ꠔꠃꠞꠣꠔ ৩: ꠟꠦꠛꠤꠀꠘ 1:3 - Siloṭi Asmani Kitab (Nagri lipi)

³ “ꠇꠥꠞꠛꠣꠘꠤ ꠖꠦꠅꠞꠣꠄ ꠎꠥꠖꠤ ꠉꠞꠥꠞ ꠙꠣꠟ ꠕꠣꠇꠤ ꠎꠣꠟꠣꠁꠟ ꠇꠥꠞꠛꠣꠘꠤ ꠀꠖꠣꠄ ꠇꠞꠔ ꠌꠣꠄ, ꠔꠦ ꠙꠥꠞꠣꠙꠥꠞ ꠘꠤꠈꠥꠔ ꠄꠉꠥ ꠛꠤꠍꠣꠟ ꠀꠘꠔꠦ ꠅꠁꠛ। ꠀꠘꠤꠀ ꠝꠣꠛꠥꠖꠞꠦ ꠈꠥꠡꠤ ꠇꠞꠣꠞ ꠘꠤꠅꠔꠦ ꠅꠃ ꠛꠤꠍꠣꠟꠞꠦ ꠝꠤꠟꠘ-ꠔꠣꠝ꠆ꠛꠥꠞ ꠖꠥꠀꠞꠞ ꠉꠦꠍꠦ ꠟꠁꠀ ꠀꠁꠛ।

ছিলটি আছমানি কিতাব (বাংলা লিপি)

³ “কুরবানি দেওরায় যুদি গরুর পাল থাকি জালাইল কুরবানি আদায় করতো চায়, তে পুরাপুর নিখুত এগু বিছাল আনতে অইবো। আনিয়া মাবুদরে খুশি করার নিয়তে অউ বিছালরে মিলন-তাম্বুর দুয়ারর গেছে লইয়া আইবো।

Siloṭi Asmani Kitab (Latin lipi)

³ “Kurbani deorae zudi gorur fal taki zalail kurbani adae ḳorto sae, te furafur nikut egu bisal ante oibo. Ania Mabudre kushi korar niote ou bisalre Milon-tambur duaror gese loia aibo.

ꠔꠃꠞꠣꠔ ৩: ꠟꠦꠛꠤꠀꠘ 1:3 Iomraidhean Croise

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 22:13

ꠁꠛ꠆ꠞꠣꠢꠤꠝꠦ ꠌꠃꠈ ꠔꠥꠟꠤ ꠌꠣꠁꠀ ꠖꠦꠈꠂꠘ, ꠔꠣꠘ ꠈꠞꠦ ꠄꠇꠐꠣ ꠖꠥꠝ꠆ꠛꠣ ꠀꠞ ꠔꠣꠞ ꠢꠤꠋ ꠎꠋꠉꠟꠞ ꠝꠣꠎꠦ ꠀꠐꠇꠤ ꠞꠁꠍꠦ। ꠅꠃ ꠔꠣꠁꠘ ꠉꠤꠀ ꠖꠥꠝ꠆ꠛꠣꠐꠣ ꠀꠘꠤꠀ, ꠘꠤꠎꠞ ꠙꠥꠀꠞ ꠛꠖꠟꠣ ꠎꠣꠟꠣꠁꠟ ꠇꠥꠞꠛꠣꠘꠤ ꠖꠤꠟꠣ।

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 22:2

ꠝꠣꠛꠥꠖꠦ ꠚꠞꠝꠣꠁꠟꠣ, “ꠔꠥꠝꠣꠞ ꠙꠥꠀꠞꠦ, ꠎꠣꠞꠦ ꠔꠥꠝꠤ ꠅꠔ ꠝꠢꠛ꠆ꠛꠔ ꠇꠞꠅ, ꠢꠃ ꠈꠣꠍ ꠝꠣꠄꠀꠞ ꠙꠥꠔ ꠁꠍꠢꠣꠇꠞꠦ ꠟꠁꠀ ꠔꠥꠝꠤ ꠝꠥꠞꠤꠀ ꠄꠟꠣꠇꠣꠔ ꠎꠣꠅ। ꠢꠈꠣꠘꠅ ꠎꠦ ꠙꠣꠠꠞ ꠇꠕꠣ ꠀꠝꠤ ꠔꠥꠝꠣꠞꠦ ꠇꠁꠝꠥ, ꠄꠞ ꠃꠙꠞꠦ ꠔꠣꠞꠦ ꠘꠤꠀ ꠎꠣꠟꠣꠁꠟ ꠇꠥꠞꠛꠣꠘꠤ ꠖꠦꠅ।”

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 22:8

ꠔꠣꠁꠘ ꠎꠥꠀꠙ ꠖꠤꠟꠣ, “ꠛꠣꠛꠣꠞꠦ, ꠇꠥꠞꠛꠣꠘꠤꠞ ꠟꠣꠉꠤ ꠀꠟ꠆ꠟꠣꠄ ꠘꠤꠎꠦꠃ ꠝꠦꠠꠣ-ꠛꠣꠁꠌ꠆ꠌꠣ ꠎꠥꠉꠣꠁꠛꠣ।” ꠅꠔꠣ ꠝꠣꠔꠔꠦ ꠝꠣꠔꠔꠦ ꠔꠣꠞꠣ ꠀꠉꠥꠀꠁ ꠉꠦꠟꠣ।

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 8:20

ꠛꠣꠖꠦ ꠘꠥꠢꠦ ꠝꠣꠛꠥꠖꠞ ꠘꠣꠝꠦ ꠄꠇꠈꠣꠘ ꠇꠥꠞꠛꠣꠘꠤ ꠈꠣꠘꠣ ꠛꠣꠘꠣꠁꠟꠣ, ꠀꠞ ꠙꠞꠔꠦꠇ ꠎꠣꠔꠞ ꠢꠣꠟꠣꠟ ꠙꠡꠥ-ꠙꠣꠈꠤ ꠕꠣꠇꠤ ꠄꠇ ꠄꠇꠐꠣ ꠟꠁꠀ ꠎꠛ ꠇꠞꠤꠀ, ꠎꠣꠟꠣꠁꠀ ꠇꠥꠞꠛꠣꠘꠤ ꠖꠤꠟꠣ।

ꠎꠛꠥꠞ ꠡꠞꠤꠚ 40:8

ꠅꠉ ꠀꠝꠣꠞ ꠀꠟ꠆ꠟꠣ, ꠀꠝꠤ ꠈꠥꠡꠤ ꠔꠥꠝꠣꠞ ꠝꠞ꠆ꠎꠤ ꠙꠥꠞꠘꠦ, ꠢꠇ꠆ꠇꠟ ꠢꠥꠇꠥꠝ ꠉꠣꠕꠣ ꠀꠝꠣꠞ ꠖꠤꠟꠞ ꠜꠤꠔꠞꠦ।

ꠔꠃꠞꠣꠔ ২: ꠢꠤꠎꠞꠔ 12:5

ꠁ ꠛꠣꠁꠌ꠆ꠌꠣ ꠅꠁꠛ ꠘꠤꠈꠥꠔ, ꠄꠇ ꠛꠞꠍ ꠛꠄꠅꠡꠞ ꠙꠣꠑꠣ ꠛꠣꠁꠌ꠆ꠌꠣ ꠅꠁꠔꠦ ꠅꠁꠛ; ꠔꠥꠝꠞꠣ ꠝꠦꠠꠣ ꠛꠣ ꠍꠣꠉꠟꠞ ꠛꠣꠁꠌ꠆ꠌꠣ ꠘꠤꠔꠣꠄ ꠙꠣꠞꠛꠣꠄ।

ꠔꠃꠞꠣꠔ ২: ꠢꠤꠎꠞꠔ 24:5

ꠛꠣꠖꠦ ꠔꠣꠁꠘ ꠛꠘꠤ ꠁꠍꠞꠣꠁꠟꠞ ꠎꠥꠀꠘ ꠅꠇꠟꠞꠦ ꠙꠣꠑꠣꠁꠟꠣ ꠀꠞ ꠔꠣꠞꠣ ꠝꠣꠛꠥꠖꠞ ꠘꠣꠝꠦ ꠛꠃꠔ ꠎꠣꠟꠣꠁꠟ ꠇꠥꠞꠛꠣꠘꠤ ꠖꠤꠟꠣ, ꠀꠞ ꠛꠃꠔ ꠛꠤꠍꠣꠟ ꠎꠛ ꠇꠞꠤꠀ ꠍꠣꠟꠣꠝꠔꠤ ꠇꠥꠞꠛꠣꠘꠤꠅ ꠖꠤꠟꠣ।

