ꠔꠃꠞꠣꠔ ৩: ꠟꠦꠛꠤꠀꠘ 13:3 - Siloṭi Asmani Kitab (Nagri lipi)

³ ꠁꠝꠣꠝ ꠍꠣꠛꠦ ꠔꠣꠞ ꠌꠣꠝꠠꠣꠞ ꠅꠃ ꠎꠣꠉꠣ ꠖꠦꠈꠛꠣ, ꠢꠤ ꠎꠣꠉꠣꠞ ꠞꠥꠝꠣ ꠎꠥꠖꠤ ꠗꠟꠣ ꠅꠁꠎꠣꠄ, ꠀꠞ ꠛꠥꠎꠣ ꠎꠣꠄ ꠁ ꠛꠦꠝꠣꠞ ꠌꠣꠝꠠꠣꠞ ꠔꠟꠞ ꠉꠥꠡ꠆ꠔꠞ ꠝꠣꠎꠦ ꠟꠣꠉꠤꠉꠦꠍꠦ, ꠔꠦ ꠛꠥꠎꠛꠣꠄ, ꠁꠔꠣ ꠘꠣꠙꠣꠇ ꠙꠌꠣ-ꠇꠥꠡ꠆ꠑ ꠛꠦꠝꠣꠞ। ꠁꠟꠣ ꠛꠦꠝꠣꠞꠤ ꠖꠦꠈꠟꠦ ꠁꠝꠣꠝꠦ ꠔꠣꠞꠦ ꠘꠣꠙꠣꠇ ꠇꠁꠀ ꠄꠟꠣꠘ ꠇꠞꠛꠣ।

ছিলটি আছমানি কিতাব (বাংলা লিপি)

³ ইমাম ছাবে তার চামড়ার অউ জাগা দেখবা, হি জাগার রুমা যুদি ধলা অইযায়, আর বুজা যায় ই বেমার চামড়ার তলর গোস্তর মাজে লাগিগেছে, তে বুজবায়, ইতা নাপাক পচা-কুষ্ঠ বেমার। ইলা বেমারি দেখলে ইমামে তারে নাপাক কইয়া এলান করবা।

Siloṭi Asmani Kitab (Latin lipi)

³ Imam sabe tar samṛar ou zaga deḳba, hi zagar ruma zudi dola oizae, ar buza zae i bemar samṛar tolor gustor maze lagigese, te buzbae, ita nafak fosa-kusṭo bemar. Ila bemari deḳle imame tare nafak koia elan ḳorba.

ꠔꠃꠞꠣꠔ ৩: ꠟꠦꠛꠤꠀꠘ 13:3 Iomraidhean Croise

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 13:3

ꠛꠣꠖꠦ ꠔꠣꠁꠘ ꠘꠦꠉꠦꠜ ꠕꠣꠇꠤ ꠢꠞꠔꠦ ꠢꠞꠔꠦ ꠛꠦꠕꠦꠟ ꠙꠞ꠆ꠎꠘ꠆ꠔ ꠉꠦꠟꠣ। ꠉꠤꠀ ꠔꠣꠁꠘ ꠛꠦꠕꠦꠟ ꠀꠞ ꠅꠄ ꠐꠣꠃꠘꠞ ꠝꠣꠎꠈꠣꠘꠅ ꠙꠃꠍꠟꠣ, ꠎꠦ ꠎꠣꠉꠣꠔ ꠔꠣꠁꠘ ꠀꠉꠦ ꠔꠣꠝ꠆ꠛꠥ ꠉꠣꠠꠤꠍꠟꠣ

ꠔꠃꠞꠣꠔ ৩: ꠟꠦꠛꠤꠀꠘ 10:10

ꠇꠥꠘꠐꠣ ꠢꠣꠞꠣꠝ ꠀꠞ ꠇꠥꠘꠐꠣ ꠢꠣꠟꠣꠟ, ꠇꠥꠘꠐꠣ ꠙꠣꠇ ꠀꠞ ꠇꠥꠘꠐꠣ ꠘꠣꠙꠣꠇ, ꠁꠔꠣ ꠛꠥꠎꠤꠀ-ꠢꠥꠘꠤꠀ ꠌꠟꠤꠅ।

ꠔꠃꠞꠣꠔ ৩: ꠟꠦꠛꠤꠀꠘ 13:10

ꠁꠝꠣꠝꠦ ꠖꠦꠈꠛꠣ, ꠔꠣꠞ ꠉꠔꠞꠅ ꠇꠥꠘꠥ ꠎꠣꠉꠣꠞ ꠌꠣꠝꠠꠣꠞ ꠃꠙꠞꠦ ꠎꠥꠖꠤ ꠗꠟꠣ ꠅꠁꠀ ꠚꠥꠟꠤ ꠎꠣꠄ, ꠀꠞ ꠢꠘꠞ ꠞꠥꠝꠣ ꠗꠟꠣ ꠅꠁꠎꠣꠄ, ꠅꠃ ꠚꠥꠟꠣ ꠎꠣꠉꠣꠔ ꠇꠣꠌꠣ ꠊꠣ ꠕꠣꠇꠦ,

