ꠔꠃꠞꠣꠔ ২: ꠢꠤꠎꠞꠔ 4:1 - Siloṭi Asmani Kitab (Nagri lipi)

¹ ꠝꠥꠍꠣꠄ ꠎꠥꠀꠙ ꠖꠤꠟꠣ, “ꠅ ꠝꠣꠛꠥꠖ, ꠔꠣꠞꠣ ꠎꠥꠖꠤ ꠀꠝꠣꠞꠦ ꠄꠇꠤꠘ ꠘꠣ ꠇꠞꠂꠘ, ꠀꠝꠣꠞ ꠝꠣꠔ ꠘꠣ ꠢꠥꠘꠂꠘ ꠛꠣ ꠔꠣꠞꠣ ꠎꠥꠖꠤ ꠇꠂꠘ, ꠝꠣꠛꠥꠖꠦ ꠔꠥꠝꠣꠞꠦ ꠖꠞꠡꠘ ꠖꠤꠍꠂꠘ ꠘꠣ, ꠔꠦ ꠀꠝꠤ ꠇꠤꠔꠣ ꠇꠞꠔꠣꠝ?”

ছিলটি আছমানি কিতাব (বাংলা লিপি)

¹ মুছায় জুয়াপ দিলা, “ও মাবুদ, তারা যুদি আমারে একিন না করইন, আমার মাত না হুনইন বা তারা যুদি কইন, মাবুদে তুমারে দরশন দিছইন না, তে আমি কিতা করতাম?”

Siloṭi Asmani Kitab (Latin lipi)

¹ Musae zuaf dila, “O Mabud, tara zudi amare ekin na ḳoroin, amar mat na hunoin ba tara zudi koin, Mabude tumare doroshon disoin na, te ami kita ḳortam?”

ꠔꠃꠞꠣꠔ ২: ꠢꠤꠎꠞꠔ 4:1 Iomraidhean Croise

ꠔꠃꠞꠣꠔ ২: ꠢꠤꠎꠞꠔ 2:14

ꠢꠦ ꠇꠁꠟ, “ꠔꠥꠝꠣꠞꠦ ꠇꠦꠉꠤꠄ ꠀꠝꠞꠣꠞ ꠢꠣꠇꠤꠝ ꠛꠣꠘꠣꠁꠀ ꠛꠤꠌꠣꠞ ꠇꠞꠣꠔ ꠙꠣꠑꠣꠁꠟ? ꠇꠣꠁꠟ ꠎꠦꠟꠣ ꠢꠃ ꠝꠤꠡꠞꠤꠞꠦ ꠈꠥꠘ ꠇꠞꠍ, ꠅꠃꠟꠣ ꠀꠝꠣꠞꠦꠅ ꠈꠥꠘ ꠇꠞꠤꠟꠔꠣꠄ ꠌꠣꠁꠞꠣꠄ ꠘꠤ?” ꠅꠃ ꠝꠥꠍꠣꠄ ꠒꠞꠣꠁꠉꠦꠟꠣ। ꠔꠣꠁꠘ ꠛꠥꠎꠟꠣ ꠁꠔꠣ ꠔ ꠎꠣꠘꠣ-ꠎꠣꠘꠤ ꠅꠁꠉꠦꠍꠦ।

ꠔꠃꠞꠣꠔ ২: ꠢꠤꠎꠞꠔ 3:15

ꠔꠣꠁꠘ ꠀꠞꠅ ꠇꠁꠟꠣ, “ꠔꠥꠝꠤ ꠉꠤꠀ ꠔꠣꠞꠣꠞꠦ ꠇꠁꠅ, ‘ꠢꠃ ꠀꠟ꠆ꠟꠣ ꠎꠦꠁꠘ ꠢꠞ-ꠢꠣꠝꠦꠡꠣ ꠀꠍꠂꠘ, ꠄꠁꠘ ꠔꠥꠝꠞꠣꠞ ꠛꠣꠚ-ꠖꠣꠖꠣꠞ ꠝꠣꠛꠥꠖ, ꠁꠛ꠆ꠞꠣꠢꠤꠝꠞ ꠝꠣꠛꠥꠖ, ꠁꠍꠢꠣꠇꠞ ꠝꠣꠛꠥꠖ ꠀꠞ ꠁꠀꠇꠥꠛꠞ ꠝꠣꠛꠥꠖ, ꠄꠁꠘꠃ ꠀꠝꠣꠞꠦ ꠔꠥꠝꠞꠣꠞ ꠉꠦꠍꠦ ꠙꠣꠑꠣꠁꠍꠂꠘ।’ “ꠀꠝꠣꠞ ꠢꠞ-ꠢꠣꠝꠦꠡꠣꠇꠥꠞ ꠘꠣꠝ ‘ꠀꠝꠤ ꠎꠦꠁꠘ ꠀꠍꠤ’। ꠎꠥꠉꠦ ꠎꠥꠉꠦ, ꠙꠥꠞꠥꠡꠦ ꠙꠥꠞꠥꠡꠦ ꠅꠃ ꠘꠣꠝ ꠇꠣꠁꠝ ꠞꠁꠛ।