ꠔꠃꠞꠣꠔ ২: ꠢꠤꠎꠞꠔ 29:18

ꠢꠦꠡꠦ ꠁ ꠀꠡ꠆ꠔꠣꠉꠥ ꠇꠥꠞꠛꠣꠘꠤ ꠈꠣꠘꠣꠞ ꠃꠙꠞꠦ ꠘꠤꠀ ꠎꠣꠟꠣꠁꠟꠤꠅ। ꠁꠔꠣ ꠅꠁꠟ ꠝꠣꠛꠥꠖꠞ ꠘꠣꠝꠦ ꠎꠣꠟꠣꠁꠟ ꠇꠥꠞꠛꠣꠘꠤ, ꠝꠣꠛꠥꠖꠞ ꠘꠤꠅꠔꠦ ꠀꠉꠥꠘꠤꠔ ꠖꠦꠅꠀ ꠊꠦꠞꠣꠘ ꠀꠟꠣ ꠍꠖꠉꠣ।

ꠔꠃꠞꠣꠔ ২: ꠢꠤꠎꠞꠔ 29:4

ꠛꠣꠖꠦ ꠢꠣꠞꠥꠘ ꠀꠞ ꠔꠣꠞ ꠙꠥꠀꠂꠘ꠆ꠔꠞꠦ ꠝꠤꠟꠘ-ꠔꠣꠝ꠆ꠛꠥꠞ ꠖꠥꠀꠞꠞ ꠇꠣꠍꠣꠔ ꠀꠘꠤꠀ, ꠙꠣꠘꠤꠖꠤ ꠘꠣꠅꠀꠁ ꠖꠤꠅ।

ꠔꠃꠞꠣꠔ ২: ꠢꠤꠎꠞꠔ 29:42

“ꠅꠀꠞꠤꠡꠞ ꠙꠞ ꠅꠀꠞꠤꠡ ꠗꠞꠤ ꠝꠤꠟꠘ-ꠔꠣꠝ꠆ꠛꠥꠞ ꠖꠥꠀꠞꠞ ꠉꠦꠍꠦ, ꠝꠣꠘꠤ ꠀꠝꠣꠞ ꠍꠣꠝꠘꠦ ꠙꠞꠔꠦꠇ ꠖꠤꠘ ꠁ ꠎꠣꠟꠣꠁꠟ ꠇꠥꠞꠛꠣꠘꠤ ꠖꠤꠔꠦ ꠅꠁꠛ। ꠢꠘꠅ ꠀꠝꠤ ꠔꠥꠝꠞꠣꠞꠦ ꠖꠤꠖꠣꠞ ꠖꠤꠝꠥ, ꠔꠥꠝꠣꠞ ꠟꠉꠦ ꠛꠣꠔꠌꠤꠔ ꠇꠞꠝꠥ।

ꠔꠃꠞꠣꠔ ২: ꠢꠤꠎꠞꠔ 32:6

ꠔꠦꠃ ꠛꠣꠖꠞ ꠖꠤꠘ ꠈꠥꠛ ꠍꠛꠞꠦ ꠃꠑꠤꠀ ꠝꠣꠘꠡꠦ ꠖꠦꠛꠔꠣꠞ ꠍꠣꠝꠘꠦ ꠀꠁꠀ ꠝꠋꠉꠟ ꠛꠟꠤ ꠀꠞ ꠙꠡꠥ ꠎꠣꠟꠣꠁꠀ ꠛꠟꠤ ꠖꠤꠟꠣ। ꠛꠣꠖꠦ ꠔꠣꠞꠣ ꠈꠣꠅꠀ-ꠖꠣꠅꠀ ꠇꠞꠤꠀ ꠢꠣꠞꠤ, ꠢꠂ-ꠢꠥꠟ꠆ꠟꠣ ꠇꠞꠤ ꠘꠣꠌ-ꠉꠣꠘ, ꠚꠥꠞ꠆ꠔꠤ-ꠀꠝꠥꠖ ꠇꠞꠣꠔ ꠟꠣꠉꠟꠣ।

ꠔꠃꠞꠣꠔ ২: ꠢꠤꠎꠞꠔ 35:21

ꠉꠤꠀ ꠔꠣꠞꠣꠞ ꠖꠤꠟꠞ ꠄꠡꠇꠤ ꠝꠣꠚꠤꠇ ꠎꠣꠞꠎꠤꠞ ꠁꠌ꠆ꠍꠣꠄ ꠀꠟ꠆ꠟꠣꠞ ꠝꠤꠟꠘ-ꠔꠣꠝ꠆ꠛꠥ ꠛꠣꠘꠣꠘꠤꠞ ꠟꠣꠉꠤ, ꠁꠝꠣꠝ ꠢꠣꠞꠥꠘꠞ ꠙꠣꠇ-ꠙꠛꠤꠔ꠆ꠞ ꠟꠦꠛꠣꠍꠞ ꠟꠣꠉꠤ ꠀꠞ ꠄꠛꠣꠖꠔ ꠇꠣꠝꠞ ꠟꠣꠉꠤ ꠢꠇꠟ ꠘꠝꠥꠘꠣꠞ ꠝꠣꠟ-ꠍꠣꠝꠣꠘꠣ ꠟꠁꠀ ꠀꠁꠟꠣ। ꠀꠟ꠆ꠟꠣꠞ ꠘꠣꠝꠦ ꠟꠤꠟ꠆ꠟꠣ ꠖꠤꠛꠣꠞ ꠟꠣꠉꠤ ꠅꠔꠣ ꠟꠁꠀ ꠔꠣꠞꠣ ꠀꠎꠤꠞ ꠅꠁꠟꠣ।

ꠔꠃꠞꠣꠔ ২: ꠢꠤꠎꠞꠔ 35:29

ꠝꠣꠛꠥꠖꠦ ꠝꠥꠍꠣꠞ ꠝꠣꠎꠖꠤ ꠎꠦꠔꠣ ꠎꠦꠔꠣ ꠇꠞꠣꠞ ꠢꠥꠇꠥꠝ ꠖꠤꠍꠟꠣ, ꠁꠔꠣ ꠙꠥꠞꠣ ꠇꠞꠣꠞ ꠟꠣꠉꠤ ꠛꠘꠤ ꠁꠍꠞꠣꠁꠟꠞ ꠢꠇꠟ ꠛꠦꠐꠣꠁꠘ-ꠛꠦꠐꠤꠘ꠆ꠔꠦ, ꠎꠣꠞꠎꠤꠞ ꠈꠥꠡꠤ ꠝꠣꠚꠤꠇ ꠟꠤꠟ꠆ꠟꠣ ꠟꠁꠀ ꠀꠎꠤꠞ ꠅꠁꠟ।

ꠔꠃꠞꠣꠔ ২: ꠢꠤꠎꠞꠔ 35:5

ꠔꠥꠝꠞꠣ ꠎꠣꠞꠎꠤꠞ ꠖꠤꠟꠞ ꠈꠥꠡꠤ ꠝꠣꠚꠤꠇ ꠝꠣꠛꠥꠖꠞ ꠘꠣꠝꠦ ꠟꠤꠟ꠆ꠟꠣ ꠟꠁꠀ ꠀꠅ। ꠀꠘꠣꠞ ꠡꠝꠄ ꠅꠃꠟꠣ ꠌꠤꠎ ꠅꠇꠟ ꠟꠤꠟ꠆ꠟꠣ ꠀꠘꠤꠅ: ꠡꠥꠘꠣ, ꠞꠥꠙꠣ, ꠙꠤꠔꠟ;

ꠔꠃꠞꠣꠔ ২: ꠢꠤꠎꠞꠔ 36:3

ꠔꠣꠞꠣ ꠀꠁꠀ ꠙꠛꠤꠔ꠆ꠞ ꠄꠛꠣꠖꠔ ꠈꠣꠘꠣ ꠛꠣꠘꠣꠘꠤꠞ ꠟꠣꠉꠤ, ꠛꠘꠤ ꠁꠍꠞꠣꠁꠟꠞ ꠖꠦꠅꠀ ꠟꠤꠟ꠆ꠟꠣꠞ ꠢꠇꠟ ꠝꠣꠟ-ꠍꠣꠝꠣꠘꠣ ꠝꠥꠍꠣꠞ ꠉꠦꠍ ꠕꠣꠇꠤ ꠡꠝꠎꠤꠀ ꠘꠤꠟꠣ। ꠝꠣꠘꠡꠦ ꠈꠥꠡꠤ ꠅꠁꠀ ꠘꠤꠎꠞ ꠁꠌ꠆ꠍꠣꠄ ꠙꠞꠔꠦꠇ ꠖꠤꠘ ꠛꠤꠀꠘꠦ ꠀꠞꠅ ꠌꠤꠎ ꠅꠇꠟ ꠀꠘꠤꠀ ꠅꠘꠅ ꠟꠤꠟ꠆ꠟꠣ ꠖꠤꠔꠣ।

