ꠔꠃꠞꠣꠔ ২: ꠢꠤꠎꠞꠔ 8:1 - Siloṭi Asmani Kitab (Nagri lipi)

¹ ꠅꠃ ꠡꠣꠔ ꠖꠤꠘ ꠛꠣꠖꠦ ꠝꠣꠛꠥꠖꠦ ꠝꠥꠍꠣꠞꠦ ꠇꠁꠟꠣ, “ꠔꠥꠝꠤ ꠚꠦꠞꠣꠃꠘꠞ ꠉꠦꠍꠦ ꠎꠣꠅ, ꠉꠤꠀ ꠔꠣꠞꠦ ꠇꠅ, ꠝꠣꠛꠥꠖꠦ ꠘꠤꠎꠦ ꠇꠁꠞꠣ, ꠀꠝꠣꠞ ꠈꠦꠎꠝꠔ ꠇꠞꠣꠞ ꠟꠣꠉꠤ ꠀꠝꠣꠞ ꠛꠘ꠆ꠖꠣ ꠅꠇꠟꠞꠦ ꠍꠣꠠꠤ ꠖꠦꠅ।

ছিলটি আছমানি কিতাব (বাংলা লিপি)

¹ অউ সাত দিন বাদে মাবুদে মুছারে কইলা, “তুমি ফেরাউনর গেছে যাও, গিয়া তারে কও, মাবুদে নিজে কইরা, আমার খেজমত করার লাগি আমার বন্দা অকলরে ছাড়ি দেও।

Siloṭi Asmani Kitab (Latin lipi)

¹ Ou shat din bade Mabude Musare ḳoila, “Tumi Feraunor gese zao, gia tare ḳo, Mabude nize ḳoira, amar kezmot ḳorar lagi amar bonda oḳolre saṛi deo.

ꠔꠃꠞꠣꠔ ২: ꠢꠤꠎꠞꠔ 8:1 Iomraidhean Croise

ꠔꠃꠞꠣꠔ ২: ꠢꠤꠎꠞꠔ 3:12

ꠀꠟ꠆ꠟꠣꠄ ꠇꠁꠟꠣ, “ꠀꠝꠤ ꠔ ꠔꠥꠝꠣꠞ ꠟꠉꠦ ꠟꠉꠦ ꠞꠁꠝꠥ। ꠔꠥꠝꠤ ꠝꠤꠡꠞ ꠕꠣꠇꠤ ꠝꠣꠘꠡꠞꠦ ꠢꠞꠣꠁꠀ ꠀꠘꠤꠀ, ꠔꠣꠞꠣꠞꠦ ꠟꠁꠀ ꠅꠃ ꠙꠣꠠꠅ ꠀꠝꠣꠞ ꠄꠛꠣꠖꠔ ꠇꠞꠛꠣꠄ। ꠔꠦꠃ ꠛꠥꠎꠛꠣꠄ ꠀꠝꠤꠃ ꠔꠥꠝꠣꠞꠦ ꠙꠣꠑꠣꠁꠍꠤ।”

ꠔꠃꠞꠣꠔ ২: ꠢꠤꠎꠞꠔ 3:18

ꠀꠟ꠆ꠟꠣꠄ ꠀꠞꠅ ꠇꠁꠟꠣ, “ꠛꠘꠤ ꠁꠍꠞꠣꠁꠟꠞ ꠝꠥꠞꠛ꠆ꠛꠤ ꠅꠇꠟꠦ ꠔꠥꠝꠣꠞ ꠇꠕꠣ ꠢꠥꠘꠛꠣ, ꠔꠥꠝꠤ ꠔꠣꠞꠣꠞꠦ ꠟꠉꠦ ꠟꠁꠀ ꠝꠤꠡꠞꠞ ꠛꠣꠖꠡꠣꠞ ꠉꠦꠍꠦ ꠎꠣꠁꠅ। ꠉꠤꠀ ꠇꠁꠅ, ‘ꠀꠟ꠆ꠟꠣ ꠎꠦꠁꠘ ꠁꠛꠞꠣꠘꠤ ꠅꠇꠟꠞ ꠝꠣꠛꠥꠖ, ꠔꠣꠁꠘ ꠀꠝꠣꠞꠦ ꠖꠞꠡꠘ ꠖꠤꠍꠂꠘ। ꠄꠞꠟꠣꠉꠤ ꠀꠝꠞꠣ ꠔꠣꠘ ꠘꠣꠝꠦ ꠄꠇꠈꠣꠘ ꠇꠥꠞꠛꠣꠘꠤ ꠇꠞꠔꠣꠝ ꠌꠣꠁꠀꠞ, ꠀꠝꠞꠣ ꠝꠞꠥꠜꠥꠝꠤꠞ ꠛꠣꠄ ꠔꠤꠘ ꠖꠤꠘꠞ ꠙꠕ ꠉꠤꠀ ꠇꠥꠞꠛꠣꠘꠤ ꠖꠤꠝꠥ, ꠔꠦ ꠀꠝꠞꠣꠞꠦ ꠎꠣꠅꠀꠞ ꠅꠘꠥꠝꠔꠤ ꠖꠦꠃꠇ꠆ꠇꠣ।’

