ꠔꠃꠞꠣꠔ ২: ꠢꠤꠎꠞꠔ 3:1 - Siloṭi Asmani Kitab (Nagri lipi)

¹ ꠅꠃ ꠡꠝꠄ ꠝꠥꠍꠣꠄ ꠔꠣꠘ ꠢꠃꠞ ꠝꠣꠖꠤꠀꠘ ꠎꠣꠔꠤꠞ ꠁꠝꠣꠝ ꠍꠣꠛ ꠢꠎꠞꠔ ꠡꠥꠀꠁꠛꠞ ꠍꠣꠉꠟ-ꠝꠦꠠꠣ ꠞꠣꠈꠔꠣ। ꠄꠇꠖꠤꠘ ꠔꠣꠘ ꠍꠣꠉꠟꠞ ꠙꠣꠟ ꠟꠁꠀ ꠝꠞꠥꠜꠥꠝꠤꠞ ꠢꠦꠡ ꠉꠣꠟꠣꠔ ꠀꠟ꠆ꠟꠣꠞ ꠢꠃ ꠔꠥꠞ ꠙꠣꠠꠞ ꠇꠣꠍꠣꠔ ꠉꠦꠟꠣ।

ছিলটি আছমানি কিতাব (বাংলা লিপি)

¹ অউ সময় মুছায় তান হউর মাদিয়ান জাতির ইমাম ছাব হজরত শোয়াইবর ছাগল-মেড়া রাখতা। একদিন তান ছাগলর পাল লইয়া মরুভুমির হেশ গালাত আল্লার হউ তুর পাহাড়র কাছাত গেলা।

Siloṭi Asmani Kitab (Latin lipi)

¹ Ou shomoy Musae tan hour Madian zatir imam sab Hozrot Shuaibor sagol-meṛa raḳta. Eḳdin tan sagolor fal loia morubumir hesh galat Allar hou Tur faṛor ḳasat gela.

ꠔꠃꠞꠣꠔ ২: ꠢꠤꠎꠞꠔ 3:1 Iomraidhean Croise

ꠔꠃꠞꠣꠔ ২: ꠢꠤꠎꠞꠔ 17:6

ꠉꠤꠀ ꠢꠣꠞꠟꠦ ꠀꠝꠤ ꠔꠥꠞ ꠙꠣꠠꠞ ꠇꠣꠘ꠆ꠖꠣꠔ ꠄꠇ ꠙꠣꠔ꠆ꠔꠞꠞ ꠃꠙꠞꠦ ꠀꠎꠤꠞ ꠅꠁꠝꠥ, ꠔꠥꠝꠤ ꠅꠃ ꠙꠣꠔ꠆ꠔꠞꠅ ꠛꠣꠠꠤ ꠝꠣꠞꠟꠦ ꠅꠉꠥ ꠕꠣꠇꠤ ꠙꠣꠘꠤ ꠛꠣꠞ ꠅꠁꠛ, ꠔꠦꠃ ꠝꠣꠘꠡꠦ ꠈꠣꠁꠔꠣ ꠙꠣꠞꠛꠣ।” ꠢꠣꠍꠣꠃ ꠝꠥꠍꠣꠄ ꠁꠍꠞꠣꠁꠟꠞ ꠝꠥꠞꠛ꠆ꠛꠤ ꠅꠇꠟꠞ ꠍꠣꠝꠘꠦ ꠅꠃꠟꠣ ꠇꠞꠟꠣ।

