ꠀꠍꠝꠣꠘꠤ ꠇꠤꠔꠣꠛ: ꠁꠃꠘꠥꠍ 1:3 - Siloṭi Asmani Kitab (Nagri lipi)

³ ꠅꠁꠟꠦ ꠁꠃꠘꠥꠍꠦ ꠝꠣꠛꠥꠖꠞ ꠢꠥꠇꠥꠝꠞ ꠛꠞꠈꠦꠟꠣꠚ ꠇꠞꠤꠀ ꠜꠣꠉꠤꠀ ꠡ꠆ꠙꠦꠘ ꠖꠦꠡꠅ ꠎꠣꠅꠀꠞ ꠟꠣꠉꠤ ꠞꠅꠀꠘꠣ ꠅꠁꠉꠦꠟꠣ। ꠔꠣꠁꠘ ꠎꠣꠚꠣ ꠘꠣꠝꠞ ꠎꠣꠎꠞ ꠊꠣꠐꠅ ꠉꠤꠀ ꠡ꠆ꠙꠦꠘ ꠖꠦꠡꠅ ꠎꠣꠅꠞꠣ ꠄꠇꠈꠣꠘ ꠎꠣꠎ ꠙꠣꠁꠀ, ꠎꠣꠎꠞ ꠜꠣꠠꠣ ꠀꠖꠣꠄ ꠇꠞꠤꠀ ꠜꠤꠔꠞꠦ ꠢꠣꠝꠣꠁꠀ ꠝꠣꠛꠥꠖꠞ ꠍꠣꠝꠘꠦ ꠕꠘꠦ ꠜꠣꠉꠤꠔꠣ ꠇꠞꠤ ꠘꠣꠁꠀꠂꠘ꠆ꠔꠞ ꠟꠉꠦ ꠅꠁꠀ ꠞꠅꠀꠘꠣ ꠖꠤꠟꠣꠁꠟꠣ।

ছিলটি আছমানি কিতাব (বাংলা লিপি)

³ অইলে ইউনুছে মাবুদর হুকুমর বরখেলাফ করিয়া বাগিয়া স্পেন দেশো যাওয়ার লাগি রওয়ানা অইগেলা। তাইন জাফা নামর জাজর ঘাটো গিয়া স্পেন দেশো যাওরা একখান জাজ পাইয়া, জাজর ভাড়া আদায় করিয়া ভিতরে হামাইয়া মাবুদর ছামনে থনে বাগিতা করি নাইয়াইন্তর লগে অইয়া রওয়ানা দিলাইলা।

Siloṭi Asmani Kitab (Latin lipi)

³ Oile Iunuse Mabudor hukumor borkelaf ḳoria bagia Spen desho zaoar lagi roana oigela. Tain Jafa namor zazor gaṭo gia Spen desho zaora ekkan zaz faia, zazor baṛa adae ḳoria bitre hamaia Mabudor samne tone bagita ḳori naiaintor loge oia roana dilaila.

ꠀꠍꠝꠣꠘꠤ ꠇꠤꠔꠣꠛ: ꠁꠃꠘꠥꠍ 1:3 Iomraidhean Croise

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 3:8

ꠢꠣꠁꠘ꠆ꠎꠣ ꠛꠣꠟꠣ ꠔꠣꠞꠣ ꠝꠣꠛꠥꠖ ꠀꠟ꠆ꠟꠣꠞ ꠀꠅꠀꠎ ꠢꠥꠘꠟꠣ, ꠔꠣꠁꠘ ꠛꠣꠉꠣꠘꠞ ꠝꠣꠎꠦ ꠙꠣꠇꠣꠘꠤꠔ ꠀꠁꠞꠣ। ꠔꠦꠃ ꠀꠖꠝ ꠀꠞ ꠔꠣꠘ ꠛꠃ ꠝꠣꠛꠥꠖ ꠀꠟ꠆ꠟꠣꠞ ꠍꠣꠝꠘꠦ ꠘꠣ ꠙꠠꠣꠞ ꠟꠣꠉꠤ ꠛꠣꠉꠣꠘꠞ ꠉꠣꠍꠞ ꠀꠅꠠꠦ ꠟꠥꠇꠣꠁꠟꠣ।

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 4:16

ꠄꠞꠛꠣꠖꠦ ꠇꠣꠛꠤꠟ ꠝꠣꠛꠥꠖꠞ ꠍꠣꠝꠘ ꠕꠣꠇꠤ ꠢꠞꠤꠀ ꠀꠖꠣꠘꠞ ꠙꠥꠛꠦꠖꠤ ꠘꠥꠖ [ꠝꠣꠘꠤ, ꠊꠥꠞꠣ-ꠚꠤꠞꠣ] ꠖꠦꠡꠅ ꠉꠦꠟꠉꠤ।

