ꠔꠃꠞꠣꠔ ৩: ꠟꠦꠛꠤꠀꠘ 7:2 - Siloṭi Asmani Kitab (Nagri lipi)

² ꠎꠣꠟꠣꠁꠟ ꠇꠥꠞꠛꠣꠘꠤꠞ ꠙꠡꠥꠞꠦ ꠎꠦ ꠎꠣꠉꠣꠔ ꠎꠛ ꠇꠞꠣ ꠅꠄ, ꠅꠃ ꠇꠥꠞꠛꠣꠘꠤꠞ ꠙꠡꠥꠞꠦꠅ ꠅꠘꠅ ꠎꠛ ꠇꠞꠔꠦ ꠅꠁꠛ। ꠁꠔꠣꠞ ꠟꠃ ꠇꠥꠞꠛꠣꠘꠤ ꠈꠣꠘꠣꠞ ꠌꠣꠁꠞꠅ ꠉꠣꠟꠣꠛꠣꠄ ꠍꠤꠐꠣꠁ ꠖꠤꠔꠦ ꠅꠁꠛ।

ছিলটি আছমানি কিতাব (বাংলা লিপি)

² জালাইল কুরবানির পশুরে যে জাগাত জবো করা অয়, অউ কুরবানির পশুরেও অনো জবো করতে অইবো। ইতার লউ কুরবানি খানার চাইরো গালাবায় ছিটাই দিতে অইবো।

Siloṭi Asmani Kitab (Latin lipi)

² Zalail kurbanir foshure ze zagat zobo ḳora oy, ou kurbanir foshure-o ono zobo ḳorte oibo. Itar lou kurbani kanar sairo galabae siṭai dite oibo.

ꠔꠃꠞꠣꠔ ৩: ꠟꠦꠛꠤꠀꠘ 7:2 Iomraidhean Croise

ꠔꠃꠞꠣꠔ ৩: ꠟꠦꠛꠤꠀꠘ 1:11

ꠇꠥꠞꠛꠣꠘꠤ ꠖꠦꠅꠞꠣꠄ ꠁꠇꠐꠣꠞꠦ ꠇꠥꠞꠛꠣꠘꠤ ꠈꠣꠘꠣꠞ ꠃꠔ꠆ꠔꠞ ꠉꠣꠟꠣꠔ ꠘꠤꠀ ꠝꠣꠛꠥꠖꠞ ꠍꠣꠝꠘꠦ ꠎꠛ ꠇꠞꠤꠀ ꠢꠣꠞꠟꠦ, ꠁꠝꠣꠝ ꠢꠣꠞꠥꠘꠞ ꠎꠦ ꠙꠥꠀꠂꠘ꠆ꠔꠦ ꠁꠝꠣꠝꠔꠤ ꠇꠞꠂꠘ, ꠔꠣꠞꠣ ꠅꠉꠥꠞ ꠟꠃ ꠘꠤꠀ ꠇꠥꠞꠛꠣꠘꠤ ꠈꠣꠘꠣꠞ ꠌꠣꠁꠞꠅ ꠉꠣꠟꠣꠔ ꠍꠤꠐꠣꠁ ꠖꠤꠛꠣ।

ꠔꠃꠞꠣꠔ ৩: ꠟꠦꠛꠤꠀꠘ 1:3

“ꠇꠥꠞꠛꠣꠘꠤ ꠖꠦꠅꠞꠣꠄ ꠎꠥꠖꠤ ꠉꠞꠥꠞ ꠙꠣꠟ ꠕꠣꠇꠤ ꠎꠣꠟꠣꠁꠟ ꠇꠥꠞꠛꠣꠘꠤ ꠀꠖꠣꠄ ꠇꠞꠔ ꠌꠣꠄ, ꠔꠦ ꠙꠥꠞꠣꠙꠥꠞ ꠘꠤꠈꠥꠔ ꠄꠉꠥ ꠛꠤꠍꠣꠟ ꠀꠘꠔꠦ ꠅꠁꠛ। ꠀꠘꠤꠀ ꠝꠣꠛꠥꠖꠞꠦ ꠈꠥꠡꠤ ꠇꠞꠣꠞ ꠘꠤꠅꠔꠦ ꠅꠃ ꠛꠤꠍꠣꠟꠞꠦ ꠝꠤꠟꠘ-ꠔꠣꠝ꠆ꠛꠥꠞ ꠖꠥꠀꠞꠞ ꠉꠦꠍꠦ ꠟꠁꠀ ꠀꠁꠛ।