ꠔꠃꠞꠣꠔ ২: ꠢꠤꠎꠞꠔ 18:12

ꠛꠣꠖꠦ ꠝꠥꠍꠣꠞ ꠢꠃꠞ ꠡꠥꠀꠁꠛꠦ ꠀꠟ꠆ꠟꠣꠞ ꠘꠣꠝꠦ ꠎꠣꠟꠣꠁꠟ ꠇꠥꠞꠛꠣꠘꠤ ꠀꠞ ꠢꠇꠟ ꠎꠣꠔꠞ ꠇꠥꠞꠛꠣꠘꠤ ꠎꠥꠁꠔ ꠇꠞꠤ ꠟꠁꠀ ꠀꠁꠟꠣ। ꠢꠦꠡꠦ ꠢꠣꠞꠥꠘ ꠀꠞ ꠛꠘꠤ ꠁꠍꠞꠣꠁꠟꠞ ꠝꠥꠞꠛ꠆ꠛꠤ ꠅꠇꠟ ꠀꠁꠀ, ꠝꠥꠍꠣꠞ ꠢꠃꠞꠞ ꠟꠉꠦ ꠛꠁꠀ ꠀꠟ꠆ꠟꠣꠞ ꠍꠣꠝꠘꠦ ꠈꠣꠘꠣ-ꠙꠤꠘꠣ ꠈꠣꠁꠟꠣ।

ꠔꠃꠞꠣꠔ ২: ꠢꠤꠎꠞꠔ 19:11

ꠔꠣꠞꠣ ꠙꠞꠡꠥ ꠖꠤꠘꠞ ꠟꠣꠉꠤ ꠔꠂꠀꠞ ꠅꠃꠇ, ꠅꠃ ꠖꠤꠘ ꠀꠝꠤ ꠝꠣꠛꠥꠖ ꠔꠥꠞ ꠙꠣꠠꠞ ꠃꠙꠞꠦ ꠟꠣꠝꠤꠀ ꠀꠁꠀ ꠔꠣꠞꠣ ꠢꠇꠟꠞꠦ ꠖꠤꠖꠣꠞ ꠖꠤꠝꠥ।

ꠔꠃꠞꠣꠔ ২: ꠢꠤꠎꠞꠔ 19:3

ꠄꠞꠝꠣꠎꠦ ꠢꠎꠞꠔ ꠝꠥꠍꠣ ꠔꠥꠞ ꠙꠣꠠꠞ ꠃꠙꠞꠦ ꠀꠟ꠆ꠟꠣꠞ ꠖꠞꠛꠣꠞꠅ ꠉꠦꠟꠣ। ꠝꠣꠛꠥꠖꠦ ꠙꠣꠠꠞ ꠃꠙꠞꠦ ꠕꠣꠇꠤ ꠔꠣꠘꠞꠦ ꠒꠣꠇꠤꠀ ꠇꠁꠟꠣ, “ꠅ ꠝꠥꠍꠣ, ꠔꠥꠝꠤ ꠁꠀꠇꠥꠛꠞ ꠀꠅꠟꠣꠖ ꠅꠇꠟꠞꠦ ꠇꠅ, ꠛꠘꠤ ꠁꠍꠞꠣꠁꠟꠞꠦ ꠎꠣꠘꠣꠁ ꠖꠦꠅ,

ꠔꠃꠞꠣꠔ ২: ꠢꠤꠎꠞꠔ 2:16

ꠝꠣꠖꠤꠀꠘ ꠖꠦꠡꠅ ꠡꠥꠀꠁꠛ ꠘꠣꠝꠞ ꠄꠇ ꠁꠝꠣꠝ ꠍꠣꠛ ꠀꠍꠟꠣ। ꠔꠣꠘ ꠡꠣꠔꠎꠘ ꠙꠥꠠꠤꠘ ꠀꠍꠂꠘ। ꠅꠃ ꠙꠥꠠꠤꠘ꠆ꠔꠦ ꠇꠥꠀꠞ ꠙꠣꠞꠅ ꠀꠁꠀ, ꠔꠣꠞꠣꠞ ꠛꠣꠚꠞ ꠍꠣꠉꠟ-ꠝꠦꠠꠣꠞꠦ ꠙꠣꠘꠤ ꠈꠣꠅꠀꠘꠤꠞ ꠟꠣꠉꠤ ꠉꠣꠝꠟꠣ ꠜꠞꠣꠔ ꠟꠣꠉꠟꠣ।

ꠔꠃꠞꠣꠔ ২: ꠢꠤꠎꠞꠔ 2:18

ꠔꠣꠞꠣ ꠔꠣꠞꠣꠞ ꠛꠣꠚꠞ ꠗꠣꠞꠅ ꠉꠤꠀ ꠢꠣꠞꠟꠦ ꠔꠣꠁꠘ ꠎꠤꠇꠣꠁꠟꠣ, “ꠔꠥꠝꠞꠣ ꠀꠁꠎ ꠅꠔ ꠎꠟꠖꠤ ꠇꠦꠝꠘꠦ ꠀꠁꠟꠣꠄ?”

