ꠔꠃꠞꠣꠔ ৩: ꠟꠦꠛꠤꠀꠘ 4:3 - Siloṭi Asmani Kitab (Nagri lipi)

³ “ꠄꠁꠘ ꠈꠦꠟꠣꠚꠔꠤ ꠙꠣꠅꠀ ꠙꠞꠗꠣꠘ ꠁꠝꠣꠝ ꠍꠣꠛ ꠅꠁꠟꠦ, ꠔꠣꠘ ꠉꠥꠘꠣꠞ ꠖꠣꠄ-ꠜꠣꠞ ꠢꠇꠟ ꠝꠣꠘꠡꠞ ꠃꠙꠞꠦ ꠛꠞ꠆ꠔꠦ, ꠄꠞꠟꠣꠉꠤ ꠔꠣꠁꠘ ꠘꠤꠈꠥꠔ ꠄꠉꠥ ꠛꠤꠍꠣꠟ ꠀꠘꠤꠀ ꠝꠣꠛꠥꠖꠞ ꠖꠞꠛꠣꠞꠅ ꠔꠣꠘ ꠉꠥꠘꠣꠞ ꠇꠚꠞꠣꠞ ꠇꠥꠞꠛꠣꠘꠤ ꠖꠤꠛꠣ।

ছিলটি আছমানি কিতাব (বাংলা লিপি)

³ “এইন খেলাফতি পাওয়া পরধান ইমাম ছাব অইলে, তান গুনার দায়-ভার হকল মানষর উপরে বর্তে, এরলাগি তাইন নিখুত এগু বিছাল আনিয়া মাবুদর দরবারো তান গুনার কফরার কুরবানি দিবা।

Siloṭi Asmani Kitab (Latin lipi)

³ “Ein ḳelafoti faoa fordan imam sab oile, tan gunar dae-bar hoḳol manshor ufre borte, erlagi tain nikut egu bisal ania Mabudor dorbaro tan gunar koforar kurbani diba.

ꠔꠃꠞꠣꠔ ৩: ꠟꠦꠛꠤꠀꠘ 4:3 Iomraidhean Croise

ꠔꠃꠞꠣꠔ ২: ꠢꠤꠎꠞꠔ 29:14

ꠄꠞ ꠉꠥꠡ꠆ꠔ, ꠈꠣꠟ, ꠀꠔ-ꠜꠠ ꠉꠥꠚꠞ ꠡꠥꠖ꠆ꠖꠣ ꠛꠘꠤ ꠁꠍꠞꠣꠁꠟꠞ ꠇꠦꠝ꠆ꠙꠞ ꠛꠣꠞꠦ ꠘꠤꠀ ꠎꠣꠟꠣꠁꠟꠤꠅ, ꠁꠔꠣ ꠔ ꠉꠥꠘꠣꠞ ꠇꠚꠞꠣꠞ ꠇꠥꠞꠛꠣꠘꠤ।

ꠔꠃꠞꠣꠔ ২: ꠢꠤꠎꠞꠔ 29:21

ꠛꠣꠖꠦ ꠈꠦꠟꠣꠚꠔꠤꠞ ꠔꠦꠟ ꠀꠞ ꠇꠥꠞꠛꠣꠘꠤ ꠈꠣꠘꠣ ꠕꠣꠇꠤ ꠕꠥꠠꠣ ꠟꠃ ꠟꠁꠀ, ꠢꠣꠞꠥꠘ ꠀꠞ ꠔꠣꠞ ꠙꠥꠀꠂꠘ꠆ꠔꠞ ꠉꠔꠞꠅ ꠀꠞ ꠟꠦꠛꠣꠍꠞ ꠃꠙꠞꠦ ꠍꠤꠐꠣꠁ ꠖꠤꠅ। ꠔꠦꠃ ꠟꠦꠛꠣꠍ ꠡꠥꠖ꠆ꠖꠣ ꠢꠣꠞꠥꠘ ꠀꠞ ꠔꠣꠞ ꠙꠥꠀꠂꠘ ꠙꠣꠇ-ꠍꠣꠚ ꠅꠁꠛꠣ।