ꠔꠃꠞꠣꠔ ৩: ꠟꠦꠛꠤꠀꠘ 1:5

ꠛꠣꠖꠦ ꠝꠣꠛꠥꠖꠞ ꠍꠣꠝꠘꠦ ꠅꠃ ꠛꠤꠍꠣꠟꠞꠦ ꠢꠦ ꠎꠛ ꠇꠞꠛ। ꠀꠞ ꠁꠝꠣꠝ ꠢꠣꠞꠥꠘꠞ ꠎꠦ ꠙꠥꠀꠂꠘ꠆ꠔꠦ ꠁꠝꠣꠝꠔꠤ ꠇꠞꠂꠘ, ꠔꠣꠞꠣ ꠅꠃ ꠛꠤꠍꠣꠟꠞ ꠟꠃ ꠘꠤꠀ ꠝꠤꠟꠘ-ꠔꠣꠝ꠆ꠛꠥꠞ ꠖꠥꠀꠞꠞ ꠍꠣꠝꠘꠞ ꠇꠥꠞꠛꠣꠘꠤ ꠈꠣꠘꠣꠞ ꠌꠣꠁꠞꠅ ꠉꠣꠟꠣꠔ ꠍꠤꠐꠣꠁ ꠖꠤꠛꠣ।

ꠔꠃꠞꠣꠔ ৩: ꠟꠦꠛꠤꠀꠘ 14:13

ꠛꠣꠖꠦ ꠙꠛꠤꠔ꠆ꠞ ꠇꠣꠛꠣ ꠊꠞꠞ ꠡꠤꠝꠣꠘꠣꠞ ꠎꠦ ꠎꠣꠉꠣꠔ ꠉꠥꠘꠣꠞ ꠇꠚꠞꠣꠞ ꠇꠥꠞꠛꠣꠘꠤ ꠀꠞ ꠎꠣꠟꠣꠁꠟ ꠇꠥꠞꠛꠣꠘꠤꠞ ꠙꠡꠥ ꠎꠛ ꠇꠞꠣ ꠅꠄ, ꠢꠃ ꠎꠣꠉꠣꠔ ꠅꠃ ꠙꠡꠥꠞꠦꠅ ꠎꠛ ꠇꠞꠛꠣ। ꠉꠥꠘꠣꠞ ꠇꠚꠞꠣꠞ ꠇꠥꠞꠛꠣꠘꠤꠞ ꠟꠣꠈꠣꠘ ꠖꠥꠡ-ꠇꠍꠥꠞꠤꠞ ꠇꠚꠞꠣꠞ ꠇꠥꠞꠛꠣꠘꠤꠞ ꠉꠥꠡ꠆ꠔꠅ ꠁꠝꠣꠝ ꠍꠣꠛꠦ ꠙꠣꠁꠛꠣ, ꠁꠔꠣ ꠔ ꠈꠣꠍ ꠙꠛꠤꠔ꠆ꠞ ꠉꠥꠡ꠆ꠔ।

