ꠔꠃꠞꠣꠔ ৩: ꠟꠦꠛꠤꠀꠘ 1:4 - Siloṭi Asmani Kitab (Nagri lipi)

⁴ ꠀꠁꠀ ꠎꠣꠟꠣꠁꠟ ꠇꠥꠞꠛꠣꠘꠤꠞ ꠘꠤꠅꠔꠦ ꠀꠘꠣ ꠅꠃ ꠛꠤꠍꠣꠟꠞ ꠇꠟ꠆ꠟꠣꠞ ꠃꠙꠞꠦ ꠀꠔ ꠕꠁꠛ, ꠔꠦꠃ ꠔꠣꠞ ꠉꠥꠘꠣꠞ ꠇꠚꠞꠣ ꠢꠤꠡꠣꠛꠦ ꠁꠐꠣꠞꠦ ꠇꠛꠥꠟ ꠇꠞꠣ ꠅꠁꠛ।

ছিলটি আছমানি কিতাব (বাংলা লিপি)

⁴ আইয়া জালাইল কুরবানির নিয়তে আনা অউ বিছালর কল্লার উপরে আত থইবো, তেউ তার গুনার কফরা হিসাবে ইটারে কবুল করা অইবো।

Siloṭi Asmani Kitab (Latin lipi)

⁴ Aia zalail kurbanir niote ana ou bisalor ḳollar ufre at toibo, teu tar gunar kofora hishabe iṭare kobul ḳora oibo.

ꠔꠃꠞꠣꠔ ৩: ꠟꠦꠛꠤꠀꠘ 1:4 Iomraidhean Croise

ꠔꠃꠞꠣꠔ ২: ꠢꠤꠎꠞꠔ 28:38

ꠁꠐꠣ ꠢꠣꠞꠥꠘꠞ ꠇꠙꠣꠟꠞ ꠃꠙꠞꠦ ꠞꠁꠛ। ꠎꠔ ꠙꠣꠇ-ꠙꠛꠤꠔ꠆ꠞ ꠝꠣꠟ ꠛꠘꠤ ꠁꠍꠞꠣꠁꠟꠦ ꠖꠣꠘ-ꠈꠄꠞꠣꠔ ꠟꠁꠀ ꠀꠁꠛꠣ, ꠁꠔꠣꠞ ꠢꠇꠟ ꠘꠝꠥꠘꠣꠞ ꠖꠥꠡ-ꠔꠤꠞꠥꠐꠤꠞ ꠜꠣꠞ ꠢꠣꠞꠥꠘꠦ ꠛꠁꠛ। ꠝꠣꠛꠥꠖꠦ ꠎꠣꠔꠦ ꠔꠣꠞꠣꠞꠦ ꠇꠛꠥꠟ ꠇꠞꠂꠘ, ꠄꠞꠟꠣꠉꠤ ꠢꠣꠞꠥꠘꠦ ꠇꠙꠣꠟꠞ ꠃꠙꠞꠦ ꠁ ꠡꠥꠘꠣꠞ ꠙꠣꠔꠈꠣꠘ ꠢꠣꠝꠦꠡꠣ ꠟꠣꠉꠣꠁꠀ ꠞꠣꠈꠛ।

ꠔꠃꠞꠣꠔ ২: ꠢꠤꠎꠞꠔ 29:10

“ꠛꠣꠖꠦ ꠢꠃ ꠛꠤꠍꠣꠟꠞꠦ ꠔꠥꠝꠤ ꠝꠤꠟꠘ-ꠔꠣꠝ꠆ꠛꠥꠞ ꠍꠣꠝꠘꠦ ꠀꠘꠤꠅ, ꠢꠣꠞꠥꠘ ꠀꠞ ꠔꠣꠞ ꠙꠥꠀꠂꠘ꠆ꠔꠦ ꠅꠉꠥꠞ ꠇꠟ꠆ꠟꠣ ꠀꠔꠣꠁꠀ ꠖꠤꠛꠣ।

ꠔꠃꠞꠣꠔ ২: ꠢꠤꠎꠞꠔ 29:15

“ꠛꠣꠖꠦ ꠢꠃ ꠖꠥꠁꠅ ꠝꠦꠠꠣ ꠕꠣꠇꠤ ꠄꠉꠥ ꠝꠦꠠꠣ ꠀꠘꠤꠅ, ꠀꠘꠟꠦ ꠢꠣꠞꠥꠘꠦ ꠀꠞ ꠔꠣꠞ ꠙꠥꠀꠂꠘ꠆ꠔꠦ ꠅꠉꠥꠞ ꠇꠟ꠆ꠟꠣ ꠀꠔꠣꠁꠀ ꠖꠤꠛꠣ।

