ꠔꠃꠞꠣꠔ ৩: ꠟꠦꠛꠤꠀꠘ 1:1 - Siloṭi Asmani Kitab (Nagri lipi)

¹ ꠅꠃ ꠙꠛꠤꠔ꠆ꠞ ꠇꠣꠛꠣ ꠊꠞ ꠝꠣꠘꠤ ꠝꠤꠟꠘ-ꠔꠣꠝ꠆ꠛꠥ ꠛꠣꠘꠣꠘꠤꠞ ꠛꠣꠖꠦ, ꠝꠣꠛꠥꠖꠦ ꠝꠥꠍꠣ ꠘꠛꠤꠞꠦ ꠅꠘꠅ ꠀꠘꠣꠁꠀ ꠇꠁꠟꠣ,

ছিলটি আছমানি কিতাব (বাংলা লিপি)

¹ অউ পবিত্র কাবা ঘর মানি মিলন-তাম্বু বানানির বাদে, মাবুদে মুছা নবীরে অনো আনাইয়া কইলা,

Siloṭi Asmani Kitab (Latin lipi)

¹ Ou fobitro Kaba gor mani Milon-tambu bananir bade, Mabude Musa nobire ono anaia ḳoila,

ꠔꠃꠞꠣꠔ ৩: ꠟꠦꠛꠤꠀꠘ 1:1 Iomraidhean Croise

ꠔꠃꠞꠣꠔ ২: ꠢꠤꠎꠞꠔ 19:3

ꠄꠞꠝꠣꠎꠦ ꠢꠎꠞꠔ ꠝꠥꠍꠣ ꠔꠥꠞ ꠙꠣꠠꠞ ꠃꠙꠞꠦ ꠀꠟ꠆ꠟꠣꠞ ꠖꠞꠛꠣꠞꠅ ꠉꠦꠟꠣ। ꠝꠣꠛꠥꠖꠦ ꠙꠣꠠꠞ ꠃꠙꠞꠦ ꠕꠣꠇꠤ ꠔꠣꠘꠞꠦ ꠒꠣꠇꠤꠀ ꠇꠁꠟꠣ, “ꠅ ꠝꠥꠍꠣ, ꠔꠥꠝꠤ ꠁꠀꠇꠥꠛꠞ ꠀꠅꠟꠣꠖ ꠅꠇꠟꠞꠦ ꠇꠅ, ꠛꠘꠤ ꠁꠍꠞꠣꠁꠟꠞꠦ ꠎꠣꠘꠣꠁ ꠖꠦꠅ,

ꠔꠃꠞꠣꠔ ২: ꠢꠤꠎꠞꠔ 24:12

ꠛꠣꠖꠦ ꠝꠣꠛꠥꠖꠦ ꠝꠥꠍꠣꠞꠦ ꠇꠁꠟꠣ, “ꠔꠥꠝꠤ ꠅꠃ ꠙꠣꠠꠞ ꠃꠙꠞꠦ ꠀꠝꠣꠞ ꠇꠣꠘ꠆ꠖꠣꠔ ꠀꠅ, ꠀꠁꠀ ꠇꠄꠖꠤꠘ ꠞꠅ। ꠝꠣꠘꠡꠞꠦ ꠔꠣꠟꠤꠝ ꠖꠤꠛꠣꠞ ꠟꠣꠉꠤ ꠀꠝꠣꠞ ꠎꠦ ꠢꠥꠇꠥꠝ-ꠀꠢꠇꠣꠝ ꠙꠣꠔ꠆ꠔꠞꠞ ꠃꠙꠞꠦ ꠟꠦꠈꠍꠤ, ꠅꠔꠣ ꠀꠝꠤ ꠔꠥꠝꠣꠞꠦ ꠖꠤꠝꠥ।”

ꠔꠃꠞꠣꠔ ২: ꠢꠤꠎꠞꠔ 25:22

ꠁ ꠡꠣꠢꠣꠖꠔ ꠡꠘ꠆ꠖꠥꠇꠞ ꠓꠣꠇꠘꠣꠞ ꠃꠙꠞꠦ ꠖꠥꠁꠅ ꠇꠣꠞꠥꠛꠤꠞ ꠝꠣꠎꠈꠣꠘꠅ, ꠀꠝꠤ ꠔꠥꠝꠣꠞꠦ ꠖꠤꠖꠣꠞ ꠖꠤꠝꠥ। ꠅꠃ ꠖꠤꠖꠣꠞꠞ ꠡꠝꠄ ꠛꠘꠤ ꠁꠍꠞꠣꠁꠟꠞ ꠟꠣꠉꠤ ꠀꠝꠣꠞ ꠢꠇꠟ ꠀꠁꠘ-ꠇꠣꠘꠥꠘ ꠎꠣꠘꠣꠁꠝꠥ।

