ꠔꠃꠞꠣꠔ ৩: ꠟꠦꠛꠤꠀꠘ 19:10 - Siloṭi Asmani Kitab (Nagri lipi)

¹⁰ ꠀꠋꠉꠥꠞ ꠈꠦꠔꠞ ꠀꠋꠉꠥꠞ ꠙꠣꠠꠤꠛꠣꠞ ꠇꠣꠟꠅ, ꠔꠟꠦ ꠚꠣꠟꠣꠁꠟ ꠀꠋꠉꠥꠞ ꠔꠥꠛꠣꠁꠀ ꠔꠥꠟꠤꠅ ꠘꠣ, ꠀꠞ ꠢꠇꠟ ꠀꠋꠉꠥꠞ ꠍꠣꠚ ꠇꠞꠤ ꠙꠣꠠꠤꠀ ꠘꠤꠅ ꠘꠣ। ꠡꠝꠣꠎꠞ ꠉꠞꠤꠛ-ꠖꠥꠈꠤ ꠀꠞ ꠛꠤꠖꠦꠡꠤ ꠝꠥꠍꠣꠚꠤꠞꠞ ꠟꠣꠉꠤ ꠁꠔꠣ ꠇꠤꠍꠥ ꠕꠁꠀ ꠎꠣꠁꠅ। ꠀꠝꠤ ꠀꠟ꠆ꠟꠣꠃ ꠔ ꠔꠥꠝꠞꠣꠞ ꠝꠣꠛꠥꠖ।

ছিলটি আছমানি কিতাব (বাংলা লিপি)

¹⁰ আংগুর খেতর আংগুর পাড়িবার কালো, তলে ফালাইল আংগুর তুবাইয়া তুলিও না, আর হকল আংগুর ছাফ করি পাড়িয়া নিও না। সমাজর গরিব-দুখি আর বিদেশি মুছাফিরর লাগি ইতা কিছু থইয়া যাইও। আমি আল্লাউ তো তুমরার মাবুদ।

Siloṭi Asmani Kitab (Latin lipi)

¹⁰ Angur ḳetor angur faṛibar ḳalo, tole falail angur tubaia tulio na, ar hoḳol angur saf ḳori faṛia nio na. Shomazor gorib-duki ar bideshi musafiror lagi ita kisu toia zaio. Ami Alla-u to tumrar Mabud.

ꠔꠃꠞꠣꠔ ৩: ꠟꠦꠛꠤꠀꠘ 19:10 Iomraidhean Croise

ꠔꠃꠞꠣꠔ ৩: ꠟꠦꠛꠤꠀꠘ 25:6

ꠎꠤꠞꠣꠘꠤꠞ ꠛꠍꠞ ꠎꠝꠤꠘꠅ ꠄꠝꠘꠦ ꠎꠦꠔꠣ ꠚꠟꠤꠛ, ꠁꠔꠣ ꠔ ꠔꠥꠝꠞꠣ ꠘꠤꠎꠞ, ꠔꠥꠝꠞꠣꠞ ꠉꠥꠟꠣꠝ-ꠛꠣꠘ꠆ꠖꠤꠞ, ꠔꠥꠝꠞꠣꠞ ꠖꠦꠡꠞ ꠜꠤꠘ-ꠖꠦꠡꠤ ꠝꠥꠍꠣꠚꠤꠞ, ꠔꠥꠝꠞꠣꠞ ꠡꠝꠣꠎꠞ ꠝꠦꠘꠔꠤ ꠇꠣꠝꠟꠣ, ꠢꠇꠟ ꠎꠣꠔꠞ ꠝꠣꠘꠡꠞ,

ꠔꠃꠞꠣꠔ ৩: ꠟꠦꠛꠤꠀꠘ 19:9

“ꠈꠦꠔꠞ ꠚꠡꠟ ꠇꠣꠐꠣꠞ ꠡꠝꠄ ꠔꠥꠝꠞꠣ ꠎꠝꠤꠘꠞ ꠀꠁꠟꠞ ꠇꠣꠘ꠆ꠖꠣꠞ ꠚꠡꠟ ꠍꠣꠚ ꠇꠞꠤꠀ ꠇꠣꠐꠤꠅ ꠘꠣ, ꠀꠞ ꠇꠣꠐꠣꠞ ꠛꠣꠖꠦ ꠎꠝꠤꠘꠅ ꠚꠣꠟꠣꠁꠟ ꠚꠡꠟ ꠟꠥꠞꠤꠀ ꠘꠤꠅ ꠘꠣ।