ꠔꠃꠞꠣꠔ ২: ꠢꠤꠎꠞꠔ 4:23

ꠀꠝꠤ ꠘꠤꠎꠦ ꠔꠥꠝꠣꠞꠦ ꠢꠥꠇꠥꠝ ꠇꠞꠍꠟꠣꠝ, ꠀꠝꠣꠞ ꠄꠛꠣꠖꠔꠅ ꠎꠣꠁꠔꠣ ꠇꠞꠤ ꠔꠥꠝꠤ ꠀꠝꠣꠞ ꠙꠥꠔꠞꠦ ꠍꠣꠠꠤ ꠖꠤꠔꠣꠄ, ꠅꠁꠟꠦ ꠔꠥꠝꠤ ꠝꠣꠘꠍ ꠘꠣ। ꠄꠞꠖꠣꠄ ꠀꠝꠤꠅ ꠔꠥꠝꠣꠞ ꠙꠄꠟꠣ ꠙꠥꠔꠞꠦ ꠝꠣꠞꠤꠟꠤꠝꠥ।’ ”

ꠔꠃꠞꠣꠔ ২: ꠢꠤꠎꠞꠔ 5:1

ꠝꠥꠍꠣ ꠀꠞ ꠢꠣꠞꠥꠘꠦ ꠉꠤꠀ ꠚꠦꠞꠣꠃꠘꠞꠦ ꠇꠁꠟꠣ, “ꠝꠣꠛꠥꠖ, ꠎꠦꠁꠘ ꠛꠘꠤ ꠁꠍꠞꠣꠁꠟꠞ ꠀꠟ꠆ꠟꠣ, ꠔꠣꠁꠘ ꠘꠤꠎꠦ ꠇꠁꠍꠂꠘ, ꠀꠝꠣꠞ ꠛꠘ꠆ꠖꠣ ꠅꠇꠟꠞꠦ ꠔꠥꠝꠤ ꠍꠣꠠꠤ ꠖꠦꠅ, ꠀꠝꠣꠞ ꠘꠣꠝꠦ ꠢꠎ ꠇꠞꠣꠞ ꠟꠣꠉꠤ, ꠔꠣꠞꠣ ꠝꠞꠥꠜꠥꠝꠤꠔ ꠢꠤꠎꠞꠔ ꠇꠞꠔꠦ ꠅꠁꠛ, ꠔꠥꠝꠤ ꠔꠣꠞꠣꠞꠦ ꠍꠣꠠꠅ।”

ꠔꠃꠞꠣꠔ ২: ꠢꠤꠎꠞꠔ 5:3

ꠔꠣꠞꠣ ꠇꠁꠟꠣ, “ꠁꠛꠞꠣꠘꠤ ꠅꠇꠟꠞ ꠀꠟ꠆ꠟꠣꠄ ꠀꠝꠞꠣꠞꠦ ꠖꠞꠡꠘ ꠖꠤꠍꠂꠘ। ꠄꠞꠟꠣꠉꠤ ꠀꠝꠞꠣ ꠝꠤꠘꠔ ꠇꠞꠤꠀꠞ ꠀꠝꠞꠣꠞꠦ ꠝꠞꠥꠜꠥꠝꠤꠞ ꠛꠣꠄ ꠔꠤꠘ ꠖꠤꠘꠞ ꠙꠕ ꠉꠤꠀ, ꠀꠝꠞꠣꠞ ꠝꠣꠛꠥꠖ ꠀꠟ꠆ꠟꠣꠞ ꠘꠣꠝꠦ ꠇꠥꠞꠛꠣꠘꠤ ꠇꠞꠔꠦ ꠖꠦꠃꠇ꠆ꠇꠣ, ꠀꠞꠘꠣꠄ ꠔꠣꠁꠘ ꠀꠝꠞꠣꠞꠦ ꠉꠎꠛꠤ ꠛꠦꠝꠣꠞ ꠖꠤꠀ ꠛꠣ ꠎꠥꠖ꠆ꠖꠞ ꠝꠣꠎꠦ ꠚꠣꠟꠣꠁꠀ ꠝꠣꠞꠤꠟꠣꠁꠛꠣ।”