ꠔꠃꠞꠣꠔ ৩: ꠟꠦꠛꠤꠀꠘ 13:2

“ꠇꠥꠘꠥ ꠝꠣꠘꠡꠞ ꠉꠔꠞꠞ ꠌꠣꠝꠠꠣꠞ ꠇꠥꠘꠥ ꠎꠣꠉꠣ ꠎꠥꠖꠤ ꠀꠈꠔꠣ ꠚꠥꠟꠤ ꠎꠣꠄ, ꠛꠣ ꠇꠥꠘꠥ ꠇꠥꠟꠡ ꠃꠑꠦ ꠛꠣ ꠇꠥꠘꠥꠎꠣꠔ ꠖꠣꠉ ꠖꠦꠈꠣ ꠎꠣꠄ, ꠀꠞ ꠝꠘꠅ ꠡꠘ꠆ꠖꠄ ꠅꠄ ꠎꠦꠘ, ꠁꠔꠣ ꠛꠣꠖꠦ ꠙꠌꠣ-ꠇꠥꠡ꠆ꠑ ꠛꠦꠝꠣꠞ ꠅꠁꠔ ꠙꠣꠞꠦ, ꠔꠦ ꠁꠝꠣꠝ ꠢꠣꠞꠥꠘ ꠛꠣ ꠔꠣꠘ ꠙꠥꠀꠂꠘ꠆ꠔꠞ ꠝꠣꠎꠞ ꠇꠥꠘꠥ ꠁꠝꠣꠝꠞ ꠉꠦꠍꠦ ꠔꠣꠞꠦ ꠟꠁꠀ ꠎꠣꠁꠛꠣꠄ।

ꠔꠃꠞꠣꠔ ৩: ꠟꠦꠛꠤꠀꠘ 13:20

ꠁꠝꠣꠝꠦ ꠔꠣꠞꠦ ꠖꠦꠈꠛꠣ, ꠢꠤ ꠛꠦꠝꠣꠞ ꠎꠥꠖꠤ ꠌꠣꠝꠠꠣꠞ ꠔꠟꠦ ꠉꠤꠀ ꠉꠥꠡ꠆ꠔꠞ ꠝꠣꠎꠦ ꠟꠣꠉꠤꠎꠣꠄ, ꠞꠥꠝꠣ ꠗꠟꠣ ꠅꠁꠎꠣꠄ, ꠔꠦ ꠁꠐꠣ ꠔ ꠛꠞꠘꠞ ꠎꠣꠉꠣꠔ ꠎꠘꠝ ꠟꠅꠀ ꠙꠌꠣ-ꠇꠥꠡ꠆ꠑ ꠛꠦꠝꠣꠞ, ꠁꠝꠣꠝꠦ ꠔꠣꠞꠦ ꠘꠣꠙꠣꠇ ꠇꠁꠀ ꠄꠟꠣꠘ ꠇꠞꠛꠣ।

ꠔꠃꠞꠣꠔ ৩: ꠟꠦꠛꠤꠀꠘ 13:4

ꠅꠁꠟꠦ ꠔꠣꠞ ꠌꠣꠝꠠꠣꠞ ꠝꠣꠎꠦ ꠅꠃ ꠖꠣꠉ ꠎꠥꠖꠤ ꠈꠣꠟꠤ ꠗꠟꠣ ꠅꠄ, ꠀꠞ ꠁꠔꠣ ꠌꠣꠝꠠꠣꠞ ꠔꠟꠞ ꠉꠥꠡ꠆ꠔꠞ ꠝꠣꠎꠦ ꠘꠣ ꠟꠣꠉꠦ, ꠅꠘꠞ ꠞꠥꠝꠣ ꠗꠟꠣ ꠘꠣ ꠅꠄ, ꠔꠦ ꠁꠝꠣꠝ ꠍꠣꠛꠦ ꠅꠃ ꠎꠘꠞꠦ ꠡꠣꠔ ꠖꠤꠘ ꠗꠞꠤ ꠢꠇꠟ ꠝꠣꠘꠡꠞ ꠉꠦꠍ ꠕꠣꠇꠤ ꠢꠞꠣꠁ ꠞꠣꠈꠛꠣ।

