ꠔꠃꠞꠣꠔ ৩: ꠟꠦꠛꠤꠀꠘ 10:3 - Siloṭi Asmani Kitab (Nagri lipi)

³ ꠔꠦꠃ ꠝꠥꠍꠣꠄ ꠢꠣꠞꠥꠘꠞꠦ ꠇꠁꠟꠣ, “ꠝꠣꠛꠥꠖꠦ ꠔ ꠀꠉꠦꠃ ꠎꠣꠘꠣꠁ ꠖꠤꠍꠟꠣ, ꠀꠝꠣꠞ ꠍꠣꠝꠘꠦ ꠎꠦꠞꠣ ꠀꠎꠤꠞ ꠅꠄ, ꠔꠣꠞꠣ ꠀꠝꠣꠞꠦ ꠙꠣꠇ-ꠙꠛꠤꠔ꠆ꠞ ꠇꠁꠀ ꠝꠣꠘꠛ, ꠢꠇꠟ ꠝꠣꠘꠡꠞ ꠍꠣꠝꠘꠦ ꠀꠝꠣꠞ ꠉꠃꠞꠛ-ꠝꠢꠤꠝꠣ ꠎꠣꠁꠞ ꠇꠞꠛ।” ꠁꠈꠣꠘ ꠢꠥꠘꠤꠀ ꠢꠣꠞꠥꠘ ꠌꠥꠙꠌꠣꠙ ꠞꠁꠟꠣ।

ছিলটি আছমানি কিতাব (বাংলা লিপি)

³ তেউ মুছায় হারুনরে কইলা, “মাবুদে তো আগেউ জানাই দিছলা, আমার ছামনে যেরা আজির অয়, তারা আমারে পাক-পবিত্র কইয়া মানবো, হকল মানষর ছামনে আমার গৌরব-মহিমা জাইর করবো।” ইখান হুনিয়া হারুন চুপচাপ রইলা।

Siloṭi Asmani Kitab (Latin lipi)

³ Teu Musae Harunre ḳoila, “Mabude to age-u zanai disla, Amar samne zera azir oy, tara amare fak-fobitro ḳoia manbo, hoḳol manshor samne amar gourob-mohima zair ḳorbo.” Ikan hunia Harun sufsaf roila.

ꠔꠃꠞꠣꠔ ৩: ꠟꠦꠛꠤꠀꠘ 10:3 Iomraidhean Croise

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 18:25

ꠔꠦ ꠀꠙꠘꠣꠞ ꠇꠣꠝ ꠔ ꠅꠃꠟꠣ ꠘꠣꠄ, ꠢꠇ ꠀꠞ ꠉꠥꠘꠣꠉꠣꠞꠞꠦ ꠄꠇꠟꠉꠦ ꠝꠣꠞꠤꠟꠣꠅꠀ, ꠄꠇ ꠢꠝꠣꠘ ꠡꠣꠎꠣ ꠖꠦꠅꠀ, ꠀꠙꠘꠣꠞ ꠟꠣꠉꠤ ꠔ ꠑꠤꠇ ꠘꠣꠄ। ꠎꠦꠁꠘ ꠢꠣꠞꠣ ꠖꠥꠘꠤꠀꠞ ꠛꠤꠌꠣꠞ ꠇꠞꠂꠘ, ꠔꠣꠁꠘ ꠇꠥꠘꠥ ꠢꠇ ꠁꠘꠍꠣꠚ ꠇꠞꠔꠣ ꠘꠣꠄ ꠘꠤ?”