ꠔꠃꠞꠣꠔ ২: ꠢꠤꠎꠞꠔ 29:7

ꠛꠣꠖꠦ ꠈꠦꠟꠣꠚꠔꠤꠞ ꠔꠦꠟ ꠔꠣꠞ ꠝꠣꠕꠣꠔ ꠓꠣꠟꠤꠀ ꠔꠣꠞꠦ ꠈꠦꠟꠣꠚꠔꠤ ꠖꠤꠅ।

ꠔꠃꠞꠣꠔ ২: ꠢꠤꠎꠞꠔ 30:10

ꠉꠥꠘꠣꠞ ꠝꠣꠚꠤꠞ ꠇꠚꠞꠣ ꠢꠤꠡꠣꠛꠦ, ꠢꠣꠞꠥꠘꠦ ꠛꠍꠞꠅ ꠄꠇꠛꠣꠞ ꠉꠥꠘꠣꠞ ꠇꠚꠞꠣꠞ ꠇꠥꠞꠛꠣꠘꠤꠞ ꠟꠃ, ꠐꠦꠛꠥꠟꠞ ꠢꠤꠋ ꠅꠇꠟꠞ ꠃꠙꠞꠦ ꠟꠣꠉꠣꠁꠔꠦ ꠅꠁꠛ। ꠔꠦꠃ ꠁꠈꠣꠘ ꠝꠣꠛꠥꠖꠞ ꠘꠣꠝꠦ ꠝꠢꠣ-ꠙꠛꠤꠔ꠆ꠞ ꠅꠁꠛ। ꠅꠀꠞꠤꠡꠞ ꠙꠞ ꠅꠀꠞꠤꠡ ꠗꠞꠤ ꠙꠞꠗꠣꠘ ꠁꠝꠣꠝꠦ ꠛꠍꠞꠅ ꠄꠇꠛꠣꠞ ꠅꠃ ꠟꠣꠈꠣꠘ ꠇꠞꠔꠦ ꠅꠁꠛ।”

ꠔꠃꠞꠣꠔ ৩: ꠟꠦꠛꠤꠀꠘ 1:10

“ꠀꠞ ꠇꠥꠘꠥ ꠝꠣꠘꠡꠦ ꠎꠥꠖꠤ ꠍꠣꠉꠟ-ꠝꠦꠠꠣꠞ ꠙꠣꠟ ꠕꠣꠇꠤ ꠎꠣꠟꠣꠁꠟ ꠇꠥꠞꠛꠣꠘꠤ ꠀꠖꠣꠄ ꠇꠞꠣꠞ ꠈꠤꠀꠟꠤ ꠅꠄ, ꠔꠦ ꠁꠇꠐꠣ ꠙꠥꠞꠣꠙꠥꠞ ꠘꠤꠈꠥꠔ ꠄꠉꠥ ꠙꠣꠑꠣ ꠅꠁꠔꠦ ꠅꠁꠛ।

ꠔꠃꠞꠣꠔ ৩: ꠟꠦꠛꠤꠀꠘ 1:3

“ꠇꠥꠞꠛꠣꠘꠤ ꠖꠦꠅꠞꠣꠄ ꠎꠥꠖꠤ ꠉꠞꠥꠞ ꠙꠣꠟ ꠕꠣꠇꠤ ꠎꠣꠟꠣꠁꠟ ꠇꠥꠞꠛꠣꠘꠤ ꠀꠖꠣꠄ ꠇꠞꠔ ꠌꠣꠄ, ꠔꠦ ꠙꠥꠞꠣꠙꠥꠞ ꠘꠤꠈꠥꠔ ꠄꠉꠥ ꠛꠤꠍꠣꠟ ꠀꠘꠔꠦ ꠅꠁꠛ। ꠀꠘꠤꠀ ꠝꠣꠛꠥꠖꠞꠦ ꠈꠥꠡꠤ ꠇꠞꠣꠞ ꠘꠤꠅꠔꠦ ꠅꠃ ꠛꠤꠍꠣꠟꠞꠦ ꠝꠤꠟꠘ-ꠔꠣꠝ꠆ꠛꠥꠞ ꠖꠥꠀꠞꠞ ꠉꠦꠍꠦ ꠟꠁꠀ ꠀꠁꠛ।

