ꠔꠃꠞꠣꠔ ৩: ꠟꠦꠛꠤꠀꠘ 2:2 - Siloṭi Asmani Kitab (Nagri lipi)

² ꠖꠤꠀ ꠁꠝꠣꠝ ꠢꠣꠞꠥꠘꠞ ꠎꠦ ꠙꠥꠀꠂꠘ꠆ꠔꠦ ꠁꠝꠣꠝꠔꠤ ꠇꠞꠂꠘ ꠔꠣꠞꠣꠞ ꠉꠦꠍꠦ ꠅꠔꠣ ꠟꠁꠀ ꠀꠁꠛ। ꠁꠝꠣꠝꠦ ꠅꠔꠣ ꠕꠣꠇꠤ ꠔꠦꠟ ꠝꠤꠡꠣꠁꠟ ꠄꠇ ꠝꠥꠁꠐ ꠝꠄꠖꠣ ꠀꠞ ꠢꠇꠟ ꠀꠉꠞ ꠟꠁꠀ, ꠔꠣꠞ ꠀꠘꠣ ꠢꠇ꠆ꠇꠟꠔꠣꠞ ꠛꠖꠟꠣ ꠘꠤꠡꠣꠘꠣ ꠢꠤꠡꠣꠛꠦ ꠅꠃ ꠅꠋꠡꠞꠦ ꠇꠥꠞꠛꠣꠘꠤ ꠈꠣꠘꠣꠞ ꠃꠙꠞꠦ ꠎꠣꠟꠣꠁꠟꠤꠛꠣ। ꠁꠔꠣ ꠅꠁꠟ ꠝꠣꠛꠥꠖꠞ ꠘꠣꠝꠦ ꠀꠉꠥꠘꠤꠔ ꠖꠦꠅꠀ ꠇꠥꠞꠛꠣꠘꠤ, ꠁꠔꠣꠞ ꠗꠥꠝꠣꠞ ꠊꠦꠞꠣꠘꠦ ꠔꠣꠁꠘ ꠈꠥꠡꠤ ꠅꠁꠘ।

ছিলটি আছমানি কিতাব (বাংলা লিপি)

² দিয়া ইমাম হারুনর যে পুয়াইন্তে ইমামতি করইন তারার গেছে অতা লইয়া আইবো। ইমামে অতা থাকি তেল মিশাইল এক মুইট ময়দা আর হকল আগর লইয়া, তার আনা হক্কলতার বদলা নিশানা হিসাবে অউ অংশরে কুরবানি খানার উপরে জালাইলিবা। ইতা অইলো মাবুদর নামে আগুনিত দেওয়া কুরবানি, ইতার ধুমার ঘেরানে তাইন খুশি অইন।

Siloṭi Asmani Kitab (Latin lipi)

² Dia imam Harunor ze fuainte imamoti koroin tarar gese ota loia aibo. Imame ota taki tel mishail eḳ muiṭ moyda ar hoḳol agor loia, tar ana hokkoltar bodla nishana hishabe ou ongshore kurbani kanar ufre zalailiba. Ita oilo Mabudor name agunit deoa kurbani, itar dumar gerane tain kushi oin.

ꠔꠃꠞꠣꠔ ৩: ꠟꠦꠛꠤꠀꠘ 2:2 Iomraidhean Croise

ꠔꠃꠞꠣꠔ ২: ꠢꠤꠎꠞꠔ 30:16

ꠔꠥꠝꠤ ꠛꠘꠤ ꠁꠍꠞꠣꠁꠟꠞ ꠉꠦꠍ ꠕꠣꠇꠤ ꠎꠣꠘꠞ ꠛꠖꠟꠣ ꠅꠃ ꠞꠥꠙꠣ ꠘꠤꠀ, ꠀꠝꠣꠞ ꠊꠞꠞ ꠇꠣꠝꠅ ꠟꠣꠉꠣꠁꠅ। ꠔꠥꠝꠞꠣꠞ ꠎꠣꠘꠞ ꠛꠖꠟꠣ ꠁ ꠞꠥꠙꠣꠄ, ꠛꠘꠤ ꠁꠍꠞꠣꠁꠟ ꠅꠇꠟꠞꠦ ꠝꠣꠛꠥꠖꠞ ꠖꠞꠛꠣꠞꠅ ꠁꠀꠖ ꠇꠞꠣꠁ ꠖꠤꠛ।”