ꠔꠃꠞꠣꠔ ২: ꠢꠤꠎꠞꠔ 38:1

ꠎꠣꠟꠣꠁꠟ ꠇꠥꠞꠛꠣꠘꠤꠞ ꠟꠣꠉꠤ ꠛꠣꠛꠟꠣ ꠟꠣꠇꠠꠤꠖꠤ ꠙꠣꠌ ꠀꠔ ꠟꠣꠝ꠆ꠛꠣ, ꠙꠣꠌ ꠀꠔ ꠙꠣꠡ ꠀꠞ ꠔꠤꠘ ꠀꠔ ꠃꠛꠤ ꠖꠤꠀ ꠌꠣꠁꠞꠇꠥꠘꠤ ꠇꠞꠤ ꠄꠇꠈꠣꠘ ꠇꠥꠞꠛꠣꠘꠤ ꠈꠣꠘꠣ ꠛꠣꠘꠣꠁꠟꠣ।

ꠔꠃꠞꠣꠔ ৩: ꠟꠦꠛꠤꠀꠘ 1:10

“ꠀꠞ ꠇꠥꠘꠥ ꠝꠣꠘꠡꠦ ꠎꠥꠖꠤ ꠍꠣꠉꠟ-ꠝꠦꠠꠣꠞ ꠙꠣꠟ ꠕꠣꠇꠤ ꠎꠣꠟꠣꠁꠟ ꠇꠥꠞꠛꠣꠘꠤ ꠀꠖꠣꠄ ꠇꠞꠣꠞ ꠈꠤꠀꠟꠤ ꠅꠄ, ꠔꠦ ꠁꠇꠐꠣ ꠙꠥꠞꠣꠙꠥꠞ ꠘꠤꠈꠥꠔ ꠄꠉꠥ ꠙꠣꠑꠣ ꠅꠁꠔꠦ ꠅꠁꠛ।

ꠔꠃꠞꠣꠔ ৩: ꠟꠦꠛꠤꠀꠘ 14:10

“ꠛꠣꠖꠞ ꠖꠤꠘ ꠢꠦ ꠙꠥꠞꠣꠙꠥꠞ ꠘꠤꠈꠥꠔ ꠖꠥꠁꠐꠣ ꠝꠦꠠꠣ-ꠛꠣꠁꠌ꠆ꠌꠣ ꠀꠞ ꠄꠇ ꠛꠍꠞꠞ ꠄꠉꠥ ꠝꠦꠠꠤ ꠟꠁꠀ ꠀꠁꠛ। ꠀꠞ ꠄꠞ ꠟꠉꠞ ꠗꠣꠘ-ꠉꠝꠞ ꠍꠖꠉꠣꠞ ꠘꠤꠅꠔꠦ ꠢꠦ ꠍꠄ ꠡꠦꠞ ꠔꠦꠟ ꠝꠣꠈꠣꠁꠟ ꠝꠄꠖꠣ ꠀꠞ ꠄꠇ ꠙꠣꠅꠀ ꠔꠦꠟ ꠀꠘꠛ।

ꠔꠃꠞꠣꠔ ৩: ꠟꠦꠛꠤꠀꠘ 16:7

ꠛꠣꠖꠦ ꠢꠃ ꠍꠣꠉꠟ ꠖꠥꠁꠅꠐꠣ ꠝꠤꠟꠘ-ꠔꠣꠝ꠆ꠛꠥꠞ ꠖꠥꠀꠞꠞ ꠉꠦꠍꠦ ꠝꠣꠛꠥꠖꠞ ꠍꠣꠝꠘꠦ ꠀꠘꠛ।

ꠔꠃꠞꠣꠔ ৩: ꠟꠦꠛꠤꠀꠘ 17:4

ꠅꠃ ꠙꠡꠥꠞꠦ ꠢꠦ ꠝꠣꠛꠥꠖꠞ ꠇꠣꠛꠣ ꠊꠞꠞ ꠍꠣꠝꠘꠦ, ꠝꠣꠘꠤ ꠝꠤꠟꠘ-ꠔꠣꠝ꠆ꠛꠥꠞ ꠖꠥꠀꠞꠞ ꠉꠦꠍꠦ ꠝꠣꠛꠥꠖꠞ ꠘꠣꠝꠦ ꠇꠥꠞꠛꠣꠘꠤꠞ ꠘꠤꠅꠔꠦ ꠎꠛ ꠘꠣ ꠇꠞꠦ, ꠔꠦ ꠢꠦ ꠅꠃ ꠙꠡꠥꠞ ꠈꠥꠘꠞ ꠖꠣꠄꠁ ꠅꠁꠛ, ꠄꠞꠟꠣꠉꠤ ꠡꠝꠣꠎ ꠕꠣꠇꠤ ꠔꠣꠞ ꠘꠣꠝ ꠝꠤꠐꠣꠁꠟꠤꠛꠣꠄ।

ꠔꠃꠞꠣꠔ ৩: ꠟꠦꠛꠤꠀꠘ 17:8

“ꠀꠞ ꠔꠥꠝꠤ ꠔꠣꠞꠣꠞꠦ ꠎꠣꠘꠣꠁ ꠖꠦꠅ, ꠛꠘꠤ ꠁꠍꠞꠣꠁꠟꠞ ꠇꠥꠘꠥ ꠎꠘ ꠛꠣ ꠔꠣꠞꠣꠞ ꠝꠣꠎꠦ ꠛꠡꠔ ꠇꠞꠞꠣ ꠇꠥꠘꠥ ꠜꠤꠘ-ꠖꠦꠡꠤꠄ ꠎꠥꠖꠤ ꠎꠣꠟꠣꠁꠟ ꠇꠥꠞꠛꠣꠘꠤ ꠛꠣ ꠎꠦꠇꠥꠘꠥ ꠇꠥꠞꠛꠣꠘꠤ ꠀꠖꠣꠄ ꠇꠞꠦ,

ꠔꠃꠞꠣꠔ ৩: ꠟꠦꠛꠤꠀꠘ 17:9

ꠀꠞ ꠇꠥꠞꠛꠣꠘꠤꠞ ꠅꠃ ꠙꠡꠥꠞꠦ ꠝꠣꠛꠥꠖꠞ ꠘꠣꠝꠦ ꠡꠙꠤꠛꠣꠞ ꠟꠣꠉꠤ ꠀꠝꠣꠞ ꠝꠤꠟꠘ-ꠔꠣꠝ꠆ꠛꠥꠞ ꠖꠥꠀꠞꠞ ꠉꠦꠍꠦ ꠘꠣ ꠀꠘꠦ, ꠔꠦ ꠁ ꠎꠣꠔꠤꠞ ꠝꠣꠎ ꠕꠣꠇꠤ ꠔꠣꠞ ꠘꠣꠝ ꠝꠤꠐꠣꠁꠟꠤꠔ।

ꠔꠃꠞꠣꠔ ৩: ꠟꠦꠛꠤꠀꠘ 23:12

ꠁꠝꠣꠝ ꠍꠣꠛꠦ ꠎꠦꠖꠤꠘ ꠅꠃ ꠝꠥꠁꠐ ꠖꠥꠟꠣꠁꠛꠣ, ꠅꠃ ꠖꠤꠘ ꠔꠥꠝꠞꠣ ꠝꠣꠛꠥꠖꠞ ꠘꠣꠝꠦ ꠄꠇ ꠛꠍꠞ ꠛꠄꠅꠡꠤ ꠄꠉꠥ ꠘꠤꠈꠥꠔ ꠝꠦꠠꠣ-ꠛꠣꠁꠌ꠆ꠌꠣꠞꠦ ꠎꠣꠟꠣꠁꠟ ꠇꠥꠞꠛꠣꠘꠤ ꠢꠤꠡꠣꠛꠦ ꠖꠤꠛꠣꠄ।