ꠔꠃꠞꠣꠔ ৩: ꠟꠦꠛꠤꠀꠘ 3:2

ꠇꠥꠞꠛꠣꠘꠤ ꠖꠦꠅꠞꠣꠄ ꠅꠃ ꠙꠡꠥꠞ ꠇꠟ꠆ꠟꠣ ꠀꠔꠣꠁꠀ ꠖꠤꠀ, ꠝꠤꠟꠘ-ꠔꠣꠝ꠆ꠛꠥꠞ ꠖꠥꠀꠞꠞ ꠍꠣꠝꠘꠦ ꠁꠐꠣꠞꠦ ꠎꠛ ꠇꠞꠛ। ꠛꠣꠖꠦ ꠁꠝꠣꠝ ꠢꠣꠞꠥꠘꠞ ꠙꠥꠀꠂꠘ꠆ꠔꠞ ꠝꠣꠎꠞ ꠁꠝꠣꠝ ꠅꠇꠟꠦ ꠅꠉꠥꠞ ꠟꠃ ꠘꠤꠀ ꠇꠥꠞꠛꠣꠘꠤ ꠈꠣꠘꠣꠞ ꠌꠣꠁꠞꠅ ꠉꠣꠟꠣꠔ ꠍꠤꠐꠣꠁ ꠖꠤꠛꠣ।

ꠔꠃꠞꠣꠔ ৩: ꠟꠦꠛꠤꠀꠘ 3:8

ꠇꠥꠞꠛꠣꠘꠤ ꠖꠦꠅꠞꠣꠄ ꠅꠃ ꠝꠦꠠꠣꠞ ꠇꠟ꠆ꠟꠣ ꠀꠔꠣꠁ ꠖꠤꠀ, ꠝꠤꠟꠘ-ꠔꠣꠝ꠆ꠛꠥꠞ ꠖꠥꠀꠞꠞ ꠍꠣꠝꠘꠦ ꠁꠐꠣꠞꠦ ꠎꠛ ꠇꠞꠛ। ꠛꠣꠖꠦ ꠁꠝꠣꠝ ꠢꠣꠞꠥꠘꠞ ꠙꠥꠀꠂꠘ꠆ꠔꠞ ꠝꠣꠎꠞ ꠁꠝꠣꠝ ꠅꠇꠟꠦ ꠅꠉꠥꠞ ꠟꠃ ꠘꠤꠀ ꠇꠥꠞꠛꠣꠘꠤ ꠈꠣꠘꠣꠞ ꠌꠣꠁꠞꠅ ꠉꠣꠟꠣꠔ ꠍꠤꠐꠣꠁ ꠖꠤꠛꠣ।

ꠔꠃꠞꠣꠔ ৩: ꠟꠦꠛꠤꠀꠘ 4:24

ꠀꠁꠀ ꠅꠃ ꠙꠣꠑꠣꠞ ꠇꠟ꠆ꠟꠣꠞ ꠃꠙꠞꠦ ꠀꠔꠣꠁ ꠖꠤꠀ, ꠎꠣꠟꠣꠁꠟ ꠇꠥꠞꠛꠣꠘꠤꠞ ꠙꠡꠥ ꠎꠛ ꠇꠞꠣꠞ ꠎꠣꠉꠣꠔ ꠘꠤꠀ ꠅꠉꠥꠞꠦ ꠝꠣꠛꠥꠖꠞ ꠍꠣꠝꠘꠦ ꠎꠛ ꠇꠞꠛꠣ। ꠁꠔꠣ ꠔ ꠔꠣꠘ ꠉꠥꠘꠣꠞ ꠇꠚꠞꠣꠞ ꠇꠥꠞꠛꠣꠘꠤ।

ꠔꠃꠞꠣꠔ ৩: ꠟꠦꠛꠤꠀꠘ 4:29

ꠀꠁꠀ ꠅꠃ ꠍꠣꠉꠤꠞ ꠇꠟ꠆ꠟꠣꠞ ꠃꠙꠞꠦ ꠀꠔꠣꠁ ꠖꠤꠀ, ꠎꠣꠟꠣꠁꠟ ꠇꠥꠞꠛꠣꠘꠤꠞ ꠎꠛꠞ ꠎꠣꠉꠣꠔ ꠘꠤꠀ ꠅꠉꠥꠞꠦ ꠎꠛ ꠇꠞꠛ।

ꠔꠃꠞꠣꠔ ৩: ꠟꠦꠛꠤꠀꠘ 4:33

ꠢꠦ ꠅꠉꠥꠞ ꠇꠟ꠆ꠟꠣꠞ ꠃꠙꠞꠦ ꠀꠔꠣꠁ ꠖꠤꠀ, ꠎꠣꠟꠣꠁꠟ ꠇꠥꠞꠛꠣꠘꠤꠞ ꠙꠡꠥꠞ ꠎꠛꠞ ꠎꠣꠉꠣꠔ ꠘꠤꠀ, ꠉꠥꠘꠣꠞ ꠇꠚꠞꠣꠞ ꠇꠥꠞꠛꠣꠘꠤꠞ ꠘꠤꠅꠔꠦ ꠅꠉꠥꠞꠦ ꠎꠛ ꠇꠞꠛ।

