ꠔꠃꠞꠣꠔ ৩: ꠟꠦꠛꠤꠀꠘ 23:6 - Siloṭi Asmani Kitab (Nagri lipi)

⁶ ꠀꠞ ꠅꠃ ꠌꠣꠘ꠆ꠖꠞ ꠙꠘꠞ ꠔꠣꠞꠤꠈꠅ ꠝꠣꠛꠥꠖꠞ ꠘꠣꠝꠦ ꠈꠣꠝꠤꠞ ꠍꠣꠠꠣ ꠞꠥꠐꠤꠞ ꠁꠖ ꠀꠞꠝ꠆ꠛ ꠅꠁꠛ। ꠙꠥꠞꠣ ꠡꠣꠔ ꠖꠤꠘ ꠔꠥꠝꠞꠣ ꠈꠣꠝꠤꠞ ꠍꠣꠠꠣ ꠞꠥꠐꠤ ꠈꠣꠁꠛꠣꠄ।

ছিলটি আছমানি কিতাব (বাংলা লিপি)

⁶ আর অউ চান্দর পনরো তারিখো মাবুদর নামে খামির ছাড়া রুটির ইদ আরম্ভ অইবো। পুরা সাত দিন তুমরা খামির ছাড়া রুটি খাইবায়।

Siloṭi Asmani Kitab (Latin lipi)

⁶ ar ou sandor fonro tariko Mabudor name Ḳamir Saṛa Ruṭir Id arombo oibo. Fura shat din tumra ḳamir saṛa ruṭi kaibae.

ꠔꠃꠞꠣꠔ ৩: ꠟꠦꠛꠤꠀꠘ 23:6 Iomraidhean Croise

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 16:8

ꠙꠥꠞꠣ ꠍꠄ ꠖꠤꠘ ꠔꠥꠝꠞꠣ ꠈꠣꠝꠤꠞ ꠍꠣꠠꠣ ꠞꠥꠐꠤ ꠈꠣꠁꠅ, ꠀꠞ ꠡꠣꠔ ꠘꠝ꠆ꠛꠞ ꠖꠤꠘ ꠔꠥꠝꠞꠣ ꠀꠟ꠆ꠟꠣ ꠝꠣꠛꠥꠖꠞ ꠘꠣꠝꠦ ꠝꠤꠟꠘ-ꠝꠣꠢꠚꠤꠟ ꠇꠞꠤꠅ, ꠅꠃ ꠖꠤꠘ ꠇꠥꠘꠥꠎꠣꠔ ꠇꠣꠝ-ꠇꠣꠎ ꠇꠞꠤꠅ ꠘꠣ।

ꠔꠃꠞꠣꠔ ২: ꠢꠤꠎꠞꠔ 34:18

“ꠔꠥꠝꠞꠣ ꠈꠣꠝꠤꠞ ꠍꠣꠠꠣ ꠞꠥꠐꠤꠞ ꠁꠖ ꠀꠖꠣꠄ ꠇꠞꠤꠅ। ꠡꠣꠔ ꠖꠤꠘ ꠈꠣꠝꠤꠞ ꠍꠣꠠꠣ ꠞꠥꠐꠤ ꠈꠣꠁꠅ। ꠀꠛꠤꠛ ꠌꠣꠘ꠆ꠖꠞ ꠑꠤꠇ ꠇꠞꠣ ꠔꠣꠞꠤꠈꠅ ꠔꠥꠝꠞꠣꠞꠦ ꠎꠦꠟꠣ ꠢꠥꠇꠥꠝ ꠖꠦꠅꠀ ꠅꠁꠍꠦ, ꠅꠃ ꠟꠣꠈꠣꠘ ꠁꠖ ꠀꠖꠣꠄ ꠇꠞꠤꠅ। ꠝꠘꠅ ꠞꠣꠈꠤꠅ, ꠅꠃ ꠌꠣꠘ꠆ꠖꠅ ꠔꠥꠝꠞꠣ ꠝꠤꠡꠞ ꠕꠣꠇꠤ ꠛꠣꠞ ꠅꠁꠀ ꠀꠁꠍꠟꠣꠄ।