ꠔꠃꠞꠣꠔ ২: ꠢꠤꠎꠞꠔ 29:19

“ꠛꠣꠖꠦ ꠖꠥꠍꠞꠣ ꠝꠦꠠꠣꠞꠦꠅ ꠀꠘꠤꠀ ꠢꠣꠞꠥꠘꠦ ꠀꠞ ꠔꠣꠞ ꠙꠥꠀꠂꠘ꠆ꠔꠦ ꠇꠟ꠆ꠟꠣ ꠀꠔꠣꠁ ꠖꠤꠛꠣ।

ꠔꠃꠞꠣꠔ ২: ꠢꠤꠎꠞꠔ 29:33

ꠁꠝꠣꠝꠞ ꠇꠣꠝꠅ ꠛꠅꠀꠁꠟ ꠇꠞꠣꠞ ꠟꠣꠉꠤ, ꠔꠣꠞꠣꠞꠦ ꠙꠣꠇ-ꠍꠣꠚ ꠇꠞꠣꠞ ꠟꠣꠉꠤ, ꠈꠣꠘꠤꠞ ꠎꠦꠔꠣ ꠌꠤꠎ ꠅꠇꠟ ꠉꠥꠘꠣꠞ ꠝꠣꠚꠤꠞ ꠟꠣꠉꠤ ꠇꠥꠞꠛꠣꠘꠤ ꠖꠦꠅꠀ ꠅꠁꠛ, ꠁꠔꠣ ꠈꠣꠟꠤ ꠢꠣꠞꠥꠘ ꠀꠞ ꠔꠣꠞ ꠙꠥꠀꠂꠘ꠆ꠔꠦ ꠈꠣꠁꠛꠣ। ꠀꠞ ꠇꠦꠃ ꠁꠔꠣ ꠈꠣꠁꠔ ꠙꠣꠞꠔ ꠘꠣꠄ, ꠇꠣꠞꠘ ꠁꠔꠣ ꠅꠁꠟ ꠙꠣꠇ-ꠙꠛꠤꠔ꠆ꠞ ꠈꠣꠘꠣ।

ꠔꠃꠞꠣꠔ ৩: ꠟꠦꠛꠤꠀꠘ 16:21

ꠀꠁꠀ ꠅꠃ ꠍꠣꠉꠟꠞ ꠇꠟ꠆ꠟꠣꠞ ꠃꠙꠞꠦ ꠔꠣꠞ ꠖꠥꠁꠅ ꠀꠔ ꠕꠁꠀ, ꠛꠘꠤ ꠁꠍꠞꠣꠁꠟꠞ ꠢꠇꠟ ꠉꠥꠘꠣ-ꠘꠣꠚꠞꠝꠣꠘꠤ ꠀꠞ ꠛꠖ ꠇꠣꠝꠞ ꠇꠕꠣ ꠡ꠆ꠛꠤꠇꠣꠞ ꠇꠞꠤꠀ ꠍꠣꠉꠟꠞ ꠇꠟ꠆ꠟꠣꠞ ꠃꠙꠞꠦ ꠅꠔꠣ ꠛꠞ꠆ꠔꠣꠁ ꠖꠤꠛ। ꠛꠣꠖꠦ ꠀꠉ ꠕꠣꠇꠤ ꠎꠥꠁꠔ ꠅꠀ ꠄꠇ ꠛꠦꠐꠣꠞꠦ ꠖꠤꠀ ꠅꠃ ꠍꠣꠉꠟꠞꠦ ꠢꠦ ꠝꠞꠥꠜꠥꠝꠤꠔ ꠙꠣꠑꠣꠁ ꠖꠤꠛ।

ꠔꠃꠞꠣꠔ ৩: ꠟꠦꠛꠤꠀꠘ 16:24

ꠈꠥꠟꠤꠀ ꠔꠣꠁꠘ ꠇꠣꠛꠣ ꠊꠞꠞ ꠡꠤꠝꠣꠘꠣꠞ ꠜꠤꠔꠞꠦ ꠙꠣꠘꠤꠖꠤ ꠘꠣꠁꠀ ꠔꠣꠘ ꠘꠤꠎꠞ ꠟꠦꠛꠣꠍ ꠚꠤꠘ꠆ꠖꠤꠛꠣ। ꠛꠣꠖꠦ ꠔꠣꠁꠘ ꠛꠣꠞꠦ ꠀꠁꠀ ꠔꠣꠘ ꠘꠤꠎꠞ ꠀꠞ ꠝꠣꠘꠡꠞ ꠟꠣꠉꠤ ꠄꠉꠥ ꠇꠞꠤ ꠎꠣꠟꠣꠁꠟ ꠇꠥꠞꠛꠣꠘꠤ ꠀꠖꠣꠄ ꠇꠞꠤꠀ, ꠔꠣꠘ ꠘꠤꠎꠞ ꠀꠞ ꠝꠣꠘꠡꠞ ꠉꠥꠘꠣꠞ ꠇꠚꠞꠣꠅ ꠀꠖꠣꠄ ꠇꠞꠛꠣ।

ꠔꠃꠞꠣꠔ ৩: ꠟꠦꠛꠤꠀꠘ 22:21

ꠇꠥꠘꠥ ꠝꠣꠘ꠆ꠘꠔ ꠀꠖꠣꠄ ꠇꠞꠣꠞ ꠟꠣꠉꠤ ꠛꠣ ꠘꠤꠎꠞ ꠈꠥꠡꠤꠄ ꠘꠚꠟ ꠇꠥꠞꠛꠣꠘꠤ ꠢꠤꠡꠣꠛꠦ ꠇꠦꠃ ꠎꠥꠖꠤ ꠝꠣꠛꠥꠖꠞ ꠘꠣꠝꠦ ꠍꠣꠟꠣꠝꠔꠤ ꠇꠥꠞꠛꠣꠘꠤ ꠖꠤꠔ ꠌꠣꠄ, ꠔꠦ ꠁꠔꠣꠞ ꠟꠣꠉꠤ ꠄꠉꠥ ꠘꠤꠈꠥꠔ ꠉꠞꠥ, ꠝꠦꠠꠣ ꠛꠣ ꠍꠣꠉꠟ ꠀꠘꠔꠦ ꠅꠁꠛ। ꠉꠔꠞꠅ ꠈꠥꠔ ꠀꠟꠣ ꠇꠥꠘꠥ ꠙꠡꠥꠖꠤ ꠇꠥꠞꠛꠣꠘꠤ ꠖꠤꠟꠦ ꠁꠔꠣ ꠇꠛꠥꠟ ꠅꠁꠔ ꠘꠣꠄ।

