ꠔꠃꠞꠣꠔ ৩: ꠟꠦꠛꠤꠀꠘ 3:2 - Siloṭi Asmani Kitab (Nagri lipi)

² ꠇꠥꠞꠛꠣꠘꠤ ꠖꠦꠅꠞꠣꠄ ꠅꠃ ꠙꠡꠥꠞ ꠇꠟ꠆ꠟꠣ ꠀꠔꠣꠁꠀ ꠖꠤꠀ, ꠝꠤꠟꠘ-ꠔꠣꠝ꠆ꠛꠥꠞ ꠖꠥꠀꠞꠞ ꠍꠣꠝꠘꠦ ꠁꠐꠣꠞꠦ ꠎꠛ ꠇꠞꠛ। ꠛꠣꠖꠦ ꠁꠝꠣꠝ ꠢꠣꠞꠥꠘꠞ ꠙꠥꠀꠂꠘ꠆ꠔꠞ ꠝꠣꠎꠞ ꠁꠝꠣꠝ ꠅꠇꠟꠦ ꠅꠉꠥꠞ ꠟꠃ ꠘꠤꠀ ꠇꠥꠞꠛꠣꠘꠤ ꠈꠣꠘꠣꠞ ꠌꠣꠁꠞꠅ ꠉꠣꠟꠣꠔ ꠍꠤꠐꠣꠁ ꠖꠤꠛꠣ।

ছিলটি আছমানি কিতাব (বাংলা লিপি)

² কুরবানি দেওরায় অউ পশুর কল্লা আতাইয়া দিয়া, মিলন-তাম্বুর দুয়ারর ছামনে ইটারে জবো করবো। বাদে ইমাম হারুনর পুয়াইন্তর মাজর ইমাম অকলে অগুর লউ নিয়া কুরবানি খানার চাইরো গালাত ছিটাই দিবা।

Siloṭi Asmani Kitab (Latin lipi)

² Kurbani deorae ou foshur ḳolla ataia dia, Milon-tambur duaror samne iṭare zobo ḳorbo. Bade imam Harunor fuaintor mazor imam oḳole ogur lou nia kurbani kanar sairo galat siṭai diba.

ꠔꠃꠞꠣꠔ ৩: ꠟꠦꠛꠤꠀꠘ 3:2 Iomraidhean Croise

ꠔꠃꠞꠣꠔ ২: ꠢꠤꠎꠞꠔ 29:10

“ꠛꠣꠖꠦ ꠢꠃ ꠛꠤꠍꠣꠟꠞꠦ ꠔꠥꠝꠤ ꠝꠤꠟꠘ-ꠔꠣꠝ꠆ꠛꠥꠞ ꠍꠣꠝꠘꠦ ꠀꠘꠤꠅ, ꠢꠣꠞꠥꠘ ꠀꠞ ꠔꠣꠞ ꠙꠥꠀꠂꠘ꠆ꠔꠦ ꠅꠉꠥꠞ ꠇꠟ꠆ꠟꠣ ꠀꠔꠣꠁꠀ ꠖꠤꠛꠣ।

ꠔꠃꠞꠣꠔ ২: ꠢꠤꠎꠞꠔ 29:11

ꠀꠔꠣꠘꠤꠞ ꠛꠣꠖꠦ ꠅꠃ ꠛꠤꠍꠣꠟꠞꠦ ꠝꠤꠟꠘ-ꠔꠣꠝ꠆ꠛꠥꠞ ꠖꠥꠀꠞꠞ ꠇꠣꠍꠣꠔ ꠘꠤꠀ ꠝꠣꠛꠥꠖꠞ ꠍꠣꠝꠘꠦ ꠎꠛ ꠇꠞꠤꠅ।

ꠔꠃꠞꠣꠔ ২: ꠢꠤꠎꠞꠔ 29:15

“ꠛꠣꠖꠦ ꠢꠃ ꠖꠥꠁꠅ ꠝꠦꠠꠣ ꠕꠣꠇꠤ ꠄꠉꠥ ꠝꠦꠠꠣ ꠀꠘꠤꠅ, ꠀꠘꠟꠦ ꠢꠣꠞꠥꠘꠦ ꠀꠞ ꠔꠣꠞ ꠙꠥꠀꠂꠘ꠆ꠔꠦ ꠅꠉꠥꠞ ꠇꠟ꠆ꠟꠣ ꠀꠔꠣꠁꠀ ꠖꠤꠛꠣ।