ꠔꠃꠞꠣꠔ ২: ꠢꠤꠎꠞꠔ 2:21

ꠄꠞꠛꠣꠖꠦ ꠝꠥꠍꠣꠄ ꠅꠃ ꠁꠝꠣꠝꠞ ꠛꠣꠠꠤꠔ ꠞꠁꠔꠦ ꠞꠣꠎꠤ ꠅꠁꠟꠣ। ꠁꠝꠣꠝ ꠍꠣꠛꠦ ꠔꠣꠘ ꠙꠥꠠꠤ ꠍꠚꠥꠞꠣꠞꠦ ꠝꠥꠍꠣꠞ ꠟꠉꠦ ꠡꠣꠖꠤ ꠖꠤꠟꠣ।

ꠔꠃꠞꠣꠔ ২: ꠢꠤꠎꠞꠔ 24:13

ꠔꠦꠃ ꠝꠥꠍꠣꠄ ꠔꠣꠘ ꠈꠣꠖꠤꠝ ꠁꠃꠍꠣꠞꠦ ꠟꠉꠦ ꠟꠁꠀ ꠙꠣꠠꠅ ꠃꠑꠟꠣ, ꠀꠞ ꠝꠥꠍꠣ ꠀꠟ꠆ꠟꠣꠞ ꠙꠣꠠꠅ ꠉꠦꠟꠣ।

ꠔꠃꠞꠣꠔ ২: ꠢꠤꠎꠞꠔ 3:12

ꠀꠟ꠆ꠟꠣꠄ ꠇꠁꠟꠣ, “ꠀꠝꠤ ꠔ ꠔꠥꠝꠣꠞ ꠟꠉꠦ ꠟꠉꠦ ꠞꠁꠝꠥ। ꠔꠥꠝꠤ ꠝꠤꠡꠞ ꠕꠣꠇꠤ ꠝꠣꠘꠡꠞꠦ ꠢꠞꠣꠁꠀ ꠀꠘꠤꠀ, ꠔꠣꠞꠣꠞꠦ ꠟꠁꠀ ꠅꠃ ꠙꠣꠠꠅ ꠀꠝꠣꠞ ꠄꠛꠣꠖꠔ ꠇꠞꠛꠣꠄ। ꠔꠦꠃ ꠛꠥꠎꠛꠣꠄ ꠀꠝꠤꠃ ꠔꠥꠝꠣꠞꠦ ꠙꠣꠑꠣꠁꠍꠤ।”

ꠔꠃꠞꠣꠔ ২: ꠢꠤꠎꠞꠔ 3:5

ꠀꠟ꠆ꠟꠣꠄ ꠇꠁꠟꠣ, “ꠀꠞ ꠍꠣꠝꠘꠦ ꠀꠉꠥꠀꠁꠅ ꠘꠣ। ꠔꠥꠝꠣꠞ ꠙꠣꠅ ꠕꠣꠇꠤ ꠎꠥꠔꠣ ꠈꠥꠟꠤꠟꠣꠅ। ꠎꠣꠘ ꠘꠤ, ꠔꠥꠝꠤ ꠅꠈꠘ ꠎꠦ ꠎꠣꠉꠣꠔ ꠃꠛꠣꠁꠍ ꠁꠈꠣꠘ ꠙꠣꠇ ꠎꠣꠉꠣ।