ꠔꠃꠞꠣꠔ ৩: ꠟꠦꠛꠤꠀꠘ 22:27

“ꠎꠘꠝꠞ ꠛꠣꠖ ꠕꠣꠇꠤ ꠡꠣꠔ ꠖꠤꠘ ꠙꠞ꠆ꠎꠘ꠆ꠔ ꠉꠞꠥ ꠛꠣ ꠍꠣꠉꠟ ꠛꠣ ꠝꠦꠠꠣ-ꠛꠣꠁꠌ꠆ꠌꠣꠞꠦ ꠔꠣꠞ ꠝꠣʼꠞ ꠟꠉꠦ ꠞꠁꠔꠦ ꠖꠤꠛꠣꠄ। ꠀꠐ ꠘꠝ꠆ꠛꠞ ꠖꠤꠘ ꠕꠣꠇꠤ ꠁꠔꠣꠞꠦ ꠝꠣꠛꠥꠖꠞ ꠘꠣꠝꠦ ꠀꠉꠥꠘꠤꠔ ꠖꠦꠅꠀ ꠇꠥꠞꠛꠣꠘꠤ ꠢꠤꠡꠣꠛꠦ ꠖꠦꠅꠀ ꠎꠣꠁꠛ।

ꠔꠃꠞꠣꠔ ৩: ꠟꠦꠛꠤꠀꠘ 3:13

ꠢꠦ ꠅꠉꠥꠞ ꠇꠟ꠆ꠟꠣ ꠀꠔꠣꠁ ꠖꠤꠀ, ꠝꠤꠟꠘ-ꠔꠣꠝ꠆ꠛꠥꠞ ꠖꠥꠀꠞꠞ ꠍꠣꠝꠘꠦ ꠁꠐꠣꠞꠦ ꠎꠛ ꠇꠞꠛ, ꠛꠣꠖꠦ ꠢꠣꠞꠥꠘꠞ ꠙꠥꠀꠂꠘ꠆ꠔꠦ ꠅꠉꠥꠞ ꠟꠃ ꠘꠤꠀ ꠇꠥꠞꠛꠣꠘꠤ ꠈꠣꠘꠣꠞ ꠌꠣꠁꠞꠅ ꠉꠣꠟꠣꠔ ꠍꠤꠐꠣꠁ ꠖꠤꠛꠣ।

ꠔꠃꠞꠣꠔ ৩: ꠟꠦꠛꠤꠀꠘ 3:2

ꠇꠥꠞꠛꠣꠘꠤ ꠖꠦꠅꠞꠣꠄ ꠅꠃ ꠙꠡꠥꠞ ꠇꠟ꠆ꠟꠣ ꠀꠔꠣꠁꠀ ꠖꠤꠀ, ꠝꠤꠟꠘ-ꠔꠣꠝ꠆ꠛꠥꠞ ꠖꠥꠀꠞꠞ ꠍꠣꠝꠘꠦ ꠁꠐꠣꠞꠦ ꠎꠛ ꠇꠞꠛ। ꠛꠣꠖꠦ ꠁꠝꠣꠝ ꠢꠣꠞꠥꠘꠞ ꠙꠥꠀꠂꠘ꠆ꠔꠞ ꠝꠣꠎꠞ ꠁꠝꠣꠝ ꠅꠇꠟꠦ ꠅꠉꠥꠞ ꠟꠃ ꠘꠤꠀ ꠇꠥꠞꠛꠣꠘꠤ ꠈꠣꠘꠣꠞ ꠌꠣꠁꠞꠅ ꠉꠣꠟꠣꠔ ꠍꠤꠐꠣꠁ ꠖꠤꠛꠣ।

ꠔꠃꠞꠣꠔ ৩: ꠟꠦꠛꠤꠀꠘ 3:8

ꠇꠥꠞꠛꠣꠘꠤ ꠖꠦꠅꠞꠣꠄ ꠅꠃ ꠝꠦꠠꠣꠞ ꠇꠟ꠆ꠟꠣ ꠀꠔꠣꠁ ꠖꠤꠀ, ꠝꠤꠟꠘ-ꠔꠣꠝ꠆ꠛꠥꠞ ꠖꠥꠀꠞꠞ ꠍꠣꠝꠘꠦ ꠁꠐꠣꠞꠦ ꠎꠛ ꠇꠞꠛ। ꠛꠣꠖꠦ ꠁꠝꠣꠝ ꠢꠣꠞꠥꠘꠞ ꠙꠥꠀꠂꠘ꠆ꠔꠞ ꠝꠣꠎꠞ ꠁꠝꠣꠝ ꠅꠇꠟꠦ ꠅꠉꠥꠞ ꠟꠃ ꠘꠤꠀ ꠇꠥꠞꠛꠣꠘꠤ ꠈꠣꠘꠣꠞ ꠌꠣꠁꠞꠅ ꠉꠣꠟꠣꠔ ꠍꠤꠐꠣꠁ ꠖꠤꠛꠣ।

ꠔꠃꠞꠣꠔ ৩: ꠟꠦꠛꠤꠀꠘ 4:15

ꠅꠁꠀ ꠛꠘꠤ ꠁꠍꠞꠣꠁꠟꠞ ꠝꠥꠞꠛ꠆ꠛꠤ ꠅꠇꠟꠦ ꠅꠃ ꠛꠤꠍꠣꠟꠞ ꠇꠟ꠆ꠟꠣ ꠀꠔꠣꠁ ꠖꠤꠛꠣ, ꠀꠞ ꠁꠝꠣꠝꠦ ꠝꠣꠛꠥꠖꠞ ꠍꠣꠝꠘꠦ ꠅꠇꠐꠣ ꠎꠛ ꠇꠞꠛꠣ।

