ꠔꠃꠞꠣꠔ ২: ꠢꠤꠎꠞꠔ 5:3 - Siloṭi Asmani Kitab (Nagri lipi)

³ ꠔꠣꠞꠣ ꠇꠁꠟꠣ, “ꠁꠛꠞꠣꠘꠤ ꠅꠇꠟꠞ ꠀꠟ꠆ꠟꠣꠄ ꠀꠝꠞꠣꠞꠦ ꠖꠞꠡꠘ ꠖꠤꠍꠂꠘ। ꠄꠞꠟꠣꠉꠤ ꠀꠝꠞꠣ ꠝꠤꠘꠔ ꠇꠞꠤꠀꠞ ꠀꠝꠞꠣꠞꠦ ꠝꠞꠥꠜꠥꠝꠤꠞ ꠛꠣꠄ ꠔꠤꠘ ꠖꠤꠘꠞ ꠙꠕ ꠉꠤꠀ, ꠀꠝꠞꠣꠞ ꠝꠣꠛꠥꠖ ꠀꠟ꠆ꠟꠣꠞ ꠘꠣꠝꠦ ꠇꠥꠞꠛꠣꠘꠤ ꠇꠞꠔꠦ ꠖꠦꠃꠇ꠆ꠇꠣ, ꠀꠞꠘꠣꠄ ꠔꠣꠁꠘ ꠀꠝꠞꠣꠞꠦ ꠉꠎꠛꠤ ꠛꠦꠝꠣꠞ ꠖꠤꠀ ꠛꠣ ꠎꠥꠖ꠆ꠖꠞ ꠝꠣꠎꠦ ꠚꠣꠟꠣꠁꠀ ꠝꠣꠞꠤꠟꠣꠁꠛꠣ।”

ছিলটি আছমানি কিতাব (বাংলা লিপি)

³ তারা কইলা, “ইবরানি অকলর আল্লায় আমরারে দরশন দিছইন। এরলাগি আমরা মিনত করিয়ার আমরারে মরুভুমির বায় তিন দিনর পথ গিয়া, আমরার মাবুদ আল্লার নামে কুরবানি করতে দেউক্কা, আরনায় তাইন আমরারে গজবি বেমার দিয়া বা যুদ্ধর মাজে ফালাইয়া মারিলাইবা।”

Siloṭi Asmani Kitab (Latin lipi)

³ Tara ḳoila, “Ibrani oḳlor Allae amrare doroshon disoin. Erlagi amra minot ḳoriar amrare morubumir bae tin dinor fot gia, amrar Mabud Allar name kurbani korte deukka, arnae tain amrare gozobi bemar dia ba zuddor maze falaia marilaiba.”

ꠔꠃꠞꠣꠔ ২: ꠢꠤꠎꠞꠔ 5:3 Iomraidhean Croise

ꠔꠃꠞꠣꠔ ২: ꠢꠤꠎꠞꠔ 3:18

ꠀꠟ꠆ꠟꠣꠄ ꠀꠞꠅ ꠇꠁꠟꠣ, “ꠛꠘꠤ ꠁꠍꠞꠣꠁꠟꠞ ꠝꠥꠞꠛ꠆ꠛꠤ ꠅꠇꠟꠦ ꠔꠥꠝꠣꠞ ꠇꠕꠣ ꠢꠥꠘꠛꠣ, ꠔꠥꠝꠤ ꠔꠣꠞꠣꠞꠦ ꠟꠉꠦ ꠟꠁꠀ ꠝꠤꠡꠞꠞ ꠛꠣꠖꠡꠣꠞ ꠉꠦꠍꠦ ꠎꠣꠁꠅ। ꠉꠤꠀ ꠇꠁꠅ, ‘ꠀꠟ꠆ꠟꠣ ꠎꠦꠁꠘ ꠁꠛꠞꠣꠘꠤ ꠅꠇꠟꠞ ꠝꠣꠛꠥꠖ, ꠔꠣꠁꠘ ꠀꠝꠣꠞꠦ ꠖꠞꠡꠘ ꠖꠤꠍꠂꠘ। ꠄꠞꠟꠣꠉꠤ ꠀꠝꠞꠣ ꠔꠣꠘ ꠘꠣꠝꠦ ꠄꠇꠈꠣꠘ ꠇꠥꠞꠛꠣꠘꠤ ꠇꠞꠔꠣꠝ ꠌꠣꠁꠀꠞ, ꠀꠝꠞꠣ ꠝꠞꠥꠜꠥꠝꠤꠞ ꠛꠣꠄ ꠔꠤꠘ ꠖꠤꠘꠞ ꠙꠕ ꠉꠤꠀ ꠇꠥꠞꠛꠣꠘꠤ ꠖꠤꠝꠥ, ꠔꠦ ꠀꠝꠞꠣꠞꠦ ꠎꠣꠅꠀꠞ ꠅꠘꠥꠝꠔꠤ ꠖꠦꠃꠇ꠆ꠇꠣ।’