ꠔꠃꠞꠣꠔ ৩: ꠟꠦꠛꠤꠀꠘ 1:13

ꠇꠥꠞꠛꠣꠘꠤ ꠖꠦꠅꠞꠣꠄ ꠁꠐꠣꠞ ꠑꠦꠋ, ꠙꠦꠐꠞ ꠜꠤꠔꠞꠞ ꠢꠇ꠆ꠇꠟꠔꠣ ꠙꠣꠘꠤ ꠖꠤꠀ ꠗꠁꠀ ꠍꠣꠚ ꠇꠞꠤꠀ ꠖꠤꠛꠣ, ꠀꠞ ꠁꠝꠣꠝ ꠍꠣꠛꠦ ꠁꠔꠣ ꠢꠇ꠆ꠇꠟꠔꠣ ꠡꠝꠦꠔ ꠀꠡ꠆ꠔꠣ ꠙꠡꠥꠞꠦ ꠇꠥꠞꠛꠣꠘꠤ ꠈꠣꠘꠣꠞ ꠃꠙꠞꠦ ꠎꠣꠟꠣꠁꠟꠤꠛꠣ। ꠁꠐꠣ ꠅꠁꠟ ꠎꠣꠟꠣꠁꠟ ꠇꠥꠞꠛꠣꠘꠤ, ꠝꠣꠛꠥꠖꠞ ꠘꠣꠝꠦ ꠀꠉꠥꠘꠤꠔ ꠖꠦꠅꠀ ꠊꠦꠞꠣꠘ ꠀꠟꠣ ꠇꠥꠞꠛꠣꠘꠤ, ꠅꠃ ꠗꠥꠝꠣꠞ ꠊꠦꠞꠣꠘꠦ ꠔꠣꠁꠘ ꠈꠥꠡꠤ ꠅꠁꠘ।

ꠔꠃꠞꠣꠔ ৩: ꠟꠦꠛꠤꠀꠘ 1:17

ꠀꠞ ꠅꠉꠥꠞ ꠒꠣꠈꠘꠣꠔ ꠗꠞꠤꠀ ꠅꠟꠣ ꠛꠣꠐꠦ ꠍꠤꠠꠤꠛꠣ, ꠎꠣꠔꠦ ꠁꠐꠣꠞ ꠖꠥꠁ ꠐꠥꠇꠞꠣ ꠙꠥꠞꠣꠙꠥꠞ ꠀꠟꠉ ꠘꠣ ꠅꠄ। ꠛꠣꠖꠦ ꠁꠝꠣꠝ ꠍꠣꠛꠦ ꠁꠐꠣ ꠘꠤꠀ ꠇꠥꠞꠛꠣꠘꠤ ꠈꠣꠘꠣꠞ ꠎꠣꠟꠣꠁꠟ ꠀꠋꠞꠣꠞ ꠃꠙꠞꠞ ꠖꠣꠞꠥꠞ ꠃꠙꠞꠦ ꠕꠁꠀ ꠎꠣꠟꠣꠁꠟꠤꠛꠣ। ꠁꠐꠣꠅ ꠅꠁꠟ ꠎꠣꠟꠣꠁꠟ ꠇꠥꠞꠛꠣꠘꠤ, ꠝꠣꠛꠥꠖꠞ ꠘꠣꠝꠦ ꠀꠉꠥꠘꠤꠔ ꠖꠦꠅꠀ ꠊꠦꠞꠣꠘ ꠀꠟꠣ ꠇꠥꠞꠛꠣꠘꠤ, ꠅꠃ ꠗꠥꠝꠣꠞ ꠊꠦꠞꠣꠘꠦ ꠔꠣꠁꠘ ꠈꠥꠡꠤ ꠅꠁꠘ।