ꠔꠃꠞꠣꠔ ৩: ꠟꠦꠛꠤꠀꠘ 5:16

ꠀꠞ ꠢꠦ ꠅꠃ ꠙꠣꠇ-ꠙꠛꠤꠔ꠆ꠞ ꠝꠣꠟ-ꠍꠣꠝꠣꠘꠣꠞ ꠛꠦꠙꠣꠞꠦ ꠎꠦ ꠖꠥꠡ-ꠇꠍꠥꠞꠤ ꠇꠞꠍꠦ, ꠁꠔꠣꠞ ꠈꠦꠔꠤ-ꠙꠥꠞꠘꠅ ꠖꠤꠔꠦ ꠅꠁꠛ। ꠢꠦ ꠅꠃ ꠝꠦꠠꠣꠞ ꠖꠣꠝꠞ ꠟꠉꠦ ꠀꠞꠅ ꠙꠣꠌ ꠛꠣꠐꠞ ꠄꠇ ꠛꠣꠐ ꠙꠞꠤꠝꠣꠘ ꠘꠉꠖ ꠐꠦꠇꠣ ꠁꠝꠣꠝ ꠍꠣꠛꠞ ꠀꠔꠅ ꠖꠤꠛ। ꠛꠣꠖꠦ ꠁꠝꠣꠝꠦ ꠔꠣꠞ ꠇꠍꠥꠞꠤ ꠝꠣꠚꠤꠞ ꠘꠤꠅꠔꠦ ꠅꠃ ꠝꠦꠠꠣꠞꠦ ꠘꠤꠀ ꠖꠥꠡ-ꠇꠍꠥꠞꠤꠞ ꠇꠚꠞꠣꠞ ꠇꠥꠞꠛꠣꠘꠤ ꠀꠖꠣꠄ ꠇꠞꠤꠀ ꠢꠣꠞꠟꠦ, ꠢꠦ ꠝꠣꠚꠤ ꠙꠣꠁꠛ।

ꠔꠃꠞꠣꠔ ৩: ꠟꠦꠛꠤꠀꠘ 5:7

“ꠀꠞ ꠢꠦ ꠎꠥꠖꠤ ꠝꠦꠠꠤ ꠛꠣ ꠍꠣꠉꠤ ꠀꠘꠔꠦ ꠅꠙꠣꠞꠉ ꠅꠄ, ꠔꠦ ꠅꠃ ꠉꠥꠘꠣꠞ ꠎꠞꠤꠝꠣꠘꠣ ꠛꠣꠛꠔ ꠖꠥꠁꠐꠣ ꠒꠥꠙꠤ ꠙꠣꠈꠤ ꠛꠣ ꠙꠣꠞꠅ ꠀꠘꠤꠀ ꠝꠣꠛꠥꠖꠞ ꠘꠣꠝꠦ ꠖꠤꠔꠦ ꠅꠁꠛ। ꠁꠔꠣꠞ ꠝꠣꠎꠞ ꠄꠉꠥ ꠅꠁꠛ ꠉꠥꠘꠣꠞ ꠇꠚꠞꠣꠞ ꠇꠥꠞꠛꠣꠘꠤ, ꠀꠞ ꠖꠥꠍꠞꠣꠐꠣ ꠎꠣꠟꠣꠁꠟ ꠇꠥꠞꠛꠣꠘꠤ।