ꠔꠃꠞꠣꠔ ৩: ꠟꠦꠛꠤꠀꠘ 16:11

“ꠁꠝꠣꠝ ꠢꠣꠞꠥꠘꠦ ꠔꠣꠞ ꠘꠤꠎꠞ ꠀꠞ ꠔꠣꠞ ꠀꠅꠟꠣꠖ ꠅꠇꠟꠞ ꠉꠥꠘꠣꠞ ꠇꠚꠞꠣꠞ ꠟꠣꠉꠤ, ꠔꠣꠞ ꠘꠤꠎꠞ ꠀꠘꠣ ꠢꠃ ꠛꠤꠍꠣꠟꠞꠦ ꠎꠛ ꠇꠞꠛ।

ꠔꠃꠞꠣꠔ ৩: ꠟꠦꠛꠤꠀꠘ 16:3

“ꠁꠘꠅ ꠢꠣꠝꠣꠘꠤꠞ ꠀꠉꠦ ꠢꠦ ꠎꠣꠘꠥ ꠉꠥꠘꠣꠞ ꠇꠚꠞꠣꠞ ꠇꠥꠞꠛꠣꠘꠤꠞ ꠟꠣꠉꠤ ꠄꠉꠥ ꠛꠤꠍꠣꠟ ꠀꠞ ꠎꠣꠟꠣꠁꠟ ꠇꠥꠞꠛꠣꠘꠤꠞ ꠟꠣꠉꠤ ꠄꠉꠥ ꠝꠦꠠꠣꠞ ꠙꠣꠑꠣ ꠟꠁꠀ ꠁꠘꠅ ꠀꠁꠀ ꠢꠣꠝꠣꠄ।

ꠔꠃꠞꠣꠔ ৩: ꠟꠦꠛꠤꠀꠘ 16:5

ꠉꠥꠘꠣꠞ ꠇꠚꠞꠣꠞ ꠇꠥꠞꠛꠣꠘꠤꠞ ꠟꠣꠉꠤ ꠢꠦ ꠛꠘꠤ ꠁꠍꠞꠣꠁꠟꠞ ꠉꠦꠍ ꠕꠣꠇꠤ ꠖꠥꠁꠐꠣ ꠙꠣꠑꠣ ꠍꠣꠉꠟ ꠀꠞ ꠎꠣꠟꠣꠁꠟ ꠇꠥꠞꠛꠣꠘꠤꠞ ꠟꠣꠉꠤ ꠄꠉꠥ ꠝꠦꠠꠣꠞ ꠙꠣꠑꠣ ꠘꠤꠛ।

ꠔꠃꠞꠣꠔ ৩: ꠟꠦꠛꠤꠀꠘ 16:6

ꠁꠝꠣꠝ ꠢꠣꠞꠥꠘꠦ ꠔꠣꠞ ꠘꠤꠎꠞ ꠀꠞ ꠔꠣꠞ ꠀꠅꠟꠣꠖ ꠅꠇꠟꠞ ꠉꠥꠘꠣꠞ ꠝꠣꠚꠤꠞ ꠟꠣꠉꠤ, ꠉꠥꠘꠣꠞ ꠇꠚꠞꠣꠞ ꠛꠤꠍꠣꠟꠞꠦ ꠇꠥꠞꠛꠣꠘꠤ ꠖꠤꠛ।

ꠔꠃꠞꠣꠔ ৩: ꠟꠦꠛꠤꠀꠘ 4:14

ꠛꠣꠖꠦ ꠎꠦꠛꠟꠣ ꠔꠣꠞꠣ ꠎꠣꠘꠛꠣ, ꠎꠣꠘꠤꠀ ꠢꠣꠞꠤ ꠅꠃ ꠉꠥꠘꠣꠞ ꠇꠚꠞꠣꠞ ꠟꠣꠉꠤ ꠢꠇꠟꠞ ꠔꠞꠚ ꠕꠣꠇꠤ ꠄꠉꠥ ꠛꠤꠍꠣꠟ ꠇꠥꠞꠛꠣꠘꠤ ꠖꠤꠛꠣ, ꠅꠃ ꠛꠤꠍꠣꠟ ꠟꠁꠀ ꠔꠣꠞꠣ ꠝꠤꠟꠘ-ꠔꠣꠝ꠆ꠛꠥꠞ ꠍꠣꠝꠘꠦ ꠀꠎꠤꠞ ꠅꠁꠛꠣ।