ꠎꠛꠥꠞ ꠡꠞꠤꠚ 39:10

ꠔꠥꠝꠣꠞ ꠡꠣꠡ꠆ꠔꠤ ꠢꠞꠣꠁꠟꠣꠅ ꠀꠝꠣꠞ ꠃꠙꠞ ꠕꠣꠇꠤ, ꠔꠥꠝꠣꠞ ꠀꠔꠞ ꠀꠊꠣꠔ ꠈꠣꠁꠀ ꠝꠥꠁ ꠡꠦꠡ ꠅꠁꠉꠦꠍꠤ।

ꠎꠛꠥꠞ ꠡꠞꠤꠚ 39:9

ꠝꠥꠈ ꠈꠥꠟꠍꠤ ꠘꠣ ꠀꠝꠤ ꠞꠁꠍꠤ ꠘꠤꠞꠣꠁ, ꠁꠔꠣ ꠇꠡ꠆ꠐ ꠔ ꠅꠁꠍꠦ ꠝꠞ ꠔꠥꠝꠣꠞ ꠁꠡꠣꠞꠣꠄ।

ꠔꠃꠞꠣꠔ ২: ꠢꠤꠎꠞꠔ 14:17

ꠈꠤꠀꠟ ꠞꠣꠈꠤꠅ, ꠀꠝꠤ ꠝꠤꠡꠞꠤ ꠅꠇꠟꠞ ꠖꠤꠟ ꠅꠟꠣ ꠙꠣꠡꠣꠘ ꠛꠣꠘꠣꠁꠝꠥ, ꠔꠣꠞꠣ ꠄꠞꠣꠞꠦ ꠗꠞꠣꠞ ꠘꠤꠅꠔꠦ ꠖꠞꠤꠀꠔ ꠢꠣꠝꠣꠁꠛꠣ। ꠄꠞꠛꠣꠖꠦ ꠚꠦꠞꠣꠃꠘ, ꠔꠣꠞ ꠍꠤꠙꠣꠁ, ꠔꠣꠞ ꠊꠥꠠꠣꠞ ꠉꠣꠠꠤꠘ, ꠔꠣꠞ ꠊꠥꠠ-ꠍꠅꠀꠞ ꠅꠇꠟꠞ ꠝꠣꠎꠖꠤ ꠀꠝꠣꠞ ꠎꠣꠟꠣꠟ-ꠡꠣꠘ ꠎꠣꠁꠞ ꠅꠁꠛ।

ꠔꠃꠞꠣꠔ ২: ꠢꠤꠎꠞꠔ 14:4

ꠀꠝꠤ ꠚꠦꠞꠣꠃꠘꠞ ꠖꠤꠟꠞꠦ ꠙꠣꠡꠣꠘ ꠛꠣꠘꠣꠁꠝꠥ, ꠢꠦ ꠔꠥꠝꠞꠣꠞ ꠈꠞꠦ ꠈꠞꠦ ꠈꠦꠖꠣꠘꠤꠔ ꠀꠁꠛ। ꠔꠦꠃ ꠚꠦꠞꠣꠃꠘ ꠀꠞ ꠔꠣꠞ ꠍꠤꠙꠣꠁ ꠅꠇꠟꠞꠦꠖꠤ ꠀꠝꠣꠞ ꠘꠣꠝ ꠃꠎꠤꠟꠣ ꠅꠁꠛ; ꠁꠔꠣ ꠖꠦꠈꠤꠀ ꠝꠤꠡꠞꠤ ꠅꠇꠟꠦꠅ ꠛꠥꠎꠤꠟꠤꠛꠣ, ꠀꠝꠤꠃ ꠝꠣꠛꠥꠖ।” ꠝꠣꠛꠥꠖꠞ ꠢꠥꠇꠥꠝ ꠝꠣꠚꠤꠇ ꠛꠘꠤ ꠁꠍꠞꠣꠁꠟꠦ ꠅꠃꠟꠣ ꠇꠞꠟꠣ।

ꠔꠃꠞꠣꠔ ২: ꠢꠤꠎꠞꠔ 19:22

ꠀꠞ ꠎꠦ ꠁꠝꠣꠝ ꠅꠇꠟ ꠢꠣꠝꠦꠡꠣ ꠀꠝꠣꠞ ꠍꠣꠝꠘꠦ ꠀꠎꠤꠞ ꠅꠁꠘ, ꠀꠍꠟꠦ ꠔꠣꠞꠣꠞ ꠇꠣꠝꠃ ꠀꠝꠣꠞ ꠍꠣꠝꠘꠦ ꠀꠎꠤꠞ ꠅꠀ, ꠔꠣꠞꠣꠅ ꠘꠤꠎꠦ ꠘꠤꠎꠞꠦ ꠙꠣꠇ-ꠍꠣꠚ ꠇꠞꠛꠣ। ꠀꠞꠘꠣꠄ ꠀꠝꠤ ꠔꠣꠞꠣꠞ ꠃꠙꠞꠦꠅ ꠉꠎꠛ ꠓꠣꠟꠤꠝꠥ।”