ꠔꠃꠞꠣꠔ ২: ꠢꠤꠎꠞꠔ 29:16

ꠀꠞ ꠅꠃ ꠝꠦꠠꠣꠞꠦ ꠎꠛ ꠇꠞꠤꠀ ꠄꠞ ꠟꠃ ꠘꠤꠀ ꠇꠥꠞꠛꠣꠘꠤ ꠈꠣꠘꠣꠞ ꠌꠣꠁꠞꠅ ꠉꠣꠟꠣꠔ ꠍꠤꠐꠣꠁ ꠖꠤꠅ।

ꠔꠃꠞꠣꠔ ২: ꠢꠤꠎꠞꠔ 29:19

“ꠛꠣꠖꠦ ꠖꠥꠍꠞꠣ ꠝꠦꠠꠣꠞꠦꠅ ꠀꠘꠤꠀ ꠢꠣꠞꠥꠘꠦ ꠀꠞ ꠔꠣꠞ ꠙꠥꠀꠂꠘ꠆ꠔꠦ ꠇꠟ꠆ꠟꠣ ꠀꠔꠣꠁ ꠖꠤꠛꠣ।

ꠔꠃꠞꠣꠔ ৩: ꠟꠦꠛꠤꠀꠘ 1:11

ꠇꠥꠞꠛꠣꠘꠤ ꠖꠦꠅꠞꠣꠄ ꠁꠇꠐꠣꠞꠦ ꠇꠥꠞꠛꠣꠘꠤ ꠈꠣꠘꠣꠞ ꠃꠔ꠆ꠔꠞ ꠉꠣꠟꠣꠔ ꠘꠤꠀ ꠝꠣꠛꠥꠖꠞ ꠍꠣꠝꠘꠦ ꠎꠛ ꠇꠞꠤꠀ ꠢꠣꠞꠟꠦ, ꠁꠝꠣꠝ ꠢꠣꠞꠥꠘꠞ ꠎꠦ ꠙꠥꠀꠂꠘ꠆ꠔꠦ ꠁꠝꠣꠝꠔꠤ ꠇꠞꠂꠘ, ꠔꠣꠞꠣ ꠅꠉꠥꠞ ꠟꠃ ꠘꠤꠀ ꠇꠥꠞꠛꠣꠘꠤ ꠈꠣꠘꠣꠞ ꠌꠣꠁꠞꠅ ꠉꠣꠟꠣꠔ ꠍꠤꠐꠣꠁ ꠖꠤꠛꠣ।

ꠔꠃꠞꠣꠔ ৩: ꠟꠦꠛꠤꠀꠘ 17:3

ꠛꠘꠤ ꠁꠍꠞꠣꠁꠟꠞ ꠇꠦꠃ ꠎꠥꠖꠤ ꠇꠥꠘꠥ ꠉꠞꠥ, ꠍꠣꠉꠟ ꠛꠣ ꠝꠦꠠꠣꠞꠦ ꠔꠣꠞꠣꠞ ꠛꠡꠔ ꠔꠣꠝ꠆ꠛꠥ ꠄꠟꠣꠇꠣꠔ ꠛꠣ ꠇꠦꠝ꠆ꠙꠞ ꠛꠣꠞꠦ ꠎꠦ ꠇꠥꠘꠥ ꠎꠣꠉꠣꠔ ꠇꠥꠞꠛꠣꠘꠤ ꠘꠤꠅꠔꠦ ꠎꠛ ꠇꠞꠤꠟꠣꠄ,

ꠔꠃꠞꠣꠔ ৩: ꠟꠦꠛꠤꠀꠘ 17:4

ꠅꠃ ꠙꠡꠥꠞꠦ ꠢꠦ ꠝꠣꠛꠥꠖꠞ ꠇꠣꠛꠣ ꠊꠞꠞ ꠍꠣꠝꠘꠦ, ꠝꠣꠘꠤ ꠝꠤꠟꠘ-ꠔꠣꠝ꠆ꠛꠥꠞ ꠖꠥꠀꠞꠞ ꠉꠦꠍꠦ ꠝꠣꠛꠥꠖꠞ ꠘꠣꠝꠦ ꠇꠥꠞꠛꠣꠘꠤꠞ ꠘꠤꠅꠔꠦ ꠎꠛ ꠘꠣ ꠇꠞꠦ, ꠔꠦ ꠢꠦ ꠅꠃ ꠙꠡꠥꠞ ꠈꠥꠘꠞ ꠖꠣꠄꠁ ꠅꠁꠛ, ꠄꠞꠟꠣꠉꠤ ꠡꠝꠣꠎ ꠕꠣꠇꠤ ꠔꠣꠞ ꠘꠣꠝ ꠝꠤꠐꠣꠁꠟꠤꠛꠣꠄ।

