ꠔꠃꠞꠣꠔ ৩: ꠟꠦꠛꠤꠀꠘ 2:3 - Siloṭi Asmani Kitab (Nagri lipi)

³ ꠎꠣꠟꠣꠘꠤꠞ ꠛꠣꠖꠦ ꠎꠔꠈꠣꠘ ꠛꠣꠇꠤ ꠞꠁꠛ, ꠁꠔꠣ ꠁꠝꠣꠝ ꠢꠣꠞꠥꠘ ꠀꠞ ꠔꠣꠘ ꠙꠥꠀꠂꠘ꠆ꠔꠦ ꠙꠣꠁꠛꠣ। ꠝꠣꠛꠥꠖꠞ ꠘꠣꠝꠞ ꠀꠉꠥꠘꠤꠔ ꠖꠦꠅꠀ ꠇꠥꠞꠛꠣꠘꠤꠞ ꠅꠋꠡ ꠅꠀꠄ, ꠛꠣꠌꠤ ꠎꠣꠅꠀ ꠅꠃ ꠝꠄꠖꠣ ꠔ ꠈꠣꠍ ꠙꠛꠤꠔ꠆ꠞ ꠎꠤꠘꠤꠡ।

ছিলটি আছমানি কিতাব (বাংলা লিপি)

³ জালানির বাদে যতখান বাকি রইবো, ইতা ইমাম হারুন আর তান পুয়াইন্তে পাইবা। মাবুদর নামর আগুনিত দেওয়া কুরবানির অংশ অওয়ায়, বাচি যাওয়া অউ ময়দা তো খাছ পবিত্র জিনিস।

Siloṭi Asmani Kitab (Latin lipi)

³ Zalanir bade zotoḳan baki roibo, ita imam Harun ar tan fuainte faiba. Mabudor namor agunit deoa kurbanir ongsho oae, basi zaoa ou moyda to ḳas fobitro zinish.

ꠔꠃꠞꠣꠔ ৩: ꠟꠦꠛꠤꠀꠘ 2:3 Iomraidhean Croise

ꠔꠃꠞꠣꠔ ২: ꠢꠤꠎꠞꠔ 29:37

ꠇꠥꠞꠛꠣꠘꠤ ꠈꠣꠘꠣꠞꠦ ꠙꠣꠇ-ꠙꠛꠤꠔ꠆ꠞ ꠇꠞꠣꠞ ꠟꠣꠉꠤ ꠡꠣꠔꠖꠤꠘ ꠜꠞꠣ ꠇꠥꠞꠛꠣꠘꠤ ꠖꠤꠀ, ꠉꠥꠘꠣ ꠝꠣꠚꠤꠞ ꠇꠚꠞꠣ ꠀꠖꠣꠄ ꠇꠞꠤꠀ ꠙꠣꠇ-ꠙꠛꠤꠔ꠆ꠞ ꠇꠞꠤꠅ। ꠔꠦꠃ ꠁ ꠇꠥꠞꠛꠣꠘꠤ ꠈꠣꠘꠣ ꠄꠇ ꠝꠢꠣ-ꠙꠛꠤꠔ꠆ꠞ ꠎꠣꠉꠣ ꠅꠁꠛ। ꠎꠦꠇꠥꠘꠥ ꠎꠤꠘꠤꠡ ꠁ ꠇꠥꠞꠛꠣꠘꠤ ꠈꠣꠘꠣꠔ ꠍꠥꠀꠁꠟꠦ, ꠁꠔꠣ ꠙꠣꠇ-ꠙꠛꠤꠔ꠆ꠞ ꠅꠁꠎꠤꠛ।