ꠔꠃꠞꠣꠔ ২: ꠢꠤꠎꠞꠔ 7:16

ꠘꠤꠀ ꠔꠣꠞꠦ ꠇꠁꠅ, ‘ꠝꠣꠛꠥꠖ, ꠎꠦꠁꠘ ꠁꠛꠞꠣꠘꠤ ꠅꠇꠟꠞ ꠀꠟ꠆ꠟꠣ, ꠔꠣꠁꠘ ꠘꠤꠎꠦ ꠀꠝꠣꠞꠦ ꠙꠣꠑꠣꠁꠍꠂꠘ ꠀꠙꠘꠣꠞꠦ ꠅꠈꠣꠘ ꠇꠁꠔꠣꠝ, ꠔꠥꠝꠤ ꠀꠝꠣꠞ ꠛꠘ꠆ꠖꠣ ꠅꠇꠟꠞꠦ ꠍꠣꠠꠤ ꠖꠦꠅ, ꠔꠣꠞꠣ ꠀꠝꠣꠞ ꠛꠘ꠆ꠖꠦꠉꠤ ꠇꠞꠣꠞ ꠟꠣꠉꠤ ꠝꠞꠥꠜꠥꠝꠤꠔ ꠢꠤꠎꠞꠔ ꠇꠞꠃꠇ, ꠔꠣ-ꠅ ꠅꠈꠘꠅ ꠔꠥꠝꠤ ꠢꠥꠘꠞꠣꠄ ꠘꠣ।

ꠔꠃꠞꠣꠔ ২: ꠢꠤꠎꠞꠔ 7:25

ꠘꠤꠟ ꠘꠖꠞ ꠙꠣꠘꠤꠔ ꠝꠣꠛꠥꠖꠞ ꠉꠎꠛ ꠘꠣꠎꠤꠟ ꠅꠀꠞ ꠛꠣꠖꠦ ꠡꠣꠔ ꠖꠤꠘ ꠉꠥꠎꠞꠤ ꠉꠦꠟ।

ꠔꠃꠞꠣꠔ ২: ꠢꠤꠎꠞꠔ 8:2

ꠔꠣꠞꠣꠞꠦ ꠘꠣ ꠍꠣꠠꠤꠀ ꠇꠥꠘꠥ ꠛꠣꠗꠣ ꠖꠤꠟꠦ, ꠀꠝꠤ ꠛꠦꠋ ꠖꠤꠀ ꠔꠥꠝꠣꠞ ꠀꠡ꠆ꠔꠣ ꠖꠦꠡꠅ ꠉꠎꠛ ꠓꠣꠟꠝꠥ।

ꠔꠃꠞꠣꠔ ২: ꠢꠤꠎꠞꠔ 8:20

ꠛꠣꠖꠦ ꠝꠣꠛꠥꠖꠦ ꠝꠥꠍꠣꠞꠦ ꠇꠁꠟꠣ, “ꠔꠥꠝꠤ ꠚꠎꠞꠦ ꠃꠑꠤꠀ ꠚꠦꠞꠣꠃꠘꠞ ꠉꠦꠍꠦ ꠀꠎꠤꠞ ꠅꠅ, ꠉꠦꠟꠦ ꠖꠦꠈꠛꠣꠄ ꠢꠦ ꠙꠣꠘꠤꠞ ꠉꠦꠍꠦ ꠀꠁꠛ। ꠔꠥꠝꠤ ꠔꠣꠞꠦ ꠅꠃꠟꠣ ꠇꠁꠅ, ꠝꠣꠛꠥꠖꠦ ꠘꠤꠎꠦ ꠇꠁꠞꠣ, ꠀꠝꠣꠞ ꠈꠦꠎꠝꠔ ꠇꠞꠣꠞ ꠟꠣꠉꠤ ꠔꠥꠝꠤ ꠀꠝꠣꠞ ꠛꠘ꠆ꠖꠣ ꠅꠇꠟꠞꠦ ꠍꠣꠠꠤ ꠖꠦꠅ।

ꠔꠃꠞꠣꠔ ২: ꠢꠤꠎꠞꠔ 9:1

ꠛꠣꠖꠦ ꠝꠣꠛꠥꠖꠦ ꠝꠥꠍꠣꠞꠦ ꠇꠁꠟꠣ, “ꠔꠥꠝꠤ ꠚꠦꠞꠣꠃꠘꠞ ꠇꠣꠍꠣꠔ ꠉꠤꠀ ꠔꠣꠞꠦ ꠇꠅ, ꠝꠣꠛꠥꠖ, ꠎꠦꠁꠘ ꠁꠛꠞꠣꠘꠤ ꠅꠇꠟꠞ ꠀꠟ꠆ꠟꠣ, ꠔꠣꠁꠘ ꠘꠤꠎꠦ ꠇꠁꠞꠣ, ꠀꠝꠣꠞ ꠄꠛꠣꠖꠔ ꠇꠞꠣꠞ ꠟꠣꠉꠤ ꠀꠝꠣꠞ ꠛꠘ꠆ꠖꠣ ꠅꠇꠟꠞꠦ ꠍꠣꠠꠤ ꠖꠦꠅ।