ꠔꠃꠞꠣꠔ ৩: ꠟꠦꠛꠤꠀꠘ 3:3

ꠀꠞ ꠇꠥꠞꠛꠣꠘꠤ ꠖꠦꠅꠞꠣꠄ ꠝꠣꠛꠥꠖꠞ ꠘꠣꠝꠦ ꠀꠘꠣ ꠍꠣꠟꠣꠝꠔꠤ ꠇꠥꠞꠛꠣꠘꠤꠞ ꠙꠡꠥꠞ ꠅꠃ ꠅꠋꠡ ꠅꠇꠟ ꠖꠤꠛꠣ। ꠅꠉꠥꠞ ꠙꠦꠐꠞ ꠜꠤꠔꠞꠞ ꠢꠇ꠆ꠇꠟꠔꠣꠞ ꠃꠙꠞꠞ ꠌꠞ꠆ꠛꠤ,

ꠔꠃꠞꠣꠔ ৩: ꠟꠦꠛꠤꠀꠘ 3:8

ꠇꠥꠞꠛꠣꠘꠤ ꠖꠦꠅꠞꠣꠄ ꠅꠃ ꠝꠦꠠꠣꠞ ꠇꠟ꠆ꠟꠣ ꠀꠔꠣꠁ ꠖꠤꠀ, ꠝꠤꠟꠘ-ꠔꠣꠝ꠆ꠛꠥꠞ ꠖꠥꠀꠞꠞ ꠍꠣꠝꠘꠦ ꠁꠐꠣꠞꠦ ꠎꠛ ꠇꠞꠛ। ꠛꠣꠖꠦ ꠁꠝꠣꠝ ꠢꠣꠞꠥꠘꠞ ꠙꠥꠀꠂꠘ꠆ꠔꠞ ꠝꠣꠎꠞ ꠁꠝꠣꠝ ꠅꠇꠟꠦ ꠅꠉꠥꠞ ꠟꠃ ꠘꠤꠀ ꠇꠥꠞꠛꠣꠘꠤ ꠈꠣꠘꠣꠞ ꠌꠣꠁꠞꠅ ꠉꠣꠟꠣꠔ ꠍꠤꠐꠣꠁ ꠖꠤꠛꠣ।

ꠔꠃꠞꠣꠔ ৩: ꠟꠦꠛꠤꠀꠘ 8:22

ꠛꠣꠖꠦ ꠔꠣꠁꠘ ꠁꠝꠣꠝꠔꠤ ꠇꠣꠝꠅ ꠛꠅꠀꠁꠟꠞ ꠘꠤꠅꠔꠦ, ꠖꠥꠍꠞꠣ ꠝꠦꠠꠣꠞꠦ ꠀꠘꠤꠀ ꠢꠣꠞꠟꠦ ꠢꠣꠞꠥꠘ ꠀꠞ ꠔꠣꠘ ꠙꠥꠀꠂꠘ꠆ꠔꠦ ꠝꠦꠠꠣꠞ ꠇꠟ꠆ꠟꠣ ꠀꠔꠣꠁ ꠖꠤꠟꠣ।