ꠔꠃꠞꠣꠔ ২: ꠢꠤꠎꠞꠔ 12:14

ꠅꠃ ꠖꠤꠘꠞꠦ ꠔꠥꠝꠞꠣ ꠁꠀꠖ ꠞꠣꠈꠤꠅ ꠀꠞ ꠀꠝꠤ ꠝꠣꠛꠥꠖꠞ ꠘꠣꠝꠦ ꠁꠖꠞ ꠖꠤꠘ ꠝꠣꠘꠤꠅ। ꠁ ꠁꠖꠞꠦ ꠔꠥꠝꠞꠣ ꠀꠝꠣꠞ ꠢꠥꠇꠥꠝ ꠝꠘꠅ ꠇꠞꠤꠀ ꠢꠞ-ꠢꠣꠝꠦꠡꠣ ꠅꠀꠞꠤꠡꠞ ꠙꠞ ꠅꠀꠞꠤꠡ ꠗꠞꠤ ꠝꠣꠘꠤꠀ ꠎꠣꠁꠅ।”

ꠔꠃꠞꠣꠔ ২: ꠢꠤꠎꠞꠔ 23:15

ꠙꠄꠟꠣ, ꠈꠣꠝꠤꠞ ꠍꠣꠠꠣ ꠞꠥꠐꠤꠞ ꠁꠖ ꠀꠖꠣꠄ ꠇꠞꠤꠅ। ꠀꠝꠤ ꠎꠦꠟꠣ ꠢꠥꠇꠥꠝ ꠇꠞꠍꠤ, ꠄꠇ꠆ꠇꠦꠞꠦ ꠅꠃ ꠟꠣꠈꠣꠘ ꠀꠛꠤꠛ ꠌꠣꠘ꠆ꠖꠞ ꠡꠣꠔꠖꠤꠘ ꠈꠣꠝꠤꠞ ꠍꠣꠠꠣ ꠞꠥꠐꠤ ꠈꠣꠁꠅ, ꠇꠣꠞꠘ ꠅꠃ ꠌꠣꠘ꠆ꠖꠅ ꠔꠥꠝꠞꠣ ꠝꠤꠡꠞ ꠕꠣꠇꠤ ꠛꠣꠞ ꠅꠁꠀ ꠀꠁꠍꠟꠣꠄ। ꠁꠖꠞ ꠡꠝꠄ ꠟꠤꠟ꠆ꠟꠣ-ꠍꠖꠉꠣ ꠍꠣꠠꠣ ꠔꠥꠝꠞꠣꠞ ꠇꠦꠃ ꠎꠣꠘꠥ ꠈꠣꠟꠤ ꠀꠔꠦ ꠀꠝꠣꠞ ꠉꠦꠍꠦ ꠘꠣ ꠀꠄ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 16:3

ꠇꠥꠞꠛꠣꠘꠤꠞ ꠙꠡꠥꠞ ꠉꠥꠡ꠆ꠔ ꠔꠥꠝꠞꠣ ꠈꠣꠝꠤꠞ ꠀꠟꠣ ꠘꠣꠘ ꠞꠥꠐꠤꠖꠤ ꠈꠣꠁꠅ ꠘꠣ। ꠝꠤꠡꠞ ꠖꠦꠡ ꠕꠣꠇꠤ ꠔꠣꠠꠣ-ꠃꠠꠣ ꠇꠞꠤ ꠎꠦꠝꠘꠦ ꠈꠣꠝꠤꠞ ꠍꠣꠠꠣ ꠢꠣꠟꠔꠦ ꠛꠣꠞ ꠅꠁꠀ ꠀꠁꠍꠟꠣꠄ, ꠅꠈꠘ ꠔꠥꠝꠞꠣ ꠝꠤꠡꠞ ꠖꠦꠡꠞ ꠖꠥꠈ-ꠝꠍꠤꠛꠔꠞ ꠇꠕꠣ ꠁꠀꠖ ꠇꠞꠣꠞ ꠟꠣꠉꠤ ꠙꠥꠞꠣ ꠡꠣꠔ ꠖꠤꠘ ꠔꠥꠝꠞꠣ ꠅꠟꠣ ꠈꠣꠝꠤꠞ ꠍꠣꠠꠣ ꠞꠥꠐꠤ ꠈꠣꠁꠅ। ꠢꠃ ꠖꠤꠘꠞꠦ ꠢꠣꠞꠣ ꠎꠤꠘ꠆ꠖꠦꠉꠤꠜꠞ ꠝꠘꠅ ꠞꠣꠈꠣꠞ ꠟꠣꠉꠤ ꠔꠥꠝꠞꠣ ꠅꠟꠣ ꠇꠞꠤꠅ।