠛꠘꠤ ꠁꠍꠞꠣꠁꠟꠞꠦ ꠄꠇꠈꠣꠘꠅ ꠖꠟꠣ ꠇꠞꠟꠣ। ꠔꠣꠞꠣ ꠎꠣꠞꠎꠤꠞ ꠉꠥꠡ꠆ꠐꠤ ꠀꠞ ꠙꠞꠤꠛꠣꠞ ꠝꠣꠚꠤꠇ ꠔꠣꠞꠣꠞ ꠘꠣꠝ ꠟꠦꠈꠣꠁꠟ। ꠛꠤꠡ ꠛꠍꠞ ꠛꠣ ꠄꠞ ꠛꠦꠡꠤ ꠛꠄꠅꠡꠞ ꠛꠦꠐꠣꠁꠘ꠆ꠔꠞ ꠘꠣꠝ ꠄꠇ ꠄꠇ ꠇꠞꠤ ꠟꠦꠈꠣ ꠅꠁꠟ।

ꠔꠃꠞꠣꠔ ৪: ꠡꠥꠝꠣꠞꠤ 12:4

ꠝꠥꠍꠣꠞ ꠛꠤꠞꠥꠖ꠆ꠖꠦ ꠢꠣꠞꠥꠘ ꠀꠞ ꠝꠞꠤꠅꠝꠞ ꠝꠣꠔ-ꠇꠕꠣ ꠢꠥꠘꠤꠀꠃ ꠝꠣꠛꠥꠖꠦ ꠝꠥꠍꠣ, ꠢꠣꠞꠥꠘ ꠀꠞ ꠝꠞꠤꠅꠝꠞꠦ ꠇꠁꠟꠣ, “ꠔꠥꠝꠞꠣ ꠔꠤꠘꠅꠎꠘ ꠛꠣꠞ ꠅꠁꠀ ꠝꠤꠟꠘ-ꠔꠣꠝ꠆ꠛꠥꠞ ꠉꠦꠍꠦ ꠀꠅ।” ꠔꠦꠃ ꠄꠞꠣ ꠔꠤꠘꠅꠎꠘ ꠅꠘꠅ ꠀꠁꠟꠣ।

ꠔꠃꠞꠣꠔ ৪: ꠡꠥꠝꠣꠞꠤ 9:1

ꠛꠘꠤ ꠁꠍꠞꠣꠁꠟ ꠎꠣꠔꠤ ꠝꠤꠡꠞ ꠖꠦꠡ ꠕꠣꠇꠤ ꠛꠣꠞꠘꠤꠞ ꠖꠥꠍꠞꠣ ꠛꠍꠞꠞ ꠙꠄꠟꠣ ꠌꠣꠘ꠆ꠖꠅ, ꠍꠤꠘꠣꠁ ꠝꠞꠥꠜꠥꠝꠤꠔ ꠝꠣꠛꠥꠖꠦ ꠝꠥꠍꠣ ꠘꠛꠤꠞꠦ ꠛꠣꠔꠣꠁꠟꠣ,

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 1:3

ꠅꠁꠟꠦ ꠛꠘꠤ ꠁꠍꠞꠣꠁꠟ ꠝꠤꠡꠞ ꠕꠣꠇꠤ ꠛꠣꠞ ꠅꠁꠀ ꠃꠘꠌꠣꠟ꠆ꠟꠤꠡ ꠛꠍꠞ ꠄꠉꠣꠞꠅ ꠝꠣꠡ ꠙꠞ꠆ꠎꠘ꠆ꠔ, ꠅꠞ꠆ꠕꠣꠔ ꠍꠚꠞꠞ ꠌꠣꠟ꠆ꠟꠤꠡ ꠛꠞꠍ ꠌꠟꠣꠞ ꠇꠣꠟꠅ, ꠅꠘꠅ ꠊꠥꠞꠤꠟꠣ। ꠛꠣꠖꠦ ꠅꠃ ꠝꠣꠡꠞ ꠙꠄꠟꠣ ꠔꠣꠞꠤꠈꠅ ꠝꠥꠍꠣ ꠘꠛꠤꠄ ꠔꠣꠞꠣꠞꠦ ꠎꠣꠘꠣꠁꠟꠣ ꠝꠣꠛꠥꠖꠦ ꠔꠣꠘꠞꠦ ꠎꠦꠔꠣ ꠇꠁꠍꠟꠣ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 2:14

ꠀꠞ ꠇꠣꠖꠦꠡ-ꠛꠞꠘꠦꠀ ꠕꠣꠇꠤ ꠛꠣꠞ ꠅꠁꠀ ꠢꠣꠞꠤ ꠎꠦꠞꠦꠖ ꠉꠥꠟ꠆ꠟꠣ ꠙꠣꠞ ꠅꠁꠀ ꠀꠁꠔꠦ ꠀꠝꠞꠣꠞ ꠀꠐꠔꠤꠡ ꠛꠍꠞ ꠟꠣꠉꠍꠤꠟ। ꠄꠞꠝꠣꠎꠦ ꠅꠃꠟꠣ ꠅꠁꠟ, ꠝꠣꠛꠥꠖꠦ ꠀꠉꠦ ꠇꠍꠝ ꠈꠣꠁꠀ ꠎꠦꠟꠣ ꠇꠁꠍꠟꠣ, ꠅꠃꠟꠣ ꠇꠣꠖꠦꠡ-ꠛꠞꠘꠦꠀ ꠕꠣꠇꠤ ꠛꠣꠞꠘꠤꠞ ꠇꠣꠟꠅ ꠀꠝꠞꠣꠞ ꠎꠔ ꠍꠤꠙꠣꠁ ꠀꠍꠟꠣ, ꠄꠞꠣ ꠢꠇꠟꠃ ꠅꠃ ꠀꠐꠔꠤꠡ ꠛꠍꠞꠦ ꠝꠞꠤꠉꠦꠟꠣ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 2:7

“ꠔꠥꠝꠞꠣꠞ ꠝꠣꠛꠥꠖ ꠀꠟ꠆ꠟꠣꠄ ꠢꠇꠟ ꠇꠣꠝꠞ ꠝꠣꠎꠦꠃ ꠔꠥꠝꠞꠣꠞꠦ ꠞꠢꠝ-ꠛꠞꠇꠔ ꠖꠤꠍꠂꠘ। ꠅꠃ ꠅꠔ ꠛꠠ ꠝꠞꠥꠜꠥꠝꠤ ꠙꠣꠞꠘꠤꠞ ꠛꠣꠟꠣ ꠔꠣꠁꠘ ꠔꠥꠝꠞꠣꠞꠦ ꠢꠦꠚꠣꠎꠔ ꠇꠞꠍꠂꠘ। ꠅꠃ ꠌꠣꠟ꠆ꠟꠤꠡ ꠛꠍꠞ ꠗꠞꠤ ꠔꠥꠝꠞꠣꠞ ꠝꠣꠛꠥꠖ ꠀꠟ꠆ꠟꠣ ꠔꠥꠝꠞꠣꠞ ꠟꠉꠦ ꠟꠉꠦ ꠀꠍꠂꠘ, ꠄꠞꠟꠣꠉꠤ ꠇꠥꠘꠥ ꠟꠣꠈꠣꠘ ꠅꠜꠣꠛ ꠅꠁꠍꠦ ꠘꠣ।