ꠔꠃꠞꠣꠔ ৩: ꠟꠦꠛꠤꠀꠘ 10:15

ꠅꠃ ꠇꠥꠞꠛꠣꠘꠤꠞ ꠙꠡꠥꠞ ꠌꠞ꠆ꠛꠤ ꠎꠦꠛꠟꠣ ꠀꠘꠣ ꠅꠁꠛ, ꠅꠃ ꠡꠝꠄ ꠖꠥꠟꠘꠣ ꠇꠥꠞꠛꠣꠘꠤꠞ ꠟꠣꠉꠤ ꠍꠤꠘꠣ ꠀꠞ ꠞꠣꠘꠞ ꠉꠥꠡ꠆ꠔꠅ ꠀꠘꠣ ꠟꠣꠉꠛ। ꠝꠣꠛꠥꠖꠞ ꠢꠥꠇꠥꠝ ꠝꠣꠚꠤꠇ ꠅꠃ ꠞꠣꠘ ꠀꠞ ꠍꠤꠘꠣꠞ ꠉꠥꠡ꠆ꠔ ꠔꠥꠝꠤ ꠀꠞ ꠔꠥꠝꠣꠞ ꠙꠥꠀ-ꠙꠥꠠꠤꠘ꠆ꠔꠞ ꠌꠤꠞꠇꠣꠟꠤꠘ ꠙꠣꠅꠘꠣ।”

ꠔꠃꠞꠣꠔ ৩: ꠟꠦꠛꠤꠀꠘ 14:13

ꠛꠣꠖꠦ ꠙꠛꠤꠔ꠆ꠞ ꠇꠣꠛꠣ ꠊꠞꠞ ꠡꠤꠝꠣꠘꠣꠞ ꠎꠦ ꠎꠣꠉꠣꠔ ꠉꠥꠘꠣꠞ ꠇꠚꠞꠣꠞ ꠇꠥꠞꠛꠣꠘꠤ ꠀꠞ ꠎꠣꠟꠣꠁꠟ ꠇꠥꠞꠛꠣꠘꠤꠞ ꠙꠡꠥ ꠎꠛ ꠇꠞꠣ ꠅꠄ, ꠢꠃ ꠎꠣꠉꠣꠔ ꠅꠃ ꠙꠡꠥꠞꠦꠅ ꠎꠛ ꠇꠞꠛꠣ। ꠉꠥꠘꠣꠞ ꠇꠚꠞꠣꠞ ꠇꠥꠞꠛꠣꠘꠤꠞ ꠟꠣꠈꠣꠘ ꠖꠥꠡ-ꠇꠍꠥꠞꠤꠞ ꠇꠚꠞꠣꠞ ꠇꠥꠞꠛꠣꠘꠤꠞ ꠉꠥꠡ꠆ꠔꠅ ꠁꠝꠣꠝ ꠍꠣꠛꠦ ꠙꠣꠁꠛꠣ, ꠁꠔꠣ ꠔ ꠈꠣꠍ ꠙꠛꠤꠔ꠆ꠞ ꠉꠥꠡ꠆ꠔ।

ꠔꠃꠞꠣꠔ ৩: ꠟꠦꠛꠤꠀꠘ 2:10

ꠅꠃ ꠅꠋꠡ ꠎꠣꠟꠣꠁꠀ ꠢꠣꠞꠟꠦ ꠛꠣꠖ-ꠛꠣꠇꠤ ꠎꠦꠔꠣ ꠞꠁꠛ, ꠁꠔꠣ ꠢꠇꠟꠔꠣ ꠁꠝꠣꠝ ꠢꠣꠞꠥꠘ ꠀꠞ ꠔꠣꠘ ꠙꠥꠀꠂꠘ꠆ꠔꠦ ꠙꠣꠁꠛꠣ। ꠝꠣꠛꠥꠖꠞ ꠘꠣꠝꠦ ꠀꠉꠥꠘꠤꠔ ꠖꠦꠅꠀ ꠇꠥꠞꠛꠣꠘꠤꠞ ꠅꠋꠡ ꠅꠀꠄ, ꠛꠣꠌꠤ ꠎꠣꠅꠀ ꠅꠃ ꠍꠖꠉꠣꠞ ꠞꠥꠐꠤ ꠔ ꠈꠣꠍ ꠙꠛꠤꠔ꠆ꠞ ꠎꠤꠘꠤꠡ।