ꠔꠃꠞꠣꠔ ২: ꠢꠤꠎꠞꠔ 3:16

ꠔꠥꠝꠤ ꠎꠣꠅ, ꠉꠤꠀ ꠛꠘꠤ ꠁꠍꠞꠣꠁꠟꠞ ꠝꠥꠞꠛ꠆ꠛꠤ ꠅꠇꠟꠞꠦ ꠄꠇꠈꠣꠘꠅ ꠖꠟꠣ ꠇꠞꠤꠀ ꠇꠅ, ꠢꠃ ꠀꠟ꠆ꠟꠣ, ꠎꠦꠁꠘ ꠔꠥꠝꠞꠣꠞ ꠛꠣꠚ-ꠖꠣꠖꠣꠞ ꠝꠣꠛꠥꠖ, ꠁꠛ꠆ꠞꠣꠢꠤꠝ, ꠁꠍꠢꠣꠇ ꠀꠞ ꠁꠀꠇꠥꠛꠞ ꠝꠣꠛꠥꠖ, ꠔꠣꠁꠘ ꠀꠝꠣꠞꠦ ꠖꠤꠖꠣꠞ ꠖꠤꠀ ꠇꠁꠍꠂꠘ, ꠔꠣꠁꠘ ꠔꠥꠝꠞꠣꠞ ꠛꠣꠄ ꠈꠤꠀꠟ ꠇꠞꠍꠂꠘ, ꠔꠥꠝꠞꠣꠞ ꠃꠙꠞꠞ ꠎꠥꠟꠥꠝ-ꠝꠍꠤꠛꠔ ꠖꠦꠈꠍꠂꠘ, ꠝꠤꠡꠞ ꠖꠦꠡꠅ ꠔꠥꠝꠞꠣꠞ ꠛꠣꠄ ꠎꠦꠔꠣ ꠇꠞꠣ ꠅꠞ ꠄꠅꠔꠣ ꠔꠣꠁꠘ ꠈꠤꠀꠟ ꠇꠞꠍꠂꠘ।

ꠔꠃꠞꠣꠔ ২: ꠢꠤꠎꠞꠔ 3:18

ꠀꠟ꠆ꠟꠣꠄ ꠀꠞꠅ ꠇꠁꠟꠣ, “ꠛꠘꠤ ꠁꠍꠞꠣꠁꠟꠞ ꠝꠥꠞꠛ꠆ꠛꠤ ꠅꠇꠟꠦ ꠔꠥꠝꠣꠞ ꠇꠕꠣ ꠢꠥꠘꠛꠣ, ꠔꠥꠝꠤ ꠔꠣꠞꠣꠞꠦ ꠟꠉꠦ ꠟꠁꠀ ꠝꠤꠡꠞꠞ ꠛꠣꠖꠡꠣꠞ ꠉꠦꠍꠦ ꠎꠣꠁꠅ। ꠉꠤꠀ ꠇꠁꠅ, ‘ꠀꠟ꠆ꠟꠣ ꠎꠦꠁꠘ ꠁꠛꠞꠣꠘꠤ ꠅꠇꠟꠞ ꠝꠣꠛꠥꠖ, ꠔꠣꠁꠘ ꠀꠝꠣꠞꠦ ꠖꠞꠡꠘ ꠖꠤꠍꠂꠘ। ꠄꠞꠟꠣꠉꠤ ꠀꠝꠞꠣ ꠔꠣꠘ ꠘꠣꠝꠦ ꠄꠇꠈꠣꠘ ꠇꠥꠞꠛꠣꠘꠤ ꠇꠞꠔꠣꠝ ꠌꠣꠁꠀꠞ, ꠀꠝꠞꠣ ꠝꠞꠥꠜꠥꠝꠤꠞ ꠛꠣꠄ ꠔꠤꠘ ꠖꠤꠘꠞ ꠙꠕ ꠉꠤꠀ ꠇꠥꠞꠛꠣꠘꠤ ꠖꠤꠝꠥ, ꠔꠦ ꠀꠝꠞꠣꠞꠦ ꠎꠣꠅꠀꠞ ꠅꠘꠥꠝꠔꠤ ꠖꠦꠃꠇ꠆ꠇꠣ।’