ꠔꠃꠞꠣꠔ ২: ꠢꠤꠎꠞꠔ 33:6

ꠔꠦꠃ ꠛꠘꠤ ꠁꠍꠞꠣꠁꠟꠦ ꠔꠥꠞ ꠙꠣꠠꠅꠃ ꠔꠣꠞꠣꠞ ꠉꠄꠘꠣ-ꠉꠣꠐꠤ ꠢꠇꠟꠔꠣ ꠈꠥꠟꠤꠟꠤꠟꠣ, ꠁꠔꠣ ꠀꠞ ꠚꠤꠘꠟꠣ ꠘꠣ।

ꠔꠃꠞꠣꠔ ২: ꠢꠤꠎꠞꠔ 4:18

ꠝꠣꠖꠤꠀꠘ ꠖꠦꠡꠅ ꠕꠣꠇꠔꠦꠃ ꠝꠣꠛꠥꠖꠦ ꠝꠥꠍꠣꠞꠦ ꠢꠥꠇꠥꠝ ꠇꠞꠍꠟꠣ, “ꠔꠥꠝꠤ ꠝꠤꠡꠞꠅ ꠎꠣꠅꠉꠤ, ꠇꠣꠞꠘ ꠝꠤꠡꠞꠞ ꠎꠦꠔꠣ ꠝꠣꠘꠡꠦ ꠔꠥꠝꠣꠞꠦ ꠈꠥꠘ ꠇꠞꠔꠣ ꠌꠣꠁꠍꠟꠣ, ꠁꠔꠣ ꠅꠈꠘ ꠝꠞꠤ ꠉꠦꠍꠂꠘ।” ꠔꠦꠃ ꠝꠥꠍꠣꠄ ꠔꠣꠘ ꠢꠃꠞ ꠡꠥꠀꠁꠛꠞ ꠇꠣꠍꠣꠔ ꠉꠤꠀ ꠇꠁꠟꠣ, “ꠀꠝꠤ ꠀꠝꠣꠞ ꠎꠘꠝ ꠝꠣꠐꠤ ꠝꠤꠡꠞ ꠖꠦꠡꠅ ꠎꠣꠁꠔꠣꠝ ꠌꠣꠁꠞꠣꠝ, ꠀꠝꠣꠞ ꠈꠦꠡ-ꠇꠥꠐꠥꠝ ꠅꠇꠟ ꠎꠤꠔꠣ ꠀꠍꠂꠘ ꠇꠤ ꠘꠣ, ꠔꠣꠞꠣꠞ ꠢꠣꠟ-ꠢꠇꠤꠇꠔ ꠖꠦꠈꠣꠔ ꠎꠣꠁꠔꠣꠝ, ꠔꠦ ꠀꠝꠣꠞꠦ ꠎꠣꠅꠀꠞ ꠅꠘꠥꠝꠔꠤ ꠖꠦꠃꠇ꠆ꠇꠣ।” ꠢꠃꠞꠦ ꠇꠁꠟꠣ, “ꠀꠁꠌ꠆ꠍꠣ, ꠍꠢꠤ-ꠍꠣꠟꠣꠝꠔꠦ ꠎꠣꠅ।”

ꠔꠃꠞꠣꠔ ২: ꠢꠤꠎꠞꠔ 4:27

ꠄꠞꠝꠣꠎꠦ ꠝꠣꠛꠥꠖꠦ ꠢꠣꠞꠥꠘꠞꠦ ꠇꠁꠟꠣ, “ꠔꠥꠝꠤ ꠝꠞꠥꠜꠥꠝꠤꠔ ꠉꠤꠀ ꠝꠥꠍꠣꠞ ꠟꠉꠦ ꠖꠦꠈꠣ ꠇꠞꠅ।” ꠅꠃ ꠔꠣꠁꠘ ꠉꠦꠟꠣ ꠀꠞ ꠀꠟ꠆ꠟꠣꠞ ꠙꠣꠠ ꠔꠥꠞꠞ ꠉꠦꠍꠦ ꠀꠁꠀ ꠝꠥꠍꠣꠞꠦ ꠙꠣꠁꠀ ꠌꠥꠝꠣ ꠖꠤꠟꠣ।