ꠔꠃꠞꠣꠔ ২: ꠢꠤꠎꠞꠔ 19:24

ꠅꠁꠟꠦ ꠝꠣꠛꠥꠖꠦ ꠔꠣꠘꠞꠦ ꠇꠁꠟꠣ, “ꠘꠣ, ꠔꠥꠝꠤ ꠟꠣꠝꠣꠔ ꠎꠣꠅ। ꠛꠣꠖꠦ ꠔꠥꠝꠤ ꠀꠞ ꠢꠣꠞꠥꠘ ꠖꠥꠁꠅꠎꠘꠦ ꠝꠤꠟꠤꠀ ꠃꠙꠞꠦ ꠀꠁꠅ। ꠈꠤꠀꠟ ꠞꠣꠈꠤꠅ, ꠇꠥꠘꠥ ꠁꠝꠣꠝ ꠛꠣ ꠖꠥꠍꠞꠣ ꠇꠥꠘꠥ ꠝꠣꠘꠥꠡ ꠎꠣꠔꠦ ꠡꠤꠝꠣꠘꠣ ꠍꠣꠠꠤꠀ ꠀꠝꠣꠞ ꠇꠣꠍꠣꠔ ꠘꠣ ꠀꠁꠘ, ꠀꠁꠟꠦ ꠀꠝꠤ ꠔꠣꠞꠣꠞ ꠃꠙꠞꠦ ꠟꠣꠘ꠆ꠘꠔꠤ ꠉꠎꠛ ꠓꠣꠟꠝꠥ।”

ꠔꠃꠞꠣꠔ ২: ꠢꠤꠎꠞꠔ 30:30

“ꠔꠥꠝꠤ ꠢꠣꠞꠥꠘꠞꠦ ꠀꠞ ꠔꠣꠞ ꠙꠥꠀꠂꠘꠞꠦ ꠀꠝꠣꠞ ꠁꠝꠣꠝꠔꠤꠞ ꠇꠣꠝꠞ ꠟꠣꠉꠤ ꠈꠦꠟꠣꠚꠔꠤꠞ ꠔꠦꠟ ꠖꠤꠀ ꠙꠣꠇ-ꠙꠛꠤꠔ꠆ꠞ ꠇꠞꠤꠅ।

ꠔꠃꠞꠣꠔ ৩: ꠟꠦꠛꠤꠀꠘ 21:15

ꠀꠞꠘꠣꠄ ꠔꠣꠘ ꠇꠣꠞꠘꠦ ꠔꠣꠘ ꠘꠤꠎꠞ ꠈꠣꠘ꠆ꠖꠣꠘꠞ ꠝꠣꠎꠦ ꠔꠣꠘ ꠀꠅꠟꠣꠖ ꠅꠇꠟ ꠙꠛꠤꠔ꠆ꠞ ꠢꠣꠟꠔ ꠕꠣꠇꠤ ꠘꠣꠙꠣꠇ ꠛꠘꠛ। ꠀꠝꠤꠃ ꠔ ꠝꠣꠛꠥꠖ, ꠀꠝꠤꠃ ꠔꠣꠘꠞꠦ ꠙꠣꠇ-ꠙꠛꠤꠔ꠆ꠞ ꠛꠣꠘꠣꠁꠍꠤ।”

ꠔꠃꠞꠣꠔ ৩: ꠟꠦꠛꠤꠀꠘ 21:17

“ꠔꠥꠝꠤ ꠁꠝꠣꠝ ꠢꠣꠞꠥꠘꠞꠦ ꠎꠣꠘꠣꠁ ꠖꠦꠅ, ꠔꠣꠘ ꠈꠣꠘ꠆ꠖꠣꠘꠞ ꠝꠣꠎꠞ ꠡꠞꠤꠟꠞ ꠈꠥꠔ ꠀꠟꠣ ꠇꠥꠘꠥ ꠎꠘꠦꠃ ꠀꠟ꠆ꠟꠣꠞ ꠘꠣꠝꠦ ꠇꠥꠞꠛꠣꠘꠤ ꠀꠖꠣꠄ ꠇꠞꠣꠞ ꠘꠤꠅꠔꠦ, ꠇꠥꠞꠛꠣꠘꠤ ꠈꠣꠘꠣꠞ ꠇꠣꠘ꠆ꠖꠣꠔ ꠎꠣꠅꠀ ꠘꠤꠡꠦꠗ।