ꠔꠃꠞꠣꠔ ৩: ꠟꠦꠛꠤꠀꠘ 4:20

ꠙꠞꠗꠣꠘ ꠁꠝꠣꠝꠞ ꠉꠥꠘꠣꠞ ꠇꠚꠞꠣꠞ ꠟꠣꠉꠤ ꠛꠤꠍꠣꠟꠞꠦ ꠎꠦꠟꠣ ꠇꠥꠞꠛꠣꠘꠤ ꠖꠦꠅꠀ ꠅꠄ, ꠁꠝꠣꠝꠦ ꠅꠃ ꠛꠤꠍꠣꠟꠞꠦꠅ ꠅꠟꠣ ꠇꠥꠞꠛꠣꠘꠤ ꠇꠞꠛꠣ। ꠔꠣꠁꠘ ꠅꠃ ꠡꠝꠣꠎꠞ ꠉꠥꠘꠣꠞ ꠇꠚꠞꠣꠞ ꠇꠥꠞꠛꠣꠘꠤ ꠀꠖꠣꠄ ꠇꠞꠟꠦ, ꠔꠣꠞꠣꠞ ꠉꠥꠘꠣꠞ ꠝꠣꠚꠤ ꠝꠤꠟꠛ।

ꠔꠃꠞꠣꠔ ৩: ꠟꠦꠛꠤꠀꠘ 4:24

ꠀꠁꠀ ꠅꠃ ꠙꠣꠑꠣꠞ ꠇꠟ꠆ꠟꠣꠞ ꠃꠙꠞꠦ ꠀꠔꠣꠁ ꠖꠤꠀ, ꠎꠣꠟꠣꠁꠟ ꠇꠥꠞꠛꠣꠘꠤꠞ ꠙꠡꠥ ꠎꠛ ꠇꠞꠣꠞ ꠎꠣꠉꠣꠔ ꠘꠤꠀ ꠅꠉꠥꠞꠦ ꠝꠣꠛꠥꠖꠞ ꠍꠣꠝꠘꠦ ꠎꠛ ꠇꠞꠛꠣ। ꠁꠔꠣ ꠔ ꠔꠣꠘ ꠉꠥꠘꠣꠞ ꠇꠚꠞꠣꠞ ꠇꠥꠞꠛꠣꠘꠤ।

ꠔꠃꠞꠣꠔ ৩: ꠟꠦꠛꠤꠀꠘ 4:26

ꠀꠞ ꠍꠣꠟꠣꠝꠔꠤ ꠇꠥꠞꠛꠣꠘꠤꠞ ꠙꠡꠥꠞ ꠌꠞ꠆ꠛꠤꠞ ꠟꠣꠈꠣꠘ ꠅꠉꠥꠞ ꠢꠇꠟ ꠌꠞ꠆ꠛꠤꠞꠦ ꠇꠥꠞꠛꠣꠘꠤ ꠈꠣꠘꠣꠞ ꠃꠙꠞꠦ ꠎꠣꠟꠣꠁꠟꠤꠛꠣ। ꠅꠃ ꠟꠣꠈꠣꠘ ꠁꠝꠣꠝꠦ ꠢꠃ ꠡꠞ꠆ꠖꠣꠞꠞ ꠉꠥꠘꠣꠞ ꠝꠣꠚꠤꠞ ꠟꠣꠉꠤ ꠇꠚꠞꠣ ꠀꠖꠣꠄ ꠇꠞꠟꠦ, ꠔꠣꠁꠘ ꠝꠣꠚꠤ ꠙꠣꠁꠛꠣ।

ꠔꠃꠞꠣꠔ ৩: ꠟꠦꠛꠤꠀꠘ 4:29

ꠀꠁꠀ ꠅꠃ ꠍꠣꠉꠤꠞ ꠇꠟ꠆ꠟꠣꠞ ꠃꠙꠞꠦ ꠀꠔꠣꠁ ꠖꠤꠀ, ꠎꠣꠟꠣꠁꠟ ꠇꠥꠞꠛꠣꠘꠤꠞ ꠎꠛꠞ ꠎꠣꠉꠣꠔ ꠘꠤꠀ ꠅꠉꠥꠞꠦ ꠎꠛ ꠇꠞꠛ।

ꠔꠃꠞꠣꠔ ৩: ꠟꠦꠛꠤꠀꠘ 4:31

ꠀꠞ ꠍꠣꠟꠣꠝꠔꠤ ꠇꠥꠞꠛꠣꠘꠤꠞ ꠝꠦꠠꠣꠞ ꠌꠞ꠆ꠛꠤꠞ ꠟꠣꠈꠣꠘ ꠅꠉꠥꠞ ꠢꠇꠟ ꠌꠞ꠆ꠛꠤ ꠛꠣꠞ ꠇꠞꠤꠀ ꠇꠥꠞꠛꠣꠘꠤ ꠈꠣꠘꠣꠞ ꠃꠙꠞꠦ ꠎꠣꠟꠣꠁꠟꠤꠛꠣ। ꠁꠔꠣꠞ ꠗꠥꠝꠣꠞ ꠊꠦꠞꠣꠘꠦ ꠝꠣꠛꠥꠖ ꠈꠥꠡꠤ ꠅꠁꠘ। ꠅꠃ ꠘꠝꠥꠘꠣꠄ ꠁꠝꠣꠝꠦ ꠢꠃ ꠎꠘꠞ ꠉꠥꠘꠣꠞ ꠇꠚꠞꠣ ꠀꠖꠣꠄ ꠇꠞꠟꠦ, ꠔꠣꠞ ꠝꠣꠚꠤ ꠝꠤꠟꠛ।