ꠔꠃꠞꠣꠔ ৪: ꠡꠥꠝꠣꠞꠤ 10:29

ꠄꠞꠛꠣꠖꠦ ꠝꠥꠍꠣꠄ ꠝꠣꠖꠤꠀꠘ ꠖꠦꠡꠞ ꠔꠣꠘ ꠢꠃꠞ ꠡꠥꠀꠁꠛ ꠘꠛꠤꠞ ꠙꠥꠀ ꠢꠛꠛꠞꠦ ꠇꠁꠟꠣ, “ꠝꠣꠛꠥꠖꠦ ꠀꠝꠞꠣꠞꠦ ꠎꠦ ꠖꠦꠡ ꠖꠤꠛꠣꠞ ꠅꠀꠖꠣ ꠇꠞꠍꠂꠘ, ꠀꠝꠞꠣ ꠢꠃ ꠖꠦꠡꠅ ꠎꠣꠁꠞꠣꠝꠉꠤ। ꠔꠦ ꠔꠥꠝꠤꠅ ꠀꠝꠞꠣꠞ ꠟꠉꠦ ꠀꠅ। ꠝꠣꠛꠥꠖꠦ ꠔ ꠅꠀꠖꠣ ꠇꠞꠍꠂꠘ, ꠔꠣꠁꠘ ꠛꠘꠤ ꠁꠍꠞꠣꠁꠟꠞꠦ ꠛꠃꠔ ꠝꠦꠢꠦꠞꠛꠣꠘꠤ ꠇꠞꠛꠣ। ꠅꠈꠘ ꠔꠥꠝꠤ ꠀꠝꠞꠣꠞ ꠟꠉꠦ ꠀꠁꠟꠦ ꠀꠝꠞꠣ ꠔꠥꠝꠣꠞꠦ ꠈꠥꠛ ꠝꠣꠄꠀ-ꠖꠄꠀ ꠇꠞꠝꠥ।”

ꠔꠃꠞꠣꠔ ৪: ꠡꠥꠝꠣꠞꠤ 10:33

ꠅꠃ ꠟꠣꠈꠣꠘ ꠛꠘꠤ ꠁꠍꠞꠣꠁꠟꠦ ꠝꠣꠛꠥꠖꠞ ꠙꠣꠠ ꠕꠣꠇꠤ ꠞꠅꠀꠘꠣ ꠅꠁꠀ ꠔꠤꠘ ꠖꠤꠘꠞ ꠙꠕ ꠀꠉꠥꠀꠁ ꠉꠦꠟꠣ। ꠀꠞ ꠎꠤꠞꠣꠁꠛꠣꠞ ꠟꠣꠉꠤ ꠄꠇꠈꠣꠘ ꠎꠣꠉꠣ ꠔꠥꠇꠣꠁꠀ ꠛꠣꠞ ꠇꠞꠣꠞ ꠈꠤꠀꠟꠦ, ꠝꠣꠛꠥꠖꠞ ꠢꠃ ꠙꠛꠤꠔ꠆ꠞ ꠡꠣꠢꠣꠖꠔ ꠡꠘ꠆ꠖꠥꠇ ꠔꠤꠘ ꠖꠤꠘ ꠗꠞꠤ ꠔꠣꠞꠣꠞ ꠀꠉꠦ ꠀꠉꠦ ꠉꠦꠟ।

Injil 3: Luk 2:8

ꠅꠃ ꠛꠦꠕꠦꠟꠢꠣꠝ ꠉꠣꠃꠞ ꠇꠣꠘ꠆ꠖꠣꠔ ꠛꠘ꠆ꠖꠞ ꠝꠣꠎꠦ, ꠝꠦꠠꠣꠞ ꠞꠣꠈꠣꠟ ꠅꠇꠟꠦ ꠞꠣꠁꠔꠇꠥꠞ ꠛꠣꠟꠣ ꠔꠣꠞꠣꠞ ꠝꠦꠠꠣ ꠙꠣꠞꠣ ꠖꠦꠅꠀꠔ ꠀꠍꠤꠟ।