ꠔꠃꠞꠣꠔ ৩: ꠟꠦꠛꠤꠀꠘ 13:8

ꠁꠝꠣꠝꠦ ꠢꠤꠞꠛꠣꠞ ꠖꠦꠈꠛꠣ, ꠎꠥꠖꠤ ꠅꠃ ꠛꠦꠝꠣꠞ ꠌꠣꠝꠠꠣꠞ ꠃꠙꠞꠦ ꠀꠞꠅ ꠛꠣꠠꠤ ꠎꠣꠄ, ꠔꠦ ꠛꠥꠎꠣ ꠎꠣꠁꠛ, ꠁꠔꠣ ꠘꠣꠙꠣꠇ ꠙꠌꠣ-ꠇꠥꠡ꠆ꠑ ꠛꠦꠝꠣꠞ, ꠔꠣꠁꠘ ꠄꠞꠦ ꠘꠣꠙꠣꠇ ꠇꠁꠀ ꠄꠟꠣꠘ ꠇꠞꠛꠣ।

ꠔꠃꠞꠣꠔ ৩: ꠟꠦꠛꠤꠀꠘ 14:37

ꠔꠣꠁꠘ ꠎꠥꠖꠤ ꠖꠦꠈꠂꠘ, ꠊꠞꠞ ꠅꠀꠟꠞ ꠇꠥꠘꠥ ꠚꠦꠃꠇꠘꠤꠞ ꠖꠣꠉ ꠉꠤꠀ ꠜꠤꠔꠞꠦꠖꠤ ꠢꠣꠝꠣꠁꠍꠦ, ꠀꠞ ꠅꠃ ꠖꠣꠉꠞ ꠞꠋ ꠇꠌꠥꠀ ꠛꠣ ꠟꠣꠟꠐꠤ,

ꠔꠃꠞꠣꠔ ৩: ꠟꠦꠛꠤꠀꠘ 14:54

ꠔꠦ ꠢꠇꠟ ꠟꠣꠈꠣꠘ ꠙꠌꠣ-ꠇꠥꠡ꠆ꠑ ꠛꠦꠝꠣꠞ, ꠖꠣꠃꠖ-ꠈꠣꠃꠎꠟꠤ,

ꠔꠃꠞꠣꠔ ৩: ꠟꠦꠛꠤꠀꠘ 14:56

ꠉꠔꠞꠞ ꠌꠣꠝꠠꠣꠔ ꠇꠥꠟꠡ ꠃꠑꠣ, ꠛꠞꠘ ꠛꠣ ꠇꠥꠘꠥ ꠎꠣꠔꠞ ꠖꠣꠉꠞ ꠛꠦꠙꠣꠞꠦ ꠅꠃ ꠟꠣꠈꠣꠘ ꠢꠥꠇꠥꠝ ꠎꠣꠘꠣꠁꠟ ꠅꠁꠟ।

ꠔꠃꠞꠣꠔ ৩: ꠟꠦꠛꠤꠀꠘ 5:3

“ꠝꠣꠘꠡꠞ ꠡꠞꠤꠟꠞꠦ ꠎꠦꠔꠣꠄ ꠘꠣꠙꠣꠇ ꠇꠞꠤꠟꠣꠄ, ꠡꠞꠤꠟ ꠕꠣꠇꠤ ꠛꠣꠞꠅꠁꠟ ꠅꠃ ꠟꠣꠈꠣꠘ ꠇꠥꠘꠥꠔꠣ ꠇꠦꠃ ꠎꠥꠖꠤ ꠘꠣ ꠎꠣꠘꠤꠀ ꠍꠁꠟꠣꠄ, ꠔꠦ ꠁꠔꠣ ꠎꠣꠘꠣꠞ ꠛꠣꠖꠦ ꠢꠦ ꠖꠥꠡꠤ ꠅꠁꠛ।