ꠔꠃꠞꠣꠔ ৩: ꠟꠦꠛꠤꠀꠘ 19:11

“ꠌꠥꠞꠤ ꠇꠞꠤꠅ ꠘꠣ, ꠝꠤꠍꠣ ꠝꠣꠔꠤꠅ ꠘꠣ, ꠀꠞ ꠄꠇꠦ-ꠅꠁꠘ꠆ꠘꠦ ꠐꠉꠣ-ꠐꠉꠤ ꠇꠞꠤꠅ ꠘꠣ।

ꠔꠃꠞꠣꠔ ৩: ꠟꠦꠛꠤꠀꠘ 23:22

“ꠔꠥꠝꠞꠣ ꠎꠦꠛꠟꠣ ꠈꠦꠔꠞ ꠚꠡꠟ ꠖꠣꠁꠛꠣꠄ, ꠅꠃ ꠡꠝꠄ ꠔꠥꠝꠞꠣ ꠎꠝꠤꠘꠞ ꠀꠁꠟꠞ ꠇꠣꠘ꠆ꠖꠣꠞ ꠚꠡꠟ ꠍꠣꠚ ꠇꠞꠤꠀ ꠇꠣꠐꠤꠅ ꠘꠣ, ꠀꠞ ꠖꠣꠅꠀꠞ ꠛꠣꠖꠦ ꠅꠃ ꠎꠝꠤꠘꠅ ꠚꠣꠟꠣꠁꠟ ꠚꠡꠟ ꠟꠥꠞꠤꠅ ꠘꠣ। ꠉꠞꠤꠛ-ꠖꠥꠈꠤ ꠀꠞ ꠛꠤꠖꠦꠡꠤ ꠝꠥꠍꠣꠚꠤꠞꠞ ꠟꠣꠉꠤ ꠁꠔꠣ ꠕꠁꠅ। ꠝꠘꠅ ꠞꠣꠈꠤꠅ, ꠀꠝꠤ ꠀꠟ꠆ꠟꠣꠃ ꠔꠥꠝꠞꠣꠞ ꠝꠣꠛꠥꠖ।”

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 24:19

“ꠔꠥꠝꠞꠣꠞ ꠎꠝꠤꠘꠞ ꠗꠣꠘ ꠇꠣꠐꠣꠞ ꠛꠣꠖꠦ, ꠗꠣꠘꠞ ꠇꠥꠘꠥ ꠝꠥꠁꠐ ꠚꠣꠃꠞꠤꠀ ꠉꠦꠟꠦꠉꠤ, ꠁꠐꠣ ꠀꠘꠣꠞ ꠟꠣꠉꠤ ꠀꠞ ꠚꠤꠞꠔ ꠎꠣꠁꠅ ꠘꠣ। ꠛꠤꠖꠦꠡꠤ ꠝꠥꠍꠣꠚꠤꠞ, ꠄꠔꠤꠝ ꠀꠞ ꠠꠣꠠꠤ ꠛꠦꠐꠤꠘ꠆ꠔꠞ ꠟꠣꠉꠤ ꠁꠐꠣ ꠖꠤꠟꠣꠁꠅ, ꠔꠦꠃ ꠔꠥꠝꠞꠣꠞ ꠝꠣꠛꠥꠖ ꠀꠟ꠆ꠟꠣꠄ ꠔꠥꠝꠞꠣꠞ ꠢꠇꠟ ꠇꠣꠝ-ꠇꠣꠎꠅ ꠞꠢꠝ-ꠛꠞꠇꠔ ꠖꠤꠛꠣ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 24:20