Injil 5: Sahabi Nama 7:30

“ꠛꠣꠖꠦ ꠀꠞꠅ ꠌꠣꠟ꠆ꠟꠤꠡ ꠛꠞꠍ ꠉꠥꠎꠞꠤ ꠉꠦꠟꠦ, ꠔꠥꠞ ꠙꠣꠠꠞ ꠇꠣꠘ꠆ꠖꠣꠔ ꠝꠞꠥꠜꠥꠝꠤꠔ, ꠀꠉꠥꠁꠘ ꠎꠣꠟꠣꠁꠟ ꠎꠋꠟꠣꠞ ꠝꠣꠎ ꠕꠘꠦ ꠄꠇ ꠚꠤꠞꠤꠡ꠆ꠔꠣꠄ ꠝꠥꠍꠣꠞꠦ ꠖꠞꠡꠘ ꠖꠤꠟꠣ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 1:2

ꠍꠦꠁꠞꠞ ꠙꠣꠠꠤꠀ ꠙꠕꠦꠖꠤ ꠔꠥꠞ ꠙꠣꠠ ꠕꠣꠇꠤ ꠇꠣꠖꠦꠡ-ꠛꠞꠘꠦꠀ ꠙꠞ꠆ꠎꠘ꠆ꠔ ꠀꠐꠤꠀ ꠎꠣꠁꠔꠦ ꠈꠣꠟꠤ ꠄꠉꠣꠞꠅ ꠖꠤꠘ ꠟꠣꠉꠦ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 1:6

“ꠅ ꠛꠘꠤ ꠁꠍꠞꠣꠁꠟ, ꠢꠥꠘꠅ, ꠀꠝꠞꠣ ꠔꠥꠞ ꠙꠣꠠꠞ ꠉꠣꠟꠣꠔ ꠕꠣꠇꠣꠞ ꠇꠣꠟꠅ ꠝꠣꠛꠥꠖ ꠀꠟ꠆ꠟꠣꠄ ꠀꠝꠞꠣꠞꠦ ꠇꠁꠍꠟꠣ, ꠅꠃ ꠙꠣꠠꠞ ꠉꠣꠟꠣꠔ ꠔꠥꠝꠞꠣꠞ ꠛꠃꠔ ꠖꠤꠘ ꠉꠥꠎꠞꠤ ꠉꠦꠍꠦ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 4:10

ꠀꠞ ꠔꠥꠝꠞꠣ ꠢꠃ ꠖꠤꠘꠞ ꠊꠐꠘꠣ ꠝꠘꠅ ꠇꠞꠅ, ꠎꠦ ꠖꠤꠘ ꠔꠥꠝꠞꠣ ꠔꠥꠞ ꠙꠣꠠꠅ ꠀꠙꠘ ꠝꠣꠛꠥꠖ ꠀꠟ꠆ꠟꠣꠞ ꠍꠣꠝꠘꠦ ꠀꠎꠤꠞ ꠅꠁꠍꠟꠣꠄ। ꠎꠦꠛꠟꠣ ꠔꠣꠁꠘ ꠀꠝꠣꠞꠦ ꠇꠁꠍꠟꠣ, ꠀꠝꠣꠞ ꠇꠣꠟꠣꠝ ꠢꠥꠘꠣꠞ ꠟꠣꠉꠤ ꠔꠥꠝꠤ ꠢꠇ꠆ꠇꠟ ꠝꠣꠘꠡꠞꠦ ꠖꠟꠣ ꠇꠞꠤꠀ ꠀꠝꠣꠞ ꠍꠣꠝꠘꠦ ꠀꠘꠅ, ꠔꠦꠃ ꠔꠣꠞꠣ ꠢꠤꠇꠛꠣ, ꠁ ꠎꠉꠔꠅ ꠔꠣꠞꠣ ꠎꠔꠖꠤꠘ ꠎꠤꠘ꠆ꠖꠣ ꠞꠁꠛꠣ, ꠅꠔꠖꠤꠘ ꠀꠝꠣꠞꠦ ꠒꠞꠣꠁꠀ ꠞꠁꠔꠣ, ꠀꠞ ꠔꠣꠞꠣꠞ ꠢꠥꠞꠥꠔ꠆ꠔꠣꠁꠘꠞꠦꠅ ꠅꠟꠣ ꠌꠟꠣꠞ ꠔꠣꠟꠤꠝ ꠖꠤꠔꠣ।