ꠔꠃꠞꠣꠔ ৩: ꠟꠦꠛꠤꠀꠘ 5:3 - Siloṭi Asmani Kitab (Nagri lipi)

³ “ꠝꠣꠘꠡꠞ ꠡꠞꠤꠟꠞꠦ ꠎꠦꠔꠣꠄ ꠘꠣꠙꠣꠇ ꠇꠞꠤꠟꠣꠄ, ꠡꠞꠤꠟ ꠕꠣꠇꠤ ꠛꠣꠞꠅꠁꠟ ꠅꠃ ꠟꠣꠈꠣꠘ ꠇꠥꠘꠥꠔꠣ ꠇꠦꠃ ꠎꠥꠖꠤ ꠘꠣ ꠎꠣꠘꠤꠀ ꠍꠁꠟꠣꠄ, ꠔꠦ ꠁꠔꠣ ꠎꠣꠘꠣꠞ ꠛꠣꠖꠦ ꠢꠦ ꠖꠥꠡꠤ ꠅꠁꠛ।

ছিলটি আছমানি কিতাব (বাংলা লিপি)

³ “মানষর শরিলরে যেতায় নাপাক করিলায়, শরিল থাকি বারইল অউ লাখান কুনুতা কেউ যুদি না জানিয়া ছইলায়, তে ইতা জানার বাদে হে দুষি অইবো।

Siloṭi Asmani Kitab (Latin lipi)

³ “Manshor shorilre zetae nafak korilae, shoril taki bar oil ou laḳan kunuta ḳeu zudi na zania soilae, te ita zanar bade he dushi oibo.

ꠔꠃꠞꠣꠔ ৩: ꠟꠦꠛꠤꠀꠘ 5:3 Iomraidhean Croise

ꠔꠃꠞꠣꠔ ৩: ꠟꠦꠛꠤꠀꠘ 13:3

ꠁꠝꠣꠝ ꠍꠣꠛꠦ ꠔꠣꠞ ꠌꠣꠝꠠꠣꠞ ꠅꠃ ꠎꠣꠉꠣ ꠖꠦꠈꠛꠣ, ꠢꠤ ꠎꠣꠉꠣꠞ ꠞꠥꠝꠣ ꠎꠥꠖꠤ ꠗꠟꠣ ꠅꠁꠎꠣꠄ, ꠀꠞ ꠛꠥꠎꠣ ꠎꠣꠄ ꠁ ꠛꠦꠝꠣꠞ ꠌꠣꠝꠠꠣꠞ ꠔꠟꠞ ꠉꠥꠡ꠆ꠔꠞ ꠝꠣꠎꠦ ꠟꠣꠉꠤꠉꠦꠍꠦ, ꠔꠦ ꠛꠥꠎꠛꠣꠄ, ꠁꠔꠣ ꠘꠣꠙꠣꠇ ꠙꠌꠣ-ꠇꠥꠡ꠆ꠑ ꠛꠦꠝꠣꠞ। ꠁꠟꠣ ꠛꠦꠝꠣꠞꠤ ꠖꠦꠈꠟꠦ ꠁꠝꠣꠝꠦ ꠔꠣꠞꠦ ꠘꠣꠙꠣꠇ ꠇꠁꠀ ꠄꠟꠣꠘ ꠇꠞꠛꠣ।

ꠔꠃꠞꠣꠔ ৩: ꠟꠦꠛꠤꠀꠘ 5:2

“ꠇꠦꠃ ꠎꠥꠖꠤ ꠘꠣ ꠎꠣꠘꠤꠀ ꠇꠥꠘꠥ ꠘꠣꠙꠣꠇ ꠎꠤꠘꠤꠡ ꠍꠁꠟꠣꠄ, ꠔꠦ ꠢꠦ ꠘꠣꠙꠣꠇ ꠀꠞ ꠖꠥꠡꠤ ꠛꠘꠛ। ꠁꠔꠣ ꠇꠥꠘꠥꠎꠣꠔꠞ ꠎꠋꠟꠤ ꠢꠣꠞꠣꠝ ꠝꠞꠣ ꠙꠡꠥ, ꠊꠞꠅ ꠙꠣꠟꠣ ꠇꠥꠘꠥ ꠝꠞꠣ ꠎꠣꠘꠖꠣꠞ ꠛꠣ ꠝꠣꠐꠤꠞ ꠝꠣꠎꠦ ꠛꠥꠇꠦ ꠌꠟꠞꠣ ꠎꠦꠇꠥꠘꠥ ꠝꠞꠣ ꠎꠣꠘꠖꠣꠞꠞꠦ ꠘꠣ ꠎꠣꠘꠤꠀ ꠍꠁꠟꠦꠅ ꠖꠥꠡꠤ-ꠘꠣꠙꠣꠇ ꠛꠘꠛ।