ꠔꠃꠞꠣꠔ ৩: ꠟꠦꠛꠤꠀꠘ 5:9

ꠛꠣꠖꠦ ꠅꠉꠥꠞ ꠕꠥꠠꠣ ꠟꠃ ꠘꠤꠀ ꠇꠥꠞꠛꠣꠘꠤ ꠈꠣꠘꠣꠞ ꠌꠣꠁꠞꠅ ꠉꠣꠟꠣꠔ ꠍꠤꠐꠣꠁ ꠖꠤꠛꠣ, ꠀꠞ ꠛꠣꠖ-ꠛꠣꠇꠤ ꠟꠃ ꠇꠥꠞꠛꠣꠘꠤ ꠈꠣꠘꠣꠞ ꠔꠟꠦ ꠓꠣꠟꠤ ꠖꠤꠛꠣ। ꠁꠔꠣ ꠅꠁꠟ ꠉꠥꠘꠣꠞ ꠇꠚꠞꠣꠞ ꠟꠣꠉꠤ ꠇꠥꠞꠛꠣꠘꠤ।

ꠔꠃꠞꠣꠔ ৩: ꠟꠦꠛꠤꠀꠘ 6:25

“ꠔꠥꠝꠤ ꠢꠣꠞꠥꠘ ꠀꠞ ꠔꠣꠞ ꠙꠥꠀꠂꠘ꠆ꠔꠞꠦ ꠉꠥꠘꠣꠞ ꠇꠚꠞꠣꠞ ꠇꠥꠞꠛꠣꠘꠤꠞ ꠘꠤꠅꠝ ꠢꠤꠇꠣꠅ। ꠎꠣꠟꠣꠁꠟ ꠇꠥꠞꠛꠣꠘꠤꠞ ꠙꠡꠥꠞꠦ ꠎꠦ ꠎꠣꠉꠣꠔ ꠎꠛ ꠇꠞꠂꠘ, ꠉꠥꠘꠣꠞ ꠇꠚꠞꠣꠞ ꠇꠥꠞꠛꠣꠘꠤꠞ ꠙꠡꠥꠞꠦꠅ ꠅꠘꠅ ꠎꠛ ꠇꠞꠛꠣ। ꠁ ꠇꠥꠞꠛꠣꠘꠤꠞ ꠉꠥꠡ꠆ꠔ ꠔ ꠈꠣꠍ ꠙꠛꠤꠔ꠆ꠞ।

ꠔꠃꠞꠣꠔ ৩: ꠟꠦꠛꠤꠀꠘ 6:7

ꠁꠝꠣꠝꠦ ꠝꠣꠛꠥꠖꠞ ꠖꠞꠛꠣꠞꠅ ꠔꠣꠞ ꠉꠥꠘꠣꠞ ꠇꠚꠞꠣ ꠀꠖꠣꠄ ꠇꠞꠛꠣ। ꠢꠦ ꠅꠔꠣꠞ ꠝꠣꠎꠞ ꠎꠦꠇꠥꠘꠥ ꠉꠥꠘꠣ ꠇꠞꠟꠦ, ꠅꠃ ꠘꠝꠥꠘꠣꠄ ꠔꠣꠞ ꠉꠥꠘꠣꠞ ꠝꠣꠚꠤ ꠙꠣꠁꠛ।”

ꠔꠃꠞꠣꠔ ৪: ꠡꠥꠝꠣꠞꠤ 6:12

ꠀꠞ ꠀꠉꠞ ꠟꠣꠈꠣꠘ ꠢꠤꠞꠛꠣꠞ ꠝꠣꠛꠥꠖꠞ ꠘꠣꠝꠦ ꠀꠟꠣꠖꠣ ꠞꠅꠀꠞ ꠝꠣꠘ꠆ꠘꠔ ꠇꠞꠣ ꠟꠣꠉꠛ। ꠄꠞꠟꠉꠦ ꠖꠥꠡ-ꠇꠍꠥꠞꠤꠞ ꠇꠚꠞꠣꠞ ꠟꠣꠉꠤ ꠄꠇ ꠛꠍꠞ ꠛꠄꠅꠡꠤ ꠄꠉꠥ ꠝꠦꠠꠣ-ꠛꠣꠁꠌ꠆ꠌꠣ ꠇꠥꠞꠛꠣꠘꠤ ꠖꠤꠛ। ꠔꠣ-ꠅ ꠀꠉꠦ ꠎꠔꠖꠤꠘ ꠢꠦ ꠝꠣꠛꠥꠖꠞ ꠘꠣꠝꠦ ꠀꠟꠣꠖꠣ ꠞꠁꠍꠤꠟ, ꠁꠔꠣ ꠛꠣꠔꠤꠟ ꠅꠁꠎꠤꠛ, ꠇꠣꠞꠘ ꠢꠤ ꠡꠝꠄ ꠢꠦ ꠘꠣꠙꠣꠇ ꠅꠁꠉꠦꠍꠤꠟ।