ꠔꠃꠞꠣꠔ ৩: ꠟꠦꠛꠤꠀꠘ 4:23

ꠔꠣꠁꠘ ꠎꠦꠛꠟꠣ ꠅꠃ ꠉꠥꠘꠣꠞ ꠛꠦꠙꠣꠞꠦ ꠎꠣꠘꠤꠟꠤꠛꠣ, ꠎꠣꠘꠣꠞ ꠛꠣꠖꠦ ꠇꠚꠞꠣꠞ ꠇꠥꠞꠛꠣꠘꠤ ꠖꠤꠛꠣꠞ ꠟꠣꠉꠤ ꠘꠤꠈꠥꠔ ꠄꠉꠥ ꠙꠣꠑꠣ ꠍꠣꠉꠟ ꠟꠁꠀ ꠀꠁꠛꠣ।

ꠔꠃꠞꠣꠔ ৩: ꠟꠦꠛꠤꠀꠘ 4:28

ꠔꠦ ꠢꠦ ꠎꠦꠛꠟꠣ ꠔꠣꠞ ꠉꠥꠘꠣꠞ ꠛꠦꠙꠣꠞꠦ ꠎꠣꠘꠤꠟꠤꠛ, ꠎꠣꠘꠤꠀ ꠅꠃ ꠉꠥꠘꠣꠞ ꠇꠚꠞꠣꠞ ꠟꠣꠉꠤ ꠢꠦ ꠘꠤꠈꠥꠔ ꠄꠉꠥ ꠍꠣꠉꠤ ꠟꠁꠀ ꠀꠁꠛ।

ꠔꠃꠞꠣꠔ ৩: ꠟꠦꠛꠤꠀꠘ 4:5

ꠇꠞꠤꠀ ꠅꠃ ꠛꠤꠍꠣꠟꠞ ꠕꠥꠠꠣ ꠟꠃ ꠘꠤꠀ ꠝꠤꠟꠘ-ꠔꠣꠝ꠆ꠛꠥꠞ ꠜꠤꠔꠞꠦ ꠎꠣꠁꠛꠣ।

ꠔꠃꠞꠣꠔ ৩: ꠟꠦꠛꠤꠀꠘ 5:6

ꠀꠞ ꠅꠃ ꠉꠥꠘꠣꠞ ꠎꠞꠤꠝꠣꠘꠣ ꠢꠤꠡꠣꠛꠦ ꠢꠦ ꠝꠣꠛꠥꠖꠞ ꠘꠣꠝꠦ, ꠉꠥꠘꠣꠞ ꠇꠚꠞꠣꠞ ꠇꠥꠞꠛꠣꠘꠤꠞ ꠘꠤꠅꠔꠦ ꠄꠇꠐꠣ ꠝꠦꠠꠤ ꠛꠣ ꠍꠣꠉꠤ ꠀꠘꠛ, ꠀꠞ ꠁꠝꠣꠝꠦ ꠔꠣꠞ ꠉꠥꠘꠣꠞ ꠇꠚꠞꠣ ꠀꠖꠣꠄ ꠇꠞꠛꠣ।