ꠔꠃꠞꠣꠔ ৩: ꠟꠦꠛꠤꠀꠘ 21:21

ꠁꠝꠣꠝ ꠢꠣꠞꠥꠘꠞ ꠛꠋꠡꠞ ꠡꠞꠤꠟꠞ ꠈꠥꠔ ꠀꠟꠣ ꠇꠥꠘꠥ ꠎꠘꠦ ꠝꠣꠛꠥꠖꠞ ꠘꠣꠝꠦ ꠀꠉꠥꠘꠤꠔ ꠖꠦꠅꠀ ꠇꠥꠞꠛꠣꠘꠤ ꠀꠖꠣꠄ ꠇꠞꠣ ꠘꠤꠡꠦꠗ। ꠔꠣꠞ ꠉꠔꠞꠅ ꠈꠥꠔ ꠕꠣꠇꠣꠄ ꠢꠦ ꠇꠥꠞꠛꠣꠘꠤ ꠈꠣꠘꠣꠞ ꠇꠣꠘ꠆ꠖꠣꠔ ꠉꠤꠀ ꠀꠝꠣꠞ ꠘꠣꠝꠞ ꠈꠣꠘꠤꠞꠦ ꠇꠥꠞꠛꠣꠘꠤ ꠖꠦꠅꠀ ꠎꠣꠁꠎ ꠘꠣꠄ।

ꠔꠃꠞꠣꠔ ৩: ꠟꠦꠛꠤꠀꠘ 21:6

ꠔꠣꠞꠣ ꠎꠣꠘꠥ ꠀꠙꠘ ꠀꠟ꠆ꠟꠣꠞ ꠙꠛꠤꠔ꠆ꠞ ꠘꠣꠝꠞꠦ ꠅꠡꠝ꠆ꠝꠣꠘ ꠘꠣ ꠇꠞꠂꠘ, ꠀꠞ ꠙꠣꠇ-ꠙꠣꠇꠤꠎꠣ ꠞꠁꠀ ꠎꠤꠘ꠆ꠖꠦꠉꠤ ꠇꠣꠐꠣꠁꠘ। ꠅꠈꠣꠘ ꠝꠘꠅ ꠞꠣꠈꠂꠘ ꠎꠦꠘ, ꠅꠃ ꠁꠝꠣꠝ ꠅꠇꠟꠦꠃ ꠝꠣꠛꠥꠖꠞ ꠘꠣꠝꠦ ꠀꠉꠥꠘꠤꠔ ꠖꠦꠅꠀ ꠍꠖꠉꠣ ꠀꠞ ꠇꠥꠞꠛꠣꠘꠤ ꠅꠇꠟ ꠀꠖꠣꠄ ꠇꠞꠂꠘ, ꠀꠞ ꠇꠥꠞꠛꠣꠘꠤꠞ ꠝꠣꠟ ꠔ ꠘꠤꠎꠞ ꠀꠟ꠆ꠟꠣꠞ ꠖꠞꠛꠣꠞꠞ ꠞꠤꠎꠦꠇ।