ꠔꠃꠞꠣꠔ ২: ꠢꠤꠎꠞꠔ 29:42

“ꠅꠀꠞꠤꠡꠞ ꠙꠞ ꠅꠀꠞꠤꠡ ꠗꠞꠤ ꠝꠤꠟꠘ-ꠔꠣꠝ꠆ꠛꠥꠞ ꠖꠥꠀꠞꠞ ꠉꠦꠍꠦ, ꠝꠣꠘꠤ ꠀꠝꠣꠞ ꠍꠣꠝꠘꠦ ꠙꠞꠔꠦꠇ ꠖꠤꠘ ꠁ ꠎꠣꠟꠣꠁꠟ ꠇꠥꠞꠛꠣꠘꠤ ꠖꠤꠔꠦ ꠅꠁꠛ। ꠢꠘꠅ ꠀꠝꠤ ꠔꠥꠝꠞꠣꠞꠦ ꠖꠤꠖꠣꠞ ꠖꠤꠝꠥ, ꠔꠥꠝꠣꠞ ꠟꠉꠦ ꠛꠣꠔꠌꠤꠔ ꠇꠞꠝꠥ।

ꠔꠃꠞꠣꠔ ২: ꠢꠤꠎꠞꠔ 3:4

ꠀꠟ꠆ꠟꠣꠄ ꠎꠦꠛꠟꠣ ꠖꠦꠈꠟꠣ ꠄꠁꠘ ꠖꠦꠈꠣꠞ ꠟꠣꠉꠤ ꠇꠣꠍꠣꠔ ꠎꠣꠁꠞꠣꠉꠤ, ꠅꠃ ꠡꠝꠄ ꠔꠣꠁꠘ ꠎꠋꠟꠣꠞ ꠝꠣꠎ ꠕꠣꠇꠤ ꠒꠣꠇꠤꠀ ꠇꠁꠟꠣ, “ꠝꠥꠍꠣ, ꠅ ꠝꠥꠍꠣ!” ꠝꠥꠍꠣꠄ ꠇꠁꠟꠣ, “ꠅꠃꠘꠥ ꠀꠝꠤ।”

ꠔꠃꠞꠣꠔ ২: ꠢꠤꠎꠞꠔ 33:7

ꠢꠎꠞꠔ ꠝꠥꠍꠣꠞ ꠄꠇ ꠔꠣꠝ꠆ꠛꠥ ꠀꠍꠤꠟ, ꠔꠣꠁꠘ ꠛꠘꠤ ꠁꠍꠞꠣꠁꠟꠞ ꠇꠦꠝ꠆ꠙꠞ ꠛꠣꠞꠦ ꠖꠥꠞꠁ ꠘꠤꠀ ꠅꠃ ꠔꠣꠝ꠆ꠛꠥ ꠙꠣꠔꠤꠔꠣ, ꠁ ꠔꠣꠝ꠆ꠛꠥꠞꠦ ꠔꠣꠁꠘ ꠈꠣꠘꠦꠇꠣ-ꠔꠣꠝ꠆ꠛꠥ ꠇꠁꠀ ꠒꠣꠇꠤꠔꠣ। ꠝꠣꠛꠥꠖꠞ ꠉꠦꠍ ꠕꠣꠇꠤ ꠇꠦꠃ ꠇꠥꠘ꠆ꠔꠣ ꠎꠣꠘꠔꠦ ꠌꠣꠁꠟꠦ ꠔꠣꠞꠣ ꠅꠃ ꠈꠣꠘꠦꠇꠣꠞ ꠉꠦꠍꠦ ꠎꠣꠁꠔꠣ।