ꠔꠃꠞꠣꠔ ৩: ꠟꠦꠛꠤꠀꠘ 5:4

“ꠀꠈꠟ-ꠛꠤꠛꠦꠇ ꠘꠣ ꠈꠣꠐꠣꠁꠀ ꠀꠈꠔꠣ ꠎꠥꠖꠤ ꠇꠦꠃ ꠇꠥꠘꠥ ꠇꠍꠝ ꠇꠞꠤꠟꠣꠄ, ꠜꠣꠟꠣ ꠛꠣ ꠛꠥꠞꠣ ꠇꠥꠘ꠆ꠔꠣ ꠇꠞꠝꠥ ꠇꠁꠀ ꠝꠘꠞ ꠛꠦ-ꠈꠤꠀꠟꠦ ꠇꠦꠃ ꠇꠥꠘꠥ ꠇꠍꠝ ꠈꠣꠁꠟꠦꠅ, ꠢꠦ ꠎꠦꠛꠟꠣ ꠁꠈꠣꠘ ꠛꠥꠎꠤꠟꠤꠛ ꠅꠃ ꠡꠝꠄ ꠢꠦ ꠖꠥꠡꠤ ꠛꠘꠛ।

ꠔꠃꠞꠣꠔ ৩: ꠟꠦꠛꠤꠀꠘ 7:21

ꠇꠥꠘꠥ ꠝꠣꠘꠡꠦ ꠎꠥꠖꠤ ꠙꠡꠥꠞ ꠛꠣ ꠝꠣꠘꠡꠞ ꠇꠥꠘꠥ ꠘꠣꠙꠣꠇ ꠎꠤꠘꠤꠡ ꠍꠁꠀ ꠢꠣꠞꠤ ꠛꠣ ꠖꠥꠍꠞꠣ ꠘꠣꠙꠣꠇ ꠇꠥꠘ꠆ꠔꠣ ꠍꠁꠀ ꠢꠣꠞꠤ ꠝꠣꠛꠥꠖꠞ ꠘꠣꠝꠦ ꠖꠦꠅꠀ ꠍꠣꠟꠣꠝꠔꠤ ꠇꠥꠞꠛꠣꠘꠤꠞ ꠉꠥꠡ꠆ꠔ ꠈꠣꠁꠟꠣꠄ, ꠔꠦ ꠔꠣꠞ ꠘꠣꠝꠅ ꠡꠝꠣꠎ ꠕꠣꠇꠤ ꠝꠤꠐꠣꠁꠟꠤꠔꠦ ꠅꠁꠛ।”

ꠔꠃꠞꠣꠔ ৪: ꠡꠥꠝꠣꠞꠤ 19:22

ꠘꠣꠙꠣꠇ ꠢꠣꠟꠔꠦ ꠁ ꠎꠘꠦ ꠎꠔꠔꠣ ꠍꠁꠛ, ꠁꠔꠣ ꠢꠇꠟꠔꠣ ꠘꠣꠙꠣꠇ ꠅꠁꠎꠤꠛ, ꠔꠣꠞ ꠍꠅꠀ ꠇꠥꠘꠥ ꠎꠤꠘꠤꠡ ꠎꠦꠉꠤꠄ ꠍꠁꠛ, ꠢꠦ-ꠅ ꠢꠣꠁꠘ꠆ꠎꠣ ꠙꠞ꠆ꠎꠘ꠆ꠔ ꠘꠣꠙꠣꠇ ꠞꠁꠛ।”