ꠔꠃꠞꠣꠔ ৩: ꠟꠦꠛꠤꠀꠘ 21:22

ꠅꠁꠟꠦ ꠅꠃ ꠇꠥꠞꠛꠣꠘꠤꠞ ꠈꠣꠘꠤ ꠈꠣꠅꠀ ꠔꠣꠞ ꠟꠣꠉꠤ ꠎꠣꠁꠎ, ꠁꠔꠣ ꠙꠛꠤꠔ꠆ꠞ ꠛꠣ ꠈꠣꠍ-ꠙꠛꠤꠔ꠆ꠞ ꠅꠁꠟꠦꠅ ꠎꠣꠁꠎ ꠀꠍꠦ।

ꠔꠃꠞꠣꠔ ৩: ꠟꠦꠛꠤꠀꠘ 5:13

ꠢꠦ ꠎꠦ ꠅꠙꠞꠣꠗ ꠇꠞꠍꠦ, ꠅꠔꠣꠞ ꠝꠣꠚꠤꠞ ꠟꠣꠉꠤ ꠁꠝꠣꠝꠦ ꠅꠟꠣ ꠇꠚꠞꠣ ꠀꠖꠣꠄ ꠇꠞꠛꠣ, ꠔꠦꠃ ꠔꠣꠞ ꠉꠥꠘꠣꠞ ꠝꠣꠚꠤ ꠙꠣꠁꠛ। ꠀꠞ ꠇꠥꠞꠛꠣꠘꠤ ꠖꠦꠅꠀꠞ ꠛꠣꠖꠦ ꠁ ꠝꠄꠖꠣꠞ ꠎꠔꠈꠣꠘ ꠞꠁꠛ, ꠗꠣꠘ-ꠉꠝꠞ ꠍꠖꠉꠣꠞ ꠟꠣꠈꠣꠘ ꠁꠔꠣ ꠢꠇꠟꠔꠣ ꠁꠝꠣꠝꠦ ꠙꠣꠁꠛꠣ।”

ꠔꠃꠞꠣꠔ ৩: ꠟꠦꠛꠤꠀꠘ 6:26

ꠎꠦ ꠁꠝꠣꠝꠦ ꠅꠃ ꠇꠥꠞꠛꠣꠘꠤ ꠀꠖꠣꠄ ꠇꠞꠛꠣ, ꠄꠁꠘ ꠅꠃ ꠉꠥꠡ꠆ꠔ ꠈꠣꠁꠛꠣ। ꠝꠤꠟꠘ-ꠔꠣꠝ꠆ꠛꠥꠞ ꠃꠑꠣꠘꠅ ꠙꠛꠤꠔ꠆ꠞ ꠎꠣꠉꠣꠔ ꠅꠃ ꠉꠥꠡ꠆ꠔ ꠈꠣꠁꠔꠦ ꠅꠁꠛ।

ꠔꠃꠞꠣꠔ ৩: ꠟꠦꠛꠤꠀꠘ 6:9

“ꠔꠥꠝꠤ ꠢꠣꠞꠥꠘ ꠀꠞ ꠔꠣꠞ ꠙꠥꠀꠂꠘ꠆ꠔꠞꠦ ꠢꠤꠇꠣꠁ ꠖꠦꠅ, ꠎꠣꠟꠣꠁꠟ ꠇꠥꠞꠛꠣꠘꠤ ꠀꠖꠣꠄ ꠇꠞꠣꠞ ꠝꠥꠍꠟꠣ ꠅꠁꠟ, ꠇꠥꠞꠛꠣꠘꠤꠞ ꠙꠡꠥ ꠚꠎꠞ ꠙꠞ꠆ꠎꠘ꠆ꠔ ꠢꠣꠞꠣ ꠞꠣꠁꠔ ꠇꠥꠞꠛꠣꠘꠤ ꠈꠣꠘꠣꠞ ꠀꠉꠥꠘꠤꠞ ꠃꠙꠞꠦ ꠞꠁꠛ, ꠀꠞ ꠀꠉꠥꠁꠘꠅ ꠎꠣꠟꠣꠁꠟ ꠞꠁꠛ।