ꠔꠃꠞꠣꠔ ৩: ꠟꠦꠛꠤꠀꠘ 1:9

ꠇꠥꠞꠛꠣꠘꠤ ꠖꠦꠅꠞꠣꠄ ꠉꠞꠥꠞ ꠑꠦꠋ ꠀꠞ ꠙꠦꠐꠞ ꠜꠤꠔꠞꠞ ꠢꠇ꠆ꠇꠟꠔꠣ ꠙꠣꠘꠤ ꠖꠤꠀ ꠗꠁꠀ ꠍꠣꠚ ꠇꠞꠤꠀ ꠖꠤꠛꠣ, ꠀꠞ ꠁꠝꠣꠝꠦ ꠅꠔꠣ ꠘꠤꠀ ꠀꠡ꠆ꠔꠣ ꠛꠤꠍꠣꠟꠞ ꠢꠇ꠆ꠇꠟꠔꠣ ꠇꠥꠞꠛꠣꠘꠤ ꠈꠣꠘꠣꠞ ꠃꠙꠞꠦ ꠎꠣꠟꠣꠁꠟꠤꠛꠣ। ꠁꠐꠣꠞ ꠘꠣꠝ ꠅꠁꠟ ꠎꠣꠟꠣꠁꠟ ꠇꠥꠞꠛꠣꠘꠤ, ꠝꠣꠛꠥꠖꠞ ꠘꠣꠝꠦ ꠀꠉꠥꠘꠤꠔ ꠖꠦꠅꠀ ꠇꠥꠞꠛꠣꠘꠤ, ꠅꠃ ꠗꠥꠝꠣꠞ ꠊꠦꠞꠣꠘꠦ ꠔꠣꠁꠘ ꠈꠥꠡꠤ ꠅꠁꠘ।

ꠔꠃꠞꠣꠔ ৩: ꠟꠦꠛꠤꠀꠘ 2:16

ꠅꠃ ꠍꠖꠉꠣ ꠟꠁꠀ ꠀꠁꠟꠦ, ꠁꠝꠣꠝ ꠍꠣꠛꠦ ꠘꠤꠡꠣꠘꠣ ꠢꠤꠡꠣꠛꠦ ꠅꠃ ꠎꠘꠞ ꠀꠘꠣ ꠗꠣꠘ-ꠉꠝꠞ ꠍꠖꠉꠣꠞ ꠇꠤꠍꠥ ꠅꠋꠡ, ꠇꠤꠍꠥ ꠔꠦꠟ ꠀꠞ ꠢꠇꠟ ꠀꠉꠞ ꠘꠤꠀ ꠇꠥꠞꠛꠣꠘꠤ ꠈꠣꠘꠣꠔ ꠎꠣꠟꠣꠁꠟꠤꠛꠣ, ꠁꠔꠣ ꠅꠁꠟ ꠝꠣꠛꠥꠖꠞ ꠘꠣꠝꠦ ꠀꠉꠥꠘꠤꠔ ꠖꠦꠅꠀ ꠇꠥꠞꠛꠣꠘꠤ।

ꠔꠃꠞꠣꠔ ৩: ꠟꠦꠛꠤꠀꠘ 2:9

ꠘꠤꠀ ꠔꠣꠞ ꠀꠘꠣ ꠅꠃ ꠢꠇ꠆ꠇꠟꠔꠣꠞ ꠛꠖꠟꠣ ꠘꠤꠡꠣꠘꠣ ꠢꠤꠡꠣꠛꠦ, ꠁꠝꠣꠝꠦ ꠅꠈꠣꠘ ꠕꠣꠇꠤ ꠇꠤꠍꠥ ꠅꠋꠡ ꠀꠟꠉꠣꠁꠀ ꠇꠥꠞꠛꠣꠘꠤ ꠈꠣꠘꠣꠞ ꠃꠙꠞꠦ ꠎꠣꠟꠣꠁꠟꠤꠛꠣ। ꠁꠔꠣ ꠅꠁꠟ ꠀꠉꠥꠘꠤꠔ ꠖꠦꠅꠀ ꠇꠥꠞꠛꠣꠘꠤ, ꠄꠞ ꠗꠥꠝꠣꠞ ꠊꠦꠞꠣꠘꠦ ꠝꠣꠛꠥꠖ ꠈꠥꠡꠤ ꠅꠁꠘ।

ꠔꠃꠞꠣꠔ ৩: ꠟꠦꠛꠤꠀꠘ 24:7

ꠙꠞꠔꠦꠇ ꠟꠣꠁꠘꠞ ꠞꠥꠐꠤꠞ ꠗꠣꠞꠅ ꠈꠣꠐꠤ ꠟꠥꠛꠣꠘ-ꠀꠉꠞ ꠕꠁꠅ। ꠕꠁꠀ ꠘꠤꠡꠣꠘꠣ ꠢꠤꠡꠣꠛꠦ ꠞꠥꠐꠤꠞ ꠛꠖꠟꠣ ꠅꠃ ꠀꠉꠞꠖꠤ ꠝꠣꠛꠥꠖꠞ ꠘꠣꠝꠦ ꠀꠉꠥꠘꠤꠔ ꠖꠦꠅꠀ ꠇꠥꠞꠛꠣꠘꠤ ꠀꠖꠣꠄ ꠇꠞꠤꠅ।