ꠔꠃꠞꠣꠔ ৩: ꠟꠦꠛꠤꠀꠘ 4:33

ꠢꠦ ꠅꠉꠥꠞ ꠇꠟ꠆ꠟꠣꠞ ꠃꠙꠞꠦ ꠀꠔꠣꠁ ꠖꠤꠀ, ꠎꠣꠟꠣꠁꠟ ꠇꠥꠞꠛꠣꠘꠤꠞ ꠙꠡꠥꠞ ꠎꠛꠞ ꠎꠣꠉꠣꠔ ꠘꠤꠀ, ꠉꠥꠘꠣꠞ ꠇꠚꠞꠣꠞ ꠇꠥꠞꠛꠣꠘꠤꠞ ꠘꠤꠅꠔꠦ ꠅꠉꠥꠞꠦ ꠎꠛ ꠇꠞꠛ।

ꠔꠃꠞꠣꠔ ৩: ꠟꠦꠛꠤꠀꠘ 4:35

ꠀꠞ ꠍꠣꠟꠣꠝꠔꠤ ꠇꠥꠞꠛꠣꠘꠤꠞ ꠝꠦꠠꠣꠞ ꠌꠞ꠆ꠛꠤ ꠎꠦꠟꠣ ꠛꠣꠞ ꠇꠞꠂꠘ, ꠅꠉꠥꠞ ꠢꠇꠟ ꠌꠞ꠆ꠛꠤꠞꠦꠅ ꠅꠟꠣ ꠛꠣꠞ ꠇꠞꠛꠣ। ꠛꠣꠞ ꠇꠞꠤꠀ ꠇꠥꠞꠛꠣꠘꠤ ꠈꠣꠘꠣꠔ ꠇꠥꠞꠛꠣꠘꠤ ꠖꠦꠅꠀ ꠢꠇꠟꠔꠣꠞ ꠃꠙꠞꠦ ꠕꠁꠀ ꠅꠃ ꠌꠞ꠆ꠛꠤꠞꠦꠅ ꠎꠣꠟꠣꠁꠟꠤꠛꠣ, ꠅꠃ ꠘꠝꠥꠘꠣꠄ ꠁꠝꠣꠝꠦ ꠢꠃ ꠎꠘꠞ ꠉꠥꠘꠣꠞ ꠇꠚꠞꠣ ꠀꠖꠣꠄ ꠇꠞꠤꠀ ꠢꠣꠞꠟꠦ, ꠢꠦ ꠝꠣꠚꠤ ꠙꠣꠁꠛ।

ꠔꠃꠞꠣꠔ ৩: ꠟꠦꠛꠤꠀꠘ 4:4

ꠅꠃ ꠛꠤꠍꠣꠟ ꠟꠁꠀ ꠔꠣꠁꠘ ꠝꠤꠟꠘ-ꠔꠣꠝ꠆ꠛꠥꠞ ꠖꠥꠀꠞꠞ ꠉꠦꠍꠦ ꠝꠣꠛꠥꠖꠞ ꠍꠣꠝꠘꠦ ꠀꠁꠛꠣ, ꠀꠁꠀ ꠅꠉꠥꠞ ꠇꠟ꠆ꠟꠣ ꠀꠔꠣꠁ ꠖꠤꠀ, ꠝꠣꠛꠥꠖꠞ ꠍꠣꠝꠘꠦ ꠎꠛ ꠇꠞꠛꠣ।

ꠔꠃꠞꠣꠔ ৩: ꠟꠦꠛꠤꠀꠘ 5:6

ꠀꠞ ꠅꠃ ꠉꠥꠘꠣꠞ ꠎꠞꠤꠝꠣꠘꠣ ꠢꠤꠡꠣꠛꠦ ꠢꠦ ꠝꠣꠛꠥꠖꠞ ꠘꠣꠝꠦ, ꠉꠥꠘꠣꠞ ꠇꠚꠞꠣꠞ ꠇꠥꠞꠛꠣꠘꠤꠞ ꠘꠤꠅꠔꠦ ꠄꠇꠐꠣ ꠝꠦꠠꠤ ꠛꠣ ꠍꠣꠉꠤ ꠀꠘꠛ, ꠀꠞ ꠁꠝꠣꠝꠦ ꠔꠣꠞ ꠉꠥꠘꠣꠞ ꠇꠚꠞꠣ ꠀꠖꠣꠄ ꠇꠞꠛꠣ।

ꠔꠃꠞꠣꠔ ৩: ꠟꠦꠛꠤꠀꠘ 6:7

ꠁꠝꠣꠝꠦ ꠝꠣꠛꠥꠖꠞ ꠖꠞꠛꠣꠞꠅ ꠔꠣꠞ ꠉꠥꠘꠣꠞ ꠇꠚꠞꠣ ꠀꠖꠣꠄ ꠇꠞꠛꠣ। ꠢꠦ ꠅꠔꠣꠞ ꠝꠣꠎꠞ ꠎꠦꠇꠥꠘꠥ ꠉꠥꠘꠣ ꠇꠞꠟꠦ, ꠅꠃ ꠘꠝꠥꠘꠣꠄ ꠔꠣꠞ ꠉꠥꠘꠣꠞ ꠝꠣꠚꠤ ꠙꠣꠁꠛ।”