Injil 19: Ibrani 11:28

ꠁꠝꠣꠘꠞ ꠛꠟꠦꠃ ꠔꠣꠁꠘ ꠀꠎꠣꠖꠤ ꠁꠖ ꠀꠞ ꠟꠃ ꠍꠤꠐꠣꠁꠀ ꠖꠦꠅꠀꠞ ꠘꠤꠅꠝ ꠝꠣꠘꠟꠣ, ꠎꠣꠔꠦ ꠀꠎꠞꠣꠁꠟ ꠚꠤꠞꠤꠡ꠆ꠔꠣꠄ ꠛꠘꠤ ꠁꠍꠞꠣꠁꠟꠞ ꠙꠄꠟꠣ ꠙꠥꠀꠂꠘ꠆ꠔꠞꠦ ꠘꠣ ꠍꠁꠘ।

Injil 19: Ibrani 12:24

ꠎꠦ ꠁꠍꠣ ꠀꠟ꠆ꠟꠣꠞ ꠟꠉꠦ ꠝꠤꠟꠘꠞ ꠘꠄꠀ ꠃꠍꠤꠟ꠆ꠟꠣꠞ ꠎꠤꠝ꠆ꠝꠣꠖꠣꠞ, ꠢꠃ ꠁꠍꠣꠞ ꠉꠦꠍꠦ ꠀꠁꠍ। ꠢꠣꠛꠤꠟꠞ ꠟꠃ ꠕꠣꠇꠤ ꠀꠞꠅ ꠝꠞꠔꠥꠛꠣꠀꠟꠣ ꠎꠦ ꠟꠃ, ꠔꠥꠝꠞꠣ ꠍꠤꠐꠣꠁꠟ ꠢꠃ ꠟꠃꠞ ꠇꠣꠍꠣꠔ ꠀꠁꠍ।

ꠁꠘ꠆ꠎꠤꠟ ২১: ১-ꠙꠤꠔꠞ 1:2

ꠉꠣꠁꠛꠤ ꠛꠣꠚ ꠀꠟ꠆ꠟꠣꠄ ꠔꠣꠘ ꠝꠥꠘꠡꠣꠄ ꠔꠥꠝꠞꠣꠞꠦ ꠙꠍꠘ꠆ꠖ ꠇꠞꠍꠂꠘ ꠀꠞ ꠙꠣꠇ ꠞꠥꠢꠦ ꠙꠛꠤꠔ꠆ꠞ ꠇꠞꠍꠂꠘ। ꠄꠞ ꠃꠖ꠆ꠖꠦꠡ꠆ꠡ ꠅꠁꠟ, ꠔꠥꠝꠞꠣ ꠎꠣꠔꠦ ꠁꠍꠣ ꠀꠟ-ꠝꠍꠤꠞ ꠛꠣꠁꠖ꠆ꠖ ꠅꠅ ꠀꠞ ꠔꠣꠘ ꠟꠃ ꠍꠤꠐꠣꠁꠀ ꠔꠥꠝꠞꠣꠞꠦ ꠙꠣꠇ-ꠍꠣꠚ ꠇꠞꠣ ꠅꠄ। ꠀꠟ꠆ꠟꠣꠄ ꠔꠥꠝꠞꠣꠞꠦ ꠛꠦꠡ ꠇꠞꠤ ꠞꠢꠝꠔ ꠀꠞ ꠡꠣꠘ꠆ꠔꠤ ꠖꠣꠘ ꠇꠞꠃꠇ꠆ꠇꠣ।