ꠔꠃꠞꠣꠔ ২: ꠢꠤꠎꠞꠔ 39:32

ꠅꠃ ꠟꠣꠈꠣꠘ ꠝꠤꠟꠘ-ꠔꠣꠝ꠆ꠛꠥ ꠡꠢ ꠀꠟ꠆ꠟꠣꠞ ꠊꠞꠞ ꠢꠇ꠆ꠇꠟ ꠇꠣꠝ-ꠇꠣꠎ ꠡꠦꠡ ꠅꠁꠟ। ꠝꠣꠛꠥꠖꠦ ꠝꠥꠍꠣꠞꠦ ꠎꠦꠟꠣ ꠢꠥꠇꠥꠝ ꠖꠤꠍꠟꠣ, ꠛꠘꠤ ꠁꠍꠞꠣꠁꠟꠦ ꠄꠇ꠆ꠇꠦꠞꠦ ꠅꠃ ꠟꠣꠈꠣꠘ ꠢꠇꠟꠔꠣ ꠇꠞꠟꠣ।

ꠔꠃꠞꠣꠔ ২: ꠢꠤꠎꠞꠔ 40:29

ꠔꠣꠁꠘ ꠀꠟ꠆ꠟꠣꠞ ꠊꠞꠞ ꠝꠤꠟꠘ-ꠔꠣꠝ꠆ꠛꠥꠞ ꠖꠥꠀꠞꠞ ꠇꠣꠘ꠆ꠖꠣꠔ ꠎꠣꠟꠣꠁꠟ ꠇꠥꠞꠛꠣꠘꠤ ꠈꠣꠘꠣ ꠕꠁꠟꠣ। ꠕꠁꠀ ꠄꠞ ꠃꠙꠞꠦ ꠎꠣꠟꠣꠁꠟ ꠙꠡꠥ ꠇꠥꠞꠛꠣꠘꠤ ꠀꠞ ꠗꠣꠘ-ꠉꠝꠞ ꠍꠖꠉꠣ ꠖꠤꠟꠣ, ꠎꠦꠟꠣ ꠝꠣꠛꠥꠖꠦ ꠝꠥꠍꠣꠞꠦ ꠢꠥꠇꠥꠝ ꠖꠤꠍꠟꠣ।

ꠔꠃꠞꠣꠔ ৩: ꠟꠦꠛꠤꠀꠘ 7:38

ꠍꠤꠘꠣꠁ ꠝꠞꠥꠜꠥꠝꠤꠔ ꠝꠣꠛꠥꠖꠦ ꠎꠦꠖꠤꠘ ꠛꠘꠤ ꠁꠍꠞꠣꠁꠟꠞꠦ ꠢꠥꠇꠥꠝ ꠖꠤꠍꠟꠣ ꠔꠣꠘ ꠘꠣꠝꠦ ꠇꠥꠞꠛꠣꠘꠤꠞ ꠎꠤꠘꠤꠡ ꠀꠘꠣꠞ ꠟꠣꠉꠤ, ꠢꠃ ꠖꠤꠘ ꠔꠣꠁꠘ ꠔꠥꠞ ꠙꠣꠠꠞ ꠃꠙꠞꠦ ꠝꠥꠍꠣ ꠘꠛꠤꠞꠦ ꠅꠃ ꠢꠇ꠆ꠇꠟ ꠘꠤꠅꠝ-ꠇꠣꠘꠥꠘ ꠎꠣꠘꠣꠁꠍꠟꠣ।

ꠔꠃꠞꠣꠔ ৩: ꠟꠦꠛꠤꠀꠘ 9:16

ꠄꠞꠛꠣꠖꠦ ꠔꠣꠁꠘ ꠔꠣꠞꠣꠞ ꠎꠣꠟꠣꠁꠟ ꠇꠥꠞꠛꠣꠘꠤꠞ ꠙꠡꠥꠞꠦꠅ ꠝꠣꠛꠥꠖꠞ ꠢꠥꠇꠥꠝ ꠝꠣꠚꠤꠇ ꠇꠥꠞꠛꠣꠘꠤ ꠖꠤꠟꠣ।

ꠔꠃꠞꠣꠔ ৪: ꠡꠥꠝꠣꠞꠤ 1:1

ꠛꠘꠤ ꠁꠍꠞꠣꠁꠟ ꠎꠣꠔꠤ ꠝꠤꠡꠞ ꠖꠦꠡ ꠕꠣꠇꠤ ꠛꠣꠞ ꠅꠁꠀ ꠀꠅꠀꠞ ꠖꠥꠁ ꠘꠝ꠆ꠛꠞ ꠛꠍꠞꠞ ꠡꠝꠄ, ꠖꠥꠁ ꠘꠝ꠆ꠛꠞ ꠌꠣꠘ꠆ꠖꠞ ꠙꠄꠟꠣ ꠖꠤꠘ, ꠝꠣꠛꠥꠖꠦ ꠍꠤꠘꠣꠁ ꠝꠞꠥꠜꠥꠝꠤꠔ ꠝꠤꠟꠘ-ꠔꠣꠝ꠆ꠛꠥꠞ ꠜꠤꠔꠞꠦ ꠢꠎꠞꠔ ꠝꠥꠍꠣꠞ ꠟꠉꠦ ꠛꠣꠔꠌꠤꠔ ꠇꠞꠟꠣ। ꠔꠣꠁꠘ ꠝꠥꠍꠣꠞꠦ ꠇꠁꠟꠣ,