ꠔꠃꠞꠣꠔ ৩: ꠟꠦꠛꠤꠀꠘ 8:14

ꠄꠞꠛꠣꠖꠦ ꠔꠣꠁꠘ ꠉꠥꠘꠣꠞ ꠇꠚꠞꠣꠞ ꠇꠥꠞꠛꠣꠘꠤꠞ ꠛꠤꠍꠣꠟ ꠀꠘꠟꠣ, ꠀꠘꠟꠦ ꠢꠣꠞꠥꠘ ꠀꠞ ꠔꠣꠘ ꠙꠥꠀꠂꠘ꠆ꠔꠦ ꠛꠤꠍꠣꠟꠞ ꠇꠟ꠆ꠟꠣ ꠀꠔꠣꠁ ꠖꠤꠟꠣ।

ꠔꠃꠞꠣꠔ ৩: ꠟꠦꠛꠤꠀꠘ 8:18

ꠛꠣꠖꠦ ꠔꠣꠁꠘ ꠎꠣꠟꠣꠁꠟ ꠇꠥꠞꠛꠣꠘꠤꠞ ꠝꠦꠠꠣꠞ ꠙꠣꠑꠣꠞꠦ ꠀꠘꠟꠣ। ꠀꠘꠟꠦ ꠢꠣꠞꠥꠘ ꠀꠞ ꠔꠣꠘ ꠙꠥꠀꠂꠘ꠆ꠔꠦ ꠅꠉꠥꠞ ꠇꠟ꠆ꠟꠣ ꠀꠔꠣꠁ ꠖꠤꠟꠣ।

ꠔꠃꠞꠣꠔ ৩: ꠟꠦꠛꠤꠀꠘ 8:22

ꠛꠣꠖꠦ ꠔꠣꠁꠘ ꠁꠝꠣꠝꠔꠤ ꠇꠣꠝꠅ ꠛꠅꠀꠁꠟꠞ ꠘꠤꠅꠔꠦ, ꠖꠥꠍꠞꠣ ꠝꠦꠠꠣꠞꠦ ꠀꠘꠤꠀ ꠢꠣꠞꠟꠦ ꠢꠣꠞꠥꠘ ꠀꠞ ꠔꠣꠘ ꠙꠥꠀꠂꠘ꠆ꠔꠦ ꠝꠦꠠꠣꠞ ꠇꠟ꠆ꠟꠣ ꠀꠔꠣꠁ ꠖꠤꠟꠣ।

ꠔꠃꠞꠣꠔ ৩: ꠟꠦꠛꠤꠀꠘ 9:7

ꠛꠣꠖꠦ ꠔꠣꠁꠘ ꠁꠝꠣꠝ ꠢꠣꠞꠥꠘꠞꠦ ꠇꠁꠟꠣ, “ꠔꠥꠝꠤ ꠉꠤꠀ ꠇꠥꠞꠛꠣꠘꠤ ꠈꠣꠘꠣꠞ ꠇꠣꠘ꠆ꠖꠣꠔ ꠎꠣꠅ, ꠉꠤꠀ ꠔꠥꠝꠣꠞ ꠘꠤꠎꠞ ꠀꠞ ꠝꠣꠘꠡꠞ ꠉꠥꠘꠣꠞ ꠇꠚꠞꠣꠞ ꠟꠣꠉꠤ, ꠎꠣꠟꠣꠁꠟ ꠇꠥꠞꠛꠣꠘꠤ ꠀꠞ ꠉꠥꠘꠣꠞ ꠇꠚꠞꠣꠞ ꠇꠥꠞꠛꠣꠘꠤ ꠀꠖꠣꠄ ꠇꠞꠅ। ꠀꠞ ꠝꠣꠘꠡꠞ ꠀꠘꠣ ꠇꠥꠞꠛꠣꠘꠤꠅ ꠀꠖꠣꠄ ꠇꠞꠅ, ꠝꠣꠛꠥꠖꠦ ꠀꠝꠣꠞꠦ ꠅꠟꠣ ꠢꠥꠇꠥꠝ ꠖꠤꠍꠂꠘ।”

ꠔꠃꠞꠣꠔ ৪: ꠡꠥꠝꠣꠞꠤ 15:25

ꠁꠝꠣꠝ ꠍꠣꠛꠦ ꠀꠡ꠆ꠔꠣ ꠛꠘꠤ ꠁꠍꠞꠣꠁꠟ ꠡꠝꠣꠎꠞ ꠅꠃ ꠅꠎꠣꠘꠣ ꠉꠥꠘꠣꠞ ꠇꠚꠞꠣ ꠀꠖꠣꠄ ꠇꠞꠛꠣ, ꠔꠦꠃ ꠔꠣꠞꠣ ꠝꠣꠚꠤ ꠙꠣꠁꠛꠣ। ꠔꠣꠞꠣ ꠔ ꠁꠌ꠆ꠍꠣ ꠇꠞꠤꠀ ꠁ ꠘꠣꠚꠞꠝꠣꠘꠤ ꠇꠞꠍꠦ ꠘꠣ, ꠔꠣꠞꠣꠞ ꠜꠥꠟꠞ ꠟꠣꠉꠤ ꠝꠣꠛꠥꠖꠞ ꠘꠣꠝꠦ ꠀꠉꠥꠘꠤꠔ ꠖꠦꠅꠀ ꠇꠥꠞꠛꠣꠘꠤ ꠀꠞ ꠉꠥꠘꠣꠞ ꠇꠚꠞꠣꠞ ꠇꠥꠞꠛꠣꠘꠤꠅ ꠀꠖꠣꠄ ꠇꠞꠍꠦ।