ꠔꠃꠞꠣꠔ ২: ꠢꠤꠎꠞꠔ 4:10

ꠅꠃ ꠝꠥꠍꠣꠄ ꠝꠣꠛꠥꠖꠞꠦ ꠇꠁꠟꠣ, “ꠅ ꠝꠣꠟꠤꠇ, ꠀꠝꠤ ꠔ ꠜꠣꠟꠣ ꠇꠞꠤ ꠝꠣꠔ-ꠇꠕꠣꠃ ꠝꠣꠔꠔꠣꠝ ꠙꠣꠞꠤ ꠘꠣ, ꠀꠉꠦꠅ ꠙꠣꠞꠔꠣꠝ ꠘꠣ ꠀꠞ ꠀꠙꠘꠦ ꠁ ꠉꠥꠟꠣꠝꠞ ꠟꠉꠦ ꠛꠣꠔꠌꠤꠔ ꠇꠞꠣꠞ ꠛꠣꠖꠦꠅ ꠙꠣꠞꠤ ꠘꠣ, ꠀꠝꠣꠞ ꠔ ꠎꠤꠚꠞꠣ ꠛꠣꠠꠥꠀ।”

ꠔꠃꠞꠣꠔ ২: ꠢꠤꠎꠞꠔ 4:30

ꠝꠣꠛꠥꠖꠦ ꠝꠥꠍꠣꠞꠦ ꠎꠔꠔꠣ ꠇꠁꠍꠟꠣ, ꠢꠣꠞꠥꠘꠦ ꠁꠔꠣ ꠢꠇꠟꠔꠣ ꠔꠣꠞꠣꠞꠦ ꠎꠣꠘꠣꠁꠟꠣ, ꠀꠞ ꠢꠃ ꠇꠦꠞꠣꠝꠔꠤ ꠅꠇꠟꠅ ꠝꠣꠘꠡꠞ ꠍꠣꠝꠘꠦ ꠖꠦꠈꠣꠁꠟꠣ।

ꠔꠃꠞꠣꠔ ২: ꠢꠤꠎꠞꠔ 4:31

ꠄꠞꠟꠣꠉꠤ ꠝꠣꠘꠡꠦ ꠁꠔꠣ ꠄꠇꠤꠘ ꠇꠞꠟꠣ। ꠔꠣꠞꠣ ꠎꠦꠛꠟꠣ ꠢꠥꠘꠟꠣ, ꠝꠣꠛꠥꠖꠦ ꠔꠣꠞꠣꠞ ꠛꠣꠄ ꠈꠤꠀꠟ ꠇꠞꠍꠂꠘ, ꠔꠣꠞꠣꠞ ꠃꠙꠞꠞ ꠎꠥꠟꠥꠝ-ꠝꠍꠤꠛꠔ ꠖꠦꠈꠍꠂꠘ, ꠅꠃ ꠔꠣꠞꠣ ꠔꠣꠘꠞꠦ ꠍꠁꠎꠖꠣ ꠇꠞꠟꠣ।

ꠔꠃꠞꠣꠔ ২: ꠢꠤꠎꠞꠔ 6:12

ꠝꠥꠍꠣꠄ ꠎꠥꠀꠙ ꠖꠤꠟꠣ, “ꠛꠘꠤ ꠁꠍꠞꠣꠁꠟꠦꠃ ꠎꠦꠛꠟꠣ ꠀꠝꠣꠞ ꠝꠣꠔ ꠢꠥꠘꠦꠞ ꠘꠣ, ꠔꠦ ꠚꠦꠞꠣꠃꠘꠦ ꠇꠤꠟꠣ ꠢꠥꠘꠛ? ꠀꠞ ꠀꠝꠣꠞ ꠔ ꠝꠣꠔꠔꠦ ꠝꠥꠈꠅ ꠟꠣꠉꠤꠎꠣꠄ।”

ꠔꠃꠞꠣꠔ ২: ꠢꠤꠎꠞꠔ 6:30

ꠝꠥꠍꠣꠄ ꠝꠣꠛꠥꠖꠞ ꠖꠞꠛꠣꠞꠅ ꠀꠞꠎ ꠇꠞꠟꠣ, “ꠖꠦꠈꠃꠇ꠆ꠇꠣ, ꠀꠝꠣꠞ ꠔ ꠝꠣꠔꠔꠦ ꠝꠥꠈꠅ ꠟꠣꠉꠤꠎꠣꠄ, ꠚꠦꠞꠣꠃꠘꠦ ꠇꠥꠘꠥ ꠀꠝꠣꠞ ꠝꠣꠔ ꠢꠥꠘꠛ ꠘꠤ?”

Injil 5: Sahabi Nama 7:25

ꠝꠥꠍꠣꠄ ꠝꠘꠦ ꠇꠞꠍꠤꠟꠣ ꠔꠣꠘ ꠎꠣꠔꠤꠞ ꠝꠣꠘꠡꠦ ꠛꠥꠎꠛꠣ ꠎꠦꠘ, ꠀꠟ꠆ꠟꠣꠄ ꠔꠣꠘꠞꠦ ꠖꠤꠀꠃ ꠔꠣꠞꠣꠞꠦ ꠃꠖ꠆ꠖꠣꠞ ꠇꠞꠛꠣ; ꠅꠁꠟꠦ ꠔꠣꠞꠣ ꠁꠔꠣ ꠛꠥꠎꠟꠣ ꠘꠣ।