ꠀꠍꠝꠣꠘꠤ ꠇꠤꠔꠣꠛ: ꠁꠃꠘꠥꠍ 1:10

ꠔꠣꠁꠘ ꠀꠞꠅ ꠇꠁꠟꠣ, ꠝꠣꠛꠥꠖꠞ ꠍꠣꠝꠘꠦ ꠕꠘꠦ ꠜꠣꠉꠤꠛꠣꠞ ꠘꠤꠅꠔꠦ ꠔꠣꠁꠘ ꠀꠁꠀ ꠎꠣꠎꠅ ꠃꠑꠍꠂꠘ। ꠁꠈꠣꠘ ꠢꠥꠘꠤꠀ ꠔꠣꠞꠣ ꠈꠥꠛ ꠒꠞꠣꠁꠀ ꠇꠁꠟꠣ, “ꠢꠣꠄ, ꠢꠣꠄ! ꠔꠥꠝꠤ ꠁꠔꠣ ꠇꠥꠘ ꠎꠣꠔꠞ ꠇꠣꠝ ꠇꠞꠟꠣꠄ?”

ꠀꠍꠝꠣꠘꠤ ꠇꠤꠔꠣꠛ: ꠁꠃꠘꠥꠍ 4:2

ꠔꠣꠁꠘ ꠝꠣꠛꠥꠖꠞ ꠖꠞꠛꠣꠞꠅ ꠚꠞꠤꠀꠖ ꠇꠞꠟꠣ, “ꠅ ꠝꠣꠛꠥꠖ, ꠀꠝꠤ ꠖꠦꠡꠅ ꠕꠣꠇꠔꠦꠃ ꠔ ꠎꠣꠘꠔꠣꠝ ꠁꠟꠣꠈꠣꠘ ꠅꠁꠛ। ꠄꠞꠖꠣꠄ ꠀꠝꠤ ꠀꠉꠦꠃ ꠡ꠆ꠙꠦꠘ ꠖꠦꠡꠅ ꠢꠞꠤꠀ ꠎꠣꠁꠔꠣꠝꠉꠤ ꠌꠣꠁꠍꠟꠣꠝ। ꠀꠝꠤ ꠔ ꠎꠣꠘꠤ, ꠔꠥꠝꠤ ꠖꠄꠀ-ꠝꠝꠔꠣꠄ ꠜꠞꠣ ꠀꠟ꠆ꠟꠣ, ꠉꠥꠍꠣ ꠇꠞ ꠗꠤꠞ ꠉꠔꠤꠄ, ꠞꠢꠝ ꠇꠞ ꠛꠦꠢꠤꠡꠣꠛ, ꠀꠞ ꠉꠎꠛ ꠘꠣꠎꠤꠟꠞ ꠛꠦꠙꠣꠞꠦ ꠔꠥꠝꠣꠞ ꠝꠞ꠆ꠎꠤ ꠛꠖꠟꠣꠁꠟꠣꠅ।

Injil 3: Luk 9:62

ꠁꠍꠣꠄ ꠔꠣꠞꠦ ꠇꠁꠟꠣ, “ꠟꠣꠋꠉꠟꠞ ꠈꠥꠐꠤꠔ ꠗꠞꠤꠀ ꠎꠦꠉꠥꠄ ꠈꠞꠦꠖꠤ ꠚꠤꠞꠤꠀ ꠌꠣꠄ, ꠢꠦ ꠀꠟ꠆ꠟꠣꠞ ꠛꠣꠖꠡꠣꠁꠞ ꠟꠣꠈ ꠘꠣꠄ।”

Injil 5: Sahabi Nama 15:38

ꠅꠁꠟꠦ ꠙꠣꠃꠟꠥꠍꠦ ꠄꠘꠞꠦ ꠟꠉꠦ ꠘꠦꠅꠀ ꠜꠣꠟꠣ ꠝꠘꠅ ꠇꠞꠟꠣ ꠘꠣ, ꠇꠣꠞꠘ ꠝꠣꠞ꠆ꠇꠥꠍꠦ ꠀꠉꠦ ꠙꠣꠝꠚꠥꠟꠤꠀꠔ ꠔꠣꠞꠣꠞꠦ ꠚꠣꠟꠣꠁꠀ ꠉꠦꠍꠟꠣꠉꠤ, ꠔꠣꠞꠣꠞ ꠟꠉꠦ ꠇꠣꠝ ꠇꠞꠣ ꠛꠣꠖ ꠖꠤꠟꠣꠁꠍꠟꠣ।