ꠔꠃꠞꠣꠔ ৩: ꠟꠦꠛꠤꠀꠘ 4:31

ꠀꠞ ꠍꠣꠟꠣꠝꠔꠤ ꠇꠥꠞꠛꠣꠘꠤꠞ ꠝꠦꠠꠣꠞ ꠌꠞ꠆ꠛꠤꠞ ꠟꠣꠈꠣꠘ ꠅꠉꠥꠞ ꠢꠇꠟ ꠌꠞ꠆ꠛꠤ ꠛꠣꠞ ꠇꠞꠤꠀ ꠇꠥꠞꠛꠣꠘꠤ ꠈꠣꠘꠣꠞ ꠃꠙꠞꠦ ꠎꠣꠟꠣꠁꠟꠤꠛꠣ। ꠁꠔꠣꠞ ꠗꠥꠝꠣꠞ ꠊꠦꠞꠣꠘꠦ ꠝꠣꠛꠥꠖ ꠈꠥꠡꠤ ꠅꠁꠘ। ꠅꠃ ꠘꠝꠥꠘꠣꠄ ꠁꠝꠣꠝꠦ ꠢꠃ ꠎꠘꠞ ꠉꠥꠘꠣꠞ ꠇꠚꠞꠣ ꠀꠖꠣꠄ ꠇꠞꠟꠦ, ꠔꠣꠞ ꠝꠣꠚꠤ ꠝꠤꠟꠛ।

ꠔꠃꠞꠣꠔ ৩: ꠟꠦꠛꠤꠀꠘ 5:11

“ꠀꠞ ꠎꠥꠖꠤ ꠅꠃ ꠉꠥꠘꠣꠞ ꠇꠚꠞꠣꠞ ꠟꠣꠉꠤ ꠖꠥꠁꠐꠣ ꠒꠥꠙꠤ ꠙꠣꠈꠤ ꠛꠣ ꠙꠣꠞꠅ ꠀꠘꠔ ꠘꠣ ꠙꠣꠞꠦ, ꠔꠦ ꠢꠦ ꠖꠥꠁ ꠡꠦꠞ ꠝꠄꠖꠣ ꠀꠘꠔꠦ ꠅꠁꠛ। ꠁꠔꠣ ꠉꠥꠘꠣꠞ ꠇꠚꠞꠣꠞ ꠇꠥꠞꠛꠣꠘꠤ ꠅꠀꠄ ꠁꠔꠣꠞ ꠃꠙꠞꠦ ꠇꠥꠘꠥ ꠔꠦꠟ ꠛꠣ ꠟꠥꠛꠣꠘ-ꠀꠉꠞ ꠖꠤꠅ ꠘꠣ।

ꠔꠃꠞꠣꠔ ৩: ꠟꠦꠛꠤꠀꠘ 5:12

ꠅꠃ ꠝꠄꠖꠣ ꠟꠁꠀ ꠢꠦ ꠁꠝꠣꠝꠞ ꠉꠦꠍꠦ ꠎꠣꠁꠛ, ꠉꠦꠟꠦ ꠅꠃ ꠀꠡ꠆ꠔꠣ ꠇꠥꠞꠛꠣꠘꠤꠞ ꠛꠖꠟꠣ ꠘꠤꠡꠣꠘꠣ ꠢꠤꠡꠣꠛꠦ ꠄꠇ ꠝꠥꠁꠐ ꠝꠄꠖꠣ ꠁꠝꠣꠝ ꠍꠣꠛꠦ ꠇꠥꠞꠛꠣꠘꠤ ꠈꠣꠘꠣꠞ ꠃꠙꠞꠦ ꠝꠣꠛꠥꠖꠞ ꠘꠣꠝꠦ ꠎꠣꠟꠣꠁꠟꠤꠛꠣ। ꠁꠔꠣ ꠅꠁꠟ ꠝꠣꠛꠥꠖꠞ ꠘꠣꠝꠦ ꠉꠥꠘꠣꠞ ꠇꠚꠞꠣꠞ ꠇꠥꠞꠛꠣꠘꠤ।