ꠔꠃꠞꠣꠔ ৩: ꠟꠦꠛꠤꠀꠘ 7:7

“ꠉꠥꠘꠣꠞ ꠇꠚꠞꠣꠞ ꠇꠥꠞꠛꠣꠘꠤ ꠀꠞ ꠖꠥꠡ-ꠇꠍꠥꠞꠤꠞ ꠇꠚꠞꠣꠞ ꠇꠥꠞꠛꠣꠘꠤꠞ ꠘꠤꠅꠝ-ꠇꠣꠘꠥꠘ ꠔ ꠄꠇꠁ ꠘꠝꠥꠘꠣꠞ। ꠎꠦ ꠁꠝꠣꠝ ꠍꠣꠛꠦ ꠅꠃ ꠇꠚꠞꠣꠞ ꠇꠥꠞꠛꠣꠘꠤꠞꠦ ꠀꠖꠣꠄ ꠇꠞꠛꠣ, ꠄꠁꠘ ꠅꠃ ꠉꠥꠡ꠆ꠔ ꠙꠣꠁꠛꠣ।

ꠔꠃꠞꠣꠔ ৩: ꠟꠦꠛꠤꠀꠘ 7:9

ꠟꠥꠀꠠꠤꠔ, ꠔꠣꠅꠀꠔ ꠛꠣ ꠔꠥꠘ꠆ꠖꠥꠞꠤ ꠃꠘ꠆ꠖꠣꠟꠅ ꠢꠦꠖꠤꠀ ꠀꠘꠣ ꠗꠣꠘ-ꠉꠝꠞ ꠍꠖꠉꠣꠞ ꠞꠥꠐꠤ ꠈꠣꠟꠤ ꠢꠃ ꠁꠝꠣꠝꠦ ꠙꠣꠁꠛꠣ, ꠎꠦꠁꠘ ꠁ ꠍꠖꠉꠣ ꠀꠖꠣꠄ ꠇꠞꠍꠂꠘ।

ꠔꠃꠞꠣꠔ ৪: ꠡꠥꠝꠣꠞꠤ 18:9

ꠈꠣꠍ ꠙꠛꠤꠔ꠆ꠞ ꠇꠥꠞꠛꠣꠘꠤꠞ ꠎꠦ ꠅꠋꠡ ꠀꠉꠥꠁꠘꠅ ꠎꠣꠟꠣꠘꠤ ꠟꠣꠉꠔ ꠘꠣꠄ, ꠅꠃ ꠛꠣꠐꠅ ꠔꠥꠝꠞꠣ ꠘꠤꠅꠉꠤ। ꠔꠦ ꠗꠣꠘ-ꠉꠝꠞ ꠍꠖꠉꠣ, ꠉꠥꠘꠣꠞ ꠇꠚꠞꠣꠞ ꠇꠥꠞꠛꠣꠘꠤ, ꠀꠞ ꠖꠥꠡ-ꠇꠍꠥꠞꠤꠞ ꠇꠚꠞꠣꠞ ꠇꠥꠞꠛꠣꠘꠤꠞ ꠟꠣꠉꠤ ꠛꠘꠤ ꠁꠍꠞꠣꠁꠟꠦ ꠀꠝꠣꠞ ꠉꠦꠍꠦ ꠎꠔꠔꠣ ꠟꠁꠀ ꠀꠁꠛꠣ, ꠁꠔꠣ ꠔꠥꠝꠤ ꠀꠞ ꠔꠥꠝꠣꠞ ꠅꠀꠞꠤꠡ ꠅꠇꠟꠞ ꠙꠣꠅꠘꠣ ꠢꠇ।