ꠔꠃꠞꠣꠔ ৩: ꠟꠦꠛꠤꠀꠘ 21:8

ꠅ ꠛꠘꠤ ꠁꠍꠞꠣꠁꠟ, ꠔꠥꠝꠞꠣ ꠁꠝꠣꠝ ꠍꠣꠛ ꠅꠇꠟꠞꠦ ꠢꠣꠝꠦꠡꠣ ꠙꠛꠤꠔ꠆ꠞ ꠢꠤꠡꠣꠛꠦ ꠝꠣꠘꠤꠅ, ꠔꠣꠞꠣꠃ ꠔ ꠔꠥꠝꠞꠣꠞ ꠀꠟ꠆ꠟꠣꠞ ꠖꠞꠛꠣꠞꠅ ꠇꠥꠞꠛꠣꠘꠤꠞ ꠈꠣꠘꠤ ꠡꠙꠤꠀ ꠖꠦꠁꠘ। ꠄꠞꠟꠣꠉꠤꠃ ꠔꠣꠞꠣꠞꠦ ꠙꠛꠤꠔ꠆ꠞ ꠇꠁꠀ ꠝꠣꠘꠤꠅ, ꠝꠘꠅ ꠞꠣꠈꠤꠅ, ꠀꠝꠤꠃ ꠔꠥꠝꠞꠣꠞꠦ ꠙꠛꠤꠔ꠆ꠞ ꠛꠣꠘꠣꠁꠍꠤ, ꠀꠞ ꠀꠝꠤ ꠘꠤꠎꠦ ꠔ ꠙꠣꠇ-ꠙꠛꠤꠔ꠆ꠞ।

ꠔꠃꠞꠣꠔ ৩: ꠟꠦꠛꠤꠀꠘ 22:9

“ꠁꠝꠣꠝ ꠅꠇꠟꠞ ꠛꠦꠙꠣꠞꠦ ꠀꠝꠤ ꠎꠦꠔꠣ ꠀꠁꠘ-ꠇꠣꠘꠥꠘ ꠖꠤꠍꠤ, ꠁꠔꠣ ꠔꠣꠞꠣ ꠝꠣꠘꠤꠀ ꠌꠟꠃꠇ। ꠀꠞꠘꠣꠄ ꠖꠥꠡꠤ ꠛꠘꠛꠣꠄ ꠀꠞ ꠘꠣꠙꠣꠇꠤꠞ ꠖꠞꠥꠘ ꠔꠣꠞꠣꠞ ꠝꠞꠘ ꠅꠁꠛ। ꠝꠘꠅ ꠞꠣꠈꠤꠅ, ꠀꠝꠤ ꠝꠣꠛꠥꠖꠦꠃ ꠔꠣꠞꠣꠞꠦ ꠙꠛꠤꠔ꠆ꠞ ꠇꠞꠤ।

ꠔꠃꠞꠣꠔ ৩: ꠟꠦꠛꠤꠀꠘ 8:35

ꠔꠦ ꠔꠥꠝꠞꠣ ꠎꠣꠘꠦ ꠛꠣꠌꠤꠀ ꠞꠅꠀꠞ ꠟꠣꠉꠤ ꠀꠁꠎ ꠕꠣꠇꠤ ꠡꠣꠔ ꠖꠤꠘ ꠙꠞ꠆ꠎꠘ꠆ꠔ ꠅꠃ ꠝꠤꠟꠘ-ꠔꠣꠝ꠆ꠛꠥꠞ ꠖꠥꠀꠞꠞ ꠇꠣꠘ꠆ꠖꠣꠔ ꠞꠁꠅ। ꠖꠤꠘ-ꠞꠣꠁꠔ ꠅꠘꠅ ꠞꠁꠀ ꠝꠣꠛꠥꠖꠞ ꠢꠥꠇꠥꠝ ꠝꠣꠚꠤꠇ ꠇꠣꠝ ꠇꠞꠤꠅ। ꠔꠥꠝꠞꠣ ꠅꠟꠣ ꠇꠞꠣꠞ ꠟꠣꠉꠤ ꠔ ꠀꠝꠤ ꠢꠥꠇꠥꠝ ꠙꠣꠁꠍꠤ।”

ꠔꠃꠞꠣꠔ ৪: ꠡꠥꠝꠣꠞꠤ 16:5

ꠛꠣꠖꠦ ꠔꠣꠁꠘ ꠇꠥꠞꠣꠢ ꠀꠞ ꠔꠣꠞ ꠖꠟꠞ ꠝꠣꠘꠡꠞꠦ ꠇꠁꠟꠣ, “ꠇꠣꠁꠟ ꠛꠤꠀꠘꠦꠃ ꠝꠣꠛꠥꠖꠦ ꠖꠦꠈꠣꠁꠛꠣ, ꠇꠦ ꠔꠣꠘ ꠛꠘ꠆ꠖꠣ, ꠀꠞ ꠇꠦ ꠙꠣꠇ-ꠙꠛꠤꠔ꠆ꠞ। ꠔꠣꠁꠘ ꠎꠣꠞꠦ ꠙꠍꠘ꠆ꠖ ꠇꠞꠂꠘ, ꠈꠣꠟꠤ ꠔꠣꠞꠣꠞꠦꠃ ꠔꠣꠘ ꠇꠣꠍꠣꠔ ꠀꠁꠔꠦ ꠖꠤꠛꠣ।