ꠁꠘ꠆ꠎꠤꠟ ১: ꠝꠕꠤ 16:19

ꠔꠥꠝꠣꠞ ꠀꠔꠅ ꠀꠝꠤ ꠛꠦꠢꠦꠡ꠆ꠔꠤ ꠛꠣꠖꠡꠣꠁꠞ ꠌꠣꠛꠤ ꠖꠤꠝꠥ, ꠅꠃ ꠖꠥꠘꠤꠀꠔ ꠔꠥꠝꠤ ꠎꠦꠔꠣꠞꠦ ꠘꠣꠎꠣꠁꠎ ꠇꠁꠛꠣꠄ, ꠁꠔꠣ ꠀꠟ꠆ꠟꠣꠞ ꠖꠞꠛꠣꠞꠅ ꠘꠣꠎꠣꠁꠎ ꠅꠁꠎꠤꠛ, ꠀꠞ ꠔꠥꠝꠤ ꠎꠦꠔꠣꠞꠦ ꠎꠣꠁꠎ ꠇꠁꠛꠣꠄ, ꠀꠟ꠆ꠟꠣꠞ ꠖꠞꠛꠣꠞꠅ-ꠅ ꠁꠔꠣ ꠎꠣꠁꠎ ꠅꠁꠎꠤꠛ।”

Injil 4: Hannan 20:23

ꠢꠥꠘꠅ, ꠔꠥꠝꠞꠣ ꠎꠥꠖꠤ ꠇꠦꠃꠞꠦ ꠝꠣꠚ ꠇꠞꠤ ꠖꠦꠅ, ꠔꠦ ꠔꠣꠞ ꠉꠥꠘꠣ ꠝꠣꠚ ꠇꠞꠣ ꠅꠁꠛ, ꠀꠞ ꠎꠥꠖꠤ ꠝꠣꠚ ꠘꠣ ꠇꠞ, ꠔꠦ ꠔꠣꠞ ꠉꠥꠘꠣꠞ ꠝꠣꠚꠤ ꠝꠤꠟꠔ ꠘꠣꠄ।”

Injil 5: Sahabi Nama 20:28

ꠀꠙꠘꠣꠞꠣ ꠎꠣꠞꠎꠤꠞ ꠛꠦꠙꠣꠞꠦ ꠢꠥꠡꠤꠀꠞ ꠅꠃꠇ꠆ꠇꠣ। ꠙꠣꠇ ꠞꠥꠢꠦ ꠀꠙꠘꠣꠞꠣꠞꠦ ꠎꠦꠞꠣꠞ ꠌꠣꠟꠇꠖꠣꠞ ꠛꠣꠘꠣꠁꠍꠂꠘ, ꠔꠣꠞꠣꠞ ꠛꠦꠙꠣꠞꠦ ꠢꠥꠡꠤꠀꠞ ꠅꠃꠇ꠆ꠇꠣ। ꠀꠟ꠆ꠟꠣꠄ ꠔꠣꠘ ꠘꠤꠎꠞ ꠎꠘꠞꠦꠖꠤ ꠎꠦꠞꠣꠞꠦ ꠈꠞꠤꠖ ꠇꠞꠍꠂꠘ, ꠢꠤ ꠎꠝꠣꠔꠞꠦ ꠙꠥꠞꠣꠙꠥꠞ ꠖꠦꠈꠣ-ꠢꠥꠘꠣ ꠇꠞꠃꠇ꠆ꠇꠣ, ꠎꠦꠟꠣ ꠞꠣꠈꠣꠟꠦ ꠔꠣꠞ ꠝꠦꠠꠣꠞ ꠙꠣꠟꠞ ꠖꠦꠈꠣ-ꠢꠥꠘꠣ ꠇꠞꠦ, ꠁꠝꠣꠝ ꠅꠁꠀ ꠀꠙꠘꠣꠞꠣꠅ ꠅꠃꠟꠣ ꠇꠞꠃꠇ꠆ꠇꠣ।