ꠔꠃꠞꠣꠔ ৩: ꠟꠦꠛꠤꠀꠘ 23:18

ꠅꠃ ꠞꠥꠐꠤꠞ ꠟꠉꠦ ꠄꠇ ꠛꠍꠞ ꠛꠄꠅꠡꠤ ꠡꠣꠔꠐꠣ ꠘꠤꠈꠥꠔ ꠝꠦꠠꠣ-ꠛꠣꠁꠌ꠆ꠌꠣ, ꠄꠇꠐꠣ ꠛꠤꠍꠣꠟ, ꠝꠦꠠꠣꠞ ꠖꠥꠁꠐꠣ ꠙꠣꠑꠣ ꠀꠘꠤꠅ। ꠅꠃ ꠙꠡꠥ ꠅꠇꠟ ꠖꠤꠀ ꠝꠣꠛꠥꠖꠞ ꠘꠣꠝꠦ ꠄꠇꠈꠣꠘ ꠎꠣꠟꠣꠁꠟ ꠇꠥꠞꠛꠣꠘꠤ ꠀꠖꠣꠄ ꠇꠞꠛꠣꠄ, ꠅꠔꠣꠞ ꠟꠉꠦ ꠘꠤꠅꠝ ꠝꠣꠚꠤꠇ ꠗꠣꠘ-ꠉꠝꠞ ꠍꠖꠉꠣ ꠀꠞ ꠡꠞꠛꠔ-ꠙꠣꠘꠤꠞ ꠍꠖꠉꠣꠅ ꠖꠤꠛꠣꠄ। ꠁꠔꠣ ꠔ ꠀꠉꠥꠘꠤꠔ ꠖꠦꠅꠀ ꠄꠇ ꠘꠝꠥꠘꠣꠞ ꠇꠥꠞꠛꠣꠘꠤ, ꠁꠔꠣꠞ ꠗꠥꠝꠣꠞ ꠊꠦꠞꠣꠘꠦ ꠝꠣꠛꠥꠖ ꠈꠥꠡꠤ ꠅꠁꠘ।

ꠔꠃꠞꠣꠔ ৩: ꠟꠦꠛꠤꠀꠘ 3:1

“ꠇꠥꠘꠥ ꠝꠣꠘꠡꠦ ꠎꠥꠖꠤ ꠝꠣꠛꠥꠖꠞ ꠘꠣꠝꠦ ꠘꠤꠎꠞ ꠈꠥꠡꠤꠄ ꠍꠣꠟꠣꠝꠔꠤ ꠇꠥꠞꠛꠣꠘꠤ ꠀꠖꠣꠄ ꠇꠞꠣꠞ ꠘꠤꠅꠔꠦ ꠇꠥꠘꠥ ꠉꠣꠁ ꠛꠣ ꠛꠤꠍꠣꠟꠞꠦ ꠇꠥꠞꠛꠣꠘꠤ ꠖꠤꠔ ꠌꠣꠄ, ꠔꠦ ꠁ ꠉꠞꠥ ꠙꠥꠞꠣꠙꠥꠞ ꠘꠤꠈꠥꠔ ꠅꠁꠔꠦ ꠅꠁꠛ।

ꠔꠃꠞꠣꠔ ৩: ꠟꠦꠛꠤꠀꠘ 4:15

ꠅꠁꠀ ꠛꠘꠤ ꠁꠍꠞꠣꠁꠟꠞ ꠝꠥꠞꠛ꠆ꠛꠤ ꠅꠇꠟꠦ ꠅꠃ ꠛꠤꠍꠣꠟꠞ ꠇꠟ꠆ꠟꠣ ꠀꠔꠣꠁ ꠖꠤꠛꠣ, ꠀꠞ ꠁꠝꠣꠝꠦ ꠝꠣꠛꠥꠖꠞ ꠍꠣꠝꠘꠦ ꠅꠇꠐꠣ ꠎꠛ ꠇꠞꠛꠣ।

ꠔꠃꠞꠣꠔ ৩: ꠟꠦꠛꠤꠀꠘ 4:23

ꠔꠣꠁꠘ ꠎꠦꠛꠟꠣ ꠅꠃ ꠉꠥꠘꠣꠞ ꠛꠦꠙꠣꠞꠦ ꠎꠣꠘꠤꠟꠤꠛꠣ, ꠎꠣꠘꠣꠞ ꠛꠣꠖꠦ ꠇꠚꠞꠣꠞ ꠇꠥꠞꠛꠣꠘꠤ ꠖꠤꠛꠣꠞ ꠟꠣꠉꠤ ꠘꠤꠈꠥꠔ ꠄꠉꠥ ꠙꠣꠑꠣ ꠍꠣꠉꠟ ꠟꠁꠀ ꠀꠁꠛꠣ।

ꠔꠃꠞꠣꠔ ৩: ꠟꠦꠛꠤꠀꠘ 4:3

“ꠄꠁꠘ ꠈꠦꠟꠣꠚꠔꠤ ꠙꠣꠅꠀ ꠙꠞꠗꠣꠘ ꠁꠝꠣꠝ ꠍꠣꠛ ꠅꠁꠟꠦ, ꠔꠣꠘ ꠉꠥꠘꠣꠞ ꠖꠣꠄ-ꠜꠣꠞ ꠢꠇꠟ ꠝꠣꠘꠡꠞ ꠃꠙꠞꠦ ꠛꠞ꠆ꠔꠦ, ꠄꠞꠟꠣꠉꠤ ꠔꠣꠁꠘ ꠘꠤꠈꠥꠔ ꠄꠉꠥ ꠛꠤꠍꠣꠟ ꠀꠘꠤꠀ ꠝꠣꠛꠥꠖꠞ ꠖꠞꠛꠣꠞꠅ ꠔꠣꠘ ꠉꠥꠘꠣꠞ ꠇꠚꠞꠣꠞ ꠇꠥꠞꠛꠣꠘꠤ ꠖꠤꠛꠣ।

ꠔꠃꠞꠣꠔ ৩: ꠟꠦꠛꠤꠀꠘ 4:32

“ꠉꠥꠘꠣꠞ ꠇꠚꠞꠣꠞ ꠇꠥꠞꠛꠣꠘꠤꠞ ꠘꠤꠅꠔꠦ ꠇꠦꠃ ꠎꠥꠖꠤ ꠇꠥꠘꠥ ꠝꠦꠠꠣ ꠀꠘꠦ, ꠔꠦ ꠁꠐꠣ ꠘꠤꠈꠥꠔ ꠝꠦꠠꠤ-ꠛꠣꠁꠌ꠆ꠌꠣ ꠅꠁꠔꠦ ꠅꠁꠛ।

ꠔꠃꠞꠣꠔ ৩: ꠟꠦꠛꠤꠀꠘ 5:15

“ꠇꠦꠃ ꠎꠥꠖꠤ ꠘꠣ ꠎꠣꠘꠤꠀ ꠝꠣꠛꠥꠖꠞ ꠙꠣꠇ-ꠙꠛꠤꠔ꠆ꠞ ꠇꠥꠘꠥ ꠝꠣꠟ-ꠍꠣꠝꠣꠘꠣꠞ ꠛꠦꠙꠣꠞꠦ ꠄꠝꠘꠦꠃ ꠇꠥꠘꠥ ꠖꠥꠡ-ꠇꠍꠥꠞꠤ ꠇꠞꠤꠟꠣꠄ, ꠔꠦ ꠅꠃ ꠉꠥꠘꠣꠞ ꠎꠞꠤꠝꠣꠘꠣ ꠢꠤꠡꠣꠛꠦ ꠄꠛꠣꠖꠔ ꠈꠣꠘꠣꠞ ꠝꠣꠙꠦ ꠎꠔ ꠔꠟꠣ ꠞꠥꠙꠣꠖꠤ ꠝꠦꠠꠣꠞ ꠖꠣꠝ ꠑꠤꠇ ꠇꠞꠣ ꠅꠄ, ꠔꠦ ꠢꠦ ꠔꠣꠞ ꠘꠤꠎꠞ ꠙꠣꠟ ꠕꠣꠇꠤ ꠅꠃ ꠙꠞꠤꠝꠣꠘ ꠖꠣꠝꠞ ꠛꠣ ꠢꠝꠣꠘ ꠖꠣꠝꠖꠤ ꠇꠤꠘꠤꠀ ꠘꠤꠈꠥꠔ ꠄꠉꠥ ꠝꠦꠠꠣꠞ ꠙꠣꠑꠣ ꠝꠣꠛꠥꠖꠞ ꠘꠣꠝꠦ ꠇꠥꠞꠛꠣꠘꠤ ꠖꠤꠔꠦ ꠅꠁꠛ। ꠁꠔꠣ ꠔ ꠖꠥꠡ-ꠇꠍꠥꠞꠤꠞ ꠇꠚꠞꠣꠞ ꠇꠥꠞꠛꠣꠘꠤ।

ꠔꠃꠞꠣꠔ ৩: ꠟꠦꠛꠤꠀꠘ 5:18

ꠢꠦ ꠔꠣꠞ ꠅꠃ ꠖꠥꠡ-ꠇꠍꠥꠞꠤꠞ ꠇꠚꠞꠣ ꠢꠤꠡꠣꠛꠦ, ꠄꠉꠥ ꠘꠤꠈꠥꠔ ꠝꠦꠠꠣꠞ ꠙꠣꠑꠣ ꠛꠣ ꠄꠞ ꠖꠣꠝ ꠀꠘꠤꠀ ꠁꠝꠣꠝ ꠍꠣꠛꠞ ꠉꠦꠍꠦ ꠖꠤꠛ। ꠢꠦ ꠘꠣ ꠎꠣꠘꠤꠀ ꠎꠦ ꠖꠥꠡ-ꠇꠍꠥꠞꠤ ꠇꠞꠤꠟꠤꠍꠦ, ꠁꠝꠣꠝ ꠍꠣꠛꠦ ꠅꠔꠣꠞ ꠇꠚꠞꠣ ꠀꠖꠣꠄ ꠇꠞꠛꠣ, ꠔꠦꠃ ꠔꠣꠞ ꠝꠣꠚꠤ ꠝꠤꠟꠛ।