ꠔꠃꠞꠣꠔ ৪: ꠡꠥꠝꠣꠞꠤ 15:28

ꠀꠞ ꠎꠦ ꠎꠘꠦ ꠝꠘꠞ ꠅꠎꠣꠘ꠆ꠔꠦ ꠅꠃ ꠉꠥꠘꠣ ꠇꠞꠍꠦ, ꠁꠝꠣꠝ ꠍꠣꠛꠦ ꠝꠣꠛꠥꠖꠞ ꠖꠞꠛꠣꠞꠅ ꠔꠣꠞ ꠉꠥꠘꠣꠞ ꠇꠚꠞꠣꠞ ꠛꠦꠛꠡ꠆ꠔꠣ ꠇꠞꠛꠣ। ꠅꠃ ꠇꠥꠞꠛꠣꠘꠤ ꠇꠛꠥꠟ ꠅꠁꠟꠦ ꠢꠦ ꠝꠣꠚꠤ ꠙꠣꠁꠛ।

ꠔꠃꠞꠣꠔ ৪: ꠡꠥꠝꠣꠞꠤ 25:13

ꠢꠦ ꠔꠣꠞ ꠀꠟ꠆ꠟꠣꠞ ꠙꠣꠅꠘꠣ ꠁꠎ꠆ꠎꠔꠞ ꠛꠦꠙꠣꠞꠦ ꠈꠤꠀꠟꠤ ꠅꠁꠀ ꠘꠤꠎꠞ ꠁꠌ꠆ꠍꠣꠄ ꠛꠘꠤ ꠁꠍꠞꠣꠁꠟꠞ ꠉꠥꠘꠣꠞ ꠇꠚꠞꠣ ꠀꠖꠣꠄ ꠇꠞꠣꠄ, ꠀꠝꠤꠅ ꠔꠣꠞ ꠟꠣꠉꠤ ꠅꠃ ꠡꠣꠘ꠆ꠔꠤ-ꠌꠥꠇ꠆ꠔꠤ ꠛꠅꠀꠁꠟ ꠇꠞꠍꠤ। ꠄꠞꠟꠣꠉꠤ ꠁꠝꠣꠝꠔꠤꠞ ꠙꠖ ꠢꠦ ꠀꠞ ꠔꠣꠞ ꠀꠅꠟꠣꠖꠞ ꠝꠣꠎꠦ ꠌꠤꠞꠇꠣꠟ ꠎꠣꠞꠤ ꠞꠁꠛ।”

ꠔꠃꠞꠣꠔ ৪: ꠡꠥꠝꠣꠞꠤ 8:10

ꠟꠦꠛꠤ ꠅꠇꠟꠞꠦ ꠔꠥꠝꠤ ꠝꠣꠛꠥꠖꠞ ꠖꠞꠛꠣꠞꠅ ꠀꠎꠤꠞ ꠇꠞꠛꠣꠄ ꠀꠞ ꠢꠇꠟ ꠛꠘꠤ ꠁꠍꠞꠣꠁꠟꠦ ꠔꠣꠞꠣꠞꠦ ꠀꠔꠣꠁꠀ ꠡꠙꠤꠀ ꠖꠤꠛꠣ।

ꠔꠃꠞꠣꠔ ৪: ꠡꠥꠝꠣꠞꠤ 8:12

ꠛꠣꠖꠦ ꠟꠦꠛꠤ ꠅꠇꠟꠦ ꠢꠃ ꠖꠥꠁꠅ ꠛꠤꠍꠣꠟꠞ ꠇꠟ꠆ꠟꠣꠞ ꠃꠙꠞꠦ ꠀꠔꠣꠁ ꠖꠤꠛꠣ, ꠖꠤꠟꠦ ꠔꠥꠝꠤ ꠄꠞ ꠄꠇꠐꠣ ꠖꠤꠀ ꠉꠥꠘꠣꠞ ꠇꠚꠞꠣꠞ ꠇꠥꠞꠛꠣꠘꠤ ꠀꠞ ꠖꠥꠍꠞꠣꠐꠣ ꠖꠤꠀ ꠎꠣꠟꠣꠁꠟ ꠇꠥꠞꠛꠣꠘꠤ ꠀꠖꠣꠄ ꠇꠞꠤꠅ। ꠅꠟꠣꠈꠣꠘ ꠟꠦꠛꠤ ꠅꠇꠟꠞ ꠘꠣꠙꠣꠇꠤꠞ ꠇꠚꠞꠣ ꠀꠖꠣꠄ ꠅꠁꠛ।

Injil 6: Ruman 12:1

ꠄꠞꠟꠣꠉꠤ ꠅ ꠜꠣꠁ ꠅꠇꠟ, ꠀꠟ꠆ꠟꠣꠄ ꠔꠥꠝꠞꠣꠞꠦ ꠅꠟꠣ ꠝꠦꠢꠦꠞꠛꠣꠘꠤ ꠇꠞꠣꠄ, ꠀꠝꠤ ꠔꠥꠝꠞꠣꠞꠦ ꠈꠣꠍ ꠝꠤꠘꠔꠤ ꠇꠞꠤꠀꠞ, ꠔꠥꠝꠞꠣ ꠎꠣꠞꠎꠤꠞ ꠡꠞꠤꠟꠞꠦ ꠀꠟ꠆ꠟꠣꠞ ꠀꠔꠅ ꠡꠙꠤ ꠖꠦꠅ, ꠁꠟꠣ ꠎꠤꠘ꠆ꠖꠣ ꠙꠛꠤꠔ꠆ꠞ ꠇꠥꠞꠛꠣꠘꠤ ꠀꠟ꠆ꠟꠣꠞ ꠖꠞꠛꠣꠞꠅ ꠇꠛꠥꠟ ꠅꠄ, ꠅꠇꠐꠣꠃ ꠅꠁꠛ ꠔꠥꠝꠞꠣꠞ ꠍꠢꠤ-ꠡꠥꠖ꠆ꠖ ꠄꠛꠣꠖꠔ।