ꠔꠃꠞꠣꠔ ২: ꠢꠤꠎꠞꠔ 7:16

ꠘꠤꠀ ꠔꠣꠞꠦ ꠇꠁꠅ, ‘ꠝꠣꠛꠥꠖ, ꠎꠦꠁꠘ ꠁꠛꠞꠣꠘꠤ ꠅꠇꠟꠞ ꠀꠟ꠆ꠟꠣ, ꠔꠣꠁꠘ ꠘꠤꠎꠦ ꠀꠝꠣꠞꠦ ꠙꠣꠑꠣꠁꠍꠂꠘ ꠀꠙꠘꠣꠞꠦ ꠅꠈꠣꠘ ꠇꠁꠔꠣꠝ, ꠔꠥꠝꠤ ꠀꠝꠣꠞ ꠛꠘ꠆ꠖꠣ ꠅꠇꠟꠞꠦ ꠍꠣꠠꠤ ꠖꠦꠅ, ꠔꠣꠞꠣ ꠀꠝꠣꠞ ꠛꠘ꠆ꠖꠦꠉꠤ ꠇꠞꠣꠞ ꠟꠣꠉꠤ ꠝꠞꠥꠜꠥꠝꠤꠔ ꠢꠤꠎꠞꠔ ꠇꠞꠃꠇ, ꠔꠣ-ꠅ ꠅꠈꠘꠅ ꠔꠥꠝꠤ ꠢꠥꠘꠞꠣꠄ ꠘꠣ।

ꠔꠃꠞꠣꠔ ২: ꠢꠤꠎꠞꠔ 8:1

ꠅꠃ ꠡꠣꠔ ꠖꠤꠘ ꠛꠣꠖꠦ ꠝꠣꠛꠥꠖꠦ ꠝꠥꠍꠣꠞꠦ ꠇꠁꠟꠣ, “ꠔꠥꠝꠤ ꠚꠦꠞꠣꠃꠘꠞ ꠉꠦꠍꠦ ꠎꠣꠅ, ꠉꠤꠀ ꠔꠣꠞꠦ ꠇꠅ, ꠝꠣꠛꠥꠖꠦ ꠘꠤꠎꠦ ꠇꠁꠞꠣ, ꠀꠝꠣꠞ ꠈꠦꠎꠝꠔ ꠇꠞꠣꠞ ꠟꠣꠉꠤ ꠀꠝꠣꠞ ꠛꠘ꠆ꠖꠣ ꠅꠇꠟꠞꠦ ꠍꠣꠠꠤ ꠖꠦꠅ।