ꠔꠃꠞꠣꠔ ৪: ꠡꠥꠝꠣꠞꠤ 20:12

ꠅꠁꠟꠦ ꠝꠣꠛꠥꠖꠦ ꠝꠥꠍꠣ ꠀꠞ ꠢꠣꠞꠥꠘꠞꠦ ꠇꠁꠟꠣ, “ꠔꠥꠝꠞꠣ ꠔ ꠛꠘꠤ ꠁꠍꠞꠣꠁꠟꠞ ꠍꠣꠝꠘꠦ ꠀꠝꠣꠞꠦ ꠙꠣꠇ-ꠙꠛꠤꠔ꠆ꠞ ꠇꠁꠀ ꠝꠣꠘꠟꠣꠄ ꠘꠣ, ꠀꠝꠣꠞ ꠎꠛꠣꠘꠞ ꠃꠙꠞꠦ ꠜꠞꠡꠣ ꠇꠞꠟꠣꠄ ꠘꠣ। ꠄꠞꠟꠣꠉꠤ ꠀꠝꠤ ꠎꠦ ꠖꠦꠡꠈꠣꠘ ꠛꠘꠤ ꠁꠍꠞꠣꠁꠟꠞꠦ ꠖꠣꠘ ꠇꠞꠝꠥ, ꠔꠥꠝꠞꠣ ꠔꠣꠞꠣꠞꠦ ꠟꠁꠀ ꠢꠤꠘꠅ ꠎꠣꠁꠔꠣꠄ ꠙꠣꠞꠔꠣꠄ ꠘꠣꠄ।”

ꠁꠘ꠆ꠎꠤꠟ ১: ꠝꠕꠤ 10:37

“ꠎꠦ ꠝꠣꠘꠡꠦ ꠀꠝꠣ ꠕꠣꠇꠤ ꠔꠣꠞ ꠝꠣ-ꠛꠣꠚꠞꠦ ꠛꠦꠡꠤ ꠝꠣꠄꠀ ꠇꠞꠦ, ꠢꠦ ꠀꠝꠣꠞ ꠃꠝ꠆ꠝꠔ ꠅꠁꠔ ꠙꠣꠞꠔ ꠘꠣꠄ। ꠀꠞ ꠎꠦ ꠎꠘꠦ ꠀꠝꠣ ꠕꠣꠇꠤ ꠔꠣꠞ ꠙꠥꠀꠞꠦ ꠛꠣ ꠔꠣꠞ ꠙꠥꠠꠤꠞꠦ ꠛꠦꠡꠤ ꠝꠣꠄꠀ ꠇꠞꠦ, ꠢꠦ-ꠅ ꠀꠝꠣꠞ ꠃꠝ꠆ꠝꠔꠞ ꠎꠥꠇꠣ ꠘꠣꠄ।

Injil 4: Hannan 12:28

ꠛꠣꠛꠣ, ꠔꠥꠝꠤ ꠔꠥꠝꠣꠞ ꠝꠢꠤꠝꠣ ꠎꠣꠁꠞ ꠇꠞꠅ।” ꠅꠃ ꠡꠝꠄ ꠀꠍꠝꠣꠘ ꠕꠣꠇꠤ ꠉꠣꠁꠛꠤ ꠀꠅꠀꠎ ꠀꠁꠟ, “ꠀꠝꠤ ꠀꠝꠣꠞ ꠝꠢꠤꠝꠣ ꠎꠣꠁꠞ ꠇꠞꠍꠤ ꠀꠞ ꠢꠤꠞꠛꠣꠞ ꠎꠣꠁꠞ ꠇꠞꠝꠥ।”