Injil 6: Ruman 3:25

ꠎꠦꠞꠣ ꠔꠣꠘ ꠃꠙꠞꠦ ꠁꠝꠣꠘ ꠀꠘꠦ, ꠀꠟ-ꠝꠍꠤꠄ ꠔꠣꠞꠣꠞ ꠟꠣꠉꠤ ꠘꠤꠎꠞ ꠟꠃꠞꠦ ꠇꠚꠞꠣꠞ ꠇꠥꠞꠛꠣꠘꠤ ꠖꠤꠀ ꠀꠟ꠆ꠟꠣ ꠙꠣꠇꠞꠦ ꠈꠥꠡꠤ ꠇꠞꠍꠂꠘ। ꠅꠃ ꠘꠝꠥꠘꠣꠄ ꠀꠟ꠆ꠟꠣꠄ ꠖꠦꠈꠣꠁꠍꠂꠘ, ꠎꠥꠖꠤꠅ ꠔꠣꠘ ꠘꠤꠎꠞ ꠍꠛꠞꠉꠣꠞꠤꠞ ꠟꠣꠉꠤ ꠝꠣꠘꠡꠞ ꠙꠥꠞꠣꠘꠣ ꠉꠥꠘꠣꠞ ꠡꠣꠎꠣ ꠖꠤꠔꠦ ꠖꠦꠞꠤ ꠇꠞꠞꠣ, ꠔꠦꠛꠃ ꠔꠣꠁꠘ ꠢꠇ-ꠁꠘꠍꠣꠚꠇꠣꠞꠤ।

Injil 6: Ruman 5:11

ꠈꠣꠟꠤ ꠁꠈꠣꠘ ꠘꠣꠄ, ꠎꠣꠞ ꠃꠍꠤꠟ꠆ꠟꠣꠄ ꠅꠃ ꠝꠤꠟꠘ ꠅꠁꠍꠦ, ꠀꠝꠞꠣꠞ ꠝꠣꠟꠤꠇ ꠅꠃ ꠁꠍꠣ ꠀꠟ-ꠝꠍꠤꠞ ꠝꠣꠎꠖꠤ ꠅꠈꠘ ꠀꠟ꠆ꠟꠣꠞ ꠘꠣꠝꠦ ꠈꠥꠡꠤ-ꠛꠣꠡꠤꠅ ꠇꠞꠞꠣꠝ।

Injil 11: Filifia 4:18

ꠀꠝꠣꠞ ꠢꠇꠟ ꠙꠣꠅꠘꠣꠃ ꠀꠝꠤ ꠙꠣꠁꠟꠤꠍꠤ। ꠀꠍꠟꠦ ꠀꠝꠣꠞ ꠎꠔꠈꠣꠘ ꠎꠞꠥꠞ, ꠄꠞ ꠌꠣꠁꠔꠦꠅ ꠛꠦꠡꠤ ꠀꠍꠦ। ꠃꠍꠣꠁꠖ ꠜꠣꠁꠞ ꠀꠔ ꠕꠣꠇꠤ ꠔꠥꠝꠞꠣꠞ ꠃꠙꠢꠣꠞ ꠙꠣꠁꠀ ꠅꠈꠘ ꠀꠝꠣꠞ ꠛꠃꠔ ꠅꠁꠍꠦ। ꠅꠃ ꠃꠙꠢꠣꠞ ꠔ ꠀꠟ꠆ꠟꠣꠁ ꠈꠥꠡꠛꠄ ꠀꠟꠣ, ꠀꠟ꠆ꠟꠣꠞ ꠖꠞꠛꠣꠞꠅ ꠇꠛꠥꠟ ꠅꠀꠞ ꠎꠥꠇꠣ ꠇꠥꠞꠛꠣꠘꠤ। ꠀꠟ꠆ꠟꠣ ꠙꠣꠇ ꠁꠔꠣꠄ ꠈꠥꠡꠤ ꠅꠁꠘ।

Injil 19: Ibrani 10:4

ꠝꠥꠟꠔ, ꠍꠣꠉꠟ ꠛꠣ ꠛꠤꠍꠣꠟꠞ ꠟꠃꠄ ꠝꠣꠘꠡꠞ ꠉꠥꠘꠣꠞꠦ ꠇꠥꠘꠥ ꠟꠣꠈꠣꠘꠃ ꠍꠣꠚ ꠇꠞꠔ ꠙꠣꠞꠦ ꠘꠣ।

Injil 23: 1-Hannan 2:2

ꠎꠣꠘ ꠘꠤ ꠔꠣꠁꠘ ꠇꠤꠔꠣ ꠇꠞꠍꠂꠘ? ꠀꠝꠞꠣꠞ ꠉꠥꠘꠣꠞ ꠇꠚꠞꠣ ꠢꠤꠡꠣꠛꠦ ꠔꠣꠘ ꠘꠤꠎꠞ ꠎꠣꠘ ꠇꠥꠞꠛꠣꠘꠤ ꠖꠤꠍꠂꠘ। ꠈꠣꠟꠤ ꠀꠝꠞꠣꠞ ꠘꠣꠄ, ꠛꠞꠋ ꠖꠥꠘꠤꠀꠞ ꠢꠇꠟ ꠝꠣꠘꠡꠞ ꠉꠥꠘꠣꠞ ꠇꠚꠞꠣꠞ ꠟꠣꠉꠤ ꠖꠤꠍꠂꠘ।