ꠔꠃꠞꠣꠔ ২: ꠢꠤꠎꠞꠔ 8:20

ꠛꠣꠖꠦ ꠝꠣꠛꠥꠖꠦ ꠝꠥꠍꠣꠞꠦ ꠇꠁꠟꠣ, “ꠔꠥꠝꠤ ꠚꠎꠞꠦ ꠃꠑꠤꠀ ꠚꠦꠞꠣꠃꠘꠞ ꠉꠦꠍꠦ ꠀꠎꠤꠞ ꠅꠅ, ꠉꠦꠟꠦ ꠖꠦꠈꠛꠣꠄ ꠢꠦ ꠙꠣꠘꠤꠞ ꠉꠦꠍꠦ ꠀꠁꠛ। ꠔꠥꠝꠤ ꠔꠣꠞꠦ ꠅꠃꠟꠣ ꠇꠁꠅ, ꠝꠣꠛꠥꠖꠦ ꠘꠤꠎꠦ ꠇꠁꠞꠣ, ꠀꠝꠣꠞ ꠈꠦꠎꠝꠔ ꠇꠞꠣꠞ ꠟꠣꠉꠤ ꠔꠥꠝꠤ ꠀꠝꠣꠞ ꠛꠘ꠆ꠖꠣ ꠅꠇꠟꠞꠦ ꠍꠣꠠꠤ ꠖꠦꠅ।

ꠔꠃꠞꠣꠔ ২: ꠢꠤꠎꠞꠔ 8:27

ꠔꠦ ꠀꠝꠞꠣꠞ ꠝꠣꠛꠥꠖ ꠀꠟ꠆ꠟꠣꠄ ꠎꠦꠟꠣ ꠢꠥꠇꠥꠝ ꠇꠞꠛꠣ, ꠀꠝꠞꠣ ꠝꠞꠥꠜꠥꠝꠤꠞ ꠛꠣꠄ ꠔꠤꠘ ꠖꠤꠘꠞ ꠙꠕ ꠢꠞꠤꠀ ꠉꠤꠀ, ꠔꠣꠘ ꠘꠣꠝꠦ ꠅꠃꠟꠣ ꠇꠥꠞꠛꠣꠘꠤ ꠇꠞꠝꠥ।”

ꠔꠃꠞꠣꠔ ৩: ꠟꠦꠛꠤꠀꠘ 26:25

ꠀꠝꠣꠞ ꠅꠀꠖꠣ-ꠌꠥꠇ꠆ꠔꠤꠞꠦ ꠘꠣ ꠝꠣꠘꠣꠄ ꠀꠝꠤ ꠔꠥꠝꠞꠣꠞ ꠃꠙꠞꠦ ꠟꠣꠠꠣꠁ-ꠎꠥꠖ꠆ꠖ ꠀꠘꠣꠁꠝꠥ। ꠖꠥꠡꠝꠘꠞꠦ ꠖꠦꠈꠤꠀ ꠔꠥꠝꠞꠣ ꠎꠦꠛꠟꠣ ꠐꠣꠃꠘꠅ ꠉꠤꠀ ꠢꠣꠝꠣꠁꠛꠣꠄ, ꠢꠘꠅ ꠀꠝꠤ ꠔꠥꠝꠞꠣꠞ ꠃꠙꠞꠦ ꠉꠎꠛꠤ ꠝꠞꠇꠤ ꠍꠣꠠꠤꠝꠥ, ꠔꠦꠃ ꠔꠥꠝꠞꠣ ꠖꠥꠡꠝꠘꠞ ꠀꠔꠅ ꠗꠞꠣ ꠙꠠꠛꠣꠄ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 28:21

ꠔꠥꠝꠞꠣ ꠎꠦ ꠖꠦꠡꠞ ꠖꠈꠟꠖꠣꠞꠤ ꠙꠣꠁꠞꠣꠄ, ꠝꠣꠛꠥꠖꠦ ꠢꠘꠅ ꠔꠥꠝꠞꠣꠞ ꠃꠙꠞꠦ ꠛꠦꠝꠣꠞ ꠍꠣꠠꠤꠛꠣ, ꠛꠦꠝꠣꠞꠦ ꠔꠥꠝꠞꠣ ꠝꠞꠔꠦ ꠝꠞꠔꠦ ꠢꠃ ꠖꠦꠡꠅ ꠕꠣꠇꠤ ꠛꠤꠘꠣꠡ ꠅꠁꠛꠣꠄ।