ꠔꠃꠞꠣꠔ ৩: ꠟꠦꠛꠤꠀꠘ 6:2

“ꠢꠥꠘꠅ, ꠇꠥꠘꠥ ꠝꠣꠘꠡꠦ ꠎꠦꠛꠟꠣ ꠔꠣꠞ ꠀꠞꠤ-ꠚꠞꠤꠞ ꠟꠉꠦ ꠢꠣꠞꠣꠝꠤ ꠇꠞꠤꠀ ꠝꠣꠛꠥꠖꠞ ꠖꠞꠛꠣꠞꠅ ꠉꠥꠘꠣ ꠇꠞꠦ, ꠔꠣꠞ ꠉꠦꠍꠦ ꠕꠅꠀ ꠀꠝꠣꠘꠔ ꠛꠣ ꠛꠘ꠆ꠗꠇꠤ ꠎꠤꠘꠤꠡꠞ ꠈꠤꠀꠘꠔ ꠇꠞꠦ, ꠛꠣ ꠌꠥꠞꠤ ꠇꠞꠤ ꠇꠥꠘꠥ ꠝꠣꠟ ꠘꠦꠄ ꠛꠣ ꠐꠉꠣ-ꠐꠉꠤ ꠇꠞꠦ, ꠍꠟ-ꠌꠔꠥꠞꠤ ꠇꠞꠤꠀ ꠛꠦꠁꠝꠣꠘꠤ ꠝꠣꠔꠦ,

ꠔꠃꠞꠣꠔ ৩: ꠟꠦꠛꠤꠀꠘ 6:8

ꠛꠣꠖꠦ ꠝꠣꠛꠥꠖꠦ ꠝꠥꠍꠣ ꠘꠛꠤꠞꠦ ꠇꠁꠟꠣ,

ꠔꠃꠞꠣꠔ ৩: ꠟꠦꠛꠤꠀꠘ 7:16

“ꠅꠃ ꠍꠣꠟꠣꠝꠔꠤ ꠇꠥꠞꠛꠣꠘꠤ ꠎꠥꠖꠤ ꠇꠥꠘꠥ ꠝꠣꠘ꠆ꠘꠔ ꠀꠖꠣꠄ ꠇꠞꠣꠞ ꠘꠤꠅꠔꠦ ꠖꠦꠅ, ꠛꠣ ꠄꠝꠘꠦ ꠈꠥꠡꠤ ꠅꠁꠀ ꠇꠥꠞꠛꠣꠘꠤ ꠖꠦꠅ, ꠔꠦ ꠁꠔꠣꠞ ꠉꠥꠡ꠆ꠔ ꠅꠃ ꠖꠤꠘꠃ ꠈꠣꠁꠅ, ꠀꠞ ꠇꠤꠍꠥ ꠛꠣꠇꠤ ꠞꠁꠟꠦ ꠛꠣꠖꠞ ꠖꠤꠘꠅ ꠈꠣꠁꠔꠣꠄ ꠙꠣꠞꠛꠣꠄ।

ꠔꠃꠞꠣꠔ ৩: ꠟꠦꠛꠤꠀꠘ 8:18

ꠛꠣꠖꠦ ꠔꠣꠁꠘ ꠎꠣꠟꠣꠁꠟ ꠇꠥꠞꠛꠣꠘꠤꠞ ꠝꠦꠠꠣꠞ ꠙꠣꠑꠣꠞꠦ ꠀꠘꠟꠣ। ꠀꠘꠟꠦ ꠢꠣꠞꠥꠘ ꠀꠞ ꠔꠣꠘ ꠙꠥꠀꠂꠘ꠆ꠔꠦ ꠅꠉꠥꠞ ꠇꠟ꠆ꠟꠣ ꠀꠔꠣꠁ ꠖꠤꠟꠣ।

ꠔꠃꠞꠣꠔ ৩: ꠟꠦꠛꠤꠀꠘ 8:21

ꠀꠞ ꠅꠃ ꠝꠦꠠꠣꠞ ꠙꠦꠐꠞ ꠜꠤꠔꠞꠞ ꠢꠇꠟꠔꠣ, ꠔꠣꠞ ꠌꠣꠁꠞꠅ ꠑꠦꠋ ꠙꠣꠘꠤ ꠖꠤꠀ ꠗꠁꠀ ꠢꠣꠞꠤ, ꠀꠡ꠆ꠔꠣ ꠝꠦꠠꠣꠞꠦ ꠎꠣꠟꠣꠁꠟ ꠇꠥꠞꠛꠣꠘꠤ ꠢꠤꠡꠣꠛꠦ ꠇꠥꠞꠛꠣꠘꠤ ꠈꠣꠘꠣꠞ ꠃꠙꠞꠦ ꠎꠣꠟꠣꠁꠟꠤꠟꠣ। ꠁꠔꠣ ꠔ ꠝꠣꠛꠥꠖꠞ ꠘꠣꠝꠦ ꠀꠉꠥꠘꠤꠔ ꠖꠦꠅꠀ ꠎꠣꠟꠣꠁꠟ ꠇꠥꠞꠛꠣꠘꠤ, ꠁꠔꠣꠞ ꠗꠥꠝꠣꠞ ꠊꠦꠞꠣꠘꠦ ꠔꠣꠁꠘ ꠈꠥꠡꠤ ꠅꠁꠘ। ꠝꠥꠍꠣꠄ ꠁꠔꠣ ꠢꠇꠟꠔꠣ ꠇꠞꠟꠣ ꠝꠣꠛꠥꠖꠞ ꠢꠥꠇꠥꠝ ꠝꠣꠚꠤꠇ।

ꠔꠃꠞꠣꠔ ৩: ꠟꠦꠛꠤꠀꠘ 9:2

ꠀꠘꠣꠁꠀ ꠢꠣꠞꠥꠘꠞꠦ ꠇꠁꠟꠣ, “ꠔꠥꠝꠣꠞ ꠉꠥꠘꠣꠞ ꠇꠚꠞꠣꠞ ꠇꠥꠞꠛꠣꠘꠤꠞ ꠟꠣꠉꠤ ꠔꠥꠝꠤ ꠄꠉꠥ ꠛꠤꠍꠣꠟ ꠀꠘꠅ, ꠀꠞ ꠎꠣꠟꠣꠁꠟ ꠇꠥꠞꠛꠣꠘꠤꠞ ꠟꠣꠉꠤ ꠄꠉꠥ ꠝꠦꠠꠣꠞ ꠙꠣꠑꠣ ꠟꠁꠀ ꠝꠣꠛꠥꠖꠞ ꠖꠞꠛꠣꠞꠅ ꠀꠎꠤꠞ ꠅꠅ। ꠇꠥꠞꠛꠣꠘꠤꠞ ꠙꠡꠥ ꠉꠥꠁꠘ ꠙꠥꠞꠣꠙꠥꠞ ꠘꠤꠈꠥꠔ ꠅꠁꠔ।

ꠔꠃꠞꠣꠔ ৪: ꠡꠥꠝꠣꠞꠤ 15:3

ꠉꠤꠀ ꠀꠝꠣꠞꠦ ꠈꠥꠡ ꠞꠣꠈꠣꠞ ꠘꠤꠅꠔꠦ ꠀꠉꠥꠘꠤꠔ ꠖꠦꠅꠀ ꠊꠦꠞꠣꠘ ꠀꠟꠣ ꠎꠦꠇꠥꠘꠥ ꠇꠥꠞꠛꠣꠘꠤ ꠢꠤꠡꠣꠛꠦ ꠔꠥꠝꠞꠣꠞ ꠙꠣꠟ ꠕꠣꠇꠤ ꠎꠦꠛꠟꠣ ꠉꠣꠁ-ꠉꠞꠥ ꠛꠣ ꠝꠦꠠꠣ-ꠍꠣꠉꠟ ꠀꠘꠤꠀ ꠀꠝꠣꠞ ꠘꠣꠝꠦ ꠖꠤꠛꠣꠞ ꠘꠤꠅꠔ ꠇꠞꠛꠣꠄ, ꠀꠞ ꠎꠣꠟꠣꠁꠟ ꠇꠥꠞꠛꠣꠘꠤ, ꠇꠥꠘꠥ ꠝꠣꠘ꠆ꠘꠔ ꠙꠥꠞꠘꠞ ꠇꠥꠞꠛꠣꠘꠤ, ꠢꠇꠟ ꠘꠝꠥꠘꠣꠞ ꠘꠚꠟ ꠇꠥꠞꠛꠣꠘꠤ, ꠛꠣ ꠎꠦꠇꠥꠘꠥ ꠁꠖꠞ ꠇꠥꠞꠛꠣꠘꠤ ꠖꠤꠟꠦ,