Injil 5: Sahabi Nama 26:19

“ꠝꠣꠘꠘꠤꠅ ꠞꠣꠎꠣ ꠘꠣꠝꠖꠣꠞ, ꠛꠦꠢꠦꠡ꠆ꠔꠤ ꠁ ꠖꠞꠡꠘꠞꠦ ꠀꠝꠤ ꠚꠣꠟꠣꠁꠔꠣꠝ ꠙꠣꠞꠟꠣꠝ ꠘꠣ।

Injil 5: Sahabi Nama 9:36

ꠎꠣꠚꠣ ꠡꠢꠞꠅ ꠐꠣꠛꠤꠕꠣ ꠘꠣꠝꠦ ꠄꠇꠎꠘ ꠝꠥꠝꠤꠘ ꠛꠦꠐꠤ ꠀꠍꠟꠣ, ꠁꠃꠘꠣꠘꠤ ꠜꠣꠡꠣꠄ ꠐꠣꠛꠤꠕꠣ ꠘꠣꠝꠞ ꠅꠞ꠆ꠕ ꠖꠞ꠆ꠇꠣ, ꠝꠣꠘꠤ ꠢꠞꠤꠘꠤ, ꠔꠣꠁꠘ ꠢꠇꠟ ꠡꠝꠄ ꠜꠣꠟꠣ ꠇꠣꠝ ꠇꠞꠔꠣ ꠀꠞ ꠉꠞꠤꠛꠞꠦ ꠡꠣꠁꠎ꠆ꠎ ꠇꠞꠔꠣ।

Injil 5: Sahabi Nama 9:38

ꠎꠣꠚꠣ ꠡꠢꠞ ꠟꠥꠖ꠆ꠖꠣꠞ ꠇꠣꠍꠣꠔ ꠀꠍꠤꠟ ꠉꠔꠤꠇꠦ, ꠃꠝ꠆ꠝꠔ ꠅꠇꠟꠦ ꠎꠦꠛꠟꠣ ꠢꠥꠘꠟꠣ, ꠙꠤꠔꠞ ꠟꠥꠖ꠆ꠖꠣꠔ ꠀꠍꠂꠘ, ꠅꠃ ꠔꠣꠞꠣ ꠖꠥꠁꠎꠘ ꠝꠣꠘꠡꠞꠦ ꠔꠣꠘ ꠉꠦꠍꠦ ꠙꠣꠑꠣꠁꠀ ꠝꠤꠘꠔ ꠇꠞꠟꠣ, “ꠀꠙꠘꠦ ꠎꠟꠖꠤ ꠇꠞꠤ ꠀꠝꠞꠣꠞ ꠉꠦꠍꠦ ꠀꠃꠇ꠆ꠇꠣ।”

Injil 5: Sahabi Nama 9:42

ꠁ ꠈꠛꠞ ꠎꠣꠚꠣ ꠡꠢꠞꠞ ꠢꠇꠟ ꠎꠣꠉꠣꠔ ꠃꠠꠤꠉꠦꠟ ꠀꠞ ꠛꠃꠔ ꠝꠣꠘꠡꠦ ꠀꠟ-ꠝꠍꠤꠞ ꠃꠙꠞꠦ ꠁꠝꠣꠘ ꠀꠘꠟꠣ।

Injil 5: Sahabi Nama 9:43

ꠙꠤꠔꠞ ꠛꠃꠔ ꠖꠤꠘ ꠎꠣꠚꠣ ꠡꠢꠞꠅ ꠍꠣꠁꠝꠘ ꠘꠣꠝꠞ ꠄꠇ ꠌꠣꠝꠣꠞꠞ ꠛꠣꠠꠤꠔ ꠞꠁꠟꠣ।

Injil 7: 1-Korintia 9:16

ꠀꠝꠤ ꠎꠦ ꠈꠥꠡ-ꠈꠛꠞꠤ ꠔꠛꠟꠤꠉ ꠇꠞꠤꠀꠞ, ꠄꠔꠦ ꠀꠝꠣꠞ ꠛꠠꠣꠁ ꠖꠦꠈꠣꠘꠤꠞ ꠇꠥꠘ꠆ꠔꠣ ꠘꠣꠄ, ꠁꠔꠣ ꠀꠝꠣꠞ ꠟꠣꠉꠤ ꠚꠞꠎ। ꠔꠛꠟꠤꠉ ꠘꠣ ꠇꠞꠟꠦ ꠀꠝꠣꠞ ꠃꠙꠞꠦ ꠟꠣꠘ꠆ꠘꠔ ꠙꠠꠃꠇ!

ইঞ্জিল ১৪: ২-থিষল: 1:9

ꠝꠣꠟꠤꠇ ꠁꠍꠣꠄ ꠎꠦꠛꠟꠣ ꠔꠡꠞꠤꠚ ꠀꠘꠛꠣ, ꠅꠃ ꠡꠝꠄ ꠔꠣꠞꠣꠞꠦ ꠅꠝꠘ ꠡꠣꠎꠣ ꠖꠦꠅꠀ ꠅꠁꠛ, ꠎꠣꠔꠦ ꠔꠣꠞꠣ ꠔꠣꠘ ꠖꠤꠖꠣꠞꠞ ꠀꠞ ꠝꠢꠣ ꠇꠥꠖꠞꠔꠤꠞ ꠛꠣꠞꠦ ꠙꠠꠤꠀ ꠢꠞ-ꠢꠣꠝꠦꠡꠣ ꠟꠣꠘ꠆ꠘꠔꠤ ꠡꠣꠎꠣ ꠙꠣꠁꠛ।