ꠔꠃꠞꠣꠔ ৪: ꠡꠥꠝꠣꠞꠤ 7:15

ꠎꠣꠟꠣꠁꠟ ꠇꠥꠞꠛꠣꠘꠤꠞ ꠟꠣꠉꠤ ꠄꠇꠐꠣ ꠛꠤꠍꠣꠟ, ꠄꠇꠐꠣ ꠝꠦꠠꠣ, ꠄꠇ ꠛꠍꠞ ꠛꠄꠅꠡꠤ ꠄꠉꠥ ꠝꠦꠠꠣ-ꠛꠣꠁꠌ꠆ꠌꠣ,

ꠔꠃꠞꠣꠔ ৪: ꠡꠥꠝꠣꠞꠤ 7:89

ꠄꠞꠛꠣꠖꠦ ꠝꠥꠍꠣ ꠘꠛꠤꠄ ꠎꠦꠛꠟꠣꠃ ꠝꠣꠛꠥꠖꠞ ꠟꠉꠦ ꠛꠣꠔꠌꠤꠔ ꠇꠞꠣꠞ ꠟꠣꠉꠤ ꠝꠤꠟꠘ-ꠔꠣꠝ꠆ꠛꠥꠔ ꠢꠣꠝꠣꠁꠔꠣ, ꠅꠃ ꠡꠝꠄ ꠡꠣꠢꠣꠖꠔ ꠡꠘ꠆ꠖꠥꠇꠞ ꠓꠣꠇꠘꠣꠞ ꠃꠙꠞꠦ ꠎꠦ ꠖꠥꠁꠅ ꠇꠣꠞꠥꠛꠤ ꠞꠂꠘ, ꠄꠞꠣꠞ ꠝꠣꠎꠈꠣꠘ ꠕꠣꠇꠤ ꠔꠣꠘ ꠛꠥꠟꠤ ꠢꠥꠘꠔꠣ। ꠝꠣꠛꠥꠖꠦ ꠅꠃ ꠘꠝꠥꠘꠣꠄ ꠝꠥꠍꠣ ꠘꠛꠤꠞ ꠟꠉꠦ ꠛꠣꠔꠌꠤꠔ ꠇꠞꠔꠣ।

Injil 4: Hannan 1:17

ꠝꠥꠍꠣ ꠘꠛꠤꠞ ꠝꠣꠞꠚꠔꠦ ꠀꠟ꠆ꠟꠣꠄ ꠡꠞꠤꠅꠔ ꠖꠣꠘ ꠇꠞꠍꠤꠟꠣ, ꠅꠁꠟꠦ ꠁꠍꠣ ꠀꠟ-ꠝꠍꠤꠞ ꠝꠣꠞꠚꠔꠦ ꠢꠇ ꠀꠞ ꠞꠢꠝꠔ ꠀꠁꠍꠦ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 27:6

ꠀꠡ꠆ꠔꠣ ꠀꠡ꠆ꠔꠣ ꠙꠣꠔ꠆ꠔꠞ ꠖꠤꠀ ꠔꠥꠝꠞꠣꠞ ꠝꠣꠛꠥꠖ ꠀꠟ꠆ꠟꠣꠞ ꠅꠃ ꠇꠥꠞꠛꠣꠘꠤ ꠈꠣꠘꠣ ꠛꠣꠘꠣꠁꠅ, ꠛꠣꠘꠣꠁꠀ ꠄꠞ ꠃꠙꠞꠦ ꠔꠥꠝꠞꠣꠞ ꠝꠣꠛꠥꠖ ꠀꠟ꠆ꠟꠣꠞ ꠘꠣꠝꠦ ꠎꠣꠟꠣꠁꠟ ꠇꠥꠞꠛꠣꠘꠤ ꠀꠖꠣꠄ ꠇꠞꠤꠅ।