ꠔꠃꠞꠣꠔ ৪: ꠡꠥꠝꠣꠞꠤ 15:8

ꠔꠥꠝꠞꠣ ꠎꠥꠖꠤ ꠎꠣꠟꠣꠁꠟ ꠇꠥꠞꠛꠣꠘꠤ, ꠝꠣꠘ꠆ꠘꠔ ꠙꠥꠞꠘꠞ ꠇꠥꠞꠛꠣꠘꠤ ꠛꠣ ꠍꠣꠟꠣꠝꠔꠤ ꠇꠥꠞꠛꠣꠘꠤꠞ ꠟꠣꠉꠤ ꠇꠥꠘꠥ ꠉꠞꠥ ꠟꠁꠀ ꠀꠅ,

ꠔꠃꠞꠣꠔ ৪: ꠡꠥꠝꠣꠞꠤ 19:2

“ꠔꠥꠝꠞꠣ ꠛꠘꠤ ꠁꠍꠞꠣꠁꠟꠞꠦ ꠇꠅ, ꠝꠣꠛꠥꠖꠦ ꠡꠞꠤꠅꠔꠞ ꠢꠥꠇꠥꠝ ꠝꠣꠚꠤꠇ ꠛꠣꠔꠣꠁꠍꠂꠘ, ꠔꠥꠝꠞꠣ ꠙꠥꠞꠣꠙꠥꠞ ꠟꠣꠟ ꠞꠋꠉꠞ ꠄꠉꠥ ꠒꠦꠇꠤ ꠉꠞꠥ ꠟꠁꠀ ꠀꠝꠞꠣꠞ ꠉꠦꠍꠦ ꠀꠅ, ꠅꠃ ꠒꠦꠇꠤ ꠡꠥꠟ꠆ꠟꠀꠘꠣ ꠘꠤꠈꠥꠔ ꠅꠁꠔ, ꠀꠞ ꠔꠣꠁꠞ ꠇꠣꠘ꠆ꠖꠅ ꠇꠥꠘꠥꠖꠤꠘ ꠎꠥꠀꠟ ꠟꠣꠉꠣꠘꠤ ꠅꠁꠍꠦ ꠘꠣ।

ꠔꠃꠞꠣꠔ ৪: ꠡꠥꠝꠣꠞꠤ 23:19

ꠀꠟ꠆ꠟꠣ ꠙꠣꠇ ꠔ ꠝꠣꠘꠥꠡ ꠘꠣꠄ ꠎꠦꠘ ꠝꠤꠍꠣ ꠝꠣꠔꠤꠛꠣ, ꠔꠣꠁꠘ ꠇꠥꠘꠥ ꠀꠖꠝ ꠡꠘ꠆ꠔꠣꠘ ꠘꠣꠄ ꠎꠦꠘ ꠖꠤꠟ ꠛꠖꠟꠣꠁꠛꠣ। ꠔꠣꠁꠘ ꠎꠦꠟꠣ ꠇꠕꠣ ꠇꠂꠘ ꠑꠤꠇ ꠅꠟꠣꠃ ꠇꠞꠂꠘ, ꠔꠣꠘ ꠅꠀꠖꠣ ꠅꠇꠟꠃ ꠘꠤꠌ꠆ꠌꠤꠔ ꠙꠥꠞꠣ ꠇꠞꠂꠘ।

ꠔꠃꠞꠣꠔ ৪: ꠡꠥꠝꠣꠞꠤ 23:27

ꠛꠣꠖꠦ ꠛꠣꠟꠣꠇ ꠛꠣꠖꠡꠣꠄ ꠛꠣꠟꠣꠝ ꠙꠤꠞꠞꠦ ꠇꠁꠟꠣ, “ꠀꠃꠇ꠆ꠇꠣ, ꠀꠝꠤ ꠀꠙꠘꠣꠞꠦ ꠀꠞꠇ ꠎꠣꠉꠣꠔ ꠟꠁꠀ ꠎꠣꠁꠝꠥ। ꠢꠘꠅ ꠉꠦꠟꠦ ꠅꠁꠔ ꠙꠣꠞꠦ ꠀꠟ꠆ꠟꠣꠄ ꠈꠥꠡꠤ ꠅꠁꠀ ꠀꠝꠣꠞ ꠙꠇ꠆ꠇ ꠟꠁꠛꠣ, ꠀꠞ ꠀꠙꠘꠣꠞꠦꠖꠤ ꠢꠔꠣꠞ ꠃꠙꠞꠦ ꠟꠣꠘ꠆ꠘꠔ ꠖꠤꠔꠦ ꠖꠤꠛꠣ।”

ꠔꠃꠞꠣꠔ ৪: ꠡꠥꠝꠣꠞꠤ 23:3

ꠄꠞꠛꠣꠖꠦ ꠛꠣꠟꠣꠝ ꠙꠤꠞꠦ ꠛꠣꠟꠣꠇꠞꠦ ꠇꠁꠟꠣ, “ꠀꠙꠘꠣꠞ ꠇꠥꠞꠛꠣꠘꠤ ꠖꠦꠅꠀ ꠅꠃ ꠙꠡꠥꠞ ꠇꠣꠍꠣꠔ ꠀꠙꠘꠦ ꠞꠃꠇ꠆ꠇꠣ। ꠀꠝꠤ ꠕꠥꠠꠣ ꠢꠞꠤꠀ ꠎꠣꠁꠞꠣꠝ, ꠅꠁꠔ ꠙꠣꠞꠦ ꠝꠣꠛꠥꠖꠦ ꠀꠝꠣꠞꠦ ꠖꠞꠡꠘ ꠖꠤꠛꠣ। ꠔꠣꠁꠘ ꠀꠝꠣꠞꠦ ꠎꠦꠔꠣ ꠎꠣꠘꠣꠁꠛꠣ, ꠀꠝꠤ ꠀꠁꠀ ꠀꠙꠘꠣꠞꠦ ꠇꠁꠝꠥꠘꠦ।” ꠅꠈꠣꠘ ꠇꠁꠀ ꠛꠣꠟꠣꠝ ꠙꠤꠞ ꠉꠤꠀ ꠙꠣꠠꠞ ꠢꠇꠟ ꠕꠣꠇꠤ ꠃꠌꠣ ꠐꠤꠟ꠆ꠟꠣꠞ ꠃꠙꠞꠦ ꠃꠑꠤꠟꠣ।

ꠔꠃꠞꠣꠔ ৪: ꠡꠥꠝꠣꠞꠤ 23:30

ꠙꠤꠞ ꠍꠣꠛꠞ ꠇꠕꠣꠝꠔ ꠛꠣꠖꠡꠣꠄ ꠅꠟꠣꠃ ꠇꠞꠟꠣ। ꠔꠣꠁꠘ ꠙꠞꠔꠦꠇ ꠇꠥꠞꠛꠣꠘꠤ ꠈꠣꠘꠣꠞ ꠃꠙꠞꠦ ꠄꠉꠥ ꠇꠞꠤ ꠛꠤꠍꠣꠟ ꠀꠞ ꠄꠉꠥ ꠇꠞꠤ ꠝꠦꠠꠣ ꠇꠥꠞꠛꠣꠘꠤ ꠖꠤꠟꠣ।

ꠔꠃꠞꠣꠔ ৪: ꠡꠥꠝꠣꠞꠤ 28:11

“ꠙꠞꠔꠦꠇ ꠌꠣꠘ꠆ꠖꠞ ꠙꠄꠟꠣ ꠖꠤꠘ ꠝꠣꠛꠥꠖꠞ ꠘꠣꠝꠦ ꠎꠣꠟꠣꠁꠟ ꠇꠥꠞꠛꠣꠘꠤꠞ ꠟꠣꠉꠤ ꠖꠥꠉꠥ ꠛꠤꠍꠣꠟ, ꠄꠉꠥ ꠝꠦꠠꠣ ꠀꠞ ꠄꠇ ꠛꠍꠞ ꠛꠄꠅꠡꠤ ꠡꠣꠔꠉꠥ ꠝꠦꠠꠣ-ꠛꠣꠁꠌ꠆ꠌꠣ ꠇꠥꠞꠛꠣꠘꠤ ꠖꠤꠛꠣꠄ, ꠁ ꠢꠇꠟ ꠙꠡꠥ ꠙꠥꠞꠣ ꠘꠤꠈꠥꠔ ꠅꠁꠔ।