ꠔꠃꠞꠣꠔ ৪: ꠡꠥꠝꠣꠞꠤ 18:17

ꠅꠁꠟꠦ ꠉꠣꠁ-ꠉꠞꠥ ꠛꠣ ꠝꠦꠠꠣ-ꠍꠣꠉꠟꠞ ꠙꠄꠟꠣ ꠛꠣꠁꠌ꠆ꠌꠣꠞꠦ ꠈꠣꠟꠣꠍ ꠇꠞꠣꠁ ꠘꠤꠔꠦ ꠖꠤꠅ ꠘꠣ, ꠁꠉꠥꠁꠘ ꠔ ꠢꠣꠟꠣꠟ। ꠁꠔꠣꠞꠦ ꠇꠥꠞꠛꠣꠘꠤ ꠖꠤꠀ ꠔꠥꠝꠤ ꠇꠥꠞꠛꠣꠘꠤ ꠈꠣꠘꠣꠞ ꠃꠙꠞꠦ ꠟꠃ ꠍꠤꠐꠣꠁꠀ ꠖꠤꠅ, ꠀꠞ ꠌꠞ꠆ꠛꠤꠞꠦ ꠀꠉꠥꠘꠤꠔ ꠖꠦꠅꠀ ꠇꠥꠞꠛꠣꠘꠤ ꠢꠤꠡꠣꠛꠦ ꠎꠣꠟꠣꠁꠅ। ꠁ ꠇꠥꠞꠛꠣꠘꠤꠞ ꠗꠥꠝꠣꠞ ꠊꠦꠞꠣꠘꠦ ꠀꠝꠤ ꠝꠣꠛꠥꠖ ꠈꠥꠡꠤ ꠅꠁ।

Injil 5: Sahabi Nama 3:15

ꠎꠦꠁꠘ ꠎꠤꠘ꠆ꠖꠦꠉꠤ ꠖꠣꠘ ꠇꠞꠂꠘ ꠔꠣꠘꠞꠦ ꠀꠙꠘꠣꠞꠣ ꠎꠣꠘꠦ ꠝꠣꠞꠤꠟꠤꠍꠂꠘ, ꠅꠁꠟꠦ ꠀꠟ꠆ꠟꠣꠄ ꠔꠣꠘꠞꠦ ꠝꠥꠞ꠆ꠖꠣ ꠕꠣꠇꠤ ꠎꠤꠘ꠆ꠖꠣ ꠇꠞꠍꠂꠘ, ꠀꠝꠞꠣ ꠄꠞ ꠡꠣꠇ꠆ꠇꠤ।

Injil 5: Sahabi Nama 3:26

ꠢꠃ ꠅꠀꠞꠤꠡ, ꠝꠣꠘꠤ ꠔꠣꠘ ꠈꠣꠍ ꠉꠥꠟꠣꠝ ꠁꠍꠣꠞꠦ, ꠀꠟ꠆ꠟꠣꠄ ꠙꠄꠟꠣꠃ ꠀꠙꠘꠣꠁꠘ꠆ꠔꠞ ꠉꠦꠍꠦ ꠛꠦꠎꠤꠍꠂꠘ, ꠎꠣꠔꠦ ꠔꠣꠁꠘ ꠀꠙꠘꠣꠞꠣꠞꠦ ꠛꠦ-ꠖꠤꠘꠤ ꠇꠣꠝ ꠅꠇꠟ ꠕꠣꠇꠤ ꠚꠤꠞꠣꠁꠀ ꠢꠣꠞꠤ ꠛꠞꠇꠔ ꠖꠦꠁꠘ।”

Injil 8: 2-Korintia 5:21

ꠢꠎꠞꠔ ꠁꠍꠣ ꠀꠟ-ꠝꠍꠤꠄ ꠔ ꠇꠥꠘꠥ ꠉꠥꠘꠣ-ꠘꠣꠚꠞꠝꠣꠘꠤ ꠇꠞꠍꠂꠘ ꠘꠣ। ꠅꠁꠟꠦ ꠀꠝꠞꠣ ꠢꠇꠟꠞ ꠉꠥꠘꠣꠞ ꠡꠣꠎꠣ ꠀꠟ꠆ꠟꠣꠄ ꠔꠣꠘ ꠇꠣꠘ꠆ꠖꠅ ꠔꠥꠟꠤ ꠖꠤꠟꠣ, ꠎꠣꠔꠦ ꠔꠣꠘ ꠃꠙꠞꠦ ꠁꠝꠣꠘ ꠀꠘꠣꠞ ꠝꠣꠎꠖꠤ ꠀꠟ꠆ꠟꠣꠁ ꠙꠛꠤꠔ꠆ꠞꠔꠣꠄ ꠀꠝꠞꠣ ꠙꠞꠦꠎꠉꠣꠞ ꠢꠤꠡꠣꠛꠦ ꠇꠛꠥꠟ ꠅꠁ।