ꠔꠃꠞꠣꠔ ৩: ꠟꠦꠛꠤꠀꠘ 6:18

ꠈꠣꠟꠤ ꠁꠝꠣꠝ ꠢꠣꠞꠥꠘꠞ ꠛꠋꠡꠞ ꠢꠇꠟ ꠛꠦꠐꠣ ꠝꠣꠘꠡꠦ ꠁꠔꠣ ꠈꠣꠁꠔꠣ ꠙꠣꠞꠛꠣ, ꠝꠣꠛꠥꠖꠞ ꠘꠣꠝꠞ ꠎꠣꠟꠣꠁꠟ ꠇꠥꠞꠛꠣꠘꠤꠞ ꠅꠃ ꠅꠋꠡ ꠔ ꠅꠀꠞꠤꠡꠞ ꠙꠞ ꠅꠀꠞꠤꠡ ꠗꠞꠤ ꠔꠣꠞꠣꠃ ꠙꠣꠁꠛꠣ। ꠈꠥꠛ ꠈꠤꠀꠟ ꠞꠣꠈꠤꠅ, ꠎꠦꠍꠣꠔꠣꠄ ꠁꠔꠣꠞ ꠟꠉꠦ ꠟꠣꠉꠛ, ꠅꠔꠣꠅ ꠙꠣꠇ-ꠙꠛꠤꠔ꠆ꠞ ꠛꠘꠤꠎꠤꠛ, ꠝꠣꠘꠤ ꠁꠝꠣꠝ ꠅꠇꠟꠞ ꠛꠣꠁꠞꠣ ꠝꠣꠘꠡꠞ ꠟꠣꠉꠤ ꠢꠣꠞꠣꠝ।”

ꠔꠃꠞꠣꠔ ৩: ꠟꠦꠛꠤꠀꠘ 8:12

ꠀꠞꠅ ꠕꠥꠠꠣ ꠔꠦꠟ ꠘꠤꠀ ꠁꠝꠣꠝ ꠢꠣꠞꠥꠘꠞ ꠝꠣꠕꠣꠞ ꠝꠣꠎꠦ ꠓꠣꠟꠤꠀ ꠔꠣꠘꠞꠦ ꠙꠣꠇ-ꠙꠛꠤꠔ꠆ꠞ ꠛꠘꠣꠞ ꠟꠣꠉꠤ ꠈꠦꠟꠣꠚꠔꠤ ꠖꠤꠟꠣ।

ꠔꠃꠞꠣꠔ ৩: ꠟꠦꠛꠤꠀꠘ 9:2

ꠀꠘꠣꠁꠀ ꠢꠣꠞꠥꠘꠞꠦ ꠇꠁꠟꠣ, “ꠔꠥꠝꠣꠞ ꠉꠥꠘꠣꠞ ꠇꠚꠞꠣꠞ ꠇꠥꠞꠛꠣꠘꠤꠞ ꠟꠣꠉꠤ ꠔꠥꠝꠤ ꠄꠉꠥ ꠛꠤꠍꠣꠟ ꠀꠘꠅ, ꠀꠞ ꠎꠣꠟꠣꠁꠟ ꠇꠥꠞꠛꠣꠘꠤꠞ ꠟꠣꠉꠤ ꠄꠉꠥ ꠝꠦꠠꠣꠞ ꠙꠣꠑꠣ ꠟꠁꠀ ꠝꠣꠛꠥꠖꠞ ꠖꠞꠛꠣꠞꠅ ꠀꠎꠤꠞ ꠅꠅ। ꠇꠥꠞꠛꠣꠘꠤꠞ ꠙꠡꠥ ꠉꠥꠁꠘ ꠙꠥꠞꠣꠙꠥꠞ ꠘꠤꠈꠥꠔ ꠅꠁꠔ।

ꠔꠃꠞꠣꠔ ৩: ꠟꠦꠛꠤꠀꠘ 9:3

ꠀꠞ ꠔꠥꠝꠤ ꠛꠘꠤ ꠁꠍꠞꠣꠁꠟꠞꠦ ꠇꠅ, ꠔꠣꠞꠣ ꠎꠣꠘꠥ ꠝꠣꠛꠥꠖꠞ ꠘꠣꠝꠞ ꠇꠥꠞꠛꠣꠘꠤ ꠟꠁꠀ ꠀꠎꠤꠞ ꠅꠄ। ꠔꠣꠞꠣ ꠉꠥꠘꠣꠞ ꠇꠚꠞꠣꠞ ꠟꠣꠉꠤ ꠄꠉꠥ ꠍꠣꠉꠟ, ꠀꠞ ꠎꠣꠟꠣꠁꠟ ꠇꠥꠞꠛꠣꠘꠤꠞ ꠟꠣꠉꠤ ꠄꠇ ꠛꠍꠞ ꠛꠄꠅꠡꠤ ꠘꠤꠈꠥꠔ ꠄꠉꠥ ꠉꠞꠥ-ꠛꠣꠍꠥꠞ, ꠀꠞ ꠄꠉꠥ ꠝꠦꠠꠣ-ꠛꠣꠁꠌ꠆ꠌꠣ ꠀꠘꠦ,