ꠔꠃꠞꠣꠔ ৪: ꠡꠥꠝꠣꠞꠤ 28:19

ꠅꠃ ꠖꠤꠘ ꠀꠝꠣꠞ ꠘꠣꠝꠦ ꠖꠥꠉꠥ ꠛꠤꠍꠣꠟ, ꠄꠉꠥ ꠝꠦꠠꠣ ꠀꠞ ꠄꠇ ꠛꠍꠞ ꠛꠄꠅꠡꠤ ꠡꠣꠔꠉꠥ ꠝꠦꠠꠣ-ꠛꠣꠁꠌ꠆ꠌꠣꠖꠤ ꠀꠉꠥꠘꠤꠔ ꠖꠦꠅꠀ ꠎꠣꠟꠣꠁꠟ ꠇꠥꠞꠛꠣꠘꠤ ꠀꠖꠣꠄ ꠇꠞꠤꠅ। ꠇꠥꠞꠛꠣꠘꠤꠞ ꠙꠞꠔꠦꠇ ꠙꠡꠥ ꠘꠤꠈꠥꠔ ꠅꠁꠔꠦ ꠅꠁꠛ।

ꠔꠃꠞꠣꠔ ৪: ꠡꠥꠝꠣꠞꠤ 28:31

ꠅꠃ ꠢꠇꠟ ꠇꠥꠞꠛꠣꠘꠤ ꠀꠞ ꠁꠔꠣꠞ ꠟꠉꠞ ꠡꠞꠛꠔ-ꠙꠣꠘꠤꠞ ꠍꠖꠉꠣꠞ ꠟꠉꠦ ꠙꠞꠔꠤꠖꠤꠘꠞ ꠎꠣꠟꠣꠁꠟ ꠇꠥꠞꠛꠣꠘꠤ ꠀꠞ ꠄꠞ ꠟꠉꠞ ꠗꠣꠘ-ꠉꠝꠞ ꠍꠖꠉꠣ ꠀꠖꠣꠄ ꠇꠞꠛꠣꠄ। ꠈꠤꠀꠟ ꠞꠣꠈꠤꠅ, ꠇꠥꠞꠛꠣꠘꠤꠞ ꠢꠇꠟ ꠙꠡꠥ ꠎꠣꠘꠥ ꠙꠥꠞꠣꠙꠥꠞ ꠘꠤꠈꠥꠔ ꠅꠄ।

ꠔꠃꠞꠣꠔ ৪: ꠡꠥꠝꠣꠞꠤ 29:13

“ꠁꠖꠞ ꠙꠄꠟꠣ ꠖꠤꠘ ꠙꠥꠞꠣꠙꠥꠞ ꠘꠤꠈꠥꠔ ꠔꠦꠞꠅꠉꠥ ꠛꠤꠍꠣꠟ, ꠖꠥꠉꠥ ꠝꠦꠠꠣ ꠀꠞ ꠌꠃꠖ꠆ꠖꠉꠥ ꠄꠇ ꠛꠍꠞ ꠛꠄꠅꠡꠤ ꠝꠦꠠꠣ-ꠛꠣꠁꠌ꠆ꠌꠣ ꠖꠤꠀ ꠎꠣꠟꠣꠁꠟ ꠇꠥꠞꠛꠣꠘꠤ ꠀꠖꠣꠄ ꠇꠞꠤꠅ। ꠄꠞ ꠗꠥꠝꠣꠞ ꠊꠦꠞꠣꠘꠦ ꠀꠝꠤ ꠝꠣꠛꠥꠖ ꠈꠥꠡꠤ ꠅꠁ।

ꠔꠃꠞꠣꠔ ৪: ꠡꠥꠝꠣꠞꠤ 29:2

ꠅꠃ ꠖꠤꠘ ꠔꠥꠝꠞꠣ ꠀꠝꠣꠞꠦ ꠈꠥꠡꠤ ꠇꠞꠣꠞ ꠊꠦꠞꠣꠘ ꠀꠟꠣ ꠎꠣꠟꠣꠁꠟ ꠇꠥꠞꠛꠣꠘꠤ ꠢꠤꠡꠣꠛꠦ, ꠄꠉꠥ ꠛꠤꠍꠣꠟ, ꠄꠉꠥ ꠝꠦꠠꠣ ꠀꠞ ꠡꠣꠔꠉꠥ ꠄꠇ ꠛꠍꠞ ꠛꠄꠅꠡꠤ ꠝꠦꠠꠣ-ꠛꠣꠁꠌ꠆ꠌꠣꠞꠦ ꠇꠥꠞꠛꠣꠘꠤ ꠖꠤꠅ, ꠢꠇꠟ ꠙꠡꠥ ꠎꠣꠘꠥ ꠙꠥꠞꠣꠙꠥꠞ ꠘꠤꠈꠥꠔ ꠅꠄ।

Injil 3: Luk 1:35

ꠚꠤꠞꠤꠡ꠆ꠔꠣꠄ ꠇꠁꠟꠣ, “ꠙꠣꠇ ꠞꠥꠢꠥ ꠀꠙꠘꠣꠞ ꠃꠙꠞꠦ ꠘꠣꠎꠤꠟ ꠅꠁꠛꠣ, ꠀꠞ ꠀꠟ꠆ꠟꠣꠞ ꠇꠥꠖꠞꠔꠤ ꠍꠣꠄꠀ ꠀꠙꠘꠣꠞ ꠃꠙꠞꠦ ꠀꠁꠛ। ꠄꠞꠖꠣꠄꠃ ꠀꠙꠘꠣꠞ ꠊꠞꠅ ꠎꠦ ꠙꠣꠇ ꠀꠅꠟꠣꠖꠦ ꠎꠘꠝ ꠟꠁꠛꠣ, ꠔꠣꠘꠞꠦ ꠁꠛꠘꠥꠟ꠆ꠟꠣ, ꠝꠣꠘꠤ ꠀꠟ꠆ꠟꠣꠞ ꠈꠣꠍ ꠝꠣꠄꠀꠞ ꠎꠘ ꠇꠁꠀ ꠒꠣꠇꠣ ꠅꠁꠛ।

Injil 4: Hannan 1:36

ꠅꠃ ꠡꠝꠄ ꠢꠎꠞꠔ ꠁꠍꠣ ꠀꠐꠤꠀ ꠎꠣꠁꠞꠣ, ꠔꠣꠘꠞꠦ ꠖꠦꠈꠤꠀ ꠄꠢꠤꠀꠄ ꠇꠁꠟꠣ, “ꠅꠃ ꠖꠦꠈꠞꠣꠄ ꠘꠤ ꠀꠟ꠆ꠟꠣꠁ ꠝꠦꠠꠣ-ꠛꠣꠁꠌ꠆ꠌꠣ।”

Injil 4: Hannan 10:7

ꠄꠞꠟꠣꠉꠤ ꠔꠣꠁꠘ ꠢꠤꠞꠛꠣꠞ ꠇꠁꠟꠣ, “ꠀꠝꠤ ꠔꠥꠝꠞꠣꠞꠦ ꠘꠤꠌ꠆ꠌꠤꠔ ꠢꠇ ꠇꠕꠣ ꠇꠁꠞꠣꠝ, ꠝꠦꠠꠣꠞ ꠙꠣꠟꠞ ꠟꠣꠉꠤ ꠀꠝꠤꠃ ꠖꠥꠀꠞ।

Injil 4: Hannan 10:9

ꠀꠝꠤꠃ ꠖꠥꠀꠞ। ꠀꠝꠣꠞ ꠝꠣꠎꠖꠤ ꠎꠦ ꠢꠣꠝꠣꠁꠛ, ꠢꠦ ꠔꠣꠞ ꠎꠣꠘ ꠛꠣꠌꠣꠁꠛ। ꠢꠦ ꠜꠤꠔꠞꠦ ꠀꠅꠀ-ꠎꠣꠅꠀ ꠇꠞꠛ ꠀꠞ ꠀꠐꠤꠀ-ꠌꠞꠤꠀ ꠈꠣꠁꠛ।

Injil 8: 2-Korintia 8:12

ꠖꠣꠘ-ꠈꠄꠞꠣꠔ ꠖꠤꠛꠣꠞ ꠘꠤꠅꠔ ꠇꠞꠟꠦ, ꠀꠟ꠆ꠟꠣꠄ ꠔ ꠘꠤꠅꠔ ꠝꠣꠚꠤꠇ ꠇꠛꠥꠟ ꠇꠞꠂꠘ, ꠔꠦ ꠔꠚꠤꠇ ꠕꠣꠇꠟꠦ ꠖꠦꠅ, ꠘꠣ ꠕꠣꠇꠟꠦ ꠘꠣꠁ।