ꠎꠄꠔꠥꠘ ꠉꠣꠍꠞ ꠚꠟ ꠙꠣꠠꠤꠛꠣꠞ ꠇꠣꠟꠅ ꠄꠇꠁ ꠒꠣꠟꠞ ꠚꠟ ꠖꠥꠁꠛꠣꠞ ꠙꠣꠠꠤꠅ ꠘꠣ। ꠄꠇꠛꠣꠞ ꠙꠣꠠꠣꠞ ꠛꠣꠖꠦ ꠎꠦꠔꠣ ꠞꠄ, ꠁꠔꠣ ꠛꠤꠖꠦꠡꠤ ꠝꠥꠍꠣꠚꠤꠞ, ꠄꠔꠤꠝ ꠀꠞ ꠠꠣꠠꠤ ꠛꠦꠐꠤꠘ꠆ꠔꠞ ꠟꠣꠉꠤ ꠕꠁꠅ।

ꠔꠃꠞꠣꠔ ৩: ꠟꠦꠛꠤꠀꠘ 11:44

ꠝꠘꠅ ꠞꠣꠈꠤꠅ, ꠀꠝꠤ ꠀꠟ꠆ꠟꠣꠃ ꠔꠥꠝꠞꠣꠞ ꠝꠣꠛꠥꠖ। ꠀꠝꠣꠞ ꠘꠤꠅꠔꠦ ꠔꠥꠝꠞꠣ ꠘꠤꠎꠞꠦ ꠙꠣꠇ-ꠙꠛꠤꠔ꠆ꠞ ꠞꠣꠈꠤꠅ। ꠎꠣꠘ ꠔ, ꠀꠝꠤ ꠘꠤꠎꠦꠅ ꠙꠛꠤꠔ꠆ꠞ। ꠄꠞꠟꠣꠉꠤ ꠝꠣꠐꠤꠔ ꠌꠟꠞꠣ ꠇꠥꠘꠥ ꠢꠥꠞꠥ-ꠝꠥꠞꠥ ꠎꠣꠘꠖꠣꠞꠞ ꠟꠣꠉꠤ ꠔꠥꠝꠞꠣ ꠘꠤꠎꠞꠦ ꠘꠣꠙꠣꠇ ꠛꠣꠘꠣꠁꠅ ꠘꠣ।

ꠔꠃꠞꠣꠔ ৩: ꠟꠦꠛꠤꠀꠘ 19:25

ꠙꠣꠌ ꠘꠝ꠆ꠛꠞ ꠛꠍꠞ ꠕꠣꠇꠤ ꠅꠃ ꠉꠣꠍꠞ ꠚꠟ ꠔꠥꠝꠞꠣꠞ ꠟꠣꠉꠤ ꠢꠣꠟꠣꠟ। ꠁꠔꠣ ꠝꠣꠘꠟꠦ ꠔꠥꠝꠞꠣꠞ ꠉꠣꠍꠅ ꠛꠃꠔ ꠚꠟ ꠀꠁꠛ। ꠝꠘꠅ ꠞꠣꠈꠤꠅ, ꠀꠝꠤ ꠀꠟ꠆ꠟꠣꠃ ꠔꠥꠝꠞꠣꠞ ꠝꠣꠛꠥꠖ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 24:21

ꠔꠥꠝꠞꠣꠞ ꠀꠋꠉꠥꠞ ꠛꠣꠉꠣꠘꠞ ꠄꠇ ꠟꠔ ꠕꠣꠇꠤ ꠖꠥꠁ ꠛꠣꠞ ꠀꠋꠉꠥꠞ ꠙꠣꠠꠤꠅ ꠘꠣ, ꠄꠇꠛꠣꠞ ꠙꠣꠠꠣꠞ ꠛꠣꠖꠦ ꠎꠦꠔꠣ ꠞꠄ, ꠁꠔꠣ ꠛꠤꠖꠦꠡꠤ ꠝꠥꠍꠣꠚꠤꠞ, ꠄꠔꠤꠝ ꠀꠞ ꠠꠣꠠꠤ ꠛꠦꠐꠤꠘ꠆ꠔꠞ ꠟꠣꠉꠤ ꠕꠁ ꠖꠤꠅ।