ꠔꠃꠞꠣꠔ ৪: ꠡꠥꠝꠣꠞꠤ 16:22

ꠅꠁꠟꠦ ꠝꠥꠍꠣ ꠀꠞ ꠢꠣꠞꠥꠘ ꠍꠁꠎꠖꠣꠔ ꠙꠠꠤꠀ ꠇꠁꠟꠣ, “ꠅ ꠀꠟ꠆ꠟꠣ, ꠔꠥꠝꠤ ꠔ ꠢꠇꠟ ꠝꠣꠘꠡꠞ ꠜꠤꠔꠞꠦ ꠎꠣꠘ ꠖꠦꠅ। ꠅꠈꠘ ꠈꠣꠟꠤ ꠄꠇꠎꠘꠞ ꠘꠣꠚꠞꠝꠣꠘꠤꠞ ꠖꠣꠄ ꠀꠡ꠆ꠔꠣ ꠛꠘꠤ ꠁꠍꠞꠣꠁꠟꠞ ꠃꠙꠞꠦ ꠔꠥꠝꠤ ꠉꠎꠛ ꠓꠣꠟꠤꠔꠣꠄ ꠘꠤ?”

ꠔꠃꠞꠣꠔ ৪: ꠡꠥꠝꠣꠞꠤ 8:8

ꠀꠞ ꠔꠣꠞꠣ ꠇꠥꠞꠛꠣꠘꠤꠞ ꠟꠣꠉꠤ ꠄꠉꠥ ꠛꠤꠍꠣꠟ ꠀꠘꠛꠣ, ꠛꠤꠍꠣꠟꠞ ꠟꠉꠦ ꠗꠣꠘ-ꠉꠝꠞ ꠍꠖꠉꠣꠞ ꠟꠣꠉꠤ ꠔꠦꠟ ꠝꠣꠈꠣꠁꠟ ꠝꠄꠖꠣ, ꠉꠥꠘꠣꠞ ꠇꠚꠞꠣꠞ ꠇꠥꠞꠛꠣꠘꠤꠞ ꠟꠣꠉꠤꠅ ꠀꠞꠇꠐꠣ ꠛꠤꠍꠣꠟ ꠀꠘꠣꠁꠅ।

Injil 6: Ruman 8:3

ꠞꠇ꠆ꠔ-ꠝꠣꠋꠡꠞ ꠡꠞꠤꠟꠞ ꠛꠖ ꠈꠣꠁꠡꠞ ꠟꠣꠉꠤ ꠡꠞꠤꠅꠔꠦ ꠀꠝꠞꠣꠞꠦ ꠛꠣꠌꠣꠁꠔ ꠙꠣꠞꠍꠦ ꠘꠣ, ꠀꠞ ꠡꠞꠤꠅꠔꠦ ꠎꠦꠔꠣ ꠇꠞꠔ ꠙꠣꠞꠍꠦ ꠘꠣ, ꠀꠟ꠆ꠟꠣꠄ ꠔ ꠘꠤꠎꠦꠃ ꠁꠔꠣ ꠇꠞꠍꠂꠘ। ꠔꠣꠁꠘ ꠔꠣꠘ ꠘꠤꠎꠞ ꠈꠣꠍ ꠝꠣꠄꠀꠞ ꠎꠘ ꠁꠛꠘꠥꠟ꠆ꠟꠣꠞꠦ ꠀꠝꠞꠣꠞ ꠟꠣꠈꠣꠘ ꠉꠥꠘꠣꠉꠣꠞ ꠝꠣꠘꠡꠞ ꠍꠥꠞꠔꠦ ꠙꠣꠑꠣꠁꠟꠣ, ꠉꠥꠘꠣꠞ ꠈꠦꠝꠔꠣꠞꠦ ꠛꠤꠘꠣꠡ ꠇꠞꠣꠞ ꠟꠣꠉꠤ। ꠀꠞ ꠅꠃ ꠝꠣꠄꠀꠞ ꠎꠘꠞ ꠎꠣꠘ ꠇꠥꠞꠛꠣꠘꠤꠞ ꠝꠣꠎꠖꠤ ꠉꠥꠘꠣꠞ ꠛꠤꠌꠣꠞ ꠇꠞꠤꠀ ꠔꠣꠞ ꠈꠦꠝꠔꠣꠞꠦ ꠛꠣꠔꠤꠟ ꠇꠞꠤ ꠖꠤꠟꠣ।