Injil 8: 2-Korintia 9:7

ꠔꠦ ꠔꠥꠝꠞꠣꠅ ꠅꠟꠣ ꠙꠞꠔꠦꠇꠦ ꠎꠣꠞꠎꠤꠞ ꠘꠤꠅꠔ ꠝꠣꠚꠤꠇ ꠖꠣꠘ-ꠈꠄꠞꠣꠔ ꠖꠦꠅ। ꠝꠘꠞ ꠝꠣꠎꠦ ꠇꠡ꠆ꠐ ꠟꠁꠀ ꠛꠣ ꠖꠦꠅꠀ ꠟꠣꠉꠛ ꠇꠞꠤ ꠖꠤꠅ ꠘꠣ। ꠇꠣꠞꠘ ꠖꠤꠟꠞ ꠈꠥꠡꠤꠄ ꠖꠣꠘ ꠇꠞꠟꠦ, ꠀꠟ꠆ꠟꠣꠄ ꠝꠣꠄꠀ ꠇꠞꠂꠘ।

Injil 10: Ifisia 2:18

ꠄꠞ ꠚꠟꠦ ꠔꠣꠘ ꠃꠍꠤꠟ꠆ꠟꠣꠄ ꠀꠝꠞꠣ ꠖꠥꠁꠅ ꠖꠟ ꠙꠣꠇ ꠞꠥꠢꠥꠞ ꠝꠣꠎꠖꠤ, ꠀꠝꠞꠣꠞ ꠛꠦꠢꠦꠡ꠆ꠔꠤ ꠛꠣꠚ ꠀꠟ꠆ꠟꠣ ꠙꠣꠇꠞ ꠖꠞꠛꠣꠞꠅ ꠀꠎꠤꠞ ꠅꠁꠔꠣꠝ ꠙꠣꠞꠤ।

Injil 10: Ifisia 5:27

ꠘꠥꠞꠞ ꠝꠢꠤꠝꠣꠄ ꠘꠤꠎꠞ ꠍꠣꠝꠘꠦ ꠀꠎꠤꠞ ꠇꠞꠣ। ꠅꠃ ꠡꠝꠄ ꠎꠝꠣꠔꠞ ꠝꠣꠎꠦ ꠇꠥꠘꠥ ꠇꠟꠋꠇꠞ ꠖꠣꠉ, ꠈꠥꠔ ꠛꠣ ꠁꠟꠣ ꠇꠥꠘ꠆ꠔꠣꠃ ꠞꠁꠔ ꠘꠣꠄ, ꠁꠔꠣ ꠙꠣꠇ-ꠙꠛꠤꠔ꠆ꠞ ꠀꠞ ꠘꠤꠈꠥꠔ ꠅꠁꠛ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 12:27

ꠔꠥꠝꠞꠣꠞ ꠝꠣꠛꠥꠖ ꠀꠟ꠆ꠟꠣꠞ ꠇꠥꠞꠛꠣꠘꠤ ꠈꠣꠘꠣꠞ ꠃꠙꠞꠦ ꠔꠥꠝꠞꠣꠞ ꠎꠣꠟꠣꠁꠟ ꠇꠥꠞꠛꠣꠘꠤꠞ ꠉꠥꠡ꠆ꠔ ꠀꠞ ꠟꠃ ꠎꠣꠟꠣꠁꠅ। ꠅꠁꠟꠦ ꠔꠥꠝꠞꠣꠞ ꠅꠁꠘ꠆ꠘ ꠢꠇꠟ ꠇꠥꠞꠛꠣꠘꠤꠞ ꠟꠃ ꠇꠥꠞꠛꠣꠘꠤ ꠈꠣꠘꠣꠞ ꠝꠣꠎꠦ ꠓꠣꠟꠤꠅ ꠀꠞ ꠁ ꠇꠥꠞꠛꠣꠘꠤꠞ ꠉꠥꠡ꠆ꠔ ꠔꠥꠝꠞꠣ ꠈꠣꠁꠅ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 15:21

ꠅꠁꠟꠦ ꠁꠔꠣꠞ ꠝꠣꠎꠦ ꠎꠥꠖꠤ ꠇꠥꠘꠥ ꠟꠣꠈꠣꠘ ꠈꠥꠔ ꠕꠣꠇꠦ, ꠁꠔꠣ ꠟꠦꠋꠠꠣ, ꠀꠘ꠆ꠖꠣ ꠛꠣ ꠀꠞꠅ ꠇꠥꠘꠥ ꠎꠣꠔꠞ ꠈꠥꠔ ꠕꠣꠇꠦ, ꠔꠦ ꠁꠉꠥꠞꠦꠃ ꠔꠥꠝꠞꠣꠞ ꠝꠣꠛꠥꠖ ꠀꠟ꠆ꠟꠣꠞ ꠘꠣꠝꠦ ꠇꠥꠞꠛꠣꠘꠤ ꠖꠤꠅ ꠘꠣ,

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 17:1

ꠢꠎꠞꠔ ꠝꠥꠍꠣꠄ ꠀꠞꠅ ꠇꠁꠟꠣ, “ꠀꠞ ꠔꠥꠝꠞꠣꠞ ꠝꠣꠛꠥꠖ ꠀꠟ꠆ꠟꠣꠞ ꠘꠣꠝꠦ ꠁꠟꠣꠈꠣꠘ ꠇꠥꠘꠥ ꠉꠞꠥ-ꠍꠣꠉꠟꠞꠦ ꠇꠥꠞꠛꠣꠘꠤ ꠖꠤꠅ ꠘꠣ, ꠎꠦꠔꠣꠞ ꠉꠔꠞꠅ ꠈꠥꠔ ꠀꠍꠦ, ꠔꠣꠁꠘ ꠔ ꠈꠥꠔ ꠀꠟꠣ ꠇꠥꠞꠛꠣꠘꠤꠞꠦ ꠊꠤꠘ ꠇꠞꠂꠘ।

Injil 19: Ibrani 7:26

ꠀꠍꠟꠦ ꠀꠝꠞꠣꠞ ꠟꠣꠉꠤ ꠅꠃꠟꠣ ꠄꠇꠎꠘ ꠙꠞꠗꠣꠘ ꠁꠝꠣꠝꠞ ꠎꠞꠥꠞꠅ ꠀꠍꠤꠟ, ꠎꠦꠁꠘ ꠙꠣꠇ-ꠙꠞꠦꠎꠉꠣꠞ, ꠛꠦ-ꠉꠥꠘꠣ, ꠉꠥꠘꠣꠉꠣꠞ ꠅꠇꠟ ꠕꠘꠦ ꠀꠟꠉ, ꠀꠞ ꠀꠟ꠆ꠟꠣꠄ ꠎꠦꠘꠞꠦ ꠀꠍꠝꠣꠘ ꠅꠇꠟꠞ ꠃꠙꠞꠦ ꠔꠥꠟꠍꠂꠘ।

Injil 19: Ibrani 9:14

ꠔꠦ ꠎꠦꠁꠘ ꠢꠞ-ꠢꠣꠝꠦꠡꠣꠇꠥꠞ ꠎꠤꠘ꠆ꠖꠣ ꠞꠥꠢꠥꠞ ꠝꠣꠎꠖꠤꠀ, ꠛꠦ-ꠉꠥꠘꠣ ꠇꠥꠞꠛꠣꠘꠤ ꠅꠁꠀ ꠔꠣꠘ ꠘꠤꠎꠞ ꠎꠣꠘꠞꠦ ꠀꠟ꠆ꠟꠣꠞ ꠘꠣꠝꠦ ꠡꠙꠤꠀ ꠖꠤꠟꠣꠁꠍꠂꠘ, ꠢꠤ ꠀꠟ-ꠝꠍꠤꠞ ꠟꠃꠄ ꠀꠝꠞꠣꠞ ꠖꠤꠟꠞꠦ ꠘꠣꠙꠣꠇꠤ ꠇꠣꠝ-ꠇꠣꠎ ꠕꠣꠇꠤ ꠀꠞꠅ ꠇꠔ ꠛꠦꠡꠤ ꠙꠞꠤꠝꠣꠘꠦ ꠙꠣꠇ-ꠍꠣꠚ ꠇꠞꠛ, ꠎꠣꠔꠦ ꠀꠝꠞꠣ ꠎꠤꠘ꠆ꠖꠣ ꠀꠟ꠆ꠟꠣꠞ ꠄꠛꠣꠖꠔ-ꠛꠘ꠆ꠖꠦꠉꠤ ꠇꠞꠔꠣꠝ ꠙꠣꠞꠤ।