Injil 6: Ruman 7:7

ꠅꠈꠘ ꠀꠝꠞꠣ ꠅꠟꠣ ꠇꠁꠔꠣꠝ ꠙꠣꠞꠤ ꠘꠤ, ꠡꠞꠤꠅꠔꠦꠃ ꠉꠥꠘꠣ ꠇꠞꠣꠄ? ꠘꠣꠃꠎꠥꠛꠤꠟ꠆ꠟꠣ, ꠝꠥꠐꠦꠃ ꠘꠣ! ꠀꠍꠟ ꠇꠕꠣ ꠅꠁꠟ, ꠡꠞꠤꠅꠔ ꠘꠣ ꠕꠣꠇꠟꠦ ꠔ ꠀꠝꠤ ꠛꠥꠎꠔꠣꠝ ꠙꠣꠞꠟꠣꠝ ꠘꠣ ꠅꠘꠦ, ꠉꠥꠘꠣ ꠇꠤ ꠎꠤꠘꠤꠡ। ꠡꠞꠤꠅꠔꠦ ꠎꠥꠖꠤ ꠘꠣ ꠇꠁꠔ, ꠟꠥꠜ-ꠟꠣꠟꠌ ꠇꠞꠤꠅ ꠘꠣ, ꠔꠦ ꠟꠣꠟꠌ ꠇꠞꠟꠦ ꠇꠤꠔꠣ ꠅꠄ, ꠁꠔꠣ ꠀꠝꠞꠣ ꠛꠥꠎꠟꠣꠝ ꠘꠣ ꠅꠘꠦ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 1:20

ꠁ ꠖꠟꠅ ꠀꠍꠂꠘ, ꠢꠥꠝꠤꠘꠣꠍ ꠀꠞ ꠍꠤꠇꠘ꠆ꠖꠞ। ꠄꠞꠟꠣꠉꠤ ꠀꠝꠤ ꠁꠔꠣꠞꠦ ꠁꠛꠟꠤꠍꠞ ꠀꠔꠅ ꠡꠙꠤ ꠖꠤꠍꠤ, ꠎꠣꠔꠦ ꠔꠣꠞꠣ ꠛꠥꠎꠔꠣ ꠙꠣꠞꠂꠘ, ꠇꠥꠚꠥꠞꠤ ꠝꠣꠔ ꠝꠣꠔꠣ ꠑꠤꠇ ꠘꠣꠄ।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 3:13

ꠅꠁꠟꠦ ꠜꠘ꠆ꠒ ꠀꠞ ꠈꠛꠤꠍ ꠅꠇꠟ ꠖꠤꠘ ꠖꠤꠘ ꠀꠞꠅ ꠈꠣꠞꠣꠙ ꠅꠁꠛ। ꠔꠣꠞꠣ ꠘꠤꠎꠦꠅ ꠛꠦ-ꠙꠕꠦ ꠌꠟꠛ, ꠀꠞ ꠀꠞꠇ ꠎꠘꠞꠦꠅ ꠛꠦ-ꠙꠕꠤ ꠛꠣꠘꠣꠁꠛ।

Injil 19: Ibrani 13:7

ꠢꠥꠘꠅ, ꠎꠦ ꠛꠥꠎꠥꠞ꠆ꠉ ꠅꠇꠟꠦ ꠔꠥꠝꠞꠣꠞꠦ ꠀꠟ꠆ꠟꠣꠞ ꠇꠣꠟꠣꠝ ꠔꠣꠟꠤꠝ ꠖꠤꠍꠂꠘ, ꠔꠣꠞꠣꠞ ꠇꠕꠣ ꠁꠀꠖ ꠇꠞꠤꠅ। ꠔꠣꠞꠣꠞ ꠎꠤꠘ꠆ꠖꠦꠉꠤꠞ ꠢꠣꠟꠔꠞ ꠇꠕꠣ ꠜꠣꠟꠣꠝꠘ꠆ꠔꠦ ꠌꠤꠘ꠆ꠔꠣ ꠇꠞꠤꠀ, ꠔꠥꠝꠞꠣꠅ ꠔꠣꠞꠣꠞ ꠟꠣꠈꠣꠘ ꠁꠝꠣꠘꠦ ꠝꠎꠛꠥꠔ ꠅꠅ।

Injil 27: Zaira Kalam 2:23

ꠔꠣꠁꠞ ꠙꠥꠀ-ꠙꠥꠠꠤꠘꠞꠦꠅ ꠀꠝꠤ ꠝꠣꠞꠤꠟꠤꠝꠥ। ꠔꠦꠃ ꠢꠇꠟ ꠎꠝꠣꠔꠦ ꠎꠣꠘꠤꠟꠤꠛꠣ, ꠀꠝꠤ ꠔ ꠝꠣꠘꠡꠞ ꠖꠤꠟꠞ ꠀꠞ ꠝꠘꠞ ꠈꠛꠞ ꠞꠣꠈꠤ। ꠀꠝꠤ ꠀꠝꠟ-ꠘꠣꠝꠣ ꠖꠦꠈꠤꠀ ꠔꠥꠝꠞꠣ ꠙꠞꠔꠦꠇ ꠎꠘꠞ ꠚꠟ ꠖꠤꠝꠥ।