Injil 8: 2-Korintia 5:21

ꠢꠎꠞꠔ ꠁꠍꠣ ꠀꠟ-ꠝꠍꠤꠄ ꠔ ꠇꠥꠘꠥ ꠉꠥꠘꠣ-ꠘꠣꠚꠞꠝꠣꠘꠤ ꠇꠞꠍꠂꠘ ꠘꠣ। ꠅꠁꠟꠦ ꠀꠝꠞꠣ ꠢꠇꠟꠞ ꠉꠥꠘꠣꠞ ꠡꠣꠎꠣ ꠀꠟ꠆ꠟꠣꠄ ꠔꠣꠘ ꠇꠣꠘ꠆ꠖꠅ ꠔꠥꠟꠤ ꠖꠤꠟꠣ, ꠎꠣꠔꠦ ꠔꠣꠘ ꠃꠙꠞꠦ ꠁꠝꠣꠘ ꠀꠘꠣꠞ ꠝꠣꠎꠖꠤ ꠀꠟ꠆ꠟꠣꠁ ꠙꠛꠤꠔ꠆ꠞꠔꠣꠄ ꠀꠝꠞꠣ ꠙꠞꠦꠎꠉꠣꠞ ꠢꠤꠡꠣꠛꠦ ꠇꠛꠥꠟ ꠅꠁ।

Injil 19: Ibrani 5:3

ꠔꠣꠁꠘ ꠎꠦꠟꠣ ꠅꠁꠘ꠆ꠘ ꠝꠣꠘꠡꠞ ꠉꠥꠘꠣꠞ ꠟꠣꠉꠤꠀ ꠇꠥꠞꠛꠣꠘꠤ ꠖꠦꠁꠘ, ꠅꠃꠟꠣ ꠔꠣꠘ ꠘꠤꠎꠞ ꠇꠝꠎꠥꠞꠤ ꠀꠞ ꠉꠥꠘꠣꠞ ꠟꠣꠉꠤꠅ ꠇꠥꠞꠛꠣꠘꠤ ꠇꠞꠣ ꠚꠞꠎ।

Injil 19: Ibrani 9:12

ꠇꠥꠘꠥ ꠉꠞꠥ ꠛꠣ ꠍꠣꠉꠟꠞ ꠟꠃ ꠀꠔꠅ ꠟꠁꠀ ꠔꠣꠁꠘ ꠢꠤꠘꠅ ꠢꠣꠝꠣꠁꠍꠂꠘ ꠘꠣ। ꠈꠣꠟꠤ ꠔꠣꠘ ꠘꠤꠎꠞ ꠎꠣꠘ ꠇꠥꠞꠛꠣꠘꠤꠞ ꠟꠃ ꠖꠤꠀ ꠄꠇꠛꠣꠞꠃ ꠢꠤ ꠢꠦꠞꠦꠝ ꠡꠞꠤꠚꠈꠣꠘꠅ ꠢꠣꠝꠣꠁꠍꠂꠘ, ꠢꠣꠝꠣꠁꠀ ꠀꠝꠞꠣꠞꠦ ꠢꠞ-ꠢꠣꠝꠦꠡꠣꠇꠥꠞ ꠟꠣꠉꠤ ꠈꠣꠟꠣꠍ ꠇꠞꠍꠂꠘ।