ꠔꠃꠞꠣꠔ ৩: ꠟꠦꠛꠤꠀꠘ 6:15

ꠀꠞ ꠁꠝꠣꠝꠦ ꠅꠈꠣꠘ ꠕꠣꠇꠤ ꠄꠇ ꠝꠥꠁꠐ ꠝꠄꠖꠣ, ꠇꠤꠍꠥ ꠔꠦꠟ ꠀꠞ ꠍꠖꠉꠣꠞ ꠢꠇꠟ ꠟꠥꠛꠣꠘ-ꠀꠉꠞ ꠘꠤꠀ ꠀꠡ꠆ꠔꠣ ꠍꠖꠉꠣꠞ ꠘꠤꠡꠣꠘꠣ ꠢꠤꠡꠣꠛꠦ ꠅꠃ ꠅꠋꠡꠞꠦ ꠇꠥꠞꠛꠣꠘꠤ ꠈꠣꠘꠣꠞ ꠃꠙꠞꠦ ꠎꠣꠟꠣꠁꠛꠣ। ꠁꠔꠣꠞ ꠗꠥꠝꠣꠞ ꠊꠦꠞꠣꠘꠦ ꠔ ꠝꠣꠛꠥꠖ ꠈꠥꠡꠤ ꠅꠁꠘ।

ꠔꠃꠞꠣꠔ ৪: ꠡꠥꠝꠣꠞꠤ 5:18

ꠛꠦꠐꠤꠞꠦ ꠝꠣꠛꠥꠖꠞ ꠍꠣꠝꠘꠦ ꠃꠛꠣ ꠇꠞꠤꠀ ꠢꠣꠞꠟꠦ ꠔꠣꠁꠘ ꠛꠦꠐꠤꠞ ꠝꠣꠕꠣꠞ ꠌꠥꠟ ꠈꠥꠟꠤꠀ ꠖꠤꠛꠣ, ꠀꠞ ꠛꠦꠐꠤꠞ ꠅꠙꠞꠣꠗꠞ ꠢꠣꠍꠣ-ꠝꠤꠍꠣ ꠎꠣꠁꠞ ꠅꠀꠞ ꠟꠣꠉꠤ ꠀꠘꠣ ꠍꠖꠉꠣꠞ ꠛꠣꠞ꠆ꠟꠤꠞ ꠝꠄꠖꠣꠞꠦ ꠔꠣꠁꠞ ꠀꠔꠅ ꠖꠤꠛꠣ। ꠖꠤꠀ ꠔꠣꠘ ꠘꠤꠎꠞ ꠀꠔꠅ ꠟꠁꠛꠣ ꠢꠃ ꠟꠣꠘ꠆ꠘꠔ ꠒꠣꠇꠤꠀ ꠀꠘꠣꠞ ꠔꠤꠔ꠆ꠔꠣ ꠙꠣꠘꠤ।

ꠔꠃꠞꠣꠔ ৪: ꠡꠥꠝꠣꠞꠤ 5:26

ꠛꠣꠖꠦ ꠔꠣꠁꠘ ꠙꠥꠞꠣ ꠍꠖꠉꠣꠞ ꠛꠖꠟꠣ ꠅꠃ ꠝꠄꠖꠣ ꠕꠣꠇꠤ ꠘꠤꠡꠣꠘꠣ ꠢꠤꠡꠣꠛꠦ ꠄꠇ ꠝꠥꠁꠐ ꠙꠞꠤꠝꠣꠘ ꠘꠤꠀ ꠇꠥꠞꠛꠣꠘꠤ ꠈꠣꠘꠣꠔ ꠎꠣꠟꠣꠁꠛꠣ, ꠀꠞ ꠢꠃ ꠔꠤꠔ꠆ꠔꠣ ꠙꠣꠘꠤ ꠛꠦꠐꠤꠞꠦ ꠈꠣꠅꠀꠁꠛꠣ।

Injil 5: Sahabi Nama 10:4

ꠇꠞꠘꠤꠟꠥꠍꠦ ꠒꠞꠣꠁꠀ ꠢꠤ ꠚꠤꠞꠤꠡ꠆ꠔꠣꠞ ꠛꠣꠄ ꠌꠣꠁꠀ ꠇꠁꠟꠣ, “ꠝꠣꠟꠤꠇ, ꠇꠃꠇ꠆ꠇꠣ, ꠢꠥꠘꠞꠣꠝ।” ꠚꠤꠞꠤꠡ꠆ꠔꠣꠄ ꠔꠣꠘꠞꠦ ꠇꠁꠟꠣ, “ꠔꠥꠝꠣꠞ ꠝꠥꠘꠣꠎꠣꠔ ꠀꠞ ꠉꠞꠤꠛ ꠅꠇꠟꠞꠦ ꠖꠣꠘꠞ ꠇꠕꠣ ꠛꠦꠢꠦꠡ꠆ꠔꠅ ꠙꠃꠍꠤꠍꠦ ꠀꠞ ꠀꠟ꠆ꠟꠣꠄ ꠁꠔꠣ ꠇꠛꠥꠟ ꠇꠞꠍꠂꠘ।