Injil 4: Hannan 14:13

ꠔꠥꠝꠞꠣ ꠀꠝꠣꠞ ꠘꠣꠝꠦ ꠎꠦꠔꠣ ꠌꠣꠁꠛꠣꠄ, ꠀꠝꠤ ꠁꠔꠣ ꠙꠥꠞꠣ ꠇꠞꠝꠥ ꠎꠣꠔꠦ ꠛꠣꠚꠞ ꠝꠢꠤꠝꠣ ꠙꠥꠔꠞ ꠝꠣꠎꠖꠤ ꠎꠣꠁꠞ ꠅꠄ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 32:51

ꠝꠘꠅ ꠀꠍꠦ ꠘꠤ, ꠢꠇꠟ ꠛꠘꠤ ꠁꠍꠞꠣꠁꠟꠞ ꠍꠣꠝꠘꠦ ꠔꠥꠝꠞꠣ ꠖꠥꠁꠅ ꠜꠣꠁꠄ ꠀꠝꠣꠞꠦ ꠙꠣꠇ-ꠙꠛꠤꠔ꠆ꠞ ꠇꠁꠀ ꠝꠣꠁꠘ꠆ꠘ ꠇꠞꠍ ꠘꠣ, ꠢꠃ ꠎꠤꠘ ꠝꠞꠥꠜꠥꠝꠤꠞ ꠇꠣꠖꠦꠡ ꠄꠟꠣꠇꠣꠞ ꠝꠦꠞꠤꠛꠣ ꠘꠣꠝꠞ ꠎꠣꠉꠣꠔ ꠙꠣꠘꠤꠞ ꠉꠦꠍꠦ ꠔꠥꠝꠞꠣ ꠀꠝꠣꠞ ꠘꠣꠝꠦ ꠎꠣꠟꠤꠀꠔꠤ ꠇꠞꠍꠟꠣꠄ।

ইঞ্জিল ১৪: ২-থিষল: 1:10

ꠢꠃ ꠖꠤꠘ ꠔꠣꠘ ꠘꠤꠎꠞ ꠙꠣꠇ ꠛꠘ꠆ꠖꠣ ꠅꠇꠟ, ꠎꠦꠞꠣ ꠔꠣꠘ ꠃꠙꠞꠦ ꠁꠝꠣꠘ ꠀꠘꠍꠦ ꠔꠣꠞꠣꠞ ꠝꠣꠎꠖꠤ, ꠔꠣꠘ ꠉꠃꠞꠛ-ꠝꠢꠤꠝꠣ ꠎꠣꠁꠞ ꠅꠁꠛ। ꠄꠞꠣꠞ ꠝꠣꠎꠦ ꠔꠥꠝꠞꠣꠅ ꠀꠍ, ꠇꠣꠞꠘ ꠀꠝꠞꠣꠞ ꠔꠛꠟꠤꠉ ꠢꠥꠘꠤꠀ ꠔꠥꠝꠞꠣ ꠁꠝꠣꠘ ꠀꠘꠍ।

ꠁꠘ꠆ꠎꠤꠟ ২১: ১-ꠙꠤꠔꠞ 4:17

ꠛꠤꠌꠣꠞꠞ ꠡꠝꠄ ꠀꠁꠌ꠆ꠍꠦ, ꠀꠞ ꠀꠟ꠆ꠟꠣꠞ ꠙꠍꠘ꠆ꠖ ꠇꠞꠣ ꠛꠘ꠆ꠖꠣ ꠅꠇꠟꠞꠦꠖꠤꠃ ꠛꠤꠌꠣꠞ ꠡꠥꠞꠥ ꠅꠁꠛ। ꠁꠔꠣ ꠎꠥꠖꠤ ꠀꠝꠞꠣꠞ ꠝꠣꠎ ꠕꠣꠇꠤꠃ ꠡꠥꠞꠥ ꠅꠄ, ꠔꠦ ꠎꠦꠞꠣ ꠀꠟ꠆ꠟꠣꠞ ꠈꠥꠡ-ꠈꠛꠞꠤ ꠝꠣꠘꠍꠦ ꠘꠣ, ꠔꠣꠞꠣꠞ ꠖꠡꠣ ꠇꠤꠟꠣꠘ ꠅꠁꠛ?